| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. චක්‌කවත්‌තිවග්‌ගො
5. Cakkavattivaggo
1. විධාසුත්‌තං
1. Vidhāsuttaṃ
222. සාවත්‌ථිනිදානං . ‘‘යෙ හි කෙචි, භික්‌ඛවෙ, අතීතමද්‌ධානං සමණා වා බ්‍රාහ්‌මණා වා තිස්‌සො විධා පජහිංසු, සබ්‌බෙ තෙ සත්‌තන්‌නං බොජ්‌ඣඞ්‌ගානං භාවිතත්‌තා බහුලීකතත්‌තා. යෙ හි කෙචි, භික්‌ඛවෙ, අනාගතමද්‌ධානං සමණා වා බ්‍රාහ්‌මණා වා තිස්‌සො විධා පජහිස්‌සන්‌ති, සබ්‌බෙ තෙ සත්‌තන්‌නං බොජ්‌ඣඞ්‌ගානං භාවිතත්‌තා බහුලීකතත්‌තා. යෙ හි කෙචි, භික්‌ඛවෙ, එතරහි සමණා වා බ්‍රාහ්‌මණා වා තිස්‌සො විධා පජහන්‌ති, සබ්‌බෙ තෙ සත්‌තන්‌නං බොජ්‌ඣඞ්‌ගානං භාවිතත්‌තා බහුලීකතත්‌තා. කතමෙසං සත්‌තන්‌නං බොජ්‌ඣඞ්‌ගානං? සතිසම්‌බොජ්‌ඣඞ්‌ගස්‌ස…පෙ.… උපෙක්‌ඛාසම්‌බොජ්‌ඣඞ්‌ගස්‌ස. යෙ හි කෙචි, භික්‌ඛවෙ, අතීතමද්‌ධානං සමණා වා බ්‍රාහ්‌මණා වා තිස්‌සො විධා පජහිංසු…පෙ.… පජහිස්‌සන්‌ති…පෙ.… පජහන්‌ති, සබ්‌බෙ තෙ ඉමෙසංයෙව සත්‌තන්‌නං බොජ්‌ඣඞ්‌ගානං භාවිතත්‌තා බහුලීකතත්‌තා’’ති. පඨමං.
222. Sāvatthinidānaṃ . ‘‘Ye hi keci, bhikkhave, atītamaddhānaṃ samaṇā vā brāhmaṇā vā tisso vidhā pajahiṃsu, sabbe te sattannaṃ bojjhaṅgānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā tisso vidhā pajahissanti, sabbe te sattannaṃ bojjhaṅgānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā tisso vidhā pajahanti, sabbe te sattannaṃ bojjhaṅgānaṃ bhāvitattā bahulīkatattā. Katamesaṃ sattannaṃ bojjhaṅgānaṃ? Satisambojjhaṅgassa…pe… upekkhāsambojjhaṅgassa. Ye hi keci, bhikkhave, atītamaddhānaṃ samaṇā vā brāhmaṇā vā tisso vidhā pajahiṃsu…pe… pajahissanti…pe… pajahanti, sabbe te imesaṃyeva sattannaṃ bojjhaṅgānaṃ bhāvitattā bahulīkatattā’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. විධාසුත්‌තවණ්‌ණනා • 1. Vidhāsuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. විධාසුත්‌තවණ්‌ණනා • 1. Vidhāsuttavaṇṇanā
