| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
7. вихаарагаарасигкаабад̣̇ам̣
7. Vihārakārasikkhāpadaṃ
365. д̇зна самаязна б̣уд̣̇д̇хо бхаг̇аваа госамб̣ияам̣ вихарад̇и гхосид̇аараамз. д̇зна ко бана самаязна ааяасмад̇о чаннасса убадтааго г̇ахабад̇и ааяасманд̇ам̣ чаннам̣ зд̇ад̣̇авожа – ‘‘вихааравад̇т̇ум̣, бханд̇з, ж̇аанаахи аяяасса вихаарам̣ гаараабзссаамий’’д̇и. ат̇а ко ааяасмаа чанно вихааравад̇т̇ум̣ сод̇хзнд̇о ан̃н̃ад̇арам̣ жзд̇ияаругкам̣ чзд̣̇аабзси г̇аамабууж̇ид̇ам̣ ниг̇амабууж̇ид̇ам̣ наг̇арабууж̇ид̇ам̣ ж̇анабад̣̇абууж̇ид̇ам̣ радтабууж̇ид̇ам̣. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа жзд̇ияаругкам̣ чзд̣̇аабзссанд̇и г̇аамабууж̇ид̇ам̣ ниг̇амабууж̇ид̇ам̣ наг̇арабууж̇ид̇ам̣ ж̇анабад̣̇абууж̇ид̇ам̣ радтабууж̇ид̇ам̣! згинд̣̇рияам̣ саман̣аа сагяабуд̇д̇ияаа ж̇ийвам̣ вихзтзнд̇ий’’ 1 д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа чанно жзд̇ияаругкам̣ чзд̣̇аабзссад̇и г̇аамабууж̇ид̇ам̣…бз… радтабууж̇ид̇а’’нд̇и! ат̇а ко д̇з бхигкуу ааяасманд̇ам̣ чаннам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, чанна, жзд̇ияаругкам̣ чзд̣̇аабзси г̇аамабууж̇ид̇ам̣…бз… радтабууж̇ид̇а’’нд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇вам̣, могхабуриса, жзд̇ияаругкам̣ чзд̣̇аабзссаси г̇аамабууж̇ид̇ам̣ ниг̇амабууж̇ид̇ам̣ наг̇арабууж̇ид̇ам̣ ж̇анабад̣̇абууж̇ид̇ам̣ радтабууж̇ид̇ам̣! ж̇ийвасан̃н̃ино хи, могхабуриса, мануссаа ругкасмим̣. нзд̇ам̣, могхабуриса , аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
365. Tena samayena buddho bhagavā kosambiyaṃ viharati ghositārāme. Tena kho pana samayena āyasmato channassa upaṭṭhāko gahapati āyasmantaṃ channaṃ etadavoca – ‘‘vihāravatthuṃ, bhante, jānāhi ayyassa vihāraṃ kārāpessāmī’’ti. Atha kho āyasmā channo vihāravatthuṃ sodhento aññataraṃ cetiyarukkhaṃ chedāpesi gāmapūjitaṃ nigamapūjitaṃ nagarapūjitaṃ janapadapūjitaṃ raṭṭhapūjitaṃ. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā cetiyarukkhaṃ chedāpessanti gāmapūjitaṃ nigamapūjitaṃ nagarapūjitaṃ janapadapūjitaṃ raṭṭhapūjitaṃ! Ekindriyaṃ samaṇā sakyaputtiyā jīvaṃ viheṭhentī’’ 2 ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo cetiyarukkhaṃ chedāpessati gāmapūjitaṃ…pe… raṭṭhapūjita’’nti! Atha kho te bhikkhū āyasmantaṃ channaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, channa, cetiyarukkhaṃ chedāpesi gāmapūjitaṃ…pe… raṭṭhapūjita’’nti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tvaṃ, moghapurisa, cetiyarukkhaṃ chedāpessasi gāmapūjitaṃ nigamapūjitaṃ nagarapūjitaṃ janapadapūjitaṃ raṭṭhapūjitaṃ! Jīvasaññino hi, moghapurisa, manussā rukkhasmiṃ. Netaṃ, moghapurisa , appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
366. ‘‘махаллагам̣ бана бхигкунаа вихаарам̣ гаараяамаанзна сассаамигам̣ ад̇д̇уд̣̇д̣̇зсам̣ бхигкуу абхинзд̇аб̣б̣аа вад̇т̇уд̣̇зсанааяа. д̇зхи бхигкуухи вад̇т̇у д̣̇зсзд̇аб̣б̣ам̣ анаарамбхам̣ сабариггаманам̣. саарамбхз жз бхигку вад̇т̇усмим̣ абариггаманз махаллагам̣ вихаарам̣ гаарзяяа бхигкуу ваа анабхинзяяа вад̇т̇уд̣̇зсанааяа, сан̇гхаад̣̇исзсо’’д̇и.
366.‘‘Mahallakaṃ pana bhikkhunā vihāraṃ kārayamānena sassāmikaṃ attuddesaṃ bhikkhū abhinetabbā vatthudesanāya. Tehi bhikkhūhi vatthu desetabbaṃ anārambhaṃ saparikkamanaṃ. Sārambhe ce bhikkhu vatthusmiṃ aparikkamane mahallakaṃ vihāraṃ kāreyya bhikkhū vā anabhineyya vatthudesanāya, saṅghādiseso’’ti.
367. махаллаго наама вихааро сассаамиго вужжад̇и.
367.Mahallako nāma vihāro sassāmiko vuccati.
вихааро наама уллид̇д̇о ваа ход̇и авалид̇д̇о ваа уллид̇д̇аавалид̇д̇о ваа.
Vihāro nāma ullitto vā hoti avalitto vā ullittāvalitto vā.
гаараяамаанзнаад̇и гаронд̇о ваа гаараабзнд̇о ваа.
Kārayamānenāti karonto vā kārāpento vā.
сассаамиганд̇и ан̃н̃о гожи саамиго ход̇и ид̇т̇ий ваа бурисо ваа г̇ахадто ваа баб̣б̣аж̇ид̇о ваа.
Sassāmikanti añño koci sāmiko hoti itthī vā puriso vā gahaṭṭho vā pabbajito vā.
ад̇д̇уд̣̇д̣̇зсанд̇и ад̇д̇ано ад̇т̇ааяа.
Attuddesanti attano atthāya.
бхигкуу абхинзд̇аб̣б̣аа вад̇т̇уд̣̇зсанааяаад̇и д̇зна вихаарагаарагзна бхигкунаа вихааравад̇т̇ум̣ сод̇хзд̇ваа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, бханд̇з, махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣. сохам̣, бханд̇з, сан̇гхам̣ вихааравад̇т̇уологанам̣ яаажаамий’’д̇и. д̣̇уд̇ияамби яаажид̇аб̣б̣аа. д̇ад̇ияамби яаажид̇аб̣б̣аа. сажз саб̣б̣о сан̇гхо уссахад̇и вихааравад̇т̇ум̣ ологзд̇ум̣ саб̣б̣зна сан̇гхзна ологзд̇аб̣б̣ам̣. но жз саб̣б̣о сан̇гхо уссахад̇и вихааравад̇т̇ум̣ ологзд̇ум̣, яз д̇ад̇т̇а хонд̇и бхигкуу б̣яад̇д̇аа бадиб̣алаа саарамбхам̣ анаарамбхам̣ сабариггаманам̣ абариггаманам̣ ж̇аанид̇ум̣ д̇з яаажид̇ваа самманнид̇аб̣б̣аа. зван̃жа бана, бхигкавз, самманнид̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Bhikkhū abhinetabbā vatthudesanāyāti tena vihārakārakena bhikkhunā vihāravatthuṃ sodhetvā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, mahallakaṃ vihāraṃ kattukāmo sassāmikaṃ attuddesaṃ. Sohaṃ, bhante, saṅghaṃ vihāravatthuolokanaṃ yācāmī’’ti. Dutiyampi yācitabbā. Tatiyampi yācitabbā. Sace sabbo saṅgho ussahati vihāravatthuṃ oloketuṃ sabbena saṅghena oloketabbaṃ. No ce sabbo saṅgho ussahati vihāravatthuṃ oloketuṃ, ye tattha honti bhikkhū byattā paṭibalā sārambhaṃ anārambhaṃ saparikkamanaṃ aparikkamanaṃ jānituṃ te yācitvā sammannitabbā. Evañca pana, bhikkhave, sammannitabbā. Byattena bhikkhunā paṭibalena saṅgho ñāpetabbo –
368. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣. со сан̇гхам̣ вихааравад̇т̇уологанам̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннааман̃жа ид̇т̇аннааман̃жа бхигку самманнзяяа ид̇т̇аннаамасса бхигкуно вихааравад̇т̇ум̣ ологзд̇ум̣. зсаа н̃ад̇д̇и.
368. ‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthuolokanaṃ yācati. Yadi saṅghassa pattakallaṃ, saṅgho itthannāmañca itthannāmañca bhikkhu sammanneyya itthannāmassa bhikkhuno vihāravatthuṃ oloketuṃ. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣. со сан̇гхам̣ вихааравад̇т̇уологанам̣ яаажад̇и. сан̇гхо ид̇т̇аннааман̃жа ид̇т̇аннааман̃жа бхигкуу самманнад̇и ид̇т̇аннаамасса бхигкуно вихааравад̇т̇ум̣ ологзд̇ум̣. яассааяасмад̇о камад̇и ид̇т̇аннаамасса жа ид̇т̇аннаамасса жа бхигкуунам̣ саммуд̇и ид̇т̇аннаамасса бхигкуно вихааравад̇т̇ум̣ ологзд̇ум̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthuolokanaṃ yācati. Saṅgho itthannāmañca itthannāmañca bhikkhū sammannati itthannāmassa bhikkhuno vihāravatthuṃ oloketuṃ. Yassāyasmato khamati itthannāmassa ca itthannāmassa ca bhikkhūnaṃ sammuti itthannāmassa bhikkhuno vihāravatthuṃ oloketuṃ, so tuṇhassa; yassa nakkhamati, so bhāseyya.
‘‘саммад̇аа сан̇гхзна ид̇т̇аннаамо жа ид̇т̇аннаамо жа бхигкуу ид̇т̇аннаамасса бхигкуно вихааравад̇т̇ум̣ ологзд̇ум̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammatā saṅghena itthannāmo ca itthannāmo ca bhikkhū itthannāmassa bhikkhuno vihāravatthuṃ oloketuṃ. Khamati saṅghassa, tasmā tuṇhī, evametaṃ dhārayāmī’’ti.
369. д̇зхи саммад̇зхи бхигкуухи д̇ад̇т̇а г̇анд̇ваа вихааравад̇т̇у ологзд̇аб̣б̣ам̣; саарамбхам̣ анаарамбхам̣ сабариггаманам̣ абариггаманам̣ ж̇аанид̇аб̣б̣ам̣. сажз саарамбхам̣ ход̇и абариггаманам̣, ‘мааяид̇ха гарий’д̇и вад̇д̇аб̣б̣о. сажз анаарамбхам̣ ход̇и сабариггаманам̣, сан̇гхасса аарожзд̇аб̣б̣ам̣ – ‘анаарамбхам̣ сабариггамана’нд̇и . д̇зна вихаарагаарагзна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, бханд̇з, махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣ . сохам̣, бханд̇з, сан̇гхам̣ вихааравад̇т̇уд̣̇зсанам̣ яаажаамий’’д̇и. д̣̇уд̇ияамби яаажид̇аб̣б̣аа. д̇ад̇ияамби яаажид̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
369. Tehi sammatehi bhikkhūhi tattha gantvā vihāravatthu oloketabbaṃ; sārambhaṃ anārambhaṃ saparikkamanaṃ aparikkamanaṃ jānitabbaṃ. Sace sārambhaṃ hoti aparikkamanaṃ, ‘māyidha karī’ti vattabbo. Sace anārambhaṃ hoti saparikkamanaṃ, saṅghassa ārocetabbaṃ – ‘anārambhaṃ saparikkamana’nti . Tena vihārakārakena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, mahallakaṃ vihāraṃ kattukāmo sassāmikaṃ attuddesaṃ . Sohaṃ, bhante, saṅghaṃ vihāravatthudesanaṃ yācāmī’’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
370. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣. со сан̇гхам̣ вихааравад̇т̇уд̣̇зсанам̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно вихааравад̇т̇ум̣ д̣̇зсзяяа. зсаа н̃ад̇д̇и.
370. ‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthudesanaṃ yācati. Yadi saṅghassa pattakallaṃ, saṅgho itthannāmassa bhikkhuno vihāravatthuṃ deseyya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣. со сан̇гхам̣ вихааравад̇т̇уд̣̇зсанам̣ яаажад̇и. сан̇гхо ид̇т̇аннаамасса бхигкуно вихааравад̇т̇ум̣ д̣̇зсзд̇и. яассааяасмад̇о камад̇и ид̇т̇аннаамасса бхигкуно вихааравад̇т̇усса д̣̇зсанаа, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthudesanaṃ yācati. Saṅgho itthannāmassa bhikkhuno vihāravatthuṃ deseti. Yassāyasmato khamati itthannāmassa bhikkhuno vihāravatthussa desanā, so tuṇhassa; yassa nakkhamati, so bhāseyya.
‘‘д̣̇зсид̇ам̣ сан̇гхзна ид̇т̇аннаамасса бхигкуно вихааравад̇т̇ум̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Desitaṃ saṅghena itthannāmassa bhikkhuno vihāravatthuṃ. Khamati saṅghassa, tasmā tuṇhī, evametaṃ dhārayāmī’’ti.
371. саарамбхам̣ наама гибиллигаанам̣ ваа аасаяо ход̇и, убажигаанам̣ ваа аасаяо ход̇и, унд̣̇уураанам̣ ваа…бз… ахийнам̣ ваа вижчигаанам̣ ваа сад̇абад̣̇ийнам̣ ваа хад̇т̇ийнам̣ ваа ассаанам̣ ваа сийхаанам̣ ваа б̣яаг̇гхаанам̣ ваа д̣̇ийбийнам̣ ваа ажчаанам̣ ваа д̇аражчаанам̣ ваа аасаяо ход̇и, язсам̣ гзсан̃жи д̇иражчаанаг̇ад̇аанам̣ баан̣аанам̣ аасаяо ход̇и, буб̣б̣ан̣н̣аниссид̇ам̣ ваа ход̇и, абаран̣н̣аниссид̇ам̣ ваа ход̇и, аб̣бхаагхаад̇аниссид̇ам̣ ваа ход̇и, аагхаад̇ананиссид̇ам̣ ваа ход̇и, сусаананиссид̇ам̣ ваа ход̇и, уяяаананиссид̇ам̣ ваа ход̇и, рааж̇авад̇т̇униссид̇ам̣ ваа ход̇и, хад̇т̇исаалааниссид̇ам̣ ваа ход̇и, ассасаалааниссид̇ам̣ ваа ход̇и, б̣анд̇ханааг̇аараниссид̇ам̣ ваа ход̇и, баанааг̇аараниссид̇ам̣ ваа ход̇и, суунаниссид̇ам̣ ваа ход̇и, ражчааниссид̇ам̣ ваа ход̇и, жажжараниссид̇ам̣ ваа ход̇и, сабхааниссид̇ам̣ ваа ход̇и, сам̣саран̣аниссид̇ам̣ ваа ход̇и. зд̇ам̣ саарамбхам̣ наама.
371.Sārambhaṃ nāma kipillikānaṃ vā āsayo hoti, upacikānaṃ vā āsayo hoti, undūrānaṃ vā…pe… ahīnaṃ vā vicchikānaṃ vā satapadīnaṃ vā hatthīnaṃ vā assānaṃ vā sīhānaṃ vā byagghānaṃ vā dīpīnaṃ vā acchānaṃ vā taracchānaṃ vā āsayo hoti, yesaṃ kesañci tiracchānagatānaṃ pāṇānaṃ āsayo hoti, pubbaṇṇanissitaṃ vā hoti, aparaṇṇanissitaṃ vā hoti, abbhāghātanissitaṃ vā hoti, āghātananissitaṃ vā hoti, susānanissitaṃ vā hoti, uyyānanissitaṃ vā hoti, rājavatthunissitaṃ vā hoti, hatthisālānissitaṃ vā hoti, assasālānissitaṃ vā hoti, bandhanāgāranissitaṃ vā hoti, pānāgāranissitaṃ vā hoti, sūnanissitaṃ vā hoti, racchānissitaṃ vā hoti, caccaranissitaṃ vā hoti, sabhānissitaṃ vā hoti, saṃsaraṇanissitaṃ vā hoti. Etaṃ sārambhaṃ nāma.
абариггаманам̣ наама на саггаа ход̇и яат̇ааяуд̇д̇зна сагадзна анубариг̇анд̇ум̣, саманд̇аа ниссзн̣ияаа анубариг̇анд̇ум̣. зд̇ам̣ абариггаманам̣ наама.
Aparikkamanaṃ nāma na sakkā hoti yathāyuttena sakaṭena anuparigantuṃ, samantā nisseṇiyā anuparigantuṃ. Etaṃ aparikkamanaṃ nāma.
анаарамбхам̣ наама на гибиллигаанам̣ ваа аасаяо ход̇и…бз… на сам̣саран̣аниссид̇ам̣ ваа ход̇и. зд̇ам̣ анаарамбхам̣ наама.
Anārambhaṃ nāma na kipillikānaṃ vā āsayo hoti…pe… na saṃsaraṇanissitaṃ vā hoti. Etaṃ anārambhaṃ nāma.
сабариггаманам̣ наама саггаа ход̇и яат̇ааяуд̇д̇зна сагадзна анубариг̇анд̇ум̣, саманд̇аа ниссзн̣ияаа анубариг̇анд̇ум̣. зд̇ам̣ сабариггаманам̣ наама.
Saparikkamanaṃ nāma sakkā hoti yathāyuttena sakaṭena anuparigantuṃ, samantā nisseṇiyā anuparigantuṃ. Etaṃ saparikkamanaṃ nāma.
махаллаго наама вихааро сассаамиго вужжад̇и.
Mahallako nāma vihāro sassāmiko vuccati.
вихааро наама уллид̇д̇о ваа ход̇и авалид̇д̇о ваа уллид̇д̇аавалид̇д̇о ваа.
Vihāro nāma ullitto vā hoti avalitto vā ullittāvalitto vā.
гаарзяяаад̇и гарод̇и ваа гаараабзд̇и ваа.
Kāreyyāti karoti vā kārāpeti vā.
бхигкуу ваа анабхинзяяа вад̇т̇уд̣̇зсанааяаад̇и н̃ад̇д̇ид̣̇уд̇иязна гаммзна вихааравад̇т̇ум̣ на д̣̇зсаабзд̇ваа гарод̇и ваа гаараабзд̇и ваа, баяог̇з д̣̇уггадам̣. згам̣ бин̣д̣ам̣ анааг̇ад̇з, аабад̇д̇и т̇уллажжаяасса . д̇асмим̣ бин̣д̣з ааг̇ад̇з, аабад̇д̇и сан̇гхаад̣̇исзсасса.
Bhikkhū vā anabhineyya vatthudesanāyāti ñattidutiyena kammena vihāravatthuṃ na desāpetvā karoti vā kārāpeti vā, payoge dukkaṭaṃ. Ekaṃ piṇḍaṃ anāgate, āpatti thullaccayassa . Tasmiṃ piṇḍe āgate, āpatti saṅghādisesassa.
сан̇гхаад̣̇исзсод̇и…бз… д̇знаби вужжад̇и – ‘сан̇гхаад̣̇исзсо’д̇и.
Saṅghādisesoti…pe… tenapi vuccati – ‘saṅghādiseso’ti.
372. бхигку вихаарам̣ гарод̇и ад̣̇зсид̇авад̇т̇угам̣ саарамбхам̣ абариггаманам̣, аабад̇д̇и сан̇гхаад̣̇исзсзна д̣̇виннам̣ д̣̇уггадаанам̣. бхигку вихаарам̣ гарод̇и ад̣̇зсид̇авад̇т̇угам̣ саарамбхам̣ сабариггаманам̣, аабад̇д̇и сан̇гхаад̣̇исзсзна д̣̇уггадасса. бхигку вихаарам̣ гарод̇и ад̣̇зсид̇авад̇т̇угам̣ анаарамбхам̣ абариггаманам̣, аабад̇д̇и сан̇гхаад̣̇исзсзна д̣̇уггадасса. бхигку вихаарам̣ гарод̇и ад̣̇зсид̇авад̇т̇угам̣ анаарамбхам̣ сабариггаманам̣, аабад̇д̇и сан̇гхаад̣̇исзсасса.
372. Bhikkhu vihāraṃ karoti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ. Bhikkhu vihāraṃ karoti adesitavatthukaṃ sārambhaṃ saparikkamanaṃ, āpatti saṅghādisesena dukkaṭassa. Bhikkhu vihāraṃ karoti adesitavatthukaṃ anārambhaṃ aparikkamanaṃ, āpatti saṅghādisesena dukkaṭassa. Bhikkhu vihāraṃ karoti adesitavatthukaṃ anārambhaṃ saparikkamanaṃ, āpatti saṅghādisesassa.
бхигку вихаарам̣ гарод̇и д̣̇зсид̇авад̇т̇угам̣ саарамбхам̣ абариггаманам̣, аабад̇д̇и д̣̇виннам̣ д̣̇уггадаанам̣. бхигку вихаарам̣ гарод̇и д̣̇зсид̇авад̇т̇угам̣ саарамбхам̣ сабариггаманам̣, аабад̇д̇и д̣̇уггадасса. бхигку вихаарам̣ гарод̇и д̣̇зсид̇авад̇т̇угам̣ анаарамбхам̣ абариггаманам̣, аабад̇д̇и д̣̇уггадасса. бхигку вихаарам̣ гарод̇и д̣̇зсид̇авад̇т̇угам̣ анаарамбхам̣ сабариггаманам̣, анаабад̇д̇и.
Bhikkhu vihāraṃ karoti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ. Bhikkhu vihāraṃ karoti desitavatthukaṃ sārambhaṃ saparikkamanaṃ, āpatti dukkaṭassa. Bhikkhu vihāraṃ karoti desitavatthukaṃ anārambhaṃ aparikkamanaṃ, āpatti dukkaṭassa. Bhikkhu vihāraṃ karoti desitavatthukaṃ anārambhaṃ saparikkamanaṃ, anāpatti.
373. бхигку самаад̣̇исад̇и – ‘‘вихаарам̣ мз гарот̇аа’’д̇и. д̇асса вихаарам̣ гаронд̇и ад̣̇зсид̇авад̇т̇угам̣ саарамбхам̣ абариггаманам̣, аабад̇д̇и сан̇гхаад̣̇исзсзна д̣̇виннам̣ д̣̇уггадаанам̣…бз… саарамбхам̣ сабариггаманам̣, аабад̇д̇и сан̇гхаад̣̇исзсзна д̣̇уггадасса…бз… анаарамбхам̣ абариггаманам̣, аабад̇д̇и сан̇гхаад̣̇исзсзна д̣̇уггадасса…бз… анаарамбхам̣ сабариггаманам̣, аабад̇д̇и сан̇гхаад̣̇исзсасса.
373. Bhikkhu samādisati – ‘‘vihāraṃ me karothā’’ti. Tassa vihāraṃ karonti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
бхигку самаад̣̇исад̇и – ‘‘вихаарам̣ мз гарот̇аа’’д̇и. д̇асса вихаарам̣ гаронд̇и д̣̇зсид̇авад̇т̇угам̣ саарамбхам̣ абариггаманам̣, аабад̇д̇и д̣̇виннам̣ д̣̇уггадаанам̣…бз… саарамбхам̣ сабариггаманам̣, аабад̇д̇и д̣̇уггадасса…бз… анаарамбхам̣ абариггаманам̣, аабад̇д̇и д̣̇уггадасса…бз… анаарамбхам̣ сабариггаманам̣, анаабад̇д̇и.
Bhikkhu samādisati – ‘‘vihāraṃ me karothā’’ti. Tassa vihāraṃ karonti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
374. бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. на жа самаад̣̇исад̇и – ‘‘д̣̇зсид̇авад̇т̇уго жа ход̇у анаарамбхо жа сабариггамано жаа’’д̇и. д̇асса вихаарам̣ гаронд̇и ад̣̇зсид̇авад̇т̇угам̣ саарамбхам̣ абариггаманам̣, аабад̇д̇и сан̇гхаад̣̇исзсзна д̣̇виннам̣ д̣̇уггадаанам̣…бз… саарамбхам̣ сабариггаманам̣, аабад̇д̇и сан̇гхаад̣̇исзсзна д̣̇уггадасса…бз… анаарамбхам̣ абариггаманам̣, аабад̇д̇и сан̇гхаад̣̇исзсзна д̣̇уггадасса…бз… анаарамбхам̣ сабариггаманам̣, аабад̇д̇и сан̇гхаад̣̇исзсасса.
374. Bhikkhu samādisitvā pakkamati – ‘‘vihāraṃ me karothā’’ti. Na ca samādisati – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. на жа самаад̣̇исад̇и – ‘‘д̣̇зсид̇авад̇т̇уго жа ход̇у анаарамбхо жа сабариггамано жаа’’д̇и. д̇асса вихаарам̣ гаронд̇и д̣̇зсид̇авад̇т̇угам̣ саарамбхам̣ абариггаманам̣, аабад̇д̇и д̣̇виннам̣ д̣̇уггадаанам̣…бз… саарамбхам̣ сабариггаманам̣, аабад̇д̇и д̣̇уггадасса…бз… анаарамбхам̣ абариггаманам̣, аабад̇д̇и д̣̇уггадасса…бз… анаарамбхам̣ сабариггаманам̣, анаабад̇д̇и.
Bhikkhu samādisitvā pakkamati – ‘‘vihāraṃ me karothā’’ti. Na ca samādisati – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
375. бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. самаад̣̇исад̇и жа – ‘‘д̣̇зсид̇авад̇т̇уго жа ход̇у анаарамбхо жа сабариггамано жаа’’д̇и. д̇асса вихаарам̣ гаронд̇и ад̣̇зсид̇авад̇т̇угам̣ саарамбхам̣ абариггаманам̣. со сун̣аад̇и – ‘‘вихааро гира мз гаяирад̇и ад̣̇зсид̇авад̇т̇уго саарамбхо абариггамано’’д̇и. д̇зна бхигкунаа саамам̣ ваа г̇анд̇аб̣б̣ам̣ д̣̇ууд̇о ваа баахзд̇аб̣б̣о – ‘‘д̣̇зсид̇авад̇т̇уго жа ход̇у анаарамбхо жа сабариггамано жаа’’д̇и …бз… ‘‘д̣̇зсид̇авад̇т̇уго жа ход̇у анаарамбхо жаа’’д̇и…бз… ‘‘д̣̇зсид̇авад̇т̇уго жа ход̇у сабариггамано жаа’’д̇и …бз… ‘‘д̣̇зсид̇авад̇т̇уго ход̇уу’’д̇и. но жз саамам̣ ваа г̇ажчзяяа д̣̇ууд̇ам̣ ваа бахин̣зяяа, аабад̇д̇и д̣̇уггадасса.
375. Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti adesitavatthukaṃ sārambhaṃ aparikkamanaṃ. So suṇāti – ‘‘vihāro kira me kayirati adesitavatthuko sārambho aparikkamano’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘desitavatthuko ca hotu anārambho ca saparikkamano cā’’ti …pe… ‘‘desitavatthuko ca hotu anārambho cā’’ti…pe… ‘‘desitavatthuko ca hotu saparikkamano cā’’ti …pe… ‘‘desitavatthuko hotū’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. самаад̣̇исад̇и жа – ‘‘д̣̇зсид̇авад̇т̇уго жа ход̇у анаарамбхо жа сабариггамано жаа’’д̇и. д̇асса вихаарам̣ гаронд̇и д̣̇зсид̇авад̇т̇угам̣ саарамбхам̣ абариггаманам̣. со сун̣аад̇и – ‘‘вихааро гира мз гаяирад̇и д̣̇зсид̇авад̇т̇уго саарамбхо абариггамано’’д̇и. д̇зна бхигкунаа саамам̣ ваа г̇анд̇аб̣б̣ам̣ д̣̇ууд̇о ваа баахзд̇аб̣б̣о – ‘‘анаарамбхо жа ход̇у сабариггамано жаа’’д̇и…бз… ‘‘анаарамбхо ход̇уу’’д̇и ‘‘сабариггамано ход̇уу’’д̇и, анаабад̇д̇и.
Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti desitavatthukaṃ sārambhaṃ aparikkamanaṃ. So suṇāti – ‘‘vihāro kira me kayirati desitavatthuko sārambho aparikkamano’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘anārambho ca hotu saparikkamano cā’’ti…pe… ‘‘anārambho hotū’’ti ‘‘saparikkamano hotū’’ti, anāpatti.
376. бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. самаад̣̇исад̇и жа – ‘‘д̣̇зсид̇авад̇т̇уго жа ход̇у анаарамбхо жа сабариггамано жаа’’д̇и. д̇асса вихаарам̣ гаронд̇и ад̣̇зсид̇авад̇т̇угам̣ саарамбхам̣ абариггаманам̣, аабад̇д̇и гааругаанам̣ д̇ин̣н̣ам̣ д̣̇уггадаанам̣…бз… саарамбхам̣ сабариггаманам̣, аабад̇д̇и гааругаанам̣ д̣̇виннам̣ д̣̇уггадаанам̣…бз… анаарамбхам̣ абариггаманам̣, аабад̇д̇и гааругаанам̣ д̣̇виннам̣ д̣̇уггадаанам̣…бз… анаарамбхам̣ сабариггаманам̣, аабад̇д̇и гааругаанам̣ д̣̇уггадасса.
376. Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti adesitavatthukaṃ sārambhaṃ aparikkamanaṃ, āpatti kārukānaṃ tiṇṇaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ aparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ saparikkamanaṃ, āpatti kārukānaṃ dukkaṭassa.
бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. самаад̣̇исад̇и жа – ‘‘д̣̇зсид̇авад̇т̇уго жа ход̇у анаарамбхо жа сабариггамано жаа’’д̇и. д̇асса вихаарам̣ гаронд̇и д̣̇зсид̇авад̇т̇угам̣ саарамбхам̣ абариггаманам̣ , аабад̇д̇и гааругаанам̣ д̣̇виннам̣ д̣̇уггадаанам̣…бз… саарамбхам̣ сабариггаманам̣, аабад̇д̇и гааругаанам̣ д̣̇уггадасса…бз… анаарамбхам̣ абариггаманам̣, аабад̇д̇и гааругаанам̣ д̣̇уггадасса…бз… анаарамбхам̣ сабариггаманам̣, анаабад̇д̇и.
Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti desitavatthukaṃ sārambhaṃ aparikkamanaṃ , āpatti kārukānaṃ dvinnaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dukkaṭassa…pe… anārambhaṃ aparikkamanaṃ, āpatti kārukānaṃ dukkaṭassa…pe… anārambhaṃ saparikkamanaṃ, anāpatti.
377. бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. д̇асса вихаарам̣ гаронд̇и ад̣̇зсид̇авад̇т̇угам̣ саарамбхам̣ абариггаманам̣. со жз виббагад̇з ааг̇ажчад̇и, д̇зна бхигкунаа со вихааро ан̃н̃асса ваа д̣̇аад̇аб̣б̣о бхинд̣̇ид̇ваа ваа буна гаад̇аб̣б̣о. но жз ан̃н̃асса ваа д̣̇ад̣̇зяяа бхинд̣̇ид̇ваа ваа буна гаарзяяа, аабад̇д̇и сан̇гхаад̣̇исзсзна д̣̇виннам̣ д̣̇уггадаанам̣…бз… саарамбхам̣ сабариггаманам̣, аабад̇д̇и сан̇гхаад̣̇исзсзна д̣̇уггадасса…бз… анаарамбхам̣ абариггаманам̣, аабад̇д̇и сан̇гхаад̣̇исзсзна д̣̇уггадасса…бз… анаарамбхам̣ сабариггаманам̣, аабад̇д̇и сан̇гхаад̣̇исзсасса.
377. Bhikkhu samādisitvā pakkamati – ‘‘vihāraṃ me karothā’’ti. Tassa vihāraṃ karonti adesitavatthukaṃ sārambhaṃ aparikkamanaṃ. So ce vippakate āgacchati, tena bhikkhunā so vihāro aññassa vā dātabbo bhinditvā vā puna kātabbo. No ce aññassa vā dadeyya bhinditvā vā puna kāreyya, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
бхигку самаад̣̇исид̇ваа баггамад̇и – ‘‘вихаарам̣ мз гарот̇аа’’д̇и. д̇асса вихаарам̣ гаронд̇и д̣̇зсид̇авад̇т̇угам̣ саарамбхам̣ абариггаманам̣. со жз виббагад̇з ааг̇ажчад̇и, д̇зна бхигкунаа со вихааро ан̃н̃асса ваа д̣̇аад̇аб̣б̣о бхинд̣̇ид̇ваа ваа буна гаад̇аб̣б̣о. но жз ан̃н̃асса ваа д̣̇ад̣̇зяяа бхинд̣̇ид̇ваа ваа буна гаарзяяа, аабад̇д̇и д̣̇виннам̣ д̣̇уггадаанам̣…бз… саарамбхам̣ сабариггаманам̣, аабад̇д̇и д̣̇уггадасса…бз… анаарамбхам̣ абариггаманам̣, аабад̇д̇и д̣̇уггадасса…бз… анаарамбхам̣ сабариггаманам̣, анаабад̇д̇и.
Bhikkhu samādisitvā pakkamati – ‘‘vihāraṃ me karothā’’ti. Tassa vihāraṃ karonti desitavatthukaṃ sārambhaṃ aparikkamanaṃ. So ce vippakate āgacchati, tena bhikkhunā so vihāro aññassa vā dātabbo bhinditvā vā puna kātabbo. No ce aññassa vā dadeyya bhinditvā vā puna kāreyya, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
378. ад̇д̇анаа виббагад̇ам̣ ад̇д̇анаа барияосаабзд̇и, аабад̇д̇и сан̇гхаад̣̇исзсасса .
378. Attanā vippakataṃ attanā pariyosāpeti, āpatti saṅghādisesassa .
ад̇д̇анаа виббагад̇ам̣ барзхи барияосаабзд̇и, аабад̇д̇и сан̇гхаад̣̇исзсасса.
Attanā vippakataṃ parehi pariyosāpeti, āpatti saṅghādisesassa.
барзхи виббагад̇ам̣ ад̇д̇анаа барияосаабзд̇и, аабад̇д̇и сан̇гхаад̣̇исзсасса.
Parehi vippakataṃ attanā pariyosāpeti, āpatti saṅghādisesassa.
барзхи виббагад̇ам̣ барзхи барияосаабзд̇и, аабад̇д̇и сан̇гхаад̣̇исзсасса.
Parehi vippakataṃ parehi pariyosāpeti, āpatti saṅghādisesassa.
379. анаабад̇д̇и лзн̣з г̇ухааяа д̇ин̣агудигааяа ан̃н̃ассад̇т̇ааяа ваасааг̇аарам̣ табзд̇ваа саб̣б̣ад̇т̇а. анаабад̇д̇и уммад̇д̇агасса, аад̣̇игаммигассаад̇и.
379. Anāpatti leṇe guhāya tiṇakuṭikāya aññassatthāya vāsāgāraṃ ṭhapetvā sabbattha. Anāpatti ummattakassa, ādikammikassāti.
вихаарагаарасигкаабад̣̇ам̣ нидтид̇ам̣ сад̇д̇амам̣.
Vihārakārasikkhāpadaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. вихаарагаарасигкаабад̣̇аван̣н̣анаа • 7. Vihārakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. вихаарагаарасигкаабад̣̇аван̣н̣анаа • 7. Vihārakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. вихаарагаарасигкаабад̣̇аван̣н̣анаа • 7. Vihārakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. вихаарагаарасигкаабад̣̇аван̣н̣анаа • 7. Vihārakārasikkhāpadavaṇṇanā
