| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. විග්‌ගාහිකකථාසුත්‌තං
9. Viggāhikakathāsuttaṃ
1079. ‘‘මා , භික්‌ඛවෙ, විග්‌ගාහිකකථං කථෙය්‍යාථ 1 – ‘න ත්‌වං ඉමං ධම්‌මවිනයං ආජානාසි, අහං ඉමං ධම්‌මවිනයං ආජානාමි. කිං ත්‌වං ඉමං ධම්‌මවිනයං ආජානිස්‌සසි! මිච්‌ඡාපටිපන්‌නො ත්‌වමසි, අහමස්‌මි සම්‌මාපටිපන්‌නො. සහිතං මෙ, අසහිතං තෙ. පුරෙවචනීයං පච්‌ඡා අවච, පච්‌ඡාවචනීයං පුරෙ අවච. අධිචිණ්‌ණං 2 තෙ විපරාවත්‌තං. ආරොපිතො තෙ වාදො, චර වාදප්‌පමොක්‌ඛාය. නිග්‌ගහිතොසි, නිබ්‌බෙඨෙහි වා සචෙ පහොසී’ති. තං කිස්‌ස හෙතු? නෙසා, භික්‌ඛවෙ, කථා අත්‌ථසංහිතා නාදිබ්‍රහ්‌මචරියකා න නිබ්‌බිදාය න විරාගාය න නිරොධාය න උපසමාය න අභිඤ්‌ඤාය න සම්‌බොධාය න නිබ්‌බානාය සංවත්‌තති.
1079. ‘‘Mā , bhikkhave, viggāhikakathaṃ katheyyātha 3 – ‘na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi. Kiṃ tvaṃ imaṃ dhammavinayaṃ ājānissasi! Micchāpaṭipanno tvamasi, ahamasmi sammāpaṭipanno. Sahitaṃ me, asahitaṃ te. Purevacanīyaṃ pacchā avaca, pacchāvacanīyaṃ pure avaca. Adhiciṇṇaṃ 4 te viparāvattaṃ. Āropito te vādo, cara vādappamokkhāya. Niggahitosi, nibbeṭhehi vā sace pahosī’ti. Taṃ kissa hetu? Nesā, bhikkhave, kathā atthasaṃhitā nādibrahmacariyakā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati.
‘‘කථෙන්‌තා ච ඛො තුම්‌හෙ, භික්‌ඛවෙ, ‘ඉදං දුක්‌ඛ’න්‌ති කථෙය්‍යාථ , ‘අයං දුක්‌ඛසමුදයො’ති කථෙය්‍යාථ, ‘අයං දුක්‌ඛනිරොධො’ති කථෙය්‍යාථ, ‘අයං දුක්‌ඛනිරොධගාමිනී පටිපදා’ති කථෙය්‍යාථ…පෙ.… යොගො කරණීයො’’ති. නවමං.
‘‘Kathentā ca kho tumhe, bhikkhave, ‘idaṃ dukkha’nti katheyyātha , ‘ayaṃ dukkhasamudayo’ti katheyyātha, ‘ayaṃ dukkhanirodho’ti katheyyātha, ‘ayaṃ dukkhanirodhagāminī paṭipadā’ti katheyyātha…pe… yogo karaṇīyo’’ti. Navamaṃ.
Footnotes:
