| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. விக்³கா³ஹிககதா²ஸுத்தங்
9. Viggāhikakathāsuttaṃ
1079. ‘‘மா , பி⁴க்க²வே, விக்³கா³ஹிககத²ங் கதெ²ய்யாத² 1 – ‘ந த்வங் இமங் த⁴ம்மவினயங் ஆஜானாஸி, அஹங் இமங் த⁴ம்மவினயங் ஆஜானாமி. கிங் த்வங் இமங் த⁴ம்மவினயங் ஆஜானிஸ்ஸஸி! மிச்சா²படிபன்னோ த்வமஸி, அஹமஸ்மி ஸம்மாபடிபன்னோ. ஸஹிதங் மே, அஸஹிதங் தே. புரேவசனீயங் பச்சா² அவச, பச்சா²வசனீயங் புரே அவச. அதி⁴சிண்ணங் 2 தே விபராவத்தங். ஆரோபிதோ தே வாதோ³, சர வாத³ப்பமொக்கா²ய. நிக்³க³ஹிதோஸி, நிப்³பே³டே²ஹி வா ஸசே பஹோஸீ’தி. தங் கிஸ்ஸ ஹேது? நேஸா, பி⁴க்க²வே, கதா² அத்த²ஸங்ஹிதா நாதி³ப்³ரஹ்மசரியகா ந நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந ஸம்போ³தா⁴ய ந நிப்³பா³னாய ஸங்வத்ததி.
1079. ‘‘Mā , bhikkhave, viggāhikakathaṃ katheyyātha 3 – ‘na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi. Kiṃ tvaṃ imaṃ dhammavinayaṃ ājānissasi! Micchāpaṭipanno tvamasi, ahamasmi sammāpaṭipanno. Sahitaṃ me, asahitaṃ te. Purevacanīyaṃ pacchā avaca, pacchāvacanīyaṃ pure avaca. Adhiciṇṇaṃ 4 te viparāvattaṃ. Āropito te vādo, cara vādappamokkhāya. Niggahitosi, nibbeṭhehi vā sace pahosī’ti. Taṃ kissa hetu? Nesā, bhikkhave, kathā atthasaṃhitā nādibrahmacariyakā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati.
‘‘கதெ²ந்தா ச கோ² தும்ஹே, பி⁴க்க²வே, ‘இத³ங் து³க்க²’ந்தி கதெ²ய்யாத² , ‘அயங் து³க்க²ஸமுத³யோ’தி கதெ²ய்யாத², ‘அயங் து³க்க²னிரோதோ⁴’தி கதெ²ய்யாத², ‘அயங் து³க்க²னிரோத⁴கா³மினீ படிபதா³’தி கதெ²ய்யாத²…பே॰… யோகோ³ கரணீயோ’’தி. நவமங்.
‘‘Kathentā ca kho tumhe, bhikkhave, ‘idaṃ dukkha’nti katheyyātha , ‘ayaṃ dukkhasamudayo’ti katheyyātha, ‘ayaṃ dukkhanirodho’ti katheyyātha, ‘ayaṃ dukkhanirodhagāminī paṭipadā’ti katheyyātha…pe… yogo karaṇīyo’’ti. Navamaṃ.
Footnotes:
