| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. вихаарагаарасигкаабад̣̇аван̣н̣анаа
7. Vihārakārasikkhāpadavaṇṇanā
маханд̇ам̣ лаад̇и г̇ан̣хаад̇ийд̇и махаллаго, д̇ам̣ махаллагам̣. яо жа яам̣ г̇ан̣хаад̇и, со д̇асса ад̇т̇ийд̇и ааха ‘‘маханд̇абхааво зд̇асса ад̇т̇ийд̇и махаллаго’’д̇и. со жа маханд̇абхааво гзна, гуд̇о жаад̇и ааха ‘‘сасаамигабхаавзнаа’’д̇иаад̣̇и. на гзвалам̣ сасаамигабхаавзнзваад̇и ааха ‘‘яасмаа ваа’’д̇иаад̣̇и. яад̣̇и звам̣ ат̇а гасмаа ‘‘махаллаго наама вихааро сасаамиго вужжад̇ий’’д̇и (баараа. 367) зд̇д̇агамзва бад̣̇абхааж̇анз вуд̇д̇анд̇и ааха ‘‘яасмаа банаа’’д̇иаад̣̇и. вихаранд̇и зд̇т̇аад̇и вихааро, ааваасо. маад̇игааяам̣ бхигкуу ваа анабхинзяяаад̇и зд̇т̇а ваа-сад̣̇д̣̇о ‘‘аяам̣ ваа со махаанааг̇о’’д̇иаад̣̇ийсу вияа авад̇хааран̣ад̇т̇о.
Mahantaṃ lāti gaṇhātīti mahallako, taṃ mahallakaṃ. Yo ca yaṃ gaṇhāti, so tassa atthīti āha ‘‘mahantabhāvo etassa atthīti mahallako’’ti. So ca mahantabhāvo kena, kuto cāti āha ‘‘sasāmikabhāvenā’’tiādi. Na kevalaṃ sasāmikabhāvenevāti āha ‘‘yasmā vā’’tiādi. Yadi evaṃ atha kasmā ‘‘mahallako nāma vihāro sasāmiko vuccatī’’ti (pārā. 367) ettakameva padabhājane vuttanti āha ‘‘yasmā panā’’tiādi. Viharanti etthāti vihāro, āvāso. Mātikāyaṃ bhikkhū vā anabhineyyāti ettha vā-saddo ‘‘ayaṃ vā so mahānāgo’’tiādīsu viya avadhāraṇattho.
госамб̣ияанд̇и (саарад̇т̇а. дий. 2.365) звам̣наамагз наг̇арз. д̇асса гира наг̇арасса аараамабогкаран̣иаад̣̇ийсу д̇зсу д̇зсу таанзсу госамб̣аругкаава уссаннаа ахзсум̣, д̇асмаа д̇ам̣ ‘‘госамб̣ий’’д̇и сан̇кам̣ г̇ажчад̇и. ‘‘гусумб̣асса наама исино ассамад̇о авид̣̇уурз маабид̇ад̇д̇аа’’д̇и згз. чаннад̇т̇зрам̣ аараб̣бхаад̇и яо абхинигкаманагаалз сад̣̇д̇хим̣ нигканд̇о, яасса жа сад̇т̇аараа бариниб̣б̣аанагаалз б̣рахмад̣̇ан̣д̣о (жуул̣ава. 445) аан̣ад̇д̇о, д̇ам̣ чаннад̇т̇зрам̣ аараб̣бха. жзд̇ияаругканд̇и жид̇д̇ийгад̇адтзна жзд̇ияам̣, бууж̇аарахаанам̣ д̣̇звадтаанаанамзд̇ам̣ ад̇хиважанам̣, ‘‘жзд̇ияа’’нд̇и саммад̇ам̣ ругкам̣ жзд̇ияаругкам̣. вад̇т̇уно ад̣̇зсанааяа аабаж̇ж̇анад̇о ‘‘агирияамад̇д̇ад̇о самудтаанабхааво’’д̇и вуд̇д̇ам̣. мад̇д̇а-сад̣̇д̣̇зна гирияад̇о самудтаанад̇ам̣ бадигкибад̇и. гзжи бана ‘‘вад̇т̇уад̣̇зсанааяа, гудигаран̣зна жа самудтаанад̇о гирияаагирияад̇о самудтаад̇ий’’д̇и вад̣̇анд̇и. бамаан̣анияамаабхаавова висзсо.
Kosambiyanti (sārattha. ṭī. 2.365) evaṃnāmake nagare. Tassa kira nagarassa ārāmapokkharaṇiādīsu tesu tesu ṭhānesu kosambarukkhāva ussannā ahesuṃ, tasmā taṃ ‘‘kosambī’’ti saṅkhaṃ gacchati. ‘‘Kusumbassa nāma isino assamato avidūre māpitattā’’ti eke. Channattheraṃ ārabbhāti yo abhinikkhamanakāle saddhiṃ nikkhanto, yassa ca satthārā parinibbānakāle brahmadaṇḍo (cūḷava. 445) āṇatto, taṃ channattheraṃ ārabbha. Cetiyarukkhanti cittīkataṭṭhena cetiyaṃ, pūjārahānaṃ devaṭṭhānānametaṃ adhivacanaṃ, ‘‘cetiya’’nti sammataṃ rukkhaṃ cetiyarukkhaṃ. Vatthuno adesanāya āpajjanato ‘‘akiriyamattato samuṭṭhānabhāvo’’ti vuttaṃ. Matta-saddena kiriyato samuṭṭhānataṃ paṭikkhipati. Keci pana ‘‘vatthuadesanāya, kuṭikaraṇena ca samuṭṭhānato kiriyākiriyato samuṭṭhātī’’ti vadanti. Pamāṇaniyamābhāvova viseso.
вихаарагаарасигкаабад̣̇аван̣н̣анаа нидтид̇аа.
Vihārakārasikkhāpadavaṇṇanā niṭṭhitā.
