Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[546] 9. вид̇хураж̇аад̇агаван̣н̣анаа

[546] 9. Vidhurajātakavaṇṇanā

жад̇убосат̇аган̣д̣ам̣

Catuposathakaṇḍaṃ

бан̣д̣у гисияааси д̣̇уб̣б̣алаад̇и ид̣̇ам̣ сад̇т̇аа ж̇зд̇аванз вихаранд̇о ад̇д̇ано бан̃н̃аабаарамим̣ аараб̣бха гат̇зси. згад̣̇ивасан̃хи бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, сад̇т̇аа махаабан̃н̃о бут̇убан̃н̃о г̇амбхийрабан̃н̃о ж̇аванабан̃н̃о хаасабан̃н̃о д̇игкабан̃н̃о ниб̣б̣зд̇хигабан̃н̃о бараббаваад̣̇амад̣̇д̣̇ано, ад̇д̇ано бан̃н̃аанубхаавзна кад̇д̇ияабан̣д̣ид̇аад̣̇ийхи абхисан̇кад̇з сукумабан̃хз бхинд̣̇ид̇ваа д̇з д̣̇амзд̇ваа ниб̣б̣исзванз гад̇ваа д̇ийсу саран̣зсу жзва сийлзсу жа бад̇идтаабзд̇ваа амад̇аг̇аамимаг̇г̇ам̣ бадибаад̣̇зсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘анажчарияам̣, бхигкавз, яам̣ д̇ат̇ааг̇ад̇о барамаабхисамб̣од̇хиббад̇д̇о бараббаваад̣̇ам̣ бхинд̣̇ид̇ваа кад̇д̇ияаад̣̇аяо д̣̇амзяяа. буримабхавасмин̃хи б̣од̇хин̃аан̣ам̣ бариязсанд̇оби д̇ат̇ааг̇ад̇о бан̃н̃аваа бараббаваад̣̇амад̣̇д̣̇аноязва. д̇ат̇аа хи ахам̣ вид̇хурагаалз садтияож̇ануб̣б̣зд̇хз гаал̣абаб̣б̣ад̇амуд̣̇д̇хани бун̣н̣агам̣ наама яагкасзнаабад̇им̣ ад̇д̇ано н̃аан̣аб̣алзнзва д̣̇амзд̇ваа ниб̣б̣исзванам̣ гад̇ваа бан̃жасийлзсу бад̇идтаабзнд̇о ад̇д̇ано ж̇ийвид̇ам̣ д̣̇аабзси’’нд̇и вад̇ваа д̇зхи яаажид̇о ад̇ийд̇ам̣ аахари.

Paṇḍukisiyāsi dubbalāti idaṃ satthā jetavane viharanto attano paññāpāramiṃ ārabbha kathesi. Ekadivasañhi bhikkhū dhammasabhāyaṃ kathaṃ samuṭṭhāpesuṃ ‘‘āvuso, satthā mahāpañño puthupañño gambhīrapañño javanapañño hāsapañño tikkhapañño nibbedhikapañño parappavādamaddano, attano paññānubhāvena khattiyapaṇḍitādīhi abhisaṅkhate sukhumapañhe bhinditvā te dametvā nibbisevane katvā tīsu saraṇesu ceva sīlesu ca patiṭṭhāpetvā amatagāmimaggaṃ paṭipādesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘anacchariyaṃ, bhikkhave, yaṃ tathāgato paramābhisambodhippatto parappavādaṃ bhinditvā khattiyādayo dameyya. Purimabhavasmiñhi bodhiñāṇaṃ pariyesantopi tathāgato paññavā parappavādamaddanoyeva. Tathā hi ahaṃ vidhurakāle saṭṭhiyojanubbedhe kāḷapabbatamuddhani puṇṇakaṃ nāma yakkhasenāpatiṃ attano ñāṇabaleneva dametvā nibbisevanaṃ katvā pañcasīlesu patiṭṭhāpento attano jīvitaṃ dāpesi’’nti vatvā tehi yācito atītaṃ āhari.

ад̇ийд̇з гурурадтз инд̣̇абад̇т̇анаг̇арз д̇ханан̃жаяагораб̣яо наама рааж̇аа раж̇ж̇ам̣ гаарзси. вид̇хурабан̣д̣ид̇о наама амажжо д̇асса ад̇т̇ад̇хаммаанусаасаго ахоси. со мад̇хурагат̇о махаад̇хаммагат̇иго сагалаж̇амб̣уд̣̇ийбз рааж̇аано хад̇т̇иганд̇авийн̣аасарзна балуд̣̇д̇хахад̇т̇ино вияа ад̇д̇ано мад̇хурад̇хаммад̣̇зсанааяа балобхзд̇ваа д̇зсам̣ сагасагараж̇ж̇аани г̇анд̇ум̣ ад̣̇ад̣̇амаано б̣уд̣̇д̇халийлааяа махааж̇анасса д̇хаммам̣ д̣̇зсзнд̇о маханд̇зна яасзна д̇асмим̣ наг̇арз бадиваси.

Atīte kururaṭṭhe indapatthanagare dhanañcayakorabyo nāma rājā rajjaṃ kāresi. Vidhurapaṇḍito nāma amacco tassa atthadhammānusāsako ahosi. So madhurakatho mahādhammakathiko sakalajambudīpe rājāno hatthikantavīṇāsarena paluddhahatthino viya attano madhuradhammadesanāya palobhetvā tesaṃ sakasakarajjāni gantuṃ adadamāno buddhalīlāya mahājanassa dhammaṃ desento mahantena yasena tasmiṃ nagare paṭivasi.

д̇ад̣̇аа хи б̣аараан̣асияамби г̇ихисахааяагаа жад̇д̇ааро б̣раахман̣амахаасаалаа махаллагагаалз гаамзсу аад̣̇ийнавам̣ д̣̇исваа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа ванамуулапалаахаараа д̇ад̇т̇зва жирам̣ васид̇ваа лон̣амб̣иласзванад̇т̇ааяа жааригам̣ жарамаанаа ан̇г̇арадтз гаалажамбаанаг̇арам̣ бад̇ваа рааж̇уяяаанз васид̇ваа бунад̣̇ивасз бхигкааяа наг̇арам̣ бависим̣су. д̇ад̇т̇а жад̇д̇ааро сахааяагаа гудумб̣игаа д̇зсам̣ ирияаабат̇зсу басийд̣̇ид̇ваа ванд̣̇ид̇ваа бхигкаабхааж̇анам̣ г̇ахзд̇ваа згзгам̣ ад̇д̇ано нивзсанз нисийд̣̇аабзд̇ваа бан̣ийд̇зна аахаарзна баривисид̇ваа бадин̃н̃ам̣ г̇аахаабзд̇ваа уяяаанзязва ваасаабзсум̣. д̇з жад̇д̇ааро д̇аабасаа жад̇уннам̣ гудумб̣игаанам̣ г̇зхзсу ниб̣ад̣̇д̇хам̣ бхун̃ж̇ид̇ваа д̣̇иваавихаарад̇т̇ааяа зго д̇аабасо д̇аавад̇им̣сабхаванам̣ г̇ажчад̇и, зго нааг̇абхаванам̣, зго субан̣н̣абхаванам̣, зго гораб̣яаран̃н̃о миг̇ааж̇инауяяаанам̣ г̇ажчад̇и. д̇зсу яо д̣̇звалогам̣ г̇анд̇ваа д̣̇иваавихаарам̣ гарод̇и, со саггасса яасам̣ ологзд̇ваа ад̇д̇ано убадтаагасса д̇амзва ван̣н̣зд̇и. яо нааг̇абхаванам̣ г̇анд̇ваа д̣̇иваавихаарам̣ гарод̇и, со нааг̇арааж̇асса самбад̇д̇им̣ ологзд̇ваа ад̇д̇ано убадтаагасса д̇амзва ван̣н̣зд̇и. яо субан̣н̣абхаванам̣ г̇анд̇ваа д̣̇иваавихаарам̣ гарод̇и, со субан̣н̣арааж̇асса вибхууд̇им̣ ологзд̇ваа ад̇д̇ано убадтаагасса д̇амзва ван̣н̣зд̇и. яо д̇ханан̃жаяагораб̣яарааж̇асса уяяаанам̣ г̇анд̇ваа д̣̇иваавихаарам̣ гарод̇и, со д̇ханан̃жаяагораб̣яаран̃н̃о сирисобхаг̇г̇ам̣ ологзд̇ваа ад̇д̇ано убадтаагасса д̇амзва ван̣н̣зд̇и.

Tadā hi bārāṇasiyampi gihisahāyakā cattāro brāhmaṇamahāsālā mahallakakāle kāmesu ādīnavaṃ disvā himavantaṃ pavisitvā isipabbajjaṃ pabbajitvā abhiññā ca samāpattiyo ca nibbattetvā vanamūlaphalāhārā tattheva ciraṃ vasitvā loṇambilasevanatthāya cārikaṃ caramānā aṅgaraṭṭhe kālacampānagaraṃ patvā rājuyyāne vasitvā punadivase bhikkhāya nagaraṃ pavisiṃsu. Tattha cattāro sahāyakā kuṭumbikā tesaṃ iriyāpathesu pasīditvā vanditvā bhikkhābhājanaṃ gahetvā ekekaṃ attano nivesane nisīdāpetvā paṇītena āhārena parivisitvā paṭiññaṃ gāhāpetvā uyyāneyeva vāsāpesuṃ. Te cattāro tāpasā catunnaṃ kuṭumbikānaṃ gehesu nibaddhaṃ bhuñjitvā divāvihāratthāya eko tāpaso tāvatiṃsabhavanaṃ gacchati, eko nāgabhavanaṃ, eko supaṇṇabhavanaṃ, eko korabyarañño migājinauyyānaṃ gacchati. Tesu yo devalokaṃ gantvā divāvihāraṃ karoti, so sakkassa yasaṃ oloketvā attano upaṭṭhākassa tameva vaṇṇeti. Yo nāgabhavanaṃ gantvā divāvihāraṃ karoti, so nāgarājassa sampattiṃ oloketvā attano upaṭṭhākassa tameva vaṇṇeti. Yo supaṇṇabhavanaṃ gantvā divāvihāraṃ karoti, so supaṇṇarājassa vibhūtiṃ oloketvā attano upaṭṭhākassa tameva vaṇṇeti. Yo dhanañcayakorabyarājassa uyyānaṃ gantvā divāvihāraṃ karoti, so dhanañcayakorabyarañño sirisobhaggaṃ oloketvā attano upaṭṭhākassa tameva vaṇṇeti.

д̇з жад̇д̇аароби ж̇анаа д̇ам̣ д̇ад̣̇зва таанам̣ бад̇т̇зд̇ваа д̣̇аанаад̣̇ийни бун̃н̃аани гад̇ваа ааяубарияосаанз зго сагго худ̇ваа ниб̣б̣ад̇д̇и, зго сабуд̇д̇ад̣̇ааро нааг̇абхаванз нааг̇арааж̇аа худ̇ваа ниб̣б̣ад̇д̇и, зго субан̣н̣абхаванз симб̣аливимаанз субан̣н̣арааж̇аа худ̇ваа ниб̣б̣ад̇д̇и. зго д̇ханан̃жаяагораб̣яаран̃н̃о аг̇г̇амахзсияаа гужчимхи ниб̣б̣ад̇д̇и. д̇зби д̇аабасаа абарихийнаж̇жхаанаа гаалам̣ гад̇ваа б̣рахмалогз ниб̣б̣ад̇д̇им̣су. гораб̣яагумааро вуд̣дхиманвааяа бид̇у ажжаязна раж̇ж̇з бад̇идтахид̇ваа д̇хаммзна самзна раж̇ж̇ам̣ гаарзси. со бана ж̇ууд̇авид̇д̇аго ахоси. со вид̇хурабан̣д̣ид̇асса оваад̣̇з тад̇ваа д̣̇аанам̣ д̣̇зд̇и, сийлам̣ рагкад̇и, убосат̇ам̣ убавасад̇и.

Te cattāropi janā taṃ tadeva ṭhānaṃ patthetvā dānādīni puññāni katvā āyupariyosāne eko sakko hutvā nibbatti, eko saputtadāro nāgabhavane nāgarājā hutvā nibbatti, eko supaṇṇabhavane simbalivimāne supaṇṇarājā hutvā nibbatti. Eko dhanañcayakorabyarañño aggamahesiyā kucchimhi nibbatti. Tepi tāpasā aparihīnajjhānā kālaṃ katvā brahmaloke nibbattiṃsu. Korabyakumāro vuḍḍhimanvāya pitu accayena rajje patiṭṭhahitvā dhammena samena rajjaṃ kāresi. So pana jūtavittako ahosi. So vidhurapaṇḍitassa ovāde ṭhatvā dānaṃ deti, sīlaṃ rakkhati, uposathaṃ upavasati.

со згад̣̇ивасам̣ самаад̣̇иннубосат̇о ‘‘вивзгамануб̣руухиссаамий’’д̇и уяяаанам̣ г̇анд̇ваа манун̃н̃адтаанз нисийд̣̇ид̇ваа саман̣ад̇хаммам̣ агааси. саггоби самаад̣̇иннубосат̇о ‘‘д̣̇звалогз балиб̣од̇хо ход̇ий’’д̇и мануссалогз д̇амзва уяяаанам̣ ааг̇анд̇ваа згасмим̣ манун̃н̃адтаанз нисийд̣̇ид̇ваа саман̣ад̇хаммам̣ агааси. варун̣анааг̇арааж̇ааби самаад̣̇иннубосат̇о ‘‘нааг̇абхаванз балиб̣од̇хо ход̇ий’’д̇и д̇ад̇т̇звааг̇анд̇ваа згасмим̣ манун̃н̃адтаанз нисийд̣̇ид̇ваа саман̣ад̇хаммам̣ агааси. субан̣н̣арааж̇ааби самаад̣̇иннубосат̇о ‘‘субан̣н̣абхаванз балиб̣од̇хо ход̇ий’’д̇и д̇ад̇т̇звааг̇анд̇ваа згасмим̣ манун̃н̃адтаанз нисийд̣̇ид̇ваа саман̣ад̇хаммам̣ агааси. д̇зби жад̇д̇ааро ж̇анаа сааяанхасамаяз сагадтаанзхи нигкамид̇ваа ман̇г̇алабогкаран̣ид̇ийрз самааг̇анд̇ваа ан̃н̃аман̃н̃ам̣ ологзд̇ваа буб̣б̣асинзхавасзна самаг̇г̇аа саммод̣̇амаанаа худ̇ваа ан̃н̃аман̃н̃ам̣ мзд̇д̇ажид̇д̇ам̣ убадтабзд̇ваа мад̇хурабадисант̇аарам̣ гарим̣су. д̇зсу сагго ман̇г̇аласилаабаддз нисийд̣̇и, ид̇арзби ад̇д̇ано ад̇д̇ано яуд̇д̇аасанам̣ н̃ад̇ваа нисийд̣̇им̣су. ат̇а нз сагго ааха ‘‘маяам̣ жад̇д̇аароби рааж̇аанова , амхзсу бана гасса сийлам̣ маханд̇а’’нд̇и? ат̇а нам̣ варун̣анааг̇арааж̇аа ааха ‘‘д̇умхаагам̣ д̇ин̣н̣ам̣ ж̇анаанам̣ сийлад̇о маяхам̣ сийлам̣ маханд̇а’’нд̇и. ‘‘гимзд̇т̇а гааран̣а’’нд̇и? ‘‘аяам̣ субан̣н̣арааж̇аа амхаагам̣ ж̇аад̇аанамби аж̇аад̇аанамби бажжаамид̇д̇ова, ахам̣ зваруубам̣ амхаагам̣ ж̇ийвид̇агкаяагарам̣ бажжаамид̇д̇ам̣ д̣̇исвааби год̇хам̣ на гароми, иминаа гааран̣зна мама сийлам̣ маханд̇а’’нд̇и вад̇ваа ид̣̇ам̣ д̣̇асаганибаад̇з жад̇убосат̇аж̇аад̇агз батамам̣ г̇аат̇амааха –

So ekadivasaṃ samādinnuposatho ‘‘vivekamanubrūhissāmī’’ti uyyānaṃ gantvā manuññaṭṭhāne nisīditvā samaṇadhammaṃ akāsi. Sakkopi samādinnuposatho ‘‘devaloke palibodho hotī’’ti manussaloke tameva uyyānaṃ āgantvā ekasmiṃ manuññaṭṭhāne nisīditvā samaṇadhammaṃ akāsi. Varuṇanāgarājāpi samādinnuposatho ‘‘nāgabhavane palibodho hotī’’ti tatthevāgantvā ekasmiṃ manuññaṭṭhāne nisīditvā samaṇadhammaṃ akāsi. Supaṇṇarājāpi samādinnuposatho ‘‘supaṇṇabhavane palibodho hotī’’ti tatthevāgantvā ekasmiṃ manuññaṭṭhāne nisīditvā samaṇadhammaṃ akāsi. Tepi cattāro janā sāyanhasamaye sakaṭṭhānehi nikkhamitvā maṅgalapokkharaṇitīre samāgantvā aññamaññaṃ oloketvā pubbasinehavasena samaggā sammodamānā hutvā aññamaññaṃ mettacittaṃ upaṭṭhapetvā madhurapaṭisanthāraṃ kariṃsu. Tesu sakko maṅgalasilāpaṭṭe nisīdi, itarepi attano attano yuttāsanaṃ ñatvā nisīdiṃsu. Atha ne sakko āha ‘‘mayaṃ cattāropi rājānova , amhesu pana kassa sīlaṃ mahanta’’nti? Atha naṃ varuṇanāgarājā āha ‘‘tumhākaṃ tiṇṇaṃ janānaṃ sīlato mayhaṃ sīlaṃ mahanta’’nti. ‘‘Kimettha kāraṇa’’nti? ‘‘Ayaṃ supaṇṇarājā amhākaṃ jātānampi ajātānampi paccāmittova, ahaṃ evarūpaṃ amhākaṃ jīvitakkhayakaraṃ paccāmittaṃ disvāpi kodhaṃ na karomi, iminā kāraṇena mama sīlaṃ mahanta’’nti vatvā idaṃ dasakanipāte catuposathajātake paṭhamaṃ gāthamāha –

‘‘яо гобанзяяз на гарод̇и гобам̣, на гуж̇жхад̇и саббурисо гад̣̇аажи;

‘‘Yo kopaneyye na karoti kopaṃ, na kujjhati sappuriso kadāci;

гуд̣̇д̇хоби со наавигарод̇и гобам̣, д̇ам̣ вз нарам̣ саман̣амааху логз’’д̇и. (ж̇аа. 1.10.24);

Kuddhopi so nāvikaroti kopaṃ, taṃ ve naraṃ samaṇamāhu loke’’ti. (jā. 1.10.24);

д̇ад̇т̇а яод̇и кад̇д̇ияаад̣̇ийсу яо гожи. гобанзяязд̇и гуж̇жхид̇аб̣б̣аяуд̇д̇агз буг̇г̇алз канд̇ийваад̣̇ийд̇аабасо вияа гобам̣ на гарод̇и. гад̣̇аажийд̇и яо гисмин̃жи гаалз на гуж̇жхад̇зва. гуд̣̇д̇хобийд̇и сажз бана со саббурисо гуж̇жхад̇и, ат̇а гуд̣̇д̇хоби д̇ам̣ гобам̣ наавигарод̇и жуул̣аб̣од̇хид̇аабасо вияа. д̇ам̣ вз наранд̇и махаарааж̇аано д̇ам̣ вз бурисам̣ самид̇абаабад̇ааяа логз бан̣д̣ид̇аа ‘‘саман̣а’’нд̇и гат̇знд̇и. имз бана г̇ун̣аа маяи санд̇и, д̇асмаа мамзва сийлам̣ маханд̇анд̇и.

Tattha yoti khattiyādīsu yo koci. Kopaneyyeti kujjhitabbayuttake puggale khantīvādītāpaso viya kopaṃ na karoti. Kadācīti yo kismiñci kāle na kujjhateva. Kuddhopīti sace pana so sappuriso kujjhati, atha kuddhopi taṃ kopaṃ nāvikaroti cūḷabodhitāpaso viya. Taṃ ve naranti mahārājāno taṃ ve purisaṃ samitapāpatāya loke paṇḍitā ‘‘samaṇa’’nti kathenti. Ime pana guṇā mayi santi, tasmā mameva sīlaṃ mahantanti.

д̇ам̣ суд̇ваа субан̣н̣арааж̇аа ‘‘аяам̣ нааг̇о мама аг̇г̇абхагко, яасмаа банаахам̣ зваруубам̣ аг̇г̇абхагкам̣ д̣̇исвааби куд̣̇ам̣ ад̇хиваасзд̇ваа аахаарахзд̇у баабам̣ на гароми, д̇асмаа мамзва сийлам̣ маханд̇а’’нд̇и вад̇ваа имам̣ г̇аат̇амааха –

Taṃ sutvā supaṇṇarājā ‘‘ayaṃ nāgo mama aggabhakkho, yasmā panāhaṃ evarūpaṃ aggabhakkhaṃ disvāpi khudaṃ adhivāsetvā āhārahetu pāpaṃ na karomi, tasmā mameva sīlaṃ mahanta’’nti vatvā imaṃ gāthamāha –

‘‘уунууд̣̇аро яо сахад̇з ж̇игхажчам̣, д̣̇анд̇о д̇абассий мид̇абаанабхож̇ано;

‘‘Ūnūdaro yo sahate jighacchaṃ, danto tapassī mitapānabhojano;

аахаарахзд̇у на гарод̇и баабам̣, д̇ам̣ вз нарам̣ саман̣амааху логз’’д̇и. (ж̇аа. 1.10.25);

Āhārahetu na karoti pāpaṃ, taṃ ve naraṃ samaṇamāhu loke’’ti. (jā. 1.10.25);

д̇ад̇т̇а д̣̇анд̇од̇и инд̣̇рияад̣̇аманзна саманнааг̇ад̇о. д̇абассийд̇и д̇абаниссид̇аго. аахаарахзд̇ууд̇и ад̇иж̇игхажчабил̣ид̇оби яо баабам̣ лаамагагаммам̣ на гарод̇и д̇хаммасзнаабад̇исаарибуд̇д̇ад̇т̇зро вияа. ахам̣ банаж̇ж̇а аахаарахзд̇у баабам̣ на гароми, д̇асмаа мамзва сийлам̣ маханд̇анд̇и.

Tattha dantoti indriyadamanena samannāgato. Tapassīti tapanissitako. Āhārahetūti atijighacchapiḷitopi yo pāpaṃ lāmakakammaṃ na karoti dhammasenāpatisāriputtatthero viya. Ahaṃ panajja āhārahetu pāpaṃ na karomi, tasmā mameva sīlaṃ mahantanti.

д̇ад̇о сагго д̣̇зварааж̇аа ‘‘ахам̣ наанаббагаарам̣ сукабад̣̇адтаанам̣ д̣̇звалогасамбад̇д̇им̣ бахааяа сийларагкан̣ад̇т̇ааяа мануссалогам̣ ааг̇ад̇о, д̇асмаа мамзва сийлам̣ маханд̇а’’нд̇и вад̇ваа имам̣ г̇аат̇амааха –

Tato sakko devarājā ‘‘ahaṃ nānappakāraṃ sukhapadaṭṭhānaṃ devalokasampattiṃ pahāya sīlarakkhaṇatthāya manussalokaṃ āgato, tasmā mameva sīlaṃ mahanta’’nti vatvā imaṃ gāthamāha –

‘‘кид̣д̣ам̣ рад̇им̣ виббаж̇ахид̇ваана саб̣б̣ам̣, на жаалигам̣ бхаасад̇и гин̃жи логз;

‘‘Khiḍḍaṃ ratiṃ vippajahitvāna sabbaṃ, na cālikaṃ bhāsati kiñci loke;

вибхуусадтаанаа вирад̇о мзт̇унасмаа, д̇ам̣ вз нарам̣ саман̣амааху логз’’д̇и. (ж̇аа. 1.10.26);

Vibhūsaṭṭhānā virato methunasmā, taṃ ve naraṃ samaṇamāhu loke’’ti. (jā. 1.10.26);

д̇ад̇т̇а кид̣д̣анд̇и гааяигаваажасигакид̣д̣ам̣. рад̇инд̇и д̣̇иб̣б̣агаамаг̇ун̣арад̇им̣. гин̃жийд̇и аббамад̇д̇агамби. вибхуусадтаанаад̇и мам̣савибхуусаа чавивибхуусаад̇и д̣̇вз вибхуусаа. д̇ад̇т̇а аж̇жхохаран̣ийяаахааро мам̣савибхуусаа наама, маалааг̇анд̇хаад̣̇ийни чавивибхуусаа наама, язна агусалажид̇д̇зна д̇хаарийяад̇и, д̇ам̣ д̇асса таанам̣, д̇ад̇о вирад̇о мзт̇унасзванад̇о жа яо бадивирад̇о. д̇ам̣ вз нарам̣ саман̣амааху логзд̇и ахам̣ аж̇ж̇а д̣̇зважчарааяо бахааяа ид̇хааг̇анд̇ваа саман̣ад̇хаммам̣ гароми, д̇асмаа мамзва сийлам̣ маханд̇анд̇и. звам̣ саггоби ад̇д̇ано сийламзва ван̣н̣зд̇и.

Tattha khiḍḍanti kāyikavācasikakhiḍḍaṃ. Ratinti dibbakāmaguṇaratiṃ. Kiñcīti appamattakampi. Vibhūsaṭṭhānāti maṃsavibhūsā chavivibhūsāti dve vibhūsā. Tattha ajjhoharaṇīyāhāro maṃsavibhūsā nāma, mālāgandhādīni chavivibhūsā nāma, yena akusalacittena dhārīyati, taṃ tassa ṭhānaṃ, tato virato methunasevanato ca yo paṭivirato. Taṃ ve naraṃ samaṇamāhu loketi ahaṃ ajja devaccharāyo pahāya idhāgantvā samaṇadhammaṃ karomi, tasmā mameva sīlaṃ mahantanti. Evaṃ sakkopi attano sīlameva vaṇṇeti.

д̇ам̣ суд̇ваа д̇ханан̃жаяарааж̇аа ‘‘ахам̣ аж̇ж̇а маханд̇ам̣ бариг̇г̇ахам̣ сол̣асасахассанаадагид̇т̇ибарибун̣н̣ам̣ анд̇збурам̣ жаж̇ид̇ваа уяяаанз саман̣ад̇хаммам̣ гароми, д̇асмаа мамзва сийлам̣ маханд̇а’’нд̇и вад̇ваа имам̣ г̇аат̇амааха –

Taṃ sutvā dhanañcayarājā ‘‘ahaṃ ajja mahantaṃ pariggahaṃ soḷasasahassanāṭakitthiparipuṇṇaṃ antepuraṃ cajitvā uyyāne samaṇadhammaṃ karomi, tasmā mameva sīlaṃ mahanta’’nti vatvā imaṃ gāthamāha –

‘‘бариг̇г̇ахам̣ лобхад̇хамман̃жа саб̣б̣ам̣, яо вз барин̃н̃ааяа барижжаж̇зд̇и;

‘‘Pariggahaṃ lobhadhammañca sabbaṃ, yo ve pariññāya pariccajeti;

д̣̇анд̇ам̣ тид̇ад̇д̇ам̣ амамам̣ нираасам̣, д̇ам̣ вз нарам̣ саман̣амааху логз’’д̇и. (ж̇аа. 1.10.27);

Dantaṃ ṭhitattaṃ amamaṃ nirāsaṃ, taṃ ve naraṃ samaṇamāhu loke’’ti. (jā. 1.10.27);

д̇ад̇т̇а бариг̇г̇аханд̇и наанаббагаарам̣ вад̇т̇угаамам̣. лобхад̇хамманд̇и д̇асмим̣ уббаж̇ж̇анад̇ан̣хам̣. барин̃н̃ааяаад̇и н̃аад̇абарин̃н̃аа, д̇ийран̣абарин̃н̃аа, бахаанабарин̃н̃аад̇и имаахи д̇ийхи барин̃н̃аахи бариж̇аанид̇ваа. д̇ад̇т̇а канд̇хаад̣̇ийнам̣ д̣̇угкаад̣̇исабхааваж̇аананам̣ н̃аад̇абарин̃н̃аа, д̇зсу аг̇ун̣ам̣ убад̇хаарзд̇ваа д̇ийран̣ам̣ д̇ийран̣абарин̃н̃аа, д̇зсу д̣̇осам̣ д̣̇исваа чанд̣̇арааг̇ассаабагад̣дханам̣ бахаанабарин̃н̃аа. яо имаахи д̇ийхи барин̃н̃аахи ж̇аанид̇ваа вад̇т̇угаамагилзсагаамз барижжаж̇ад̇и, чад̣д̣зд̇ваа г̇ажчад̇и. д̣̇анд̇анд̇и ниб̣б̣исзванам̣. тид̇ад̇д̇анд̇и мижчаавид̇аггаабхаавзна тид̇асабхаавам̣. амаманд̇и аханд̇и мамааяанад̇ан̣хаарахид̇ам̣. нираасанд̇и буд̇д̇ад̣̇аараад̣̇ийсу нижчанд̣̇арааг̇ам̣. д̇ам̣ вз наранд̇и д̇ам̣ зваруубам̣ буг̇г̇алам̣ ‘‘саман̣а’’нд̇и вад̣̇анд̇и.

Tattha pariggahanti nānappakāraṃ vatthukāmaṃ. Lobhadhammanti tasmiṃ uppajjanataṇhaṃ. Pariññāyāti ñātapariññā, tīraṇapariññā, pahānapariññāti imāhi tīhi pariññāhi parijānitvā. Tattha khandhādīnaṃ dukkhādisabhāvajānanaṃ ñātapariññā, tesu aguṇaṃ upadhāretvā tīraṇaṃ tīraṇapariññā, tesu dosaṃ disvā chandarāgassāpakaḍḍhanaṃ pahānapariññā. Yo imāhi tīhi pariññāhi jānitvā vatthukāmakilesakāme pariccajati, chaḍḍetvā gacchati. Dantanti nibbisevanaṃ. Ṭhitattanti micchāvitakkābhāvena ṭhitasabhāvaṃ. Amamanti ahanti mamāyanataṇhārahitaṃ. Nirāsanti puttadārādīsu nicchandarāgaṃ. Taṃ ve naranti taṃ evarūpaṃ puggalaṃ ‘‘samaṇa’’nti vadanti.

ид̇и д̇з саб̣б̣зби ад̇д̇ано ад̇д̇ано сийламзва маханд̇анд̇и ван̣н̣зд̇ваа саггаад̣̇аяо д̇ханан̃жаяам̣ бужчим̣су ‘‘ад̇т̇и бана, махаарааж̇а, гожи д̇умхаагам̣ санд̇игз бан̣д̣ид̇о, яо но имам̣ ган̇кам̣ винод̣̇зяяаа’’д̇и . ‘‘аама, махаарааж̇аано мама ад̇т̇ад̇хаммаанусаасаго махаабан̃н̃о асамад̇хуро вид̇хурабан̣д̣ид̇о наама ад̇т̇и, со но имам̣ ган̇кам̣ винод̣̇зссад̇и, д̇асса санд̇игам̣ г̇ажчаамаа’’д̇и. ат̇а д̇з саб̣б̣з ‘‘саад̇хуу’’д̇и самбадижчим̣су. ат̇а саб̣б̣зби уяяаанаа нигкамид̇ваа д̇хаммасабхам̣ г̇анд̇ваа баллан̇гам̣ алан̇гаараабзд̇ваа б̣од̇хисад̇д̇ам̣ баллан̇гаварамаж̇жхз нисийд̣̇аабзд̇ваа бадисант̇аарам̣ гад̇ваа згаманд̇ам̣ нисиннаа ‘‘бан̣д̣ид̇а, амхаагам̣ ган̇каа уббаннаа, д̇ам̣ но винод̣̇зхий’’д̇и вад̇ваа имам̣ г̇аат̇амаахам̣су –

Iti te sabbepi attano attano sīlameva mahantanti vaṇṇetvā sakkādayo dhanañcayaṃ pucchiṃsu ‘‘atthi pana, mahārāja, koci tumhākaṃ santike paṇḍito, yo no imaṃ kaṅkhaṃ vinodeyyā’’ti . ‘‘Āma, mahārājāno mama atthadhammānusāsako mahāpañño asamadhuro vidhurapaṇḍito nāma atthi, so no imaṃ kaṅkhaṃ vinodessati, tassa santikaṃ gacchāmā’’ti. Atha te sabbe ‘‘sādhū’’ti sampaṭicchiṃsu. Atha sabbepi uyyānā nikkhamitvā dhammasabhaṃ gantvā pallaṅkaṃ alaṅkārāpetvā bodhisattaṃ pallaṅkavaramajjhe nisīdāpetvā paṭisanthāraṃ katvā ekamantaṃ nisinnā ‘‘paṇḍita, amhākaṃ kaṅkhā uppannā, taṃ no vinodehī’’ti vatvā imaṃ gāthamāhaṃsu –

‘‘бужчаама гад̇д̇аараманомабан̃н̃ам̣, гат̇аасу но виг̇г̇ахо ад̇т̇и ж̇аад̇о;

‘‘Pucchāma kattāramanomapaññaṃ, kathāsu no viggaho atthi jāto;

чинд̣̇аж̇ж̇а ган̇кам̣ вижигижчид̇аани, д̇ад̣̇аж̇ж̇а ган̇кам̣ вид̇арзму саб̣б̣з’’д̇и. (ж̇аа. 1.10.28);

Chindajja kaṅkhaṃ vicikicchitāni, tadajja kaṅkhaṃ vitaremu sabbe’’ti. (jā. 1.10.28);

д̇ад̇т̇а гад̇д̇ааранд̇и гад̇д̇аб̣б̣аяуд̇д̇агагаарагам̣. виг̇г̇ахо ад̇т̇и ж̇аад̇од̇и зго сийлавиг̇г̇ахо сийлавиваад̣̇о уббанно ад̇т̇и. чинд̣̇аж̇ж̇аад̇и амхаагам̣ д̇ам̣ ган̇кам̣ д̇аани жа вижигижчид̇аани важ̇ирзна синзрум̣ бахаранд̇о вияа аж̇ж̇а чинд̣̇а. вид̇арзмууд̇и вид̇арзяяаама.

Tattha kattāranti kattabbayuttakakārakaṃ. Viggaho atthi jātoti eko sīlaviggaho sīlavivādo uppanno atthi. Chindajjāti amhākaṃ taṃ kaṅkhaṃ tāni ca vicikicchitāni vajirena sineruṃ paharanto viya ajja chinda. Vitaremūti vitareyyāma.

бан̣д̣ид̇о д̇зсам̣ гат̇ам̣ суд̇ваа ‘‘махаарааж̇аано д̇умхаагам̣ сийлам̣ ниссааяа уббаннам̣ виваад̣̇агат̇ам̣ сугат̇ид̇ад̣̇уггат̇ид̇ам̣ ж̇ааниссаамий’’д̇и вад̇ваа имам̣ г̇аат̇амааха –

Paṇḍito tesaṃ kathaṃ sutvā ‘‘mahārājāno tumhākaṃ sīlaṃ nissāya uppannaṃ vivādakathaṃ sukathitadukkathitaṃ jānissāmī’’ti vatvā imaṃ gāthamāha –

‘‘яз бан̣д̣ид̇аа ад̇т̇ад̣̇асаа бхаванд̇и, бхаасанд̇и д̇з яонисо д̇ад̇т̇а гаалз;

‘‘Ye paṇḍitā atthadasā bhavanti, bhāsanti te yoniso tattha kāle;

гат̇ам̣ ну гат̇аанам̣ абхаасид̇аанам̣, ад̇т̇ам̣ наязяяум̣ гусалаа ж̇анинд̣̇аа’’д̇и. (ж̇аа. 1.10.29);

Kathaṃ nu kathānaṃ abhāsitānaṃ, atthaṃ nayeyyuṃ kusalā janindā’’ti. (jā. 1.10.29);

д̇ад̇т̇а ад̇т̇ад̣̇асаад̇и ад̇т̇ад̣̇ассанасамад̇т̇аа. д̇ад̇т̇а гаалзд̇и д̇асмим̣ виг̇г̇ахз аарожид̇з яуд̇д̇аббаяуд̇д̇агаалз д̇з бан̣д̣ид̇аа д̇амад̇т̇ам̣ аажигканд̇аа яонисо бхаасанд̇и. ад̇т̇ам̣ наязяяум̣ гусалаад̇и гусалаа чзгааби самаанаа абхаасид̇аанам̣ гат̇аанам̣ гат̇ам̣ ну ад̇т̇ам̣ н̃аан̣зна наязяяум̣ убабаригкзяяум̣. ж̇анинд̣̇аад̇и рааж̇аано аалабад̇и. д̇асмаа ид̣̇ам̣ д̇аава мз вад̣̇зт̇а.

Tattha atthadasāti atthadassanasamatthā. Tattha kāleti tasmiṃ viggahe ārocite yuttappayuttakāle te paṇḍitā tamatthaṃ ācikkhantā yoniso bhāsanti. Atthaṃ nayeyyuṃ kusalāti kusalā chekāpi samānā abhāsitānaṃ kathānaṃ kathaṃ nu atthaṃ ñāṇena nayeyyuṃ upaparikkheyyuṃ. Janindāti rājāno ālapati. Tasmā idaṃ tāva me vadetha.

‘‘гат̇ам̣ хавз бхаасад̇и нааг̇арааж̇аа, г̇арул̣о бана взнад̇зяяо гимааха;

‘‘Kathaṃ have bhāsati nāgarājā, garuḷo pana venateyyo kimāha;

г̇анд̇хаб̣б̣арааж̇аа бана гим̣ вад̣̇зд̇и, гат̇ам̣ бана гуруунам̣ рааж̇асздто’’д̇и. (ж̇аа. 1.10.30);

Gandhabbarājā pana kiṃ vadeti, kathaṃ pana kurūnaṃ rājaseṭṭho’’ti. (jā. 1.10.30);

д̇ад̇т̇а г̇анд̇хаб̣б̣арааж̇аад̇и саггам̣ санд̇хааяааха.

Tattha gandhabbarājāti sakkaṃ sandhāyāha.

ат̇асса д̇з имам̣ г̇аат̇амаахам̣су –

Athassa te imaṃ gāthamāhaṃsu –

‘‘канд̇им̣ хавз бхаасад̇и нааг̇арааж̇аа, аббаахаарам̣ г̇арул̣о взнад̇зяяо;

‘‘Khantiṃ have bhāsati nāgarājā, appāhāraṃ garuḷo venateyyo;

г̇анд̇хаб̣б̣арааж̇аа рад̇ивиббахаанам̣, агин̃жанам̣ гуруунам̣ рааж̇асздто’’д̇и. (ж̇аа. 1.10.31);

Gandhabbarājā rativippahānaṃ, akiñcanaṃ kurūnaṃ rājaseṭṭho’’ti. (jā. 1.10.31);

д̇ассад̇т̇о – бан̣д̣ид̇а, нааг̇арааж̇аа д̇аава гобанзяязби буг̇г̇алз агуббанасан̇каад̇ам̣ ад̇хиваасанаканд̇им̣ ван̣н̣зд̇и, г̇арул̣о аббаахаарад̇аасан̇каад̇ам̣ аахаарахзд̇у баабасса агаран̣ам̣, сагго бан̃жагаамаг̇ун̣арад̇ийнам̣ виббахаанам̣, гурурааж̇аа ниббалиб̣од̇хабхаавам̣ ван̣н̣зд̇ийд̇и.

Tassattho – paṇḍita, nāgarājā tāva kopaneyyepi puggale akuppanasaṅkhātaṃ adhivāsanakhantiṃ vaṇṇeti, garuḷo appāhāratāsaṅkhātaṃ āhārahetu pāpassa akaraṇaṃ, sakko pañcakāmaguṇaratīnaṃ vippahānaṃ, kururājā nippalibodhabhāvaṃ vaṇṇetīti.

ат̇а д̇зсам̣ гат̇ам̣ суд̇ваа махаасад̇д̇о имам̣ г̇аат̇амааха –

Atha tesaṃ kathaṃ sutvā mahāsatto imaṃ gāthamāha –

‘‘саб̣б̣аани зд̇аани субхаасид̇аани, на хзд̇т̇а д̣̇уб̣бхаасид̇амад̇т̇и гин̃жи;

‘‘Sabbāni etāni subhāsitāni, na hettha dubbhāsitamatthi kiñci;

яасмин̃жа зд̇аани бад̇идтид̇аани, араава наабхяаа сусамохид̇аани;

Yasmiñca etāni patiṭṭhitāni, arāva nābhyā susamohitāni;

жад̇уб̣бхи д̇хаммзхи саман̇г̇ибхууд̇ам̣, д̇ам̣ вз нарам̣ саман̣амааху логз’’д̇и. (ж̇аа. 1.10.32);

Catubbhi dhammehi samaṅgibhūtaṃ, taṃ ve naraṃ samaṇamāhu loke’’ti. (jā. 1.10.32);

д̇ад̇т̇а зд̇аанийд̇и зд̇аани жад̇д̇аариби г̇ун̣аж̇аад̇аани яасмим̣ буг̇г̇алз сагаданаабхияам̣ судту самохид̇аани араа вияа бад̇идтид̇аани, жад̇уухибзд̇зхи д̇хаммзхи саманнааг̇ад̇ам̣ буг̇г̇алам̣ бан̣д̣ид̇аа ‘‘саман̣а’’нд̇и ааху логзд̇и.

Tattha etānīti etāni cattāripi guṇajātāni yasmiṃ puggale sakaṭanābhiyaṃ suṭṭhu samohitāni arā viya patiṭṭhitāni, catūhipetehi dhammehi samannāgataṃ puggalaṃ paṇḍitā ‘‘samaṇa’’nti āhu loketi.

звам̣ махаасад̇д̇о жад̇уннамби сийлам̣ згасамамзва агааси. д̇ам̣ суд̇ваа жад̇д̇аароби рааж̇аано д̇асса д̇удтаа т̇уд̇им̣ гаронд̇аа имам̣ г̇аат̇амаахам̣су –

Evaṃ mahāsatto catunnampi sīlaṃ ekasamameva akāsi. Taṃ sutvā cattāropi rājāno tassa tuṭṭhā thutiṃ karontā imaṃ gāthamāhaṃsu –

‘‘д̇уван̃хи сздто д̇вамануд̇д̇ароси, д̇вам̣ д̇хаммаг̇уу д̇хаммавид̣̇уу сумзд̇хо;

‘‘Tuvañhi seṭṭho tvamanuttarosi, tvaṃ dhammagū dhammavidū sumedho;

бан̃н̃ааяа бан̃хам̣ самад̇хиг̇г̇ахзд̇ваа, ажчзжчи д̇хийро вижигижчид̇аани;

Paññāya pañhaṃ samadhiggahetvā, acchecchi dhīro vicikicchitāni;

ажчзжчи ган̇кам̣ вижигижчид̇аани, жунд̣̇о яат̇аа нааг̇ад̣̇анд̇ам̣ карзнаа’’д̇и. (ж̇аа. 1.10.33).

Acchecchi kaṅkhaṃ vicikicchitāni, cundo yathā nāgadantaṃ kharenā’’ti. (jā. 1.10.33).

д̇ад̇т̇а д̇вамануд̇д̇аросийд̇и д̇вам̣ ануд̇д̇аро аси, над̇т̇и д̇аяаа уд̇д̇арид̇аро наама. д̇хаммаг̇ууд̇и д̇хаммасса г̇обаго жзва д̇хамман̃н̃уу жа. д̇хаммавид̣̇ууд̇и баагадад̇хаммо. сумзд̇ход̇и сунд̣̇арабан̃н̃о бан̃н̃ааяаад̇и ад̇д̇ано бан̃н̃ааяа амхаагам̣ бан̃хам̣ судту ад̇хиг̇ан̣хид̇ваа ‘‘ид̣̇амзд̇т̇а гааран̣а’’нд̇и яат̇аабхууд̇ам̣ н̃ад̇ваа. ажчзжчийд̇и д̇вам̣ д̇хийро амхаагам̣ вижигижчид̇аани чинд̣̇и, звам̣ чинд̣̇анд̇о жа ‘‘чинд̣̇аж̇ж̇а ган̇кам̣ вижигижчид̇ааний’’д̇и ид̣̇ам̣ амхаагам̣ ааяаажанам̣ самбаад̣̇знд̇о ажчзжчи ган̇кам̣ вижигижчид̇аани . жунд̣̇о яат̇аа нааг̇ад̣̇анд̇ам̣ карзнаад̇и яат̇аа д̣̇анд̇агааро гагажзна хад̇т̇ид̣̇анд̇ам̣ чинд̣̇зяяа, звам̣ чинд̣̇ийд̇и ад̇т̇о.

Tattha tvamanuttarosīti tvaṃ anuttaro asi, natthi tayā uttaritaro nāma. Dhammagūti dhammassa gopako ceva dhammaññū ca. Dhammavidūti pākaṭadhammo. Sumedhoti sundarapañño paññāyāti attano paññāya amhākaṃ pañhaṃ suṭṭhu adhigaṇhitvā ‘‘idamettha kāraṇa’’nti yathābhūtaṃ ñatvā. Acchecchīti tvaṃ dhīro amhākaṃ vicikicchitāni chindi, evaṃ chindanto ca ‘‘chindajja kaṅkhaṃ vicikicchitānī’’ti idaṃ amhākaṃ āyācanaṃ sampādento acchecchi kaṅkhaṃ vicikicchitāni . Cundo yathā nāgadantaṃ kharenāti yathā dantakāro kakacena hatthidantaṃ chindeyya, evaṃ chindīti attho.

звам̣ д̇з жад̇д̇аароби рааж̇аано д̇асса бан̃хаб̣яаагаран̣зна д̇удтамаанасаа ахзсум̣. ат̇а нам̣ сагго д̣̇иб̣б̣ад̣̇угуулзна бууж̇зси, г̇арул̣о суван̣н̣амаалааяа, варун̣о нааг̇арааж̇аа ман̣инаа, д̇ханан̃жаяарааж̇аа г̇авасахассаад̣̇ийхи бууж̇зси. д̇знзвааха –

Evaṃ te cattāropi rājāno tassa pañhabyākaraṇena tuṭṭhamānasā ahesuṃ. Atha naṃ sakko dibbadukūlena pūjesi, garuḷo suvaṇṇamālāya, varuṇo nāgarājā maṇinā, dhanañcayarājā gavasahassādīhi pūjesi. Tenevāha –

‘‘нийлуббалаабхам̣ вималам̣ анаг̇гхам̣, вад̇т̇ам̣ ид̣̇ам̣ д̇хуумасамаанаван̣н̣ам̣;

‘‘Nīluppalābhaṃ vimalaṃ anagghaṃ, vatthaṃ idaṃ dhūmasamānavaṇṇaṃ;

бан̃хасса взяяаагаран̣зна д̇удто, д̣̇ад̣̇аами д̇з д̇хаммабууж̇ааяа д̇хийра.

Pañhassa veyyākaraṇena tuṭṭho, dadāmi te dhammapūjāya dhīra.

‘‘суван̣н̣амаалам̣ сад̇абад̇д̇апуллид̇ам̣, сагзсарам̣ рад̇насахассаман̣д̣ид̇ам̣;

‘‘Suvaṇṇamālaṃ satapattaphullitaṃ, sakesaraṃ ratnasahassamaṇḍitaṃ;

бан̃хасса взяяаагаран̣зна д̇удто, д̣̇ад̣̇аами д̇з д̇хаммабууж̇ааяа д̇хийра.

Pañhassa veyyākaraṇena tuṭṭho, dadāmi te dhammapūjāya dhīra.

‘‘ман̣им̣ анаг̇гхам̣ ружирам̣ бабхассарам̣, ган̣таавасад̇д̇ам̣ ман̣ибхуусид̇ам̣ мз;

‘‘Maṇiṃ anagghaṃ ruciraṃ pabhassaraṃ, kaṇṭhāvasattaṃ maṇibhūsitaṃ me;

бан̃хасса взяяаагаран̣зна д̇удто, д̣̇ад̣̇аами д̇з д̇хаммабууж̇ааяа д̇хийра.

Pañhassa veyyākaraṇena tuṭṭho, dadāmi te dhammapūjāya dhīra.

‘‘г̇авам̣ сахассам̣ усабхан̃жа нааг̇ам̣, ааж̇ан̃н̃аяуд̇д̇з жа рат̇з д̣̇аса имз;

‘‘Gavaṃ sahassaṃ usabhañca nāgaṃ, ājaññayutte ca rathe dasa ime;

бан̃хасса взяяаагаран̣зна д̇удто, д̣̇ад̣̇аами д̇з г̇аамавараани сол̣асаа’’д̇и. (ж̇аа. 1.10.34-37);

Pañhassa veyyākaraṇena tuṭṭho, dadāmi te gāmavarāni soḷasā’’ti. (jā. 1.10.34-37);

звам̣ саггаад̣̇аяо махаасад̇д̇ам̣ бууж̇зд̇ваа сагадтаанамзва аг̇амим̣су.

Evaṃ sakkādayo mahāsattaṃ pūjetvā sakaṭṭhānameva agamiṃsu.

жад̇убосат̇аган̣д̣ам̣ нидтид̇ам̣.

Catuposathakaṇḍaṃ niṭṭhitaṃ.

д̣̇охал̣аган̣д̣ам̣

Dohaḷakaṇḍaṃ

д̇зсу нааг̇арааж̇асса бхарияаа вималаад̣̇звий наама. саа д̇асса г̇ийвааяа бил̣анд̇ханаман̣им̣ абассанд̇ий бужчи ‘‘д̣̇зва, гахам̣ бана д̇з ман̣ий’’д̇и? ‘‘бхад̣̇д̣̇з, жанд̣̇аб̣раахман̣абуд̇д̇асса вид̇хурабан̣д̣ид̇асса д̇хаммагат̇ам̣ суд̇ваа басаннажид̇д̇о ахам̣ д̇зна ман̣инаа д̇ам̣ бууж̇зсим̣. на гзвалан̃жа ахамзва, саггоби д̇ам̣ д̣̇иб̣б̣ад̣̇угуулзна бууж̇зси, субан̣н̣арааж̇аа суван̣н̣амаалааяа, д̇ханан̃жаяарааж̇аа г̇авассасахассаад̣̇ийхи бууж̇зсий’’д̇и. ‘‘д̇хаммагат̇иго со, д̣̇зваа’’д̇и. ‘‘бхад̣̇д̣̇з, гим̣ вад̣̇зси, ж̇амб̣уд̣̇ийбад̇алз б̣уд̣̇д̇хуббаад̣̇о вияа бавад̇д̇ад̇и, сагалаж̇амб̣уд̣̇ийбз згасад̇арааж̇аано д̇асса мад̇хурад̇хаммагат̇ааяа б̣аж̇жхид̇ваа хад̇т̇иганд̇авийн̣аасарзна балуд̣̇д̇хамад̇д̇авааран̣аа вияа ад̇д̇ано ад̇д̇ано раж̇ж̇аани г̇анд̇ум̣ на ижчанд̇и, зваруубо со мад̇хурад̇хаммагат̇иго’’д̇и д̇асса г̇ун̣ам̣ ван̣н̣зси. саа вид̇хурабан̣д̣ид̇асса г̇ун̣агат̇ам̣ суд̇ваа д̇асса д̇хаммагат̇ам̣ сод̇угаамаа худ̇ваа жинд̇зси ‘‘сажаахам̣ вагкаами ‘д̣̇зва, д̇асса д̇хаммагат̇ам̣ сод̇угаамаа, ид̇ха нам̣ аанзхий’д̇и, на мзд̇ам̣ аанзссад̇и. яам̣нуунаахам̣ ‘д̇асса мз хад̣̇аяз д̣̇охал̣о уббанно’д̇и г̇илаанаалаяам̣ гарзяяа’’нд̇и. саа д̇ат̇аа гад̇ваа сираг̇аб̣бхам̣ бависид̇ваа ад̇д̇ано барижааригаанам̣ сан̃н̃ам̣ д̣̇ад̇ваа сирисаяанз нибаж̇ж̇и. нааг̇арааж̇аа убадтаанавзлааяа д̇ам̣ абассанд̇о ‘‘гахам̣ вималаа’’д̇и барижааригааяо бужчид̇ваа ‘‘г̇илаанаа, д̣̇зваа’’д̇и вуд̇д̇з удтааяаасанаа д̇ассаа санд̇игам̣ г̇анд̇ваа саяанабассз нисийд̣̇ид̇ваа сарийрам̣ баримаж̇ж̇анд̇о батамам̣ г̇аат̇амааха –

Tesu nāgarājassa bhariyā vimalādevī nāma. Sā tassa gīvāya piḷandhanamaṇiṃ apassantī pucchi ‘‘deva, kahaṃ pana te maṇī’’ti? ‘‘Bhadde, candabrāhmaṇaputtassa vidhurapaṇḍitassa dhammakathaṃ sutvā pasannacitto ahaṃ tena maṇinā taṃ pūjesiṃ. Na kevalañca ahameva, sakkopi taṃ dibbadukūlena pūjesi, supaṇṇarājā suvaṇṇamālāya, dhanañcayarājā gavassasahassādīhi pūjesī’’ti. ‘‘Dhammakathiko so, devā’’ti. ‘‘Bhadde, kiṃ vadesi, jambudīpatale buddhuppādo viya pavattati, sakalajambudīpe ekasatarājāno tassa madhuradhammakathāya bajjhitvā hatthikantavīṇāsarena paluddhamattavāraṇā viya attano attano rajjāni gantuṃ na icchanti, evarūpo so madhuradhammakathiko’’ti tassa guṇaṃ vaṇṇesi. Sā vidhurapaṇḍitassa guṇakathaṃ sutvā tassa dhammakathaṃ sotukāmā hutvā cintesi ‘‘sacāhaṃ vakkhāmi ‘deva, tassa dhammakathaṃ sotukāmā, idha naṃ ānehī’ti, na metaṃ ānessati. Yaṃnūnāhaṃ ‘tassa me hadaye dohaḷo uppanno’ti gilānālayaṃ kareyya’’nti. Sā tathā katvā siragabbhaṃ pavisitvā attano paricārikānaṃ saññaṃ datvā sirisayane nipajji. Nāgarājā upaṭṭhānavelāya taṃ apassanto ‘‘kahaṃ vimalā’’ti paricārikāyo pucchitvā ‘‘gilānā, devā’’ti vutte uṭṭhāyāsanā tassā santikaṃ gantvā sayanapasse nisīditvā sarīraṃ parimajjanto paṭhamaṃ gāthamāha –

1346.

‘‘бан̣д̣у гисияааси д̣̇уб̣б̣алаа, ван̣н̣аруубам̣ на д̇авзд̣̇исам̣ бурз;

‘‘Paṇḍu kisiyāsi dubbalā, vaṇṇarūpaṃ na tavedisaṃ pure;

вималз агкаахи бужчид̇аа, гийд̣̇исий д̇уяхам̣ сарийравзд̣̇анаа’’д̇и.

Vimale akkhāhi pucchitā, kīdisī tuyhaṃ sarīravedanā’’ti.

д̇ад̇т̇а бан̣д̣ууд̇и бан̣д̣убалаасаван̣н̣аа. гисияаад̇и гисаа. д̣̇уб̣б̣алаад̇и аббат̇аамаа. ван̣н̣аруубам̣ на д̇авзд̣̇исам̣ бурзд̇и д̇ава ван̣н̣асан̇каад̇ам̣ руубам̣ бурз зд̣̇исам̣ на ход̇и, нид̣̇д̣̇осам̣ анаваж̇ж̇ам̣, д̇ам̣ ид̣̇аани баривад̇д̇ид̇ваа аманун̃н̃асабхаавам̣ ж̇аад̇ам̣. вималзд̇и д̇ам̣ аалабад̇и.

Tattha paṇḍūti paṇḍupalāsavaṇṇā. Kisiyāti kisā. Dubbalāti appathāmā. Vaṇṇarūpaṃ na tavedisaṃ pureti tava vaṇṇasaṅkhātaṃ rūpaṃ pure edisaṃ na hoti, niddosaṃ anavajjaṃ, taṃ idāni parivattitvā amanuññasabhāvaṃ jātaṃ. Vimaleti taṃ ālapati.

ат̇асса саа аажигканд̇ий д̣̇уд̇ияам̣ г̇аат̇амааха –

Athassa sā ācikkhantī dutiyaṃ gāthamāha –

1347.

‘‘д̇хаммо мануж̇зсу маад̇ийнам̣, д̣̇охал̣о наама ж̇анинд̣̇а вужжад̇и;

‘‘Dhammo manujesu mātīnaṃ, dohaḷo nāma janinda vuccati;

д̇хаммаахадам̣ нааг̇агун̃ж̇ара, вид̇хурасса хад̣̇аяаабхибад̇т̇аяз’’д̇и.

Dhammāhaṭaṃ nāgakuñjara, vidhurassa hadayābhipatthaye’’ti.

д̇ад̇т̇а д̇хаммод̇и сабхааво. маад̇ийнанд̇и ид̇т̇ийнам̣. ж̇анинд̣̇аад̇и нааг̇аж̇анасса инд̣̇а. д̇хаммаахадам̣ нааг̇агун̃ж̇ара, вид̇хурасса хад̣̇аяаабхибад̇т̇аязд̇и нааг̇асздта, ахам̣ д̇хаммзна самзна асаахасигагаммзна аахадам̣ вид̇хурасса хад̣̇аяам̣ абхибад̇т̇аяаами, д̇ам̣ мз лабхамаанааяа ж̇ийвид̇ам̣ ад̇т̇и, алабхамаанааяа ид̇хзва маран̣анд̇и д̇асса бан̃н̃ам̣ санд̇хааязвамааха –

Tattha dhammoti sabhāvo. Mātīnanti itthīnaṃ. Janindāti nāgajanassa inda. Dhammāhaṭaṃ nāgakuñjara, vidhurassa hadayābhipatthayeti nāgaseṭṭha, ahaṃ dhammena samena asāhasikakammena āhaṭaṃ vidhurassa hadayaṃ abhipatthayāmi, taṃ me labhamānāya jīvitaṃ atthi, alabhamānāya idheva maraṇanti tassa paññaṃ sandhāyevamāha –

д̇ам̣ суд̇ваа нааг̇арааж̇аа д̇ад̇ияам̣ г̇аат̇амааха –

Taṃ sutvā nāgarājā tatiyaṃ gāthamāha –

1348.

‘‘жанд̣̇ам̣ ко д̇вам̣ д̣̇охал̣ааяаси, суурияам̣ ваа ат̇а вааби маалуд̇ам̣;

‘‘Candaṃ kho tvaṃ dohaḷāyasi, sūriyaṃ vā atha vāpi mālutaṃ;

д̣̇уллабхан̃хи вид̇хурасса д̣̇ассанам̣, го вид̇хурамид̇ха маанаяиссад̇ий’’д̇и.

Dullabhañhi vidhurassa dassanaṃ, ko vidhuramidha mānayissatī’’ti.

д̇ад̇т̇а д̣̇уллабхан̃хи вид̇хурасса д̣̇ассананд̇и асамад̇хурасса вид̇хурасса д̣̇ассанамзва д̣̇уллабхам̣. д̇асса хи сагалаж̇амб̣уд̣̇ийбз рааж̇аано д̇хаммигам̣ рагкааваран̣аг̇уд̇д̇им̣ бажжубадтаабзд̇ваа вижаранд̇и, бассид̇умби нам̣ гожи на лабхад̇и, д̇ам̣ го ид̇ха аанаяиссад̇ийд̇и вад̣̇ад̇и.

Tattha dullabhañhi vidhurassa dassananti asamadhurassa vidhurassa dassanameva dullabhaṃ. Tassa hi sakalajambudīpe rājāno dhammikaṃ rakkhāvaraṇaguttiṃ paccupaṭṭhāpetvā vicaranti, passitumpi naṃ koci na labhati, taṃ ko idha ānayissatīti vadati.

саа д̇асса важанам̣ суд̇ваа ‘‘алабхамаанааяа мз ид̇хзва маран̣а’’нд̇и баривад̇д̇ид̇ваа бидтим̣ д̣̇ад̇ваа саал̣агаган̣н̣зна мукам̣ бид̣̇ахид̇ваа нибаж̇ж̇и. нааг̇арааж̇аа анад̇д̇амано сириг̇аб̣бхам̣ бависид̇ваа саяанабидтз нисинно ‘‘вималаа вид̇хурабан̣д̣ид̇асса хад̣̇аяамам̣сам̣ аахараабзд̇ий’’д̇и сан̃н̃ий худ̇ваа ‘‘бан̣д̣ид̇асса хад̣̇аяам̣ алабханд̇ияаа вималааяа ж̇ийвид̇ам̣ над̇т̇и, гат̇ам̣ ну ко д̇асса хад̣̇аяамам̣сам̣ лабхиссаамий’’д̇и жинд̇зси. ат̇асса д̇хийд̇аа иранд̇хад̇ий наама нааг̇аган̃н̃аа саб̣б̣аалан̇гаарабадиман̣д̣ид̇аа маханд̇зна сиривилаасзна бид̇у убадтаанам̣ ааг̇анд̇ваа бид̇арам̣ ванд̣̇ид̇ваа згаманд̇ам̣ тид̇аа, саа д̇асса инд̣̇рияавигаарам̣ д̣̇исваа ‘‘д̇аад̇а, ад̇ивияа д̣̇оманассаббад̇д̇оси, гим̣ ну ко гааран̣а’’нд̇и бужчанд̇ий имам̣ г̇аат̇амааха –

Sā tassa vacanaṃ sutvā ‘‘alabhamānāya me idheva maraṇa’’nti parivattitvā piṭṭhiṃ datvā sāḷakakaṇṇena mukhaṃ pidahitvā nipajji. Nāgarājā anattamano sirigabbhaṃ pavisitvā sayanapiṭṭhe nisinno ‘‘vimalā vidhurapaṇḍitassa hadayamaṃsaṃ āharāpetī’’ti saññī hutvā ‘‘paṇḍitassa hadayaṃ alabhantiyā vimalāya jīvitaṃ natthi, kathaṃ nu kho tassa hadayamaṃsaṃ labhissāmī’’ti cintesi. Athassa dhītā irandhatī nāma nāgakaññā sabbālaṅkārapaṭimaṇḍitā mahantena sirivilāsena pitu upaṭṭhānaṃ āgantvā pitaraṃ vanditvā ekamantaṃ ṭhitā, sā tassa indriyavikāraṃ disvā ‘‘tāta, ativiya domanassappattosi, kiṃ nu kho kāraṇa’’nti pucchantī imaṃ gāthamāha –

1349.

‘‘гим̣ ну д̇аад̇а д̇увам̣ баж̇жхааяаси, бад̣̇умам̣ хад̇т̇аг̇ад̇ам̣ва д̇з мукам̣;

‘‘Kiṃ nu tāta tuvaṃ pajjhāyasi, padumaṃ hatthagataṃva te mukhaṃ;

гим̣ ну д̣̇умманаруубоси иссара, маа д̇вам̣ сожи амид̇д̇ад̇аабанаа’’д̇и.

Kiṃ nu dummanarūposi issara, mā tvaṃ soci amittatāpanā’’ti.

д̇ад̇т̇а баж̇жхааяасийд̇и бунаббунам̣ жинд̇зси. хад̇т̇аг̇ад̇анд̇и хад̇т̇зна баримад̣̇д̣̇ид̇ам̣ бад̣̇умам̣ вияа д̇з мукам̣ ж̇аад̇ам̣. иссараад̇и бан̃жаяож̇анасад̇игасса манд̣̇иранааг̇абхаванасса, саамийд̇и.

Tattha pajjhāyasīti punappunaṃ cintesi. Hatthagatanti hatthena parimadditaṃ padumaṃ viya te mukhaṃ jātaṃ. Issarāti pañcayojanasatikassa mandiranāgabhavanassa, sāmīti.

д̇хийд̇у важанам̣ суд̇ваа нааг̇арааж̇аа д̇амад̇т̇ам̣ аарожзнд̇о ааха –

Dhītu vacanaṃ sutvā nāgarājā tamatthaṃ ārocento āha –

1350.

‘‘маад̇аа хи д̇ава иранд̇хад̇и, вид̇хурасса хад̣̇аяам̣ д̇ханияад̇и;

‘‘Mātā hi tava irandhati, vidhurassa hadayaṃ dhaniyati;

д̣̇уллабхан̃хи вид̇хурасса д̣̇ассанам̣, го вид̇хурамид̇ха маанаяиссад̇ий’’д̇и.

Dullabhañhi vidhurassa dassanaṃ, ko vidhuramidha mānayissatī’’ti.

д̇ад̇т̇а д̇ханияад̇ийд̇и бад̇т̇зд̇и ижчад̇и.

Tattha dhaniyatīti pattheti icchati.

ат̇а нам̣ нааг̇арааж̇аа ‘‘амма, мама санд̇игз вид̇хурам̣ аанзд̇ум̣ самад̇т̇о над̇т̇и, д̇вам̣ маад̇у ж̇ийвид̇ам̣ д̣̇зхи, вид̇хурам̣ аанзд̇ум̣ самад̇т̇ам̣ бхад̇д̇аарам̣ бариязсаахий’’д̇и уяяож̇знд̇о убад̣дхаг̇аат̇амааха –

Atha naṃ nāgarājā ‘‘amma, mama santike vidhuraṃ ānetuṃ samattho natthi, tvaṃ mātu jīvitaṃ dehi, vidhuraṃ ānetuṃ samatthaṃ bhattāraṃ pariyesāhī’’ti uyyojento upaḍḍhagāthamāha –

1351.

‘‘д̇асса бхад̇д̇убариязсанам̣ жара, яо вид̇хурамид̇ха маанаяиссад̇ий’’д̇и.

‘‘Tassa bhattupariyesanaṃ cara, yo vidhuramidha mānayissatī’’ti.

д̇ад̇т̇а жараад̇и вижара.

Tattha carāti vicara.

ид̇и со гилзсаабхирад̇абхаавзна д̇хийд̇у ананужчавигам̣ гат̇ам̣ гат̇зси. д̇амад̇т̇ам̣ багаасзнд̇о сад̇т̇аа ааха –

Iti so kilesābhiratabhāvena dhītu ananucchavikaṃ kathaṃ kathesi. Tamatthaṃ pakāsento satthā āha –

‘‘бид̇уно жа саа суд̇ваана ваагяам̣, рад̇д̇им̣ нигкамма авассуд̇им̣ жарий’’д̇и.

‘‘Pituno ca sā sutvāna vākyaṃ, rattiṃ nikkhamma avassutiṃ carī’’ti.

д̇ад̇т̇а авассуд̇инд̇и бхигкавз, саа нааг̇амаан̣авигаа бид̇у важанам̣ суд̇ваа бид̇арам̣ ассаасзд̇ваа маад̇у санд̇игам̣ г̇анд̇ваа д̇амби ассаасзд̇ваа ад̇д̇ано сириг̇аб̣бхам̣ г̇анд̇ваа саб̣б̣аалан̇гаарзхи ад̇д̇аанам̣ алан̇гарид̇ваа згам̣ гусумбхарад̇д̇авад̇т̇ам̣ ниваасзд̇ваа згам̣ згам̣сз гад̇ваа д̇амзва рад̇д̇им̣ уд̣̇агам̣ д̣̇вид̇хаа гад̇ваа нааг̇абхаванад̇о нигкамма химаванд̇аббад̣̇зсз самуд̣̇д̣̇ад̇ийрз тид̇ам̣ садтияож̇ануб̣б̣зд̇хам̣ згаг̇гханам̣ гаал̣абаб̣б̣ад̇ам̣ наама ан̃ж̇анаг̇ирим̣ г̇анд̇ваа авассуд̇им̣ жари гилзсаавассуд̇им̣ бхад̇д̇убариязсанам̣ жарийд̇и ад̇т̇о.

Tattha avassutinti bhikkhave, sā nāgamāṇavikā pitu vacanaṃ sutvā pitaraṃ assāsetvā mātu santikaṃ gantvā tampi assāsetvā attano sirigabbhaṃ gantvā sabbālaṅkārehi attānaṃ alaṅkaritvā ekaṃ kusumbharattavatthaṃ nivāsetvā ekaṃ ekaṃse katvā tameva rattiṃ udakaṃ dvidhā katvā nāgabhavanato nikkhamma himavantappadese samuddatīre ṭhitaṃ saṭṭhiyojanubbedhaṃ ekagghanaṃ kāḷapabbataṃ nāma añjanagiriṃ gantvā avassutiṃ cari kilesaavassutiṃ bhattupariyesanaṃ carīti attho.

жаранд̇ий жа яаани химаванд̇з ван̣н̣аг̇анд̇хасамбаннаани бубпаани, д̇аани аахарид̇ваа сагалабаб̣б̣ад̇ам̣ ман̣иаг̇гхияам̣ вияа алан̇гарид̇ваа убарид̇алз бубпасант̇аарам̣ гад̇ваа манорамзнаагаарзна нажжид̇ваа мад̇хураг̇ийд̇ам̣ г̇ааяанд̇ий сад̇д̇амам̣ г̇аат̇амааха –

Carantī ca yāni himavante vaṇṇagandhasampannāni pupphāni, tāni āharitvā sakalapabbataṃ maṇiagghiyaṃ viya alaṅkaritvā uparitale pupphasanthāraṃ katvā manoramenākārena naccitvā madhuragītaṃ gāyantī sattamaṃ gāthamāha –

1352.

‘‘гз г̇анд̇хаб̣б̣з рагкасз жа нааг̇з, гз гимбурисз жааби маанусз;

‘‘Ke gandhabbe rakkhase ca nāge, ke kimpurise cāpi mānuse;

гз бан̣д̣ид̇з саб̣б̣агаамад̣̇ад̣̇з, д̣̇ийгхарад̇д̇ам̣ бхад̇д̇аа мз бхависсад̇ий’’д̇и.

Ke paṇḍite sabbakāmadade, dīgharattaṃ bhattā me bhavissatī’’ti.

д̇ад̇т̇а гз г̇анд̇хаб̣б̣з рагкасз жа нааг̇зд̇и го г̇анд̇хаб̣б̣о ваа рагкасо ваа нааг̇о ваа. гз бан̣д̣ид̇з саб̣б̣агаамад̣̇ад̣̇зд̇и го зд̇зсу г̇анд̇хаб̣б̣аад̣̇ийсу бан̣д̣ид̇о саб̣б̣агаамам̣ д̣̇аад̇ум̣ самад̇т̇о, со вид̇хурасса хад̣̇аяамам̣сад̣̇охал̣инияаа мама маад̇у манорат̇ам̣ мад̇т̇агам̣ баабзд̇ваа маяхам̣ д̣̇ийгхарад̇д̇ам̣ бхад̇д̇аа бхависсад̇ийд̇и.

Tattha ke gandhabbe rakkhase ca nāgeti ko gandhabbo vā rakkhaso vā nāgo vā. Ke paṇḍite sabbakāmadadeti ko etesu gandhabbādīsu paṇḍito sabbakāmaṃ dātuṃ samattho, so vidhurassa hadayamaṃsadohaḷiniyā mama mātu manorathaṃ matthakaṃ pāpetvā mayhaṃ dīgharattaṃ bhattā bhavissatīti.

д̇асмим̣ кан̣з взссаван̣амахаарааж̇асса бхааг̇инзяяо бун̣н̣аго наама яагкасзнаабад̇и д̇иг̇аавуд̇аббамаан̣ам̣ маномаяасинд̇хавам̣ абхируяха гаал̣абаб̣б̣ад̇амад̇т̇агзна яагкасамааг̇амам̣ г̇ажчанд̇о д̇ам̣ д̇ааяа г̇ийд̇асад̣̇д̣̇ам̣ ассоси. ананд̇арз ад̇д̇абхаавз анубхууд̇абуб̣б̣ааяа ид̇т̇ияаа г̇ийд̇асад̣̇д̣̇о д̇асса чавиаад̣̇ийни чинд̣̇ид̇ваа адтимин̃ж̇ам̣ аахажжа адтааси. со д̇ааяа бадиб̣ад̣̇д̇хажид̇д̇о худ̇ваа нивад̇д̇ид̇ваа синд̇хавабидтз нисиннова ‘‘бхад̣̇д̣̇з, ахам̣ мама бан̃н̃ааяа д̇хаммзна самзна вид̇хурасса хад̣̇аяам̣ аанзд̇ум̣ самад̇т̇омхи, д̇вам̣ маа жинд̇аяий’’д̇и д̇ам̣ ассаасзнд̇о адтамам̣ г̇аат̇амааха –

Tasmiṃ khaṇe vessavaṇamahārājassa bhāgineyyo puṇṇako nāma yakkhasenāpati tigāvutappamāṇaṃ manomayasindhavaṃ abhiruyha kāḷapabbatamatthakena yakkhasamāgamaṃ gacchanto taṃ tāya gītasaddaṃ assosi. Anantare attabhāve anubhūtapubbāya itthiyā gītasaddo tassa chaviādīni chinditvā aṭṭhimiñjaṃ āhacca aṭṭhāsi. So tāya paṭibaddhacitto hutvā nivattitvā sindhavapiṭṭhe nisinnova ‘‘bhadde, ahaṃ mama paññāya dhammena samena vidhurassa hadayaṃ ānetuṃ samatthomhi, tvaṃ mā cintayī’’ti taṃ assāsento aṭṭhamaṃ gāthamāha –

1353.

‘‘ассааса хзссаами д̇з бад̇и, бхад̇д̇аа д̇з хзссаами анинд̣̇аложанз;

‘‘Assāsa hessāmi te pati, bhattā te hessāmi anindalocane;

бан̃н̃аа хи мамам̣ д̇ат̇аавид̇хаа, ассааса хзссаси бхарияаа мамаа’’д̇и.

Paññā hi mamaṃ tathāvidhā, assāsa hessasi bhariyā mamā’’ti.

д̇ад̇т̇а анинд̣̇аложанзд̇и анинд̣̇ид̇аб̣б̣аложанз. д̇ат̇аавид̇хаад̇и вид̇хурасса хад̣̇аяамам̣сам̣ аахаран̣асамад̇т̇аа.

Tattha anindalocaneti aninditabbalocane. Tathāvidhāti vidhurassa hadayamaṃsaṃ āharaṇasamatthā.

ат̇а нам̣ иранд̇хад̇ий ‘‘д̇зна хи зхи, г̇ажчаама мз бид̇у санд̇ига’’нд̇и аанзси. д̇амад̇т̇ам̣ багаасзнд̇о сад̇т̇аа ааха –

Atha naṃ irandhatī ‘‘tena hi ehi, gacchāma me pitu santika’’nti ānesi. Tamatthaṃ pakāsento satthā āha –

1354.

‘‘аважааси бун̣н̣агам̣ иранд̇хад̇ий, буб̣б̣абат̇аануг̇ад̇зна жзд̇асаа;

‘‘Avacāsi puṇṇakaṃ irandhatī, pubbapathānugatena cetasā;

зхи г̇ажчаама бид̇у маманд̇игз, зсова д̇з зд̇амад̇т̇ам̣ бавагкад̇ий’’д̇и.

Ehi gacchāma pitu mamantike, esova te etamatthaṃ pavakkhatī’’ti.

д̇ад̇т̇а буб̣б̣абат̇аануг̇ад̇знаад̇и ананд̇арз ад̇д̇абхаавз бхууд̇абуб̣б̣асаамигз д̇асмим̣ буб̣б̣абат̇знзва ануг̇ад̇зна. зхи г̇ажчаамаад̇и бхигкавз, со яагкасзнаабад̇и звам̣ вад̇ваа ‘‘имам̣ ассабидтим̣ ааробзд̇ваа нзссаамий’’д̇и баб̣б̣ад̇амад̇т̇агаа од̇арид̇ваа д̇ассаа г̇ахан̣ад̇т̇ам̣ хад̇т̇ам̣ басаарзси. саа ад̇д̇ано хад̇т̇ам̣ г̇ан̣хид̇ум̣ ад̣̇ад̇ваа д̇зна басаарид̇ахад̇т̇ам̣ саяам̣ г̇ахзд̇ваа ‘‘саами, наахам̣ анаат̇аа, маяхам̣ бид̇аа варун̣о наама нааг̇арааж̇аа, маад̇аа вималаа наама д̣̇звий, зхи мама бид̇у санд̇игам̣ г̇ажчаама, зсо зва д̇з яат̇аа амхаагам̣ ман̇г̇алагирияааяа бхавид̇аб̣б̣ам̣, звам̣ зд̇амад̇т̇ам̣ бавагкад̇ий’’д̇и аважааси.

Tattha pubbapathānugatenāti anantare attabhāve bhūtapubbasāmike tasmiṃ pubbapatheneva anugatena. Ehi gacchāmāti bhikkhave, so yakkhasenāpati evaṃ vatvā ‘‘imaṃ assapiṭṭhiṃ āropetvā nessāmī’’ti pabbatamatthakā otaritvā tassā gahaṇatthaṃ hatthaṃ pasāresi. Sā attano hatthaṃ gaṇhituṃ adatvā tena pasāritahatthaṃ sayaṃ gahetvā ‘‘sāmi, nāhaṃ anāthā, mayhaṃ pitā varuṇo nāma nāgarājā, mātā vimalā nāma devī, ehi mama pitu santikaṃ gacchāma, eso eva te yathā amhākaṃ maṅgalakiriyāya bhavitabbaṃ, evaṃ etamatthaṃ pavakkhatī’’ti avacāsi.

звам̣ вад̇ваа саа яагкам̣ г̇ахзд̇ваа бид̇у санд̇игам̣ аг̇амааси. д̇амад̇т̇ам̣ багаасзнд̇о сад̇т̇аа ааха –

Evaṃ vatvā sā yakkhaṃ gahetvā pitu santikaṃ agamāsi. Tamatthaṃ pakāsento satthā āha –

1355.

‘‘алан̇гад̇аа сувасанаа, маалиний жанд̣̇ануссад̣̇аа;

‘‘Alaṅkatā suvasanā, mālinī candanussadā;

яагкам̣ хад̇т̇з г̇ахзд̇ваана, бид̇усанд̇игубааг̇амий’’д̇и.

Yakkhaṃ hatthe gahetvāna, pitusantikupāgamī’’ti.

д̇ад̇т̇а бид̇усанд̇игубааг̇амийд̇и ад̇д̇ано бид̇уно нааг̇аран̃н̃о санд̇игам̣ убааг̇ами.

Tattha pitusantikupāgamīti attano pituno nāgarañño santikaṃ upāgami.

бун̣н̣агоби яагко бадихарид̇ваа нааг̇арааж̇асса санд̇игам̣ г̇анд̇ваа иранд̇хад̇им̣ яаажанд̇о ааха –

Puṇṇakopi yakkho paṭiharitvā nāgarājassa santikaṃ gantvā irandhatiṃ yācanto āha –

1356.

‘‘нааг̇авара важо сун̣охи мз, бад̇ируубам̣ бадибаж̇ж̇а сун̇гияам̣;

‘‘Nāgavara vaco suṇohi me, patirūpaṃ paṭipajja suṅkiyaṃ;

бад̇т̇зми ахам̣ иранд̇хад̇им̣, д̇ааяа саман̇г̇им̣ гарохи мам̣ д̇увам̣.

Patthemi ahaṃ irandhatiṃ, tāya samaṅgiṃ karohi maṃ tuvaṃ.

1357.

‘‘сад̇ам̣ хад̇т̇ий сад̇ам̣ ассаа, сад̇ам̣ ассад̇арийрат̇аа;

‘‘Sataṃ hatthī sataṃ assā, sataṃ assatarīrathā;

сад̇ам̣ валабхияо бун̣н̣аа, наанаарад̇насса гзвалаа;

Sataṃ valabhiyo puṇṇā, nānāratnassa kevalā;

д̇з нааг̇а бадибаж̇ж̇ассу, д̇хийд̇арам̣ д̣̇зхиранд̇хад̇и’’нд̇и.

Te nāga paṭipajjassu, dhītaraṃ dehirandhati’’nti.

д̇ад̇т̇а сун̇гияанд̇и ад̇д̇ано гулабад̣̇зсаануруубам̣ д̇хид̇у сун̇гам̣ д̇ханам̣ бадибаж̇ж̇а г̇ан̣ха. саман̇г̇им̣ гарохийд̇и мам̣ д̇ааяа сад̣̇д̇хим̣ саман̇г̇ибхууд̇ам̣ гарохи. валабхияод̇и бхан̣д̣асагадияо. наанаарад̇насса гзвалаад̇и наанаарад̇анасса сагалабарибун̣н̣аа.

Tattha suṅkiyanti attano kulapadesānurūpaṃ dhitu suṅkaṃ dhanaṃ paṭipajja gaṇha. Samaṅgiṃ karohīti maṃ tāya saddhiṃ samaṅgibhūtaṃ karohi. Valabhiyoti bhaṇḍasakaṭiyo. Nānāratnassa kevalāti nānāratanassa sakalaparipuṇṇā.

ат̇а нам̣ нааг̇арааж̇аа ааха –

Atha naṃ nāgarājā āha –

1358.

‘‘яаава ааманд̇аяз н̃аад̇ий, мид̇д̇з жа сухад̣̇аж̇ж̇анз;

‘‘Yāva āmantaye ñātī, mitte ca suhadajjane;

анааманд̇а гад̇ам̣ гаммам̣, д̇ам̣ бажчаа ануд̇аббад̇ий’’д̇и.

Anāmanta kataṃ kammaṃ, taṃ pacchā anutappatī’’ti.

д̇ад̇т̇а яаава ааманд̇аяз н̃аад̇ийд̇и бхо яагкасзнаабад̇и, ахам̣ д̇уяхам̣ д̇хийд̇арам̣ д̣̇зми, но на д̣̇зми, т̇огам̣ бана ааг̇амзхи, яаава н̃аад̇агзби ж̇аанаабзми. д̇ам̣ бажчаа ануд̇аббад̇ийд̇и ид̇т̇ияо хи г̇ад̇аг̇ад̇адтаанз абхираманд̇иби анабхираманд̇иби, анабхирад̇игаалз н̃аад̇агаад̣̇аяо амхзхи сад̣̇д̇хим̣ анааманд̇зд̇ваа гад̇ам̣ гаммам̣ наама зваруубам̣ ход̇ийд̇и уссуггам̣ на гаронд̇и, звам̣ д̇ам̣ гаммам̣ бажчаа ануд̇аабам̣ аавахад̇ийд̇и.

Tattha yāva āmantaye ñātīti bho yakkhasenāpati, ahaṃ tuyhaṃ dhītaraṃ demi, no na demi, thokaṃ pana āgamehi, yāva ñātakepi jānāpemi. Taṃ pacchā anutappatīti itthiyo hi gatagataṭṭhāne abhiramantipi anabhiramantipi, anabhiratikāle ñātakādayo amhehi saddhiṃ anāmantetvā kataṃ kammaṃ nāma evarūpaṃ hotīti ussukkaṃ na karonti, evaṃ taṃ kammaṃ pacchā anutāpaṃ āvahatīti.

звам̣ вад̇ваа со бхарияааяа васанадтаанам̣ г̇анд̇ваа д̇ааяа сад̣̇д̇хим̣ саллаби. д̇амад̇т̇ам̣ багаасзнд̇о сад̇т̇аа ааха –

Evaṃ vatvā so bhariyāya vasanaṭṭhānaṃ gantvā tāya saddhiṃ sallapi. Tamatthaṃ pakāsento satthā āha –

1359.

‘‘д̇ад̇о со варун̣о нааг̇о, бависид̇ваа нивзсанам̣;

‘‘Tato so varuṇo nāgo, pavisitvā nivesanaṃ;

бхарияам̣ ааманд̇аяид̇ваана, ид̣̇ам̣ важанамаб̣рави.

Bhariyaṃ āmantayitvāna, idaṃ vacanamabravi.

1360.

‘‘‘аяам̣ со бун̣н̣аго яагко, яаажад̇ий мам̣ иранд̇хад̇им̣;

‘‘‘Ayaṃ so puṇṇako yakkho, yācatī maṃ irandhatiṃ;

б̣ахунаа вид̇д̇алаабхзна, д̇асса д̣̇зма бияам̣ мама’’’нд̇и.

Bahunā vittalābhena, tassa dema piyaṃ mama’’’nti.

д̇ад̇т̇а бависид̇ваад̇и варун̣о бун̣н̣агам̣ д̇ад̇т̇зва табзд̇ваа саяам̣ удтааяа яад̇т̇асса бхарияаа нибаннаа, д̇ам̣ нивзсанам̣ бависид̇ваа. бияам̣ маманд̇и мама бияам̣ д̇хийд̇арам̣ д̇асса б̣ахунаа вид̇д̇алаабхзна д̣̇змаад̇и бужчад̇и.

Tattha pavisitvāti varuṇo puṇṇakaṃ tattheva ṭhapetvā sayaṃ uṭṭhāya yatthassa bhariyā nipannā, taṃ nivesanaṃ pavisitvā. Piyaṃ mamanti mama piyaṃ dhītaraṃ tassa bahunā vittalābhena demāti pucchati.

вималаа ааха –

Vimalā āha –

1361.

‘‘на д̇ханзна на вид̇д̇зна, лаб̣бхаа амхам̣ иранд̇хад̇ий;

‘‘Na dhanena na vittena, labbhā amhaṃ irandhatī;

сажз жа ко хад̣̇аяам̣ бан̣д̣ид̇асса, д̇хаммзна лад̣̇д̇хаа ид̇ха маахарзяяа;

Sace ca kho hadayaṃ paṇḍitassa, dhammena laddhā idha māhareyya;

зд̇зна вид̇д̇зна гумаари лаб̣бхаа, наан̃н̃ам̣ д̇ханам̣ уд̇д̇ари бад̇т̇аяаамаа’’д̇и.

Etena vittena kumāri labbhā, nāññaṃ dhanaṃ uttari patthayāmā’’ti.

д̇ад̇т̇а амхам̣ иранд̇хад̇ийд̇и амхаагам̣ д̇хийд̇аа иранд̇хад̇ий. зд̇зна вид̇д̇знаад̇и зд̇зна д̇удтигааран̣зна.

Tattha amhaṃ irandhatīti amhākaṃ dhītā irandhatī. Etena vittenāti etena tuṭṭhikāraṇena.

со д̇ааяа сад̣̇д̇хим̣ манд̇зд̇ваа бунад̣̇зва бун̣н̣агзна сад̣̇д̇хим̣ манд̇зси. д̇амад̇т̇ам̣ багаасзнд̇о сад̇т̇аа ааха –

So tāya saddhiṃ mantetvā punadeva puṇṇakena saddhiṃ mantesi. Tamatthaṃ pakāsento satthā āha –

1362.

‘‘д̇ад̇о со варун̣о нааг̇о, нигкамид̇ваа нивзсанаа;

‘‘Tato so varuṇo nāgo, nikkhamitvā nivesanā;

бун̣н̣агааманд̇аяид̇ваана, ид̣̇ам̣ важанамаб̣рави.

Puṇṇakāmantayitvāna, idaṃ vacanamabravi.

1363.

‘‘‘на д̇ханзна на вид̇д̇зна, лаб̣бхаа амхам̣ иранд̇хад̇ий;

‘‘‘Na dhanena na vittena, labbhā amhaṃ irandhatī;

сажз д̇увам̣ хад̣̇аяам̣ бан̣д̣ид̇аса, д̇хаммзна лад̣̇д̇хаа ид̇ха маахарзси;

Sace tuvaṃ hadayaṃ paṇḍitasa, dhammena laddhā idha māharesi;

зд̇зна вид̇д̇зна гумаари лаб̣бхаа, наан̃н̃ам̣ д̇ханам̣ уд̇д̇ари бад̇т̇аяаамаа’’’д̇и.

Etena vittena kumāri labbhā, nāññaṃ dhanaṃ uttari patthayāmā’’’ti.

д̇ад̇т̇а бун̣н̣агааманд̇аяид̇ваанаад̇и бун̣н̣агам̣ ааманд̇аяид̇ваа.

Tattha puṇṇakāmantayitvānāti puṇṇakaṃ āmantayitvā.

бун̣н̣аго ааха –

Puṇṇako āha –

1364.

‘‘яам̣ бан̣д̣ид̇од̇язгз вад̣̇анд̇и логз, д̇амзва б̣аалод̇и бунааху ан̃н̃з;

‘‘Yaṃ paṇḍitotyeke vadanti loke, tameva bāloti punāhu aññe;

агкаахи мз виббавад̣̇анд̇и зд̇т̇а, гам̣ бан̣д̣ид̇ам̣ нааг̇а д̇увам̣ вад̣̇зсий’’д̇и.

Akkhāhi me vippavadanti ettha, kaṃ paṇḍitaṃ nāga tuvaṃ vadesī’’ti.

д̇ад̇т̇а яам̣ бан̣д̣ид̇од̇язгзд̇и со гира ‘‘хад̣̇аяам̣ бан̣д̣ид̇ассаа’’д̇и суд̇ваа жинд̇зси ‘‘яам̣ згз бан̣д̣ид̇од̇и вад̣̇анд̇и, д̇амзва ан̃н̃з б̣аалод̇и гат̇знд̇и. гин̃жааби мз иранд̇хад̇ияаа вид̇хурод̇и агкаад̇ам̣, д̇ат̇ааби д̇ат̇ад̇о ж̇аанид̇ум̣ бужчиссаами на’’нд̇и. д̇асмаа звамааха.

Tattha yaṃpaṇḍitotyeketi so kira ‘‘hadayaṃ paṇḍitassā’’ti sutvā cintesi ‘‘yaṃ eke paṇḍitoti vadanti, tameva aññe bāloti kathenti. Kiñcāpi me irandhatiyā vidhuroti akkhātaṃ, tathāpi tathato jānituṃ pucchissāmi na’’nti. Tasmā evamāha.

нааг̇арааж̇аа ааха –

Nāgarājā āha –

1365.

‘‘гораб̣яарааж̇асса д̇ханан̃жаяасса, яад̣̇и д̇з суд̇о вид̇хуро наама гад̇д̇аа;

‘‘Korabyarājassa dhanañcayassa, yadi te suto vidhuro nāma kattā;

аанзхи д̇ам̣ бан̣д̣ид̇ам̣ д̇хаммалад̣̇д̇хаа, иранд̇хад̇ий бад̣̇ажараа д̇з ход̇уу’’д̇и.

Ānehi taṃ paṇḍitaṃ dhammaladdhā, irandhatī padacarā te hotū’’ti.

д̇ад̇т̇а д̇хаммалад̣̇д̇хаад̇и д̇хаммзна лабхид̇ваа. бад̣̇ажараад̇и баад̣̇абарижааригаа.

Tattha dhammaladdhāti dhammena labhitvā. Padacarāti pādaparicārikā.

д̇ам̣ суд̇ваа бун̣н̣аго соманассаббад̇д̇о синд̇хавам̣ наяанад̇т̇ааяа убадтаагам̣ аан̣аабзси. д̇амад̇т̇ам̣ багаасзнд̇о сад̇т̇аа ааха –

Taṃ sutvā puṇṇako somanassappatto sindhavaṃ nayanatthāya upaṭṭhākaṃ āṇāpesi. Tamatthaṃ pakāsento satthā āha –

1366.

‘‘ид̣̇ан̃жа суд̇ваа варун̣асса ваагяам̣, удтааяа яагко барамаббад̇ийд̇о;

‘‘Idañca sutvā varuṇassa vākyaṃ, uṭṭhāya yakkho paramappatīto;

д̇ад̇т̇зва санд̇о бурисам̣ асам̣си, аанзхи ааж̇ан̃н̃амид̇хзва яуд̇д̇а’’нд̇и.

Tattheva santo purisaṃ asaṃsi, ānehi ājaññamidheva yutta’’nti.

д̇ад̇т̇а бурисам̣ асам̣сийд̇и ад̇д̇ано убадтаагам̣ аан̣аабзси. ааж̇ан̃н̃анд̇и гааран̣аагааран̣аж̇аананагасинд̇хавам̣. яуд̇д̇анд̇и габбид̇ам̣.

Tattha purisaṃ asaṃsīti attano upaṭṭhākaṃ āṇāpesi. Ājaññanti kāraṇākāraṇajānanakasindhavaṃ. Yuttanti kappitaṃ.

1367.

‘‘ж̇аад̇аруубамаяаа ган̣н̣аа, гаажамхижамаяаа кураа;

‘‘Jātarūpamayā kaṇṇā, kācamhicamayā khurā;

ж̇амб̣онад̣̇асса баагасса, суван̣н̣асса уражчад̣̇о’’д̇и.

Jambonadassa pākassa, suvaṇṇassa uracchado’’ti.

д̇ад̇т̇а ж̇аад̇аруубамаяаа ган̣н̣аад̇и д̇амзва синд̇хавам̣ ван̣н̣знд̇о ааха. д̇асса хи маномаяасса синд̇хавасса ж̇аад̇аруубамаяаа ган̣н̣аа, гаажамхижамаяаа кураа, д̇асса кураа рад̇д̇аман̣имаяаад̇и ад̇т̇о. ж̇амб̣онад̣̇асса баагассаад̇и ж̇амб̣онад̣̇асса баггасса рад̇д̇асуван̣н̣асса уражчад̣̇о.

Tattha jātarūpamayā kaṇṇāti tameva sindhavaṃ vaṇṇento āha. Tassa hi manomayassa sindhavassa jātarūpamayā kaṇṇā, kācamhicamayā khurā, tassa khurā rattamaṇimayāti attho. Jambonadassa pākassāti jambonadassa pakkassa rattasuvaṇṇassa uracchado.

со бурисо д̇аавад̣̇зва д̇ам̣ синд̇хавам̣ аанзси. бун̣н̣аго д̇ам̣ абхируяха аагаасзна взссаван̣асса санд̇игам̣ г̇анд̇ваа нааг̇абхаванам̣ ван̣н̣зд̇ваа д̇ам̣ бавад̇д̇им̣ аарожзси. д̇ассад̇т̇асса багаасанад̇т̇ам̣ ид̣̇ам̣ вуд̇д̇ам̣ –

So puriso tāvadeva taṃ sindhavaṃ ānesi. Puṇṇako taṃ abhiruyha ākāsena vessavaṇassa santikaṃ gantvā nāgabhavanaṃ vaṇṇetvā taṃ pavattiṃ ārocesi. Tassatthassa pakāsanatthaṃ idaṃ vuttaṃ –

1368.

‘‘д̣̇зваваахавахам̣ яаанам̣, ассамааруяха бун̣н̣аго;

‘‘Devavāhavahaṃ yānaṃ, assamāruyha puṇṇako;

алан̇гад̇о габбид̇агзсамассу, баггаами взхааяасаманд̇алигкз.

Alaṅkato kappitakesamassu, pakkāmi vehāyasamantalikkhe.

1369.

‘‘со бун̣н̣аго гаамарааг̇зна г̇ид̣̇д̇хо, иранд̇хад̇им̣ нааг̇аган̃н̃ам̣ ж̇иг̇ийсам̣;

‘‘So puṇṇako kāmarāgena giddho, irandhatiṃ nāgakaññaṃ jigīsaṃ;

г̇анд̇ваана д̇ам̣ бхууд̇абад̇им̣ яасассим̣, ижжаб̣равий взссаван̣ам̣ гувзрам̣.

Gantvāna taṃ bhūtapatiṃ yasassiṃ, iccabravī vessavaṇaṃ kuveraṃ.

1370.

‘‘бхог̇авад̇ий наама манд̣̇ирз, ваасаа хиран̃н̃авад̇ийд̇и вужжад̇и;

‘‘Bhogavatī nāma mandire, vāsā hiraññavatīti vuccati;

наг̇арз ниммид̇з ган̃жанамаяз, ман̣д̣аласса ураг̇асса нидтид̇ам̣.

Nagare nimmite kañcanamaye, maṇḍalassa uragassa niṭṭhitaṃ.

1371.

‘‘аддаалагаа одтаг̇ийвияо, лохид̇ан̇гасса масаараг̇аллино;

‘‘Aṭṭālakā oṭṭhagīviyo, lohitaṅkassa masāragallino;

баасаад̣̇зд̇т̇а силаамаяаа, сован̣н̣арад̇анзхи чаад̣̇ид̇аа.

Pāsādettha silāmayā, sovaṇṇaratanehi chāditā.

1372.

‘‘амб̣аа д̇илагаа жа ж̇амб̣уяо, сад̇д̇абан̣н̣аа мужалинд̣̇агзд̇агаа;

‘‘Ambā tilakā ca jambuyo, sattapaṇṇā mucalindaketakā;

бияан̇г̇у уд̣̇д̣̇аалагаа сахаа, убарибхад̣̇д̣̇агаа синд̣̇уваарагаа.

Piyaṅgu uddālakā sahā, uparibhaddakā sinduvārakā.

1373.

‘‘жамбзяяагаа нааг̇амаллигаа, бхаг̇иниймаалаа ат̇а мзд̇т̇а голияаа;

‘‘Campeyyakā nāgamallikā, bhaginīmālā atha mettha koliyā;

зд̇з д̣̇умаа барин̣аамид̇аа, собхаяанд̇и ураг̇асса манд̣̇ирам̣.

Ete dumā pariṇāmitā, sobhayanti uragassa mandiraṃ.

1374.

‘‘каж̇ж̇урзд̇т̇а силаамаяаа, сован̣н̣ад̇хувабубпид̇аа б̣ахуу;

‘‘Khajjurettha silāmayā, sovaṇṇadhuvapupphitā bahū;

яад̇т̇а васад̇обабаад̇иго, нааг̇арааж̇аа варун̣о махид̣̇д̇хиго.

Yattha vasatopapātiko, nāgarājā varuṇo mahiddhiko.

1375.

‘‘д̇асса гомааригаа бхарияаа, вималаа ган̃жанавзлливиг̇г̇ахаа;

‘‘Tassa komārikā bhariyā, vimalā kañcanavelliviggahā;

гаалаа д̇арун̣аава уг̇г̇ад̇аа, бужиманд̣̇ад̇т̇аний жааруд̣̇ассанаа.

Kālā taruṇāva uggatā, pucimandatthanī cārudassanā.

1376.

‘‘лаакаарасарад̇д̇асужчавий , ган̣игаараава ниваад̇абубпид̇аа;

‘‘Lākhārasarattasucchavī , kaṇikārāva nivātapupphitā;

д̇ид̣̇ивогажараава ажчараа, виж̇ж̇уваб̣бхагханаа виниссадаа.

Tidivokacarāva accharā, vijjuvabbhaghanā vinissaṭā.

1377.

‘‘саа д̣̇охал̣иний сувимхид̇аа, вид̇хурасса хад̣̇аяам̣ д̇ханияад̇и;

‘‘Sā dohaḷinī suvimhitā, vidhurassa hadayaṃ dhaniyati;

д̇ам̣ д̇зсам̣ д̣̇зми иссара, д̇зна д̇з д̣̇знд̇и иранд̇хад̇им̣ мама’’нд̇и.

Taṃ tesaṃ demi issara, tena te denti irandhatiṃ mama’’nti.

д̇ад̇т̇а д̣̇зваваахавахам̣ яаананд̇и вахид̇аб̣б̣од̇и ваахо, д̣̇звасан̇каад̇ам̣ ваахам̣ вахад̇ийд̇и д̣̇зваваахавахам̣. яанд̇и зд̇знаад̇и яаанам̣. габбид̇агзсамассууд̇и ман̣д̣анавасзна сусам̣вихид̇агзсамассу. д̣̇зваанам̣ бана гзсамассугаран̣агаммам̣ наама над̇т̇и, вижид̇д̇агат̇игзна бана гат̇ид̇ам̣. ж̇иг̇ийсанд̇и бад̇т̇аяанд̇о. взссаван̣анд̇и висаан̣ааяа рааж̇ад̇хаанияаа иссарарааж̇аанам̣. гувзранд̇и звам̣наамагам̣. бхог̇авад̇ий наамаад̇и самбаннабхог̇ад̇ааяа звам̣лад̣̇д̇ханаамам̣. манд̣̇ирзд̇и манд̣̇ирам̣, бхавананд̇и ад̇т̇о. ваасаа хиран̃н̃авад̇ийд̇и нааг̇арааж̇асса васанадтаанад̇д̇аа ваасаад̇и жа, ган̃жанавад̇ияаа суван̣н̣абаагаарзна баригкид̇д̇ад̇д̇аа хиран̃н̃авад̇ийд̇и жа вужжад̇и. наг̇арз ниммид̇зд̇и наг̇арам̣ ниммид̇ам̣. ган̃жанамаязд̇и суван̣н̣амаяам̣. ман̣д̣алассаад̇и бхог̇аман̣д̣алзна саманнааг̇ад̇асса. нидтид̇анд̇и гаран̣абаринидтид̇ам̣. одтаг̇ийвияод̇и одтаг̇ийваасан̣таанзна гад̇аа рад̇д̇аман̣имасаараг̇алламаяаа аддаалагаа. баасаад̣̇зд̇т̇аад̇и зд̇т̇а нааг̇абхаванз баасаад̣̇аа. силаамаяаад̇и ман̣имаяаа. сован̣н̣арад̇анзхийд̇и суван̣н̣асан̇каад̇зхи рад̇анзхи, суван̣н̣идтагаахи чаад̣̇ид̇аад̇и ад̇т̇о. сахаад̇и сахагаараа. убарибхад̣̇д̣̇агаад̇и уд̣̇д̣̇аалагаж̇аад̇игааязва ругкаа. жамбзяяагаа нааг̇амаллигаад̇и жамбагаа жа нааг̇аа жа маллигаа жа. бхаг̇иниймаалаа ат̇а мзд̇т̇а голияаад̇и бхаг̇иниймаалаа жзва ат̇а зд̇т̇а нааг̇абхаванз голияаа наама ругкаа жа. зд̇з д̣̇умаа барин̣аамид̇аад̇и зд̇з бубпуубаг̇апалуубаг̇аругкаа ан̃н̃аман̃н̃ам̣ сан̇гхаддасаакад̇ааяа барин̣аамид̇аа аагуласамаагулаа. каж̇ж̇урзд̇т̇аад̇и каж̇ж̇уриругкаа зд̇т̇а. силаамаяаад̇и инд̣̇анийламан̣имаяаа. сован̣н̣ад̇хувабубпид̇аад̇и д̇з бана суван̣н̣абубпзхи нижжабубпид̇аа. яад̇т̇а васад̇обабаад̇игод̇и яад̇т̇а нааг̇абхаванз обабаад̇иго нааг̇арааж̇аа васад̇и. ган̃жанавзлливиг̇г̇ахаад̇и суван̣н̣араасисассиригасарийраа. гаалаа д̇арун̣аава уг̇г̇ад̇аад̇и вилаасаяуд̇д̇ад̇ааяа манд̣̇аваад̇зрид̇аа гаалаваллибаллаваа вияа уг̇г̇ад̇аа. бужиманд̣̇ад̇т̇анийд̇и нимб̣апаласан̣таанажуужугаа . лаакаарасарад̇д̇асужчавийд̇и хад̇т̇абаад̣̇ад̇алачавим̣ санд̇хааяа вуд̇д̇ам̣. д̇ид̣̇ивогажараад̇и д̇ид̣̇асабхаванажараа. виж̇ж̇уваб̣бхагханаад̇и аб̣бхагханавалаахаганд̇арад̇о ниссадаа виж̇ж̇улад̇аа вияа. д̇ам̣ д̇зсам̣ д̣̇змийд̇и д̇ам̣ д̇асса хад̣̇аяам̣ ахам̣ д̇зсам̣ д̣̇зми, звам̣ ж̇аанассу. иссараад̇и маад̇улам̣ аалабад̇и.

Tattha devavāhavahaṃ yānanti vahitabboti vāho, devasaṅkhātaṃ vāhaṃ vahatīti devavāhavahaṃ. Yanti etenāti yānaṃ. Kappitakesamassūti maṇḍanavasena susaṃvihitakesamassu. Devānaṃ pana kesamassukaraṇakammaṃ nāma natthi, vicittakathikena pana kathitaṃ. Jigīsanti patthayanto. Vessavaṇanti visāṇāya rājadhāniyā issararājānaṃ. Kuveranti evaṃnāmakaṃ. Bhogavatī nāmāti sampannabhogatāya evaṃladdhanāmaṃ. Mandireti mandiraṃ, bhavananti attho. Vāsā hiraññavatīti nāgarājassa vasanaṭṭhānattā vāsāti ca, kañcanavatiyā suvaṇṇapākārena parikkhittattā hiraññavatīti ca vuccati. Nagare nimmiteti nagaraṃ nimmitaṃ. Kañcanamayeti suvaṇṇamayaṃ. Maṇḍalassāti bhogamaṇḍalena samannāgatassa. Niṭṭhitanti karaṇapariniṭṭhitaṃ. Oṭṭhagīviyoti oṭṭhagīvāsaṇṭhānena katā rattamaṇimasāragallamayā aṭṭālakā. Pāsādetthāti ettha nāgabhavane pāsādā. Silāmayāti maṇimayā. Sovaṇṇaratanehīti suvaṇṇasaṅkhātehi ratanehi, suvaṇṇiṭṭhakāhi chāditāti attho. Sahāti sahakārā. Uparibhaddakāti uddālakajātikāyeva rukkhā. Campeyyakā nāgamallikāti campakā ca nāgā ca mallikā ca. Bhaginīmālā atha mettha koliyāti bhaginīmālā ceva atha ettha nāgabhavane koliyā nāma rukkhā ca. Ete dumā pariṇāmitāti ete pupphūpagaphalūpagarukkhā aññamaññaṃ saṅghaṭṭasākhatāya pariṇāmitā ākulasamākulā. Khajjuretthāti khajjurirukkhā ettha. Silāmayāti indanīlamaṇimayā. Sovaṇṇadhuvapupphitāti te pana suvaṇṇapupphehi niccapupphitā. Yattha vasatopapātikoti yattha nāgabhavane opapātiko nāgarājā vasati. Kañcanavelliviggahāti suvaṇṇarāsisassirikasarīrā. Kālā taruṇāva uggatāti vilāsayuttatāya mandavāteritā kālavallipallavā viya uggatā. Pucimandatthanīti nimbaphalasaṇṭhānacūcukā . Lākhārasarattasucchavīti hatthapādatalachaviṃ sandhāya vuttaṃ. Tidivokacarāti tidasabhavanacarā. Vijjuvabbhaghanāti abbhaghanavalāhakantarato nissaṭā vijjulatā viya. Taṃ tesaṃ demīti taṃ tassa hadayaṃ ahaṃ tesaṃ demi, evaṃ jānassu. Issarāti mātulaṃ ālapati.

ид̇и со взссаван̣зна ананун̃н̃аад̇о г̇анд̇ум̣ ависахид̇ваа д̇ам̣ ануж̇аанаабзд̇ум̣ зд̇аа зд̇д̇агаа г̇аат̇аа гат̇зси. взссаван̣о бана д̇асса гат̇ам̣ на сун̣аад̇и. гим̣гааран̣аа? д̣̇виннам̣ д̣̇звабуд̇д̇аанам̣ вимаанаад̣д̣ам̣ барижчинд̣̇ад̇ийд̇и. бун̣н̣аго ад̇д̇ано важанасса ассуд̇абхаавам̣ н̃ад̇ваа ж̇инагад̣̇звабуд̇д̇асса санд̇игз адтааси. взссаван̣о ад̣д̣ам̣ винижчинид̇ваа барааж̇ид̇ам̣ анудтаабзд̇ваа ид̇арам̣ ‘‘г̇ажча д̇вам̣, д̇ава вимаанз васаахий’’д̇и ааха. бун̣н̣аго ‘‘г̇ажча д̇ва’’нд̇и вуд̇д̇агкан̣зязва ‘‘маяхам̣ маад̇улзна мама бзсид̇абхаавам̣ ж̇аанаат̇аа’’д̇и гад̇ибаяад̣̇звабуд̇д̇з сагким̣ гад̇ваа хздтаа вуд̇д̇анаязнзва синд̇хавам̣ аахараабзд̇ваа абхируяха баггаами. д̇амад̇т̇ам̣ багаасзнд̇о сад̇т̇аа ааха –

Iti so vessavaṇena ananuññāto gantuṃ avisahitvā taṃ anujānāpetuṃ etā ettakā gāthā kathesi. Vessavaṇo pana tassa kathaṃ na suṇāti. Kiṃkāraṇā? Dvinnaṃ devaputtānaṃ vimānaaḍḍaṃ paricchindatīti. Puṇṇako attano vacanassa assutabhāvaṃ ñatvā jinakadevaputtassa santike aṭṭhāsi. Vessavaṇo aḍḍaṃ vinicchinitvā parājitaṃ anuṭṭhāpetvā itaraṃ ‘‘gaccha tvaṃ, tava vimāne vasāhī’’ti āha. Puṇṇako ‘‘gaccha tva’’nti vuttakkhaṇeyeva ‘‘mayhaṃ mātulena mama pesitabhāvaṃ jānāthā’’ti katipayadevaputte sakkhiṃ katvā heṭṭhā vuttanayeneva sindhavaṃ āharāpetvā abhiruyha pakkāmi. Tamatthaṃ pakāsento satthā āha –

1378.

‘‘со бун̣н̣аго бхууд̇абад̇им̣ яасассим̣, ааманд̇аяа взссаван̣ам̣ гувзрам̣;

‘‘So puṇṇako bhūtapatiṃ yasassiṃ, āmantaya vessavaṇaṃ kuveraṃ;

д̇ад̇т̇зва санд̇о бурисам̣ асам̣си, аанзхи ааж̇ан̃н̃амид̇хзва яуд̇д̇ам̣.

Tattheva santo purisaṃ asaṃsi, ānehi ājaññamidheva yuttaṃ.

1379.

‘‘ж̇аад̇аруубамаяаа ган̣н̣аа, гаажамхижамаяаа кураа;

‘‘Jātarūpamayā kaṇṇā, kācamhicamayā khurā;

ж̇амб̣онад̣̇асса баагасса, суван̣н̣асса уражчад̣̇о.

Jambonadassa pākassa, suvaṇṇassa uracchado.

1380.

‘‘д̣̇зваваахавахам̣ яаанам̣, ассамааруяха бун̣н̣аго;

‘‘Devavāhavahaṃ yānaṃ, assamāruyha puṇṇako;

алан̇гад̇о габбид̇агзсамассу, баггаами взхааяасаманд̇алигкз’’д̇и.

Alaṅkato kappitakesamassu, pakkāmi vehāyasamantalikkhe’’ti.

д̇ад̇т̇а ааманд̇аяаад̇и ааманд̇аяид̇ваа.

Tattha āmantayāti āmantayitvā.

со аагаасзна г̇ажчанд̇оязва жинд̇зси ‘‘вид̇хурабан̣д̣ид̇о махаабаривааро, на саггаа д̇ам̣ г̇ан̣хид̇ум̣, д̇ханан̃жаяагораб̣яо бана ж̇ууд̇авид̇д̇аго, д̇ам̣ ж̇ууд̇зна ж̇инид̇ваа вид̇хурам̣ г̇ан̣хиссаами, гхарз банасса б̣ахууни рад̇анаани, аббаг̇гхзна лагкзна ж̇ууд̇ам̣ на гийл̣иссад̇и, махаг̇гхарад̇анам̣ харид̇ум̣ ваддад̇и, ан̃н̃ам̣ рад̇анам̣ рааж̇аа на г̇ан̣хиссад̇и, рааж̇аг̇ахасса сааманд̇аа взбуллабаб̣б̣ад̇аб̣бханд̇арз жаггавад̇д̇иран̃н̃о барибхог̇аман̣ирад̇анам̣ ад̇т̇и махаанубхаавам̣, д̇ам̣ г̇ахзд̇ваа д̇зна рааж̇аанам̣ балобхзд̇ваа ж̇иниссаамий’’д̇и. со д̇ат̇аа агааси. д̇амад̇т̇ам̣ багаасзнд̇о сад̇т̇аа ааха –

So ākāsena gacchantoyeva cintesi ‘‘vidhurapaṇḍito mahāparivāro, na sakkā taṃ gaṇhituṃ, dhanañcayakorabyo pana jūtavittako, taṃ jūtena jinitvā vidhuraṃ gaṇhissāmi, ghare panassa bahūni ratanāni, appagghena lakkhena jūtaṃ na kīḷissati, mahaggharatanaṃ harituṃ vaṭṭati, aññaṃ ratanaṃ rājā na gaṇhissati, rājagahassa sāmantā vepullapabbatabbhantare cakkavattirañño paribhogamaṇiratanaṃ atthi mahānubhāvaṃ, taṃ gahetvā tena rājānaṃ palobhetvā jinissāmī’’ti. So tathā akāsi. Tamatthaṃ pakāsento satthā āha –

1381.

‘‘со аг̇г̇амаа рааж̇аг̇ахам̣ сураммам̣, ан̇г̇асса ран̃н̃о наг̇арам̣ д̣̇урааяуд̇ам̣;

‘‘So aggamā rājagahaṃ surammaṃ, aṅgassa rañño nagaraṃ durāyutaṃ;

бахууд̇абхагкам̣ б̣ахуаннабаанам̣, масаггасаарам̣ вияа ваасавасса.

Pahūtabhakkhaṃ bahuannapānaṃ, masakkasāraṃ viya vāsavassa.

1382.

‘‘маяуурагон̃жааг̇ан̣асамбагхудтам̣ , д̣̇иж̇аабхигхудтам̣ д̣̇иж̇асан̇гхасзвид̇ам̣;

‘‘Mayūrakoñcāgaṇasampaghuṭṭhaṃ , dijābhighuṭṭhaṃ dijasaṅghasevitaṃ;

наанаасагунд̇аабхируд̣̇ам̣ суван̇г̇ан̣ам̣, бубпаабхигин̣н̣ам̣ химавам̣ва баб̣б̣ад̇ам̣.

Nānāsakuntābhirudaṃ suvaṅgaṇaṃ, pupphābhikiṇṇaṃ himavaṃva pabbataṃ.

1383.

‘‘со бун̣н̣аго взбуламаабхируухи, силужжаяам̣ гимбурисаанужин̣н̣ам̣;

‘‘So puṇṇako vepulamābhirūhi, siluccayaṃ kimpurisānuciṇṇaṃ;

анвзсамаано ман̣ирад̇анам̣ ул̣аарам̣, д̇амад̣̇д̣̇асаа баб̣б̣ад̇агуудамаж̇жхз’’д̇и.

Anvesamāno maṇiratanaṃ uḷāraṃ, tamaddasā pabbatakūṭamajjhe’’ti.

д̇ад̇т̇а ан̇г̇асса ран̃н̃од̇и д̇ад̣̇аа ан̇г̇асса ран̃н̃ова маг̇ад̇хараж̇ж̇ам̣ ахоси. д̇зна вуд̇д̇ам̣ – ‘‘ан̇г̇асса ран̃н̃о наг̇ара’’нд̇и. д̣̇урааяуд̇анд̇и бажжад̇т̇игзхи д̣̇урааяуд̇д̇ам̣. масаггасаарам̣ вияа ваасавассаад̇и масаггасаарасан̇каад̇з синзрубаб̣б̣ад̇амад̇т̇агз маабид̇ад̇д̇аа ‘‘масаггасаара’’нд̇и лад̣̇д̇ханаамам̣ ваасавасса бхаванам̣ вияа. д̣̇иж̇аабхигхудтанд̇и ан̃н̃зхи жа багкийхи абхисан̇гхудтам̣ ниннаад̣̇ид̇ам̣. наанаасагунд̇аабхируд̣̇анд̇и мад̇хурассарзна г̇ааяанд̇зхи вияа наанаавид̇хзхи сагун̣зхи абхируд̣̇ам̣, абхиг̇ийд̇анд̇и ад̇т̇о. суван̇г̇ан̣анд̇и сунд̣̇араан̇г̇ан̣ам̣ манун̃н̃ад̇алам̣. химавам̣ва баб̣б̣ад̇анд̇и химаванд̇абаб̣б̣ад̇ам̣ вияа. взбуламаабхируухийд̇и бхигкавз, со бун̣н̣аго зваруубам̣ взбуллабаб̣б̣ад̇ам̣ абхирухи. баб̣б̣ад̇агуудамаж̇жхзд̇и баб̣б̣ад̇агуудаанд̇арз д̇ам̣ ман̣им̣ ад̣̇д̣̇аса.

Tattha aṅgassa raññoti tadā aṅgassa raññova magadharajjaṃ ahosi. Tena vuttaṃ – ‘‘aṅgassa rañño nagara’’nti. Durāyutanti paccatthikehi durāyuttaṃ. Masakkasāraṃ viya vāsavassāti masakkasārasaṅkhāte sinerupabbatamatthake māpitattā ‘‘masakkasāra’’nti laddhanāmaṃ vāsavassa bhavanaṃ viya. Dijābhighuṭṭhanti aññehi ca pakkhīhi abhisaṅghuṭṭhaṃ ninnāditaṃ. Nānāsakuntābhirudanti madhurassarena gāyantehi viya nānāvidhehi sakuṇehi abhirudaṃ, abhigītanti attho. Suvaṅgaṇanti sundaraaṅgaṇaṃ manuññatalaṃ. Himavaṃva pabbatanti himavantapabbataṃ viya. Vepulamābhirūhīti bhikkhave, so puṇṇako evarūpaṃ vepullapabbataṃ abhiruhi. Pabbatakūṭamajjheti pabbatakūṭaantare taṃ maṇiṃ addasa.

1384.

‘‘д̣̇исваа ман̣им̣ бабхассарам̣ ж̇аад̇иманд̇ам̣, манохарам̣ ман̣ирад̇анам̣ ул̣аарам̣;

‘‘Disvā maṇiṃ pabhassaraṃ jātimantaṃ, manoharaṃ maṇiratanaṃ uḷāraṃ;

д̣̇ад̣̇д̣̇алламаанам̣ яасасаа яасассинам̣, обхаасад̇ий виж̇ж̇уриванд̇алигкз.

Daddallamānaṃ yasasā yasassinaṃ, obhāsatī vijjurivantalikkhe.

1385.

‘‘д̇амаг̇г̇ахий взл̣урияам̣ махаг̇гхам̣, манохарам̣ наама махаанубхаавам̣;

‘‘Tamaggahī veḷuriyaṃ mahagghaṃ, manoharaṃ nāma mahānubhāvaṃ;

ааж̇ан̃н̃амааруяха маномаван̣н̣о, баггаами взхааяасаманд̇алигкз’’д̇и.

Ājaññamāruyha manomavaṇṇo, pakkāmi vehāyasamantalikkhe’’ti.

д̇ад̇т̇а манохаранд̇и манасаабхибад̇т̇ид̇асса д̇ханасса аахаран̣асамад̇т̇ам̣. д̣̇ад̣̇д̣̇алламаананд̇и уж̇ж̇аламаанам̣. яасасаад̇и бариваараман̣иг̇ан̣зна. обхаасад̇ийд̇и д̇ам̣ ман̣ирад̇анам̣ аагаасз виж̇ж̇урива обхаасад̇и. д̇амаг̇г̇ахийд̇и д̇ам̣ ман̣ирад̇анам̣ аг̇г̇ахзси. д̇ам̣ бана ман̣ирад̇анам̣ гумбхиро наама яагко гумбхан̣д̣асахассабаривааро рагкад̇и. со бана д̇зна гуж̇жхид̇ваа ологид̇амад̇д̇знзва бхийд̇ад̇асид̇о балааяид̇ваа жаггаваал̣абаб̣б̣ад̇ам̣ бад̇ваа гамбамаано ологзнд̇о адтааси. ид̇и д̇ам̣ балаабзд̇ваа бун̣н̣аго ман̣ирад̇анам̣ аг̇г̇ахзси. манохарам̣ наамаад̇и манасаа жинд̇ид̇ам̣ д̇ханам̣ аахарид̇ум̣ саггод̇ийд̇и звам̣лад̣̇д̇ханаамам̣.

Tattha manoharanti manasābhipatthitassa dhanassa āharaṇasamatthaṃ. Daddallamānanti ujjalamānaṃ. Yasasāti parivāramaṇigaṇena. Obhāsatīti taṃ maṇiratanaṃ ākāse vijjuriva obhāsati. Tamaggahīti taṃ maṇiratanaṃ aggahesi. Taṃ pana maṇiratanaṃ kumbhiro nāma yakkho kumbhaṇḍasahassaparivāro rakkhati. So pana tena kujjhitvā olokitamatteneva bhītatasito palāyitvā cakkavāḷapabbataṃ patvā kampamāno olokento aṭṭhāsi. Iti taṃ palāpetvā puṇṇako maṇiratanaṃ aggahesi. Manoharaṃ nāmāti manasā cintitaṃ dhanaṃ āharituṃ sakkotīti evaṃladdhanāmaṃ.

ид̇и со д̇ам̣ г̇ахзд̇ваа аагаасзна г̇ажчанд̇о д̇ам̣ наг̇арам̣ бад̇д̇о. д̇амад̇т̇ам̣ багаасзнд̇о сад̇т̇аа ааха –

Iti so taṃ gahetvā ākāsena gacchanto taṃ nagaraṃ patto. Tamatthaṃ pakāsento satthā āha –

1386.

‘‘со аг̇г̇амаа наг̇араминд̣̇абад̇т̇ам̣, оруяхубааг̇ажчи сабхам̣ гуруунам̣;

‘‘So aggamā nagaramindapatthaṃ, oruyhupāgacchi sabhaṃ kurūnaṃ;

самааг̇ад̇з згасад̇ам̣ самаг̇г̇з, авхзд̇т̇а яагко авигамбамаано.

Samāgate ekasataṃ samagge, avhettha yakkho avikampamāno.

1387.

‘‘го нийд̇ха ран̃н̃ам̣ варамаабхиж̇зд̇и, гамаабхиж̇зяяаама варад̣̇д̇ханзна;

‘‘Ko nīdha raññaṃ varamābhijeti, kamābhijeyyāma varaddhanena;

гамануд̇д̇арам̣ рад̇анаварам̣ ж̇инаама, го вааби но ж̇зд̇и варад̣̇д̇ханзнаа’’д̇и.

Kamanuttaraṃ ratanavaraṃ jināma, ko vāpi no jeti varaddhanenā’’ti.

д̇ад̇т̇а оруяхубааг̇ажчи сабхам̣ гуруунанд̇и бхигкавз, со бун̣н̣аго ассабидтид̇о оруяха ассам̣ ад̣̇иссамаанаруубам̣ табзд̇ваа маан̣авагаван̣н̣зна гуруунам̣ сабхам̣ убаг̇ад̇о. згасад̇анд̇и згасад̇арааж̇аано ачамбхийд̇о худ̇ваа ‘‘го нийд̇хаа’’д̇иаад̣̇ийни вад̣̇анд̇о ж̇ууд̇зна авхзд̇т̇а. го нийд̇хаад̇и го ну имасмим̣ рааж̇асамааг̇амз. ран̃н̃анд̇и рааж̇уунам̣ анд̇арз. варамаабхиж̇зд̇ийд̇и амхаагам̣ санд̇агам̣ сздтарад̇анам̣ абхиж̇зд̇и, ‘‘ахам̣ ж̇инаамий’’д̇и вад̇д̇ум̣ уссахад̇и. гамаабхиж̇зяяаамаад̇и гам̣ ваа маяам̣ ж̇инзяяаама. варад̣̇д̇ханзнаад̇и уд̇д̇амад̇ханзна. гамануд̇д̇аранд̇и ж̇инанд̇о жа гад̇арам̣ рааж̇аанам̣ ануд̇д̇арам̣ рад̇анаварам̣ ж̇инаама. го вааби но ж̇зд̇ийд̇и ат̇а ваа го наама рааж̇аа амхз варад̇ханзна ж̇зд̇и. ид̇и со жад̇уухи бад̣̇зхи гораб̣яамзва гхаддзд̇и.

Tattha oruyhupāgacchi sabhaṃ kurūnanti bhikkhave, so puṇṇako assapiṭṭhito oruyha assaṃ adissamānarūpaṃ ṭhapetvā māṇavakavaṇṇena kurūnaṃ sabhaṃ upagato. Ekasatanti ekasatarājāno achambhīto hutvā ‘‘ko nīdhā’’tiādīni vadanto jūtena avhettha. Ko nīdhāti ko nu imasmiṃ rājasamāgame. Raññanti rājūnaṃ antare. Varamābhijetīti amhākaṃ santakaṃ seṭṭharatanaṃ abhijeti, ‘‘ahaṃ jināmī’’ti vattuṃ ussahati. Kamābhijeyyāmāti kaṃ vā mayaṃ jineyyāma. Varaddhanenāti uttamadhanena. Kamanuttaranti jinanto ca kataraṃ rājānaṃ anuttaraṃ ratanavaraṃ jināma. Ko vāpi no jetīti atha vā ko nāma rājā amhe varadhanena jeti. Iti so catūhi padehi korabyameva ghaṭṭeti.

ат̇а рааж̇аа ‘‘маяаа ид̇о буб̣б̣з звам̣ сууро худ̇ваа гат̇знд̇о наама на д̣̇идтабуб̣б̣о, го ну ко зсо’’д̇и жинд̇зд̇ваа бужчанд̇о г̇аат̇амааха –

Atha rājā ‘‘mayā ito pubbe evaṃ sūro hutvā kathento nāma na diṭṭhapubbo, ko nu kho eso’’ti cintetvā pucchanto gāthamāha –

1388.

‘‘гухим̣ ну радтз д̇ава ж̇аад̇ибхууми, на гораб̣яассзва важо д̇авзд̣̇ам̣;

‘‘Kuhiṃ nu raṭṭhe tava jātibhūmi, na korabyasseva vaco tavedaṃ;

абхийд̇оси но ван̣н̣анибхааяа саб̣б̣з, агкаахи мз нааман̃жа б̣анд̇хавз жаа’’д̇и.

Abhītosi no vaṇṇanibhāya sabbe, akkhāhi me nāmañca bandhave cā’’ti.

д̇ад̇т̇а на гораб̣яассзваад̇и гурурадтаваасигассзва д̇ава важанам̣ на ход̇и.

Tattha na korabyassevāti kururaṭṭhavāsikasseva tava vacanaṃ na hoti.

д̇ам̣ суд̇ваа ид̇аро ‘‘аяам̣ рааж̇аа мама наамам̣ бужчад̇и, бун̣н̣аго жа наама д̣̇аасо ход̇и. сажаахам̣ ‘бун̣н̣агосмий’д̇и вагкаами, ‘зса д̣̇аасо, д̇асмаа мам̣ баг̇аб̣бхад̇ааяа звам̣ вад̣̇зд̇ий’д̇и аваман̃н̃иссад̇и, ананд̇араад̇ийд̇з ад̇д̇абхаавз наамамасса гат̇зссаамий’’д̇и жинд̇зд̇ваа г̇аат̇амааха –

Taṃ sutvā itaro ‘‘ayaṃ rājā mama nāmaṃ pucchati, puṇṇako ca nāma dāso hoti. Sacāhaṃ ‘puṇṇakosmī’ti vakkhāmi, ‘esa dāso, tasmā maṃ pagabbhatāya evaṃ vadetī’ti avamaññissati, anantarātīte attabhāve nāmamassa kathessāmī’’ti cintetvā gāthamāha –

1389.

‘‘гажжааяано маан̣авагосми рааж̇а, ануунанаамо ид̇и мавхаяанд̇и;

‘‘Kaccāyano māṇavakosmi rāja, anūnanāmo iti mavhayanti;

ан̇г̇зсу мз н̃аад̇аяо б̣анд̇хаваа жа, агкзна д̣̇звасми ид̇хаанубад̇д̇о’’д̇и.

Aṅgesu me ñātayo bandhavā ca, akkhena devasmi idhānupatto’’ti.

д̇ад̇т̇а ануунанаамод̇и на уунанаамо. иминаа ад̇д̇ано бун̣н̣аганаамамзва бадижчаннам̣ гад̇ваа гат̇зд̇и. ид̇и мавхаяанд̇ийд̇и ид̇и мам̣ авхаяанд̇и баггосанд̇и . ан̇г̇зсууд̇и ан̇г̇арадтз гаалажамбаанаг̇арз васанд̇и. агкзна д̣̇звасмийд̇и д̣̇зва, ж̇ууд̇агийл̣анад̇т̇зна ид̇ха ануббад̇д̇осми.

Tattha anūnanāmoti na ūnanāmo. Iminā attano puṇṇakanāmameva paṭicchannaṃ katvā katheti. Iti mavhayantīti iti maṃ avhayanti pakkosanti . Aṅgesūti aṅgaraṭṭhe kālacampānagare vasanti. Akkhena devasmīti deva, jūtakīḷanatthena idha anuppattosmi.

ат̇а рааж̇аа ‘‘маан̣ава, д̇вам̣ ж̇ууд̇зна ж̇ид̇о гим̣ д̣̇ассаси, гим̣ д̇з ад̇т̇ий’’д̇и бужчанд̇о г̇аат̇амааха –

Atha rājā ‘‘māṇava, tvaṃ jūtena jito kiṃ dassasi, kiṃ te atthī’’ti pucchanto gāthamāha –

1390.

‘‘гим̣ маан̣авасса рад̇анаани ад̇т̇и, яз д̇ам̣ ж̇инанд̇о харз агкад̇худ̇д̇о;

‘‘Kiṃ māṇavassa ratanāni atthi, ye taṃ jinanto hare akkhadhutto;

б̣ахууни ран̃н̃о рад̇анаани ад̇т̇и, д̇з д̇вам̣ д̣̇алид̣̇д̣̇о гат̇амавхаязсий’’д̇и.

Bahūni rañño ratanāni atthi, te tvaṃ daliddo kathamavhayesī’’ti.

д̇ассад̇т̇о – гид̇д̇агаани бход̇о маан̣авасса рад̇анаани ад̇т̇и, яз д̇ам̣ ж̇инанд̇о агкад̇худ̇д̇о ‘‘аахараа’’д̇и вад̇ваа харзяяа. ран̃н̃о бана нивзсанз б̣ахууни рад̇анаани ад̇т̇и, д̇з рааж̇аано звам̣ б̣ахуд̇ханз д̇вам̣ д̣̇алид̣̇д̣̇о самаано гат̇ам̣ ж̇ууд̇зна авхаяасийд̇и.

Tassattho – kittakāni bhoto māṇavassa ratanāni atthi, ye taṃ jinanto akkhadhutto ‘‘āharā’’ti vatvā hareyya. Rañño pana nivesane bahūni ratanāni atthi, te rājāno evaṃ bahudhane tvaṃ daliddo samāno kathaṃ jūtena avhayasīti.

д̇ад̇о бун̣н̣аго г̇аат̇амааха –

Tato puṇṇako gāthamāha –

1391.

‘‘манохаро наама ман̣ий мамааяам̣, манохарам̣ ман̣ирад̇анам̣ ул̣аарам̣;

‘‘Manoharo nāma maṇī mamāyaṃ, manoharaṃ maṇiratanaṃ uḷāraṃ;

иман̃жа ааж̇ан̃н̃амамид̇д̇ад̇аабанам̣, зд̇ам̣ мз ж̇инид̇ваа харз агкад̇худ̇д̇о’’д̇и.

Imañca ājaññamamittatāpanaṃ, etaṃ me jinitvā hare akkhadhutto’’ti.

баал̣ибод̇т̇агзсу бана ‘‘ман̣и мама виж̇ж̇ад̇и лохид̇ан̇го’’д̇и ликид̇ам̣. со бана ман̣и взл̣урияо, д̇асмаа ид̣̇амзва самзд̇и.

Pāḷipotthakesu pana ‘‘maṇi mama vijjati lohitaṅko’’ti likhitaṃ. So pana maṇi veḷuriyo, tasmā idameva sameti.

д̇ад̇т̇а ааж̇ан̃н̃анд̇и имам̣ ааж̇аанийяассан̃жа ман̣ин̃жаад̇и зд̇ам̣ мз убхаяам̣ харзяяа агкад̇худ̇д̇од̇и ассам̣ д̣̇ассзд̇ваа звамааха.

Tattha ājaññanti imaṃ ājānīyassañca maṇiñcāti etaṃ me ubhayaṃ hareyya akkhadhuttoti assaṃ dassetvā evamāha.

д̇ам̣ суд̇ваа рааж̇аа г̇аат̇амааха –

Taṃ sutvā rājā gāthamāha –

1392.

‘‘зго ман̣ий маан̣ава гим̣ гариссад̇и, ааж̇ааниязго бана гим̣ гариссад̇и;

‘‘Eko maṇī māṇava kiṃ karissati, ājāniyeko pana kiṃ karissati;

б̣ахууни ран̃н̃о ман̣ирад̇анаани ад̇т̇и, ааж̇аанияаа ваад̇аж̇аваа анаббагаа’’д̇и.

Bahūni rañño maṇiratanāni atthi, ājāniyā vātajavā anappakā’’ti.

д̣̇охал̣аган̣д̣ам̣ нидтид̇ам̣.

Dohaḷakaṇḍaṃ niṭṭhitaṃ.

ман̣иган̣д̣ам̣

Maṇikaṇḍaṃ

со ран̃н̃о гат̇ам̣ суд̇ваа ‘‘махаарааж̇а, гим̣ наама зд̇ам̣ вад̣̇зт̇а, зго ассо ассасахассам̣ лагкам̣ ход̇и, зго ман̣и ман̣исахассам̣ лагкам̣ ход̇и. на хи саб̣б̣з ассаа згасад̣̇исаа, имасса д̇аава ж̇авам̣ бассат̇аа’’д̇и вад̇ваа ассам̣ абхирухид̇ваа баагаарамад̇т̇агзна бзсзси. сад̇д̇аяож̇анигам̣ наг̇арам̣ ассзхи г̇ийвааяа г̇ийвам̣ бахаранд̇зхи баригкид̇д̇ам̣ вияа ахоси. ат̇аануггамзна ассоби на бан̃н̃ааяи, яагкоби на бан̃н̃ааяи, уд̣̇арз б̣ад̣̇д̇харад̇д̇абадова бан̃н̃ааяи. со ассад̇о оруяха ‘‘д̣̇идто, махаарааж̇а, ассасса взг̇о’’д̇и вад̇ваа ‘‘аама, д̣̇идто’’д̇и вуд̇д̇з ‘‘ид̣̇аани буна басса, махаарааж̇аа’’д̇и вад̇ваа ассам̣ анд̇онаг̇арз уяяаанз богкаран̣ияаа уд̣̇агабидтз бзсзси, кураг̇г̇аани ад̇змзнд̇ова багканд̣̇и. ат̇а нам̣ бад̣̇умабад̇д̇зсу вижараабзд̇ваа баан̣им̣ бахарид̇ваа хад̇т̇ам̣ басаарзси, ассо ааг̇анд̇ваа баан̣ид̇алз бад̇идтааси. д̇ад̇о ‘‘ваддад̇з зваруубам̣ ассарад̇анам̣ наринд̣̇аа’’д̇и вад̇ваа ‘‘ваддад̇ий’’д̇и вуд̇д̇з ‘‘махаарааж̇а, ассарад̇анам̣ д̇аава д̇идтад̇у, ман̣ирад̇анасса махаанубхаавам̣ бассаа’’д̇и вад̇ваа д̇ассаанубхаавам̣ багаасзнд̇о ааха –

So rañño kathaṃ sutvā ‘‘mahārāja, kiṃ nāma etaṃ vadetha, eko asso assasahassaṃ lakkhaṃ hoti, eko maṇi maṇisahassaṃ lakkhaṃ hoti. Na hi sabbe assā ekasadisā, imassa tāva javaṃ passathā’’ti vatvā assaṃ abhiruhitvā pākāramatthakena pesesi. Sattayojanikaṃ nagaraṃ assehi gīvāya gīvaṃ paharantehi parikkhittaṃ viya ahosi. Athānukkamena assopi na paññāyi, yakkhopi na paññāyi, udare baddharattapaṭova paññāyi. So assato oruyha ‘‘diṭṭho, mahārāja, assassa vego’’ti vatvā ‘‘āma, diṭṭho’’ti vutte ‘‘idāni puna passa, mahārājā’’ti vatvā assaṃ antonagare uyyāne pokkharaṇiyā udakapiṭṭhe pesesi, khuraggāni atementova pakkhandi. Atha naṃ padumapattesu vicarāpetvā pāṇiṃ paharitvā hatthaṃ pasāresi, asso āgantvā pāṇitale patiṭṭhāsi. Tato ‘‘vaṭṭate evarūpaṃ assaratanaṃ narindā’’ti vatvā ‘‘vaṭṭatī’’ti vutte ‘‘mahārāja, assaratanaṃ tāva tiṭṭhatu, maṇiratanassa mahānubhāvaṃ passā’’ti vatvā tassānubhāvaṃ pakāsento āha –

1393.

‘‘ид̣̇ан̃жа мз ман̣ирад̇анам̣, басса д̇вам̣ д̣̇вибад̣̇уд̇д̇ама;

‘‘Idañca me maṇiratanaṃ, passa tvaṃ dvipaduttama;

ид̇т̇ийнам̣ виг̇г̇ахаа жзд̇т̇а, бурисаанан̃жа виг̇г̇ахаа.

Itthīnaṃ viggahā cettha, purisānañca viggahā.

1394.

‘‘миг̇аанам̣ виг̇г̇ахаа жзд̇т̇а, сагун̣аанан̃жа виг̇г̇ахаа;

‘‘Migānaṃ viggahā cettha, sakuṇānañca viggahā;

нааг̇арааж̇аа субан̣н̣аа жа, ман̣имхи басса ниммид̇а’’нд̇и.

Nāgarājā supaṇṇā ca, maṇimhi passa nimmita’’nti.

д̇ад̇т̇а ид̇т̇ийнанд̇и зд̇асмин̃хи ман̣ирад̇анз алан̇гад̇абадияад̇д̇аа анзгаа ид̇т̇ивиг̇г̇ахаа бурисавиг̇г̇ахаа наанаббагаараа миг̇абагкисан̇гхаа сзнан̇г̇аад̣̇ийни жа бан̃н̃ааяанд̇и, д̇аани д̣̇ассзнд̇о звамааха. ниммид̇анд̇и ид̣̇ам̣ зваруубам̣ ажчзрагам̣ ман̣имхи ниммид̇ам̣ басса.

Tattha itthīnanti etasmiñhi maṇiratane alaṅkatapaṭiyattā anekā itthiviggahā purisaviggahā nānappakārā migapakkhisaṅghā senaṅgādīni ca paññāyanti, tāni dassento evamāha. Nimmitanti idaṃ evarūpaṃ accherakaṃ maṇimhi nimmitaṃ passa.

‘‘абарамби бассаахий’’д̇и вад̇ваа г̇аат̇аа ааха –

‘‘Aparampi passāhī’’ti vatvā gāthā āha –

1395.

‘‘хад̇т̇аанийгам̣ рат̇аанийгам̣, ассз бад̇д̇ий жа вамминз;

‘‘Hatthānīkaṃ rathānīkaṃ, asse pattī ca vammine;

жад̇уран̇г̇инимам̣ сзнам̣, ман̣имхи басса ниммид̇ам̣.

Caturaṅginimaṃ senaṃ, maṇimhi passa nimmitaṃ.

1396.

‘‘хад̇т̇аарохз анийгадтз, рат̇игз бад̇д̇игаарагз;

‘‘Hatthārohe anīkaṭṭhe, rathike pattikārake;

б̣алаг̇г̇аани вияуул̣хаани, ман̣имхи басса ниммид̇а’’нд̇и.

Balaggāni viyūḷhāni, maṇimhi passa nimmita’’nti.

д̇ад̇т̇а б̣алаг̇г̇аанийд̇и б̣алаанзва. вияуул̣хаанийд̇и б̣яуухавасзна тид̇аани.

Tattha balaggānīti balāneva. Viyūḷhānīti byūhavasena ṭhitāni.

1397.

‘‘бурам̣ уд̣̇д̇хаабасамбаннам̣, б̣ахубаагаарад̇оран̣ам̣;

‘‘Puraṃ uddhāpasampannaṃ, bahupākāratoraṇaṃ;

син̇гхаадагз субхуумияо, ман̣имхи басса ниммид̇ам̣.

Siṅghāṭake subhūmiyo, maṇimhi passa nimmitaṃ.

1398.

‘‘зсигаа барикааяо жа, баликам̣ аг̇г̇ал̣аани жа;

‘‘Esikā parikhāyo ca, palikhaṃ aggaḷāni ca;

аддаалагз жа д̣̇ваарз жа, ман̣имхи басса ниммид̇а’’нд̇и.

Aṭṭālake ca dvāre ca, maṇimhi passa nimmita’’nti.

д̇ад̇т̇а буранд̇и наг̇арам̣. уд̣̇д̇хаабасамбаннанд̇и баагааравад̇т̇унаа самбаннам̣. б̣ахубаагаарад̇оран̣анд̇и ужжабаагаарад̇оран̣анаг̇арад̣̇ваарзна самбаннам̣. син̇гхаадагзд̇и вийт̇ижад̇уггаани. субхуумияод̇и наг̇аруубажаарз вижид̇д̇аа раман̣ийяабхуумияо. зсигаад̇и наг̇арад̣̇ваарзсу удтаабид̇з зсигад̇т̇амбхз. баликанд̇и балигхам̣, аяамзва ваа баато. аг̇г̇ал̣аанийд̇и наг̇арад̣̇ваарагаваадаани. д̣̇ваарз жаад̇и г̇обураани жа.

Tattha puranti nagaraṃ. Uddhāpasampannanti pākāravatthunā sampannaṃ. Bahupākāratoraṇanti uccapākāratoraṇanagaradvārena sampannaṃ. Siṅghāṭaketi vīthicatukkāni. Subhūmiyoti nagarūpacāre vicittā ramaṇīyabhūmiyo. Esikāti nagaradvāresu uṭṭhāpite esikatthambhe. Palikhanti palighaṃ, ayameva vā pāṭho. Aggaḷānīti nagaradvārakavāṭāni. Dvāre cāti gopurāni ca.

1399.

‘‘басса д̇оран̣амаг̇г̇зсу, наанаад̣̇иж̇аг̇ан̣аа б̣ахуу;

‘‘Passa toraṇamaggesu, nānādijagaṇā bahū;

хам̣саа гон̃жаа маяуураа жа, жаггаваагаа жа гуггухаа.

Haṃsā koñcā mayūrā ca, cakkavākā ca kukkuhā.

1400.

‘‘гун̣аалагаа б̣ахуу жид̇раа, сикан̣д̣ий ж̇ийваж̇ийвагаа;

‘‘Kuṇālakā bahū citrā, sikhaṇḍī jīvajīvakā;

наанаад̣̇иж̇аг̇ан̣аагин̣н̣ам̣, ман̣имхи басса ниммид̇а’’нд̇и.

Nānādijagaṇākiṇṇaṃ, maṇimhi passa nimmita’’nti.

д̇ад̇т̇а д̇оран̣амаг̇г̇зсууд̇и зд̇асмим̣ наг̇арз д̇оран̣аг̇г̇зсу. гун̣аалагаад̇и гаал̣агогилаа. жид̇раад̇и жид̇рабад̇д̇агогилаа.

Tattha toraṇamaggesūti etasmiṃ nagare toraṇaggesu. Kuṇālakāti kāḷakokilā. Citrāti citrapattakokilā.

1401.

‘‘басса наг̇арам̣ субаагаарам̣, аб̣бхуд̇ам̣ ломахам̣санам̣;

‘‘Passa nagaraṃ supākāraṃ, abbhutaṃ lomahaṃsanaṃ;

самуссид̇ад̇хаж̇ам̣ раммам̣, сон̣н̣аваалугасант̇ад̇ам̣.

Samussitadhajaṃ rammaṃ, soṇṇavālukasanthataṃ.

1402.

‘‘бассзд̇т̇а бан̣н̣асаалааяо, вибхад̇д̇аа бхааг̇асо мид̇аа;

‘‘Passettha paṇṇasālāyo, vibhattā bhāgaso mitā;

нивзсанз нивзсз жа, санд̇хиб̣яуухз бат̇ад̣̇д̇хияо’’д̇и.

Nivesane nivese ca, sandhibyūhe pathaddhiyo’’ti.

д̇ад̇т̇а субаагааранд̇и ган̃жанабаагаарабаригкид̇д̇ам̣. бан̣н̣асаалааяод̇и наанаабхан̣д̣абун̣н̣з аабан̣з. нивзсанз нивзсз жаад̇и г̇зхаани жзва г̇зхавад̇т̇ууни жа. санд̇хиб̣яуухзд̇и гхарасанд̇хияо жа аниб̣б̣ид̣̇д̇харажчаа жа. бат̇ад̣̇д̇хияод̇и ниб̣б̣ид̣̇д̇хавийт̇ияо.

Tattha supākāranti kañcanapākāraparikkhittaṃ. Paṇṇasālāyoti nānābhaṇḍapuṇṇe āpaṇe. Nivesane nivese cāti gehāni ceva gehavatthūni ca. Sandhibyūheti gharasandhiyo ca anibbiddharacchā ca. Pathaddhiyoti nibbiddhavīthiyo.

1403.

‘‘баанааг̇аарз жа сон̣д̣з жа, суунаа од̣̇анияаа гхараа;

‘‘Pānāgāre ca soṇḍe ca, sūnā odaniyā gharā;

взсий жа г̇ан̣игааяо жа, ман̣имхи басса ниммид̇ам̣.

Vesī ca gaṇikāyo ca, maṇimhi passa nimmitaṃ.

1404.

‘‘маалаагаарз жа раж̇агз, г̇анд̇хигз ат̇а д̣̇уссигз;

‘‘Mālākāre ca rajake, gandhike atha dussike;

суван̣н̣агаарз ман̣игаарз, ман̣имхи басса ниммид̇ам̣.

Suvaṇṇakāre maṇikāre, maṇimhi passa nimmitaṃ.

1405.

‘‘аал̣ааригз жа сууд̣̇з жа, наданаадагаг̇ааяино;

‘‘Āḷārike ca sūde ca, naṭanāṭakagāyino;

баан̣иссарз гумбхат̇уунигз, ман̣имхи басса ниммид̇а’’нд̇и.

Pāṇissare kumbhathūnike, maṇimhi passa nimmita’’nti.

д̇ад̇т̇а сон̣д̣з жаад̇и ад̇д̇ано ануруубзхи ган̣таган̣н̣абиланд̇ханзхи саманнааг̇ад̇з аабаанабхуумим̣ саж̇ж̇зд̇ваа нисиннз сураасон̣д̣з жа. аал̣ааригзд̇и буувабаагз. сууд̣̇зд̇и бхад̇д̇агаарагз. баан̣иссарзд̇и баан̣иббахаарзна г̇ааяанд̇з. гумбхат̇уунигзд̇и гхадад̣̇ад̣̇д̣̇ариваад̣̇агз.

Tattha soṇḍe cāti attano anurūpehi kaṇṭhakaṇṇapilandhanehi samannāgate āpānabhūmiṃ sajjetvā nisinne surāsoṇḍe ca. Āḷāriketi pūvapāke. Sūdeti bhattakārake. Pāṇissareti pāṇippahārena gāyante. Kumbhathūniketi ghaṭadaddarivādake.

1406.

‘‘басса бхзрий муд̣̇ин̇г̇аа жа, сан̇каа бан̣авад̣̇инд̣̇имаа;

‘‘Passa bherī mudiṅgā ca, saṅkhā paṇavadindimā;

саб̣б̣ан̃жа д̇аал̣ааважарам̣, ман̣имхи басса ниммид̇ам̣.

Sabbañca tāḷāvacaraṃ, maṇimhi passa nimmitaṃ.

1407.

‘‘саммад̇аалан̃жа вийн̣ан̃жа, нажжаг̇ийд̇ам̣ суваад̣̇ид̇ам̣;

‘‘Sammatālañca vīṇañca, naccagītaṃ suvāditaṃ;

д̇уурияад̇аал̣ид̇асан̇гхудтам̣, ман̣имхи басса ниммид̇ам̣.

Tūriyatāḷitasaṅghuṭṭhaṃ, maṇimhi passa nimmitaṃ.

1408.

‘‘лан̇гхигаа мудтигаа жзд̇т̇а, мааяаагаараа жа собхияаа;

‘‘Laṅghikā muṭṭhikā cettha, māyākārā ca sobhiyā;

взд̇аалигз жа ж̇аллз жа, ман̣имхи басса ниммид̇а’’нд̇и.

Vetālike ca jalle ca, maṇimhi passa nimmita’’nti.

д̇ад̇т̇а саммад̇аалан̃жаад̇и кад̣̇ираад̣̇исамман̃жзва гам̣сад̇аалан̃жа. д̇уурияад̇аал̣ид̇асан̇гхудтанд̇и наанаад̇уурияаанам̣ д̇аал̣ид̇зхи сан̇гхудтам̣. мудтигаад̇и мудтигамаллаа. собхияаад̇и наг̇арасобханаа ид̇т̇ий жа самбаннаруубаа бурисаа жа. взд̇аалигзд̇и взд̇аалаудтаабагз. ж̇аллзд̇и массууни гаронд̇з нхаабид̇з.

Tattha sammatālañcāti khadirādisammañceva kaṃsatālañca. Tūriyatāḷitasaṅghuṭṭhanti nānātūriyānaṃ tāḷitehi saṅghuṭṭhaṃ. Muṭṭhikāti muṭṭhikamallā. Sobhiyāti nagarasobhanā itthī ca sampannarūpā purisā ca. Vetāliketi vetālauṭṭhāpake. Jalleti massūni karonte nhāpite.

1409.

‘‘самаж̇ж̇аа жзд̇т̇а вад̇д̇анд̇и, аагин̣н̣аа наранаарибхи;

‘‘Samajjā cettha vattanti, ākiṇṇā naranāribhi;

ман̃жаад̇иман̃жз бхуумияо, ман̣имхи басса ниммид̇а’’нд̇и.

Mañcātimañce bhūmiyo, maṇimhi passa nimmita’’nti.

д̇ад̇т̇а ман̃жаад̇иман̃жзд̇и ман̃жаанам̣ убари б̣ад̣̇д̇хаман̃жз. бхуумияод̇и раман̣ийяаа самаж̇ж̇абхуумияо.

Tattha mañcātimañceti mañcānaṃ upari baddhamañce. Bhūmiyoti ramaṇīyā samajjabhūmiyo.

1410.

‘‘басса маллз самаж̇ж̇асмим̣, подзнд̇з д̣̇иг̇ун̣ам̣ бхуж̇ам̣;

‘‘Passa malle samajjasmiṃ, phoṭente diguṇaṃ bhujaṃ;

нихад̇з нихад̇амаанз жа, ман̣имхи басса ниммид̇а’’нд̇и.

Nihate nihatamāne ca, maṇimhi passa nimmita’’nti.

д̇ад̇т̇а самаж̇ж̇асминд̇и малларан̇г̇з. нихад̇зд̇и ниханид̇ваа ж̇инид̇ваа тид̇з. нихад̇амаанзд̇и барааж̇ид̇з.

Tattha samajjasminti mallaraṅge. Nihateti nihanitvā jinitvā ṭhite. Nihatamāneti parājite.

1411.

‘‘басса баб̣б̣ад̇абаад̣̇зсу, наанаамиг̇аг̇ан̣аа б̣ахуу;

‘‘Passa pabbatapādesu, nānāmigagaṇā bahū;

сийхаа б̣яаг̇гхаа вараахаа жа, ажчагогад̇аражчаяо.

Sīhā byagghā varāhā ca, acchakokataracchayo.

1412.

‘‘балаасаад̣̇аа г̇аваж̇аа жа, махим̣саа рохид̇аа руруу;

‘‘Palāsādā gavajā ca, mahiṃsā rohitā rurū;

зн̣зяяаа жа вараахаа жа, г̇ан̣ино нийгасуугараа.

Eṇeyyā ca varāhā ca, gaṇino nīkasūkarā.

1413.

‘‘гад̣̇алимиг̇аа б̣ахуу жид̇раа, б̣ил̣аараа сасаган̣дагаа;

‘‘Kadalimigā bahū citrā, biḷārā sasakaṇṭakā;

наанаамиг̇аг̇ан̣аагин̣н̣ам̣, ман̣имхи басса ниммид̇а’’нд̇и.

Nānāmigagaṇākiṇṇaṃ, maṇimhi passa nimmita’’nti.

д̇ад̇т̇а балаасаад̣̇аад̇и каг̇г̇амиг̇аа. ‘‘балад̇аа’’д̇иби баато. г̇аваж̇аад̇и г̇аваяаа. вараахаад̇и згаа миг̇аж̇аад̇игаа. д̇ат̇аа г̇ан̣ино жзва нийгасуугараа жа. б̣ахуу жид̇раад̇и наанаббагаараа жид̇раа миг̇аа. б̣ил̣аараад̇и аран̃н̃аб̣ил̣аараа. сасаган̣дагаад̇и сасаа жа ган̣дагаа жа.

Tattha palāsādāti khaggamigā. ‘‘Palatā’’tipi pāṭho. Gavajāti gavayā. Varāhāti ekā migajātikā. Tathā gaṇino ceva nīkasūkarā ca. Bahū citrāti nānappakārā citrā migā. Biḷārāti araññabiḷārā. Sasakaṇṭakāti sasā ca kaṇṭakā ca.

1414.

‘‘наж̇ж̇ааяо суббад̇ид̇т̇ааяо, сон̣н̣аваалугасант̇ад̇аа;

‘‘Najjāyo suppatitthāyo, soṇṇavālukasanthatā;

ажчаа саванд̇и амб̣ууни, мажчаг̇умб̣анисзвид̇аа.

Acchā savanti ambūni, macchagumbanisevitā.

1415.

‘‘гумбхийлаа магараа жзд̇т̇а, сусумаараа жа гажчабаа;

‘‘Kumbhīlā makarā cettha, susumārā ca kacchapā;

баатийнаа баавусаа мажчаа, б̣алаж̇аа мун̃жарохид̇аа’’д̇и.

Pāṭhīnā pāvusā macchā, balajā muñcarohitā’’ti.

д̇ад̇т̇а наж̇ж̇ааяод̇и над̣̇ияо. сон̣н̣аваалугасант̇ад̇аад̇и суван̣н̣аваалугааяа сант̇ад̇ад̇алаа. гумбхийлаад̇и имз зваруубаа ж̇алажараа анд̇онад̣̇ияам̣ вижаранд̇и, д̇зби ман̣имхи бассаахийд̇и.

Tattha najjāyoti nadiyo. Soṇṇavālukasanthatāti suvaṇṇavālukāya santhatatalā. Kumbhīlāti ime evarūpā jalacarā antonadiyaṃ vicaranti, tepi maṇimhi passāhīti.

1416.

‘‘наанаад̣̇иж̇аг̇ан̣аагин̣н̣аа, наанаад̣̇умаг̇ан̣ааяуд̇аа;

‘‘Nānādijagaṇākiṇṇā, nānādumagaṇāyutā;

взл̣урияагарод̣̇ааяо, ман̣имхи басса ниммид̇а’’нд̇и.

Veḷuriyakarodāyo, maṇimhi passa nimmita’’nti.

д̇ад̇т̇а взл̣урияагарод̣̇ааяод̇и взл̣урияабаасаан̣з бахарид̇ваа сад̣̇д̣̇ам̣ гаронд̇ияо зваруубаа наж̇ж̇ааяод̇и.

Tattha veḷuriyakarodāyoti veḷuriyapāsāṇe paharitvā saddaṃ karontiyo evarūpā najjāyoti.

1417.

‘‘бассзд̇т̇а богкаран̣ияо, сувибхад̇д̇аа жад̇уд̣̇д̣̇исаа;

‘‘Passettha pokkharaṇiyo, suvibhattā catuddisā;

наанаад̣̇иж̇аг̇ан̣аагин̣н̣аа, бут̇уломанисзвид̇аа.

Nānādijagaṇākiṇṇā, puthulomanisevitā.

1418.

‘‘саманд̇од̣̇агасамбаннам̣, махим̣ сааг̇арагун̣д̣алам̣;

‘‘Samantodakasampannaṃ, mahiṃ sāgarakuṇḍalaṃ;

убзд̇ам̣ ванарааж̇зхи, ман̣имхи басса ниммид̇а’’нд̇и.

Upetaṃ vanarājehi, maṇimhi passa nimmita’’nti.

д̇ад̇т̇а бут̇уломанисзвид̇аад̇и махаамажчзхи нисзвид̇аа. ванарааж̇зхийд̇и ванарааж̇ийхи, аяамзва ваа баато.

Tattha puthulomanisevitāti mahāmacchehi nisevitā. Vanarājehīti vanarājīhi, ayameva vā pāṭho.

1419.

‘‘бурад̇о вид̣̇зхз басса, г̇ояаанияз жа бажчад̇о;

‘‘Purato videhe passa, goyāniye ca pacchato;

гуруяо ж̇амб̣уд̣̇ийбан̃жа, ман̣имхи басса ниммид̇ам̣.

Kuruyo jambudīpañca, maṇimhi passa nimmitaṃ.

1420.

‘‘басса жанд̣̇ам̣ суурияан̃жа, обхаасанд̇з жад̇уд̣̇д̣̇исаа;

‘‘Passa candaṃ sūriyañca, obhāsante catuddisā;

синзрум̣ анубарияанд̇з, ман̣имхи басса ниммид̇ам̣.

Sineruṃ anupariyante, maṇimhi passa nimmitaṃ.

1421.

‘‘синзрум̣ химаванд̇ан̃жа, сааг̇аран̃жа махийд̇алам̣;

‘‘Sineruṃ himavantañca, sāgarañca mahītalaṃ;

жад̇д̇ааро жа махаарааж̇з, ман̣имхи басса ниммид̇ам̣.

Cattāro ca mahārāje, maṇimhi passa nimmitaṃ.

1422.

‘‘аараамз ванаг̇умб̣з жа, баадияз жа силужжаяз;

‘‘Ārāme vanagumbe ca, pāṭiye ca siluccaye;

раммз гимбурисаагин̣н̣з, ман̣имхи басса ниммид̇ам̣.

Ramme kimpurisākiṇṇe, maṇimhi passa nimmitaṃ.

1423.

‘‘паарусагам̣ жид̇д̇алад̇ам̣, миссагам̣ нанд̣̇анам̣ ванам̣;

‘‘Phārusakaṃ cittalataṃ, missakaṃ nandanaṃ vanaṃ;

взж̇аяанд̇ан̃жа баасаад̣̇ам̣, ман̣имхи басса ниммид̇ам̣.

Vejayantañca pāsādaṃ, maṇimhi passa nimmitaṃ.

1424.

‘‘суд̇хаммам̣ д̇аавад̇им̣сан̃жа, бааричад̇д̇ан̃жа бубпид̇ам̣;

‘‘Sudhammaṃ tāvatiṃsañca, pārichattañca pupphitaṃ;

зрааван̣ам̣ нааг̇арааж̇ам̣, ман̣имхи басса ниммид̇ам̣.

Erāvaṇaṃ nāgarājaṃ, maṇimhi passa nimmitaṃ.

1425.

‘‘бассзд̇т̇а д̣̇зваган̃н̃ааяо, набхаа виж̇ж̇уривуг̇г̇ад̇аа;

‘‘Passettha devakaññāyo, nabhā vijjurivuggatā;

нанд̣̇анз вижаранд̇ияо, ман̣имхи басса ниммид̇ам̣.

Nandane vicarantiyo, maṇimhi passa nimmitaṃ.

1426.

‘‘бассзд̇т̇а д̣̇зваган̃н̃ааяо, д̣̇звабуд̇д̇абалобхиний;

‘‘Passettha devakaññāyo, devaputtapalobhinī;

д̣̇звабуд̇д̇з рамамаанз, ман̣имхи басса ниммид̇а’’нд̇и.

Devaputte ramamāne, maṇimhi passa nimmita’’nti.

д̇ад̇т̇а вид̣̇зхзд̇и буб̣б̣авид̣̇зхад̣̇ийбам̣. г̇ояааниязд̇и абараг̇ояаанад̣̇ийбам̣. гуруяод̇и уд̇д̇арагуру жа д̣̇агкин̣ад̇о ж̇амб̣уд̣̇ийбан̃жа. анубарияанд̇зд̇и зд̇з жанд̣̇имасуурияз синзрум̣ анубарияааяанд̇з. баадиязд̇и бад̇т̇арид̇ваа табид̇з вияа бидтибаасаан̣з.

Tattha videheti pubbavidehadīpaṃ. Goyāniyeti aparagoyānadīpaṃ. Kuruyoti uttarakuru ca dakkhiṇato jambudīpañca. Anupariyanteti ete candimasūriye sineruṃ anupariyāyante. Pāṭiyeti pattharitvā ṭhapite viya piṭṭhipāsāṇe.

1427.

‘‘баросахассабаасаад̣̇з, взл̣урияапаласант̇ад̇з;

‘‘Parosahassapāsāde, veḷuriyaphalasanthate;

баж̇ж̇аланд̇з жа ван̣н̣зна, ман̣имхи басса ниммид̇ам̣.

Pajjalante ca vaṇṇena, maṇimhi passa nimmitaṃ.

1428.

‘‘д̇аавад̇им̣сз жа яаамз жа, д̇усид̇з жааби ниммид̇з;

‘‘Tāvatiṃse ca yāme ca, tusite cāpi nimmite;

бараниммид̇авасавад̇д̇ино, ман̣имхи басса ниммид̇ам̣.

Paranimmitavasavattino, maṇimhi passa nimmitaṃ.

1429.

‘‘бассзд̇т̇а богкаран̣ияо, виббасаннод̣̇игаа сужий;

‘‘Passettha pokkharaṇiyo, vippasannodikā sucī;

манд̣̇аалагзхи сан̃чаннаа, бад̣̇умуббалагзхи жаа’’д̇и.

Mandālakehi sañchannā, padumuppalakehi cā’’ti.

д̇ад̇т̇а баросахассанд̇и д̇аавад̇им̣сабхаванз ад̇ирзгасахассабаасаад̣̇з.

Tattha parosahassanti tāvatiṃsabhavane atirekasahassapāsāde.

1430.

‘‘д̣̇асзд̇т̇а рааж̇ияо сзд̇аа, д̣̇аса нийлаа манорамаа;

‘‘Dasettha rājiyo setā, dasa nīlā manoramā;

ча бин̇г̇алаа баннараса, халид̣̇д̣̇аа жа жад̇уд̣̇д̣̇аса.

Cha piṅgalā pannarasa, haliddā ca catuddasa.

1431.

‘‘вийсад̇и д̇ад̇т̇а сован̣н̣аа, вийсад̇и раж̇ад̇аамаяаа;

‘‘Vīsati tattha sovaṇṇā, vīsati rajatāmayā;

инд̣̇аг̇обагаван̣н̣аабхаа, д̇аава д̣̇иссанд̇и д̇им̣сад̇и.

Indagopakavaṇṇābhā, tāva dissanti tiṃsati.

1432.

‘‘д̣̇асзд̇т̇а гаал̣ияо чажжа, ман̃ж̇здтаа баннавийсад̇и;

‘‘Dasettha kāḷiyo chacca, mañjeṭṭhā pannavīsati;

миссаа б̣анд̇хугабубпзхи, нийлуббалавижид̇д̇игаа.

Missā bandhukapupphehi, nīluppalavicittikā.

1433.

‘‘звам̣ саб̣б̣ан̇г̇асамбаннам̣, ажжиманд̇ам̣ бабхассарам̣;

‘‘Evaṃ sabbaṅgasampannaṃ, accimantaṃ pabhassaraṃ;

од̇хисун̇гам̣ махаарааж̇а, басса д̇вам̣ д̣̇вибад̣̇уд̇д̇амаа’’д̇и.

Odhisuṅkaṃ mahārāja, passa tvaṃ dvipaduttamā’’ti.

д̇ад̇т̇а д̣̇асзд̇т̇а рааж̇ияо сзд̇аад̇и зд̇асмим̣ ман̣игканд̇хз д̣̇аса сзд̇арааж̇ияо. ча бин̇г̇алаа баннарасаад̇и ча жа баннараса жаад̇и згавийсад̇и бин̇г̇аларааж̇ияо . халид̣̇д̣̇аад̇и халид̣̇д̣̇аван̣н̣аа жад̇уд̣̇д̣̇аса. д̇им̣сад̇ийд̇и инд̣̇аг̇обагаван̣н̣аабхаа д̇им̣са рааж̇ияо. д̣̇аса чажжаад̇и д̣̇аса жа ча жа сол̣аса гаал̣арааж̇ияо. баннавийсад̇ийд̇и бан̃жавийсад̇и ман̃ж̇здтаван̣н̣аа бабхассараа. миссаа б̣анд̇хугабубпзхийд̇и гаал̣аман̃ж̇здтаван̣н̣арааж̇ияо зд̇зхи миссаа вижид̇д̇игаа басса. зд̇т̇а хи гаал̣арааж̇ияо б̣анд̇хуж̇ийвагабубпзхи миссаа, ман̃ж̇здтарааж̇ияо нийлуббалзхи вижид̇д̇игаа. од̇хисун̇ганд̇и сун̇гагодтаасам̣. яо мам̣ ж̇ууд̇з ж̇иниссад̇и, д̇ассимам̣ сун̇гагодтаасам̣ бассаад̇и вад̣̇ад̇и. адтагат̇ааяам̣ бана ‘‘ход̇у сун̇гам̣, махаарааж̇аа’’д̇иби баато. д̇ассад̇т̇о – д̣̇вибад̣̇уд̇д̇ама басса д̇вам̣ имам̣ зваруубам̣ ман̣игканд̇хам̣, ид̣̇амзва, махаарааж̇а, сун̇гам̣ ход̇у. яо мам̣ ж̇ууд̇з ж̇иниссад̇и, д̇ассид̣̇ам̣ бхависсад̇ийд̇и.

Tattha dasettha rājiyo setāti etasmiṃ maṇikkhandhe dasa setarājiyo. Cha piṅgalā pannarasāti cha ca pannarasa cāti ekavīsati piṅgalarājiyo . Haliddāti haliddavaṇṇā catuddasa. Tiṃsatīti indagopakavaṇṇābhā tiṃsa rājiyo. Dasa chaccāti dasa ca cha ca soḷasa kāḷarājiyo. Pannavīsatīti pañcavīsati mañjeṭṭhavaṇṇā pabhassarā. Missā bandhukapupphehīti kāḷamañjeṭṭhavaṇṇarājiyo etehi missā vicittikā passa. Ettha hi kāḷarājiyo bandhujīvakapupphehi missā, mañjeṭṭharājiyo nīluppalehi vicittikā. Odhisuṅkanti suṅkakoṭṭhāsaṃ. Yo maṃ jūte jinissati, tassimaṃ suṅkakoṭṭhāsaṃ passāti vadati. Aṭṭhakathāyaṃ pana ‘‘hotu suṅkaṃ, mahārājā’’tipi pāṭho. Tassattho – dvipaduttama passa tvaṃ imaṃ evarūpaṃ maṇikkhandhaṃ, idameva, mahārāja, suṅkaṃ hotu. Yo maṃ jūte jinissati, tassidaṃ bhavissatīti.

ман̣иган̣д̣ам̣ нидтид̇ам̣.

Maṇikaṇḍaṃ niṭṭhitaṃ.

агкаган̣д̣ам̣

Akkhakaṇḍaṃ

звам̣ вад̇ваа бун̣н̣аго ‘‘махаарааж̇а, ахам̣ д̇аава ж̇ууд̇з барааж̇ид̇о имам̣ ман̣ирад̇анам̣ д̣̇ассаами, д̇вам̣ бана гим̣ д̣̇ассасий’’д̇и ааха. ‘‘д̇аад̇а, мама сарийран̃жа д̣̇звин̃жа сзд̇ажчад̇д̇ан̃жа табзд̇ваа сзсам̣ мама санд̇агам̣ сун̇гам̣ ход̇уу’’д̇и. ‘‘д̇зна хи, д̣̇зва, маа жирааяи, ахам̣ д̣̇уурааг̇ад̇о, киббам̣ ж̇ууд̇аман̣д̣алам̣ саж̇ж̇аабзхий’’д̇и. рааж̇аа амажжз аан̣аабзси. д̇з киббам̣ ж̇ууд̇аман̣д̣алам̣ саж̇ж̇зд̇ваа ран̃н̃о варабод̇т̇агад̇т̇аран̣ам̣ сант̇арид̇ваа сзсарааж̇уунан̃жааби аасанаани бан̃н̃абзд̇ваа бун̣н̣агассаби бад̇ируубам̣ аасанам̣ бан̃н̃абзд̇ваа ран̃н̃о гаалам̣ аарожаяим̣су. д̇ад̇о бун̣н̣аго рааж̇аанам̣ г̇аат̇ааяа аж̇жхабхааси –

Evaṃ vatvā puṇṇako ‘‘mahārāja, ahaṃ tāva jūte parājito imaṃ maṇiratanaṃ dassāmi, tvaṃ pana kiṃ dassasī’’ti āha. ‘‘Tāta, mama sarīrañca deviñca setacchattañca ṭhapetvā sesaṃ mama santakaṃ suṅkaṃ hotū’’ti. ‘‘Tena hi, deva, mā cirāyi, ahaṃ dūrāgato, khippaṃ jūtamaṇḍalaṃ sajjāpehī’’ti. Rājā amacce āṇāpesi. Te khippaṃ jūtamaṇḍalaṃ sajjetvā rañño varapotthakattharaṇaṃ santharitvā sesarājūnañcāpi āsanāni paññapetvā puṇṇakassapi patirūpaṃ āsanaṃ paññapetvā rañño kālaṃ ārocayiṃsu. Tato puṇṇako rājānaṃ gāthāya ajjhabhāsi –

1434.

‘‘убааг̇ад̇ам̣ рааж̇а мубзхи лагкам̣, нзд̇аад̣̇исам̣ ман̣ирад̇анам̣ д̇авад̇т̇и;

‘‘Upāgataṃ rāja mupehi lakkhaṃ, netādisaṃ maṇiratanaṃ tavatthi;

д̇хаммзна ж̇иссаама асаахасзна, ж̇ид̇о жа но киббамаваагарохий’’д̇и.

Dhammena jissāma asāhasena, jito ca no khippamavākarohī’’ti.

д̇ассад̇т̇о – махаарааж̇а, ж̇ууд̇асаалааяа гаммам̣ убааг̇ад̇ам̣ нидтид̇ам̣, зд̇аад̣̇исам̣ ман̣ирад̇анам̣ д̇ава над̇т̇и, маа бабан̃жам̣ гарохи, убзхи лагкам̣ агкзхи гийл̣анадтаанам̣ убаг̇ажча. гийл̣анд̇аа жа маяам̣ д̇хаммзна ж̇иссаама, д̇хаммзнзва но асаахасзна ж̇аяо ход̇у. сажз бана д̇вам̣ ж̇ид̇о бхависсаси, ат̇а но киббамаваагарохи, бабан̃жам̣ агад̇ваава ж̇ид̇о д̇ханам̣ д̣̇ад̣̇зяяаасийд̇и вуд̇д̇ам̣ ход̇и.

Tassattho – mahārāja, jūtasālāya kammaṃ upāgataṃ niṭṭhitaṃ, etādisaṃ maṇiratanaṃ tava natthi, mā papañcaṃ karohi, upehi lakkhaṃ akkhehi kīḷanaṭṭhānaṃ upagaccha. Kīḷantā ca mayaṃ dhammena jissāma, dhammeneva no asāhasena jayo hotu. Sace pana tvaṃ jito bhavissasi, atha no khippamavākarohi, papañcaṃ akatvāva jito dhanaṃ dadeyyāsīti vuttaṃ hoti.

ат̇а нам̣ рааж̇аа ‘‘маан̣ава, д̇вам̣ мам̣ ‘рааж̇аа’д̇и маа бхааяи, д̇хаммзнзва но асаахасзна ж̇аяабарааж̇аяо бхависсад̇ий’’д̇и ааха. д̇ам̣ суд̇ваа бун̣н̣аго ‘‘амхаагам̣ д̇хаммзнзва ж̇аяабарааж̇аяабхаавам̣ ж̇аанаат̇аа’’д̇и д̇зби рааж̇аано сагким̣ гаронд̇о г̇аат̇амааха –

Atha naṃ rājā ‘‘māṇava, tvaṃ maṃ ‘rājā’ti mā bhāyi, dhammeneva no asāhasena jayaparājayo bhavissatī’’ti āha. Taṃ sutvā puṇṇako ‘‘amhākaṃ dhammeneva jayaparājayabhāvaṃ jānāthā’’ti tepi rājāno sakkhiṃ karonto gāthamāha –

1435.

‘‘бан̃жаала бажжуг̇г̇ад̇а суурасзна, мажчаа жа мад̣̇д̣̇аа саха гзгагзбхи;

‘‘Pañcāla paccuggata sūrasena, macchā ca maddā saha kekakebhi;

бассанд̇у нод̇з асатзна яуд̣̇д̇хам̣, на но сабхааяам̣ на гаронд̇и гин̃жий’’д̇и.

Passantu note asaṭhena yuddhaṃ, na no sabhāyaṃ na karonti kiñcī’’ti.

д̇ад̇т̇а бажжуг̇г̇ад̇аад̇и уг̇г̇ад̇ад̇д̇аа бан̃н̃аад̇ад̇д̇аа баагадад̇д̇аа бан̃жааларааж̇аанамзваалабад̇и. мажчаа жаад̇и д̇ван̃жа, самма мажчарааж̇а. мад̣̇д̣̇аад̇и мад̣̇д̣̇арааж̇а. саха гзгагзбхийд̇и гзгагзбхинаамзна ж̇анабад̣̇зна саха вад̇д̇амаанагзгагзбхирааж̇а, д̇ван̃жа. ат̇а ваа сахасад̣̇д̣̇ам̣ ‘‘гзгагзбхий’’д̇и бад̣̇асса бажчад̇о табзд̇ваа бажжуг̇г̇ад̇асад̣̇д̣̇ан̃жа суурасзнависзсанам̣ гад̇ваа бан̃жаалабажжуг̇г̇ад̇асуурасзна мажчаа жа мад̣̇д̣̇аа жа гзгагзбхи саха сзсарааж̇аано жаад̇и звамзд̇т̇а ад̇т̇о д̣̇адтаб̣б̣о. бассанд̇у нод̇зд̇и амхаагам̣ д̣̇виннам̣ зд̇з рааж̇аано асатзна агкаяуд̣̇д̇хам̣ бассанд̇у. на но сабхааяам̣ на гаронд̇и гин̃жийд̇и зд̇т̇а нод̇и нибаад̇амад̇д̇ам̣, сабхааяам̣ гин̃жи сагким̣ на на гаронд̇и, кад̇д̇иязби б̣раахман̣зби гаронд̇иязва, д̇асмаа сажз гин̃жи агааран̣ам̣ уббаж̇ж̇ад̇и, ‘‘на но суд̇ам̣, на но д̣̇идта’’нд̇и вад̇д̇ум̣ на лабхиссат̇а, аббамад̇д̇аа хот̇аад̇и.

Tattha paccuggatāti uggatattā paññātattā pākaṭattā pañcālarājānamevālapati. Macchā cāti tvañca, samma maccharāja. Maddāti maddarāja. Saha kekakebhīti kekakebhināmena janapadena saha vattamānakekakebhirāja, tvañca. Atha vā sahasaddaṃ ‘‘kekakebhī’’ti padassa pacchato ṭhapetvā paccuggatasaddañca sūrasenavisesanaṃ katvā pañcālapaccuggatasūrasena macchā ca maddā ca kekakebhi saha sesarājāno cāti evamettha attho daṭṭhabbo. Passantu noteti amhākaṃ dvinnaṃ ete rājāno asaṭhena akkhayuddhaṃ passantu. Na no sabhāyaṃ na karonti kiñcīti ettha noti nipātamattaṃ, sabhāyaṃ kiñci sakkhiṃ na na karonti, khattiyepi brāhmaṇepi karontiyeva, tasmā sace kiñci akāraṇaṃ uppajjati, ‘‘na no sutaṃ, na no diṭṭha’’nti vattuṃ na labhissatha, appamattā hothāti.

звам̣ яагкасзнаабад̇и рааж̇аано сагким̣ агааси. рааж̇ааби згасад̇арааж̇абаривуд̇о бун̣н̣агам̣ г̇ахзд̇ваа ж̇ууд̇асаалам̣ баависи. саб̣б̣зби бад̇ируубаасанзсу нисийд̣̇им̣су, раж̇ад̇апалагз суван̣н̣абаасагз табаяим̣су. бун̣н̣аго д̇урид̇ад̇урид̇о ааха ‘‘махаарааж̇а, баасагзсу ааяаа наама маалигам̣ сааваддам̣ б̣ахулам̣ санд̇ибхад̣̇раад̣̇аяо жад̇увийсад̇и, д̇зсу д̇умхз ад̇д̇ано ружжанагам̣ ааяам̣ г̇ан̣хат̇аа’’д̇и. рааж̇аа ‘‘саад̇хуу’’д̇и б̣ахулам̣ г̇ан̣хи. бун̣н̣аго сааваддам̣ г̇ан̣хи. ат̇а нам̣ рааж̇аа ааха ‘‘д̇зна хи д̇аава маан̣ава, баасагз баад̇зхий’’д̇и. ‘‘махаарааж̇а, батамам̣ мама вааро на баабун̣аад̇и, д̇умхз баад̇зт̇аа’’д̇и вуд̇д̇з рааж̇аа ‘‘саад̇хуу’’д̇и самбадижчи. д̇асса бана д̇ад̇ияз ад̇д̇абхаавз маад̇убхууд̇абуб̣б̣аа аарагкад̣̇звад̇аа, д̇ассаа аанубхаавзна рааж̇аа ж̇ууд̇з ж̇инаад̇и. саа д̇асса авид̣̇уурз тид̇аа ахоси. рааж̇аа д̣̇звад̇хийд̇арам̣ ануссарид̇ваа ж̇ууд̇аг̇ийд̇ам̣ г̇ааяанд̇о имаа г̇аат̇аа ааха –

Evaṃ yakkhasenāpati rājāno sakkhiṃ akāsi. Rājāpi ekasatarājaparivuto puṇṇakaṃ gahetvā jūtasālaṃ pāvisi. Sabbepi patirūpāsanesu nisīdiṃsu, rajataphalake suvaṇṇapāsake ṭhapayiṃsu. Puṇṇako turitaturito āha ‘‘mahārāja, pāsakesu āyā nāma mālikaṃ sāvaṭṭaṃ bahulaṃ santibhadrādayo catuvīsati, tesu tumhe attano ruccanakaṃ āyaṃ gaṇhathā’’ti. Rājā ‘‘sādhū’’ti bahulaṃ gaṇhi. Puṇṇako sāvaṭṭaṃ gaṇhi. Atha naṃ rājā āha ‘‘tena hi tāva māṇava, pāsake pātehī’’ti. ‘‘Mahārāja, paṭhamaṃ mama vāro na pāpuṇāti, tumhe pātethā’’ti vutte rājā ‘‘sādhū’’ti sampaṭicchi. Tassa pana tatiye attabhāve mātubhūtapubbā ārakkhadevatā, tassā ānubhāvena rājā jūte jināti. Sā tassa avidūre ṭhitā ahosi. Rājā devadhītaraṃ anussaritvā jūtagītaṃ gāyanto imā gāthā āha –

‘‘саб̣б̣аа над̣̇ий ван̇гаг̇ад̇ий, саб̣б̣з гадтамаяаа ванаа;

‘‘Sabbā nadī vaṅkagatī, sabbe kaṭṭhamayā vanā;

саб̣б̣ид̇т̇ияо гарз баабам̣, лабхамаанз ниваад̇агз. (ж̇аа. 2.21.308);

Sabbitthiyo kare pāpaṃ, labhamāne nivātake. (jā. 2.21.308);

‘‘ат̇а бассад̇у мам̣ амма, виж̇аяам̣ мз бад̣̇иссад̇у;

‘‘Atha passatu maṃ amma, vijayaṃ me padissatu;

анугамбаахи мз амма, маханд̇ам̣ ж̇аяамзссад̇у.

Anukampāhi me amma, mahantaṃ jayamessatu.

‘‘д̣̇звад̇з д̇важ̇ж̇а рагка д̣̇зви, басса маа мам̣ вибхаавзяяа;

‘‘Devate tvajja rakkha devi, passa mā maṃ vibhāveyya;

анугамбагаа бад̇идтаа жа, басса бхад̣̇раани рагкид̇ум̣.

Anukampakā patiṭṭhā ca, passa bhadrāni rakkhituṃ.

‘‘ж̇амб̣онад̣̇амаяам̣ баасам̣, жад̇урам̣самадтан̇г̇ули;

‘‘Jambonadamayaṃ pāsaṃ, caturaṃsamaṭṭhaṅguli;

вибхаад̇и барисамаж̇жхз, саб̣б̣агаамад̣̇ад̣̇о бхава.

Vibhāti parisamajjhe, sabbakāmadado bhava.

‘‘д̣̇звад̇з мз ж̇аяам̣ д̣̇зхи, басса мам̣ аббабхааг̇инам̣;

‘‘Devate me jayaṃ dehi, passa maṃ appabhāginaṃ;

маад̇аанугамбаго босо, сад̣̇аа бхад̣̇раани бассад̇и.

Mātānukampako poso, sadā bhadrāni passati.

‘‘адтагам̣ маалигам̣ вуд̇д̇ам̣, сааваддан̃жа чагам̣ мад̇ам̣;

‘‘Aṭṭhakaṃ mālikaṃ vuttaṃ, sāvaṭṭañca chakaṃ mataṃ;

жад̇уггам̣ б̣ахулам̣ н̃зяяам̣, д̣̇виб̣инд̣̇усанд̇ибхад̣̇рагам̣;

Catukkaṃ bahulaṃ ñeyyaṃ, dvibindusantibhadrakaṃ;

жад̇увийсад̇и ааяаа жа, мунинд̣̇зна багаасид̇аа’’д̇и.

Catuvīsati āyā ca, munindena pakāsitā’’ti.

рааж̇аа звам̣ ж̇ууд̇аг̇ийд̇ам̣ г̇ааяид̇ваа баасагз хад̇т̇зна баривад̇д̇зд̇ваа аагаасз киби. бун̣н̣агасса аанубхаавзна баасагаа ран̃н̃о барааж̇аяааяа бхассанд̇и. рааж̇аа ж̇ууд̇асиббамхи ад̇игусалад̇ааяа баасагз ад̇д̇ано барааж̇аяааяа бхассанд̇з н̃ад̇ваа аагаасзязва сан̇гад̣дханд̇о г̇ахзд̇ваа буна аагаасз киби. д̣̇уд̇ияамби ад̇д̇ано барааж̇аяааяа бхассанд̇з н̃ад̇ваа д̇ат̇зва аг̇г̇ахзси. д̇ад̇о бун̣н̣аго жинд̇зси ‘‘аяам̣ рааж̇аа маад̣̇исзна яагкзна сад̣̇д̇хим̣ ж̇ууд̇ам̣ гийл̣анд̇о бхассамаанз баасагз сан̇гад̣дхид̇ваа г̇ан̣хаад̇и, гим̣ ну ко гааран̣а’’нд̇и. со ологзнд̇о д̇асса аарагкад̣̇звад̇ааяа аанубхаавам̣ н̃ад̇ваа агкийни уммийлзд̇ваа гуд̣̇д̇хо вияа нам̣ ологзси. саа бхийд̇ад̇асид̇аа балааяид̇ваа жаггаваал̣абаб̣б̣ад̇амад̇т̇агам̣ бад̇ваа гамбамаанаа ологзд̇ваа адтааси. рааж̇аа д̇ад̇ияамби баасагз кибид̇ваа ад̇д̇ано барааж̇аяааяа бхассанд̇з н̃ад̇вааби бун̣н̣агассаанубхаавзна хад̇т̇ам̣ басаарзд̇ваа г̇ан̣хид̇ум̣ наасагки. д̇з ран̃н̃о барааж̇аяааяа бад̇им̣су. ат̇асса барааж̇ид̇абхаавам̣ н̃ад̇ваа бун̣н̣аго абподзд̇ваа маханд̇зна сад̣̇д̣̇зна ‘‘ж̇ид̇ам̣ мз’’д̇и д̇игкад̇д̇ум̣ сийханаад̣̇ам̣ над̣̇и. со сад̣̇д̣̇о сагалаж̇амб̣уд̣̇ийбам̣ пари. д̇амад̇т̇ам̣ багаасзнд̇о сад̇т̇аа ааха –

Rājā evaṃ jūtagītaṃ gāyitvā pāsake hatthena parivattetvā ākāse khipi. Puṇṇakassa ānubhāvena pāsakā rañño parājayāya bhassanti. Rājā jūtasippamhi atikusalatāya pāsake attano parājayāya bhassante ñatvā ākāseyeva saṅkaḍḍhanto gahetvā puna ākāse khipi. Dutiyampi attano parājayāya bhassante ñatvā tatheva aggahesi. Tato puṇṇako cintesi ‘‘ayaṃ rājā mādisena yakkhena saddhiṃ jūtaṃ kīḷanto bhassamāne pāsake saṅkaḍḍhitvā gaṇhāti, kiṃ nu kho kāraṇa’’nti. So olokento tassa ārakkhadevatāya ānubhāvaṃ ñatvā akkhīni ummīletvā kuddho viya naṃ olokesi. Sā bhītatasitā palāyitvā cakkavāḷapabbatamatthakaṃ patvā kampamānā oloketvā aṭṭhāsi. Rājā tatiyampi pāsake khipitvā attano parājayāya bhassante ñatvāpi puṇṇakassānubhāvena hatthaṃ pasāretvā gaṇhituṃ nāsakkhi. Te rañño parājayāya patiṃsu. Athassa parājitabhāvaṃ ñatvā puṇṇako apphoṭetvā mahantena saddena ‘‘jitaṃ me’’ti tikkhattuṃ sīhanādaṃ nadi. So saddo sakalajambudīpaṃ phari. Tamatthaṃ pakāsento satthā āha –

1436.

‘‘д̇з баависум̣ агкамад̣̇зна мад̇д̇аа, рааж̇аа гуруунам̣ бун̣н̣аго жааби яагко;

‘‘Te pāvisuṃ akkhamadena mattā, rājā kurūnaṃ puṇṇako cāpi yakkho;

рааж̇аа галим̣ вижжинамаг̇г̇ахзси, гадам̣ аг̇г̇ахий бун̣н̣аго наама яагко.

Rājā kaliṃ viccinamaggahesi, kaṭaṃ aggahī puṇṇako nāma yakkho.

1437.

‘‘д̇з д̇ад̇т̇а ж̇ууд̇з убхаяз самааг̇ад̇з, ран̃н̃ам̣ сагаасз сакийнан̃жа маж̇жхз;

‘‘Te tattha jūte ubhaye samāgate, raññaṃ sakāse sakhīnañca majjhe;

аж̇зси яагко наравийрасздтам̣, д̇ад̇т̇аббанаад̣̇о д̇умуло б̣абхууваа’’д̇и.

Ajesi yakkho naravīraseṭṭhaṃ, tatthappanādo tumulo babhūvā’’ti.

д̇ад̇т̇а баависунд̇и ж̇ууд̇асаалам̣ бависим̣су. вижжинанд̇и рааж̇аа жад̇увийсад̇ияаа ааязсу вижинанд̇о галим̣ барааж̇аяаг̇г̇аахам̣ аг̇г̇ахзси. гадам̣ аг̇г̇ахийд̇и бун̣н̣аго наама яагко ж̇аяаг̇г̇аахам̣ г̇ан̣хи. д̇з д̇ад̇т̇а ж̇ууд̇з убхаяз самааг̇ад̇зд̇и д̇з д̇ад̇т̇а ж̇ууд̇з самааг̇ад̇аа убхо ж̇ууд̇ам̣ гийл̣им̣сууд̇и ад̇т̇о. ран̃н̃анд̇и ат̇а д̇зсам̣ згасад̇арааж̇уунам̣ сагаасз авасзсаанан̃жа сакийнам̣ маж̇жхз со яагко наравийрасздтам̣ рааж̇аанам̣ аж̇зси. д̇ад̇т̇аббанаад̣̇о д̇умуло б̣абхууваад̇и д̇асмим̣ ж̇ууд̇аман̣д̣алз ‘‘ран̃н̃о барааж̇ид̇абхаавам̣ ж̇аанаат̇а, ж̇ид̇ам̣ мз, ж̇ид̇ам̣ мз’’д̇и маханд̇о сад̣̇д̣̇о ахоси.

Tattha pāvisunti jūtasālaṃ pavisiṃsu. Viccinanti rājā catuvīsatiyā āyesu vicinanto kaliṃ parājayaggāhaṃ aggahesi. Kaṭaṃ aggahīti puṇṇako nāma yakkho jayaggāhaṃ gaṇhi. Te tattha jūte ubhaye samāgateti te tattha jūte samāgatā ubho jūtaṃ kīḷiṃsūti attho. Raññanti atha tesaṃ ekasatarājūnaṃ sakāse avasesānañca sakhīnaṃ majjhe so yakkho naravīraseṭṭhaṃ rājānaṃ ajesi. Tatthappanādo tumulo babhūvāti tasmiṃ jūtamaṇḍale ‘‘rañño parājitabhāvaṃ jānātha, jitaṃ me, jitaṃ me’’ti mahanto saddo ahosi.

рааж̇аа барааж̇ид̇о анад̇д̇амано ахоси. ат̇а нам̣ самассаасзнд̇о бун̣н̣аго г̇аат̇амааха –

Rājā parājito anattamano ahosi. Atha naṃ samassāsento puṇṇako gāthamāha –

1438.

‘‘ж̇аяо махаарааж̇а барааж̇аяо жа, ааяуухад̇ам̣ ан̃н̃ад̇арасса ход̇и;

‘‘Jayo mahārāja parājayo ca, āyūhataṃ aññatarassa hoti;

ж̇анинд̣̇а ж̇ийноси варад̣̇д̇ханзна, ж̇ид̇о жа мз киббамаваагарохий’’д̇и.

Janinda jīnosi varaddhanena, jito ca me khippamavākarohī’’ti.

д̇ад̇т̇а ааяуухад̇анд̇и д̣̇виннам̣ вааяаамамаанаанам̣ ан̃н̃ад̇арасса зва ход̇и, д̇асмаа ‘‘барааж̇ид̇омхий’’д̇и маа жинд̇аяи. ж̇ийносийд̇и барихийноси. варад̣̇д̇ханзнаад̇и барамад̇ханзна. киббамаваагарохийд̇и киббам̣ мз ж̇аяам̣ д̇ханам̣ д̣̇зхийд̇и.

Tattha āyūhatanti dvinnaṃ vāyāmamānānaṃ aññatarassa eva hoti, tasmā ‘‘parājitomhī’’ti mā cintayi. Jīnosīti parihīnosi. Varaddhanenāti paramadhanena. Khippamavākarohīti khippaṃ me jayaṃ dhanaṃ dehīti.

ат̇а нам̣ рааж̇аа ‘‘г̇ан̣ха, д̇аад̇аа’’д̇и вад̣̇анд̇о г̇аат̇амааха –

Atha naṃ rājā ‘‘gaṇha, tātā’’ti vadanto gāthamāha –

1439.

‘‘хад̇т̇ий г̇аваассаа ман̣игун̣д̣алаа жа, яан̃жааби маяхам̣ рад̇анам̣ бат̇аб̣яаа;

‘‘Hatthī gavāssā maṇikuṇḍalā ca, yañcāpi mayhaṃ ratanaṃ pathabyā;

г̇ан̣хаахи гажжаана варам̣ д̇ханаанам̣, аад̣̇ааяа язнижчаси д̇зна г̇ажчаа’’д̇и.

Gaṇhāhi kaccāna varaṃ dhanānaṃ, ādāya yenicchasi tena gacchā’’ti.

бун̣н̣аго ааха –

Puṇṇako āha –

1440.

‘‘хад̇т̇ий г̇аваассаа ман̣игун̣д̣алаа жа, яан̃жааби д̇уяхам̣ рад̇анам̣ бат̇аб̣яаа;

‘‘Hatthī gavāssā maṇikuṇḍalā ca, yañcāpi tuyhaṃ ratanaṃ pathabyā;

д̇зсам̣ варо вид̇хуро наама гад̇д̇аа, со мз ж̇ид̇о д̇ам̣ мз аваагарохий’’д̇и.

Tesaṃ varo vidhuro nāma kattā, so me jito taṃ me avākarohī’’ti.

д̇ад̇т̇а со мз ж̇ид̇о д̇ам̣ мзд̇и маяаа хи д̇ава виж̇ид̇з уд̇д̇амам̣ рад̇анам̣ ж̇ид̇ам̣, со жа саб̣б̣арад̇анаанам̣ варо вид̇хуро, д̇асмаа, д̣̇зва, со маяаа ж̇ид̇о наама ход̇и, д̇ам̣ мз д̣̇зхийд̇и.

Tattha so me jito taṃ meti mayā hi tava vijite uttamaṃ ratanaṃ jitaṃ, so ca sabbaratanānaṃ varo vidhuro, tasmā, deva, so mayā jito nāma hoti, taṃ me dehīti.

рааж̇аа ааха –

Rājā āha –

1441.

‘‘ад̇д̇аа жа мз со саран̣ам̣ г̇ад̇ий жа, д̣̇ийбо жа лзн̣о жа барааяан̣о жа;

‘‘Attā ca me so saraṇaṃ gatī ca, dīpo ca leṇo ca parāyaṇo ca;

асанд̇улзяяо мама со д̇ханзна, баан̣зна мз саад̣̇исо зса гад̇д̇аа’’д̇и.

Asantuleyyo mama so dhanena, pāṇena me sādiso esa kattā’’ti.

д̇ад̇т̇а ад̇д̇аа жа мз сод̇и со маяхам̣ ад̇д̇аа жа, маяаа жа ‘‘ад̇д̇аанам̣ табзд̇ваа сзсам̣ д̣̇ассаамий’’д̇и вуд̇д̇ам̣, д̇асмаа д̇ам̣ маа г̇ан̣хи. на гзвалан̃жа ад̇д̇аава , ат̇а ко мз со саран̣ан̃жа г̇ад̇и жа д̣̇ийбо жа лзн̣о жа барааяан̣о жа. асанд̇улзяяо мама со д̇ханзнаад̇и сад̇д̇авид̇хзна рад̇анзна сад̣̇д̇хим̣ на д̇улзд̇аб̣б̣од̇и.

Tattha attā ca me soti so mayhaṃ attā ca, mayā ca ‘‘attānaṃ ṭhapetvā sesaṃ dassāmī’’ti vuttaṃ, tasmā taṃ mā gaṇhi. Na kevalañca attāva , atha kho me so saraṇañca gati ca dīpo ca leṇo ca parāyaṇo ca. Asantuleyyo mama so dhanenāti sattavidhena ratanena saddhiṃ na tuletabboti.

бун̣н̣аго ааха –

Puṇṇako āha –

1442.

‘‘жирам̣ виваад̣̇о мама д̇уяхан̃жасса, гааман̃жа бужчаама д̇амзва г̇анд̇ваа;

‘‘Ciraṃ vivādo mama tuyhañcassa, kāmañca pucchāma tameva gantvā;

зсова но виварад̇у зд̇амад̇т̇ам̣, яам̣ вагкад̇ий ход̇у гат̇аа убхинна’’нд̇и.

Esova no vivaratu etamatthaṃ, yaṃ vakkhatī hotu kathā ubhinna’’nti.

д̇ад̇т̇а виварад̇у зд̇амад̇т̇анд̇и ‘‘со д̇ава ад̇д̇аа ваа на ваа’’д̇и зд̇амад̇т̇ам̣ зсова багаасзд̇у. ход̇у гат̇аа убхиннанд̇и яам̣ со вагкад̇и, сааязва но убхиннам̣ гат̇аа ход̇у, д̇ам̣ бамаан̣ам̣ ход̇ууд̇и ад̇т̇о.

Tattha vivaratu etamatthanti ‘‘so tava attā vā na vā’’ti etamatthaṃ esova pakāsetu. Hotu kathā ubhinnanti yaṃ so vakkhati, sāyeva no ubhinnaṃ kathā hotu, taṃ pamāṇaṃ hotūti attho.

рааж̇аа ааха –

Rājā āha –

1443.

‘‘ад̣̇д̇хаа хи сажжам̣ бхан̣аси, на жа маан̣ава саахасам̣;

‘‘Addhā hi saccaṃ bhaṇasi, na ca māṇava sāhasaṃ;

д̇амзва г̇анд̇ваа бужчаама, д̇зна д̇уссаамубхо ж̇анаа’’д̇и.

Tameva gantvā pucchāma, tena tussāmubho janā’’ti.

д̇ад̇т̇а на жа маан̣ава саахасанд̇и маяхам̣ басаяха саахасигаважанам̣ на жа бхан̣аси.

Tattha na ca māṇava sāhasanti mayhaṃ pasayha sāhasikavacanaṃ na ca bhaṇasi.

звам̣ вад̇ваа рааж̇аа згасад̇арааж̇аано бун̣н̣аган̃жа г̇ахзд̇ваа д̇удтамаанасо взг̇зна д̇хаммасабхам̣ аг̇амааси. бан̣д̣ид̇оби аасанаа оруяха рааж̇аанам̣ ванд̣̇ид̇ваа згаманд̇ам̣ адтааси. ат̇а бун̣н̣аго махаасад̇д̇ам̣ ааманд̇зд̇ваа ‘‘бан̣д̣ид̇а, ‘д̇вам̣ д̇хаммз тид̇о ж̇ийвид̇ахзд̇уби мусааваад̣̇ам̣ на бхан̣асий’д̇и гид̇д̇исад̣̇д̣̇о д̇з сагалалогз пудо, ахам̣ бана д̇з аж̇ж̇а д̇хаммз тид̇абхаавам̣ ж̇ааниссаамий’’д̇и вад̇ваа г̇аат̇амааха –

Evaṃ vatvā rājā ekasatarājāno puṇṇakañca gahetvā tuṭṭhamānaso vegena dhammasabhaṃ agamāsi. Paṇḍitopi āsanā oruyha rājānaṃ vanditvā ekamantaṃ aṭṭhāsi. Atha puṇṇako mahāsattaṃ āmantetvā ‘‘paṇḍita, ‘tvaṃ dhamme ṭhito jīvitahetupi musāvādaṃ na bhaṇasī’ti kittisaddo te sakalaloke phuṭo, ahaṃ pana te ajja dhamme ṭhitabhāvaṃ jānissāmī’’ti vatvā gāthamāha –

1444.

‘‘сажжам̣ ну д̣̇зваа вид̣̇ахуу гуруунам̣, д̇хаммз тид̇ам̣ вид̇хурам̣ наамамажжам̣;

‘‘Saccaṃ nu devā vidahū kurūnaṃ, dhamme ṭhitaṃ vidhuraṃ nāmamaccaṃ;

д̣̇аасоси ран̃н̃о уд̣̇а вааси н̃аад̇и, вид̇хурод̇и сан̇каа гад̇амааси логз’’д̇и.

Dāsosi rañño uda vāsi ñāti, vidhuroti saṅkhā katamāsi loke’’ti.

д̇ад̇т̇а сажжам̣ ну д̣̇зваа вид̣̇ахуу гуруунам̣, д̇хаммз тид̇ам̣ вид̇хурам̣ наамамажжанд̇и ‘‘гуруунам̣ радтз вид̇хуро наама амажжо д̇хаммз тид̇о ж̇ийвид̇ахзд̇уби мусааваад̣̇ам̣ на бхан̣ад̇ий’’д̇и звам̣ д̣̇зваа вид̣̇ахуу вид̣̇аханд̇и гат̇знд̇и багаасзнд̇и, звам̣ вид̣̇ахамаанаа д̇з д̣̇зваа сажжам̣ ну вид̣̇аханд̇и, уд̣̇ааху абхууд̇аваад̣̇ааязвзд̇зд̇и. вид̇хурод̇и сан̇каа гад̇амааси логзд̇и яаа зсаа д̇ава ‘‘вид̇хуро’’д̇и логз сан̇каа бан̃н̃ад̇д̇и, саа гад̇амаа ааси, д̇вам̣ багаасзхи, гим̣ ну ран̃н̃о д̣̇аасо нийжад̇араж̇аад̇иго, уд̣̇ааху само ваа уд̇д̇арид̇аро ваа н̃аад̇ийд̇и ид̣̇ам̣ д̇аава мз аажигка, д̣̇аасоси ран̃н̃о, уд̣̇а вааси н̃аад̇ийд̇и.

Tattha saccaṃ nu devā vidahū kurūnaṃ, dhamme ṭhitaṃ vidhuraṃ nāmamaccanti ‘‘kurūnaṃ raṭṭhe vidhuro nāma amacco dhamme ṭhito jīvitahetupi musāvādaṃ na bhaṇatī’’ti evaṃ devā vidahū vidahanti kathenti pakāsenti, evaṃ vidahamānā te devā saccaṃ nu vidahanti, udāhu abhūtavādāyeveteti. Vidhuroti saṅkhā katamāsi loketi yā esā tava ‘‘vidhuro’’ti loke saṅkhā paññatti, sā katamā āsi, tvaṃ pakāsehi, kiṃ nu rañño dāso nīcatarajātiko, udāhu samo vā uttaritaro vā ñātīti idaṃ tāva me ācikkha, dāsosi rañño, uda vāsi ñātīti.

ат̇а махаасад̇д̇о ‘‘аяам̣ мам̣ звам̣ бужчад̇и, ахам̣ ко банзд̇ам̣ ‘ран̃н̃о н̃аад̇ий’д̇иби ‘ран̃н̃о уд̇д̇арид̇аро’д̇иби ‘ран̃н̃о на гин̃жи хомий’д̇иби сан̃н̃аабзд̇ум̣ саггоми, звам̣ санд̇зби имасмим̣ логз сажжасамо авассаяо наама над̇т̇и, сажжамзва гат̇зд̇ум̣ ваддад̇ий’’д̇и жинд̇зд̇ваа ‘‘маан̣ава, нзваахам̣ ран̃н̃о н̃аад̇и, на уд̇д̇арид̇аро, жад̇уннам̣ бана д̣̇аасаанам̣ ан̃н̃ад̇аро’’д̇и д̣̇ассзд̇ум̣ г̇аат̇аад̣̇ваяамааха –

Atha mahāsatto ‘‘ayaṃ maṃ evaṃ pucchati, ahaṃ kho panetaṃ ‘rañño ñātī’tipi ‘rañño uttaritaro’tipi ‘rañño na kiñci homī’tipi saññāpetuṃ sakkomi, evaṃ santepi imasmiṃ loke saccasamo avassayo nāma natthi, saccameva kathetuṃ vaṭṭatī’’ti cintetvā ‘‘māṇava, nevāhaṃ rañño ñāti, na uttaritaro, catunnaṃ pana dāsānaṃ aññataro’’ti dassetuṃ gāthādvayamāha –

1445.

‘‘аамааяад̣̇аасааби бхаванд̇и хзгз, д̇ханзна гийд̇ааби бхаванд̇и д̣̇аасаа;

‘‘Āmāyadāsāpi bhavanti heke, dhanena kītāpi bhavanti dāsā;

саяамби хзгз убаяанд̇и д̣̇аасаа, бхаяаа бан̣уннааби бхаванд̇и д̣̇аасаа.

Sayampi heke upayanti dāsā, bhayā paṇunnāpi bhavanti dāsā.

1446.

‘‘зд̇з нараанам̣ жад̇урова д̣̇аасаа, ад̣̇д̇хаа хи яонид̇о ахамби ж̇аад̇о;

‘‘Ete narānaṃ caturova dāsā, addhā hi yonito ahampi jāto;

бхаво жа ран̃н̃о абхаво жа ран̃н̃о, д̣̇аасаахам̣ д̣̇звасса барамби г̇анд̇ваа;

Bhavo ca rañño abhavo ca rañño, dāsāhaṃ devassa parampi gantvā;

д̇хаммзна мам̣ маан̣ава д̇уяха д̣̇аж̇ж̇аа’’д̇и.

Dhammena maṃ māṇava tuyha dajjā’’ti.

д̇ад̇т̇а аамааяад̣̇аасаад̇и д̣̇аасияаа гужчимхи ж̇аад̇ад̣̇аасаа. саяамби хзгз убаяанд̇и д̣̇аасаад̇и яз гзжи убадтаагаж̇аад̇игаа, саб̣б̣з д̇з саяам̣ д̣̇аасабхаавам̣ убаг̇ад̇аа д̣̇аасаа наама. бхаяаа бан̣уннаад̇и рааж̇абхаязна ваа жорабхаязна ваа ад̇д̇ано васанадтаанад̇о бан̣уннаа гарамараа худ̇ваа барависаяам̣ г̇ад̇ааби д̣̇аасааязва наама. ад̣̇д̇хаа хи яонид̇о ахамби ж̇аад̇од̇и маан̣ава, згам̣сзнзва ахамби жад̇уусу д̣̇аасаяонийсу згад̇о саяам̣ д̣̇аасаяонид̇о ниб̣б̣ад̇д̇ад̣̇аасо. бхаво жа ран̃н̃о абхаво жа ран̃н̃од̇и ран̃н̃о вуд̣дхи ваа ход̇у авуд̣дхи ваа, на саггаа маяаа мусаа бхаасид̇ум̣. барамбийд̇и д̣̇уурам̣ г̇анд̇вааби ахам̣ д̣̇звасса д̣̇аасоязва. д̣̇аж̇ж̇аад̇и мам̣ рааж̇аа ж̇аяад̇ханзна кан̣д̣зд̇ваа д̇уяхам̣ д̣̇знд̇о д̇хаммзна сабхаавзна д̣̇ад̣̇зяяаад̇и.

Tattha āmāyadāsāti dāsiyā kucchimhi jātadāsā. Sayampi heke upayanti dāsāti ye keci upaṭṭhākajātikā, sabbe te sayaṃ dāsabhāvaṃ upagatā dāsā nāma. Bhayā paṇunnāti rājabhayena vā corabhayena vā attano vasanaṭṭhānato paṇunnā karamarā hutvā paravisayaṃ gatāpi dāsāyeva nāma. Addhā hi yonito ahampi jātoti māṇava, ekaṃseneva ahampi catūsu dāsayonīsu ekato sayaṃ dāsayonito nibbattadāso. Bhavo ca rañño abhavo ca raññoti rañño vuḍḍhi vā hotu avuḍḍhi vā, na sakkā mayā musā bhāsituṃ. Parampīti dūraṃ gantvāpi ahaṃ devassa dāsoyeva. Dajjāti maṃ rājā jayadhanena khaṇḍetvā tuyhaṃ dento dhammena sabhāvena dadeyyāti.

д̇ам̣ суд̇ваа бун̣н̣аго хадтад̇удто буна абподзд̇ваа г̇аат̇амааха –

Taṃ sutvā puṇṇako haṭṭhatuṭṭho puna apphoṭetvā gāthamāha –

1447.

‘‘аяам̣ д̣̇уд̇ийяо виж̇аяо мамаж̇ж̇а, будто хи гад̇д̇аа виварзд̇т̇а бан̃хам̣;

‘‘Ayaṃ dutīyo vijayo mamajja, puṭṭho hi kattā vivarettha pañhaṃ;

ад̇хаммаруубо вад̇а рааж̇асздто, субхаасид̇ам̣ наануж̇аанааси маяха’’нд̇и.

Adhammarūpo vata rājaseṭṭho, subhāsitaṃ nānujānāsi mayha’’nti.

д̇ад̇т̇а рааж̇асздтод̇и аяам̣ рааж̇асздто ад̇хаммаруубо вад̇а. субхаасид̇анд̇и вид̇хурабан̣д̣ид̇зна сугат̇ид̇ам̣ сувинижчид̇ам̣. наануж̇аанааси маяханд̇и ид̣̇аанзд̇ам̣ вид̇хурабан̣д̣ид̇ам̣ маяхам̣ гасмаа наануж̇аанааси, гимад̇т̇ам̣ на д̣̇зсийд̇и вад̣̇ад̇и.

Tattha rājaseṭṭhoti ayaṃ rājaseṭṭho adhammarūpo vata. Subhāsitanti vidhurapaṇḍitena sukathitaṃ suvinicchitaṃ. Nānujānāsi mayhanti idānetaṃ vidhurapaṇḍitaṃ mayhaṃ kasmā nānujānāsi, kimatthaṃ na desīti vadati.

д̇ам̣ суд̇ваа рааж̇аа анад̇д̇амано худ̇ваа ‘‘бан̣д̣ид̇о маад̣̇исам̣ яасад̣̇ааяагам̣ анологзд̇ваа ид̣̇аани д̣̇идтам̣ маан̣авагам̣ ологзд̇ий’’д̇и махаасад̇д̇асса гуж̇жхид̇ваа ‘‘маан̣ава, сажз со д̣̇аасо мз бхавзяяа, д̇ам̣ г̇ахзд̇ваа г̇ажчаа’’д̇и вад̇ваа г̇аат̇амааха –

Taṃ sutvā rājā anattamano hutvā ‘‘paṇḍito mādisaṃ yasadāyakaṃ anoloketvā idāni diṭṭhaṃ māṇavakaṃ oloketī’’ti mahāsattassa kujjhitvā ‘‘māṇava, sace so dāso me bhaveyya, taṃ gahetvā gacchā’’ti vatvā gāthamāha –

1448.

‘‘звам̣ жз но со виварзд̇т̇а бан̃хам̣, д̣̇аасохамасми на жа косми н̃аад̇и;

‘‘Evaṃ ce no so vivarettha pañhaṃ, dāsohamasmi na ca khosmi ñāti;

г̇ан̣хаахи гажжаана варам̣ д̇ханаанам̣, аад̣̇ааяа язнижчаси д̇зна г̇ажчаа’’д̇и.

Gaṇhāhi kaccāna varaṃ dhanānaṃ, ādāya yenicchasi tena gacchā’’ti.

д̇ад̇т̇а звам̣ жз но со виварзд̇т̇а бан̃ханд̇и сажз со амхаагам̣ бан̃хам̣ ‘‘д̣̇аасохамасми, на жа косми н̃аад̇ий’’д̇и звам̣ вивари зд̇т̇а барисаман̣д̣алз, ат̇а гим̣ ажчаси, сагалалогз д̇ханаанам̣ варам̣ зд̇ам̣ г̇ан̣ха, г̇ахзд̇ваа жа бана язна ижчаси, д̇зна г̇ажчаад̇и.

Tattha evaṃ ce no so vivarettha pañhanti sace so amhākaṃ pañhaṃ ‘‘dāsohamasmi, na ca khosmi ñātī’’ti evaṃ vivari ettha parisamaṇḍale, atha kiṃ acchasi, sakalaloke dhanānaṃ varaṃ etaṃ gaṇha, gahetvā ca pana yena icchasi, tena gacchāti.

агкаган̣д̣ам̣ нидтид̇ам̣.

Akkhakaṇḍaṃ niṭṭhitaṃ.

гхарааваасабан̃хаа

Gharāvāsapañhā

зван̃жа бана вад̇ваа рааж̇аа жинд̇зси ‘‘бан̣д̣ид̇ам̣ г̇ахзд̇ваа маан̣аво яат̇ааружи г̇амиссад̇и, д̇асса г̇ад̇агаалад̇о бадтааяа маяхам̣ мад̇хурад̇хаммагат̇аа д̣̇уллабхаа бхависсад̇и, яам̣нуунаахам̣ имам̣ ад̇д̇ано таанз табзд̇ваа алан̇гад̇ад̇хаммаасанз нисийд̣̇абзд̇ваа гхарааваасабан̃хам̣ бужчзяяа’’нд̇и. ат̇а нам̣ рааж̇аа звамааха ‘‘бан̣д̣ид̇а, д̇умхаагам̣ г̇ад̇агаалз мама мад̇хурад̇хаммагат̇аа д̣̇уллабхаа бхависсад̇и, алан̇гад̇ад̇хаммаасанз нисийд̣̇аабзд̇ваа ад̇д̇ано таанз тад̇ваа маяхам̣ гхарааваасабан̃хам̣ гат̇зт̇аа’’д̇и. со ‘‘саад̇хуу’’д̇и самбадижчид̇ваа алан̇гад̇ад̇хаммаасанз нисийд̣̇ид̇ваа ран̃н̃аа бан̃хам̣ будто виссаж̇ж̇зси. д̇ад̇рааяам̣ бан̃хо –

Evañca pana vatvā rājā cintesi ‘‘paṇḍitaṃ gahetvā māṇavo yathāruci gamissati, tassa gatakālato paṭṭhāya mayhaṃ madhuradhammakathā dullabhā bhavissati, yaṃnūnāhaṃ imaṃ attano ṭhāne ṭhapetvā alaṅkatadhammāsane nisīdapetvā gharāvāsapañhaṃ puccheyya’’nti. Atha naṃ rājā evamāha ‘‘paṇḍita, tumhākaṃ gatakāle mama madhuradhammakathā dullabhā bhavissati, alaṅkatadhammāsane nisīdāpetvā attano ṭhāne ṭhatvā mayhaṃ gharāvāsapañhaṃ kathethā’’ti. So ‘‘sādhū’’ti sampaṭicchitvā alaṅkatadhammāsane nisīditvā raññā pañhaṃ puṭṭho vissajjesi. Tatrāyaṃ pañho –

1449.

‘‘вид̇хура васамаанасса, г̇ахадтасса сагам̣ гхарам̣;

‘‘Vidhura vasamānassa, gahaṭṭhassa sakaṃ gharaṃ;

кзмаа вуд̇д̇и гат̇ам̣ асса, гат̇ам̣ ну асса сан̇г̇ахо.

Khemā vutti kathaṃ assa, kathaṃ nu assa saṅgaho.

1450.

‘‘аб̣яааб̣аж̇жхам̣ гат̇ам̣ асса, сажжаваад̣̇ий жа маан̣аво;

‘‘Abyābajjhaṃ kathaṃ assa, saccavādī ca māṇavo;

асмаа логаа барам̣ логам̣, гат̇ам̣ бзжжа на сожад̇ий’’д̇и.

Asmā lokā paraṃ lokaṃ, kathaṃ pecca na socatī’’ti.

д̇ад̇т̇а кзмаа вуд̇д̇и гат̇ам̣ ассаад̇и гат̇ам̣ гхарааваасам̣ васанд̇асса г̇ахадтасса кзмаа ниб̣бхаяаа вуд̇д̇и бхавзяяа. гат̇ам̣ ну асса сан̇г̇аход̇и жад̇уб̣б̣ид̇хо сан̇г̇ахавад̇т̇усан̇каад̇о сан̇г̇ахо д̇асса гат̇ам̣ бхавзяяа . аб̣яааб̣аж̇жханд̇и нид̣̇д̣̇угкад̇аа. сажжаваад̣̇ий жаад̇и гат̇ам̣ ну маан̣аво сажжаваад̣̇ий наама бхавзяяа. бзжжаад̇и баралогам̣ г̇анд̇ваа.

Tattha khemā vutti kathaṃ assāti kathaṃ gharāvāsaṃ vasantassa gahaṭṭhassa khemā nibbhayā vutti bhaveyya. Kathaṃ nu assa saṅgahoti catubbidho saṅgahavatthusaṅkhāto saṅgaho tassa kathaṃ bhaveyya . Abyābajjhanti niddukkhatā. Saccavādī cāti kathaṃ nu māṇavo saccavādī nāma bhaveyya. Peccāti paralokaṃ gantvā.

д̇ам̣ суд̇ваа бан̣д̣ид̇о ран̃н̃о бан̃хам̣ гат̇зси. д̇амад̇т̇ам̣ багаасзнд̇о сад̇т̇аа ааха –

Taṃ sutvā paṇḍito rañño pañhaṃ kathesi. Tamatthaṃ pakāsento satthā āha –

1451.

‘‘д̇ам̣ д̇ад̇т̇а г̇ад̇имаа д̇хид̇имаа, мад̇имаа ад̇т̇ад̣̇ассимаа;

‘‘Taṃ tattha gatimā dhitimā, matimā atthadassimā;

сан̇каад̇аа саб̣б̣ад̇хаммаанам̣, вид̇хуро зд̇ад̣̇аб̣рави.

Saṅkhātā sabbadhammānaṃ, vidhuro etadabravi.

1452.

‘‘на саад̇хааран̣ад̣̇аарасса, на бхун̃ж̇з саад̣̇умзгаго;

‘‘Na sādhāraṇadārassa, na bhuñje sādumekako;

на сзвз логааяад̇игам̣, нзд̇ам̣ бан̃н̃ааяа вад̣дханам̣.

Na seve lokāyatikaṃ, netaṃ paññāya vaḍḍhanaṃ.

1453.

‘‘сийлаваа вад̇д̇асамбанно, аббамад̇д̇о вижагкан̣о;

‘‘Sīlavā vattasampanno, appamatto vicakkhaṇo;

ниваад̇авуд̇д̇и ад̇т̇ад̣̇д̇хо, сурад̇о сакило муд̣̇у.

Nivātavutti atthaddho, surato sakhilo mudu.

1454.

‘‘сан̇г̇ахзд̇аа жа мид̇д̇аанам̣, сам̣вибхааг̇ий вид̇хаанаваа;

‘‘Saṅgahetā ca mittānaṃ, saṃvibhāgī vidhānavā;

д̇аббзяяа аннабаанзна, сад̣̇аа саман̣аб̣раахман̣з.

Tappeyya annapānena, sadā samaṇabrāhmaṇe.

1455.

‘‘д̇хаммагаамо суд̇аад̇хааро, бхавзяяа барибужчаго;

‘‘Dhammakāmo sutādhāro, bhaveyya paripucchako;

саггажжам̣ баяирубаасзяяа, сийлаванд̇з б̣ахуссуд̇з.

Sakkaccaṃ payirupāseyya, sīlavante bahussute.

1456.

‘‘гхарамаавасамаанасса, г̇ахадтасса сагам̣ гхарам̣;

‘‘Gharamāvasamānassa, gahaṭṭhassa sakaṃ gharaṃ;

кзмаа вуд̇д̇и сияаа звам̣, звам̣ ну асса сан̇г̇ахо.

Khemā vutti siyā evaṃ, evaṃ nu assa saṅgaho.

1457.

‘‘аб̣яааб̣аж̇жхам̣ сияаа звам̣, сажжаваад̣̇ий жа маан̣аво;

‘‘Abyābajjhaṃ siyā evaṃ, saccavādī ca māṇavo;

асмаа логаа барам̣ логам̣, звам̣ бзжжа на сожад̇ий’’д̇и.

Asmā lokā paraṃ lokaṃ, evaṃ pecca na socatī’’ti.

д̇ад̇т̇а д̇ам̣ д̇ад̇т̇аад̇и бхигкавз, д̇ам̣ рааж̇аанам̣ д̇ад̇т̇а д̇хаммасабхааяам̣ н̃аан̣аг̇ад̇ияаа г̇ад̇имаа, аб̣б̣ожчиннавийриязна д̇хид̇имаа, бхуурисамааяа вибулааяа бан̃н̃ааяа мад̇имаа, сан̣хасукумад̇т̇ад̣̇ассинаа н̃аан̣зна ад̇т̇ад̣̇ассимаа, барижчинд̣̇ид̇ваа ж̇аананан̃аан̣асан̇каад̇ааяа бан̃н̃ааяа саб̣б̣ад̇хаммаанам̣ сан̇каад̇аа, вид̇хурабан̣д̣ид̇о зд̇ам̣ ‘‘на саад̇хааран̣ад̣̇аарассаа’’д̇иаад̣̇иважанам̣ аб̣рави. д̇ад̇т̇а яо барзсам̣ д̣̇аарзсу абараж̇жхад̇и , со саад̇хааран̣ад̣̇ааро наама, д̇аад̣̇исо на асса бхавзяяа. на бхун̃ж̇з саад̣̇умзгагод̇и саад̣̇урасам̣ бан̣ийд̇абхож̇анам̣ ан̃н̃зсам̣ ад̣̇ад̇ваа згагова на бхун̃ж̇зяяа. логааяад̇иганд̇и анад̇т̇аниссид̇ам̣ саг̇г̇амаг̇г̇аанам̣ ад̣̇ааяагам̣ анияяаанигам̣ вид̇ан̣д̣асаллаабам̣ логааяад̇игаваад̣̇ам̣ на сзвзяяа. нзд̇ам̣ бан̃н̃ааяа вад̣дхананд̇и на хи зд̇ам̣ логааяад̇игам̣ бан̃н̃ааяа вад̣дханам̣. сийлаваад̇и акан̣д̣зхи бан̃жахи сийлзхи саманнааг̇ад̇о. вад̇д̇асамбаннод̇и гхарааваасавад̇д̇зна ваа рааж̇авад̇д̇зна ваа саманнааг̇ад̇о. аббамад̇д̇од̇и гусалад̇хаммзсу аббамад̇д̇о. ниваад̇авуд̇д̇ийд̇и ад̇имаанам̣ агад̇ваа нийжавуд̇д̇и оваад̣̇аанусаасанибадижчаго. ад̇т̇ад̣̇д̇ход̇и т̇ад̣̇д̇хамажчарияавирахид̇о. сурад̇од̇и соражжзна саманнааг̇ад̇о. сакилод̇и бзманийяаважано. муд̣̇ууд̇и гааяаваажаажид̇д̇зхи апарусо.

Tattha taṃ tatthāti bhikkhave, taṃ rājānaṃ tattha dhammasabhāyaṃ ñāṇagatiyā gatimā, abbocchinnavīriyena dhitimā, bhūrisamāya vipulāya paññāya matimā, saṇhasukhumatthadassinā ñāṇena atthadassimā, paricchinditvā jānanañāṇasaṅkhātāya paññāya sabbadhammānaṃ saṅkhātā, vidhurapaṇḍito etaṃ ‘‘na sādhāraṇadārassā’’tiādivacanaṃ abravi. Tattha yo paresaṃ dāresu aparajjhati , so sādhāraṇadāro nāma, tādiso na assa bhaveyya. Na bhuñje sādumekakoti sādurasaṃ paṇītabhojanaṃ aññesaṃ adatvā ekakova na bhuñjeyya. Lokāyatikanti anatthanissitaṃ saggamaggānaṃ adāyakaṃ aniyyānikaṃ vitaṇḍasallāpaṃ lokāyatikavādaṃ na seveyya. Netaṃ paññāya vaḍḍhananti na hi etaṃ lokāyatikaṃ paññāya vaḍḍhanaṃ. Sīlavāti akhaṇḍehi pañcahi sīlehi samannāgato. Vattasampannoti gharāvāsavattena vā rājavattena vā samannāgato. Appamattoti kusaladhammesu appamatto. Nivātavuttīti atimānaṃ akatvā nīcavutti ovādānusāsanipaṭicchako. Atthaddhoti thaddhamacchariyavirahito. Suratoti soraccena samannāgato. Sakhiloti pemanīyavacano. Mudūti kāyavācācittehi apharuso.

сан̇г̇ахзд̇аа жа мид̇д̇аананд̇и галяаан̣амид̇д̇аанам̣ сан̇г̇ахагаро. д̣̇аанаад̣̇ийсу яо язна сан̇г̇ахам̣ ижчад̇и, д̇асса д̇знзва сан̇г̇аахаго. сам̣вибхааг̇ийд̇и д̇хаммигасаман̣аб̣раахман̣аанан̃жзва габан̣ад̣̇д̇хигаван̣иб̣б̣агаяаажагаад̣̇ийнан̃жа сам̣вибхааг̇агаро. вид̇хаанаваад̇и ‘‘имасмим̣ гаалз гасид̇ум̣ ваддад̇и, имасмим̣ гаалз вабид̇ум̣ ваддад̇ий’’д̇и звам̣ саб̣б̣агижжзсу вид̇хаанасамбанно. д̇аббзяяаад̇и г̇ахид̇аг̇ахид̇абхааж̇анаани буурзд̇ваа д̣̇ад̣̇амаано д̇аббзяяа. д̇хаммагаамод̇и бавзн̣ид̇хаммамби сужарид̇ад̇хаммамби гаамаяамаано бад̇т̇аяамаано. суд̇аад̇хаарод̇и суд̇асса аад̇хаарабхууд̇о. барибужчагод̇и д̇хаммигасаман̣аб̣раахман̣з убасан̇гамид̇ваа ‘‘гим̣, бханд̇з, гусала’’нд̇иаад̣̇иважанзхи барибужчанасийло. саггажжанд̇и г̇ааравзна. звам̣ ну асса сан̇г̇аход̇и сан̇г̇ахобисса звам̣ гад̇о наама бхавзяяа. сажжаваад̣̇ийд̇и звам̣ бадибанноязва сабхаававаад̣̇ий наама сияаа.

Saṅgahetā ca mittānanti kalyāṇamittānaṃ saṅgahakaro. Dānādīsu yo yena saṅgahaṃ icchati, tassa teneva saṅgāhako. Saṃvibhāgīti dhammikasamaṇabrāhmaṇānañceva kapaṇaddhikavaṇibbakayācakādīnañca saṃvibhāgakaro. Vidhānavāti ‘‘imasmiṃ kāle kasituṃ vaṭṭati, imasmiṃ kāle vapituṃ vaṭṭatī’’ti evaṃ sabbakiccesu vidhānasampanno. Tappeyyāti gahitagahitabhājanāni pūretvā dadamāno tappeyya. Dhammakāmoti paveṇidhammampi sucaritadhammampi kāmayamāno patthayamāno. Sutādhāroti sutassa ādhārabhūto. Paripucchakoti dhammikasamaṇabrāhmaṇe upasaṅkamitvā ‘‘kiṃ, bhante, kusala’’ntiādivacanehi paripucchanasīlo. Sakkaccanti gāravena. Evaṃ nu assa saṅgahoti saṅgahopissa evaṃ kato nāma bhaveyya. Saccavādīti evaṃ paṭipannoyeva sabhāvavādī nāma siyā.

звам̣ махаасад̇д̇о ран̃н̃о гхарааваасабан̃хам̣ гат̇зд̇ваа баллан̇гаа оруяха рааж̇аанам̣ ванд̣̇и. рааж̇аабисса махаасаггаарам̣ гад̇ваа згасад̇арааж̇уухи баривуд̇о ад̇д̇ано нивзсанамзва г̇ад̇о.

Evaṃ mahāsatto rañño gharāvāsapañhaṃ kathetvā pallaṅkā oruyha rājānaṃ vandi. Rājāpissa mahāsakkāraṃ katvā ekasatarājūhi parivuto attano nivesanameva gato.

гхарааваасабан̃хаа нидтид̇аа.

Gharāvāsapañhā niṭṭhitā.

лагкан̣аган̣д̣ам̣

Lakkhaṇakaṇḍaṃ

махаасад̇д̇о бана бадинивад̇д̇о. ат̇а нам̣ бун̣н̣аго ааха –

Mahāsatto pana paṭinivatto. Atha naṃ puṇṇako āha –

1458.

‘‘зхи д̣̇аани г̇амиссаама, д̣̇инно но иссарзна мз;

‘‘Ehi dāni gamissāma, dinno no issarena me;

мамзвад̇т̇ам̣ бадибаж̇ж̇а, зса д̇хаммо сананд̇ано’’д̇и.

Mamevatthaṃ paṭipajja, esa dhammo sanantano’’ti.

д̇ад̇т̇а д̣̇инно нод̇и зд̇т̇а нод̇и нибаад̇амад̇д̇ам̣, д̇вам̣ иссарзна маяхам̣ д̣̇иннод̇и ад̇т̇о. сананд̇анод̇и мама ад̇т̇ам̣ бадибаж̇ж̇анд̇зна хи д̇аяаа ад̇д̇ано саамигасса ад̇т̇о бадибанно ход̇и. яан̃жзд̇ам̣ саамигасса ад̇т̇агаран̣ам̣ наама, зса д̇хаммо сананд̇ано бораан̣агабан̣д̣ид̇аанам̣ сабхаавод̇и.

Tattha dinno noti ettha noti nipātamattaṃ, tvaṃ issarena mayhaṃ dinnoti attho. Sanantanoti mama atthaṃ paṭipajjantena hi tayā attano sāmikassa attho paṭipanno hoti. Yañcetaṃ sāmikassa atthakaraṇaṃ nāma, esa dhammo sanantano porāṇakapaṇḍitānaṃ sabhāvoti.

вид̇хурабан̣д̣ид̇о ааха –

Vidhurapaṇḍito āha –

1459.

‘‘ж̇аанаами маан̣ава д̇аяаахамасми, д̣̇иннохамасми д̇ава иссарзна;

‘‘Jānāmi māṇava tayāhamasmi, dinnohamasmi tava issarena;

д̇ийхан̃жа д̇ам̣ ваасаязму аг̇аарз, язнад̣̇д̇хунаа анусаасзму буд̇д̇з’’д̇и.

Tīhañca taṃ vāsayemu agāre, yenaddhunā anusāsemu putte’’ti.

д̇ад̇т̇а д̇аяаахамасмийд̇и д̇аяаа лад̣̇д̇хохамасмийд̇и ж̇аанаами, лабханд̇зна жа на ан̃н̃ат̇аа лад̣̇д̇хо. д̣̇иннохамасми д̇ава иссарзнаад̇и мама иссарзна ран̃н̃аа ахам̣ д̇ава д̣̇инно. д̇ийхам̣ жаад̇и маан̣ава, ахам̣ д̇ава б̣ахуубагааро, рааж̇аанам̣ анологзд̇ваа сажжамзва гат̇зсим̣, д̇знаахам̣ д̇аяаа лад̣̇д̇хо, д̇вам̣ мз маханд̇аг̇ун̣абхаавам̣ ж̇аанаахи, маяам̣ д̇ийн̣иби д̣̇ивасаани ад̇д̇ано аг̇аарз ваасзму, д̇асмаа язнад̣̇д̇хунаа яад̇д̇агзна гаалзна маяам̣ буд̇д̇аад̣̇аарз анусаасзму, д̇ам̣ гаалам̣ ад̇хиваасзхийд̇и.

Tattha tayāhamasmīti tayā laddhohamasmīti jānāmi, labhantena ca na aññathā laddho. Dinnohamasmi tava issarenāti mama issarena raññā ahaṃ tava dinno. Tīhaṃ cāti māṇava, ahaṃ tava bahūpakāro, rājānaṃ anoloketvā saccameva kathesiṃ, tenāhaṃ tayā laddho, tvaṃ me mahantaguṇabhāvaṃ jānāhi, mayaṃ tīṇipi divasāni attano agāre vāsemu, tasmā yenaddhunā yattakena kālena mayaṃ puttādāre anusāsemu, taṃ kālaṃ adhivāsehīti.

д̇ам̣ суд̇ваа бун̣н̣аго ‘‘сажжам̣ бан̣д̣ид̇о ааха, б̣ахуубагааро зса мама, ‘сад̇д̇аахамби ад̣дхамаасамби нисийд̣̇аахий’д̇и вуд̇д̇з ад̇хиваасзд̇аб̣б̣амзваа’’д̇и жинд̇зд̇ваа г̇аат̇амааха –

Taṃ sutvā puṇṇako ‘‘saccaṃ paṇḍito āha, bahūpakāro esa mama, ‘sattāhampi aḍḍhamāsampi nisīdāhī’ti vutte adhivāsetabbamevā’’ti cintetvā gāthamāha –

1460.

‘‘д̇ам̣ мз д̇ат̇аа ход̇у васзму д̇ийхам̣, гуруд̇ам̣ бхаваж̇ж̇а гхарзсу гижжам̣;

‘‘Taṃ me tathā hotu vasemu tīhaṃ, kurutaṃ bhavajja gharesu kiccaṃ;

анусаасад̇ам̣ буд̇д̇ад̣̇аарз бхаваж̇ж̇а, яат̇аа д̇аяий бзжжа сукий бхавзяяаа’’д̇и.

Anusāsataṃ puttadāre bhavajja, yathā tayī pecca sukhī bhaveyyā’’ti.

д̇ад̇т̇а д̇ам̣ мзд̇и яам̣ д̇вам̣ вад̣̇зси, саб̣б̣ам̣ д̇ам̣ мама д̇ат̇аа ход̇у. бхаваж̇ж̇аад̇и бхавам̣ аж̇ж̇а бадтааяа д̇ийхам̣ анусаасад̇у. д̇аяий бзжжаад̇и яат̇аа д̇аяи г̇ад̇з бажчаа д̇ава буд̇д̇ад̣̇ааро сукий бхавзяяа, звам̣ анусаасад̇у.

Tattha taṃ meti yaṃ tvaṃ vadesi, sabbaṃ taṃ mama tathā hotu. Bhavajjāti bhavaṃ ajja paṭṭhāya tīhaṃ anusāsatu. Tayī peccāti yathā tayi gate pacchā tava puttadāro sukhī bhaveyya, evaṃ anusāsatu.

звам̣ вад̇ваа бун̣н̣аго махаасад̇д̇зна сад̣̇д̇хим̣язва д̇асса нивзсанам̣ баависи. д̇амад̇т̇ам̣ багаасзнд̇о сад̇т̇аа ааха –

Evaṃ vatvā puṇṇako mahāsattena saddhiṃyeva tassa nivesanaṃ pāvisi. Tamatthaṃ pakāsento satthā āha –

1461.

‘‘саад̇хууд̇и вад̇ваана бахууд̇агаамо, баггаами яагко вид̇хурзна сад̣̇д̇хим̣;

‘‘Sādhūti vatvāna pahūtakāmo, pakkāmi yakkho vidhurena saddhiṃ;

д̇ам̣ гун̃ж̇арааж̇ан̃н̃ахаяаанужин̣н̣ам̣, баавзгки анд̇збурамарияасздто’’д̇и.

Taṃ kuñjarājaññahayānuciṇṇaṃ, pāvekkhi antepuramariyaseṭṭho’’ti.

д̇ад̇т̇а бахууд̇агаамод̇и махаабхог̇о. гун̃ж̇арааж̇ан̃н̃ахаяаанужин̣н̣анд̇и гун̃ж̇арзхи жа ааж̇ан̃н̃ахаязхи жа анужин̣н̣ам̣ барибун̣н̣ам̣. арияасздтод̇и аажаараариязсу уд̇д̇амо бун̣н̣аго яагко бан̣д̣ид̇асса анд̇збурам̣ баависи.

Tattha pahūtakāmoti mahābhogo. Kuñjarājaññahayānuciṇṇanti kuñjarehi ca ājaññahayehi ca anuciṇṇaṃ paripuṇṇaṃ. Ariyaseṭṭhoti ācāraariyesu uttamo puṇṇako yakkho paṇḍitassa antepuraṃ pāvisi.

махаасад̇д̇асса бана д̇ин̣н̣ам̣ уд̇уунам̣ ад̇т̇ааяа д̇аяо баасаад̣̇аа ахзсум̣. д̇зсу зго гон̃жо наама, зго маяууро наама, зго бияагзд̇о наама. д̇з санд̇хааяа аяам̣ г̇аат̇аа вуд̇д̇аа –

Mahāsattassa pana tiṇṇaṃ utūnaṃ atthāya tayo pāsādā ahesuṃ. Tesu eko koñco nāma, eko mayūro nāma, eko piyaketo nāma. Te sandhāya ayaṃ gāthā vuttā –

1462.

‘‘гон̃жам̣ маяууран̃жа бияан̃жа гзд̇ам̣, убааг̇амий д̇ад̇т̇а сураммаруубам̣;

‘‘Koñcaṃ mayūrañca piyañca ketaṃ, upāgamī tattha surammarūpaṃ;

бахууд̇абхагкам̣ б̣ахуаннабаанам̣, масаггасаарам̣ вияа ваасавассаа’’д̇и.

Pahūtabhakkhaṃ bahuannapānaṃ, masakkasāraṃ viya vāsavassā’’ti.

д̇ад̇т̇а д̇ад̇т̇аад̇и д̇зсу д̇ийсу баасаад̣̇зсу яад̇т̇а д̇асмим̣ самаяз ад̇д̇анаа васад̇и, д̇ам̣ сураммаруубам̣ баасаад̣̇ам̣ бун̣н̣агам̣ аад̣̇ааяа убааг̇ами.

Tattha tatthāti tesu tīsu pāsādesu yattha tasmiṃ samaye attanā vasati, taṃ surammarūpaṃ pāsādaṃ puṇṇakaṃ ādāya upāgami.

со убаг̇анд̇ваа жа бана алан̇гад̇абаасаад̣̇асса сад̇д̇амааяа бхуумияаа саяанаг̇аб̣бхан̃жзва махаад̇алан̃жа саж̇ж̇аабзд̇ваа сирисаяанам̣ бан̃н̃аабзд̇ваа саб̣б̣ам̣ аннабаанаад̣̇ивид̇хим̣ убадтабзд̇ваа д̣̇зваган̃н̃ааяо вияа бан̃жасад̇аа ид̇т̇ияо ‘‘имаа д̇з баад̣̇абарижааригаа хонд̇у, анугган̣танд̇о ид̇ха васаахий’’д̇и д̇асса нияяаад̣̇зд̇ваа ад̇д̇ано васанадтаанам̣ г̇ад̇о. д̇асса г̇ад̇агаалз д̇аа ид̇т̇ияо наанаад̇уурияаани г̇ахзд̇ваа бун̣н̣агасса барижарияааяа нажжаад̣̇ийни бадтабзсум̣. д̇амад̇т̇ам̣ багаасзнд̇о сад̇т̇аа ааха –

So upagantvā ca pana alaṅkatapāsādassa sattamāya bhūmiyā sayanagabbhañceva mahātalañca sajjāpetvā sirisayanaṃ paññāpetvā sabbaṃ annapānādividhiṃ upaṭṭhapetvā devakaññāyo viya pañcasatā itthiyo ‘‘imā te pādaparicārikā hontu, anukkaṇṭhanto idha vasāhī’’ti tassa niyyādetvā attano vasanaṭṭhānaṃ gato. Tassa gatakāle tā itthiyo nānātūriyāni gahetvā puṇṇakassa paricariyāya naccādīni paṭṭhapesuṃ. Tamatthaṃ pakāsento satthā āha –

1463.

‘‘д̇ад̇т̇а нажжанд̇и г̇ааяанд̇и, авхаяанд̇и варааварам̣;

‘‘Tattha naccanti gāyanti, avhayanti varāvaraṃ;

ажчараа вияа д̣̇звзсу, наарияо самалан̇гад̇аа’’д̇и.

Accharā viya devesu, nāriyo samalaṅkatā’’ti.

д̇ад̇т̇а авхаяанд̇и варааваранд̇и варад̇о варам̣ нажжан̃жа г̇ийд̇ан̃жа гаронд̇ияо баггосанд̇и.

Tattha avhayanti varāvaranti varato varaṃ naccañca gītañca karontiyo pakkosanti.

1464.

‘‘саман̇г̇игад̇ваа бамад̣̇аахи яагкам̣, аннзна баанзна жа д̇хаммабаало;

‘‘Samaṅgikatvā pamadāhi yakkhaṃ, annena pānena ca dhammapālo;

ад̇т̇ад̇т̇амзваанувижинд̇аяанд̇о , баавзгки бхарияааяа д̇ад̣̇аа сагаасз’’д̇и.

Atthatthamevānuvicintayanto , pāvekkhi bhariyāya tadā sakāse’’ti.

д̇ад̇т̇а бамад̣̇аахийд̇и бамад̣̇аахи жзва аннабаанзхи жа саман̇г̇игад̇ваа. д̇хаммабаалод̇и д̇хаммасса баалаго г̇обаго. ад̇т̇ад̇т̇амзваад̇и ад̇т̇абхууд̇амзва ад̇т̇ам̣. бхарияааяаад̇и саб̣б̣аж̇здтигааяа бхарияааяа.

Tattha pamadāhīti pamadāhi ceva annapānehi ca samaṅgikatvā. Dhammapāloti dhammassa pālako gopako. Atthatthamevāti atthabhūtameva atthaṃ. Bhariyāyāti sabbajeṭṭhikāya bhariyāya.

1465.

‘‘д̇ам̣ жанд̣̇анаг̇анд̇харасаанулид̇д̇ам̣, суван̣н̣аж̇амб̣онад̣̇анигкасаад̣̇исам̣;

‘‘Taṃ candanagandharasānulittaṃ, suvaṇṇajambonadanikkhasādisaṃ;

бхарияам̣важаа ‘зхи сун̣охи бход̇и, буд̇д̇аани ааманд̇аяа д̇амб̣анзд̇д̇з’’’д̇и.

Bhariyaṃvacā ‘ehi suṇohi bhoti, puttāni āmantaya tambanette’’’ti.

д̇ад̇т̇а бхарияам̣важаад̇и ж̇здтабхарияам̣ аважа. ааманд̇аяаад̇и баггоса.

Tattha bhariyaṃvacāti jeṭṭhabhariyaṃ avaca. Āmantayāti pakkosa.

1466.

‘‘суд̇ваана ваагяам̣ бад̇ино ануж̇ж̇аа, сун̣исам̣ важа д̇амб̣анаким̣ сунзд̇д̇ам̣;

‘‘Sutvāna vākyaṃ patino anujjā, suṇisaṃ vaca tambanakhiṃ sunettaṃ;

‘ааманд̇аяа ваммад̇хараани жзд̇з, буд̇д̇аани инд̣̇ийварабубпасаамз’’’д̇и.

‘Āmantaya vammadharāni cete, puttāni indīvarapupphasāme’’’ti.

д̇ад̇т̇а ануж̇ж̇аад̇и звам̣наамигаа. сун̣исам̣важа д̇амб̣анаким̣ сунзд̇д̇анд̇и саа д̇асса важанам̣ суд̇ваа ассумукий род̣̇амаанаа ‘‘саяам̣ г̇анд̇ваа буд̇д̇з баггосид̇ум̣ аяуд̇д̇ам̣, сун̣исам̣ бзсзссаамий’’д̇и д̇ассаа ниваасадтаанам̣ г̇анд̇ваа д̇амб̣анаким̣ сунзд̇д̇ам̣ сун̣исам̣ аважа. ваммад̇хараанийд̇и ваммад̇харз суурз, самад̇т̇зд̇и ад̇т̇о, аабхаран̣абхан̣д̣амзва ваа ид̇ха ‘‘вамма’’нд̇и ад̇хиббзд̇ам̣, д̇асмаа аабхаран̣ад̇харзд̇иби ад̇т̇о. жзд̇зд̇и д̇ам̣ наамзнаалабад̇и, буд̇д̇аанийд̇и мама буд̇д̇з жа д̇хийд̇аро жа. инд̣̇ийварабубпасаамзд̇и д̇ам̣ аалабад̇и.

Tattha anujjāti evaṃnāmikā. Suṇisaṃvaca tambanakhiṃ sunettanti sā tassa vacanaṃ sutvā assumukhī rodamānā ‘‘sayaṃ gantvā putte pakkosituṃ ayuttaṃ, suṇisaṃ pesessāmī’’ti tassā nivāsaṭṭhānaṃ gantvā tambanakhiṃ sunettaṃ suṇisaṃ avaca. Vammadharānīti vammadhare sūre, samattheti attho, ābharaṇabhaṇḍameva vā idha ‘‘vamma’’nti adhippetaṃ, tasmā ābharaṇadharetipi attho. Ceteti taṃ nāmenālapati, puttānīti mama putte ca dhītaro ca. Indīvarapupphasāmeti taṃ ālapati.

саа ‘‘саад̇хуу’’д̇и самбадижчид̇ваа баасаад̣̇аа оруяха анувижарид̇ваа ‘‘бид̇аа во оваад̣̇ам̣ д̣̇аад̇угаамо баггосад̇и, ид̣̇ам̣ гира во д̇асса бажчимад̣̇ассана’’нд̇и саб̣б̣амзвасса сухад̣̇аж̇анан̃жа буд̇д̇ад̇хийд̇аро жа саннибаад̇зси. д̇хаммабаалагумааро бана д̇ам̣ важанам̣ суд̇ваава род̣̇анд̇о ганидтабхаад̇игаг̇ан̣абаривуд̇о бид̇у санд̇игам̣ аг̇амааси. бан̣д̣ид̇о д̇з д̣̇исваава сагабхаавзна сан̣таад̇ум̣ асаггонд̇о ассубун̣н̣зхи нзд̇д̇зхи аалин̇г̇ид̇ваа сийсз жумб̣ид̇ваа ж̇здтабуд̇д̇ам̣ мухуд̇д̇ам̣ хад̣̇аяз нибаж̇ж̇аабзд̇ваа хад̣̇аяаа од̇аарзд̇ваа сириг̇аб̣бхад̇о нигкамма махаад̇алз баллан̇гамаж̇жхз нисийд̣̇ид̇ваа буд̇д̇асахассасса оваад̣̇ам̣ ад̣̇ааси. д̇амад̇т̇ам̣ багаасзнд̇о сад̇т̇аа ааха –

Sā ‘‘sādhū’’ti sampaṭicchitvā pāsādā oruyha anuvicaritvā ‘‘pitā vo ovādaṃ dātukāmo pakkosati, idaṃ kira vo tassa pacchimadassana’’nti sabbamevassa suhadajanañca puttadhītaro ca sannipātesi. Dhammapālakumāro pana taṃ vacanaṃ sutvāva rodanto kaniṭṭhabhātikagaṇaparivuto pitu santikaṃ agamāsi. Paṇḍito te disvāva sakabhāvena saṇṭhātuṃ asakkonto assupuṇṇehi nettehi āliṅgitvā sīse cumbitvā jeṭṭhaputtaṃ muhuttaṃ hadaye nipajjāpetvā hadayā otāretvā sirigabbhato nikkhamma mahātale pallaṅkamajjhe nisīditvā puttasahassassa ovādaṃ adāsi. Tamatthaṃ pakāsento satthā āha –

1467.

‘‘д̇з ааг̇ад̇з муд̣̇д̇хани д̇хаммабаало, жумб̣ид̇ваа буд̇д̇з авигамбамаано;

‘‘Te āgate muddhani dhammapālo, cumbitvā putte avikampamāno;

ааманд̇аяид̇ваана авожа ваагяам̣, д̣̇иннаахам̣ ран̃н̃аа ид̇ха маан̣авасса.

Āmantayitvāna avoca vākyaṃ, dinnāhaṃ raññā idha māṇavassa.

1468.

‘‘д̇ассаж̇ж̇ахам̣ ад̇д̇асукий вид̇хзяяо, аад̣̇ааяа язнижчад̇и д̇зна г̇ажчад̇и;

‘‘Tassajjahaṃ attasukhī vidheyyo, ādāya yenicchati tena gacchati;

ахан̃жа во саасид̇умааг̇ад̇осми, гат̇ам̣ ахам̣ абарид̇д̇ааяа г̇ажчз.

Ahañca vo sāsitumāgatosmi, kathaṃ ahaṃ aparittāya gacche.

1469.

‘‘сажз во рааж̇аа гурурадтаваасий, ж̇анасанд̇хо бужчзяяа бахууд̇агаамо;

‘‘Sace vo rājā kururaṭṭhavāsī, janasandho puccheyya pahūtakāmo;

гимаабхиж̇аанаат̇а бурз бураан̣ам̣, гим̣ во бид̇аа бурад̇т̇аа.

Kimābhijānātha pure purāṇaṃ, kiṃ vo pitā puratthā.

1470.

‘‘самаасанаа хот̇а маяаава саб̣б̣з, гонийд̇ха ран̃н̃о аб̣бхад̇иго мануссо;

‘‘Samāsanā hotha mayāva sabbe, konīdha rañño abbhatiko manusso;

д̇аман̃ж̇алим̣ гарияа вад̣̇зт̇а звам̣, маа хзвам̣ д̣̇зва на хи зса д̇хаммо;

Tamañjaliṃ kariya vadetha evaṃ, mā hevaṃ deva na hi esa dhammo;

вияаг̇гхарааж̇асса нихийнаж̇ажжо, самаасано д̣̇зва гат̇ам̣ бхавзяяаа’’д̇и.

Viyaggharājassa nihīnajacco, samāsano deva kathaṃ bhaveyyā’’ti.

д̇ад̇т̇а д̇хаммабаалод̇и махаасад̇д̇о. д̣̇иннааханд̇и ахам̣ ж̇аяад̇ханзна кан̣д̣зд̇ваа ран̃н̃аа д̣̇инно. д̇ассаж̇ж̇ахам̣ ад̇д̇асукий вид̇хзяяод̇и аж̇ж̇а бадтааяа д̇ийхамад̇д̇ам̣ ахам̣ иминаа ад̇д̇ано сукзна ад̇д̇асукий, д̇ад̇о барам̣ бана д̇асса маан̣авассаахам̣ вид̇хзяяо хоми. со хи ид̇о жад̇уд̇т̇з д̣̇ивасз згам̣сзна мам̣ аад̣̇ааяа яад̇т̇ижчад̇и, д̇ад̇т̇а г̇ажчад̇и. абарид̇д̇ааяаад̇и д̇умхаагам̣ барид̇д̇ам̣ агад̇ваа гат̇ам̣ г̇ажчзяяанд̇и анусаасид̇ум̣ ааг̇ад̇осми. ж̇анасанд̇ход̇и мид̇д̇аб̣анд̇ханзна мид̇д̇аж̇анасса санд̇хаанагаро. бурз бураан̣анд̇и ид̇о буб̣б̣з д̇умхз гим̣ бураан̣агааран̣ам̣ абхиж̇аанаат̇а. анусаасзд̇и анусааси. звам̣ д̇умхз ран̃н̃аа будтаа ‘‘амхаагам̣ бид̇аа иман̃жиман̃жа оваад̣̇ам̣ ад̣̇аасий’’д̇и гат̇зяяаат̇а. самаасанаа хот̇аад̇и сажз во рааж̇аа маяаа д̣̇иннасса оваад̣̇асса гат̇ид̇агаалз ‘‘зт̇а д̇умхз, аж̇ж̇а маяаа сад̣̇д̇хим̣ самаасанаа хот̇а, ид̇ха рааж̇агулз д̇умхзхи ан̃н̃о го ну ран̃н̃о аб̣бхад̇иго мануссо’’д̇и ад̇д̇ано аасанз нисийд̣̇аабзяяа, ат̇а д̇умхз ан̃ж̇алим̣ гад̇ваа д̇ам̣ рааж̇аанам̣ звам̣ вад̣̇зяяаат̇а ‘‘д̣̇зва, звам̣ маа аважа. на хи амхаагам̣ зсабавзн̣ид̇хаммо. вияаг̇гхарааж̇асса гзсарасийхасса нихийнаж̇ажжо ж̇арасин̇г̇аало , д̣̇зва, гат̇ам̣ самаасано бхавзяяа. яат̇аа син̇г̇аало сийхасса самаасано на ход̇и, д̇ат̇зва маяам̣ д̇умхаага’’нд̇и.

Tattha dhammapāloti mahāsatto. Dinnāhanti ahaṃ jayadhanena khaṇḍetvā raññā dinno. Tassajjahaṃ attasukhī vidheyyoti ajja paṭṭhāya tīhamattaṃ ahaṃ iminā attano sukhena attasukhī, tato paraṃ pana tassa māṇavassāhaṃ vidheyyo homi. So hi ito catutthe divase ekaṃsena maṃ ādāya yatthicchati, tattha gacchati. Aparittāyāti tumhākaṃ parittaṃ akatvā kathaṃ gaccheyyanti anusāsituṃ āgatosmi. Janasandhoti mittabandhanena mittajanassa sandhānakaro. Pure purāṇanti ito pubbe tumhe kiṃ purāṇakāraṇaṃ abhijānātha. Anusāseti anusāsi. Evaṃ tumhe raññā puṭṭhā ‘‘amhākaṃ pitā imañcimañca ovādaṃ adāsī’’ti katheyyātha. Samāsanā hothāti sace vo rājā mayā dinnassa ovādassa kathitakāle ‘‘etha tumhe, ajja mayā saddhiṃ samāsanā hotha, idha rājakule tumhehi añño ko nu rañño abbhatiko manusso’’ti attano āsane nisīdāpeyya, atha tumhe añjaliṃ katvā taṃ rājānaṃ evaṃ vadeyyātha ‘‘deva, evaṃ mā avaca. Na hi amhākaṃ esapaveṇidhammo. Viyaggharājassa kesarasīhassa nihīnajacco jarasiṅgālo , deva, kathaṃ samāsano bhaveyya. Yathā siṅgālo sīhassa samāsano na hoti, tatheva mayaṃ tumhāka’’nti.

имам̣ банасса гат̇ам̣ суд̇ваа буд̇д̇ад̇хийд̇аро жа н̃аад̇исухаж̇ж̇аад̣̇аяо жа д̣̇аасагаммагараборисаа жа д̇з саб̣б̣з сагабхаавзна сан̣таад̇ум̣ асаггонд̇аа махаавиравам̣ виравим̣су. д̇зсам̣ махаасад̇д̇о сан̃н̃аабзси.

Imaṃ panassa kathaṃ sutvā puttadhītaro ca ñātisuhajjādayo ca dāsakammakaraporisā ca te sabbe sakabhāvena saṇṭhātuṃ asakkontā mahāviravaṃ viraviṃsu. Tesaṃ mahāsatto saññāpesi.

лагкан̣аган̣д̣ам̣ нидтид̇ам̣.

Lakkhaṇakaṇḍaṃ niṭṭhitaṃ.

рааж̇авасад̇иган̣д̣а

Rājavasatikaṇḍa

ат̇а нз бан̣д̣ид̇о буд̇д̇ад̇хийд̇аро жа н̃аад̇аяо жа убасан̇гамид̇ваа д̇ун̣хийбхууд̇з д̣̇исваа ‘‘д̇аад̇аа, маа жинд̇аяид̇т̇а, саб̣б̣з сан̇каараа анижжаа, яасо наама вибад̇д̇ибарияосаано, абижа д̇умхаагам̣ рааж̇авасад̇им̣ наама яасабадилаабхагааран̣ам̣ гат̇зссаами, д̇ам̣ згаг̇г̇ажид̇д̇аа сун̣аат̇аа’’д̇и б̣уд̣̇д̇халийлааяа рааж̇авасад̇им̣ наама бадтабзси. д̇амад̇т̇ам̣ багаасзнд̇о сад̇т̇аа ааха –

Atha ne paṇḍito puttadhītaro ca ñātayo ca upasaṅkamitvā tuṇhībhūte disvā ‘‘tātā, mā cintayittha, sabbe saṅkhārā aniccā, yaso nāma vipattipariyosāno, apica tumhākaṃ rājavasatiṃ nāma yasapaṭilābhakāraṇaṃ kathessāmi, taṃ ekaggacittā suṇāthā’’ti buddhalīlāya rājavasatiṃ nāma paṭṭhapesi. Tamatthaṃ pakāsento satthā āha –

1471.

‘‘со жа буд̇д̇з амажжз жа, н̃аад̇аяо сухад̣̇аж̇ж̇анз;

‘‘So ca putte amacce ca, ñātayo suhadajjane;

алийнаманасан̇габбо, вид̇хуро зд̇ад̣̇аб̣рави.

Alīnamanasaṅkappo, vidhuro etadabravi.

1472.

‘‘зт̇аяяо рааж̇авасад̇им̣, нисийд̣̇ид̇ваа сун̣аат̇а мз;

‘‘Ethayyo rājavasatiṃ, nisīditvā suṇātha me;

яат̇аа рааж̇агулам̣ бад̇д̇о, яасам̣ босо ниг̇ажчад̇ий’’д̇и.

Yathā rājakulaṃ patto, yasaṃ poso nigacchatī’’ti.

д̇ад̇т̇а сухад̣̇аж̇ж̇анзд̇и сухад̣̇аяаж̇анз. зт̇аяяод̇и зт̇а, аяяо. бияасамуд̣̇аажаарзна буд̇д̇з аалабад̇и. рааж̇авасад̇инд̇и маяаа вужжамаанам̣ рааж̇абаарижарияам̣ сун̣аат̇а. яат̇аад̇и язна гааран̣зна рааж̇агулам̣ бад̇д̇о убасан̇гаманд̇о ран̃н̃о санд̇игз жаранд̇о босо яасам̣ ниг̇ажчад̇и лабхад̇и, д̇ам̣ гааран̣ам̣ сун̣аат̇аад̇и ад̇т̇о.

Tattha suhadajjaneti suhadayajane. Ethayyoti etha, ayyo. Piyasamudācārena putte ālapati. Rājavasatinti mayā vuccamānaṃ rājapāricariyaṃ suṇātha. Yathāti yena kāraṇena rājakulaṃ patto upasaṅkamanto rañño santike caranto poso yasaṃ nigacchati labhati, taṃ kāraṇaṃ suṇāthāti attho.

1473.

‘‘на хи рааж̇агулам̣ бад̇д̇о, ан̃н̃аад̇о лабхад̇з яасам̣;

‘‘Na hi rājakulaṃ patto, aññāto labhate yasaṃ;

наасууро нааби д̣̇уммзд̇хо, наббамад̇д̇о гуд̣̇аажанам̣.

Nāsūro nāpi dummedho, nappamatto kudācanaṃ.

1474.

‘‘яад̣̇аасса сийлам̣ бан̃н̃ан̃жа, сожзяяам̣ жаад̇хиг̇ажчад̇и;

‘‘Yadāssa sīlaṃ paññañca, soceyyaṃ cādhigacchati;

ат̇а виссасад̇з д̇яамхи, г̇уяхан̃жасса на рагкад̇ий’’д̇и.

Atha vissasate tyamhi, guyhañcassa na rakkhatī’’ti.

д̇ад̇т̇а ан̃н̃аад̇од̇и абаагадаг̇ун̣о авид̣̇ид̇агаммаавад̣̇аано. наасуурод̇и на асууро бхийругаж̇аад̇иго. яад̣̇аасса сийланд̇и яад̣̇аа асса сзвагасса рааж̇аа сийлан̃жа бан̃н̃ан̃жа сожзяяан̃жа ад̇хиг̇ажчад̇и, аажаарасамбад̇д̇ин̃жа н̃аан̣аб̣алан̃жа сужибхааван̃жа ж̇аанаад̇и. ат̇а виссасад̇з д̇яамхийд̇и ат̇а рааж̇аа д̇амхи виссасад̇з виссаасам̣ гарод̇и, ад̇д̇ано г̇уяхан̃жасса на рагкад̇и на г̇уухад̇и.

Tattha aññātoti apākaṭaguṇo aviditakammāvadāno. Nāsūroti na asūro bhīrukajātiko. Yadāssa sīlanti yadā assa sevakassa rājā sīlañca paññañca soceyyañca adhigacchati, ācārasampattiñca ñāṇabalañca sucibhāvañca jānāti. Atha vissasate tyamhīti atha rājā tamhi vissasate vissāsaṃ karoti, attano guyhañcassa na rakkhati na gūhati.

1475.

‘‘д̇улаа яат̇аа баг̇г̇ахид̇аа, самад̣̇ан̣д̣аа суд̇хаарид̇аа;

‘‘Tulā yathā paggahitā, samadaṇḍā sudhāritā;

аж̇жхидто на вигамбзяяа, са рааж̇авасад̇им̣ васз.

Ajjhiṭṭho na vikampeyya, sa rājavasatiṃ vase.

1476.

‘‘д̇улаа яат̇аа баг̇г̇ахид̇аа, самад̣̇ан̣д̣аа суд̇хаарид̇аа;

‘‘Tulā yathā paggahitā, samadaṇḍā sudhāritā;

саб̣б̣аани абхисамбхонд̇о, са рааж̇авасад̇им̣ васз’’д̇и.

Sabbāni abhisambhonto, sa rājavasatiṃ vase’’ti.

д̇ад̇т̇а д̇улаа яат̇аад̇и яат̇аа зсаа вуд̇д̇аббагаараа д̇улаа на онамад̇и на уннамад̇и, звамзва рааж̇асзваго гисмин̃жид̣̇зва гаммз ран̃н̃аа ‘‘ид̣̇ам̣ наама гарохий’’д̇и аж̇жхидто аан̣ад̇д̇о чанд̣̇аад̣̇иаг̇ад̇ивасзна на вигамбзяяа, саб̣б̣агижжзсу баг̇г̇ахид̇ад̇улаа вияа само бхавзяяа. са рааж̇авасад̇инд̇и со зваруубо сзваго рааж̇агулз ваасам̣ васзяяа, рааж̇аанам̣ барижарзяяа, звам̣ барижаранд̇о бана яасам̣ лабхзяяаад̇и ад̇т̇о. саб̣б̣аани абхисамбхонд̇од̇и саб̣б̣аани рааж̇агижжаани гаронд̇о.

Tattha tulāyathāti yathā esā vuttappakārā tulā na onamati na unnamati, evameva rājasevako kismiñcideva kamme raññā ‘‘idaṃ nāma karohī’’ti ajjhiṭṭho āṇatto chandādiagativasena na vikampeyya, sabbakiccesu paggahitatulā viya samo bhaveyya. Sa rājavasatinti so evarūpo sevako rājakule vāsaṃ vaseyya, rājānaṃ paricareyya, evaṃ paricaranto pana yasaṃ labheyyāti attho. Sabbāni abhisambhontoti sabbāni rājakiccāni karonto.

1477.

‘‘д̣̇иваа ваа яад̣̇и ваа рад̇д̇им̣, рааж̇агижжзсу бан̣д̣ид̇о;

‘‘Divā vā yadi vā rattiṃ, rājakiccesu paṇḍito;

аж̇жхидто на вигамбзяяа, са рааж̇авасад̇им̣ васз.

Ajjhiṭṭho na vikampeyya, sa rājavasatiṃ vase.

1478.

‘‘д̣̇иваа ваа яад̣̇и ваа рад̇д̇им̣, рааж̇агижжзсу бан̣д̣ид̇о;

‘‘Divā vā yadi vā rattiṃ, rājakiccesu paṇḍito;

саб̣б̣аани абхисамбхонд̇о, са рааж̇авасад̇им̣ васз.

Sabbāni abhisambhonto, sa rājavasatiṃ vase.

1479.

‘‘яо жасса сугад̇о маг̇г̇о, ран̃н̃о суббадияаад̣̇ид̇о;

‘‘Yo cassa sukato maggo, rañño suppaṭiyādito;

на д̇зна вуд̇д̇о г̇ажчзяяа, са рааж̇авасад̇им̣ васз’’д̇и.

Na tena vutto gaccheyya, sa rājavasatiṃ vase’’ti.

д̇ад̇т̇а на вигамбзяяаад̇и авигамбамаано д̇аани гижжаани гарзяяа. яо жассаад̇и яо жа ран̃н̃о г̇аманамаг̇г̇о сугад̇о асса суббадияаад̣̇ид̇о суман̣д̣ид̇о, ‘‘иминаа маг̇г̇зна г̇ажчаа’’д̇и вуд̇д̇оби д̇зна на г̇ажчзяяа.

Tattha na vikampeyyāti avikampamāno tāni kiccāni kareyya. Yo cassāti yo ca rañño gamanamaggo sukato assa suppaṭiyādito sumaṇḍito, ‘‘iminā maggena gacchā’’ti vuttopi tena na gaccheyya.

1480.

‘‘на ран̃н̃о сад̣̇исам̣ бхун̃ж̇з, гаамабхог̇з гуд̣̇аажанам̣;

‘‘Na rañño sadisaṃ bhuñje, kāmabhoge kudācanaṃ;

саб̣б̣ад̇т̇а бажчад̇о г̇ажчз, са рааж̇авасад̇им̣ васз.

Sabbattha pacchato gacche, sa rājavasatiṃ vase.

1481.

‘‘на ран̃н̃о сад̣̇исам̣ вад̇т̇ам̣, на маалам̣ на вилзбанам̣;

‘‘Na rañño sadisaṃ vatthaṃ, na mālaṃ na vilepanaṃ;

аагаббам̣ сарагуд̇д̇им̣ ваа, на ран̃н̃о сад̣̇исамаажарз;

Ākappaṃ sarakuttiṃ vā, na rañño sadisamācare;

ан̃н̃ам̣ гарзяяа аагаббам̣, са рааж̇авасад̇им̣ васз’’д̇и.

Aññaṃ kareyya ākappaṃ, sa rājavasatiṃ vase’’ti.

д̇ад̇т̇а на ран̃н̃од̇и ран̃н̃о гаамабхог̇зна самам̣ гаамабхог̇ам̣ на бхун̃ж̇зяяа. д̇аад̣̇исасса хи рааж̇аа гуж̇жхад̇и. саб̣б̣ад̇т̇аад̇и саб̣б̣зсу руубаад̣̇ийсу гаамаг̇ун̣зсу ран̃н̃о бажчад̇ова г̇ажчзяяа, хийнад̇арамзва сзвзяяаад̇и ад̇т̇о. ан̃н̃ам̣ гарзяяаад̇и ран̃н̃о аагаббад̇о сарагуд̇д̇ид̇о жа ан̃н̃амзва аагаббам̣ гарзяяа.

Tattha na raññoti rañño kāmabhogena samaṃ kāmabhogaṃ na bhuñjeyya. Tādisassa hi rājā kujjhati. Sabbatthāti sabbesu rūpādīsu kāmaguṇesu rañño pacchatova gaccheyya, hīnatarameva seveyyāti attho. Aññaṃ kareyyāti rañño ākappato sarakuttito ca aññameva ākappaṃ kareyya.

1482.

‘‘гийл̣з рааж̇аа амажжзхи, бхарияаахи бариваарид̇о;

‘‘Kīḷe rājā amaccehi, bhariyāhi parivārito;

наамажжо рааж̇абхарияаасу, бхаавам̣ губ̣б̣зт̇а бан̣д̣ид̇о.

Nāmacco rājabhariyāsu, bhāvaṃ kubbetha paṇḍito.

1483.

‘‘ануд̣̇д̇хад̇о ажабало, нибаго сам̣вуд̇инд̣̇рияо;

‘‘Anuddhato acapalo, nipako saṃvutindriyo;

манобан̣ид̇хисамбанно, са рааж̇авасад̇им̣ васз’’д̇и.

Manopaṇidhisampanno, sa rājavasatiṃ vase’’ti.

д̇ад̇т̇а бхааванд̇и виссаасавасзна ад̇хиббааяам̣. ажабалод̇и аман̣д̣анасийло. нибагод̇и барибагган̃аан̣о. сам̣вуд̇инд̣̇рияод̇и бихид̇ачал̣инд̣̇рияо ран̃н̃о ваа ан̇г̇абажжан̇г̇аани ород̇хз ваасса на ологзяяа. манобан̣ид̇хисамбаннод̇и ажабалзна судту табид̇зна жид̇д̇зна саманнааг̇ад̇о.

Tattha bhāvanti vissāsavasena adhippāyaṃ. Acapaloti amaṇḍanasīlo. Nipakoti paripakkañāṇo. Saṃvutindriyoti pihitachaḷindriyo rañño vā aṅgapaccaṅgāni orodhe vāssa na olokeyya. Manopaṇidhisampannoti acapalena suṭṭhu ṭhapitena cittena samannāgato.

1484.

‘‘наасса бхарияаахи гийл̣зяяа, на манд̇зяяа рахог̇ад̇о;

‘‘Nāssa bhariyāhi kīḷeyya, na manteyya rahogato;

наасса госаа д̇ханам̣ г̇ан̣хз, са рааж̇авасад̇им̣ васз.

Nāssa kosā dhanaṃ gaṇhe, sa rājavasatiṃ vase.

1485.

‘‘на нид̣̇д̣̇ам̣ б̣аху ман̃н̃зяяа, на мад̣̇ааяа сурам̣ бивз;

‘‘Na niddaṃ bahu maññeyya, na madāya suraṃ pive;

наасса д̣̇ааяз миг̇з хан̃н̃з, са рааж̇авасад̇им̣ васз.

Nāssa dāye mige haññe, sa rājavasatiṃ vase.

1486.

‘‘наасса бийтам̣ на баллан̇гам̣, на гожчам̣ на наавам̣ рат̇ам̣;

‘‘Nāssa pīṭhaṃ na pallaṅkaṃ, na kocchaṃ na nāvaṃ rathaṃ;

саммад̇омхийд̇и ааруухз, са рааж̇авасад̇им̣ васз.

Sammatomhīti ārūhe, sa rājavasatiṃ vase.

1487.

‘‘наад̇ид̣̇уурз бхаж̇з ран̃н̃о, нажжаасаннз вижагкан̣о;

‘‘Nātidūre bhaje rañño, naccāsanne vicakkhaṇo;

саммукан̃жасса д̇идтзяяа, санд̣̇иссанд̇о сабхад̇д̇уно.

Sammukhañcassa tiṭṭheyya, sandissanto sabhattuno.

1488.

‘‘на вз рааж̇аа сакаа ход̇и, на рааж̇аа ход̇и мзт̇уно;

‘‘Na ve rājā sakhā hoti, na rājā hoti methuno;

киббам̣ гуж̇жханд̇и рааж̇аано, суугзнагкийва гхаддид̇ам̣.

Khippaṃ kujjhanti rājāno, sūkenakkhīva ghaṭṭitaṃ.

1489.

‘‘на бууж̇ид̇о ман̃н̃амаано, мзд̇хаавий бан̣д̣ид̇о наро;

‘‘Na pūjito maññamāno, medhāvī paṇḍito naro;

парусам̣ бад̇иманд̇зяяа, рааж̇аанам̣ барисам̣г̇ад̇а’’нд̇и.

Pharusaṃ patimanteyya, rājānaṃ parisaṃgata’’nti.

д̇ад̇т̇а на манд̇зяяаад̇и д̇асса ран̃н̃о бхарияаахи сад̣̇д̇хим̣ нзва гийл̣зяяа, на рахо манд̇зяяа. госаа д̇хананд̇и ран̃н̃о госаа д̇ханам̣ т̇знзд̇ваа на г̇ан̣хзяяа. на мад̣̇ааяаад̇и д̇аад̇аа, рааж̇асзваго наама мад̣̇ад̇т̇ааяа сурам̣ на бивзяяа. наасса д̣̇ааяз миг̇зд̇и асса ран̃н̃о д̣̇иннаабхаяз миг̇з на хан̃н̃зяяа. гожчанд̇и бхад̣̇д̣̇абийтам̣. саммад̇омхийд̇и ахам̣ саммад̇о худ̇ваа звам̣ гаромийд̇и на аарухзяяа. саммукан̃жасса д̇идтзяяаад̇и асса ран̃н̃о бурад̇о куд̣̇д̣̇агамаханд̇агат̇аасаванадтаанз д̇идтзяяа. санд̣̇иссанд̇о сабхад̇д̇унод̇и яо рааж̇асзваго д̇асса бхад̇д̇уно д̣̇ассанадтаанз д̇идтзяяа. суугзнаад̇и агкимхи бад̇ид̇зна вийхисуугаад̣̇инаа гхаддид̇ам̣ агки багад̇исабхаавам̣ ж̇аханд̇ам̣ яат̇аа гуж̇жхад̇и наама, звам̣ гуж̇жханд̇и, на д̇зсу виссаасо гаад̇аб̣б̣о. бууж̇ид̇о ман̃н̃амаанод̇и ахам̣ рааж̇абууж̇ид̇омхийд̇и ман̃н̃амаано. парусам̣ бад̇иманд̇зяяаад̇и язна со гуж̇жхад̇и, д̇ат̇ааруубам̣ на манд̇зяяа.

Tattha na manteyyāti tassa rañño bhariyāhi saddhiṃ neva kīḷeyya, na raho manteyya. Kosā dhananti rañño kosā dhanaṃ thenetvā na gaṇheyya. Na madāyāti tātā, rājasevako nāma madatthāya suraṃ na piveyya. Nāssa dāye migeti assa rañño dinnābhaye mige na haññeyya. Kocchanti bhaddapīṭhaṃ. Sammatomhīti ahaṃ sammato hutvā evaṃ karomīti na āruheyya. Sammukhañcassa tiṭṭheyyāti assa rañño purato khuddakamahantakathāsavanaṭṭhāne tiṭṭheyya. Sandissanto sabhattunoti yo rājasevako tassa bhattuno dassanaṭṭhāne tiṭṭheyya. Sūkenāti akkhimhi patitena vīhisūkādinā ghaṭṭitaṃ akkhi pakatisabhāvaṃ jahantaṃ yathā kujjhati nāma, evaṃ kujjhanti, na tesu vissāso kātabbo. Pūjito maññamānoti ahaṃ rājapūjitomhīti maññamāno. Pharusaṃ patimanteyyāti yena so kujjhati, tathārūpaṃ na manteyya.

1490.

‘‘лад̣̇д̇хад̣̇вааро лабхз д̣̇ваарам̣, нзва рааж̇уусу виссасз;

‘‘Laddhadvāro labhe dvāraṃ, neva rājūsu vissase;

аг̇г̇ийва сам̣яад̇о д̇идтз, са рааж̇авасад̇им̣ васз.

Aggīva saṃyato tiṭṭhe, sa rājavasatiṃ vase.

1491.

‘‘буд̇д̇ам̣ ваа бхаад̇арам̣ ваа сам̣, самбаг̇г̇ан̣хаад̇и кад̇д̇ияо;

‘‘Puttaṃ vā bhātaraṃ vā saṃ, sampaggaṇhāti khattiyo;

г̇аамзхи ниг̇амзхи ваа, радтзхи ж̇анабад̣̇зхи ваа;

Gāmehi nigamehi vā, raṭṭhehi janapadehi vā;

д̇ун̣хийбхууд̇о убзгкзяяа, на бхан̣з чзгабаабага’’нд̇и.

Tuṇhībhūto upekkheyya, na bhaṇe chekapāpaka’’nti.

д̇ад̇т̇а лад̣̇д̇хад̣̇вааро лабхз д̣̇вааранд̇и ахам̣ ниббадихааро лад̣̇д̇хад̣̇ваарод̇и аббадихаарзд̇ваа на бависзяяа, бунаби д̣̇ваарам̣ лабхзяяа, бадихаарзд̇ваава бависзяяаад̇и ад̇т̇о. сам̣яад̇од̇и аббамад̇д̇о худ̇ваа. бхаад̇арам̣ ваа санд̇и сагам̣ бхаад̇арам̣ ваа. самбаг̇г̇ан̣хаад̇ийд̇и ‘‘асугаг̇аамам̣ ваа асуганиг̇амам̣ ваа асса д̣̇змаа’’д̇и яад̣̇аа сзвагзхи сад̣̇д̇хим̣ гат̇зд̇и. на бхан̣з чзгабаабаганд̇и д̇ад̣̇аа г̇ун̣ам̣ ваа аг̇ун̣ам̣ ваа на бхан̣зяяа.

Tattha laddhadvārolabhe dvāranti ahaṃ nippaṭihāro laddhadvāroti appaṭihāretvā na paviseyya, punapi dvāraṃ labheyya, paṭihāretvāva paviseyyāti attho. Saṃyatoti appamatto hutvā. Bhātaraṃ vā santi sakaṃ bhātaraṃ vā. Sampaggaṇhātīti ‘‘asukagāmaṃ vā asukanigamaṃ vā assa demā’’ti yadā sevakehi saddhiṃ katheti. Na bhaṇe chekapāpakanti tadā guṇaṃ vā aguṇaṃ vā na bhaṇeyya.

1492.

‘‘хад̇т̇аарохз анийгадтз, рат̇игз бад̇д̇игаарагз;

‘‘Hatthārohe anīkaṭṭhe, rathike pattikārake;

д̇зсам̣ гаммаавад̣̇аанзна, рааж̇аа вад̣дхзд̇и взд̇анам̣;

Tesaṃ kammāvadānena, rājā vaḍḍheti vetanaṃ;

на д̇зсам̣ анд̇араа г̇ажчз, са рааж̇авасад̇им̣ васз.

Na tesaṃ antarā gacche, sa rājavasatiṃ vase.

1493.

‘‘жаабовуунуд̣̇аро д̇хийро, вам̣совааби багамбаяз;

‘‘Cāpovūnudaro dhīro, vaṃsovāpi pakampaye;

бадиломам̣ на вад̇д̇зяяа, са рааж̇авасад̇им̣ васз.

Paṭilomaṃ na vatteyya, sa rājavasatiṃ vase.

1494.

‘‘жаабовуунуд̣̇аро асса, мажчовасса аж̇ивхаваа;

‘‘Cāpovūnudaro assa, macchovassa ajivhavā;

аббаасий нибаго сууро, са рааж̇авасад̇им̣ васз’’д̇и.

Appāsī nipako sūro, sa rājavasatiṃ vase’’ti.

д̇ад̇т̇а на д̇зсам̣ анд̇араа г̇ажчзд̇и д̇зсам̣ лаабхасса анд̇араа на г̇ажчз, анд̇арааяам̣ на гарзяяа. вам̣соваабийд̇и яат̇аа вам̣саг̇умб̣ад̇о уг̇г̇ад̇авам̣со ваад̇зна бахадагаалз багамбад̇и, звам̣ ран̃н̃аа гат̇ид̇агаалз багамбзяяа. жаабовуунуд̣̇арод̇и яат̇аа жаабо маход̣̇аро на ход̇и, звам̣ маход̣̇аро на сияаа. аж̇ивхаваад̇и яат̇аа мажчо аж̇ивхад̇ааяа на гат̇зд̇и, д̇ат̇аа сзваго манд̣̇агат̇ад̇ааяа аж̇ивхаваа бхавзяяа. аббаасийд̇и бхож̇анамад̇д̇ан̃н̃уу.

Tattha na tesaṃ antarā gaccheti tesaṃ lābhassa antarā na gacche, antarāyaṃ na kareyya. Vaṃsovāpīti yathā vaṃsagumbato uggatavaṃso vātena pahaṭakāle pakampati, evaṃ raññā kathitakāle pakampeyya. Cāpovūnudaroti yathā cāpo mahodaro na hoti, evaṃ mahodaro na siyā. Ajivhavāti yathā maccho ajivhatāya na katheti, tathā sevako mandakathatāya ajivhavā bhaveyya. Appāsīti bhojanamattaññū.

1495.

‘‘на б̣аал̣хам̣ ид̇т̇им̣ г̇ажчзяяа, самбассам̣ д̇зж̇асан̇каяам̣;

‘‘Na bāḷhaṃ itthiṃ gaccheyya, sampassaṃ tejasaṅkhayaṃ;

гаасам̣ саасам̣ д̣̇арам̣ б̣ааляам̣, кийн̣амзд̇хо ниг̇ажчад̇и.

Kāsaṃ sāsaṃ daraṃ bālyaṃ, khīṇamedho nigacchati.

1496.

‘‘наад̇ивзлам̣ бабхаасзяяа, на д̇ун̣хий саб̣б̣ад̣̇аа сияаа;

‘‘Nātivelaṃ pabhāseyya, na tuṇhī sabbadā siyā;

авигин̣н̣ам̣ мид̇ам̣ ваажам̣, бад̇д̇з гаалз уд̣̇ийраяз.

Avikiṇṇaṃ mitaṃ vācaṃ, patte kāle udīraye.

1497.

‘‘аггод̇хано асан̇гхаддо, сажжо сан̣хо абзсун̣о;

‘‘Akkodhano asaṅghaṭṭo, sacco saṇho apesuṇo;

сампам̣ г̇ирам̣ на бхаасзяяа, са рааж̇авасад̇им̣ васз.

Samphaṃ giraṃ na bhāseyya, sa rājavasatiṃ vase.

1498.

‘‘маад̇аабзд̇д̇ибхаро асса, гулз ж̇здтаабажааяиго;

‘‘Mātāpettibharo assa, kule jeṭṭhāpacāyiko;

сан̣хо сакиласамбхаасо, са рааж̇авасад̇им̣ васз’’д̇и.

Saṇho sakhilasambhāso, sa rājavasatiṃ vase’’ti.

д̇ад̇т̇а на б̣аал̣ханд̇и бунаббунам̣ гилзсавасзна на г̇ажчзяяа. д̇зж̇асан̇каяанд̇и звам̣ г̇ажчанд̇о хи бурисо д̇зж̇асан̇каяам̣ г̇ажчад̇и баабун̣аад̇и, д̇ам̣ самбассанд̇о б̣аал̣хам̣ на г̇ажчзяяа. д̣̇аранд̇и гааяад̣̇арат̇ам̣. б̣ааляанд̇и д̣̇уб̣б̣алабхаавам̣. кийн̣амзд̇ход̇и бунаббунам̣ гилзсарад̇ивасзна кийн̣абан̃н̃о бурисо зд̇з гаасаад̣̇аяо ниг̇ажчад̇и. наад̇ивзланд̇и д̇аад̇аа рааж̇уунам̣ санд̇игз бамаан̣аад̇игганд̇ам̣ на бхаасзяяа . бад̇д̇з гаалзд̇и ад̇д̇ано важанагаалз самбад̇д̇з. асан̇гхаддод̇и барам̣ асан̇гхаддзнд̇о. сампанд̇и нирад̇т̇агам̣. г̇иранд̇и важанам̣.

Tattha na bāḷhanti punappunaṃ kilesavasena na gaccheyya. Tejasaṅkhayanti evaṃ gacchanto hi puriso tejasaṅkhayaṃ gacchati pāpuṇāti, taṃ sampassanto bāḷhaṃ na gaccheyya. Daranti kāyadarathaṃ. Bālyanti dubbalabhāvaṃ. Khīṇamedhoti punappunaṃ kilesarativasena khīṇapañño puriso ete kāsādayo nigacchati. Nātivelanti tātā rājūnaṃ santike pamāṇātikkantaṃ na bhāseyya . Patte kāleti attano vacanakāle sampatte. Asaṅghaṭṭoti paraṃ asaṅghaṭṭento. Samphanti niratthakaṃ. Giranti vacanaṃ.

1499.

‘‘винийд̇о сиббаваа д̣̇анд̇о, гад̇ад̇д̇о нияад̇о муд̣̇у;

‘‘Vinīto sippavā danto, katatto niyato mudu;

аббамад̇д̇о сужи д̣̇агко, са рааж̇авасад̇им̣ васз.

Appamatto suci dakkho, sa rājavasatiṃ vase.

1500.

‘‘ниваад̇авуд̇д̇и вуд̣̇д̇хзсу, саббад̇иссо саг̇аараво;

‘‘Nivātavutti vuddhesu, sappatisso sagāravo;

сурад̇о сукасам̣ваасо, са рааж̇авасад̇им̣ васз.

Surato sukhasaṃvāso, sa rājavasatiṃ vase.

1501.

‘‘аарагаа бариваж̇ж̇зяяа, сахид̇ум̣ бахид̇ам̣ ж̇анам̣;

‘‘Ārakā parivajjeyya, sahituṃ pahitaṃ janaṃ;

бхад̇д̇ааран̃н̃звуд̣̇игкзяяа, на жа ан̃н̃асса рааж̇ино’’д̇и.

Bhattāraññevudikkheyya, na ca aññassa rājino’’ti.

д̇ад̇т̇а винийд̇од̇и аажаарасамбанно. сиббаваад̇и ад̇д̇ано гулз сигкид̇аб̣б̣асиббзна саманнааг̇ад̇о. д̣̇анд̇од̇и часу д̣̇ваарзсу ниб̣б̣исзвано. гад̇ад̇д̇од̇и самбаад̣̇ид̇ад̇д̇о. нияад̇од̇и яасаад̣̇ийни ниссааяа ажаласабхааво. муд̣̇ууд̇и анад̇имааний. аббамад̇д̇од̇и гад̇д̇аб̣б̣агижжзсу бамаад̣̇арахид̇о. д̣̇агкод̇и убадтаанз чзго. ниваад̇авуд̇д̇ийд̇и нийжавуд̇д̇и. сукасам̣ваасод̇и г̇арусам̣ваасасийло. сахид̇ум̣ бад̇ид̇анд̇и барарааж̇уухи сагаран̃н̃о санд̇игам̣ г̇уяхарагкан̣авасзна ваа бадижчаннабаагадагаран̣авасзнаваа бзсид̇ам̣. д̇ат̇ааруубзна хи сад̣̇д̇хим̣ гат̇знд̇оби ран̃н̃о саммукаава гат̇зяяа. бхад̇д̇ааран̃н̃звуд̣̇игкзяяаад̇и ад̇д̇ано саамигамзва ологзяяа. на жа ан̃н̃асса рааж̇инод̇и ан̃н̃асса ран̃н̃о санд̇аго на бхавзяяа.

Tattha vinītoti ācārasampanno. Sippavāti attano kule sikkhitabbasippena samannāgato. Dantoti chasu dvāresu nibbisevano. Katattoti sampāditatto. Niyatoti yasādīni nissāya acalasabhāvo. Mudūti anatimānī. Appamattoti kattabbakiccesu pamādarahito. Dakkhoti upaṭṭhāne cheko. Nivātavuttīti nīcavutti. Sukhasaṃvāsoti garusaṃvāsasīlo. Sahituṃ patitanti pararājūhi sakarañño santikaṃ guyharakkhaṇavasena vā paṭicchannapākaṭakaraṇavasenavā pesitaṃ. Tathārūpena hi saddhiṃ kathentopi rañño sammukhāva katheyya. Bhattāraññevudikkheyyāti attano sāmikameva olokeyya. Na ca aññassa rājinoti aññassa rañño santako na bhaveyya.

1502.

‘‘саман̣з б̣раахман̣з жааби, сийлаванд̇з б̣ахуссуд̇з;

‘‘Samaṇe brāhmaṇe cāpi, sīlavante bahussute;

саггажжам̣ баяирубаасзяяа, са рааж̇авасад̇им̣ васз.

Sakkaccaṃ payirupāseyya, sa rājavasatiṃ vase.

1503.

‘‘саман̣з б̣раахман̣з жааби, сийлаванд̇з б̣ахуссуд̇з;

‘‘Samaṇe brāhmaṇe cāpi, sīlavante bahussute;

саггажжам̣ ануваасзяяа, са рааж̇авасад̇им̣ васз.

Sakkaccaṃ anuvāseyya, sa rājavasatiṃ vase.

1504.

‘‘саман̣з б̣раахман̣з жааби, сийлаванд̇з б̣ахуссуд̇з;

‘‘Samaṇe brāhmaṇe cāpi, sīlavante bahussute;

д̇аббзяяа аннабаанзна, са рааж̇авасад̇им̣ васз.

Tappeyya annapānena, sa rājavasatiṃ vase.

1505.

‘‘саман̣з б̣раахман̣з жааби, сийлаванд̇з б̣ахуссуд̇з;

‘‘Samaṇe brāhmaṇe cāpi, sīlavante bahussute;

аасаж̇ж̇а бан̃н̃з сзвзт̇а, ааган̇кам̣ вуд̣̇д̇химад̇д̇ано’’д̇и.

Āsajja paññe sevetha, ākaṅkhaṃ vuddhimattano’’ti.

д̇ад̇т̇а саггажжам̣ баяирубаасзяяаад̇и г̇ааравзна бунаббунам̣ убасан̇гамзяяа. ануваасзяяаад̇и убосат̇аваасам̣ васанд̇о анувад̇д̇зяяа. д̇аббзяяаад̇и яаавад̣̇ад̇т̇ам̣ д̣̇аанзна д̇аббзяяа. аасаж̇ж̇аад̇и убасан̇гамид̇ваа. бан̃н̃зд̇и бан̣д̣ид̇з, аасаж̇ж̇абан̃н̃з ваа, асаж̇ж̇амаанабан̃н̃зд̇и ад̇т̇о.

Tattha sakkaccaṃ payirupāseyyāti gāravena punappunaṃ upasaṅkameyya. Anuvāseyyāti uposathavāsaṃ vasanto anuvatteyya. Tappeyyāti yāvadatthaṃ dānena tappeyya. Āsajjāti upasaṅkamitvā. Paññeti paṇḍite, āsajjapaññe vā, asajjamānapaññeti attho.

1506.

‘‘д̣̇иннабуб̣б̣ам̣ на хаабзяяа, д̣̇аанам̣ саман̣аб̣раахман̣з;

‘‘Dinnapubbaṃ na hāpeyya, dānaṃ samaṇabrāhmaṇe;

на жа гин̃жи ниваарзяяа, д̣̇аанагаалз ван̣иб̣б̣агз.

Na ca kiñci nivāreyya, dānakāle vaṇibbake.

1507.

‘‘бан̃н̃аваа б̣уд̣̇д̇хисамбанно, вид̇хаанавид̇хиговид̣̇о;

‘‘Paññavā buddhisampanno, vidhānavidhikovido;

гаалан̃н̃уу самаяан̃н̃уу жа, са рааж̇авасад̇им̣ васз.

Kālaññū samayaññū ca, sa rājavasatiṃ vase.

1508.

‘‘удтаад̇аа гаммад̇хзяязсу, аббамад̇д̇о вижагкан̣о;

‘‘Uṭṭhātā kammadheyyesu, appamatto vicakkhaṇo;

сусам̣вихид̇агамманд̇о, са рааж̇авасад̇им̣ васз’’д̇и.

Susaṃvihitakammanto, sa rājavasatiṃ vase’’ti.

д̇ад̇т̇а д̣̇иннабуб̣б̣анд̇и багад̇ибадияад̇д̇ам̣ д̣̇аанавад̇д̇ам̣. саман̣аб̣раахман̣зд̇и саман̣з ваа б̣раахман̣з ваа. ван̣иб̣б̣агзд̇и д̣̇аанагаалз ван̣иб̣б̣агз ааг̇ад̇з д̣̇исваа гин̃жи на ниваарзяяа. бан̃н̃аваад̇и вижааран̣абан̃н̃ааяа яуд̇д̇о. б̣уд̣̇д̇хисамбаннод̇и авзгаллаб̣уд̣̇д̇хисамбанно. вид̇хаанавид̇хиговид̣̇од̇и наанаббагаарзсу д̣̇аасагаммагараборисаад̣̇ийнам̣ сам̣вид̣̇аханагодтаасзсу чзго. гаалан̃н̃ууд̇и ‘‘аяам̣ д̣̇аанам̣ д̣̇аад̇ум̣, аяам̣ сийлам̣ рагкид̇ум̣, аяам̣ убосат̇агаммам̣ гаад̇ум̣ гаало’’д̇и ж̇аанзяяа. самаяан̃н̃ууд̇и ‘‘аяам̣ гасанасамаяо, аяам̣ вабанасамаяо, аяам̣ вохаарасамаяо, аяам̣ убадтаанасамаяо’’д̇и ж̇аанзяяа. гаммад̇хзяязсууд̇и ад̇д̇ано гад̇д̇аб̣б̣агаммзсу.

Tattha dinnapubbanti pakatipaṭiyattaṃ dānavattaṃ. Samaṇabrāhmaṇeti samaṇe vā brāhmaṇe vā. Vaṇibbaketi dānakāle vaṇibbake āgate disvā kiñci na nivāreyya. Paññavāti vicāraṇapaññāya yutto. Buddhisampannoti avekallabuddhisampanno. Vidhānavidhikovidoti nānappakāresu dāsakammakaraporisādīnaṃ saṃvidahanakoṭṭhāsesu cheko. Kālaññūti ‘‘ayaṃ dānaṃ dātuṃ, ayaṃ sīlaṃ rakkhituṃ, ayaṃ uposathakammaṃ kātuṃ kālo’’ti jāneyya. Samayaññūti ‘‘ayaṃ kasanasamayo, ayaṃ vapanasamayo, ayaṃ vohārasamayo, ayaṃ upaṭṭhānasamayo’’ti jāneyya. Kammadheyyesūti attano kattabbakammesu.

1509.

‘‘калам̣ саалам̣ басум̣ кзд̇д̇ам̣, г̇анд̇аа жасса абхигкан̣ам̣;

‘‘Khalaṃ sālaṃ pasuṃ khettaṃ, gantā cassa abhikkhaṇaṃ;

мид̇ам̣ д̇хан̃н̃ам̣ нид̇хаабзяяа, мид̇ам̣ва баажаяз гхарз.

Mitaṃ dhaññaṃ nidhāpeyya, mitaṃva pācaye ghare.

1510.

‘‘буд̇д̇ам̣ ваа бхаад̇арам̣ ваа сам̣, сийлзсу асамаахид̇ам̣;

‘‘Puttaṃ vā bhātaraṃ vā saṃ, sīlesu asamāhitaṃ;

анан̇г̇аваа хи д̇з б̣аалаа, яат̇аа бзд̇аа д̇ат̇зва д̇з;

Anaṅgavā hi te bālā, yathā petā tatheva te;

жол̣ан̃жа нзсам̣ бин̣д̣ан̃жа, аасийнаанам̣ бад̣̇аабаяз.

Coḷañca nesaṃ piṇḍañca, āsīnānaṃ padāpaye.

1511.

‘‘д̣̇аасз гаммагарз бзссз, сийлзсу сусамаахид̇з;

‘‘Dāse kammakare pesse, sīlesu susamāhite;

д̣̇агкз удтаанасамбаннз, аад̇хибажжамхи таабаяз’’д̇и.

Dakkhe uṭṭhānasampanne, ādhipaccamhi ṭhāpaye’’ti.

д̇ад̇т̇а басум̣ кзд̇д̇анд̇и г̇огулан̃жзва сассадтаанан̃жа. г̇анд̇аад̇и г̇аманасийло. мид̇анд̇и минид̇ваа зд̇д̇аганд̇и н̃ад̇ваа годтзсу нид̇хаабзяяа. гхарзд̇и гхарзби бариж̇анам̣ г̇ан̣зд̇ваа мид̇амзва бажаабзяяа. сийлзсу асамаахид̇анд̇и зваруубам̣ д̣̇уссийлам̣ анаажаарам̣ гисмин̃жи аад̇хибажжадтаанз на табзяяаад̇и ад̇т̇о. анан̇г̇аваа хи д̇з б̣аалаад̇и ‘‘ан̇г̇амзд̇ам̣ мануссаанам̣, бхаад̇аа логз бавужжад̇ий’’д̇и (ж̇аа. 1.4.58) гин̃жааби ж̇здтаганидтабхаад̇аро ан̇г̇асамаанад̇ааяа ‘‘ан̇г̇а’’нд̇и вуд̇д̇аа, имз бана д̣̇уссийлаа, д̇асмаа ан̇г̇асамаанаа на хонд̇и. яат̇аа бана сусаанз чад̣д̣ид̇аа бзд̇аа мад̇аа, д̇ат̇зва д̇з. д̇асмаа д̇аад̣̇исаа аад̇хибажжадтаанз на табзд̇аб̣б̣аа. гудумб̣ан̃хи д̇з винаасзнд̇и, винадтагудумб̣асса жа д̣̇алид̣̇д̣̇асса рааж̇авасад̇и наама на самбаж̇ж̇ад̇и. аасийнаананд̇и ааг̇анд̇ваа нисиннаанам̣ буд̇д̇абхаад̇аанам̣ мад̇асад̇д̇аанам̣ мад̇агабхад̇д̇ам̣ вияа д̣̇знд̇о гхаасажчаад̣̇анамад̇д̇амзва бад̣̇аабзяяа. удтаанасамбаннзд̇и удтаанавийриязна саманнааг̇ад̇з.

Tattha pasuṃ khettanti gokulañceva sassaṭṭhānañca. Gantāti gamanasīlo. Mitanti minitvā ettakanti ñatvā koṭṭhesu nidhāpeyya. Ghareti gharepi parijanaṃ gaṇetvā mitameva pacāpeyya. Sīlesu asamāhitanti evarūpaṃ dussīlaṃ anācāraṃ kismiñci ādhipaccaṭṭhāne na ṭhapeyyāti attho. Anaṅgavā hi te bālāti ‘‘aṅgametaṃ manussānaṃ, bhātā loke pavuccatī’’ti (jā. 1.4.58) kiñcāpi jeṭṭhakaniṭṭhabhātaro aṅgasamānatāya ‘‘aṅga’’nti vuttā, ime pana dussīlā, tasmā aṅgasamānā na honti. Yathā pana susāne chaḍḍitā petā matā, tatheva te. Tasmā tādisā ādhipaccaṭṭhāne na ṭhapetabbā. Kuṭumbañhi te vināsenti, vinaṭṭhakuṭumbassa ca daliddassa rājavasati nāma na sampajjati. Āsīnānanti āgantvā nisinnānaṃ puttabhātānaṃ matasattānaṃ matakabhattaṃ viya dento ghāsacchādanamattameva padāpeyya. Uṭṭhānasampanneti uṭṭhānavīriyena samannāgate.

1512.

‘‘сийлаваа жа алоло жа, анурагко жа рааж̇ино;

‘‘Sīlavā ca alolo ca, anurakkho ca rājino;

аавий рахо хид̇о д̇асса, са рааж̇авасад̇им̣ васз.

Āvī raho hito tassa, sa rājavasatiṃ vase.

1513.

‘‘чанд̣̇ан̃н̃уу рааж̇ино жасса, жид̇д̇адто асса рааж̇ино;

‘‘Chandaññū rājino cassa, cittaṭṭho assa rājino;

асан̇гусагавуд̇д̇им̣сса, са рааж̇авасад̇им̣ васз.

Asaṅkusakavuttiṃssa, sa rājavasatiṃ vase.

1514.

‘‘ужчаад̣̇аяз жа нхаабаяз, д̇ховз баад̣̇з ад̇хосирам̣;

‘‘Ucchādaye ca nhāpaye, dhove pāde adhosiraṃ;

аахад̇оби на губбзяяа, са рааж̇авасад̇им̣ васз’’д̇и.

Āhatopi na kuppeyya, sa rājavasatiṃ vase’’ti.

д̇ад̇т̇а алолод̇и алуд̣̇д̇хо. жид̇д̇адтод̇и жид̇д̇з тид̇о, рааж̇ажид̇д̇авасигод̇и ад̇т̇о. асан̇гусагавуд̇д̇иссаад̇и аббадиломавуд̇д̇и асса. ад̇хосиранд̇и баад̣̇з д̇хованд̇оби ад̇хосирам̣ гад̇ваа хздтаамукова д̇ховзяяа, на ран̃н̃о мукам̣ уллогзяяаад̇и ад̇т̇о.

Tattha aloloti aluddho. Cittaṭṭhoti citte ṭhito, rājacittavasikoti attho. Asaṅkusakavuttissāti appaṭilomavutti assa. Adhosiranti pāde dhovantopi adhosiraṃ katvā heṭṭhāmukhova dhoveyya, na rañño mukhaṃ ullokeyyāti attho.

1515.

‘‘гумбхамбан̃ж̇алим̣ гарияаа, жаадан̃жааби бад̣̇агкин̣ам̣;

‘‘Kumbhampañjaliṃ kariyā, cāṭañcāpi padakkhiṇaṃ;

гимзва саб̣б̣агаамаанам̣, д̣̇аад̇аарам̣ д̇хийрамуд̇д̇амам̣.

Kimeva sabbakāmānaṃ, dātāraṃ dhīramuttamaṃ.

1516.

‘‘яо д̣̇зд̇и саяанам̣ вад̇т̇ам̣, яаанам̣ аавасат̇ам̣ гхарам̣;

‘‘Yo deti sayanaṃ vatthaṃ, yānaṃ āvasathaṃ gharaṃ;

баж̇ж̇уннорива бхууд̇аани, бхог̇зхи абхивассад̇и.

Pajjunnoriva bhūtāni, bhogehi abhivassati.

1517.

‘‘зсаяяо рааж̇авасад̇и, вад̇д̇амаано яат̇аа наро;

‘‘Esayyo rājavasati, vattamāno yathā naro;

аараад̇хаяад̇и рааж̇аанам̣, бууж̇ам̣ лабхад̇и бхад̇д̇усуу’’д̇и.

Ārādhayati rājānaṃ, pūjaṃ labhati bhattusū’’ti.

д̇ад̇т̇а гумбхамбан̃ж̇алим̣ гарияаа, жаадан̃жааби бад̣̇агкин̣анд̇и вуд̣̇д̇хим̣ бажжаасийсанд̇о бурисо уд̣̇агабуурид̇ам̣ гумбхам̣ д̣̇исваа д̇асса ан̃ж̇алим̣ гарзяяа, жаадан̃жа сагун̣ам̣ бад̣̇агкин̣ам̣ гарзяяа. ан̃ж̇алим̣ ваа бад̣̇агкин̣ам̣ ваа гаронд̇асса д̇з гин̃жи д̣̇аад̇ум̣ на саггонд̇и. гимзваад̇и яо бана саб̣б̣агаамаанам̣ д̣̇аад̇аа д̇хийро жа, д̇ам̣ рааж̇аанам̣ гим̣гааран̣аа на намассзяяа. рааж̇ааязва хи намассид̇аб̣б̣о жа аараад̇хзд̇аб̣б̣о жа. баж̇ж̇уннориваад̇и мзгхо вияа. зсаяяо рааж̇авасад̇ийд̇и аяяо яаа аяам̣ маяаа гат̇ид̇аа, зсаа рааж̇авасад̇и наама рааж̇асзвагаанам̣ анусаасаний. яат̇аад̇и яааяа рааж̇авасад̇ияаа вад̇д̇амаано наро рааж̇аанам̣ аараад̇хзд̇и, рааж̇уунан̃жа санд̇игаа бууж̇ам̣ лабхад̇и, саа зсаад̇и.

Tattha kumbhampañjaliṃ kariyā, cāṭañcāpi padakkhiṇanti vuddhiṃ paccāsīsanto puriso udakapūritaṃ kumbhaṃ disvā tassa añjaliṃ kareyya, cāṭañca sakuṇaṃ padakkhiṇaṃ kareyya. Añjaliṃ vā padakkhiṇaṃ vā karontassa te kiñci dātuṃ na sakkonti. Kimevāti yo pana sabbakāmānaṃ dātā dhīro ca, taṃ rājānaṃ kiṃkāraṇā na namasseyya. Rājāyeva hi namassitabbo ca ārādhetabbo ca. Pajjunnorivāti megho viya. Esayyo rājavasatīti ayyo yā ayaṃ mayā kathitā, esā rājavasati nāma rājasevakānaṃ anusāsanī. Yathāti yāya rājavasatiyā vattamāno naro rājānaṃ ārādheti, rājūnañca santikā pūjaṃ labhati, sā esāti.

звам̣ асамад̇хуро вид̇хурабан̣д̣ид̇о б̣уд̣̇д̇халийлааяа рааж̇авасад̇им̣ гат̇зси;

Evaṃ asamadhuro vidhurapaṇḍito buddhalīlāya rājavasatiṃ kathesi;

рааж̇авасад̇иган̣д̣ам̣ нидтид̇ам̣.

Rājavasatikaṇḍaṃ niṭṭhitaṃ.

анд̇арабзяяаалам̣

Antarapeyyālaṃ

звам̣ буд̇д̇ад̣̇ааран̃аад̇имид̇д̇асухаж̇ж̇аад̣̇аяо анусаасанд̇ассзва д̇асса д̇аяо д̣̇ивасаа ж̇аад̇аа. со д̣̇ивасасса баарибуурим̣ н̃ад̇ваа баад̇ова нхад̇ваа наанаг̇г̇арасабхож̇анам̣ бхун̃ж̇ид̇ваа ‘‘рааж̇аанам̣ абалогзд̇ваа маан̣авзна сад̣̇д̇хим̣ г̇амиссаамий’’д̇и н̃аад̇иг̇ан̣абаривуд̇о рааж̇анивзсанам̣ г̇анд̇ваа рааж̇аанам̣ ванд̣̇ид̇ваа згаманд̇ам̣ тид̇о вад̇д̇аб̣б̣аяуд̇д̇агам̣ важанам̣ авожа. д̇амад̇т̇ам̣ багаасзнд̇о сад̇т̇аа ааха –

Evaṃ puttadārañātimittasuhajjādayo anusāsantasseva tassa tayo divasā jātā. So divasassa pāripūriṃ ñatvā pātova nhatvā nānaggarasabhojanaṃ bhuñjitvā ‘‘rājānaṃ apaloketvā māṇavena saddhiṃ gamissāmī’’ti ñātigaṇaparivuto rājanivesanaṃ gantvā rājānaṃ vanditvā ekamantaṃ ṭhito vattabbayuttakaṃ vacanaṃ avoca. Tamatthaṃ pakāsento satthā āha –

1518.

‘‘звам̣ саманусаасид̇ваа, н̃аад̇исан̇гхам̣ вижагкан̣о;

‘‘Evaṃ samanusāsitvā, ñātisaṅghaṃ vicakkhaṇo;

баригин̣н̣о сухад̣̇зхи, рааж̇аанамубасан̇гами.

Parikiṇṇo suhadehi, rājānamupasaṅkami.

1519.

‘‘ванд̣̇ид̇ваа сирасаа баад̣̇з, гад̇ваа жа нам̣ бад̣̇агкин̣ам̣;

‘‘Vanditvā sirasā pāde, katvā ca naṃ padakkhiṇaṃ;

вид̇хуро аважа рааж̇аанам̣, баг̇г̇ахзд̇ваана ан̃ж̇алим̣.

Vidhuro avaca rājānaṃ, paggahetvāna añjaliṃ.

1520.

‘‘аяам̣ мам̣ маан̣аво нзд̇и, гад̇д̇угаамо яат̇аамад̇и;

‘‘Ayaṃ maṃ māṇavo neti, kattukāmo yathāmati;

н̃аад̇ийнад̇т̇ам̣ бавагкаами, д̇ам̣ сун̣охи аринд̣̇ама.

Ñātīnatthaṃ pavakkhāmi, taṃ suṇohi arindama.

1521.

‘‘буд̇д̇з жа мз уд̣̇игкзси, яан̃жа ман̃н̃ам̣ гхарз д̇ханам̣;

‘‘Putte ca me udikkhesi, yañca maññaṃ ghare dhanaṃ;

яат̇аа бзжжа на хааязт̇а, н̃аад̇исан̇гхо маяий г̇ад̇з.

Yathā pecca na hāyetha, ñātisaṅgho mayī gate.

1522.

‘‘яат̇зва калад̇ий бхуумяаа, бхуумяааязва бад̇идтад̇и;

‘‘Yatheva khalatī bhūmyā, bhūmyāyeva patiṭṭhati;

звзд̇ам̣ калид̇ам̣ маяхам̣, зд̇ам̣ бассаами ажжаяа’’нд̇и.

Evetaṃ khalitaṃ mayhaṃ, etaṃ passāmi accaya’’nti.

д̇ад̇т̇а сухад̣̇зхийд̇и сухад̣̇аязхи н̃аад̇имид̇д̇аад̣̇ийхи. яан̃жа ман̃н̃анд̇и яан̃жа мз ан̃н̃ам̣ д̇аяаа жзва ан̃н̃зхи жа рааж̇уухи д̣̇иннам̣ гхарз абаримаан̣ам̣ д̇ханам̣, д̇ам̣ саб̣б̣ам̣ д̇вамзва ологзяяааси. бзжжаад̇и бажчаагаалз. калад̇ийд̇и багкалад̇и. звзд̇анд̇и звам̣ зд̇ам̣. ахан̃хи бхуумияам̣ калид̇ваа д̇ад̇т̇зва бад̇идтид̇абурисо вияа д̇умхзсу калид̇ваа д̇умхзсуязва бад̇идтахаами. зд̇ам̣ бассаамийд̇и яо зса ‘‘гим̣ д̇з рааж̇аа ход̇ий’’д̇и маан̣авзна будтасса мама д̇умхз анологзд̇ваа сажжам̣ абзгкид̇ваа ‘‘д̣̇аасохамасмий’’д̇и вад̣̇анд̇асса ажжаяо, зд̇ам̣ ажжаяам̣ бассаами, ан̃н̃о бана мз д̣̇осо над̇т̇и, д̇ам̣ мз ажжаяам̣ д̇умхз камат̇а, зд̇ам̣ хад̣̇аяз гад̇ваа бажчаа мама буд̇д̇ад̣̇аарзсу маа абараж̇жхид̇т̇аад̇и.

Tattha suhadehīti suhadayehi ñātimittādīhi. Yañca maññanti yañca me aññaṃ tayā ceva aññehi ca rājūhi dinnaṃ ghare aparimāṇaṃ dhanaṃ, taṃ sabbaṃ tvameva olokeyyāsi. Peccāti pacchākāle. Khalatīti pakkhalati. Evetanti evaṃ etaṃ. Ahañhi bhūmiyaṃ khalitvā tattheva patiṭṭhitapuriso viya tumhesu khalitvā tumhesuyeva patiṭṭhahāmi. Etaṃ passāmīti yo esa ‘‘kiṃ te rājā hotī’’ti māṇavena puṭṭhassa mama tumhe anoloketvā saccaṃ apekkhitvā ‘‘dāsohamasmī’’ti vadantassa accayo, etaṃ accayaṃ passāmi, añño pana me doso natthi, taṃ me accayaṃ tumhe khamatha, etaṃ hadaye katvā pacchā mama puttadāresu mā aparajjhitthāti.

д̇ам̣ суд̇ваа рааж̇аа ‘‘бан̣д̣ид̇а, д̇ава г̇аманам̣ маяхам̣ на ружжад̇и, маан̣авам̣ убааязна баггосаабзд̇ваа гхаад̇зд̇ваа гилан̃ж̇зна бадижчаад̣̇зд̇ум̣ маяхам̣ ружжад̇ий’’д̇и д̣̇ийбзнд̇о г̇аат̇амааха –

Taṃ sutvā rājā ‘‘paṇḍita, tava gamanaṃ mayhaṃ na ruccati, māṇavaṃ upāyena pakkosāpetvā ghātetvā kilañjena paṭicchādetuṃ mayhaṃ ruccatī’’ti dīpento gāthamāha –

1523.

‘‘саггаа на г̇анд̇ум̣ ид̇и маяха ход̇и, чзд̇ваа вад̇хид̇ваа ид̇ха гаад̇ияаанам̣;

‘‘Sakkā na gantuṃ iti mayha hoti, chetvā vadhitvā idha kātiyānaṃ;

ид̇хзва хохий ид̇и маяха ружжад̇и, маа д̇вам̣ аг̇аа уд̇д̇амабхуурибан̃н̃аа’’д̇и.

Idheva hohī iti mayha ruccati, mā tvaṃ agā uttamabhūripaññā’’ti.

д̇ад̇т̇а чзд̇ваад̇и ид̇хзва рааж̇аг̇зхз д̇ам̣ бот̇зд̇ваа маарзд̇ваа бадижчаад̣̇зссаамийд̇и.

Tattha chetvāti idheva rājagehe taṃ pothetvā māretvā paṭicchādessāmīti.

д̇ам̣ суд̇ваа махаасад̇д̇о ‘‘д̣̇зва, д̇умхаагам̣ аж̇жхаасаяо зваруубо ход̇и, со д̇умхзсу аяуд̇д̇о’’д̇и вад̇ваа ааха –

Taṃ sutvā mahāsatto ‘‘deva, tumhākaṃ ajjhāsayo evarūpo hoti, so tumhesu ayutto’’ti vatvā āha –

1524.

‘‘маа хзвад̇хаммзсу манам̣ бан̣ийд̣̇ахи, ад̇т̇з жа д̇хаммз жа яуд̇д̇о бхавассу;

‘‘Mā hevadhammesu manaṃ paṇīdahi, atthe ca dhamme ca yutto bhavassu;

д̇хирад̇т̇у гаммам̣ агусалам̣ анарияам̣, яам̣ гад̇ваа бажчаа нираяам̣ важ̇зяяа.

Dhiratthu kammaṃ akusalaṃ anariyaṃ, yaṃ katvā pacchā nirayaṃ vajeyya.

1525.

‘‘нзвзса д̇хаммо на бунзд̇а гижжам̣, аяиро хи д̣̇аасасса ж̇анинд̣̇а иссаро;

‘‘Nevesa dhammo na puneta kiccaṃ, ayiro hi dāsassa janinda issaro;

гхаад̇зд̇ум̣ жхаабзд̇ум̣ ат̇оби ханд̇ум̣, на жа маяха год̇хад̇т̇и важ̇аами жааха’’нд̇и.

Ghātetuṃ jhāpetuṃ athopi hantuṃ, na ca mayha kodhatthi vajāmi cāha’’nti.

д̇ад̇т̇а маа хзвад̇хаммзсу манам̣ бан̣ийд̣̇ахийд̇и ад̇хаммзсу анад̇т̇зсу аяуд̇д̇зсу д̇ава жид̇д̇ам̣ маа хзва бан̣ид̣̇ахийд̇и ад̇т̇о. бажчаад̇и яам̣ гаммам̣ гад̇вааби аж̇араамаро на ход̇и, ат̇а ко бажчаа нираяамзва убабаж̇ж̇зяяа. д̇хирад̇т̇у гамманд̇и д̇ам̣ гаммам̣ г̇арахид̇ам̣ ад̇т̇у асса бхавзяяа. нзвзсаад̇и нзва зса. аяирод̇и саамиго. гхаад̇зд̇унд̇и зд̇аани гхаад̇аад̣̇ийни гаад̇ум̣ аяиро д̣̇аасасса иссаро, саб̣б̣аанзд̇аани гаад̇ум̣ лабхад̇и, маяхам̣ маан̣авз аббамад̇д̇агоби год̇хо над̇т̇и, д̣̇иннагаалад̇о бадтааяа д̇ава жид̇д̇ам̣ санд̇хаарзд̇ум̣ ваддад̇и, важ̇аами ахам̣ наринд̣̇аад̇и ааха –

Tattha mā hevadhammesu manaṃ paṇīdahīti adhammesu anatthesu ayuttesu tava cittaṃ mā heva paṇidahīti attho. Pacchāti yaṃ kammaṃ katvāpi ajarāmaro na hoti, atha kho pacchā nirayameva upapajjeyya. Dhiratthu kammanti taṃ kammaṃ garahitaṃ atthu assa bhaveyya. Nevesāti neva esa. Ayiroti sāmiko. Ghātetunti etāni ghātādīni kātuṃ ayiro dāsassa issaro, sabbānetāni kātuṃ labhati, mayhaṃ māṇave appamattakopi kodho natthi, dinnakālato paṭṭhāya tava cittaṃ sandhāretuṃ vaṭṭati, vajāmi ahaṃ narindāti āha –

звам̣ вад̇ваа махаасад̇д̇о рааж̇аанам̣ ванд̣̇ид̇ваа ран̃н̃о ород̇хз жа буд̇д̇ад̣̇аарз жа рааж̇абарисан̃жа овад̣̇ид̇ваа д̇зсу сагабхаавзна сан̣таад̇ум̣ асаггун̣ид̇ваа махаавиравам̣ вираванд̇зсуязва рааж̇анивзсанаа нигками. сагаланаг̇араваасиноби ‘‘бан̣д̣ид̇о гира маан̣авзна сад̣̇д̇хим̣ г̇амиссад̇и, зт̇а, бассиссаама на’’нд̇и манд̇аяид̇ваа рааж̇ан̇г̇ан̣зязва нам̣ бассим̣су. ат̇а нз махаасад̇д̇о ассаасзд̇ваа ‘‘д̇умхз маа жинд̇аяид̇т̇а, саб̣б̣з сан̇каараа анижжаа, сарийрам̣ ад̣̇д̇хувам̣, яасо наама вибад̇д̇ибарияосаано, абижа д̇умхз д̣̇аанаад̣̇ийсу бун̃н̃зсу аббамад̇д̇аа хот̇аа’’д̇и д̇зсам̣ оваад̣̇ам̣ д̣̇ад̇ваа нивад̇д̇аабзд̇ваа ад̇д̇ано г̇зхаабхимуко бааяааси. д̇асмим̣ кан̣з д̇хаммабаалагумааро бхаад̇игаг̇ан̣абаривуд̇о ‘‘бид̇у бажжуг̇г̇аманам̣ гариссаамий’’д̇и нигканд̇о нивзсанад̣̇ваарзязва бид̇у саммуко ахоси. махаасад̇д̇о д̇ам̣ д̣̇исваа сагабхаавзна сан̣таад̇ум̣ асаггонд̇о убаг̇уяха урз нибаж̇ж̇аабзд̇ваа нивзсанам̣ баависи. д̇амад̇т̇ам̣ багаасзнд̇о сад̇т̇аа ааха –

Evaṃ vatvā mahāsatto rājānaṃ vanditvā rañño orodhe ca puttadāre ca rājaparisañca ovaditvā tesu sakabhāvena saṇṭhātuṃ asakkuṇitvā mahāviravaṃ viravantesuyeva rājanivesanā nikkhami. Sakalanagaravāsinopi ‘‘paṇḍito kira māṇavena saddhiṃ gamissati, etha, passissāma na’’nti mantayitvā rājaṅgaṇeyeva naṃ passiṃsu. Atha ne mahāsatto assāsetvā ‘‘tumhe mā cintayittha, sabbe saṅkhārā aniccā, sarīraṃ addhuvaṃ, yaso nāma vipattipariyosāno, apica tumhe dānādīsu puññesu appamattā hothā’’ti tesaṃ ovādaṃ datvā nivattāpetvā attano gehābhimukho pāyāsi. Tasmiṃ khaṇe dhammapālakumāro bhātikagaṇaparivuto ‘‘pitu paccuggamanaṃ karissāmī’’ti nikkhanto nivesanadvāreyeva pitu sammukho ahosi. Mahāsatto taṃ disvā sakabhāvena saṇṭhātuṃ asakkonto upaguyha ure nipajjāpetvā nivesanaṃ pāvisi. Tamatthaṃ pakāsento satthā āha –

1526.

‘‘ж̇здтабуд̇д̇ам̣ убаг̇уяха, винзяяа хад̣̇аяз д̣̇арам̣;

‘‘Jeṭṭhaputtaṃ upaguyha, vineyya hadaye daraṃ;

ассубун̣н̣зхи нзд̇д̇зхи, баависий со махаагхара’’нд̇и.

Assupuṇṇehi nettehi, pāvisī so mahāghara’’nti.

гхарз банасса сахассабуд̇д̇аа, сахассад̇хийд̇аро, сахассабхарияааяо, жа сад̇д̇аван̣н̣ад̣̇аасисад̇аани жа санд̇и, д̇зхи жзва авасзсад̣̇аасид̣̇аасагаммагаран̃аад̇имид̇д̇асухаж̇ж̇аад̣̇ийхи жа сагаланивзсанам̣ яуг̇анд̇аваад̇аабхигхаад̇абад̇ид̇зхи саалзхи саалаванам̣ вияа ниранд̇арам̣ ахоси. д̇амад̇т̇ам̣ багаасзнд̇о сад̇т̇аа ааха –

Ghare panassa sahassaputtā, sahassadhītaro, sahassabhariyāyo, ca sattavaṇṇadāsisatāni ca santi, tehi ceva avasesadāsidāsakammakarañātimittasuhajjādīhi ca sakalanivesanaṃ yugantavātābhighātapatitehi sālehi sālavanaṃ viya nirantaraṃ ahosi. Tamatthaṃ pakāsento satthā āha –

1527.

‘‘саалаава саммабад̇ид̇аа, маалуд̇зна бамад̣̇д̣̇ид̇аа;

‘‘Sālāva sammapatitā, mālutena pamadditā;

сзнд̇и буд̇д̇аа жа д̣̇аараа жа, вид̇хурасса нивзсанз.

Senti puttā ca dārā ca, vidhurassa nivesane.

1528.

‘‘ид̇т̇исахассам̣ бхарияаанам̣, д̣̇аасисад̇д̇асад̇аани жа;

‘‘Itthisahassaṃ bhariyānaṃ, dāsisattasatāni ca;

б̣аахаа баг̇г̇аяха багганд̣̇ум̣, вид̇хурасса нивзсанз.

Bāhā paggayha pakkanduṃ, vidhurassa nivesane.

1529.

‘‘ород̇хаа жа гумаараа жа, взсияаанаа жа б̣раахман̣аа;

‘‘Orodhā ca kumārā ca, vesiyānā ca brāhmaṇā;

б̣аахаа баг̇г̇аяха багганд̣̇ум̣, вид̇хурасса нивзсанз.

Bāhā paggayha pakkanduṃ, vidhurassa nivesane.

1530.

‘‘хад̇т̇аарохаа анийгадтаа, рат̇игаа бад̇д̇игаарагаа;

‘‘Hatthārohā anīkaṭṭhā, rathikā pattikārakā;

б̣аахаа баг̇г̇аяха багганд̣̇ум̣, вид̇хурасса нивзсанз.

Bāhā paggayha pakkanduṃ, vidhurassa nivesane.

1531.

‘‘самааг̇ад̇аа ж̇аанабад̣̇аа, нзг̇амаа жа самааг̇ад̇аа;

‘‘Samāgatā jānapadā, negamā ca samāgatā;

б̣аахаа баг̇г̇аяха багганд̣̇ум̣, вид̇хурасса нивзсанз.

Bāhā paggayha pakkanduṃ, vidhurassa nivesane.

1532.

‘‘ид̇т̇исахассам̣ бхарияаанам̣, д̣̇аасисад̇д̇асад̇аани жа;

‘‘Itthisahassaṃ bhariyānaṃ, dāsisattasatāni ca;

б̣аахаа баг̇г̇аяха багганд̇ум̣, гасмаа но виж̇ахиссаси.

Bāhā paggayha pakkantuṃ, kasmā no vijahissasi.

1533.

‘‘ород̇хаа жа гумаараа жа, взсияаанаа жа б̣раахман̣аа;

‘‘Orodhā ca kumārā ca, vesiyānā ca brāhmaṇā;

б̣аахаа баг̇г̇аяха багганд̣̇ум̣, гасмаа но виж̇ахиссаси.

Bāhā paggayha pakkanduṃ, kasmā no vijahissasi.

1534.

‘‘хад̇т̇аарохаа анийгадтаа, рат̇игаа бад̇д̇игаарагаа;

‘‘Hatthārohā anīkaṭṭhā, rathikā pattikārakā;

б̣аахаа баг̇г̇аяха багганд̣̇ум̣, гасмаа но виж̇ахиссаси.

Bāhā paggayha pakkanduṃ, kasmā no vijahissasi.

1535.

‘‘самааг̇ад̇аа ж̇аанабад̣̇аа, нзг̇амаа жа самааг̇ад̇аа;

‘‘Samāgatā jānapadā, negamā ca samāgatā;

б̣аахаа баг̇г̇аяха багганд̣̇ум̣, гасмаа но виж̇ахиссасий’’д̇и.

Bāhā paggayha pakkanduṃ, kasmā no vijahissasī’’ti.

д̇ад̇т̇а сзнд̇ийд̇и махаад̇алз чиннабаад̣̇аа вияа бад̇ид̇аа аавад̇д̇анд̇аа баривад̇д̇анд̇аа саяанд̇и. ид̇т̇исахассам̣ бхарияаананд̇и бхарияаанамзва ид̇т̇ийнам̣ сахассам̣. гасмаа но виж̇ахиссасийд̇и гзна гааран̣зна амхз виж̇ахиссасийд̇и барид̣̇звим̣су.

Tattha sentīti mahātale chinnapādā viya patitā āvattantā parivattantā sayanti. Itthisahassaṃ bhariyānanti bhariyānameva itthīnaṃ sahassaṃ. Kasmā no vijahissasīti kena kāraṇena amhe vijahissasīti parideviṃsu.

махаасад̇д̇о саб̣б̣ам̣ д̇ам̣ махааж̇анам̣ ассаасзд̇ваа гхарз авасзсагижжаани гад̇ваа анд̇ож̇анан̃жа б̣ахиж̇анан̃жа овад̣̇ид̇ваа аажигкид̇аб̣б̣аяуд̇д̇агам̣ саб̣б̣ам̣ аажигкид̇ваа бун̣н̣агасса санд̇игам̣ г̇анд̇ваа ад̇д̇ано нидтид̇агижжад̇ам̣ аарожзси. д̇амад̇т̇ам̣ багаасзнд̇о сад̇т̇аа ааха –

Mahāsatto sabbaṃ taṃ mahājanaṃ assāsetvā ghare avasesakiccāni katvā antojanañca bahijanañca ovaditvā ācikkhitabbayuttakaṃ sabbaṃ ācikkhitvā puṇṇakassa santikaṃ gantvā attano niṭṭhitakiccataṃ ārocesi. Tamatthaṃ pakāsento satthā āha –

1536.

‘‘гад̇ваа гхарзсу гижжаани, анусаасид̇ваа сагам̣ ж̇анам̣;

‘‘Katvā gharesu kiccāni, anusāsitvā sakaṃ janaṃ;

мид̇д̇аамажжз жа бхажжз жа, буд̇д̇ад̣̇аарз жа б̣анд̇хавз.

Mittāmacce ca bhacce ca, puttadāre ca bandhave.

1537.

‘‘гамманд̇ам̣ сам̣вид̇хзд̇ваана, аажигкид̇ваа гхарз д̇ханам̣;

‘‘Kammantaṃ saṃvidhetvāna, ācikkhitvā ghare dhanaṃ;

нид̇хин̃жа ин̣ад̣̇аанан̃жа, бун̣н̣агам̣ зд̇ад̣̇аб̣рави.

Nidhiñca iṇadānañca, puṇṇakaṃ etadabravi.

1538.

‘‘авасий д̇увам̣ маяха д̇ийхам̣ аг̇аарз, гад̇аани гижжаани гхарзсу маяхам̣;

‘‘Avasī tuvaṃ mayha tīhaṃ agāre, katāni kiccāni gharesu mayhaṃ;

анусаасид̇аа буд̇д̇ад̣̇аараа маяаа жа, гарома гажжаана яат̇аамад̇им̣ д̇з’’д̇и.

Anusāsitā puttadārā mayā ca, karoma kaccāna yathāmatiṃ te’’ti.

д̇ад̇т̇а гамманд̇ам̣ сам̣вид̇хзд̇ваанаад̇и ‘‘зван̃жа гаад̇ум̣ ваддад̇ий’’д̇и гхарз гад̇д̇аб̣б̣аяуд̇д̇агам̣ гаммам̣ сам̣вид̣̇ахид̇ваа. нид̇хинд̇и нид̣̇ахид̇ваа табид̇ад̇ханам̣. ин̣ад̣̇аананд̇и ин̣авасзна сам̣яож̇ид̇ад̇ханам̣. яат̇аамад̇им̣ д̇зд̇и ид̣̇аани д̇ава аж̇жхаасаяаануруубам̣ гаромаад̇и вад̣̇ад̇и.

Tattha kammantaṃ saṃvidhetvānāti ‘‘evañca kātuṃ vaṭṭatī’’ti ghare kattabbayuttakaṃ kammaṃ saṃvidahitvā. Nidhinti nidahitvā ṭhapitadhanaṃ. Iṇadānanti iṇavasena saṃyojitadhanaṃ. Yathāmatiṃ teti idāni tava ajjhāsayānurūpaṃ karomāti vadati.

бун̣н̣аго ааха –

Puṇṇako āha –

1539.

‘‘сажз хи гад̇д̇з анусаасид̇аа д̇з, буд̇д̇аа жа д̣̇аараа ануж̇ийвино жа;

‘‘Sace hi katte anusāsitā te, puttā ca dārā anujīvino ca;

ханд̣̇зхи д̣̇ааний д̇арамаанаруубо, д̣̇ийгхо хи ад̣̇д̇хааби аяам̣ бурад̇т̇аа.

Handehi dānī taramānarūpo, dīgho hi addhāpi ayaṃ puratthā.

1540.

‘‘ачамбхид̇ова г̇ан̣хаахи, ааж̇аанзяяасса ваалад̇хим̣;

‘‘Achambhitova gaṇhāhi, ājāneyyassa vāladhiṃ;

ид̣̇ам̣ бажчимагам̣ д̇уяхам̣, ж̇ийвалогасса д̣̇ассана’’нд̇и.

Idaṃ pacchimakaṃ tuyhaṃ, jīvalokassa dassana’’nti.

д̇ад̇т̇а гад̇д̇зд̇и соманассаббад̇д̇о яагко махаасад̇д̇ам̣ аалабад̇и. д̣̇ийгхо хи ад̣̇д̇хаабийд̇и г̇анд̇аб̣б̣амаг̇г̇оби д̣̇ийгхо. ‘‘ачамбхид̇оваа’’д̇и ид̣̇ам̣ со хздтаабаасаад̣̇ам̣ анод̇арид̇ваа д̇ад̇ова г̇анд̇угаамо худ̇ваа аважа.

Tattha katteti somanassappatto yakkho mahāsattaṃ ālapati. Dīgho hi addhāpīti gantabbamaggopi dīgho. ‘‘Achambhitovā’’ti idaṃ so heṭṭhāpāsādaṃ anotaritvā tatova gantukāmo hutvā avaca.

ат̇а нам̣ махаасад̇д̇о ааха –

Atha naṃ mahāsatto āha –

1541.

‘‘сохам̣ гисса ну бхааяиссам̣, яасса мз над̇т̇и д̣̇уггадам̣;

‘‘Sohaṃ kissa nu bhāyissaṃ, yassa me natthi dukkaṭaṃ;

гааязна ваажаа манасаа, язна г̇ажчзяяа д̣̇уг̇г̇ад̇и’’нд̇и.

Kāyena vācā manasā, yena gaccheyya duggati’’nti.

д̇ад̇т̇а сохам̣ гисса ну бхааяиссанд̇и ид̣̇ам̣ махаасад̇д̇о ‘‘ачамбхид̇ова г̇ан̣хаахий’’д̇и вуд̇д̇ад̇д̇аа звамааха.

Tattha sohaṃ kissa nu bhāyissanti idaṃ mahāsatto ‘‘achambhitova gaṇhāhī’’ti vuttattā evamāha.

звам̣ махаасад̇д̇о сийханаад̣̇ам̣ над̣̇ид̇ваа ачамбхид̇о гзсарасийхо вияа ниб̣бхаяо худ̇ваа ‘‘аяам̣ саадаго мама аружияаа маа мужжад̇уу’’д̇и ад̇хидтаанабаарамим̣ бурзжааригам̣ гад̇ваа д̣̇ал̣хам̣ ниваасзд̇ваа ассасса ваалад̇хим̣ вияуухид̇ваа убхохи хад̇т̇зхи д̣̇ал̣хам̣ ваалад̇хим̣ г̇ахзд̇ваа д̣̇вийхи баад̣̇зхи ассасса ууруусу баливзтзд̇ваа ‘‘маан̣ава, г̇ахид̇о мз ваалад̇хи, яат̇ааружи яаахий’’д̇и ааха. д̇асмим̣ кан̣з бун̣н̣аго маномаяасинд̇хавасса сан̃н̃ам̣ ад̣̇ааси. со бан̣д̣ид̇ам̣ аад̣̇ааяа аагаасз багканд̣̇и. д̇амад̇т̇ам̣ багаасзнд̇о сад̇т̇аа ааха –

Evaṃ mahāsatto sīhanādaṃ naditvā achambhito kesarasīho viya nibbhayo hutvā ‘‘ayaṃ sāṭako mama aruciyā mā muccatū’’ti adhiṭṭhānapāramiṃ purecārikaṃ katvā daḷhaṃ nivāsetvā assassa vāladhiṃ viyūhitvā ubhohi hatthehi daḷhaṃ vāladhiṃ gahetvā dvīhi pādehi assassa ūrūsu paliveṭhetvā ‘‘māṇava, gahito me vāladhi, yathāruci yāhī’’ti āha. Tasmiṃ khaṇe puṇṇako manomayasindhavassa saññaṃ adāsi. So paṇḍitaṃ ādāya ākāse pakkhandi. Tamatthaṃ pakāsento satthā āha –

1542.

‘‘со ассарааж̇аа вид̇хурам̣ ваханд̇о, баггаами взхааяасаманд̇алигкз;

‘‘So assarājā vidhuraṃ vahanto, pakkāmi vehāyasamantalikkhe;

саакаасу сзлзсу асаж̇ж̇амаано, гаал̣ааг̇ирим̣ киббамубааг̇амаасий’’д̇и.

Sākhāsu selesu asajjamāno, kāḷāgiriṃ khippamupāgamāsī’’ti.

д̇ад̇т̇а саакаасу сзлзсу асаж̇ж̇амаанод̇и бун̣н̣аго гира жинд̇зси ‘‘д̣̇уурам̣ аг̇анд̇ваава имам̣ химаванд̇аббад̣̇зсз ругкзсу баб̣б̣ад̇зсу жа бот̇зд̇ваа маарзд̇ваа хад̣̇аяамам̣сам̣ аад̣̇ааяа гал̣зварам̣ баб̣б̣ад̇анд̇арз чад̣д̣зд̇ваа нааг̇абхаванамзва г̇амиссаамий’’д̇и. со ругкз жа баб̣б̣ад̇з жа абарихарид̇ваа д̇зсам̣ маж̇жхзнзва ассам̣ бзсзси. махаасад̇д̇ассаанубхаавзна ругкааби баб̣б̣ад̇ааби сарийрад̇о убхосу бассзсу рад̇анамад̇д̇ам̣ бадиггаманд̇и. со ‘‘мад̇о ваа, но ваа’’д̇и баривад̇д̇ид̇ваа махаасад̇д̇асса мукам̣ ологзнд̇о ган̃жанаад̣̇аасамива виббасаннам̣ д̣̇исваа ‘‘аяам̣ звам̣ на марад̇ий’’д̇и бунаби сагалахимаванд̇аббад̣̇зсз ругкз жа баб̣б̣ад̇з жа д̇игкад̇д̇ум̣ бот̇знд̇о бзсзси . звам̣ бот̇знд̇оби д̇ат̇зва ругкабаб̣б̣ад̇аа д̣̇уурамзва бадиггаманд̇иязва. махаасад̇д̇о бана гиланд̇агааяо ахоси. ат̇а бун̣н̣аго ‘‘аяам̣ нзва марад̇и, ид̣̇аани ваад̇агканд̇хз жун̣н̣авижун̣н̣ам̣ гариссаамий’’д̇и год̇хаабхибхууд̇о сад̇д̇амам̣ ваад̇агканд̇хам̣ багканд̣̇и. б̣од̇хисад̇д̇ассаанубхаавзна ваад̇агканд̇хо д̣̇вид̇хаа худ̇ваа б̣од̇хисад̇д̇асса огаасам̣ агааси. д̇ад̇о взрамбхаваад̇зхи бахараабзси, взрамбхаваад̇ааби сад̇асахассаасанисад̣̇д̣̇о вияа худ̇ваа б̣од̇хисад̇д̇асса огаасам̣ ад̣̇ам̣су. со бун̣н̣аго д̇асса анд̇арааяаабхаавам̣ бассанд̇о д̇ам̣ аад̣̇ааяа гаал̣абаб̣б̣ад̇ам̣ аг̇амааси. д̇зна вуд̇д̇ам̣ –

Tattha sākhāsu selesu asajjamānoti puṇṇako kira cintesi ‘‘dūraṃ agantvāva imaṃ himavantappadese rukkhesu pabbatesu ca pothetvā māretvā hadayamaṃsaṃ ādāya kaḷevaraṃ pabbatantare chaḍḍetvā nāgabhavanameva gamissāmī’’ti. So rukkhe ca pabbate ca apariharitvā tesaṃ majjheneva assaṃ pesesi. Mahāsattassānubhāvena rukkhāpi pabbatāpi sarīrato ubhosu passesu ratanamattaṃ paṭikkamanti. So ‘‘mato vā, no vā’’ti parivattitvā mahāsattassa mukhaṃ olokento kañcanādāsamiva vippasannaṃ disvā ‘‘ayaṃ evaṃ na maratī’’ti punapi sakalahimavantappadese rukkhe ca pabbate ca tikkhattuṃ pothento pesesi . Evaṃ pothentopi tatheva rukkhapabbatā dūrameva paṭikkamantiyeva. Mahāsatto pana kilantakāyo ahosi. Atha puṇṇako ‘‘ayaṃ neva marati, idāni vātakkhandhe cuṇṇavicuṇṇaṃ karissāmī’’ti kodhābhibhūto sattamaṃ vātakkhandhaṃ pakkhandi. Bodhisattassānubhāvena vātakkhandho dvidhā hutvā bodhisattassa okāsaṃ akāsi. Tato verambhavātehi paharāpesi, verambhavātāpi satasahassaasanisaddo viya hutvā bodhisattassa okāsaṃ adaṃsu. So puṇṇako tassa antarāyābhāvaṃ passanto taṃ ādāya kāḷapabbataṃ agamāsi. Tena vuttaṃ –

‘‘со ассарааж̇аа вид̇хурам̣ ваханд̇о, баггаами взхааяасаманд̇алигкз;

‘‘So assarājā vidhuraṃ vahanto, pakkāmi vehāyasamantalikkhe;

саакаасу сзлзсу асаж̇ж̇амаано, гаал̣ааг̇ирим̣ киббамубааг̇амаасий’’д̇и.

Sākhāsu selesu asajjamāno, kāḷāgiriṃ khippamupāgamāsī’’ti.

д̇ад̇т̇а асаж̇ж̇амаанод̇и алаг̇г̇амаано аббадихан̃н̃амаано вид̇хурабан̣д̣ид̇ам̣ ваханд̇о гаал̣абаб̣б̣ад̇амад̇т̇агам̣ убааг̇ад̇о.

Tattha asajjamānoti alaggamāno appaṭihaññamāno vidhurapaṇḍitaṃ vahanto kāḷapabbatamatthakaṃ upāgato.

звам̣ бун̣н̣агасса махаасад̇д̇ам̣ г̇ахзд̇ваа г̇ад̇агаалз бан̣д̣ид̇асса буд̇д̇ад̣̇аараад̣̇аяо бун̣н̣агасса васанадтаанам̣ г̇анд̇ваа д̇ад̇т̇а махаасад̇д̇ам̣ ад̣̇исваа чиннабаад̣̇аа вияа бад̇ид̇ваа абараабарам̣ баривад̇д̇амаанаа махаасад̣̇д̣̇зна барид̣̇звим̣су. д̇амад̇т̇ам̣ багаасзнд̇о сад̇т̇аа ааха –

Evaṃ puṇṇakassa mahāsattaṃ gahetvā gatakāle paṇḍitassa puttadārādayo puṇṇakassa vasanaṭṭhānaṃ gantvā tattha mahāsattaṃ adisvā chinnapādā viya patitvā aparāparaṃ parivattamānā mahāsaddena parideviṃsu. Tamatthaṃ pakāsento satthā āha –

1543.

‘‘ид̇т̇исахассам̣ бхарияаанам̣, д̣̇аасисад̇д̇асад̇аани жа;

‘‘Itthisahassaṃ bhariyānaṃ, dāsisattasatāni ca;

б̣аахаа баг̇г̇аяха багганд̣̇ум̣, ‘яагко б̣раахман̣аван̣н̣зна;

Bāhā paggayha pakkanduṃ, ‘yakkho brāhmaṇavaṇṇena;

вид̇хурам̣ аад̣̇ааяа г̇ажчад̇и’.

Vidhuraṃ ādāya gacchati’.

‘‘ород̇хаа жа гумаараа жа, взсияаанаа жа б̣раахман̣аа;

‘‘Orodhā ca kumārā ca, vesiyānā ca brāhmaṇā;

б̣аахаа баг̇г̇аяха багганд̣̇ум̣, ‘яагко б̣раахман̣аван̣н̣зна;

Bāhā paggayha pakkanduṃ, ‘yakkho brāhmaṇavaṇṇena;

вид̇хурам̣ аад̣̇ааяа г̇ажчад̇и’.

Vidhuraṃ ādāya gacchati’.

‘‘хад̇т̇аарохаа анийгадтаа, рат̇игаа бад̇д̇игаарагаа;

‘‘Hatthārohā anīkaṭṭhā, rathikā pattikārakā;

б̣аахаа баг̇г̇аяха багганд̣̇ум̣, ‘яагко б̣раахман̣аван̣н̣зна;

Bāhā paggayha pakkanduṃ, ‘yakkho brāhmaṇavaṇṇena;

вид̇хурам̣ аад̣̇ааяа г̇ажчад̇и’.

Vidhuraṃ ādāya gacchati’.

1544.

‘‘самааг̇ад̇аа ж̇аанабад̣̇аа, нзг̇амаа жа самааг̇ад̇аа;

‘‘Samāgatā jānapadā, negamā ca samāgatā;

б̣аахаа баг̇г̇аяха багганд̣̇ум̣, ‘яагко б̣раахман̣аван̣н̣зна;

Bāhā paggayha pakkanduṃ, ‘yakkho brāhmaṇavaṇṇena;

вид̇хурам̣ аад̣̇ааяа г̇ажчад̇и’.

Vidhuraṃ ādāya gacchati’.

1545.

‘‘ид̇т̇исахассам̣ бхарияаанам̣, д̣̇аасисад̇д̇асад̇аани жа;

‘‘Itthisahassaṃ bhariyānaṃ, dāsisattasatāni ca;

б̣аахаа баг̇г̇аяха багганд̣̇ум̣, ‘бан̣д̣ид̇о со гухим̣ г̇ад̇о’.

Bāhā paggayha pakkanduṃ, ‘paṇḍito so kuhiṃ gato’.

‘‘ород̇хаа жа гумаараа жа, взсияаанаа жа б̣раахман̣аа;

‘‘Orodhā ca kumārā ca, vesiyānā ca brāhmaṇā;

б̣аахаа баг̇г̇аяха багганд̣̇ум̣, ‘бан̣д̣ид̇о со гухим̣ г̇ад̇о’.

Bāhā paggayha pakkanduṃ, ‘paṇḍito so kuhiṃ gato’.

‘‘хад̇т̇аарохаа анийгадтаа, рат̇игаа бад̇д̇игаарагаа;

‘‘Hatthārohā anīkaṭṭhā, rathikā pattikārakā;

б̣аахаа баг̇г̇аяха багганд̣̇ум̣, ‘бан̣д̣ид̇о со гухим̣ г̇ад̇о’.

Bāhā paggayha pakkanduṃ, ‘paṇḍito so kuhiṃ gato’.

1546.

самааг̇ад̇аа ж̇аанабад̣̇аа, нзг̇амаа жа самааг̇ад̇аа;

Samāgatā jānapadā, negamā ca samāgatā;

б̣аахаа баг̇г̇аяха багганд̣̇ум̣, ‘бан̣д̣ид̇о со гухим̣ г̇ад̇о’’’д̇и.

Bāhā paggayha pakkanduṃ, ‘paṇḍito so kuhiṃ gato’’’ti.

звам̣ багганд̣̇ид̇ваа жа бана д̇з саб̣б̣зби сагаланаг̇араваасийхи сад̣̇д̇хим̣ род̣̇ид̇ваа рааж̇ад̣̇ваарам̣ аг̇амам̣су. рааж̇аа маханд̇ам̣ барид̣̇звасад̣̇д̣̇ам̣ суд̇ваа сийхабан̃ж̇арам̣ виварид̇ваа ‘‘д̇умхз гасмаа барид̣̇зват̇аа’’д̇и бужчи. ат̇асса д̇з ‘‘д̣̇зва, со гира маан̣аво на б̣раахман̣о, яагко бана б̣раахман̣аван̣н̣зна ааг̇анд̇ваа бан̣д̣ид̇ам̣ аад̣̇ааяа г̇ад̇о, д̇зна винаа амхаагам̣ ж̇ийвид̇ам̣ над̇т̇и. сажз со ид̇о сад̇д̇амз д̣̇ивасз нааг̇амиссад̇и, сагадасад̇зхи сагадасахассзхи жа д̣̇аарууни сан̇гад̣дхид̇ваа саб̣б̣з маяам̣ аг̇г̇им̣ уж̇ж̇аалзд̇ваа бависиссаамаа’’д̇и имамад̇т̇ам̣ аарожзнд̇аа имам̣ г̇аат̇амаахам̣су –

Evaṃ pakkanditvā ca pana te sabbepi sakalanagaravāsīhi saddhiṃ roditvā rājadvāraṃ agamaṃsu. Rājā mahantaṃ paridevasaddaṃ sutvā sīhapañjaraṃ vivaritvā ‘‘tumhe kasmā paridevathā’’ti pucchi. Athassa te ‘‘deva, so kira māṇavo na brāhmaṇo, yakkho pana brāhmaṇavaṇṇena āgantvā paṇḍitaṃ ādāya gato, tena vinā amhākaṃ jīvitaṃ natthi. Sace so ito sattame divase nāgamissati, sakaṭasatehi sakaṭasahassehi ca dārūni saṅkaḍḍhitvā sabbe mayaṃ aggiṃ ujjāletvā pavisissāmā’’ti imamatthaṃ ārocentā imaṃ gāthamāhaṃsu –

1547.

‘‘сажз со сад̇д̇арад̇д̇зна, нааг̇ажчиссад̇и бан̣д̣ид̇о;

‘‘Sace so sattarattena, nāgacchissati paṇḍito;

саб̣б̣з аг̇г̇им̣ бавзгкаама, над̇т̇ад̇т̇о ж̇ийвид̇зна но’’д̇и.

Sabbe aggiṃ pavekkhāma, natthattho jīvitena no’’ti.

саммаасамб̣уд̣̇д̇хасса бариниб̣б̣уд̇агаалзби ‘‘маяам̣ аг̇г̇им̣ бависид̇ваа мариссаамаа’’д̇и вад̇д̇ааро наама наахзсум̣. ахо субхаасид̇ам̣ махаасад̇д̇з нааг̇арзхийд̇и. рааж̇аа д̇зсам̣ гат̇ам̣ суд̇ваа ‘‘д̇умхз маа жинд̇аяид̇т̇а, маа сожид̇т̇а, маа барид̣̇звид̇т̇а, мад̇хурагат̇о бан̣д̣ид̇о маан̣авам̣ д̇хаммагат̇ааяа балобхзд̇ваа ад̇д̇ано баад̣̇зсу баад̇зд̇ваа сагаланаг̇араваасийнам̣ ассумукам̣ хаасаяанд̇о на жирассзва ааг̇амиссад̇ий’’д̇и ассаасзнд̇о г̇аат̇амааха –

Sammāsambuddhassa parinibbutakālepi ‘‘mayaṃ aggiṃ pavisitvā marissāmā’’ti vattāro nāma nāhesuṃ. Aho subhāsitaṃ mahāsatte nāgarehīti. Rājā tesaṃ kathaṃ sutvā ‘‘tumhe mā cintayittha, mā socittha, mā paridevittha, madhurakatho paṇḍito māṇavaṃ dhammakathāya palobhetvā attano pādesu pātetvā sakalanagaravāsīnaṃ assumukhaṃ hāsayanto na cirasseva āgamissatī’’ti assāsento gāthamāha –

1548.

‘‘бан̣д̣ид̇о жа вияад̇д̇о жа, вибхаавий жа вижагкан̣о;

‘‘Paṇḍito ca viyatto ca, vibhāvī ca vicakkhaṇo;

киббам̣ можияа ад̇д̇аанам̣, маа бхааяид̇т̇ааг̇амиссад̇ий’’д̇и.

Khippaṃ mociya attānaṃ, mā bhāyitthāgamissatī’’ti.

д̇ад̇т̇а вияад̇д̇од̇и взяяад̇д̇ияаа вижааран̣абан̃н̃ааяа саманнааг̇ад̇о. вибхаавийд̇и ад̇т̇аанад̇т̇ам̣ гааран̣аагааран̣ам̣ вибхаавзд̇ваа д̣̇ассзд̇ваа гат̇зд̇ум̣ самад̇т̇о. вижагкан̣од̇и д̇ан̇кан̣зязва таануббад̇д̇игааяа гааран̣ажинд̇анабан̃н̃ааяа яуд̇д̇о. маа бхааяид̇т̇аад̇и маа бхааяат̇а, ад̇д̇аанам̣ можзд̇ваа киббам̣ ааг̇амиссад̇ийд̇и ассаасзд̇и.

Tattha viyattoti veyyattiyā vicāraṇapaññāya samannāgato. Vibhāvīti atthānatthaṃ kāraṇākāraṇaṃ vibhāvetvā dassetvā kathetuṃ samattho. Vicakkhaṇoti taṅkhaṇeyeva ṭhānuppattikāya kāraṇacintanapaññāya yutto. Mā bhāyitthāti mā bhāyatha, attānaṃ mocetvā khippaṃ āgamissatīti assāseti.

нааг̇арааби ‘‘бан̣д̣ид̇о гира ран̃н̃о гат̇зд̇ваа г̇ад̇о бхависсад̇ий’’д̇и ассаасам̣ бадилабхид̇ваа ад̇д̇ано г̇зхаани баггамим̣су.

Nāgarāpi ‘‘paṇḍito kira rañño kathetvā gato bhavissatī’’ti assāsaṃ paṭilabhitvā attano gehāni pakkamiṃsu.

анд̇арабзяяаало нидтид̇о.

Antarapeyyālo niṭṭhito.

саад̇хунарад̇хаммаган̣д̣ам̣

Sādhunaradhammakaṇḍaṃ

бун̣н̣агоби махаасад̇д̇ам̣ гаал̣ааг̇иримад̇т̇агз табзд̇ваа ‘‘имасмим̣ ж̇ийвамаанз маяхам̣ вуд̣дхи наама над̇т̇и, имам̣ маарзд̇ваа хад̣̇аяамам̣сам̣ г̇ахзд̇ваа нааг̇абхаванам̣ г̇анд̇ваа вималааяа д̣̇ад̇ваа иранд̇хад̇им̣ г̇ахзд̇ваа д̣̇звалогам̣ г̇амиссаамий’’д̇и жинд̇зси. д̇амад̇т̇ам̣ багаасзнд̇о сад̇т̇аа ааха –

Puṇṇakopi mahāsattaṃ kāḷāgirimatthake ṭhapetvā ‘‘imasmiṃ jīvamāne mayhaṃ vuḍḍhi nāma natthi, imaṃ māretvā hadayamaṃsaṃ gahetvā nāgabhavanaṃ gantvā vimalāya datvā irandhatiṃ gahetvā devalokaṃ gamissāmī’’ti cintesi. Tamatthaṃ pakāsento satthā āha –

1549.

‘‘со д̇ад̇т̇а г̇анд̇ваана вижинд̇аяанд̇о, ужжааважаа жзд̇анагаа бхаванд̇и;

‘‘So tattha gantvāna vicintayanto, uccāvacā cetanakā bhavanti;

наяимасса ж̇ийвзна мамад̇т̇и гин̃жи, ханд̇ваанимам̣ хад̣̇аяамаанаяисса’’нд̇и.

Nayimassa jīvena mamatthi kiñci, hantvānimaṃ hadayamānayissa’’nti.

д̇ад̇т̇а сод̇и со бун̣н̣аго. д̇ад̇т̇а г̇анд̇ваанаад̇и г̇анд̇ваа д̇ад̇т̇а гаал̣ааг̇иримад̇т̇агз тид̇о. ужжааважаа жзд̇анагаа бхаванд̇ийд̇и кан̣з кан̣з уббаж̇ж̇амаанаа жзд̇анаа ужжааби аважааби уббаж̇ж̇анд̇и. таанам̣ ко банзд̇ам̣ виж̇ж̇ад̇и, яам̣ мамзд̇асса ж̇ийвид̇ад̣̇аанажзд̇анааби уббаж̇ж̇зяяаад̇и. имасса бана ж̇ийвид̇зна д̇ахим̣ нааг̇абхаванз мама аббамад̇д̇агамби гин̃жи гижжам̣ над̇т̇и, ид̇хзвимам̣ маарзд̇ваа асса хад̣̇аяам̣ аанаяиссаамийд̇и саннидтаанамагаасийд̇и ад̇т̇о.

Tattha soti so puṇṇako. Tattha gantvānāti gantvā tattha kāḷāgirimatthake ṭhito. Uccāvacā cetanakā bhavantīti khaṇe khaṇe uppajjamānā cetanā uccāpi avacāpi uppajjanti. Ṭhānaṃ kho panetaṃ vijjati, yaṃ mametassa jīvitadānacetanāpi uppajjeyyāti. Imassa pana jīvitena tahiṃ nāgabhavane mama appamattakampi kiñci kiccaṃ natthi, idhevimaṃ māretvā assa hadayaṃ ānayissāmīti sanniṭṭhānamakāsīti attho.

д̇ад̇о буна жинд̇зси ‘‘яам̣нуунаахам̣ имам̣ сахад̇т̇зна амаарзд̇ваа бхзраваруубад̣̇ассанзна ж̇ийвид̇агкаяам̣ баабзяяа’’нд̇и. со бхзраваяагкаруубам̣ нимминид̇ваа махаасад̇д̇ам̣ д̇аж̇ж̇знд̇о ааг̇анд̇ваа д̇ам̣ баад̇зд̇ваа д̣̇аатаанам̣ анд̇арз гад̇ваа каад̣̇ид̇угаамо вияа ахоси, махаасад̇д̇асса ломахам̣санамад̇д̇амби наахоси. д̇ад̇о сийхаруубзна мад̇д̇амахаахад̇т̇ируубзна жа ааг̇анд̇ваа д̣̇аатаахи жзва д̣̇анд̇зхи жа виж̇жхид̇угаамо вияа ахоси. д̇ат̇ааби абхааяанд̇асса згад̣̇он̣иганааваббамаан̣ам̣ маханд̇ам̣ саббаван̣н̣ам̣ нимминид̇ваа ассасанд̇о бассасанд̇о ‘‘сусуу’’д̇и сад̣̇д̣̇ам̣ гаронд̇о ааг̇анд̇ваа махаасад̇д̇асса сагаласарийрам̣ взтзд̇ваа мад̇т̇агз пан̣ам̣ гад̇ваа адтааси, д̇асса саараж̇ж̇амад̇д̇амби наахоси. ат̇а ‘‘нам̣ баб̣б̣ад̇амад̇т̇агз табзд̇ваа баад̇зд̇ваа жун̣н̣авижун̣н̣ам̣ гариссаамий’’д̇и махааваад̇ам̣ самудтаабзси. со д̇асса гзсаг̇г̇амад̇д̇амби жаалзд̇ум̣ наасагки. ат̇а нам̣ д̇ад̇т̇зва баб̣б̣ад̇амад̇т̇агз табзд̇ваа хад̇т̇ий вияа каж̇ж̇ууриругкам̣ баб̣б̣ад̇ам̣ абараабарам̣ жаалзси, д̇ат̇ааби нам̣ тид̇адтаанад̇о гзсаг̇г̇амад̇д̇амби жаалзд̇ум̣ наасагки.

Tato puna cintesi ‘‘yaṃnūnāhaṃ imaṃ sahatthena amāretvā bheravarūpadassanena jīvitakkhayaṃ pāpeyya’’nti. So bheravayakkharūpaṃ nimminitvā mahāsattaṃ tajjento āgantvā taṃ pātetvā dāṭhānaṃ antare katvā khāditukāmo viya ahosi, mahāsattassa lomahaṃsanamattampi nāhosi. Tato sīharūpena mattamahāhatthirūpena ca āgantvā dāṭhāhi ceva dantehi ca vijjhitukāmo viya ahosi. Tathāpi abhāyantassa ekadoṇikanāvappamāṇaṃ mahantaṃ sappavaṇṇaṃ nimminitvā assasanto passasanto ‘‘susū’’ti saddaṃ karonto āgantvā mahāsattassa sakalasarīraṃ veṭhetvā matthake phaṇaṃ katvā aṭṭhāsi, tassa sārajjamattampi nāhosi. Atha ‘‘naṃ pabbatamatthake ṭhapetvā pātetvā cuṇṇavicuṇṇaṃ karissāmī’’ti mahāvātaṃ samuṭṭhāpesi. So tassa kesaggamattampi cāletuṃ nāsakkhi. Atha naṃ tattheva pabbatamatthake ṭhapetvā hatthī viya khajjūrirukkhaṃ pabbataṃ aparāparaṃ cālesi, tathāpi naṃ ṭhitaṭṭhānato kesaggamattampi cāletuṃ nāsakkhi.

д̇ад̇о ‘‘сад̣̇д̣̇асанд̇аасзнасса хад̣̇аяапааланам̣ гад̇ваа маарзссаамий’’д̇и анд̇обаб̣б̣ад̇ам̣ бависид̇ваа бат̇авин̃жа набхан̃жа зганиннаад̣̇ам̣ гаронд̇о махаанаад̣̇ам̣ над̣̇и, звамбисса саараж̇ж̇амад̇д̇амби наахоси. ж̇аанаад̇и хи махаасад̇д̇о ‘‘яагкасийхахад̇т̇инааг̇арааж̇авзсзхи ааг̇ад̇оби махааваад̇авудтим̣ самудтаабагоби баб̣б̣ад̇ажаланам̣ гаронд̇оби анд̇обаб̣б̣ад̇ам̣ бависид̇ваа наад̣̇ам̣ виссаж̇ж̇знд̇оби маан̣авоязва, на ан̃н̃о’’д̇и. д̇ад̇о бун̣н̣аго жинд̇зси ‘‘наахам̣ имам̣ б̣аахирубаггамзна маарзд̇ум̣ саггоми, сахад̇т̇знзва нам̣ маарзссаамий’’д̇и. д̇ад̇о яагко махаасад̇д̇ам̣ баб̣б̣ад̇амуд̣̇д̇хани табзд̇ваа баб̣б̣ад̇абаад̣̇ам̣ г̇анд̇ваа ман̣игканд̇хз бан̣д̣усуд̇д̇ам̣ бавзсзнд̇о вияа баб̣б̣ад̇ам̣ бависид̇ваа д̇аасзнд̇о ваг̇г̇анд̇о анд̇обаб̣б̣ад̇зна уг̇г̇анд̇ваа махаасад̇д̇ам̣ баад̣̇з д̣̇ал̣хам̣ г̇ахзд̇ваа баривад̇д̇зд̇ваа ад̇хосирам̣ гад̇ваа анааламб̣з аагаасз виссаж̇ж̇зси. д̇зна вуд̇д̇ам̣ –

Tato ‘‘saddasantāsenassa hadayaphālanaṃ katvā māressāmī’’ti antopabbataṃ pavisitvā pathaviñca nabhañca ekaninnādaṃ karonto mahānādaṃ nadi, evampissa sārajjamattampi nāhosi. Jānāti hi mahāsatto ‘‘yakkhasīhahatthināgarājavesehi āgatopi mahāvātavuṭṭhiṃ samuṭṭhāpakopi pabbatacalanaṃ karontopi antopabbataṃ pavisitvā nādaṃ vissajjentopi māṇavoyeva, na añño’’ti. Tato puṇṇako cintesi ‘‘nāhaṃ imaṃ bāhirupakkamena māretuṃ sakkomi, sahattheneva naṃ māressāmī’’ti. Tato yakkho mahāsattaṃ pabbatamuddhani ṭhapetvā pabbatapādaṃ gantvā maṇikkhandhe paṇḍusuttaṃ pavesento viya pabbataṃ pavisitvā tāsento vagganto antopabbatena uggantvā mahāsattaṃ pāde daḷhaṃ gahetvā parivattetvā adhosiraṃ katvā anālambe ākāse vissajjesi. Tena vuttaṃ –

1550.

‘‘со д̇ад̇т̇а г̇анд̇ваа баб̣б̣ад̇анд̇арасмим̣, анд̇о бависид̇ваана бад̣̇удтажид̇д̇о;

‘‘So tattha gantvā pabbatantarasmiṃ, anto pavisitvāna paduṭṭhacitto;

асам̣вуд̇асмим̣ ж̇аг̇ад̇иббад̣̇зсз, ад̇хосирам̣ д̇хаараяи гаад̇ияаано’’д̇и.

Asaṃvutasmiṃ jagatippadese, adhosiraṃ dhārayi kātiyāno’’ti.

д̇ад̇т̇а со д̇ад̇т̇а г̇анд̇ваад̇и со бун̣н̣аго баб̣б̣ад̇амад̇т̇агаа баб̣б̣ад̇абаад̣̇ам̣ г̇анд̇ваа д̇ад̇т̇а баб̣б̣ад̇анд̇арз тад̇ваа д̇асса анд̇о бависид̇ваа баб̣б̣ад̇амад̇т̇агз тид̇асса хздтаа бан̃н̃ааяамаано асам̣вуд̇з бхуумибад̣̇зсз д̇хаарзсийд̇и. на аад̣̇ид̇ова д̇хаарзси, д̇ад̇т̇а бана д̇ам̣ кибид̇ваа баннарасаяож̇анамад̇д̇ам̣ бхадтагаалз баб̣б̣ад̇амуд̣̇д̇хани тид̇ова хад̇т̇ам̣ вад̣дхзд̇ваа ад̇хосирам̣ бхассанд̇ам̣ баад̣̇зсу г̇ахзд̇ваа ад̇хосирамзва угкибид̇ваа мукам̣ ологзнд̇о ‘‘на марад̇ий’’д̇и н̃ад̇ваа д̣̇уд̇ияамби кибид̇ваа д̇им̣саяож̇анамад̇д̇ам̣ бхадтагаалз д̇ат̇зва угкибид̇ваа буна д̇асса мукам̣ ологзнд̇о ж̇ийванд̇амзва д̣̇исваа жинд̇зси ‘‘сажз ид̣̇аани садтияож̇анамад̇д̇ам̣ бхассид̇ваа на мариссад̇и, баад̣̇зсу нам̣ г̇ахзд̇ваа баб̣б̣ад̇амуд̣̇д̇хани бот̇зд̇ваа маарзссаамий’’д̇и ат̇а нам̣ д̇ад̇ияамби кибид̇ваа садтияож̇анамад̇д̇ам̣ бхадтагаалз хад̇т̇ам̣ вад̣дхзд̇ваа баад̣̇зсу г̇ахзд̇ваа угкиби. д̇ад̇о махаасад̇д̇о жинд̇зси ‘‘аяам̣ мам̣ батамам̣ баннарасаяож̇анадтаанам̣ киби, д̣̇уд̇ияамби д̇им̣саяож̇анам̣, д̇ад̇ияамби садтияож̇анам̣, ид̣̇аани буна мам̣ на кибиссад̇и, угкибанд̇оязва баб̣б̣ад̇амуд̣̇д̇хани бахарид̇ваа маарзссад̇и, яаава мам̣ угкибид̇ваа баб̣б̣ад̇амуд̣̇д̇хани на бот̇зд̇и, д̇аава нам̣ ад̇хосиро худ̇ваа оламб̣анд̇ова мааран̣агааран̣ам̣ бужчиссаамий’’д̇и. звам̣ жинд̇зд̇ваа жа бана со ачамбхид̇о асанд̇асанд̇о д̇ат̇аа агааси. д̇зна вуд̇д̇ам̣ ‘‘д̇хаараяи гаад̇ияаано’’д̇и, д̇игкад̇д̇ум̣ кибид̇ваа д̇хаараяийд̇и ад̇т̇о.

Tattha so tattha gantvāti so puṇṇako pabbatamatthakā pabbatapādaṃ gantvā tattha pabbatantare ṭhatvā tassa anto pavisitvā pabbatamatthake ṭhitassa heṭṭhā paññāyamāno asaṃvute bhūmipadese dhāresīti. Na āditova dhāresi, tattha pana taṃ khipitvā pannarasayojanamattaṃ bhaṭṭhakāle pabbatamuddhani ṭhitova hatthaṃ vaḍḍhetvā adhosiraṃ bhassantaṃ pādesu gahetvā adhosirameva ukkhipitvā mukhaṃ olokento ‘‘na maratī’’ti ñatvā dutiyampi khipitvā tiṃsayojanamattaṃ bhaṭṭhakāle tatheva ukkhipitvā puna tassa mukhaṃ olokento jīvantameva disvā cintesi ‘‘sace idāni saṭṭhiyojanamattaṃ bhassitvā na marissati, pādesu naṃ gahetvā pabbatamuddhani pothetvā māressāmī’’ti atha naṃ tatiyampi khipitvā saṭṭhiyojanamattaṃ bhaṭṭhakāle hatthaṃ vaḍḍhetvā pādesu gahetvā ukkhipi. Tato mahāsatto cintesi ‘‘ayaṃ maṃ paṭhamaṃ pannarasayojanaṭṭhānaṃ khipi, dutiyampi tiṃsayojanaṃ, tatiyampi saṭṭhiyojanaṃ, idāni puna maṃ na khipissati, ukkhipantoyeva pabbatamuddhani paharitvā māressati, yāva maṃ ukkhipitvā pabbatamuddhani na potheti, tāva naṃ adhosiro hutvā olambantova māraṇakāraṇaṃ pucchissāmī’’ti. Evaṃ cintetvā ca pana so achambhito asantasanto tathā akāsi. Tena vuttaṃ ‘‘dhārayi kātiyāno’’ti, tikkhattuṃ khipitvā dhārayīti attho.

1551.

‘‘со ламб̣амаано нарагз бабаад̇з, махаб̣бхаяз ломахам̣сз вид̣̇уг̇г̇з;

‘‘So lambamāno narake papāte, mahabbhaye lomahaṃse vidugge;

асанд̇асанд̇о гуруунам̣ гад̇д̇усздто, ижжаб̣рави бун̣н̣агам̣ наама яагкам̣.

Asantasanto kurūnaṃ kattuseṭṭho, iccabravi puṇṇakaṃ nāma yakkhaṃ.

1552.

‘‘арияаавагаасоси анарияаруубо, асан̃н̃ад̇о сан̃н̃ад̇асаннигаасо;

‘‘Ariyāvakāsosi anariyarūpo, asaññato saññatasannikāso;

ажжаахид̇ам̣ гаммам̣ гароси луд̣̇рам̣, бхаавз жа д̇з гусалам̣ над̇т̇и гин̃жи.

Accāhitaṃ kammaṃ karosi ludraṃ, bhāve ca te kusalaṃ natthi kiñci.

1553.

‘‘яам̣ мам̣ бабаад̇асмим̣ бабаад̇умижчаси, го ну д̇авад̇т̇о маран̣зна маяхам̣;

‘‘Yaṃ maṃ papātasmiṃ papātumicchasi, ko nu tavattho maraṇena mayhaṃ;

амаанусассзва д̇аваж̇ж̇а ван̣н̣о, аажигка мз д̇вам̣ гад̇амааси д̣̇звад̇аад̇и.

Amānusasseva tavajja vaṇṇo, ācikkha me tvaṃ katamāsi devatāti.

д̇ад̇т̇а со ламб̣амаанод̇и со гуруунам̣ гад̇д̇усздто д̇ад̇ияаваарз ламб̣амаано. арияаавагаасод̇и руубзна арияасад̣̇исо д̣̇зваван̣н̣о худ̇ваа жараси. асан̃н̃ад̇од̇и гааяаад̣̇ийхи асан̃н̃ад̇о д̣̇уссийло. ажжаахид̇анд̇и хид̇аад̇игганд̇ам̣, ад̇иахид̇ам̣ ваа. бхаавз жа д̇зд̇и д̇ава жид̇д̇з аббамад̇д̇агамби гусалам̣ над̇т̇и. амаанусассзва д̇аваж̇ж̇а ван̣н̣од̇и аж̇ж̇а д̇ава ид̣̇ам̣ гааран̣ам̣ амаанусассзва. гад̇амааси д̣̇звад̇аад̇и яагкаанам̣ анд̇арз гад̇араяагко наама д̇вам̣.

Tattha so lambamānoti so kurūnaṃ kattuseṭṭho tatiyavāre lambamāno. Ariyāvakāsoti rūpena ariyasadiso devavaṇṇo hutvā carasi. Asaññatoti kāyādīhi asaññato dussīlo. Accāhitanti hitātikkantaṃ, atiahitaṃ vā. Bhāve ca teti tava citte appamattakampi kusalaṃ natthi. Amānusasseva tavajja vaṇṇoti ajja tava idaṃ kāraṇaṃ amānusasseva. Katamāsi devatāti yakkhānaṃ antare katarayakkho nāma tvaṃ.

бун̣н̣аго ааха –

Puṇṇako āha –

1554.

‘‘яад̣̇и д̇з суд̇о бун̣н̣аго наама яагко, ран̃н̃о гувзрасса хи со саж̇иб̣б̣о;

‘‘Yadi te suto puṇṇako nāma yakkho, rañño kuverassa hi so sajibbo;

бхууминд̇харо варун̣о наама нааг̇о, б̣рахаа сужий ван̣н̣аб̣алуубабанно.

Bhūmindharo varuṇo nāma nāgo, brahā sucī vaṇṇabalūpapanno.

1555.

‘‘д̇ассаануж̇ам̣ д̇хийд̇арам̣ гаамаяаами, иранд̇хад̇ий наама саа нааг̇аган̃н̃аа;

‘‘Tassānujaṃ dhītaraṃ kāmayāmi, irandhatī nāma sā nāgakaññā;

д̇ассаа сумаж̇жхааяа бияааяа хзд̇у, бад̇аараяим̣ д̇уяха вад̇хааяа д̇хийраа’’д̇и.

Tassā sumajjhāya piyāya hetu, patārayiṃ tuyha vadhāya dhīrā’’ti.

д̇ад̇т̇а саж̇иб̣б̣од̇и саж̇ийво амажжо. б̣рахаад̇и аарохабарин̣аахасамбанно удтаабид̇аган̃жанаруубасад̣̇исо. ван̣н̣аб̣алуубабаннод̇и сарийраван̣н̣зна жа гааяаб̣алзна жа убаг̇ад̇о. д̇ассаануж̇анд̇и д̇асса ануж̇аад̇ам̣ д̇хийд̇арам̣. бад̇аараяинд̇и жид̇д̇ам̣ бавад̇д̇зсим̣, саннидтаанамагаасинд̇и ад̇т̇о.

Tattha sajibboti sajīvo amacco. Brahāti ārohapariṇāhasampanno uṭṭhāpitakañcanarūpasadiso. Vaṇṇabalūpapannoti sarīravaṇṇena ca kāyabalena ca upagato. Tassānujanti tassa anujātaṃ dhītaraṃ. Patārayinti cittaṃ pavattesiṃ, sanniṭṭhānamakāsinti attho.

д̇ам̣ суд̇ваа махаасад̇д̇о ‘‘аяам̣ лого д̣̇уг̇г̇ахид̇зна нассад̇и, нааг̇амаан̣авигам̣ бад̇т̇знд̇асса мама маран̣зна гим̣ баяож̇анам̣, д̇ат̇ад̇о гааран̣ам̣ ж̇ааниссаамий’’д̇и жинд̇зд̇ваа г̇аат̇амааха –

Taṃ sutvā mahāsatto ‘‘ayaṃ loko duggahitena nassati, nāgamāṇavikaṃ patthentassa mama maraṇena kiṃ payojanaṃ, tathato kāraṇaṃ jānissāmī’’ti cintetvā gāthamāha –

1556.

‘‘маа хзва д̇вам̣ яагка ахоси муул̣хо, надтаа б̣ахуу д̣̇уг̇г̇ахийд̇зна логз;

‘‘Mā heva tvaṃ yakkha ahosi mūḷho, naṭṭhā bahū duggahītena loke;

гим̣ д̇з сумаж̇жхааяа бияааяа гижжам̣, маран̣зна мз ин̇гха сун̣оми саб̣б̣а’’нд̇и.

Kiṃ te sumajjhāya piyāya kiccaṃ, maraṇena me iṅgha suṇomi sabba’’nti.

д̇ам̣ суд̇ваа д̇асса аажигканд̇о бун̣н̣аго ааха –

Taṃ sutvā tassa ācikkhanto puṇṇako āha –

1557.

‘‘махаанубхаавасса махораг̇асса, д̇хийд̇угаамо н̃аад̇ибхад̇охамасми;

‘‘Mahānubhāvassa mahoragassa, dhītukāmo ñātibhatohamasmi;

д̇ам̣ яаажамаанам̣ сасуро авожа, яат̇аа маман̃н̃им̣су сугааманийд̇ам̣.

Taṃ yācamānaṃ sasuro avoca, yathā mamaññiṃsu sukāmanītaṃ.

1558.

‘‘д̣̇аж̇ж̇зму ко д̇з суд̇анум̣ сунзд̇д̇ам̣, сужимхид̇ам̣ жанд̣̇аналид̇д̇аг̇ад̇д̇ам̣;

‘‘Dajjemu kho te sutanuṃ sunettaṃ, sucimhitaṃ candanalittagattaṃ;

сажз д̇увам̣ хад̣̇аяам̣ бан̣д̣ид̇асса, д̇хаммзна лад̣̇д̇хаа ид̇ха маахарзси;

Sace tuvaṃ hadayaṃ paṇḍitassa, dhammena laddhā idha māharesi;

зд̇зна вид̇д̇зна гумаари лаб̣бхаа, нан̃н̃ам̣ д̇ханам̣ уд̇д̇ари бад̇т̇аяаама.

Etena vittena kumāri labbhā, naññaṃ dhanaṃ uttari patthayāma.

1559.

‘‘звам̣ на муул̣хосми сун̣охи гад̇д̇з, на жааби мз д̣̇уг̇г̇ахид̇ад̇т̇и гин̃жи;

‘‘Evaṃ na mūḷhosmi suṇohi katte, na cāpi me duggahitatthi kiñci;

хад̣̇аязна д̇з д̇хаммалад̣̇д̇хзна нааг̇аа, иранд̇хад̇им̣ нааг̇аган̃н̃ам̣ д̣̇ад̣̇анд̇и.

Hadayena te dhammaladdhena nāgā, irandhatiṃ nāgakaññaṃ dadanti.

1560.

‘‘д̇асмаа ахам̣ д̇уяхам̣ вад̇хааяа яуд̇д̇о, звам̣ мамад̇т̇о маран̣зна д̇уяхам̣;

‘‘Tasmā ahaṃ tuyhaṃ vadhāya yutto, evaṃ mamattho maraṇena tuyhaṃ;

ид̇хзва д̇ам̣ нарагз баад̇аяид̇ваа, ханд̇ваана д̇ам̣ хад̣̇аяамаанаяисса’’нд̇и.

Idheva taṃ narake pātayitvā, hantvāna taṃ hadayamānayissa’’nti.

д̇ад̇т̇а д̇хийд̇угаамод̇и д̇хийд̇арам̣ гаамзми бад̇т̇зми, д̇хийд̇у ад̇т̇ааяа вижараами. н̃аад̇ибхад̇охамасмийд̇и д̇асмаа д̇асса н̃аад̇ибхад̇аго наама ахам̣ амхи. д̇анд̇и д̇ам̣ нааг̇аган̃н̃ам̣. яаажамаананд̇и яаажанд̇ам̣ мам̣. яат̇аа манд̇и яасмаа мам̣. ан̃н̃им̣сууд̇и ж̇ааним̣су. сугааманийд̇анд̇и судту зса гаамзна нийд̇од̇и сугааманийд̇о, д̇ам̣ сугааманийд̇ам̣. д̇асмаа сасуро ‘д̣̇аж̇ж̇зму ко д̇з’’д̇иаад̣̇имавожа. д̇ад̇т̇а д̣̇аж̇ж̇змууд̇и д̣̇ад̣̇зяяаама. суд̇анунд̇и сунд̣̇арасарийрам̣. ид̇ха маахарзсийд̇и ид̇ха нааг̇абхаванз д̇хаммзна лад̣̇д̇хаа аахарзяяаасийд̇и.

Tattha dhītukāmoti dhītaraṃ kāmemi patthemi, dhītu atthāya vicarāmi. Ñātibhatohamasmīti tasmā tassa ñātibhatako nāma ahaṃ amhi. Tanti taṃ nāgakaññaṃ. Yācamānanti yācantaṃ maṃ. Yathā manti yasmā maṃ. Aññiṃsūti jāniṃsu. Sukāmanītanti suṭṭhu esa kāmena nītoti sukāmanīto, taṃ sukāmanītaṃ. Tasmā sasuro ‘dajjemu kho te’’tiādimavoca. Tattha dajjemūti dadeyyāma. Sutanunti sundarasarīraṃ. Idha māharesīti idha nāgabhavane dhammena laddhā āhareyyāsīti.

д̇асса д̇ам̣ гат̇ам̣ суд̇ваа махаасад̇д̇о жинд̇зси ‘‘вималааяа мама хад̣̇аязна гижжам̣ над̇т̇и, варун̣анааг̇арааж̇зна мама д̇хаммагат̇ам̣ суд̇ваа ман̣инаа мам̣ бууж̇зд̇ваа д̇ад̇т̇а г̇ад̇зна мама д̇хаммагат̇игабхааво ван̣н̣ид̇о бхависсад̇и, д̇ад̇о вималааяа мама д̇хаммагат̇ааяа д̣̇охал̣о уббанно бхависсад̇и, варун̣зна д̣̇уг̇г̇ахид̇ам̣ г̇ахзд̇ваа бун̣н̣аго аан̣ад̇д̇о бхависсад̇и, свааяам̣ ад̇д̇анаа д̣̇уг̇г̇ахид̇зна мам̣ маарзд̇ум̣ зваруубам̣ д̣̇угкам̣ баабзси, мама бан̣д̣ид̇абхааво таануббад̇д̇игааран̣ажинд̇анасамад̇т̇ад̇аа имасмим̣ мам̣ маарзнд̇з гим̣ гариссад̇и, ханд̣̇аахам̣ сан̃н̃аабзссаами на’’нд̇и. жинд̇зд̇ваа жа бана ‘‘маан̣ава, саад̇хунарад̇хаммам̣ наама ж̇аанаами, яааваахам̣ на мараами, д̇аава мам̣ баб̣б̣ад̇амуд̣̇д̇хани нисийд̣̇аабзд̇ваа саад̇хунарад̇хаммам̣ наама сун̣охи, бажчаа яам̣ ижчаси, д̇ам̣ гарзяяаасий’’д̇и вад̇ваа саад̇хунарад̇хаммам̣ ван̣н̣зд̇ваа ад̇д̇ано ж̇ийвид̇ам̣ аахараабзнд̇о со ад̇хосиро оламб̣анд̇ова г̇аат̇амааха –

Tassa taṃ kathaṃ sutvā mahāsatto cintesi ‘‘vimalāya mama hadayena kiccaṃ natthi, varuṇanāgarājena mama dhammakathaṃ sutvā maṇinā maṃ pūjetvā tattha gatena mama dhammakathikabhāvo vaṇṇito bhavissati, tato vimalāya mama dhammakathāya dohaḷo uppanno bhavissati, varuṇena duggahitaṃ gahetvā puṇṇako āṇatto bhavissati, svāyaṃ attanā duggahitena maṃ māretuṃ evarūpaṃ dukkhaṃ pāpesi, mama paṇḍitabhāvo ṭhānuppattikāraṇacintanasamatthatā imasmiṃ maṃ mārente kiṃ karissati, handāhaṃ saññāpessāmi na’’nti. Cintetvā ca pana ‘‘māṇava, sādhunaradhammaṃ nāma jānāmi, yāvāhaṃ na marāmi, tāva maṃ pabbatamuddhani nisīdāpetvā sādhunaradhammaṃ nāma suṇohi, pacchā yaṃ icchasi, taṃ kareyyāsī’’ti vatvā sādhunaradhammaṃ vaṇṇetvā attano jīvitaṃ āharāpento so adhosiro olambantova gāthamāha –

1561.

‘‘киббам̣ мамам̣ уд̣̇д̇хара гаад̇ияаана, хад̣̇аязна мз яад̣̇и д̇з ад̇т̇и гижжам̣;

‘‘Khippaṃ mamaṃ uddhara kātiyāna, hadayena me yadi te atthi kiccaṃ;

яз гзжимз саад̇хунарасса д̇хаммаа, саб̣б̣зва д̇з баад̇угароми аж̇ж̇аа’’д̇и.

Ye kecime sādhunarassa dhammā, sabbeva te pātukaromi ajjā’’ti.

д̇ам̣ суд̇ваа бун̣н̣аго ‘‘аяам̣ бан̣д̣ид̇зна д̣̇звамануссаанам̣ агат̇ид̇абуб̣б̣о д̇хаммо бхависсад̇и, киббамзва нам̣ уд̣̇д̇харид̇ваа саад̇хунарад̇хаммам̣ сун̣иссаамий’’д̇и жинд̇зд̇ваа махаасад̇д̇ам̣ угкибид̇ваа баб̣б̣ад̇амуд̣̇д̇хани нисийд̣̇аабзси. д̇амад̇т̇ам̣ багаасзнд̇о сад̇т̇аа ааха –

Taṃ sutvā puṇṇako ‘‘ayaṃ paṇḍitena devamanussānaṃ akathitapubbo dhammo bhavissati, khippameva naṃ uddharitvā sādhunaradhammaṃ suṇissāmī’’ti cintetvā mahāsattaṃ ukkhipitvā pabbatamuddhani nisīdāpesi. Tamatthaṃ pakāsento satthā āha –

1562.

‘‘со бун̣н̣аго гуруунам̣ гад̇д̇усздтам̣, наг̇амуд̣̇д̇хани киббам̣ бад̇идтабзд̇ваа;

‘‘So puṇṇako kurūnaṃ kattuseṭṭhaṃ, nagamuddhani khippaṃ patiṭṭhapetvā;

ассад̇т̇амаасийнам̣ самзгкияаана, барибужчи гад̇д̇аараманомабан̃н̃ам̣.

Assatthamāsīnaṃ samekkhiyāna, paripucchi kattāramanomapaññaṃ.

1563.

‘‘самуд̣̇д̇хадо мзси д̇увам̣ бабаад̇аа, хад̣̇аязна д̇з аж̇ж̇а мамад̇т̇и гижжам̣;

‘‘Samuddhaṭo mesi tuvaṃ papātā, hadayena te ajja mamatthi kiccaṃ;

яз гзжимз саад̇хунарасса д̇хаммаа, саб̣б̣зва мз баад̇угарохи аж̇ж̇аа’’д̇и.

Ye kecime sādhunarassa dhammā, sabbeva me pātukarohi ajjā’’ti.

д̇ад̇т̇а ассад̇т̇амаасийнанд̇и лад̣̇д̇хассаасам̣ худ̇ваа нисиннам̣. самзгкияаанаад̇и д̣̇исваа. саад̇хунарасса д̇хаммаад̇и нарасса саад̇худ̇хаммаа, сунд̣̇арад̇хаммаад̇и ад̇т̇о.

Tattha assatthamāsīnanti laddhassāsaṃ hutvā nisinnaṃ. Samekkhiyānāti disvā. Sādhunarassa dhammāti narassa sādhudhammā, sundaradhammāti attho.

д̇ам̣ суд̇ваа махаасад̇д̇о ааха –

Taṃ sutvā mahāsatto āha –

1564.

‘‘самуд̣̇д̇хадо д̇яасми ахам̣ бабаад̇аа, хад̣̇аязна мз яад̣̇и д̇з ад̇т̇и гижжам̣;

‘‘Samuddhaṭo tyasmi ahaṃ papātā, hadayena me yadi te atthi kiccaṃ;

яз гзжимз саад̇хунарасса д̇хаммаа, саб̣б̣зва д̇з баад̇угароми аж̇ж̇аа’’д̇и.

Ye kecime sādhunarassa dhammā, sabbeva te pātukaromi ajjā’’ti.

д̇ад̇т̇а д̇яасмийд̇и д̇аяаа асми.

Tattha tyasmīti tayā asmi.

ат̇а нам̣ махаасад̇д̇о ‘‘гилидтаг̇ад̇д̇омхи, нхааяаами д̇ааваа’’д̇и ааха. яагкоби ‘‘саад̇хуу’’д̇и нхаанод̣̇агам̣ аахарид̇ваа нхаад̇агаалз махаасад̇д̇асса д̣̇иб̣б̣ад̣̇уссаг̇анд̇хамаалаад̣̇ийни д̣̇ад̇ваа алан̇гад̇аббадияад̇д̇агаалз д̣̇иб̣б̣абхож̇анам̣ ад̣̇ааси. ат̇а махаасад̇д̇о бхуд̇д̇абхож̇ано гаал̣ааг̇иримад̇т̇агам̣ алан̇гаараабзд̇ваа аасанам̣ бан̃н̃аабзд̇ваа алан̇гад̇ад̇хаммаасанз нисийд̣̇ид̇ваа б̣уд̣̇д̇халийлааяа саад̇хунарад̇хаммам̣ д̣̇зсзнд̇о г̇аат̇амааха –

Atha naṃ mahāsatto ‘‘kiliṭṭhagattomhi, nhāyāmi tāvā’’ti āha. Yakkhopi ‘‘sādhū’’ti nhānodakaṃ āharitvā nhātakāle mahāsattassa dibbadussagandhamālādīni datvā alaṅkatappaṭiyattakāle dibbabhojanaṃ adāsi. Atha mahāsatto bhuttabhojano kāḷāgirimatthakaṃ alaṅkārāpetvā āsanaṃ paññāpetvā alaṅkatadhammāsane nisīditvā buddhalīlāya sādhunaradhammaṃ desento gāthamāha –

1565.

‘‘яаад̇аануяааяий жа бхаваахи маан̣ава, аллан̃жа баан̣им̣ бариваж̇ж̇аяассу;

‘‘Yātānuyāyī ca bhavāhi māṇava, allañca pāṇiṃ parivajjayassu;

маа жассу мид̇д̇зсу гад̣̇аажи д̣̇уб̣бхий, маа жа васам̣ асад̇ийнам̣ ниг̇ажчз’’д̇и.

Mā cassu mittesu kadāci dubbhī, mā ca vasaṃ asatīnaṃ nigacche’’ti.

д̇ад̇т̇а аллан̃жа баан̣им̣ бариваж̇ж̇аяассууд̇и аллам̣ д̇инд̇ам̣ баан̣им̣ маа д̣̇ахи маа жхаабзхи.

Tattha allañca pāṇiṃ parivajjayassūti allaṃ tintaṃ pāṇiṃ mā dahi mā jhāpehi.

яагко сам̣кид̇д̇зна бхаасид̇з жад̇д̇ааро саад̇хунарад̇хаммз б̣уж̇жхид̇ум̣ асаггонд̇о вид̇т̇аарзна бужчанд̇о г̇аат̇амааха –

Yakkho saṃkhittena bhāsite cattāro sādhunaradhamme bujjhituṃ asakkonto vitthārena pucchanto gāthamāha –

1566.

‘‘гат̇ам̣ ну яаад̇ам̣ ануяааяи ход̇и, аллан̃жа баан̣им̣ д̣̇ахад̇з гат̇ам̣ со;

‘‘Kathaṃ nu yātaṃ anuyāyi hoti, allañca pāṇiṃ dahate kathaṃ so;

асад̇ий жа гаа го бана мид̇д̇ад̣̇уб̣бхо, агкаахи мз бужчид̇о зд̇амад̇т̇а’’нд̇и.

Asatī ca kā ko pana mittadubbho, akkhāhi me pucchito etamattha’’nti.

махаасад̇д̇обисса гат̇зси –

Mahāsattopissa kathesi –

1567.

‘‘асант̇уд̇ам̣ ноби жа д̣̇идтабуб̣б̣ам̣, яо аасанзнааби ниманд̇аязяяа;

‘‘Asanthutaṃ nopi ca diṭṭhapubbaṃ, yo āsanenāpi nimantayeyya;

д̇ассзва ад̇т̇ам̣ бурисо гарзяяа, яаад̇аануяааяийд̇и д̇амааху бан̣д̣ид̇аа.

Tasseva atthaṃ puriso kareyya, yātānuyāyīti tamāhu paṇḍitā.

1568.

‘‘яассзгарад̇д̇амби гхарз васзяяа, яад̇т̇аннабаанам̣ бурисо лабхзяяа;

‘‘Yassekarattampi ghare vaseyya, yatthannapānaṃ puriso labheyya;

на д̇асса баабам̣ манасааби жинд̇аяз, ад̣̇уб̣бхабаан̣им̣ д̣̇ахад̇з мид̇д̇ад̣̇уб̣бхо.

Na tassa pāpaṃ manasāpi cintaye, adubbhapāṇiṃ dahate mittadubbho.

1569.

‘‘яасса ругкасса чааяааяа, нисийд̣̇зяяа саязяяа ваа;

‘‘Yassa rukkhassa chāyāya, nisīdeyya sayeyya vā;

на д̇асса саакам̣ бхан̃ж̇зяяа, мид̇д̇ад̣̇уб̣бхо хи баабаго.

Na tassa sākhaṃ bhañjeyya, mittadubbho hi pāpako.

1570.

‘‘бун̣н̣амби жзмам̣ бат̇авим̣ д̇ханзна, д̣̇аж̇ж̇ид̇т̇ияаа бурисо саммад̇ааяа;

‘‘Puṇṇampi cemaṃ pathaviṃ dhanena, dajjitthiyā puriso sammatāya;

лад̣̇д̇хаа кан̣ам̣ ад̇иман̃н̃зяяа д̇амби, д̇аасам̣ васам̣ асад̇ийнам̣ на г̇ажчз.

Laddhā khaṇaṃ atimaññeyya tampi, tāsaṃ vasaṃ asatīnaṃ na gacche.

1571.

‘‘звам̣ ко яаад̇ам̣ ануяааяи ход̇и,

‘‘Evaṃ kho yātaṃ anuyāyi hoti,

аллан̃жа баан̣им̣ д̣̇ахад̇з бунзвам̣;

Allañca pāṇiṃ dahate punevaṃ;

асад̇ий жа саа со бана мид̇д̇ад̣̇уб̣бхо,

Asatī ca sā so pana mittadubbho,

со д̇хаммиго хохи ж̇ахассу ад̇хамма’’нд̇и.

So dhammiko hohi jahassu adhamma’’nti.

д̇ад̇т̇а асант̇уд̇анд̇и згаахад̣̇вийхамби згад̇о авуд̇т̇абуб̣б̣ам̣. яо аасанзнаабийд̇и яо зваруубам̣ буг̇г̇алам̣ аасанамад̇д̇знаби ниманд̇аязяяа, баг̇зва аннабаанаад̣̇ийхи. д̇ассзваад̇и д̇асса буб̣б̣агаарисса ад̇т̇ам̣ бурисо гарод̇зва. яаад̇аануяааяийд̇и буб̣б̣агаарид̇ааяа яаад̇асса буг̇г̇аласса ануяааяий . батамам̣ гаронд̇о хи яааяий наама, бажчаа гаронд̇о ануяааяий наамаад̇и звам̣ бан̣д̣ид̇аа гат̇знд̇и. аяам̣ д̣̇зварааж̇а, батамо саад̇хунарад̇хаммо. ад̣̇уб̣бхабаан̣инд̇и ад̣̇уб̣бхагам̣ ад̇д̇ано бхун̃ж̇анахад̇т̇амзва д̣̇аханд̇о хи мид̇д̇ад̣̇уб̣бхий наама ход̇и. ид̇и аллахад̇т̇асса аж̇жхаабанам̣ наама аяам̣ д̣̇уд̇ияо саад̇хунарад̇хаммо. на д̇ассаад̇и д̇асса саакам̣ ваа бад̇д̇ам̣ ваа на бхан̃ж̇зяяа. гим̣гааран̣аа? мид̇д̇ад̣̇уб̣бхо хи баабаго. ид̇и барибхуд̇д̇ажчааяасса ажзд̇анасса ругкассаби баабам̣ гаронд̇о мид̇д̇ад̣̇уб̣бхий наама ход̇и, гиман̇г̇ам̣ бана мануссабхууд̇ассаад̇и. звам̣ мид̇д̇зсу ад̣̇уб̣бханам̣ наама аяам̣ д̇ад̇ияо саад̇хунарад̇хаммо. д̣̇аж̇ж̇ид̇т̇ияаад̇и д̣̇ад̣̇зяяа ид̇т̇ияаа. саммад̇ааяаад̇и ‘‘ахамзва д̇ассаа бияо, на ан̃н̃о, ман̃н̃зва саа ижчад̇ий’’д̇и звам̣ судту мад̇ааяа. лад̣̇д̇хаа кан̣анд̇и ад̇ижаарасса огаасам̣ лабхид̇ваа. асад̇ийнанд̇и асад̣̇д̇хаммасаманнааг̇ад̇аанам̣ ид̇т̇ийнам̣. ид̇и маад̇уг̇аамам̣ ниссааяа баабасса агаран̣ам̣ наама аяам̣ жад̇уд̇т̇о саад̇хунарад̇хаммо. со д̇хаммиго хохийд̇и д̣̇зварааж̇а, со д̇вам̣ имзхи жад̇уухи саад̇хунарад̇хаммзхи яуд̇д̇о хохийд̇и.

Tattha asanthutanti ekāhadvīhampi ekato avutthapubbaṃ. Yo āsanenāpīti yo evarūpaṃ puggalaṃ āsanamattenapi nimantayeyya, pageva annapānādīhi. Tassevāti tassa pubbakārissa atthaṃ puriso karoteva. Yātānuyāyīti pubbakāritāya yātassa puggalassa anuyāyī . Paṭhamaṃ karonto hi yāyī nāma, pacchā karonto anuyāyī nāmāti evaṃ paṇḍitā kathenti. Ayaṃ devarāja, paṭhamo sādhunaradhammo. Adubbhapāṇinti adubbhakaṃ attano bhuñjanahatthameva dahanto hi mittadubbhī nāma hoti. Iti allahatthassa ajjhāpanaṃ nāma ayaṃ dutiyo sādhunaradhammo. Na tassāti tassa sākhaṃ vā pattaṃ vā na bhañjeyya. Kiṃkāraṇā? Mittadubbho hi pāpako. Iti paribhuttacchāyassa acetanassa rukkhassapi pāpaṃ karonto mittadubbhī nāma hoti, kimaṅgaṃ pana manussabhūtassāti. Evaṃ mittesu adubbhanaṃ nāma ayaṃ tatiyo sādhunaradhammo. Dajjitthiyāti dadeyya itthiyā. Sammatāyāti ‘‘ahameva tassā piyo, na añño, maññeva sā icchatī’’ti evaṃ suṭṭhu matāya. Laddhā khaṇanti aticārassa okāsaṃ labhitvā. Asatīnanti asaddhammasamannāgatānaṃ itthīnaṃ. Iti mātugāmaṃ nissāya pāpassa akaraṇaṃ nāma ayaṃ catuttho sādhunaradhammo. So dhammiko hohīti devarāja, so tvaṃ imehi catūhi sādhunaradhammehi yutto hohīti.

звам̣ махаасад̇д̇о яагкасса жад̇д̇ааро саад̇хунарад̇хаммз б̣уд̣̇д̇халийлааяа гат̇зси.

Evaṃ mahāsatto yakkhassa cattāro sādhunaradhamme buddhalīlāya kathesi.

саад̇хунарад̇хаммаган̣д̣ам̣ нидтид̇ам̣.

Sādhunaradhammakaṇḍaṃ niṭṭhitaṃ.

гаал̣ааг̇ириган̣д̣ам̣

Kāḷāgirikaṇḍaṃ

д̇з д̇хаммз сун̣анд̇оязва бун̣н̣аго саллагкзси ‘‘жад̇уусуби таанзсу бан̣д̣ид̇о ад̇д̇ано ж̇ийвид̇амзва яаажад̇и, аяам̣ ко маяхам̣ буб̣б̣з асант̇уд̇ассзва саггаарамагааси, ахамасса нивзсанз д̇ийхам̣ маханд̇ам̣ яасам̣ анубхаванд̇о васим̣, ахан̃жимам̣ баабагаммам̣ гаронд̇о маад̇уг̇аамам̣ ниссааяа гароми, саб̣б̣ат̇ааби ахамзва мид̇д̇ад̣̇уб̣бхий. сажз бан̣д̣ид̇ам̣ абараж̇жхаами, на саад̇хунарад̇хаммз вад̇д̇иссаами наама, д̇асмаа гим̣ мз нааг̇амаан̣авигааяа, инд̣̇абад̇т̇анаг̇араваасийнам̣ ассумукаани хаасзнд̇о имам̣ взг̇зна д̇ад̇т̇а нзд̇ваа д̇хаммасабхааяам̣ од̇аарзссаамий’’д̇и жинд̇зд̇ваа г̇аат̇амааха –

Te dhamme suṇantoyeva puṇṇako sallakkhesi ‘‘catūsupi ṭhānesu paṇḍito attano jīvitameva yācati, ayaṃ kho mayhaṃ pubbe asanthutasseva sakkāramakāsi, ahamassa nivesane tīhaṃ mahantaṃ yasaṃ anubhavanto vasiṃ, ahañcimaṃ pāpakammaṃ karonto mātugāmaṃ nissāya karomi, sabbathāpi ahameva mittadubbhī. Sace paṇḍitaṃ aparajjhāmi, na sādhunaradhamme vattissāmi nāma, tasmā kiṃ me nāgamāṇavikāya, indapatthanagaravāsīnaṃ assumukhāni hāsento imaṃ vegena tattha netvā dhammasabhāyaṃ otāressāmī’’ti cintetvā gāthamāha –

1572.

‘‘авасим̣ ахам̣ д̇уяха д̇ийхам̣ аг̇аарз, аннзна баанзна убадтид̇осми;

‘‘Avasiṃ ahaṃ tuyha tīhaṃ agāre, annena pānena upaṭṭhitosmi;

мид̇д̇о мамаасий висаж̇ж̇аамахам̣ д̇ам̣, гаамам̣ гхарам̣ уд̇д̇амабан̃н̃а г̇ажча.

Mitto mamāsī visajjāmahaṃ taṃ, kāmaṃ gharaṃ uttamapañña gaccha.

1573.

аби хааяад̇у нааг̇агулаа ад̇т̇о, аламби мз нааг̇аган̃н̃ааяа ход̇у;

Api hāyatu nāgakulā attho, alampi me nāgakaññāya hotu;

со д̇вам̣ сагзнзва субхаасид̇зна, муд̇д̇оси мз аж̇ж̇а вад̇хааяа бан̃н̃аа’’д̇и.

So tvaṃ sakeneva subhāsitena, muttosi me ajja vadhāya paññā’’ti.

д̇ад̇т̇а убадтид̇осмийд̇и д̇аяаа убадтид̇осми. висаж̇ж̇аамахам̣ д̇анд̇и виссаж̇ж̇зми ахам̣ д̇ам̣. гааманд̇и згам̣сзна. вад̇хааяаад̇и вад̇хад̇о. бан̃н̃аад̇и бан̃н̃аванд̇а.

Tattha upaṭṭhitosmīti tayā upaṭṭhitosmi. Visajjāmahaṃ tanti vissajjemi ahaṃ taṃ. Kāmanti ekaṃsena. Vadhāyāti vadhato. Paññāti paññavanta.

ат̇а нам̣ махаасад̇д̇о ‘‘маан̣ава, д̇вам̣ д̇аава мам̣ ад̇д̇ано гхарам̣ маа бзсзхи, нааг̇абхаванамзва мам̣ нзхий’’д̇и вад̣̇анд̇о г̇аат̇амааха –

Atha naṃ mahāsatto ‘‘māṇava, tvaṃ tāva maṃ attano gharaṃ mā pesehi, nāgabhavanameva maṃ nehī’’ti vadanto gāthamāha –

1574.

‘‘ханд̣̇а д̇увам̣ яагка мамамби нзхи, сасурам̣ д̇з ад̇т̇ам̣ маяи жарассу;

‘‘Handa tuvaṃ yakkha mamampi nehi, sasuraṃ te atthaṃ mayi carassu;

маяан̃жа нааг̇аад̇хибад̇им̣ вимаанам̣, д̣̇агкзму нааг̇асса ад̣̇идтабуб̣б̣а’’нд̇и.

Mayañca nāgādhipatiṃ vimānaṃ, dakkhemu nāgassa adiṭṭhapubba’’nti.

д̇ад̇т̇а ханд̣̇аад̇и вавассаг̇г̇ад̇т̇з нибаад̇о. сасурам̣ д̇з ад̇т̇ам̣ маяи жарассууд̇и д̇ава сасурасса санд̇агам̣ ад̇т̇ам̣ маяи жара маа наасзхи. нааг̇аад̇хибад̇им̣ вимаананд̇и ахамби нааг̇аад̇хибад̇ин̃жа вимаанан̃жасса ад̣̇идтабуб̣б̣ам̣ бассзяяам̣.

Tattha handāti vavassaggatthe nipāto. Sasuraṃ te atthaṃ mayi carassūti tava sasurassa santakaṃ atthaṃ mayi cara mā nāsehi. Nāgādhipatiṃ vimānanti ahampi nāgādhipatiñca vimānañcassa adiṭṭhapubbaṃ passeyyaṃ.

д̇ам̣ суд̇ваа бун̣н̣аго ааха –

Taṃ sutvā puṇṇako āha –

1575.

‘‘яам̣ вз нарасса ахид̇ааяа асса, на д̇ам̣ бан̃н̃о арахад̇и д̣̇ассанааяа;

‘‘Yaṃ ve narassa ahitāya assa, na taṃ pañño arahati dassanāya;

ат̇а гзна ван̣н̣зна амид̇д̇аг̇аамам̣, д̇увамижчаси уд̇д̇амабан̃н̃а г̇анд̇у’’нд̇и.

Atha kena vaṇṇena amittagāmaṃ, tuvamicchasi uttamapañña gantu’’nti.

д̇ад̇т̇а амид̇д̇аг̇ааманд̇и амид̇д̇асса васанадтаанам̣, амид̇д̇асамааг̇аманд̇и ад̇т̇о.

Tattha amittagāmanti amittassa vasanaṭṭhānaṃ, amittasamāgamanti attho.

ат̇а нам̣ махаасад̇д̇о ааха –

Atha naṃ mahāsatto āha –

1576.

‘‘ад̣̇д̇хаа баж̇аанаами ахамби зд̇ам̣, на д̇ам̣ бан̃н̃о арахад̇и д̣̇ассанааяа;

‘‘Addhā pajānāmi ahampi etaṃ, na taṃ pañño arahati dassanāya;

баабан̃жа мз над̇т̇и гад̇ам̣ гухин̃жи, д̇асмаа на сан̇гз маран̣ааг̇амааяаа’’д̇и.

Pāpañca me natthi kataṃ kuhiñci, tasmā na saṅke maraṇāgamāyā’’ti.

д̇ад̇т̇а маран̣ааг̇амааяаад̇и маран̣асса ааг̇амааяа.

Tattha maraṇāgamāyāti maraṇassa āgamāya.

абижа , д̣̇зварааж̇а, д̇аад̣̇исо яагко гагкал̣о маяаа д̇хаммагат̇ааяа балобхзд̇ваа муд̣̇угад̇о, ид̣̇аанзва мам̣ ‘‘алам̣ мз нааг̇амаан̣авигааяа, ад̇д̇ано гхарам̣ яаахий’’д̇и вад̣̇зси, нааг̇арааж̇асса муд̣̇угаран̣ам̣ мама бхааро, нзхиязва мам̣ д̇ад̇т̇аад̇и. д̇асса д̇ам̣ важанам̣ суд̇ваа бун̣н̣аго ‘‘саад̇хуу’’д̇и самбадижчид̇ваа д̇удтажид̇д̇о ааха –

Apica , devarāja, tādiso yakkho kakkhaḷo mayā dhammakathāya palobhetvā mudukato, idāneva maṃ ‘‘alaṃ me nāgamāṇavikāya, attano gharaṃ yāhī’’ti vadesi, nāgarājassa mudukaraṇaṃ mama bhāro, nehiyeva maṃ tatthāti. Tassa taṃ vacanaṃ sutvā puṇṇako ‘‘sādhū’’ti sampaṭicchitvā tuṭṭhacitto āha –

1577.

‘‘ханд̣̇а жа таанам̣ ад̇улаанубхаавам̣, маяаа саха д̣̇агкаси зхи гад̇д̇з;

‘‘Handa ca ṭhānaṃ atulānubhāvaṃ, mayā saha dakkhasi ehi katte;

яад̇т̇ажчад̇и нажжаг̇ийд̇зхи нааг̇о, рааж̇аа яат̇аа взссаван̣о нал̣ин̃н̃ам̣.

Yatthacchati naccagītehi nāgo, rājā yathā vessavaṇo naḷiññaṃ.

1578.

‘‘нам̣ нааг̇аган̃н̃аа жарид̇ам̣ г̇ан̣зна, нигийл̣ид̇ам̣ нижжамахо жа рад̇д̇им̣;

‘‘Naṃ nāgakaññā caritaṃ gaṇena, nikīḷitaṃ niccamaho ca rattiṃ;

бахууд̇амааляам̣ б̣ахубубпачаннам̣, обхаасад̇ий виж̇ж̇уриванд̇алигкз.

Pahūtamālyaṃ bahupupphachannaṃ, obhāsatī vijjurivantalikkhe.

1579.

‘‘аннзна баанзна убзд̇аруубам̣, нажжзхи г̇ийд̇зхи жа ваад̣̇ид̇зхи;

‘‘Annena pānena upetarūpaṃ, naccehi gītehi ca vāditehi;

барибуурам̣ ган̃н̃аахи алан̇гад̇аахи, убасобхад̇и вад̇т̇абиланд̇ханзнаа’’д̇и.

Paripūraṃ kaññāhi alaṅkatāhi, upasobhati vatthapilandhanenā’’ti.

д̇ад̇т̇а ханд̣̇а жаад̇и нибаад̇амад̇д̇амзва. таананд̇и нааг̇арааж̇асса васанадтаанам̣. нал̣ин̃н̃анд̇и нал̣инияам̣ наама рааж̇ад̇хаанияам̣. жарид̇ам̣ г̇ан̣знаад̇и д̇ам̣ нааг̇аган̃н̃аанам̣ г̇ан̣зна жарид̇ам̣. нигийл̣ид̇анд̇и нижжам̣ ахо жа рад̇д̇ин̃жа нааг̇аган̃н̃аахи гийл̣ид̇аанугийл̣ид̇ам̣.

Tattha handa cāti nipātamattameva. Ṭhānanti nāgarājassa vasanaṭṭhānaṃ. Naḷiññanti naḷiniyaṃ nāma rājadhāniyaṃ. Caritaṃ gaṇenāti taṃ nāgakaññānaṃ gaṇena caritaṃ. Nikīḷitanti niccaṃ aho ca rattiñca nāgakaññāhi kīḷitānukīḷitaṃ.

зван̃жа бана вад̇ваа бун̣н̣аго махаасад̇д̇ам̣ ассабидтам̣ ааробзд̇ваа д̇ад̇т̇а нзси. д̇амад̇т̇ам̣ багаасзнд̇о сад̇т̇аа ааха –

Evañca pana vatvā puṇṇako mahāsattaṃ assapiṭṭhaṃ āropetvā tattha nesi. Tamatthaṃ pakāsento satthā āha –

1580.

‘‘со бун̣н̣аго гуруунам̣ гад̇д̇усздтам̣, нисийд̣̇аяий бажчад̇о аасанасмим̣;

‘‘So puṇṇako kurūnaṃ kattuseṭṭhaṃ, nisīdayī pacchato āsanasmiṃ;

аад̣̇ааяа гад̇д̇аараманомабан̃н̃ам̣, убаанаяий бхаванам̣ нааг̇аран̃н̃о.

Ādāya kattāramanomapaññaṃ, upānayī bhavanaṃ nāgarañño.

1581.

‘‘бад̇ваана таанам̣ ад̇улаанубхаавам̣, адтааси гад̇д̇аа бажчад̇о бун̣н̣агасса;

‘‘Patvāna ṭhānaṃ atulānubhāvaṃ, aṭṭhāsi kattā pacchato puṇṇakassa;

саамаг̇г̇ибзгкамаано нааг̇арааж̇аа, буб̣б̣зва ж̇аамаад̇арамаж̇жхабхаасат̇аа’’д̇и.

Sāmaggipekkhamāno nāgarājā, pubbeva jāmātaramajjhabhāsathā’’ti.

д̇ад̇т̇а со бун̣н̣агод̇и бхигкавз, со звам̣ нааг̇абхаванам̣ ван̣н̣зд̇ваа бан̣д̣ид̇ам̣ ад̇д̇ано ааж̇ан̃н̃ам̣ ааробзд̇ваа нааг̇абхаванам̣ нзси. таананд̇и нааг̇арааж̇асса васанадтаанам̣. бажчад̇о бун̣н̣агассаад̇и бун̣н̣агасса гира зд̇ад̣̇ахоси ‘‘сажз нааг̇арааж̇аа бан̣д̣ид̇ам̣ д̣̇исваа муд̣̇ужид̇д̇о бхависсад̇и, ижжзд̇ам̣ гусалам̣. но жз, д̇асса д̇ам̣ абассанд̇ассзва синд̇хавам̣ ааробзд̇ваа аад̣̇ааяа г̇амиссаамий’’д̇и. ат̇а нам̣ бажчад̇о табзси. д̇зна вуд̇д̇ам̣ ‘‘бажчад̇о бун̣н̣агассаа’’д̇и. саамаг̇г̇ибзгкамаанод̇и саамаг̇г̇им̣ абзгкамаано. ‘‘саамам̣ абзгкий’’д̇иби баато, ад̇д̇ано ж̇аамаад̇арам̣ бассид̇ваа батамад̇арам̣ саяамзва аж̇жхабхаасат̇аад̇и ад̇т̇о.

Tattha sopuṇṇakoti bhikkhave, so evaṃ nāgabhavanaṃ vaṇṇetvā paṇḍitaṃ attano ājaññaṃ āropetvā nāgabhavanaṃ nesi. Ṭhānanti nāgarājassa vasanaṭṭhānaṃ. Pacchato puṇṇakassāti puṇṇakassa kira etadahosi ‘‘sace nāgarājā paṇḍitaṃ disvā muducitto bhavissati, iccetaṃ kusalaṃ. No ce, tassa taṃ apassantasseva sindhavaṃ āropetvā ādāya gamissāmī’’ti. Atha naṃ pacchato ṭhapesi. Tena vuttaṃ ‘‘pacchato puṇṇakassā’’ti. Sāmaggipekkhamānoti sāmaggiṃ apekkhamāno. ‘‘Sāmaṃ apekkhī’’tipi pāṭho, attano jāmātaraṃ passitvā paṭhamataraṃ sayameva ajjhabhāsathāti attho.

нааг̇арааж̇аа ааха –

Nāgarājā āha –

1582.

‘‘яанну д̇увам̣ аг̇амаа мажжалогам̣, анвзсамаано хад̣̇аяам̣ бан̣д̣ид̇асса;

‘‘Yannu tuvaṃ agamā maccalokaṃ, anvesamāno hadayaṃ paṇḍitassa;

гажжи самид̣̇д̇хзна ид̇хаанубад̇д̇о, аад̣̇ааяа гад̇д̇аараманомабан̃н̃а’’нд̇и.

Kacci samiddhena idhānupatto, ādāya kattāramanomapañña’’nti.

д̇ад̇т̇а гажжи самид̣̇д̇хзнаад̇и гажжи д̇з манорат̇зна самид̣̇д̇хзна нибпаннзна ид̇хааг̇ад̇осийд̇и бужчад̇и.

Tattha kacci samiddhenāti kacci te manorathena samiddhena nipphannena idhāgatosīti pucchati.

бун̣н̣аго ааха –

Puṇṇako āha –

1583.

‘‘аяан̃хи со ааг̇ад̇о яам̣ д̇вамижчаси, д̇хаммзна лад̣̇д̇хо мама д̇хаммабаало;

‘‘Ayañhi so āgato yaṃ tvamicchasi, dhammena laddho mama dhammapālo;

д̇ам̣ бассат̇а саммукаа бхаасамаанам̣, суко хавз саббурисзхи сан̇г̇амо’’д̇и.

Taṃ passatha sammukhā bhāsamānaṃ, sukho have sappurisehi saṅgamo’’ti.

д̇ад̇т̇а яам̣ д̇вамижчасийд̇и яам̣ д̇вам̣ ижчаси. ‘‘яанд̇у мижчасий’’д̇иби баато. саммукаа бхаасамаананд̇и д̇ам̣ логасаггад̇ам̣ д̇хаммабаалам̣ ид̣̇аани мад̇хурзна сарзна д̇хаммам̣ бхаасамаанам̣ саммукаава бассат̇а, саббурисзхи згадтаанз самааг̇амо хи наама суко ход̇ийд̇и.

Tattha yaṃ tvamicchasīti yaṃ tvaṃ icchasi. ‘‘Yantu micchasī’’tipi pāṭho. Sammukhā bhāsamānanti taṃ lokasakkataṃ dhammapālaṃ idāni madhurena sarena dhammaṃ bhāsamānaṃ sammukhāva passatha, sappurisehi ekaṭṭhāne samāgamo hi nāma sukho hotīti.

гаал̣ааг̇ириган̣д̣ам̣ нидтид̇ам̣.

Kāḷāgirikaṇḍaṃ niṭṭhitaṃ.

д̇ад̇о нааг̇арааж̇аа махаасад̇д̇ам̣ д̣̇исваа г̇аат̇амааха –

Tato nāgarājā mahāsattaṃ disvā gāthamāha –

1584.

‘‘ад̣̇идтабуб̣б̣ам̣ д̣̇исваана, мажжо мажжубхаяаддид̇о;

‘‘Adiṭṭhapubbaṃ disvāna, macco maccubhayaṭṭito;

б̣яамхид̇о наабхиваад̣̇зси, наяид̣̇ам̣ бан̃н̃авад̇аамиваа’’д̇и.

Byamhito nābhivādesi, nayidaṃ paññavatāmivā’’ti.

д̇ад̇т̇а б̣яамхид̇од̇и бхийд̇о. ид̣̇ам̣ вуд̇д̇ам̣ ход̇и – бан̣д̣ид̇а, д̇вам̣ ад̣̇идтабуб̣б̣ам̣ нааг̇абхаванам̣ д̣̇исваа маран̣абхаязна аддид̇о бхийд̇о худ̇ваа яам̣ мам̣ наабхиваад̣̇зси, ид̣̇ам̣ гааран̣ам̣ бан̃н̃аванд̇аанам̣ на ход̇ийд̇и.

Tattha byamhitoti bhīto. Idaṃ vuttaṃ hoti – paṇḍita, tvaṃ adiṭṭhapubbaṃ nāgabhavanaṃ disvā maraṇabhayena aṭṭito bhīto hutvā yaṃ maṃ nābhivādesi, idaṃ kāraṇaṃ paññavantānaṃ na hotīti.

звам̣ ванд̣̇анам̣ бажжаасийсанд̇ам̣ нааг̇арааж̇аанам̣ махаасад̇д̇о ‘‘на д̇вам̣ маяаа ванд̣̇ид̇аб̣б̣о’’д̇и авад̇ваава ад̇д̇ано н̃аан̣аванд̇ад̇ааяа убааяагосаллзна ‘‘ахам̣ важ̇жхаббад̇д̇абхаавзна нам̣ д̇ам̣ ванд̣̇аамий’’д̇и вад̣̇анд̇о г̇аат̇аад̣̇ваяамааха –

Evaṃ vandanaṃ paccāsīsantaṃ nāgarājānaṃ mahāsatto ‘‘na tvaṃ mayā vanditabbo’’ti avatvāva attano ñāṇavantatāya upāyakosallena ‘‘ahaṃ vajjhappattabhāvena naṃ taṃ vandāmī’’ti vadanto gāthādvayamāha –

1585.

‘‘на жамхи б̣яамхид̇о нааг̇а, на жа мажжубхаяаддид̇о;

‘‘Na camhi byamhito nāga, na ca maccubhayaṭṭito;

на важ̇жхо абхиваад̣̇зяяа, важ̇жхам̣ ваа наабхиваад̣̇аяз.

Na vajjho abhivādeyya, vajjhaṃ vā nābhivādaye.

1586.

‘‘гат̇ам̣ но абхиваад̣̇зяяа, абхиваад̣̇аабаязт̇а вз;

‘‘Kathaṃ no abhivādeyya, abhivādāpayetha ve;

яам̣ наро ханд̇умижчзяяа, д̇ам̣ гаммам̣ нубабаж̇ж̇ад̇ий’’д̇и.

Yaṃ naro hantumiccheyya, taṃ kammaṃ nupapajjatī’’ti.

д̇ассад̇т̇о – нзваахам̣, нааг̇арааж̇а, ад̣̇идтабуб̣б̣ам̣ нааг̇абхаванам̣ д̣̇исваа бхийд̇о, на маран̣абхаяаддид̇о. маад̣̇исасса хи маран̣абхаяам̣ наама над̇т̇и, важ̇жхо бана абхиваад̣̇зд̇ум̣, важ̇жхам̣ ваа аваж̇жхоби абхиваад̣̇аабзд̇ум̣ на лабхад̇и. яан̃хи наро ханд̇умижчзяяа, со д̇ам̣ гат̇ам̣ ну абхиваад̣̇зяяа, гат̇ам̣ ваа д̇зна ад̇д̇аанам̣ абхиваад̣̇аабаязт̇а вз. д̇асса хи д̇ам̣ гаммам̣ на убабаж̇ж̇ад̇и. д̇ван̃жа гира мам̣ маараабзд̇ум̣ имам̣ аан̣аабзси, гат̇аахам̣ д̇ам̣ ванд̣̇аад̇хийд̇и.

Tassattho – nevāhaṃ, nāgarāja, adiṭṭhapubbaṃ nāgabhavanaṃ disvā bhīto, na maraṇabhayaṭṭito. Mādisassa hi maraṇabhayaṃ nāma natthi, vajjho pana abhivādetuṃ, vajjhaṃ vā avajjhopi abhivādāpetuṃ na labhati. Yañhi naro hantumiccheyya, so taṃ kathaṃ nu abhivādeyya, kathaṃ vā tena attānaṃ abhivādāpayetha ve. Tassa hi taṃ kammaṃ na upapajjati. Tvañca kira maṃ mārāpetuṃ imaṃ āṇāpesi, kathāhaṃ taṃ vandādhīti.

д̇ам̣ суд̇ваа нааг̇арааж̇аа махаасад̇д̇асса т̇уд̇им̣ гаронд̇о д̣̇вз г̇аат̇аа абхааси –

Taṃ sutvā nāgarājā mahāsattassa thutiṃ karonto dve gāthā abhāsi –

1587.

‘‘звамзд̇ам̣ яат̇аа б̣рууси, сажжам̣ бхаасаси бан̣д̣ид̇а;

‘‘Evametaṃ yathā brūsi, saccaṃ bhāsasi paṇḍita;

на важ̇жхо абхиваад̣̇зяяа, важ̇жхам̣ ваа наабхиваад̣̇аяз.

Na vajjho abhivādeyya, vajjhaṃ vā nābhivādaye.

1588.

гат̇ам̣ но абхиваад̣̇зяяа, абхиваад̣̇аабаязт̇а вз;

Kathaṃ no abhivādeyya, abhivādāpayetha ve;

яам̣ наро ханд̇умижчзяяа, д̇ам̣ гаммам̣ нубабаж̇ж̇ад̇ий’’д̇и.

Yaṃ naro hantumiccheyya, taṃ kammaṃ nupapajjatī’’ti.

ид̣̇аани махаасад̇д̇о нааг̇арааж̇зна сад̣̇д̇хим̣ бадисант̇аарам̣ гаронд̇о ааха –

Idāni mahāsatto nāgarājena saddhiṃ paṭisanthāraṃ karonto āha –

1589.

‘‘асассад̇ам̣ сассад̇ам̣ ну д̇аваяид̣̇ам̣, ид̣̇д̇хий ж̇уд̇ий б̣алавийрияуубабад̇д̇и;

‘‘Asassataṃ sassataṃ nu tavayidaṃ, iddhī jutī balavīriyūpapatti;

бужчаами д̇ам̣ нааг̇арааж̇зд̇амад̇т̇ам̣, гат̇ам̣ ну д̇з лад̣̇д̇хамид̣̇ам̣ вимаанам̣.

Pucchāmi taṃ nāgarājetamatthaṃ, kathaṃ nu te laddhamidaṃ vimānaṃ.

1590.

‘‘ад̇хижжалад̣̇д̇хам̣ барин̣аамаж̇ам̣ д̇з, саяам̣гад̇ам̣ уд̣̇ааху д̣̇звзхи д̣̇иннам̣;

‘‘Adhiccaladdhaṃ pariṇāmajaṃ te, sayaṃkataṃ udāhu devehi dinnaṃ;

агкаахи мз нааг̇арааж̇зд̇амад̇т̇ам̣, яат̇зва д̇з лад̣̇д̇хамид̣̇ам̣ вимаана’’нд̇и.

Akkhāhi me nāgarājetamatthaṃ, yatheva te laddhamidaṃ vimāna’’nti.

д̇ад̇т̇а д̇аваяид̣̇анд̇и ид̣̇ам̣ д̇ава яасаж̇аад̇ам̣, вимаанам̣ ваа асассад̇ам̣ сассад̇асад̣̇исам̣, ‘‘маа ко яасам̣ ниссааяа баабамагаасий’’д̇и иминаа бад̣̇зна ад̇д̇ано ж̇ийвид̇ам̣ яаажад̇и. ид̣̇д̇хийд̇и нааг̇аид̣̇д̇хи жа нааг̇аж̇уд̇и жа гааяаб̣алан̃жа жзд̇асигавийрияан̃жа нааг̇абхаванз убабад̇д̇и жа яан̃жа д̇з ид̣̇ам̣ вимаанам̣, бужчаами д̇ам̣ нааг̇арааж̇а, зд̇амад̇т̇ам̣, гат̇ам̣ ну д̇з ид̣̇ам̣ саб̣б̣ам̣ лад̣̇д̇ханд̇и. ад̇хижжалад̣̇д̇ханд̇и гим̣ ну д̇аяаа ид̣̇ам̣ вимаанам̣ звам̣ самбаннам̣ ад̇хижжа агааран̣зна лад̣̇д̇хам̣, уд̣̇ааху уд̇убарин̣аамаж̇ам̣ д̇з ид̣̇ам̣, уд̣̇ааху саяам̣ сахад̇т̇знзва гад̇ам̣, уд̣̇ааху д̣̇звзхи д̇з д̣̇иннам̣, яат̇зва д̇з ид̣̇ам̣ лад̣̇д̇хам̣, зд̇ам̣ мз ад̇т̇ам̣ агкаахийд̇и.

Tattha tavayidanti idaṃ tava yasajātaṃ, vimānaṃ vā asassataṃ sassatasadisaṃ, ‘‘mā kho yasaṃ nissāya pāpamakāsī’’ti iminā padena attano jīvitaṃ yācati. Iddhīti nāgaiddhi ca nāgajuti ca kāyabalañca cetasikavīriyañca nāgabhavane upapatti ca yañca te idaṃ vimānaṃ, pucchāmi taṃ nāgarāja, etamatthaṃ, kathaṃ nu te idaṃ sabbaṃ laddhanti. Adhiccaladdhanti kiṃ nu tayā idaṃ vimānaṃ evaṃ sampannaṃ adhicca akāraṇena laddhaṃ, udāhu utupariṇāmajaṃ te idaṃ, udāhu sayaṃ sahattheneva kataṃ, udāhu devehi te dinnaṃ, yatheva te idaṃ laddhaṃ, etaṃ me atthaṃ akkhāhīti.

д̇ам̣ суд̇ваа нааг̇арааж̇аа ааха –

Taṃ sutvā nāgarājā āha –

1591.

‘‘наад̇хижжалад̣̇д̇хам̣ на барин̣аамаж̇ам̣ мз, на саяам̣гад̇ам̣ нааби д̣̇звзхи д̣̇иннам̣;

‘‘Nādhiccaladdhaṃ na pariṇāmajaṃ me, na sayaṃkataṃ nāpi devehi dinnaṃ;

сагзхи гаммзхи абаабагзхи, бун̃н̃зхи мз лад̣̇д̇хамид̣̇ам̣ вимаана’’нд̇и.

Sakehi kammehi apāpakehi, puññehi me laddhamidaṃ vimāna’’nti.

д̇ад̇т̇а абаабагзхийд̇и алаамагзхи.

Tattha apāpakehīti alāmakehi.

д̇ад̇о махаасад̇д̇о ааха –

Tato mahāsatto āha –

1592.

‘‘гим̣ д̇з вад̇ам̣ гим̣ бана б̣рахмажарияам̣, гисса сужин̣н̣асса аяам̣ вибааго;

‘‘Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;

ид̣̇д̇хий ж̇уд̇ий б̣алавийрияуубабад̇д̇и, ид̣̇ан̃жа д̇з нааг̇а махаавимаана’’нд̇и.

Iddhī jutī balavīriyūpapatti, idañca te nāga mahāvimāna’’nti.

д̇ад̇т̇а гим̣ д̇з вад̇анд̇и нааг̇арааж̇а, буримабхавз д̇ава гим̣ вад̇ам̣ ахоси, го бана б̣рахмажарияаваасо, гад̇арасса сужарид̇ассзвзса ид̣̇д̇хиаад̣̇иго вибаагод̇и.

Tattha kiṃ te vatanti nāgarāja, purimabhave tava kiṃ vataṃ ahosi, ko pana brahmacariyavāso, katarassa sucaritassevesa iddhiādiko vipākoti.

д̇ам̣ суд̇ваа нааг̇арааж̇аа ааха –

Taṃ sutvā nāgarājā āha –

1593.

‘‘ахан̃жа бхарияаа жа мануссалогз, сад̣̇д̇хаа убхо д̣̇аанабад̇ий ахумхаа;

‘‘Ahañca bhariyā ca manussaloke, saddhā ubho dānapatī ahumhā;

обаанабхууд̇ам̣ мз гхарам̣ д̇ад̣̇ааси, санд̇аббид̇аа саман̣аб̣раахман̣аа жа.

Opānabhūtaṃ me gharaṃ tadāsi, santappitā samaṇabrāhmaṇā ca.

1594.

‘‘маалан̃жа г̇анд̇хан̃жа вилзбанан̃жа, бад̣̇ийбияам̣ сзяяамубассаяан̃жа;

‘‘Mālañca gandhañca vilepanañca, padīpiyaṃ seyyamupassayañca;

ажчаад̣̇анам̣ сааяанаманнабаанам̣, саггажжа д̣̇аанаани ад̣̇амха д̇ад̇т̇а.

Acchādanaṃ sāyanamannapānaṃ, sakkacca dānāni adamha tattha.

1595.

‘‘д̇ам̣ мз вад̇ам̣ д̇ам̣ бана б̣рахмажарияам̣, д̇асса сужин̣н̣асса аяам̣ вибааго;

‘‘Taṃ me vataṃ taṃ pana brahmacariyaṃ, tassa suciṇṇassa ayaṃ vipāko;

ид̣̇д̇хий ж̇уд̇ий б̣алавийрияуубабад̇д̇и, ид̣̇ан̃жа мз д̇хийра махаавимаана’’нд̇и.

Iddhī jutī balavīriyūpapatti, idañca me dhīra mahāvimāna’’nti.

д̇ад̇т̇а мануссалогзд̇и ан̇г̇арадтз гаалажамбаанаг̇арз. д̇ам̣ мз вад̇анд̇и д̇ам̣ саггажжам̣ д̣̇иннад̣̇аанамзва маяхам̣ вад̇д̇асамаад̣̇аанан̃жа б̣рахмажарияан̃жа ахоси, д̇ассзва сужарид̇асса аяам̣ ид̣̇д̇хаад̣̇иго вибаагод̇и.

Tattha manussaloketi aṅgaraṭṭhe kālacampānagare. Taṃ me vatanti taṃ sakkaccaṃ dinnadānameva mayhaṃ vattasamādānañca brahmacariyañca ahosi, tasseva sucaritassa ayaṃ iddhādiko vipākoti.

махаасад̇д̇о ааха –

Mahāsatto āha –

1596.

‘‘звам̣ жз д̇з лад̣̇д̇хамид̣̇ам̣ вимаанам̣, ж̇аанааси бун̃н̃аанам̣ палуубабад̇д̇им̣;

‘‘Evaṃ ce te laddhamidaṃ vimānaṃ, jānāsi puññānaṃ phalūpapattiṃ;

д̇асмаа хи д̇хаммам̣ жара аббамад̇д̇о, яат̇аа вимаанам̣ буна маавасзсий’’д̇и.

Tasmā hi dhammaṃ cara appamatto, yathā vimānaṃ puna māvasesī’’ti.

д̇ад̇т̇а ж̇аанаасийд̇и сажз д̇аяаа д̣̇аанаанубхаавзна д̇ам̣ лад̣̇д̇хам̣, звам̣ санд̇з ж̇аанааси наама бун̃н̃аанам̣ палан̃жа бун̃н̃апалзна ниб̣б̣ад̇д̇ам̣ убабад̇д̇ин̃жа. д̇асмаа хийд̇и яасмаа бун̃н̃зхи д̇аяаа ид̣̇ам̣ лад̣̇д̇хам̣, д̇асмаа. буна маавасзсийд̇и бунаби яат̇аа имам̣ нааг̇абхаванам̣ аж̇жхаавасаси, звам̣ д̇хаммам̣ жара.

Tattha jānāsīti sace tayā dānānubhāvena taṃ laddhaṃ, evaṃ sante jānāsi nāma puññānaṃ phalañca puññaphalena nibbattaṃ upapattiñca. Tasmā hīti yasmā puññehi tayā idaṃ laddhaṃ, tasmā. Puna māvasesīti punapi yathā imaṃ nāgabhavanaṃ ajjhāvasasi, evaṃ dhammaṃ cara.

д̇ам̣ суд̇ваа нааг̇арааж̇аа ааха –

Taṃ sutvā nāgarājā āha –

1597.

‘‘наяид̇ха санд̇и саман̣аб̣раахман̣аа жа, язсаннабаанаани д̣̇ад̣̇зму гад̇д̇з;

‘‘Nayidha santi samaṇabrāhmaṇā ca, yesannapānāni dademu katte;

агкаахи мз бужчид̇о зд̇амад̇т̇ам̣, яат̇аа вимаанам̣ буна маавасзмаа’’д̇и.

Akkhāhi me pucchito etamatthaṃ, yathā vimānaṃ puna māvasemā’’ti.

махаасад̇д̇о ааха –

Mahāsatto āha –

1598.

‘‘бхог̇ий хи д̇з санд̇и ид̇хуубабаннаа, буд̇д̇аа жа д̣̇аараа ануж̇ийвино жа;

‘‘Bhogī hi te santi idhūpapannā, puttā ca dārā anujīvino ca;

д̇зсу д̇увам̣ важасаа гаммунаа жа, асамбад̣̇удто жа бхаваахи нижжам̣.

Tesu tuvaṃ vacasā kammunā ca, asampaduṭṭho ca bhavāhi niccaṃ.

1599.

‘‘звам̣ д̇увам̣ нааг̇а асамбад̣̇осам̣, анубаалаяа важасаа гаммунаа жа;

‘‘Evaṃ tuvaṃ nāga asampadosaṃ, anupālaya vacasā kammunā ca;

тад̇ваа ид̇ха яаавад̇ааяугам̣ вимаанз, уд̣̇д̇хам̣ ид̇о г̇ажчаси д̣̇звалога’’нд̇и.

Ṭhatvā idha yāvatāyukaṃ vimāne, uddhaṃ ito gacchasi devaloka’’nti.

д̇ад̇т̇а бхог̇ийд̇и бхог̇ино, нааг̇аад̇и ад̇т̇о. д̇зсууд̇и д̇зсу буд̇д̇ад̣̇аараад̣̇ийсу бхог̇ийсу ваажааяа гаммзна жа нижжам̣ асамбад̣̇удто бхава. анубаалаяаад̇и звам̣ буд̇д̇аад̣̇ийсу жзва сзсасад̇д̇зсу жа мзд̇д̇ажид̇д̇асан̇каад̇ам̣ асамбад̣̇осам̣ анурагка. уд̣̇д̇хам̣ ид̇од̇и ид̇о нааг̇абхаванад̇о жуд̇о убарид̣̇звалогам̣ г̇амиссад̇и. мзд̇д̇ажид̇д̇ан̃хи д̣̇аанад̇о ад̇ирзгад̇арам̣ бун̃н̃анд̇и.

Tattha bhogīti bhogino, nāgāti attho. Tesūti tesu puttadārādīsu bhogīsu vācāya kammena ca niccaṃ asampaduṭṭho bhava. Anupālayāti evaṃ puttādīsu ceva sesasattesu ca mettacittasaṅkhātaṃ asampadosaṃ anurakkha. Uddhaṃ itoti ito nāgabhavanato cuto uparidevalokaṃ gamissati. Mettacittañhi dānato atirekataraṃ puññanti.

д̇ад̇о нааг̇арааж̇аа махаасад̇д̇асса д̇хаммагат̇ам̣ суд̇ваа ‘‘на саггаа бан̣д̣ид̇зна б̣ахи бабан̃жам̣ гаад̇ум̣, вималааяа д̣̇ассзд̇ваа субхаасид̇ам̣ саавзд̇ваа д̣̇охал̣ам̣ бадиббассамбхзд̇ваа д̇ханан̃жаяарааж̇аанам̣ хаасзнд̇о бан̣д̣ид̇ам̣ бзсзд̇ум̣ ваддад̇ий’’д̇и жинд̇зд̇ваа г̇аат̇амааха –

Tato nāgarājā mahāsattassa dhammakathaṃ sutvā ‘‘na sakkā paṇḍitena bahi papañcaṃ kātuṃ, vimalāya dassetvā subhāsitaṃ sāvetvā dohaḷaṃ paṭippassambhetvā dhanañcayarājānaṃ hāsento paṇḍitaṃ pesetuṃ vaṭṭatī’’ti cintetvā gāthamāha –

1600.

‘‘ад̣̇д̇хаа хи со сожад̇и рааж̇асздто, д̇аяаа винаа яасса д̇увам̣ саж̇иб̣б̣о;

‘‘Addhā hi so socati rājaseṭṭho, tayā vinā yassa tuvaṃ sajibbo;

д̣̇угкуубанийд̇оби д̇аяаа самзжжа, винд̣̇зяяа босо сукамаад̇уробий’’д̇и.

Dukkhūpanītopi tayā samecca, vindeyya poso sukhamāturopī’’ti.

д̇ад̇т̇а саж̇иб̣б̣од̇и саж̇ийво амажжо. самзжжаад̇и д̇аяаа саха самааг̇анд̇ваа. аад̇уробийд̇и б̣аал̣хаг̇илааноби самаано.

Tattha sajibboti sajīvo amacco. Sameccāti tayā saha samāgantvā. Āturopīti bāḷhagilānopi samāno.

д̇ам̣ суд̇ваа махаасад̇д̇о нааг̇арааж̇асса т̇уд̇им̣ гаронд̇о ид̇арам̣ г̇аат̇амааха –

Taṃ sutvā mahāsatto nāgarājassa thutiṃ karonto itaraṃ gāthamāha –

1601.

‘‘ад̣̇д̇хаа сад̇ам̣ бхаасаси нааг̇а д̇хаммам̣, ануд̇д̇арам̣ ад̇т̇абад̣̇ам̣ сужин̣н̣ам̣;

‘‘Addhā sataṃ bhāsasi nāga dhammaṃ, anuttaraṃ atthapadaṃ suciṇṇaṃ;

зд̇аад̣̇исияаасу хи аабад̣̇аасу, бан̃н̃ааяад̇з маад̣̇исаанам̣ висзсо’’д̇и.

Etādisiyāsu hi āpadāsu, paññāyate mādisānaṃ viseso’’ti.

д̇ад̇т̇а ад̣̇д̇хаа сад̇анд̇и згам̣сзна санд̇аанам̣ бан̣д̣ид̇аанам̣ д̇хаммам̣ бхаасаси. ад̇т̇абад̣̇анд̇и хид̇агодтаасам̣. зд̇аад̣̇исияаасууд̇и зваруубаасу аабад̣̇аасу зд̇аад̣̇исз бхаяз убадтид̇з маад̣̇исаанам̣ бан̃н̃аванд̇аанам̣ висзсо бан̃н̃ааяад̇и.

Tattha addhā satanti ekaṃsena santānaṃ paṇḍitānaṃ dhammaṃ bhāsasi. Atthapadanti hitakoṭṭhāsaṃ. Etādisiyāsūti evarūpāsu āpadāsu etādise bhaye upaṭṭhite mādisānaṃ paññavantānaṃ viseso paññāyati.

д̇ам̣ суд̇ваа нааг̇арааж̇аа ад̇ирзгад̇арам̣ д̇удто д̇амзва бужчанд̇о г̇аат̇амааха –

Taṃ sutvā nāgarājā atirekataraṃ tuṭṭho tameva pucchanto gāthamāha –

1602.

‘‘агкаахи но д̇ааяам̣ муд̇хаа ну лад̣̇д̇хо, агкзхи но д̇ааяам̣ аж̇зси ж̇ууд̇з;

‘‘Akkhāhi no tāyaṃ mudhā nu laddho, akkhehi no tāyaṃ ajesi jūte;

д̇хаммзна лад̣̇д̇хо ид̇и д̇ааяамааха, гат̇ам̣ ну д̇вам̣ хад̇т̇амимасса мааг̇ад̇о’’д̇и.

Dhammena laddho iti tāyamāha, kathaṃ nu tvaṃ hatthamimassa māgato’’ti.

д̇ад̇т̇а агкаахи нод̇и аажигка амхаагам̣. д̇ааяанд̇и д̇ам̣ аяам̣. муд̇хаа ну лад̣̇д̇ход̇и гим̣ ну ко муд̇хаа амуулагзнзва лабхи, уд̣̇ааху ж̇ууд̇з аж̇зси. ид̇и д̇ааяамаахаад̇и аяам̣ бун̣н̣аго ‘‘д̇хаммзна мз бан̣д̣ид̇о лад̣̇д̇хо’’д̇и вад̣̇ад̇и. гат̇ам̣ ну д̇вам̣ хад̇т̇амимасса мааг̇ад̇од̇и д̇вам̣ гат̇ам̣ имасса хад̇т̇ам̣ ааг̇ад̇оси.

Tattha akkhāhi noti ācikkha amhākaṃ. Tāyanti taṃ ayaṃ. Mudhā nu laddhoti kiṃ nu kho mudhā amūlakeneva labhi, udāhu jūte ajesi. Iti tāyamāhāti ayaṃ puṇṇako ‘‘dhammena me paṇḍito laddho’’ti vadati. Kathaṃ nu tvaṃ hatthamimassa māgatoti tvaṃ kathaṃ imassa hatthaṃ āgatosi.

махаасад̇д̇о ааха –

Mahāsatto āha –

1603.

‘‘яо миссаро д̇ад̇т̇а ахоси рааж̇аа, д̇амааяамагкзхи аж̇зси ж̇ууд̇з;

‘‘Yo missaro tattha ahosi rājā, tamāyamakkhehi ajesi jūte;

со мам̣ ж̇ид̇о рааж̇аа имассад̣̇ааси, д̇хаммзна лад̣̇д̇хосми асаахасзнаа’’д̇и.

So maṃ jito rājā imassadāsi, dhammena laddhosmi asāhasenā’’ti.

д̇ад̇т̇а яо миссарод̇и яо мам̣ иссаро. имассад̣̇аасийд̇и имасса бун̣н̣агасса ад̣̇ааси.

Tattha yo missaroti yo maṃ issaro. Imassadāsīti imassa puṇṇakassa adāsi.

д̇ам̣ суд̇ваа нааг̇арааж̇аа д̇удто ахоси. д̇амад̇т̇ам̣ багаасзнд̇о сад̇т̇аа ааха –

Taṃ sutvā nāgarājā tuṭṭho ahosi. Tamatthaṃ pakāsento satthā āha –

1604.

‘‘махораг̇о ад̇д̇амано уд̣̇аг̇г̇о, суд̇ваана д̇хийрасса субхаасид̇аани;

‘‘Mahorago attamano udaggo, sutvāna dhīrassa subhāsitāni;

хад̇т̇з г̇ахзд̇ваана аномабан̃н̃ам̣, баавзгки бхарияааяа д̇ад̣̇аа сагаасз.

Hatthe gahetvāna anomapaññaṃ, pāvekkhi bhariyāya tadā sakāse.

1605.

‘‘язна д̇вам̣ вималз бан̣д̣у, язна бхад̇д̇ам̣ на ружжад̇и;

‘‘Yena tvaṃ vimale paṇḍu, yena bhattaṃ na ruccati;

на жа мзд̇аад̣̇исо ван̣н̣о, аяамзсо д̇амонуд̣̇о.

Na ca metādiso vaṇṇo, ayameso tamonudo.

1606.

‘‘яасса д̇з хад̣̇аязнад̇т̇о, ааг̇ад̇ааяам̣ бабхан̇гаро;

‘‘Yassa te hadayenattho, āgatāyaṃ pabhaṅkaro;

д̇асса ваагяам̣ нисаамзхи, д̣̇уллабхам̣ д̣̇ассанам̣ бунаа’’д̇и.

Tassa vākyaṃ nisāmehi, dullabhaṃ dassanaṃ punā’’ti.

д̇ад̇т̇а баавзгкийд̇и бавидто. язнаад̇и бхад̣̇д̣̇з вималз, язна гааран̣зна д̇вам̣ бан̣д̣у жзва, на жа д̇з бхад̇д̇ам̣ ружжад̇и. на жа мзд̇аад̣̇исо ван̣н̣од̇и бат̇авид̇алз ваа д̣̇звалогз ваа на жа д̇аад̣̇исо ван̣н̣о ан̃н̃асса гассажи ад̇т̇и, яаад̣̇исо зд̇асса г̇ун̣аван̣н̣о бад̇т̇адо. аяамзсо д̇амонуд̣̇од̇и яам̣ ниссааяа д̇ава д̣̇охал̣о уббанно, аяамзва со саб̣б̣алогасса д̇амонуд̣̇о. бунаад̇и буна зд̇асса д̣̇ассанам̣ наама д̣̇уллабханд̇и вад̣̇ад̇и.

Tattha pāvekkhīti paviṭṭho. Yenāti bhadde vimale, yena kāraṇena tvaṃ paṇḍu ceva, na ca te bhattaṃ ruccati. Na ca metādiso vaṇṇoti pathavitale vā devaloke vā na ca tādiso vaṇṇo aññassa kassaci atthi, yādiso etassa guṇavaṇṇo patthaṭo. Ayameso tamonudoti yaṃ nissāya tava dohaḷo uppanno, ayameva so sabbalokassa tamonudo. Punāti puna etassa dassanaṃ nāma dullabhanti vadati.

вималааби д̇ам̣ д̣̇исваа бадисант̇аарам̣ агааси. д̇амад̇т̇ам̣ багаасзнд̇о сад̇т̇аа ааха –

Vimalāpi taṃ disvā paṭisanthāraṃ akāsi. Tamatthaṃ pakāsento satthā āha –

1607.

‘‘д̣̇исваана д̇ам̣ вималаа бхуурибан̃н̃ам̣, д̣̇асан̇г̇улий ан̃ж̇алим̣ баг̇г̇ахзд̇ваа;

‘‘Disvāna taṃ vimalā bhūripaññaṃ, dasaṅgulī añjaliṃ paggahetvā;

хадтзна бхаавзна бад̇ийд̇аруубаа, ижжаб̣рави гуруунам̣ гад̇д̇усздта’’нд̇и.

Haṭṭhena bhāvena patītarūpā, iccabravi kurūnaṃ kattuseṭṭha’’nti.

д̇ад̇т̇а хадтзна бхаавзнаад̇и бахадтзна жид̇д̇зна. бад̇ийд̇аруубаад̇и соманассаж̇аад̇аа.

Tattha haṭṭhena bhāvenāti pahaṭṭhena cittena. Patītarūpāti somanassajātā.

ид̇о барам̣ вималааяа жа махаасад̇д̇асса жа важанаббадиважанаг̇аат̇аа –

Ito paraṃ vimalāya ca mahāsattassa ca vacanappaṭivacanagāthā –

1608.

‘‘ад̣̇идтабуб̣б̣ам̣ д̣̇исваана, мажжо мажжубхаяаддид̇о;

‘‘Adiṭṭhapubbaṃ disvāna, macco maccubhayaṭṭito;

б̣яамхид̇о наабхиваад̣̇зси, наяид̣̇ам̣ бан̃н̃авад̇аамива.

Byamhito nābhivādesi, nayidaṃ paññavatāmiva.

1609.

‘‘на жамхи б̣яамхид̇о нааг̇и, на жа мажжубхаяаддид̇о;

‘‘Na camhi byamhito nāgi, na ca maccubhayaṭṭito;

на важ̇жхо абхиваад̣̇зяяа, важ̇жхам̣ ваа наабхиваад̣̇аяз.

Na vajjho abhivādeyya, vajjhaṃ vā nābhivādaye.

1610.

‘‘гат̇ам̣ но абхиваад̣̇зяяа, абхиваад̣̇аабаязт̇а вз;

‘‘Kathaṃ no abhivādeyya, abhivādāpayetha ve;

яам̣ наро ханд̇умижчзяяа, д̇ам̣ гаммам̣ нубабаж̇ж̇ад̇и.

Yaṃ naro hantumiccheyya, taṃ kammaṃ nupapajjati.

1611.

‘‘звамзд̇ам̣ яат̇аа б̣рууси, сажжам̣ бхаасаси бан̣д̣ид̇а;

‘‘Evametaṃ yathā brūsi, saccaṃ bhāsasi paṇḍita;

на важ̇жхо абхиваад̣̇зяяа, важ̇жхам̣ ваа наабхиваад̣̇аяз.

Na vajjho abhivādeyya, vajjhaṃ vā nābhivādaye.

1612.

‘‘гат̇ам̣ но абхиваад̣̇зяяа, абхиваад̣̇аабаязт̇а вз;

‘‘Kathaṃ no abhivādeyya, abhivādāpayetha ve;

яам̣ наро ханд̇умижчзяяа, д̇ам̣ гаммам̣ нубабаж̇ж̇ад̇и.

Yaṃ naro hantumiccheyya, taṃ kammaṃ nupapajjati.

1613.

‘‘асассад̇ам̣ сассад̇ам̣ ну д̇аваяид̣̇ам̣, ид̣̇д̇хий ж̇уд̇ий б̣алавийрияуубабад̇д̇и;

‘‘Asassataṃ sassataṃ nu tavayidaṃ, iddhī jutī balavīriyūpapatti;

бужчаами д̇ам̣ нааг̇аган̃н̃зд̇амад̇т̇ам̣, гат̇ам̣ ну д̇з лад̣̇д̇хамид̣̇ам̣ вимаанам̣.

Pucchāmi taṃ nāgakaññetamatthaṃ, kathaṃ nu te laddhamidaṃ vimānaṃ.

1614.

‘‘ад̇хижжалад̣̇д̇хам̣ барин̣аамаж̇ам̣ д̇з, саяам̣гад̇ам̣ уд̣̇ааху д̣̇звзхи д̣̇иннам̣;

‘‘Adhiccaladdhaṃ pariṇāmajaṃ te, sayaṃkataṃ udāhu devehi dinnaṃ;

агкаахи мз нааг̇аган̃н̃зд̇амад̇т̇ам̣, яат̇зва д̇з лад̣̇д̇хамид̣̇ам̣ вимаанам̣.

Akkhāhi me nāgakaññetamatthaṃ, yatheva te laddhamidaṃ vimānaṃ.

1615.

‘‘наад̇хижжалад̣̇д̇хам̣ на барин̣аамаж̇ам̣ мз, на саяам̣гат̇ам̣ нааби д̣̇звзхи д̣̇иннам̣;

‘‘Nādhiccaladdhaṃ na pariṇāmajaṃ me, na sayaṃkathaṃ nāpi devehi dinnaṃ;

сагзхи гаммзхи абаабагзхи, бун̃н̃зхи мз лад̣̇д̇хамид̣̇ам̣ вимаанам̣.

Sakehi kammehi apāpakehi, puññehi me laddhamidaṃ vimānaṃ.

1616.

‘‘гим̣ д̇з вад̇ам̣ гим̣ бана б̣рахмажарияам̣, гисса сужин̣н̣асса аяам̣ вибааго;

‘‘Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;

ид̣̇д̇хий ж̇уд̇ий б̣алавийрияуубабад̇д̇и, ид̣̇ан̃жа д̇з нааг̇и махаавимаанам̣.

Iddhī jutī balavīriyūpapatti, idañca te nāgi mahāvimānaṃ.

1617.

‘‘ахан̃жа ко саамиго жааби маяхам̣, сад̣̇д̇хаа убхо д̣̇аанабад̇ий ахумхаа;

‘‘Ahañca kho sāmiko cāpi mayhaṃ, saddhā ubho dānapatī ahumhā;

обаанабхууд̇ам̣ мз гхарам̣ д̇ад̣̇ааси, санд̇аббид̇аа саман̣аб̣раахман̣аа жа.

Opānabhūtaṃ me gharaṃ tadāsi, santappitā samaṇabrāhmaṇā ca.

1618.

‘‘маалан̃жа г̇анд̇хан̃жа вилзбанан̃жа, бад̣̇ийбияам̣ сзяяамубассаяан̃жа;

‘‘Mālañca gandhañca vilepanañca, padīpiyaṃ seyyamupassayañca;

ажчаад̣̇анам̣ сааяанаманнабаанам̣, саггажжа д̣̇аанаани ад̣̇амха д̇ад̇т̇а.

Acchādanaṃ sāyanamannapānaṃ, sakkacca dānāni adamha tattha.

1619.

‘‘д̇ам̣ мз вад̇ам̣ д̇ам̣ бана б̣рахмажарияам̣, д̇асса сужин̣н̣асса аяам̣ вибааго;

‘‘Taṃ me vataṃ taṃ pana brahmacariyaṃ, tassa suciṇṇassa ayaṃ vipāko;

ид̣̇д̇хий ж̇уд̇ий б̣алавийрияуубабад̇д̇и, ид̣̇ан̃жа мз д̇хийра махаавимаанам̣.

Iddhī jutī balavīriyūpapatti, idañca me dhīra mahāvimānaṃ.

1620.

‘‘звам̣ жз д̇з лад̣̇д̇хамид̣̇ам̣ вимаанам̣, ж̇аанааси бун̃н̃аанам̣ палуубабад̇д̇им̣;

‘‘Evaṃ ce te laddhamidaṃ vimānaṃ, jānāsi puññānaṃ phalūpapattiṃ;

д̇асмаа хи д̇хаммам̣ жара аббамад̇д̇аа, яат̇аа вимаанам̣ буна маавасзси.

Tasmā hi dhammaṃ cara appamattā, yathā vimānaṃ puna māvasesi.

1621.

‘‘наяид̇ха санд̇и саман̣аб̣раахман̣аа жа, язсаннабаанаани д̣̇ад̣̇зму гад̇д̇з;

‘‘Nayidha santi samaṇabrāhmaṇā ca, yesannapānāni dademu katte;

агкаахи мз бужчид̇о зд̇амад̇т̇ам̣, яат̇аа вимаанам̣ буна маавасзма.

Akkhāhi me pucchito etamatthaṃ, yathā vimānaṃ puna māvasema.

1622.

‘‘бхог̇ий хи д̇з санд̇и ид̇хуубабаннаа, буд̇д̇аа жа д̣̇аараа ануж̇ийвино жа;

‘‘Bhogī hi te santi idhūpapannā, puttā ca dārā anujīvino ca;

д̇зсу д̇увам̣ важасаа гаммунаа жа, асамбад̣̇удтаа жа бхаваахи нижжам̣.

Tesu tuvaṃ vacasā kammunā ca, asampaduṭṭhā ca bhavāhi niccaṃ.

1623.

‘‘звам̣ д̇увам̣ нааг̇и асамбад̣̇осам̣, анубаалаяа важасаа гаммунаа жа;

‘‘Evaṃ tuvaṃ nāgi asampadosaṃ, anupālaya vacasā kammunā ca;

тад̇ваа ид̇ха яаавад̇ааяугам̣ вимаанз, уд̣̇д̇хам̣ ид̇о г̇ажчаси д̣̇звалогам̣.

Ṭhatvā idha yāvatāyukaṃ vimāne, uddhaṃ ito gacchasi devalokaṃ.

1624.

‘‘ад̣̇д̇хаа хи со сожад̇и рааж̇асздто, д̇аяаа винаа яасса д̇увам̣ саж̇иб̣б̣о;

‘‘Addhā hi so socati rājaseṭṭho, tayā vinā yassa tuvaṃ sajibbo;

д̣̇угкуубанийд̇оби д̇аяаа самзжжа, винд̣̇зяяа босо сукамаад̇уроби.

Dukkhūpanītopi tayā samecca, vindeyya poso sukhamāturopi.

1625.

‘‘ад̣̇д̇хаа сад̇ам̣ бхаасаси нааг̇и д̇хаммам̣, ануд̇д̇арам̣ ад̇т̇абад̣̇ам̣ сужин̣н̣ам̣;

‘‘Addhā sataṃ bhāsasi nāgi dhammaṃ, anuttaraṃ atthapadaṃ suciṇṇaṃ;

зд̇аад̣̇исияаасу хи аабад̣̇аасу, бан̃н̃ааяад̇з маад̣̇исаанам̣ висзсо.

Etādisiyāsu hi āpadāsu, paññāyate mādisānaṃ viseso.

1626.

‘‘агкаахи но д̇ааяам̣ муд̇хаа ну лад̣̇д̇хо, агкзхи но д̇ааяам̣ аж̇зси ж̇ууд̇з;

‘‘Akkhāhi no tāyaṃ mudhā nu laddho, akkhehi no tāyaṃ ajesi jūte;

д̇хаммзна лад̣̇д̇хо ид̇и д̇ааяамааха, гат̇ам̣ ну д̇вам̣ хад̇т̇амимасса мааг̇ад̇о.

Dhammena laddho iti tāyamāha, kathaṃ nu tvaṃ hatthamimassa māgato.

1627.

‘‘яо миссаро д̇ад̇т̇а ахоси рааж̇аа, д̇амааяамагкзхи аж̇зси ж̇ууд̇з;

‘‘Yo missaro tattha ahosi rājā, tamāyamakkhehi ajesi jūte;

со мам̣ ж̇ид̇о рааж̇аа имассад̣̇ааси, д̇хаммзна лад̣̇д̇хосми асаахасзнаа’’д̇и.

So maṃ jito rājā imassadāsi, dhammena laddhosmi asāhasenā’’ti.

имаасам̣ г̇аат̇аанам̣ ад̇т̇о хздтаа вуд̇д̇анаязнзва взд̣̇ид̇аб̣б̣о.

Imāsaṃ gāthānaṃ attho heṭṭhā vuttanayeneva veditabbo.

махаасад̇д̇асса важанам̣ суд̇ваа ад̇ирзгад̇арам̣ д̇удтаа вималаа махаасад̇д̇ам̣ г̇ахзд̇ваа сахассаг̇анд̇ход̣̇агагхадзхи нхаабзд̇ваа нхаанагаалз махаасад̇д̇асса д̣̇иб̣б̣ад̣̇уссад̣̇иб̣б̣аг̇анд̇хамаалаад̣̇ийни д̣̇ад̇ваа алан̇гад̇аббадияад̇д̇агаалз д̣̇иб̣б̣абхож̇анам̣ бхож̇зси. махаасад̇д̇о бхуд̇д̇абхож̇ано алан̇гад̇аасанам̣ бан̃н̃аабзд̇ваа алан̇гад̇ад̇хаммаасанз нисийд̣̇ид̇ваа б̣уд̣̇д̇халийлааяа д̇хаммам̣ д̣̇зсзси. д̇амад̇т̇ам̣ багаасзнд̇о сад̇т̇аа ааха –

Mahāsattassa vacanaṃ sutvā atirekataraṃ tuṭṭhā vimalā mahāsattaṃ gahetvā sahassagandhodakaghaṭehi nhāpetvā nhānakāle mahāsattassa dibbadussadibbagandhamālādīni datvā alaṅkatappaṭiyattakāle dibbabhojanaṃ bhojesi. Mahāsatto bhuttabhojano alaṅkatāsanaṃ paññāpetvā alaṅkatadhammāsane nisīditvā buddhalīlāya dhammaṃ desesi. Tamatthaṃ pakāsento satthā āha –

1628.

‘‘яат̇зва варун̣о нааг̇о, бан̃хам̣ бужчид̇т̇а бан̣д̣ид̇ам̣;

‘‘Yatheva varuṇo nāgo, pañhaṃ pucchittha paṇḍitaṃ;

д̇ат̇зва нааг̇аган̃н̃ааби, бан̃хам̣ бужчид̇т̇а бан̣д̣ид̇ам̣.

Tatheva nāgakaññāpi, pañhaṃ pucchittha paṇḍitaṃ.

1629.

‘‘яат̇зва варун̣ам̣ нааг̇ам̣, д̇хийро д̇осзси бужчид̇о;

‘‘Yatheva varuṇaṃ nāgaṃ, dhīro tosesi pucchito;

д̇ат̇зва нааг̇аган̃н̃амби, д̇хийро д̇осзси бужчид̇о.

Tatheva nāgakaññampi, dhīro tosesi pucchito.

1630.

‘‘убхоби д̇з ад̇д̇аманз вид̣̇ид̇ваа, махораг̇ам̣ нааг̇аган̃н̃ан̃жа д̇хийро;

‘‘Ubhopi te attamane viditvā, mahoragaṃ nāgakaññañca dhīro;

ачамбхий абхийд̇о аломахадто, ижжаб̣рави варун̣ам̣ нааг̇арааж̇аанам̣.

Achambhī abhīto alomahaṭṭho, iccabravi varuṇaṃ nāgarājānaṃ.

1631.

‘‘маа род̇хаяи нааг̇а ааяаахамасми, язна д̇авад̇т̇о ид̣̇ам̣ сарийрам̣;

‘‘Mā rodhayi nāga āyāhamasmi, yena tavattho idaṃ sarīraṃ;

хад̣̇аязна мам̣сзна гарохи гижжам̣, саяам̣ гариссаами яат̇аамад̇и д̇з’’д̇и.

Hadayena maṃsena karohi kiccaṃ, sayaṃ karissāmi yathāmati te’’ti.

д̇ад̇т̇а ачамбхийд̇и ниггамбо. аломахадтод̇и бхаязна ахадталомо. ижжаб̣равийд̇и виймам̣санавасзна ид̇и аб̣рави. маа род̇хаяийд̇и ‘‘мид̇д̇ад̣̇уб̣бхигаммам̣ гаромий’’д̇и маа бхааяи, ‘‘гат̇ам̣ ну ко имам̣ ид̣̇аани маарзссаамий’’д̇и ваа маа жинд̇аяи. нааг̇аад̇и варун̣ам̣ аалабад̇и. ааяаахамасмийд̇и ааяо ахам̣ асми, аяамзва ваа баато. саяам̣ гариссаамийд̇и сажз д̇вам̣ ‘‘имасса санд̇игз ид̣̇аани д̇хаммо мз суд̇о’’д̇и мам̣ маарзд̇ум̣ на висахаси, ахамзва яат̇аа д̇ава аж̇жхаасаяо, д̇ат̇аа саяам̣ гариссаамийд̇и.

Tattha achambhīti nikkampo. Alomahaṭṭhoti bhayena ahaṭṭhalomo. Iccabravīti vīmaṃsanavasena iti abravi. Mā rodhayīti ‘‘mittadubbhikammaṃ karomī’’ti mā bhāyi, ‘‘kathaṃ nu kho imaṃ idāni māressāmī’’ti vā mā cintayi. Nāgāti varuṇaṃ ālapati. Āyāhamasmīti āyo ahaṃ asmi, ayameva vā pāṭho. Sayaṃ karissāmīti sace tvaṃ ‘‘imassa santike idāni dhammo me suto’’ti maṃ māretuṃ na visahasi, ahameva yathā tava ajjhāsayo, tathā sayaṃ karissāmīti.

нааг̇арааж̇аа ааха –

Nāgarājā āha –

1632.

‘‘бан̃н̃аа хавз хад̣̇аяам̣ бан̣д̣ид̇аанам̣, д̇з д̇яамха бан̃н̃ааяа маяам̣ суд̇удтаа;

‘‘Paññā have hadayaṃ paṇḍitānaṃ, te tyamha paññāya mayaṃ sutuṭṭhā;

ануунанаамо лабхад̇аж̇ж̇а д̣̇аарам̣, аж̇ж̇зва д̇ам̣ гуруяо баабаяаад̇уу’’д̇и.

Anūnanāmo labhatajja dāraṃ, ajjeva taṃ kuruyo pāpayātū’’ti.

д̇ад̇т̇а д̇з д̇яамхаад̇и д̇з маяам̣ д̇ава бан̃н̃ааяа суд̇удтаа. ануунанаамод̇и самбун̣н̣анаамо бун̣н̣аго яагкасзнаабад̇и. лабхад̇аж̇ж̇а д̣̇ааранд̇и лабхад̇у аж̇ж̇а д̣̇аарам̣, д̣̇ад̣̇аами асса д̇хийд̇арам̣ иранд̇хад̇им̣. баабаяаад̇ууд̇и аж̇ж̇зва д̇ам̣ гурурадтам̣ бун̣н̣аго баабзд̇у.

Tattha te tyamhāti te mayaṃ tava paññāya sutuṭṭhā. Anūnanāmoti sampuṇṇanāmo puṇṇako yakkhasenāpati. Labhatajja dāranti labhatu ajja dāraṃ, dadāmi assa dhītaraṃ irandhatiṃ. Pāpayātūti ajjeva taṃ kururaṭṭhaṃ puṇṇako pāpetu.

зван̃жа бана вад̇ваа варун̣о нааг̇арааж̇аа иранд̇хад̇им̣ бун̣н̣агасса ад̣̇ааси. со д̇ам̣ лабхид̇ваа д̇удтажид̇д̇о махаасад̇д̇зна сад̣̇д̇хим̣ саллаби. д̇амад̇т̇ам̣ багаасзнд̇о сад̇т̇аа ааха –

Evañca pana vatvā varuṇo nāgarājā irandhatiṃ puṇṇakassa adāsi. So taṃ labhitvā tuṭṭhacitto mahāsattena saddhiṃ sallapi. Tamatthaṃ pakāsento satthā āha –

1633.

‘‘са бун̣н̣аго ад̇д̇амано уд̣̇аг̇г̇о, иранд̇хад̇им̣ нааг̇аган̃н̃ам̣ лабхид̇ваа;

‘‘Sa puṇṇako attamano udaggo, irandhatiṃ nāgakaññaṃ labhitvā;

хадтзна бхаавзна бад̇ийд̇аруубо, ижжаб̣рави гуруунам̣ гад̇д̇усздтам̣.

Haṭṭhena bhāvena patītarūpo, iccabravi kurūnaṃ kattuseṭṭhaṃ.

1634.

‘‘бхарияааяа мам̣ д̇вам̣ агари саман̇г̇им̣, ахан̃жа д̇з вид̇хура гароми гижжам̣;

‘‘Bhariyāya maṃ tvaṃ akari samaṅgiṃ, ahañca te vidhura karomi kiccaṃ;

ид̣̇ан̃жа д̇з ман̣ирад̇анам̣ д̣̇ад̣̇аами, аж̇ж̇зва д̇ам̣ гуруяо баабаяаамий’’д̇и.

Idañca te maṇiratanaṃ dadāmi, ajjeva taṃ kuruyo pāpayāmī’’ti.

д̇ад̇т̇а ман̣ирад̇ананд̇и бан̣д̣ид̇а, ахам̣ д̇ава г̇ун̣зсу басанно арахаами д̇ава анужчавигам̣ гижжам̣ гаад̇ум̣, д̇асмаа иман̃жа д̇з жаггавад̇д̇ибарибхог̇ам̣ ман̣ирад̇анам̣ д̣̇зми, аж̇ж̇зва д̇ам̣ инд̣̇абад̇т̇ам̣ баабзмийд̇и.

Tattha maṇiratananti paṇḍita, ahaṃ tava guṇesu pasanno arahāmi tava anucchavikaṃ kiccaṃ kātuṃ, tasmā imañca te cakkavattiparibhogaṃ maṇiratanaṃ demi, ajjeva taṃ indapatthaṃ pāpemīti.

ат̇а махаасад̇д̇о д̇асса т̇уд̇им̣ гаронд̇о ид̇арам̣ г̇аат̇амааха –

Atha mahāsatto tassa thutiṃ karonto itaraṃ gāthamāha –

1635.

‘‘аж̇зяяамзсаа д̇ава ход̇у мзд̇д̇и, бхарияааяа гажжаана бияааяа сад̣̇д̇хим̣;

‘‘Ajeyyamesā tava hotu metti, bhariyāya kaccāna piyāya saddhiṃ;

аананд̣̇и вид̇д̇о сумано бад̇ийд̇о, д̣̇ад̇ваа ман̣им̣ ман̃жа наяинд̣̇абад̇т̇а’’нд̇и.

Ānandi vitto sumano patīto, datvā maṇiṃ mañca nayindapattha’’nti.

д̇ад̇т̇а аж̇зяяамзсаад̇и зсаа д̇ава бхарияааяа сад̣̇д̇хим̣ бияасам̣ваасамзд̇д̇и аж̇зяяаа ход̇у. ‘‘аананд̣̇и вид̇д̇о’’д̇иаад̣̇ийхи бийд̇исаман̇г̇ибхаавамзвасса вад̣̇ад̇и. наяинд̣̇абад̇т̇анд̇и наяа инд̣̇абад̇т̇ам̣.

Tattha ajeyyamesāti esā tava bhariyāya saddhiṃ piyasaṃvāsametti ajeyyā hotu. ‘‘Ānandi vitto’’tiādīhi pītisamaṅgibhāvamevassa vadati. Nayindapatthanti naya indapatthaṃ.

д̇ам̣ суд̇ваа бун̣н̣аго д̇ат̇аа агааси. д̇зна вуд̇д̇ам̣ –

Taṃ sutvā puṇṇako tathā akāsi. Tena vuttaṃ –

1636.

‘‘са бун̣н̣аго гуруунам̣ гад̇д̇усздтам̣, нисийд̣̇аяий бурад̇о аасанасмим̣;

‘‘Sa puṇṇako kurūnaṃ kattuseṭṭhaṃ, nisīdayī purato āsanasmiṃ;

аад̣̇ааяа гад̇д̇аараманомабан̃н̃ам̣, убаанаяий наг̇арам̣ инд̣̇абад̇т̇ам̣.

Ādāya kattāramanomapaññaṃ, upānayī nagaraṃ indapatthaṃ.

1637.

‘‘мано мануссасса яат̇ааби г̇ажчз, д̇ад̇обисса киббад̇арам̣ ахоси;

‘‘Mano manussassa yathāpi gacche, tatopissa khippataraṃ ahosi;

са бун̣н̣аго гуруунам̣ гад̇д̇усздтам̣, убаанаяий наг̇арам̣ инд̣̇абад̇т̇ам̣.

Sa puṇṇako kurūnaṃ kattuseṭṭhaṃ, upānayī nagaraṃ indapatthaṃ.

1638.

‘‘зд̇инд̣̇абад̇т̇ам̣ наг̇арам̣ бад̣̇иссад̇и, раммаани жа амб̣аванаани бхааг̇асо;

‘‘Etindapatthaṃ nagaraṃ padissati, rammāni ca ambavanāni bhāgaso;

ахан̃жа бхарияааяа саман̇г̇ибхууд̇о, д̇уван̃жа бад̇д̇оси сагам̣ нигзд̇а’’нд̇и.

Ahañca bhariyāya samaṅgibhūto, tuvañca pattosi sakaṃ niketa’’nti.

д̇ад̇т̇а яат̇ааби г̇ажчзд̇и мано наама гин̃жааби на г̇ажчад̇и, д̣̇уурз аарамман̣ам̣ г̇ан̣ханд̇о бана г̇ад̇од̇и вужжад̇и, д̇асмаа манасса аарамман̣аг̇г̇ахан̣ад̇оби киббад̇арам̣ д̇асса маномаяасинд̇хавасса г̇аманам̣ ахосийд̇и звамзд̇т̇а ад̇т̇о д̣̇адтаб̣б̣о. зд̇инд̣̇абад̇т̇анд̇и ассабидтз нисинноязвасса д̣̇ассзнд̇о звамааха. сагам̣ нигзд̇анд̇и д̇ван̃жа ад̇д̇ано нивзсанам̣ самбад̇д̇од̇и ааха.

Tattha yathāpi gaccheti mano nāma kiñcāpi na gacchati, dūre ārammaṇaṃ gaṇhanto pana gatoti vuccati, tasmā manassa ārammaṇaggahaṇatopi khippataraṃ tassa manomayasindhavassa gamanaṃ ahosīti evamettha attho daṭṭhabbo. Etindapatthanti assapiṭṭhe nisinnoyevassa dassento evamāha. Sakaṃ niketanti tvañca attano nivesanaṃ sampattoti āha.

д̇асмим̣ бана д̣̇ивасз бажжуусагаалз рааж̇аа субинам̣ ад̣̇д̣̇аса. зваруубо субино ахоси – ран̃н̃о нивзсанад̣̇ваарз бан̃н̃аагканд̇хо сийламаяасаако бан̃жаг̇орасапало алан̇гад̇ахад̇т̇иг̇аваассабадижчанно махааругко тид̇о. махааж̇ано д̇асса саггаарам̣ гад̇ваа ан̃ж̇алим̣ баг̇г̇аяха намассамаано адтааси. ат̇зго ган̣хабурисо парусо рад̇д̇асаадаганивад̇т̇о рад̇д̇абубпаган̣н̣ад̇харо аавуд̇хахад̇т̇о ааг̇анд̇ваа махааж̇анасса барид̣̇званд̇ассзва д̇ам̣ ругкам̣ самуулам̣ чинд̣̇ид̇ваа аагад̣дханд̇о аад̣̇ааяа г̇анд̇ваа буна д̇ам̣ аахарид̇ваа багад̇идтаанзязва табзд̇ваа баггаамийд̇и. рааж̇аа д̇ам̣ субинам̣ бариг̇г̇ан̣ханд̇о ‘‘махааругко вияа на ан̃н̃о гожи, вид̇хурабан̣д̣ид̇о. махааж̇анасса барид̣̇званд̇ассзва д̇ам̣ самуулам̣ чинд̣̇ид̇ваа аад̣̇ааяа г̇ад̇абурисо вияа на ан̃н̃о гожи, бан̣д̣ид̇ам̣ г̇ахзд̇ваа г̇ад̇амаан̣аво. буна д̇ам̣ аахарид̇ваа багад̇идтаанзязва табзд̇ваа г̇ад̇о вияа со маан̣аво буна д̇ам̣ бан̣д̣ид̇ам̣ аанзд̇ваа д̇хаммасабхааяа д̣̇ваарз табзд̇ваа баггамиссад̇и. ад̣̇д̇хаа аж̇ж̇а маяам̣ бан̣д̣ид̇ам̣ бассиссаамаа’’д̇и саннидтаанам̣ гад̇ваа соманассабад̇д̇о сагаланаг̇арам̣ алан̇гаараабзд̇ваа д̇хаммасабхам̣ саж̇ж̇аабзд̇ваа алан̇гад̇арад̇анаман̣д̣абз д̇хаммаасанам̣ бан̃н̃аабзд̇ваа згасад̇арааж̇аамажжаг̇ан̣анаг̇араваасиж̇аанабад̣̇абаривуд̇о ‘‘аж̇ж̇а д̇умхз бан̣д̣ид̇ам̣ бассиссат̇а, маа сожид̇т̇аа’’д̇и махааж̇анам̣ ассаасзд̇ваа бан̣д̣ид̇асса ааг̇аманам̣ ологзнд̇о д̇хаммасабхааяам̣ нисийд̣̇и. амажжаад̣̇аяоби нисийд̣̇им̣су. д̇асмим̣ кан̣з бун̣н̣агоби бан̣д̣ид̇ам̣ од̇аарзд̇ваа д̇хаммасабхааяа д̣̇ваарз барисамаж̇жхзязва табзд̇ваа иранд̇хад̇им̣ аад̣̇ааяа д̣̇званаг̇арамзва г̇ад̇о. д̇амад̇т̇ам̣ багаасзнд̇о сад̇т̇аа ааха –

Tasmiṃ pana divase paccūsakāle rājā supinaṃ addasa. Evarūpo supino ahosi – rañño nivesanadvāre paññākkhandho sīlamayasākho pañcagorasaphalo alaṅkatahatthigavāssapaṭicchanno mahārukkho ṭhito. Mahājano tassa sakkāraṃ katvā añjaliṃ paggayha namassamāno aṭṭhāsi. Atheko kaṇhapuriso pharuso rattasāṭakanivattho rattapupphakaṇṇadharo āvudhahattho āgantvā mahājanassa paridevantasseva taṃ rukkhaṃ samūlaṃ chinditvā ākaḍḍhanto ādāya gantvā puna taṃ āharitvā pakatiṭṭhāneyeva ṭhapetvā pakkāmīti. Rājā taṃ supinaṃ pariggaṇhanto ‘‘mahārukkho viya na añño koci, vidhurapaṇḍito. Mahājanassa paridevantasseva taṃ samūlaṃ chinditvā ādāya gatapuriso viya na añño koci, paṇḍitaṃ gahetvā gatamāṇavo. Puna taṃ āharitvā pakatiṭṭhāneyeva ṭhapetvā gato viya so māṇavo puna taṃ paṇḍitaṃ ānetvā dhammasabhāya dvāre ṭhapetvā pakkamissati. Addhā ajja mayaṃ paṇḍitaṃ passissāmā’’ti sanniṭṭhānaṃ katvā somanassapatto sakalanagaraṃ alaṅkārāpetvā dhammasabhaṃ sajjāpetvā alaṅkataratanamaṇḍape dhammāsanaṃ paññāpetvā ekasatarājaamaccagaṇanagaravāsijānapadaparivuto ‘‘ajja tumhe paṇḍitaṃ passissatha, mā socitthā’’ti mahājanaṃ assāsetvā paṇḍitassa āgamanaṃ olokento dhammasabhāyaṃ nisīdi. Amaccādayopi nisīdiṃsu. Tasmiṃ khaṇe puṇṇakopi paṇḍitaṃ otāretvā dhammasabhāya dvāre parisamajjheyeva ṭhapetvā irandhatiṃ ādāya devanagarameva gato. Tamatthaṃ pakāsento satthā āha –

1639.

‘‘на бун̣н̣аго гуруунам̣ гад̇д̇усздтам̣, оробияа д̇хаммасабхааяа маж̇жхз;

‘‘Na puṇṇako kurūnaṃ kattuseṭṭhaṃ, oropiya dhammasabhāya majjhe;

ааж̇ан̃н̃амааруяха аномаван̣н̣о, баггаами взхааяасаманд̇алигкз.

Ājaññamāruyha anomavaṇṇo, pakkāmi vehāyasamantalikkhe.

1640.

‘‘д̇ам̣ д̣̇исваа рааж̇аа барамаббад̇ийд̇о, удтааяа б̣аахаахи балиссаж̇ид̇ваа;

‘‘Taṃ disvā rājā paramappatīto, uṭṭhāya bāhāhi palissajitvā;

авигамбаяам̣ д̇хаммасабхааяа маж̇жхз, нисийд̣̇аяий бамукамаасанасми’’нд̇и.

Avikampayaṃ dhammasabhāya majjhe, nisīdayī pamukhamāsanasmi’’nti.

д̇ад̇т̇а аномаван̣н̣од̇и ахийнаван̣н̣о уд̇д̇амаван̣н̣о. авигамбаяанд̇и бхигкавз, со рааж̇аа бан̣д̣ид̇ам̣ балиссаж̇ид̇ваа махааж̇анамаж̇жхз авигамбанд̇о анолийяанд̇оязва хад̇т̇з г̇ахзд̇ваа ад̇д̇ано абхимукам̣ гад̇ваа алан̇гад̇ад̇хаммаасанз нисийд̣̇аабзси.

Tattha anomavaṇṇoti ahīnavaṇṇo uttamavaṇṇo. Avikampayanti bhikkhave, so rājā paṇḍitaṃ palissajitvā mahājanamajjhe avikampanto anolīyantoyeva hatthe gahetvā attano abhimukhaṃ katvā alaṅkatadhammāsane nisīdāpesi.

ат̇а рааж̇аа д̇зна сад̣̇д̇хим̣ саммод̣̇ид̇ваа мад̇хурабадисант̇аарам̣ гаронд̇о г̇аат̇амааха –

Atha rājā tena saddhiṃ sammoditvā madhurapaṭisanthāraṃ karonto gāthamāha –

1641.

‘‘д̇вам̣ но винзд̇ааси рат̇ам̣ва над̣̇д̇хам̣, нанд̣̇анд̇и д̇ам̣ гуруяо д̣̇ассанзна;

‘‘Tvaṃ no vinetāsi rathaṃva naddhaṃ, nandanti taṃ kuruyo dassanena;

агкаахи мз бужчид̇о зд̇амад̇т̇ам̣, гат̇ам̣ бамогко аху маан̣авассаа’’д̇и.

Akkhāhi me pucchito etamatthaṃ, kathaṃ pamokkho ahu māṇavassā’’ti.

д̇ад̇т̇а над̣̇д̇ханд̇и яат̇аа над̣̇д̇хам̣ рат̇ам̣ саарат̇и винзд̇и, звам̣ д̇вам̣ амхаагам̣ гааран̣зна наязна хид̇агирияаасу винзд̇аа. нанд̣̇анд̇и д̇анд̇и д̇ам̣ д̣̇исваава имз гурурадтаваасино д̇ава д̣̇ассанзна нанд̣̇анд̇и. маан̣авассаад̇и маан̣авасса санд̇игаа гат̇ам̣ д̇ава бамогко ахоси? яо ваа д̇ам̣ мун̃жанд̇асса маан̣авасса бамогко, со гзна гааран̣зна ахосийд̇и ад̇т̇о.

Tattha naddhanti yathā naddhaṃ rathaṃ sārathi vineti, evaṃ tvaṃ amhākaṃ kāraṇena nayena hitakiriyāsu vinetā. Nandanti tanti taṃ disvāva ime kururaṭṭhavāsino tava dassanena nandanti. Māṇavassāti māṇavassa santikā kathaṃ tava pamokkho ahosi? Yo vā taṃ muñcantassa māṇavassa pamokkho, so kena kāraṇena ahosīti attho.

махаасад̇д̇о ааха –

Mahāsatto āha –

1642.

‘‘яам̣ маан̣авод̇яаабхивад̣̇ий ж̇анинд̣̇а, на со мануссо наравийрасздта;

‘‘Yaṃ māṇavotyābhivadī janinda, na so manusso naravīraseṭṭha;

яад̣̇и д̇з суд̇о бун̣н̣аго наама яагко, ран̃н̃о гувзрасса хи со саж̇иб̣б̣о.

Yadi te suto puṇṇako nāma yakkho, rañño kuverassa hi so sajibbo.

1643.

‘‘бхууминд̇харо варун̣о наама нааг̇о, б̣рахаа сужий ван̣н̣аб̣алуубабанно;

‘‘Bhūmindharo varuṇo nāma nāgo, brahā sucī vaṇṇabalūpapanno;

д̇ассаануж̇ам̣ д̇хийд̇арам̣ гаамаяаано, иранд̇хад̇ий наама саа нааг̇аган̃н̃аа.

Tassānujaṃ dhītaraṃ kāmayāno, irandhatī nāma sā nāgakaññā.

1644.

‘‘д̇ассаа сумаж̇жхааяа бияааяа хзд̇у, бад̇аараяид̇т̇а маран̣ааяа маяхам̣;

‘‘Tassā sumajjhāya piyāya hetu, patārayittha maraṇāya mayhaṃ;

со жзва бхарияааяа саман̇г̇ибхууд̇о, ахан̃жа анун̃н̃аад̇о ман̣и жа лад̣̇д̇хо’’д̇и.

So ceva bhariyāya samaṅgibhūto, ahañca anuññāto maṇi ca laddho’’ti.

д̇ад̇т̇а яам̣ маан̣авод̇яаабхивад̣̇ийд̇и ж̇анинд̣̇а яам̣ д̇вам̣ ‘‘маан̣аво’’д̇и абхивад̣̇аси. бхууминд̇харод̇и бхууминд̇харанааг̇абхаванаваасий. саа нааг̇аган̃н̃аад̇и яам̣ нааг̇аган̃н̃ам̣ со бад̇т̇аяамаано мама маран̣ааяа бад̇аараяи жид̇д̇ам̣ бавад̇д̇зси, саа нааг̇аган̃н̃аа иранд̇хад̇ий наама. бияааяа хзд̇ууд̇и махаарааж̇а, со хи нааг̇арааж̇аа жад̇уббосат̇игабан̃хависсаж̇ж̇анз басанно мам̣ ман̣инаа бууж̇зд̇ваа нааг̇абхаванам̣ г̇ад̇о вималааяа наама д̣̇звияаа д̇ам̣ ман̣им̣ ад̣̇исваа ‘‘д̣̇зва, гухим̣ ман̣ий’’д̇и бужчид̇о мама д̇хаммагат̇игабхаавам̣ ван̣н̣зси. саа маяхам̣ д̇хаммагат̇ам̣ сод̇угаамаа худ̇ваа мама хад̣̇аяз д̣̇охал̣ам̣ уббаад̣̇зси. нааг̇арааж̇аа д̣̇уг̇г̇ахид̇зна бана д̇хийд̇арам̣ иранд̇хад̇им̣ ааха – ‘‘маад̇аа, д̇з вид̇хурасса хад̣̇аяамам̣сз д̣̇охал̣иний, д̇асса хад̣̇аяамам̣сам̣ аахарид̇ум̣ самад̇т̇ам̣ саамигам̣ бариязсаахий’’д̇и. саа бариязсанд̇ий взссаван̣асса бхааг̇инзяяам̣ бун̣н̣агам̣ наама яагкам̣ д̣̇исваа д̇ам̣ ад̇д̇ани бадиб̣ад̣̇д̇хажид̇д̇ам̣ н̃ад̇ваа бид̇у санд̇игам̣ нзси. ат̇а нам̣ со ‘‘вид̇хурабан̣д̣ид̇асса хад̣̇аяамам̣сам̣ аахарид̇ум̣ саггонд̇о иранд̇хад̇им̣ лабхиссасий’’д̇и ааха. бун̣н̣аго взбуллабаб̣б̣ад̇ад̇о жаггавад̇д̇ибарибхог̇ам̣ ман̣ирад̇анам̣ аахарид̇ваа д̇умхзхи сад̣̇д̇хим̣ ж̇ууд̇ам̣ гийл̣ид̇ваа мам̣ ж̇инид̇ваа лабхи. ахан̃жа мама нивзсанз д̇ийхам̣ васаабзд̇ваа маханд̇ам̣ саггаарам̣ агаасим̣. соби мам̣ ассаваалад̇хим̣ г̇аахаабзд̇ваа химаванд̇з ругкзсу жа баб̣б̣ад̇зсу жа бот̇зд̇ваа маарзд̇ум̣ асаггонд̇о сад̇д̇амз ваад̇агканд̇хз взрамбхаваад̇амукз жа багканд̣̇ид̇ваа анубуб̣б̣зна садтияож̇ануб̣б̣зд̇хз гаал̣ааг̇иримад̇т̇агз табзд̇ваа сийхавзсаад̣̇ивасзна ид̣̇ан̃жид̣̇ан̃жа руубам̣ гад̇вааби маарзд̇ум̣ асаггонд̇о маяаа ад̇д̇ано мааран̣агааран̣ам̣ будто аажигки. ат̇ассаахам̣ саад̇хунарад̇хаммз гат̇зсим̣. д̇ам̣ суд̇ваа басаннажид̇д̇о мам̣ ид̇ха аанзд̇угаамо ахоси.

Tattha yaṃ māṇavotyābhivadīti janinda yaṃ tvaṃ ‘‘māṇavo’’ti abhivadasi. Bhūmindharoti bhūmindharanāgabhavanavāsī. Sā nāgakaññāti yaṃ nāgakaññaṃ so patthayamāno mama maraṇāya patārayi cittaṃ pavattesi, sā nāgakaññā irandhatī nāma. Piyāya hetūti mahārāja, so hi nāgarājā catupposathikapañhavissajjane pasanno maṃ maṇinā pūjetvā nāgabhavanaṃ gato vimalāya nāma deviyā taṃ maṇiṃ adisvā ‘‘deva, kuhiṃ maṇī’’ti pucchito mama dhammakathikabhāvaṃ vaṇṇesi. Sā mayhaṃ dhammakathaṃ sotukāmā hutvā mama hadaye dohaḷaṃ uppādesi. Nāgarājā duggahitena pana dhītaraṃ irandhatiṃ āha – ‘‘mātā, te vidhurassa hadayamaṃse dohaḷinī, tassa hadayamaṃsaṃ āharituṃ samatthaṃ sāmikaṃ pariyesāhī’’ti. Sā pariyesantī vessavaṇassa bhāgineyyaṃ puṇṇakaṃ nāma yakkhaṃ disvā taṃ attani paṭibaddhacittaṃ ñatvā pitu santikaṃ nesi. Atha naṃ so ‘‘vidhurapaṇḍitassa hadayamaṃsaṃ āharituṃ sakkonto irandhatiṃ labhissasī’’ti āha. Puṇṇako vepullapabbatato cakkavattiparibhogaṃ maṇiratanaṃ āharitvā tumhehi saddhiṃ jūtaṃ kīḷitvā maṃ jinitvā labhi. Ahañca mama nivesane tīhaṃ vasāpetvā mahantaṃ sakkāraṃ akāsiṃ. Sopi maṃ assavāladhiṃ gāhāpetvā himavante rukkhesu ca pabbatesu ca pothetvā māretuṃ asakkonto sattame vātakkhandhe verambhavātamukhe ca pakkhanditvā anupubbena saṭṭhiyojanubbedhe kāḷāgirimatthake ṭhapetvā sīhavesādivasena idañcidañca rūpaṃ katvāpi māretuṃ asakkonto mayā attano māraṇakāraṇaṃ puṭṭho ācikkhi. Athassāhaṃ sādhunaradhamme kathesiṃ. Taṃ sutvā pasannacitto maṃ idha ānetukāmo ahosi.

ат̇аахам̣ д̇ам̣ аад̣̇ааяа нааг̇абхаванам̣ г̇анд̇ваа нааг̇аран̃н̃о жа вималааяа жа д̇хаммам̣ д̣̇зсзсим̣. д̇ад̇о нааг̇арааж̇аа жа вималаа жа саб̣б̣анааг̇абарисаа жа басийд̣̇им̣су. нааг̇арааж̇аа д̇ад̇т̇а маяаа чаахам̣ вуд̇т̇агаалз иранд̇хад̇им̣ бун̣н̣агасса ад̣̇ааси. со д̇ам̣ лабхид̇ваа басаннажид̇д̇о худ̇ваа мам̣ ман̣ирад̇анзна бууж̇зд̇ваа нааг̇арааж̇зна аан̣ад̇д̇о маномаяасинд̇хавам̣ ааробзд̇ваа саяам̣ маж̇жхимаасанз нисийд̣̇ид̇ваа иранд̇хад̇им̣ бажчимаасанз нисийд̣̇аабзд̇ваа мам̣ буримаасанз нисийд̣̇аабзд̇ваа ид̇хааг̇анд̇ваа барисамаж̇жхз од̇аарзд̇ваа иранд̇хад̇им̣ аад̣̇ааяа ад̇д̇ано наг̇арамзва г̇ад̇о. звам̣, махаарааж̇а, со бун̣н̣аго д̇ассаа сумаж̇жхааяа бияааяа хзд̇у бад̇аараяид̇т̇а маран̣ааяа маяхам̣. ат̇звам̣ мам̣ ниссааяа со жзва бхарияааяа саман̇г̇ибхууд̇о, мама д̇хаммагат̇ам̣ суд̇ваа басаннзна нааг̇арааж̇зна ахан̃жа анун̃н̃аад̇о, д̇асса бун̣н̣агасса санд̇игаа аяам̣ саб̣б̣агаамад̣̇ад̣̇о жаггавад̇д̇ибарибхог̇аман̣и жа лад̣̇д̇хо, г̇ан̣хат̇а, д̣̇зва, имам̣ ман̣инд̇и ран̃н̃о рад̇анам̣ ад̣̇ааси.

Athāhaṃ taṃ ādāya nāgabhavanaṃ gantvā nāgarañño ca vimalāya ca dhammaṃ desesiṃ. Tato nāgarājā ca vimalā ca sabbanāgaparisā ca pasīdiṃsu. Nāgarājā tattha mayā chāhaṃ vutthakāle irandhatiṃ puṇṇakassa adāsi. So taṃ labhitvā pasannacitto hutvā maṃ maṇiratanena pūjetvā nāgarājena āṇatto manomayasindhavaṃ āropetvā sayaṃ majjhimāsane nisīditvā irandhatiṃ pacchimāsane nisīdāpetvā maṃ purimāsane nisīdāpetvā idhāgantvā parisamajjhe otāretvā irandhatiṃ ādāya attano nagarameva gato. Evaṃ, mahārāja, so puṇṇako tassā sumajjhāya piyāya hetu patārayittha maraṇāya mayhaṃ. Athevaṃ maṃ nissāya so ceva bhariyāya samaṅgibhūto, mama dhammakathaṃ sutvā pasannena nāgarājena ahañca anuññāto, tassa puṇṇakassa santikā ayaṃ sabbakāmadado cakkavattiparibhogamaṇi ca laddho, gaṇhatha, deva, imaṃ maṇinti rañño ratanaṃ adāsi.

д̇ад̇о рааж̇аа бажжуусагаалз ад̇д̇анаа д̣̇идтасубинам̣ наг̇араваасийнам̣ гат̇зд̇угаамо ‘‘бхонд̇о, наг̇араваасино аж̇ж̇а маяаа д̣̇идтасубинам̣ сун̣аат̇аа’’д̇и вад̇ваа ааха –

Tato rājā paccūsakāle attanā diṭṭhasupinaṃ nagaravāsīnaṃ kathetukāmo ‘‘bhonto, nagaravāsino ajja mayā diṭṭhasupinaṃ suṇāthā’’ti vatvā āha –

1645.

‘‘ругко хи маяхам̣ бад̣̇ваарз суж̇аад̇о, бан̃н̃аагканд̇хо сийламаяасса саакаа;

‘‘Rukkho hi mayhaṃ padvāre sujāto, paññākkhandho sīlamayassa sākhā;

ад̇т̇з жа д̇хаммз жа тид̇о нибааго, г̇авабпало хад̇т̇иг̇аваассачанно.

Atthe ca dhamme ca ṭhito nipāko, gavapphalo hatthigavāssachanno.

1646.

‘‘нажжаг̇ийд̇ад̇уурияаабхинаад̣̇ид̇з, ужчиж̇ж̇а сзнам̣ бурисо ахааси;

‘‘Naccagītatūriyābhinādite, ucchijja senaṃ puriso ahāsi;

со но аяам̣ ааг̇ад̇о саннигзд̇ам̣, ругкассимассаабажид̇им̣ гарот̇а.

So no ayaṃ āgato sanniketaṃ, rukkhassimassāpacitiṃ karotha.

1647.

‘‘яз гзжи вид̇д̇аа мама бажжаязна, саб̣б̣зва д̇з баад̇угаронд̇у аж̇ж̇а;

‘‘Ye keci vittā mama paccayena, sabbeva te pātukarontu ajja;

д̇иб̣б̣аани гад̇ваана убааяанаани, ругкассимассаабажид̇им̣ гарот̇а.

Tibbāni katvāna upāyanāni, rukkhassimassāpacitiṃ karotha.

1648.

‘‘яз гзжи б̣ад̣̇д̇хаа мама ад̇т̇и радтз, саб̣б̣зва д̇з б̣анд̇ханаа можаяанд̇у;

‘‘Ye keci baddhā mama atthi raṭṭhe, sabbeva te bandhanā mocayantu;

яат̇зваяам̣ б̣анд̇ханасмаа бамуд̇д̇о, звамзд̇з мун̃жарз б̣анд̇ханасмаа.

Yathevayaṃ bandhanasmā pamutto, evamete muñcare bandhanasmā.

1649.

‘‘уннан̇г̇алаа маасамимам̣ гаронд̇у, мам̣сод̣̇анам̣ б̣раахман̣аа бхагкаяанд̇у;

‘‘Unnaṅgalā māsamimaṃ karontu, maṃsodanaṃ brāhmaṇā bhakkhayantu;

амаж̇ж̇абаа маж̇ж̇арахаа биванд̇у, бун̣н̣аахи т̇аалаахи балиссуд̇аахи.

Amajjapā majjarahā pivantu, puṇṇāhi thālāhi palissutāhi.

1650.

‘‘махаабат̇ам̣ нижжа самавхаяанд̇у, д̇иб̣б̣ан̃жа рагкам̣ вид̣̇аханд̇у радтз;

‘‘Mahāpathaṃ nicca samavhayantu, tibbañca rakkhaṃ vidahantu raṭṭhe;

яат̇аан̃н̃аман̃н̃ам̣ на вихзтаязяяум̣, ругкассимассаабажид̇им̣ гарот̇аа’’д̇и.

Yathāññamaññaṃ na viheṭhayeyyuṃ, rukkhassimassāpacitiṃ karothā’’ti.

д̇ад̇т̇а сийламаяасса саакаад̇и зд̇асса ругкасса сийламаяаа саакаа. ад̇т̇з жа д̇хаммзжаад̇и вад̣̇д̇хияан̃жа сабхаавз жа. тид̇о нибаагод̇и со бан̃н̃аамаяаругко бад̇идтид̇о. г̇авабпалод̇и бан̃жавид̇хаг̇орасапало. хад̇т̇иг̇аваассачаннод̇и алан̇гад̇ахад̇т̇иг̇аваассзхи сан̃чанно. нажжаг̇ийд̇ад̇уурияаабхинаад̣̇ид̇зд̇и ат̇а д̇асса ругкасса бууж̇ам̣ гаронд̇зна махааж̇анзна д̇асмим̣ ругкз зд̇зхи нажжаад̣̇ийхи абхинаад̣̇ид̇з. ужчиж̇ж̇а сзнам̣ бурисо ахаасийд̇и зго ган̣хабурисо ааг̇анд̇ваа д̇ам̣ ругкам̣ ужчиж̇ж̇а бариваарзд̇ваа тид̇ам̣ сзнам̣ балаабзд̇ваа ахааси г̇ахзд̇ваа г̇ад̇о. буна со ругко ааг̇анд̇ваа амхаагам̣ нивзсанад̣̇ваараязва тид̇о. со но аяам̣ ругкасад̣̇исо бан̣д̣ид̇о саннигзд̇ам̣ ааг̇ад̇о. ид̣̇аани саб̣б̣зва д̇умхз ругкасса имасса абажид̇им̣ гарот̇а, махаасаггаарам̣ бавад̇д̇зт̇а.

Tattha sīlamayassa sākhāti etassa rukkhassa sīlamayā sākhā. Atthe ca dhammecāti vaddhiyañca sabhāve ca. Ṭhito nipākoti so paññāmayarukkho patiṭṭhito. Gavapphaloti pañcavidhagorasaphalo. Hatthigavāssachannoti alaṅkatahatthigavāssehi sañchanno. Naccagītatūriyābhināditeti atha tassa rukkhassa pūjaṃ karontena mahājanena tasmiṃ rukkhe etehi naccādīhi abhinādite. Ucchijja senaṃ puriso ahāsīti eko kaṇhapuriso āgantvā taṃ rukkhaṃ ucchijja parivāretvā ṭhitaṃ senaṃ palāpetvā ahāsi gahetvā gato. Puna so rukkho āgantvā amhākaṃ nivesanadvārayeva ṭhito. So no ayaṃ rukkhasadiso paṇḍito sanniketaṃ āgato. Idāni sabbeva tumhe rukkhassa imassa apacitiṃ karotha, mahāsakkāraṃ pavattetha.

мама бажжаязнаад̇и амбхо, амажжаа яз гзжи мам̣ ниссааяа лад̣̇д̇хзна яасзна вид̇д̇аа д̇удтажид̇д̇аа, д̇з саб̣б̣з ад̇д̇ано вид̇д̇ам̣ баад̇угаронд̇у. д̇иб̣б̣аанийд̇и б̣ахалаани маханд̇аани. убааяанаанийд̇и бан̣н̣аагаарз. яз гзжийд̇и анд̇амасо гийл̣анад̇т̇ааяа б̣ад̣̇д̇хз миг̇абагкино убаад̣̇ааяа. мун̃жарзд̇и мун̃жанд̇у. уннан̇г̇алаа маасамимам̣ гаронд̇ууд̇и имам̣ маасам̣ гасананан̇г̇алаани уссаабзд̇ваа згаманд̇з табзд̇ваа наг̇арз бхзрим̣ жараабзд̇ваа саб̣б̣зва мануссаа махаачан̣ам̣ гаронд̇у. бхагкаяанд̇ууд̇и бхун̃ж̇анд̇у. амаж̇ж̇абаад̇и зд̇т̇а а-гааро нибаад̇амад̇д̇ам̣, маж̇ж̇абаа бурисаа маж̇ж̇арахаа ад̇д̇ано ад̇д̇ано аабаанадтаанзсу нисиннаа биванд̇ууд̇и ад̇т̇о. бун̣н̣аахи т̇аалаахийд̇и бун̣н̣зхи т̇аалзхи. балиссуд̇аахийд̇и ад̇ибун̣н̣ад̇д̇аа баг̇гхарамаанзхи. махаабат̇ам̣ нижжа самавхаяанд̇ууд̇и анд̇онаг̇арз алан̇гад̇амахаабат̇ам̣ рааж̇амаг̇г̇ам̣ ниссааяа тид̇аа взсияаа нижжагаалам̣ гилзсавасзна гилзсад̇т̇игам̣ ж̇анам̣ авхаяанд̇ууд̇и ад̇т̇о. д̇иб̣б̣анд̇и г̇аал̣хам̣. яат̇аад̇и яат̇аа рагкасса сусам̣вихид̇ад̇д̇аа уннан̇г̇алаа худ̇ваа ругкассимасса абажид̇им̣ гаронд̇аа ан̃н̃аман̃н̃ам̣ на вихзтаязяяум̣, звам̣ рагкам̣ сам̣вид̣̇аханд̇ууд̇и ад̇т̇о.

Mama paccayenāti ambho, amaccā ye keci maṃ nissāya laddhena yasena vittā tuṭṭhacittā, te sabbe attano vittaṃ pātukarontu. Tibbānīti bahalāni mahantāni. Upāyanānīti paṇṇākāre. Ye kecīti antamaso kīḷanatthāya baddhe migapakkhino upādāya. Muñcareti muñcantu. Unnaṅgalā māsamimaṃ karontūti imaṃ māsaṃ kasananaṅgalāni ussāpetvā ekamante ṭhapetvā nagare bheriṃ carāpetvā sabbeva manussā mahāchaṇaṃ karontu. Bhakkhayantūti bhuñjantu. Amajjapāti ettha a-kāro nipātamattaṃ, majjapā purisā majjarahā attano attano āpānaṭṭhānesu nisinnā pivantūti attho. Puṇṇāhi thālāhīti puṇṇehi thālehi. Palissutāhīti atipuṇṇattā paggharamānehi. Mahāpathaṃ nicca samavhayantūti antonagare alaṅkatamahāpathaṃ rājamaggaṃ nissāya ṭhitā vesiyā niccakālaṃ kilesavasena kilesatthikaṃ janaṃ avhayantūti attho. Tibbanti gāḷhaṃ. Yathāti yathā rakkhassa susaṃvihitattā unnaṅgalā hutvā rukkhassimassa apacitiṃ karontā aññamaññaṃ na viheṭhayeyyuṃ, evaṃ rakkhaṃ saṃvidahantūti attho.

звам̣ ран̃н̃аа вуд̇д̇з –

Evaṃ raññā vutte –

1651.

‘‘ород̇хаа жа гумаараа жа, взсияаанаа жа б̣раахман̣аа;

‘‘Orodhā ca kumārā ca, vesiyānā ca brāhmaṇā;

б̣ахум̣ аннан̃жа баанан̃жа, бан̣д̣ид̇ассаабхихаараяум̣.

Bahuṃ annañca pānañca, paṇḍitassābhihārayuṃ.

1652.

‘‘хад̇т̇аарохаа анийгадтаа, рат̇игаа бад̇д̇игаарагаа;

‘‘Hatthārohā anīkaṭṭhā, rathikā pattikārakā;

б̣ахум̣ аннан̃жа баанан̃жа, бан̣д̣ид̇ассаабхихаараяум̣.

Bahuṃ annañca pānañca, paṇḍitassābhihārayuṃ.

1653.

‘‘самааг̇ад̇аа ж̇аанабад̣̇аа, нзг̇амаа жа самааг̇ад̇аа;

‘‘Samāgatā jānapadā, negamā ca samāgatā;

б̣ахум̣ аннан̃жа баанан̃жа, бан̣д̣ид̇ассаабхихаараяум̣.

Bahuṃ annañca pānañca, paṇḍitassābhihārayuṃ.

1654.

‘‘б̣ахуж̇ано басанноси, д̣̇исваа бан̣д̣ид̇амааг̇ад̇з;

‘‘Bahujano pasannosi, disvā paṇḍitamāgate;

бан̣д̣ид̇амхи ануббад̇д̇з, жзлугкзбо бавад̇д̇ат̇аа’’д̇и.

Paṇḍitamhi anuppatte, celukkhepo pavattathā’’ti.

д̇ад̇т̇а абхихаараяунд̇и звам̣ ран̃н̃аа аан̣ад̇д̇аа махаачан̣ам̣ бадияаад̣̇зд̇ваа саб̣б̣з сад̇д̇з б̣анд̇ханаа можзд̇ваа зд̇з саб̣б̣з ород̇хаад̣̇аяо наанаббагаарам̣ бан̣н̣аагаарам̣ саж̇ж̇ид̇ваа д̇зна сад̣̇д̇хим̣ аннан̃жа баанан̃жа бан̣д̣ид̇асса бзсзсум̣. бан̣д̣ид̇амааг̇ад̇зд̇и бан̣д̣ид̇з ааг̇ад̇з д̇ам̣ бан̣д̣ид̇ам̣ д̣̇исваа б̣ахуж̇ано басанно ахоси.

Tattha abhihārayunti evaṃ raññā āṇattā mahāchaṇaṃ paṭiyādetvā sabbe satte bandhanā mocetvā ete sabbe orodhādayo nānappakāraṃ paṇṇākāraṃ sajjitvā tena saddhiṃ annañca pānañca paṇḍitassa pesesuṃ. Paṇḍitamāgateti paṇḍite āgate taṃ paṇḍitaṃ disvā bahujano pasanno ahosi.

чан̣о маасзна осаанам̣ аг̇амааси. д̇ад̇о махаасад̇д̇о б̣уд̣̇д̇хагижжам̣ саад̇хзнд̇о вияа махааж̇анасса д̇хаммам̣ д̣̇зсзнд̇о рааж̇аанан̃жа анусаасанд̇о д̣̇аанаад̣̇ийни бун̃н̃аани гад̇ваа яаавад̇ааяугам̣ тад̇ваа ааяубарияосаанз саг̇г̇абарааяан̣о ахоси. рааж̇аанам̣ аад̣̇им̣ гад̇ваа саб̣б̣зби наг̇араваасино бан̣д̣ид̇ассоваад̣̇з тад̇ваа д̣̇аанаад̣̇ийни бун̃н̃аани гад̇ваа ааяубарияосаанз саг̇г̇абурам̣ буураяим̣су.

Chaṇo māsena osānaṃ agamāsi. Tato mahāsatto buddhakiccaṃ sādhento viya mahājanassa dhammaṃ desento rājānañca anusāsanto dānādīni puññāni katvā yāvatāyukaṃ ṭhatvā āyupariyosāne saggaparāyaṇo ahosi. Rājānaṃ ādiṃ katvā sabbepi nagaravāsino paṇḍitassovāde ṭhatvā dānādīni puññāni katvā āyupariyosāne saggapuraṃ pūrayiṃsu.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о бан̃н̃аасамбанно убааяагусалоязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа бан̣д̣ид̇асса маад̇аабид̇аро махаарааж̇агулаани ахзсум̣, ж̇здтабхарияаа раахуламаад̇аа, ж̇здтабуд̇д̇о раахуло, вималаа уббалаван̣н̣аа, варун̣анааг̇арааж̇аа саарибуд̇д̇о, субан̣н̣арааж̇аа мог̇г̇аллаано, сагго ануруд̣̇д̇хо, д̇ханан̃жаяагораб̣яарааж̇аа аананд̣̇о, бун̣н̣аго чанно, барисаа б̣уд̣̇д̇хабарисаа, вид̇хурабан̣д̣ид̇о бана ахамзва саммаасамб̣уд̣̇д̇хо ахоси’’нд̇и.

Satthā imaṃ dhammadesanaṃ āharitvā ‘‘na, bhikkhave, idāneva, pubbepi tathāgato paññāsampanno upāyakusaloyevā’’ti vatvā jātakaṃ samodhānesi – ‘‘tadā paṇḍitassa mātāpitaro mahārājakulāni ahesuṃ, jeṭṭhabhariyā rāhulamātā, jeṭṭhaputto rāhulo, vimalā uppalavaṇṇā, varuṇanāgarājā sāriputto, supaṇṇarājā moggallāno, sakko anuruddho, dhanañcayakorabyarājā ānando, puṇṇako channo, parisā buddhaparisā, vidhurapaṇḍito pana ahameva sammāsambuddho ahosi’’nti.

вид̇хураж̇аад̇агаван̣н̣анаа навамаа.

Vidhurajātakavaṇṇanā navamā.

Next: [547] 10. взссанд̇араж̇аад̇агаван̣н̣анаа • [547] 10. Vessantarajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 546. вид̇хураж̇аад̇агам̣ • 546. Vidhurajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact