| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਬੀਜਨਿવਗ੍ਗੋ
6. Bījanivaggo
੧. વਿਧੂਪਨਦਾਯਕਤ੍ਥੇਰਅਪਦਾਨવਣ੍ਣਨਾ
1. Vidhūpanadāyakattheraapadānavaṇṇanā
ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਕਂ ਆਯਸ੍ਮਤੋ વਿਧੂਪਨਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਪੂਰਿਤਪੁਞ੍ਞਸਮ੍ਭਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ વਿਭવਸਮ੍ਪਨ੍ਨੋ ਸਦ੍ਧਾਜਾਤੋ ਭਗવਤਿ ਪਸਨ੍ਨੋ ਗਿਮ੍ਹਕਾਲੇ ਸੁવਣ੍ਣਰਜਤਮੁਤ੍ਤਾਮਣਿਮਯਂ ਬੀਜਨਿਂ ਕਾਰੇਤ੍વਾ ਭਗવਤੋ ਅਦਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવੇਸੁ ਚ ਮਨੁਸ੍ਸੇਸੁ ਚ ਸਂਸਰਨ੍ਤੋ ਦ੍વੇ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਸ ਅਮ੍ਹਾਕਂ ਸਮ੍ਮਾਸਮ੍ਬੁਦ੍ਧਸ੍ਸ ਉਪ੍ਪਨ੍ਨਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਘਰਬਨ੍ਧਨੇਨ ਬਨ੍ਧਿਤ੍વਾ ਘਰਾવਾਸੇ ਆਦੀਨવਂ ਦਿਸ੍વਾ ਪਬ੍ਬਜ੍ਜਾਯ ਚ ਆਨਿਸਂਸਂ ਦਿਸ੍વਾ ਸਦ੍ਧਾਸਮ੍ਪਨ੍ਨੋ ਸਾਸਨੇ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Padumuttarabuddhassātiādikaṃ āyasmato vidhūpanadāyakattherassa apadānaṃ. Ayampi purimajinavaresu pūritapuññasambhāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto viññutaṃ patto vibhavasampanno saddhājāto bhagavati pasanno gimhakāle suvaṇṇarajatamuttāmaṇimayaṃ bījaniṃ kāretvā bhagavato adāsi. So tena puññakammena devesu ca manussesu ca saṃsaranto dve sampattiyo anubhavitvā imassa amhākaṃ sammāsambuddhassa uppannakāle ekasmiṃ kulagehe nibbatto gharabandhanena bandhitvā gharāvāse ādīnavaṃ disvā pabbajjāya ca ānisaṃsaṃ disvā saddhāsampanno sāsane pabbajitvā vipassanaṃ vaḍḍhetvā nacirasseva arahā ahosi.
੧. ਸੋ ‘‘ਕੇਨ ਮਯਾ ਪੁਞ੍ਞਕਮ੍ਮੇਨ ਅਯਂ ਲੋਕੁਤ੍ਤਰਸਮ੍ਪਤ੍ਤਿ ਲਦ੍ਧਾ’’ਤਿ ਅਤ੍ਤਨੋ ਪੁਬ੍ਬਕਮ੍ਮਂ ਅਨੁਸ੍ਸਰਨ੍ਤੋ ਤਂ ਪਚ੍ਚਕ੍ਖਤੋ ਞਤ੍વਾ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। ਬੀਜਨਿਕਾ ਮਯਾ ਦਿਨ੍ਨਾਤਿ વਿਸੇਸੇਨ ਸਨ੍ਤਾਪਯਨ੍ਤਾਨਂ ਸਤ੍ਤਾਨਂ ਸਨ੍ਤਾਪਂ ਨਿਬ੍ਬਾਪੇਨ੍ਤਿ ਸੀਤਲਂ વਾਤਂ ਜਨੇਤੀਤਿ ਬੀਜਨੀ, ਬੀਜਨੀਯੇવ ਬੀਜਨਿਕਾ, ਸਾ ਸਤ੍ਤਰਤਨਮਯਾ વਿਜ੍ਜੋਤਮਾਨਾ ਬੀਜਨਿਕਾ ਮਯਾ ਕਾਰਾਪੇਤ੍વਾ ਦਿਨ੍ਨਾਤਿ ਅਤ੍ਥੋ।
1. So ‘‘kena mayā puññakammena ayaṃ lokuttarasampatti laddhā’’ti attano pubbakammaṃ anussaranto taṃ paccakkhato ñatvā pubbacaritāpadānaṃ pakāsento padumuttarabuddhassātiādimāha. Taṃ heṭṭhā vuttatthameva. Bījanikā mayā dinnāti visesena santāpayantānaṃ sattānaṃ santāpaṃ nibbāpenti sītalaṃ vātaṃ janetīti bījanī, bījanīyeva bījanikā, sā sattaratanamayā vijjotamānā bījanikā mayā kārāpetvā dinnāti attho.
વਿਧੂਪਨਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Vidhūpanadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. વਿਧੂਪਨਦਾਯਕਤ੍ਥੇਰਅਪਦਾਨਂ • 1. Vidhūpanadāyakattheraapadānaṃ
