| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ
7. Vihārakārasikkhāpadavaṇṇanā
੩੬੫. ਤੇਨ ਸਮਯੇਨਾਤਿ વਿਹਾਰਕਾਰਸਿਕ੍ਖਾਪਦਂ। ਤਤ੍ਥ ਕੋਸਮ੍ਬਿਯਨ੍ਤਿ ਏવਂਨਾਮਕੇ ਨਗਰੇ। ਘੋਸਿਤਾਰਾਮੇਤਿ ਘੋਸਿਤਸ੍ਸ ਆਰਾਮੇ। ਘੋਸਿਤਨਾਮਕੇਨ ਕਿਰ ਸੇਟ੍ਠਿਨਾ ਸੋ ਕਾਰਿਤੋ, ਤਸ੍ਮਾ ‘‘ਘੋਸਿਤਾਰਾਮੋ’’ਤਿ વੁਚ੍ਚਤਿ। ਛਨ੍ਨਸ੍ਸਾਤਿ ਬੋਧਿਸਤ੍ਤਕਾਲੇ ਉਪਟ੍ਠਾਕਛਨ੍ਨਸ੍ਸ। વਿਹਾਰવਤ੍ਥੁਂ, ਭਨ੍ਤੇ, ਜਾਨਾਹੀਤਿ વਿਹਾਰਸ੍ਸ ਪਤਿਟ੍ਠਾਨਟ੍ਠਾਨਂ, ਭਨ੍ਤੇ, ਜਾਨਾਹਿ। ਏਤ੍ਥ ਚ વਿਹਾਰੋਤਿ ਨ ਸਕਲવਿਹਾਰੋ, ਏਕੋ ਆવਾਸੋ, ਤੇਨੇવਾਹ – ‘‘ਅਯ੍ਯਸ੍ਸ વਿਹਾਰਂ ਕਾਰਾਪੇਸ੍ਸਾਮੀ’’ਤਿ।
365.Tena samayenāti vihārakārasikkhāpadaṃ. Tattha kosambiyanti evaṃnāmake nagare. Ghositārāmeti ghositassa ārāme. Ghositanāmakena kira seṭṭhinā so kārito, tasmā ‘‘ghositārāmo’’ti vuccati. Channassāti bodhisattakāle upaṭṭhākachannassa. Vihāravatthuṃ, bhante, jānāhīti vihārassa patiṭṭhānaṭṭhānaṃ, bhante, jānāhi. Ettha ca vihāroti na sakalavihāro, eko āvāso, tenevāha – ‘‘ayyassa vihāraṃ kārāpessāmī’’ti.
ਚੇਤਿਯਰੁਕ੍ਖਨ੍ਤਿ ਏਤ੍ਥ ਚਿਤ੍ਤੀਕਤਟ੍ਠੇਨ ਚੇਤਿਯਂ, ਪੂਜਾਰਹਾਨਂ ਦੇવਟ੍ਠਾਨਾਨਮੇਤਂ ਅਧਿવਚਨਂ, ‘‘ਚੇਤਿਯ’’ਨ੍ਤਿ ਸਮ੍ਮਤਂ ਰੁਕ੍ਖਂ ਚੇਤਿਯਰੁਕ੍ਖਂ। ਗਾਮੇਨ ਪੂਜਿਤਂ ਗਾਮਸ੍ਸ વਾ ਪੂਜਿਤਨ੍ਤਿ ਗਾਮਪੂਜਿਤਂ। ਏਸੇવ ਨਯੋ ਸੇਸਪਦੇਸੁਪਿ। ਅਪਿਚੇਤ੍ਥ ਜਨਪਦੋਤਿ ਏਕਸ੍ਸ ਰਞ੍ਞੋ ਰਜ੍ਜੇ ਏਕੇਕੋ ਕੋਟ੍ਠਾਸੋ। ਰਟ੍ਠਨ੍ਤਿ ਸਕਲਰਜ੍ਜਂ વੇਦਿਤਬ੍ਬਂ, ਸਕਲਰਜ੍ਜਮ੍ਪਿ ਹਿ ਕਦਾਚਿ ਕਦਾਚਿ ਤਸ੍ਸ ਰੁਕ੍ਖਸ੍ਸ ਪੂਜਂ ਕਰੋਤਿ, ਤੇਨ વੁਤ੍ਤਂ ‘‘ਰਟ੍ਠਪੂਜਿਤ’’ਨ੍ਤਿ। ਏਕਿਨ੍ਦ੍ਰਿਯਨ੍ਤਿ ਕਾਯਿਨ੍ਦ੍ਰਿਯਂ ਸਨ੍ਧਾਯ વਦਨ੍ਤਿ। ਜੀવਸਞ੍ਞਿਨੋਤਿ ਸਤ੍ਤਸਞ੍ਞਿਨੋ।
Cetiyarukkhanti ettha cittīkataṭṭhena cetiyaṃ, pūjārahānaṃ devaṭṭhānānametaṃ adhivacanaṃ, ‘‘cetiya’’nti sammataṃ rukkhaṃ cetiyarukkhaṃ. Gāmena pūjitaṃ gāmassa vā pūjitanti gāmapūjitaṃ. Eseva nayo sesapadesupi. Apicettha janapadoti ekassa rañño rajje ekeko koṭṭhāso. Raṭṭhanti sakalarajjaṃ veditabbaṃ, sakalarajjampi hi kadāci kadāci tassa rukkhassa pūjaṃ karoti, tena vuttaṃ ‘‘raṭṭhapūjita’’nti. Ekindriyanti kāyindriyaṃ sandhāya vadanti. Jīvasaññinoti sattasaññino.
੩੬੬. ਮਹਲ੍ਲਕਨ੍ਤਿ ਸਸ੍ਸਾਮਿਕਭਾવੇਨ ਸਂਯਾਚਿਕਕੁਟਿਤੋ ਮਹਨ੍ਤਭਾવੋ ਏਤਸ੍ਸ ਅਤ੍ਥੀਤਿ ਮਹਲ੍ਲਕੋ। ਯਸ੍ਮਾ વਾ વਤ੍ਥੁਂ ਦੇਸਾਪੇਤ੍વਾ ਪਮਾਣਾਤਿਕ੍ਕਮੇਨਪਿ ਕਾਤੁਂ વਟ੍ਟਤਿ, ਤਸ੍ਮਾ ਪਮਾਣਮਹਨ੍ਤਤਾਯਪਿ ਮਹਲ੍ਲਕੋ , ਤਂ ਮਹਲ੍ਲਕਂ। ਯਸ੍ਮਾ ਪਨਸ੍ਸ ਤਂ ਪਮਾਣਮਹਤ੍ਤਂ ਸਸ੍ਸਾਮਿਕਤ੍ਤਾવ ਲਬ੍ਭਤਿ, ਤਸ੍ਮਾ ਤਦਤ੍ਥਦਸ੍ਸਨਤ੍ਥਂ ‘‘ਮਹਲ੍ਲਕੋ ਨਾਮ વਿਹਾਰੋ ਸਸ੍ਸਾਮਿਕੋ વੁਚ੍ਚਤੀ’’ਤਿ ਪਦਭਾਜਨਂ વੁਤ੍ਤਂ। ਸੇਸਂ ਸਬ੍ਬਂ ਕੁਟਿਕਾਰਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬਂ ਸਦ੍ਧਿਂ ਸਮੁਟ੍ਠਾਨਾਦੀਹਿ। ਸਸ੍ਸਾਮਿਕਭਾવਮਤ੍ਤਮੇવ ਹਿ ਏਤ੍ਥ ਕਿਰਿਯਤੋ ਸਮੁਟ੍ਠਾਨਾਭਾવੋ ਪਮਾਣਨਿਯਮਾਭਾવੋ ਚ વਿਸੇਸੋ, ਪਮਾਣਨਿਯਮਾਭਾવਾ ਚ ਚਤੁਕ੍ਕਪਾਰਿਹਾਨੀਤਿ।
366.Mahallakanti sassāmikabhāvena saṃyācikakuṭito mahantabhāvo etassa atthīti mahallako. Yasmā vā vatthuṃ desāpetvā pamāṇātikkamenapi kātuṃ vaṭṭati, tasmā pamāṇamahantatāyapi mahallako , taṃ mahallakaṃ. Yasmā panassa taṃ pamāṇamahattaṃ sassāmikattāva labbhati, tasmā tadatthadassanatthaṃ ‘‘mahallako nāma vihāro sassāmiko vuccatī’’ti padabhājanaṃ vuttaṃ. Sesaṃ sabbaṃ kuṭikārasikkhāpade vuttanayeneva veditabbaṃ saddhiṃ samuṭṭhānādīhi. Sassāmikabhāvamattameva hi ettha kiriyato samuṭṭhānābhāvo pamāṇaniyamābhāvo ca viseso, pamāṇaniyamābhāvā ca catukkapārihānīti.
વਿਹਾਰਕਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vihārakārasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. વਿਹਾਰਕਾਰਸਿਕ੍ਖਾਪਦਂ • 7. Vihārakārasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ • 7. Vihārakārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ • 7. Vihārakārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ • 7. Vihārakārasikkhāpadavaṇṇanā
