| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
6. බීජනිවග්‌ගො
6. Bījanivaggo
1. විධූපනදායකත්‌ථෙරඅපදානවණ්‌ණනා
1. Vidhūpanadāyakattheraapadānavaṇṇanā
පදුමුත්‌තරබුද්‌ධස්‌සාතිආදිකං ආයස්‌මතො විධූපනදායකත්‌ථෙරස්‌ස අපදානං. අයම්‌පි පුරිමජිනවරෙසු පූරිතපුඤ්‌ඤසම්‌භාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො පදුමුත්‌තරස්‌ස භගවතො කාලෙ එකස්‌මිං කුලගෙහෙ නිබ්‌බත්‌තො විඤ්‌ඤුතං පත්‌තො විභවසම්‌පන්‌නො සද්‌ධාජාතො භගවති පසන්‌නො ගිම්‌හකාලෙ සුවණ්‌ණරජතමුත්‌තාමණිමයං බීජනිං කාරෙත්‌වා භගවතො අදාසි. සො තෙන පුඤ්‌ඤකම්‌මෙන දෙවෙසු ච මනුස්‌සෙසු ච සංසරන්‌තො ද්‌වෙ සම්‌පත්‌තියො අනුභවිත්‌වා ඉමස්‌ස අම්‌හාකං සම්‌මාසම්‌බුද්‌ධස්‌ස උප්‌පන්‌නකාලෙ එකස්‌මිං කුලගෙහෙ නිබ්‌බත්‌තො ඝරබන්‌ධනෙන බන්‌ධිත්‌වා ඝරාවාසෙ ආදීනවං දිස්‌වා පබ්‌බජ්‌ජාය ච ආනිසංසං දිස්‌වා සද්‌ධාසම්‌පන්‌නො සාසනෙ පබ්‌බජිත්‌වා විපස්‌සනං වඩ්‌ඪෙත්‌වා නචිරස්‌සෙව අරහා අහොසි.
Padumuttarabuddhassātiādikaṃ āyasmato vidhūpanadāyakattherassa apadānaṃ. Ayampi purimajinavaresu pūritapuññasambhāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto viññutaṃ patto vibhavasampanno saddhājāto bhagavati pasanno gimhakāle suvaṇṇarajatamuttāmaṇimayaṃ bījaniṃ kāretvā bhagavato adāsi. So tena puññakammena devesu ca manussesu ca saṃsaranto dve sampattiyo anubhavitvā imassa amhākaṃ sammāsambuddhassa uppannakāle ekasmiṃ kulagehe nibbatto gharabandhanena bandhitvā gharāvāse ādīnavaṃ disvā pabbajjāya ca ānisaṃsaṃ disvā saddhāsampanno sāsane pabbajitvā vipassanaṃ vaḍḍhetvā nacirasseva arahā ahosi.
1. සො ‘‘කෙන මයා පුඤ්‌ඤකම්‌මෙන අයං ලොකුත්‌තරසම්‌පත්‌ති ලද්‌ධා’’ති අත්‌තනො පුබ්‌බකම්‌මං අනුස්‌සරන්‌තො තං පච්‌චක්‌ඛතො ඤත්‌වා පුබ්‌බචරිතාපදානං පකාසෙන්‌තො පදුමුත්‌තරබුද්‌ධස්‌සාතිආදිමාහ. තං හෙට්‌ඨා වුත්‌තත්‌ථමෙව. බීජනිකා මයා දින්‌නාති විසෙසෙන සන්‌තාපයන්‌තානං සත්‌තානං සන්‌තාපං නිබ්‌බාපෙන්‌ති සීතලං වාතං ජනෙතීති බීජනී, බීජනීයෙව බීජනිකා, සා සත්‌තරතනමයා විජ්‌ජොතමානා බීජනිකා මයා කාරාපෙත්‌වා දින්‌නාති අත්‌ථො.
1. So ‘‘kena mayā puññakammena ayaṃ lokuttarasampatti laddhā’’ti attano pubbakammaṃ anussaranto taṃ paccakkhato ñatvā pubbacaritāpadānaṃ pakāsento padumuttarabuddhassātiādimāha. Taṃ heṭṭhā vuttatthameva. Bījanikā mayā dinnāti visesena santāpayantānaṃ sattānaṃ santāpaṃ nibbāpenti sītalaṃ vātaṃ janetīti bījanī, bījanīyeva bījanikā, sā sattaratanamayā vijjotamānā bījanikā mayā kārāpetvā dinnāti attho.
විධූපනදායකත්‌ථෙරඅපදානවණ්‌ණනා සමත්‌තා.
Vidhūpanadāyakattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 1. විධූපනදායකත්‌ථෙරඅපදානං • 1. Vidhūpanadāyakattheraapadānaṃ
