| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༩. ཝིགྒཱཧིཀཀཐཱསུཏྟཾ
9. Viggāhikakathāsuttaṃ
༡༠༧༩. ‘‘མཱ , བྷིཀྑཝེ, ཝིགྒཱཧིཀཀཐཾ ཀཐེཡྻཱཐ 1 – ‘ན ཏྭཾ ཨིམཾ དྷམྨཝིནཡཾ ཨཱཛཱནཱསི, ཨཧཾ ཨིམཾ དྷམྨཝིནཡཾ ཨཱཛཱནཱམི། ཀིཾ ཏྭཾ ཨིམཾ དྷམྨཝིནཡཾ ཨཱཛཱནིསྶསི! མིཙྪཱཔཊིཔནྣོ ཏྭམསི, ཨཧམསྨི སམྨཱཔཊིཔནྣོ། སཧིཏཾ མེ, ཨསཧིཏཾ ཏེ། པུརེཝཙནཱིཡཾ པཙྪཱ ཨཝཙ, པཙྪཱཝཙནཱིཡཾ པུརེ ཨཝཙ། ཨདྷིཙིཎྞཾ 2 ཏེ ཝིཔརཱཝཏྟཾ། ཨཱརོཔིཏོ ཏེ ཝཱདོ, ཙར ཝཱདཔྤམོཀྑཱཡ། ནིགྒཧིཏོསི, ནིབྦེཋེཧི ཝཱ སཙེ པཧོསཱི’ཏི། ཏཾ ཀིསྶ ཧེཏུ? ནེསཱ, བྷིཀྑཝེ, ཀཐཱ ཨཏྠསཾཧིཏཱ ནཱདིབྲཧྨཙརིཡཀཱ ན ནིབྦིདཱཡ ན ཝིརཱགཱཡ ན ནིརོདྷཱཡ ན ཨུཔསམཱཡ ན ཨབྷིཉྙཱཡ ན སམྦོདྷཱཡ ན ནིབྦཱནཱཡ སཾཝཏྟཏི།
1079. ‘‘Mā , bhikkhave, viggāhikakathaṃ katheyyātha 3 – ‘na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi. Kiṃ tvaṃ imaṃ dhammavinayaṃ ājānissasi! Micchāpaṭipanno tvamasi, ahamasmi sammāpaṭipanno. Sahitaṃ me, asahitaṃ te. Purevacanīyaṃ pacchā avaca, pacchāvacanīyaṃ pure avaca. Adhiciṇṇaṃ 4 te viparāvattaṃ. Āropito te vādo, cara vādappamokkhāya. Niggahitosi, nibbeṭhehi vā sace pahosī’ti. Taṃ kissa hetu? Nesā, bhikkhave, kathā atthasaṃhitā nādibrahmacariyakā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati.
‘‘ཀཐེནྟཱ ཙ ཁོ ཏུམྷེ, བྷིཀྑཝེ, ‘ཨིདཾ དུཀྑ’ནྟི ཀཐེཡྻཱཐ , ‘ཨཡཾ དུཀྑསམུདཡོ’ཏི ཀཐེཡྻཱཐ, ‘ཨཡཾ དུཀྑནིརོདྷོ’ཏི ཀཐེཡྻཱཐ, ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཀཐེཡྻཱཐ…པེ॰… ཡོགོ ཀརཎཱིཡོ’’ཏི། ནཝམཾ།
‘‘Kathentā ca kho tumhe, bhikkhave, ‘idaṃ dukkha’nti katheyyātha , ‘ayaṃ dukkhasamudayo’ti katheyyātha, ‘ayaṃ dukkhanirodho’ti katheyyātha, ‘ayaṃ dukkhanirodhagāminī paṭipadā’ti katheyyātha…pe… yogo karaṇīyo’’ti. Navamaṃ.
Footnotes:
