Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā

6. сзнаасанагканд̇хагам̣

6. Senāsanakkhandhakaṃ

вихаараануж̇аананагат̇аа

Vihārānujānanakathā

294. сзнаасанагканд̇хагз – абан̃н̃ад̇д̇ам̣ ход̇ийд̇и ананун̃н̃аад̇ам̣ ход̇и. вихааро наама ад̣дхаяог̇аад̣̇имуд̇д̇аго авасзсааваасо. ад̣дхаяог̇од̇и субан̣н̣аван̇гаг̇зхам̣. баасаад̣̇од̇и д̣̇ийгхабаасаад̣̇о. хаммияанд̇и убариаагаасад̇алз бад̇идтид̇агуудааг̇ааро баасаад̣̇оязва. г̇ухаад̇и идтагааг̇ухаа силааг̇ухаа д̣̇ааруг̇ухаа бам̣суг̇ухаа. ааг̇ад̇аанааг̇ад̇асса жаад̇уд̣̇д̣̇исасса сан̇гхассаад̇и ааг̇ад̇асса жа анааг̇ад̇асса жа жад̇уусу д̣̇исаасу аббадихад̇ажаарасса жаад̇уд̣̇д̣̇исасса сан̇гхасса.

294. Senāsanakkhandhake – apaññattaṃ hotīti ananuññātaṃ hoti. Vihāro nāma aḍḍhayogādimuttako avasesāvāso. Aḍḍhayogoti supaṇṇavaṅkagehaṃ. Pāsādoti dīghapāsādo. Hammiyanti upariākāsatale patiṭṭhitakūṭāgāro pāsādoyeva. Guhāti iṭṭhakāguhā silāguhā dāruguhā paṃsuguhā. Āgatānāgatassa cātuddisassa saṅghassāti āgatassa ca anāgatassa ca catūsu disāsu appaṭihatacārassa cātuddisassa saṅghassa.

295. анумод̣̇анаг̇аат̇аасу – сийд̇ам̣ ун̣ханд̇и уд̇увисабхааг̇авасзна вуд̇д̇ам̣. сисирз жааби вудтияод̇и зд̇т̇а сисирод̇и сампусид̇агаваад̇о вужжад̇и. вудтияод̇и уж̇угамзгхавудтияо зва. зд̇аани саб̣б̣аани бадиханд̇ийд̇и иминаава бад̣̇зна яож̇зд̇аб̣б̣аани.

295. Anumodanagāthāsu – sītaṃ uṇhanti utuvisabhāgavasena vuttaṃ. Sisire cāpi vuṭṭhiyoti ettha sisiroti samphusitakavāto vuccati. Vuṭṭhiyoti ujukameghavuṭṭhiyo eva. Etāni sabbāni paṭihantīti imināva padena yojetabbāni.

бадихан̃н̃ад̇ийд̇и вихаарзна бадихан̃н̃ад̇и. лзн̣ад̇т̇анд̇и нилийяанад̇т̇ам̣. сукад̇т̇анд̇и сийд̇аад̣̇ибариссаяаабхаавзна сукавихаарад̇т̇ам̣. жхааяид̇ун̃жа вибассид̇унд̇и ид̣̇амби бад̣̇ад̣̇ваяам̣ ‘‘сукад̇т̇ан̃жаа’’д̇и иминаава бад̣̇зна яож̇зд̇аб̣б̣ам̣. ид̣̇ан̃хи вуд̇д̇ам̣ ход̇и – сукад̇т̇ан̃жа вихаарад̣̇аанам̣, гад̇амам̣ сукад̇т̇ам̣? жхааяид̇ум̣ вибассид̇ун̃жа яам̣ сукам̣, д̇ад̣̇ад̇т̇ам̣. ат̇а ваа барабад̣̇знаби яож̇зд̇аб̣б̣ам̣ – жхааяид̇ун̃жа вибассид̇ун̃жа вихаарад̣̇аанам̣; ид̇ха жхааяиссанд̇и вибассиссанд̇ийд̇и д̣̇ад̣̇ад̇о вихаарад̣̇аанам̣ сан̇гхасса аг̇г̇ам̣ б̣уд̣̇д̇хзна ван̣н̣ид̇ам̣. вуд̇д̇ан̃хзд̇ам̣ – ‘‘со жа саб̣б̣ад̣̇ад̣̇о ход̇и, яо д̣̇ад̣̇аад̇и убассаяа’’нд̇и (сам̣. ни. 1.42).

Paṭihaññatīti vihārena paṭihaññati. Leṇatthanti nilīyanatthaṃ. Sukhatthanti sītādiparissayābhāvena sukhavihāratthaṃ. Jhāyituñca vipassitunti idampi padadvayaṃ ‘‘sukhatthañcā’’ti imināva padena yojetabbaṃ. Idañhi vuttaṃ hoti – sukhatthañca vihāradānaṃ, katamaṃ sukhatthaṃ? Jhāyituṃ vipassituñca yaṃ sukhaṃ, tadatthaṃ. Atha vā parapadenapi yojetabbaṃ – jhāyituñca vipassituñca vihāradānaṃ; idha jhāyissanti vipassissantīti dadato vihāradānaṃ saṅghassa aggaṃ buddhena vaṇṇitaṃ. Vuttañhetaṃ – ‘‘so ca sabbadado hoti, yo dadāti upassaya’’nti (saṃ. ni. 1.42).

яасмаа жа аг̇г̇ам̣ ван̣н̣ид̇ам̣ , ‘‘д̇асмаа хи бан̣д̣ид̇о босо’’д̇и г̇аат̇аа. ваасаязд̇т̇а б̣ахуссуд̇зд̇и зд̇т̇а вихаарз барияад̇д̇иб̣ахуссуд̇з жа бадивзд̇хаб̣ахуссуд̇з жа ваасзяяа. д̇зсам̣ аннан̃жаад̇и яам̣ д̇зсам̣ анужчавигам̣ аннан̃жа баанан̃жа вад̇т̇аани жа ман̃жабийтаад̣̇исзнаасанаани жа, д̇ам̣ саб̣б̣ам̣ д̇зсу уж̇убхууд̇зсу агудилажид̇д̇зсу. д̣̇ад̣̇зяяаад̇и нид̣̇ахзяяа. д̇ан̃жа ко виббасаннзна жзд̇асаа на жид̇д̇аббасаад̣̇ам̣ вираад̇хзд̇ваа, звам̣ виббасаннажид̇д̇асса хи д̇з д̇асса д̇хаммам̣ д̣̇зсзнд̇и…бз… бариниб̣б̣аад̇и анаасавод̇и.

Yasmā ca aggaṃ vaṇṇitaṃ , ‘‘tasmā hi paṇḍito poso’’ti gāthā. Vāsayettha bahussuteti ettha vihāre pariyattibahussute ca paṭivedhabahussute ca vāseyya. Tesaṃ annañcāti yaṃ tesaṃ anucchavikaṃ annañca pānañca vatthāni ca mañcapīṭhādisenāsanāni ca, taṃ sabbaṃ tesu ujubhūtesu akuṭilacittesu. Dadeyyāti nidaheyya. Tañca kho vippasannena cetasā na cittappasādaṃ virādhetvā, evaṃ vippasannacittassa hi te tassa dhammaṃ desenti…pe… parinibbāti anāsavoti.

296. аавин̃чанажчид̣̇д̣̇ам̣ аавин̃чанараж̇ж̇унд̇и зд̇т̇а раж̇ж̇у наама сажзби д̣̇ийбинан̇г̇удтзна гад̇аа ход̇и, ваддад̇иязва; на гаажи на ваддад̇и. д̇ийн̣и д̇аал̣аанийд̇и д̇иссо гун̃жигааяо. яанд̇агам̣ суужиганд̇и зд̇т̇а яам̣ яам̣ ж̇аанаад̇и д̇ам̣ д̇ам̣ яанд̇агам̣, д̇асса виваран̣асуужиган̃жа гаад̇ум̣ ваддад̇и. взд̣̇игааваад̇абаанам̣ наама жзд̇ияз взд̣̇игаасад̣̇исам̣. ж̇аалаваад̇абаанам̣ наама ж̇аалагаб̣ад̣̇д̇хам̣. салаагаваад̇абаанам̣ наама т̇амбхагаваад̇абаанам̣. жаггалиганд̇и зд̇т̇а жол̣агабаад̣̇абун̃чанам̣ б̣анд̇хид̇ум̣ ануж̇аанаамийд̇и ад̇т̇о. ваад̇абаанабхисийд̇и ваад̇абаанаббамаан̣зна бхисим̣ гад̇ваа б̣анд̇хид̇ум̣ ануж̇аанаамийд̇и ад̇т̇о. мид̣дхинд̇и мид̣дхагам̣. б̣ид̣̇аламан̃жаганд̇и взд̇д̇аман̃жам̣; взл̣увилийвзхи ваа вийд̇ам̣.

296.Āviñchanacchiddaṃ āviñchanarajjunti ettha rajju nāma sacepi dīpinaṅguṭṭhena katā hoti, vaṭṭatiyeva; na kāci na vaṭṭati. Tīṇi tāḷānīti tisso kuñcikāyo. Yantakaṃ sūcikanti ettha yaṃ yaṃ jānāti taṃ taṃ yantakaṃ, tassa vivaraṇasūcikañca kātuṃ vaṭṭati. Vedikāvātapānaṃ nāma cetiye vedikāsadisaṃ. Jālavātapānaṃ nāma jālakabaddhaṃ. Salākavātapānaṃ nāma thambhakavātapānaṃ. Cakkalikanti ettha coḷakapādapuñchanaṃ bandhituṃ anujānāmīti attho. Vātapānabhisīti vātapānappamāṇena bhisiṃ katvā bandhituṃ anujānāmīti attho. Miḍḍhinti miḍḍhakaṃ. Bidalamañcakanti vettamañcaṃ; veḷuvilīvehi vā vītaṃ.

297. аасанд̣̇игод̇и жад̇урассабийтам̣ вужжад̇и. ужжагамби аасанд̣̇иганд̇и важанад̇о згад̇обхааг̇зна д̣̇ийгхабийтамзва хи адтан̇г̇улабаад̣̇агам̣ ваддад̇и, жад̇урассааасанд̣̇иго бана бамаан̣аад̇игганд̇оби ваддад̇ийд̇и взд̣̇ид̇аб̣б̣о. сад̇д̇ан̇г̇о наама д̇ийсу д̣̇исаасу абассаяам̣ гад̇ваа гад̇аман̃жо, аяамби бамаан̣аад̇игганд̇о ваддад̇и. бхад̣̇д̣̇абийтанд̇и взд̇д̇амаяам̣ бийтам̣ вужжад̇и. бийтигаад̇и билод̇игааб̣ад̣̇д̇хабийтамзва. зл̣агабаад̣̇абийтам̣ наама д̣̇аарубаддигааяа убари баад̣̇з табзд̇ваа бхож̇анапалагам̣ вияа гад̇абийтам̣ вужжад̇и. аамалагаваддигабийтам̣ наама аамалагаагаарзна яож̇ид̇ам̣ б̣ахубаад̣̇агабийтам̣. имаани д̇аава баал̣ияам̣ ааг̇ад̇абийтаани. д̣̇аарумаяам̣ бана саб̣б̣ам̣ бийтам̣ ваддад̇ийд̇и аяамзд̇т̇а винижчаяо. гожчанд̇и усирамаяам̣ ваа мун̃ж̇абаб̣б̣аж̇амаяам̣ ваа.

297.Āsandikoti caturassapīṭhaṃ vuccati. Uccakampi āsandikanti vacanato ekatobhāgena dīghapīṭhameva hi aṭṭhaṅgulapādakaṃ vaṭṭati, caturassaāsandiko pana pamāṇātikkantopi vaṭṭatīti veditabbo. Sattaṅgo nāma tīsu disāsu apassayaṃ katvā katamañco, ayampi pamāṇātikkanto vaṭṭati. Bhaddapīṭhanti vettamayaṃ pīṭhaṃ vuccati. Pīṭhikāti pilotikābaddhapīṭhameva. Eḷakapādapīṭhaṃ nāma dārupaṭṭikāya upari pāde ṭhapetvā bhojanaphalakaṃ viya katapīṭhaṃ vuccati. Āmalakavaṭṭikapīṭhaṃ nāma āmalakākārena yojitaṃ bahupādakapīṭhaṃ. Imāni tāva pāḷiyaṃ āgatapīṭhāni. Dārumayaṃ pana sabbaṃ pīṭhaṃ vaṭṭatīti ayamettha vinicchayo. Kocchanti usiramayaṃ vā muñjapabbajamayaṃ vā.

адтан̇г̇улабарамам̣ ман̃жабадибаад̣̇аганд̇и зд̇т̇а мануссаанам̣ бамаан̣ан̇г̇уламзва адтан̇г̇улам̣. жимилигаа наама баригаммагад̇ааяа бхуумияаа чависам̣рагкан̣ад̇т̇ааяа ад̇т̇аран̣ам̣ вужжад̇и. ругкад̇ууланд̇и симб̣алиругкаад̣̇ийнам̣ язсам̣ гзсан̃жи ругкаанам̣ д̇уулам̣. лад̇аад̇ууланд̇и кийраваллиаад̣̇ийнам̣ яаасам̣ гаасан̃жи валлийнам̣ д̇уулам̣. бодагид̇ууланд̇и бодагид̇ин̣аад̣̇ийнам̣ язсам̣ гзсан̃жи д̇ин̣аж̇аад̇игаанам̣ анд̇амасо ужчунал̣аад̣̇ийнамби д̇уулам̣. зд̇зхи д̇ийхи саб̣б̣абхууд̇аг̇аамаа сан̇г̇ахид̇аа хонд̇и. ругкаваллид̇ин̣аж̇аад̇ияо хи мун̃жид̇ваа ан̃н̃о бхууд̇аг̇аамо наама над̇т̇и, д̇асмаа яасса гассажи бхууд̇аг̇аамасса д̇уулам̣ б̣имб̣оханз ваддад̇и, бхисим̣ бана баабун̣ид̇ваа саб̣б̣амбзд̇ам̣ агаббияад̇ууланд̇и вужжад̇и. на гзвалан̃жа б̣имб̣оханз зд̇ам̣ д̇ууламзва, хам̣самораад̣̇ийнам̣ саб̣б̣асагун̣аанам̣ сийхаад̣̇ийнам̣ саб̣б̣ажад̇уббад̣̇аанан̃жа ломамби ваддад̇и. бияан̇г̇убубпаб̣агул̣абубпаад̣̇и бана яам̣гин̃жи бубпам̣ на ваддад̇и. д̇амаалабад̇д̇ам̣ суд̣̇д̇хамзва на ваддад̇и, миссагам̣ бана ваддад̇и. бхисийнам̣ анун̃н̃аад̇ам̣ бан̃жавид̇хам̣ ун̣н̣аад̣̇ид̇ууламби ваддад̇и.

Aṭṭhaṅgulaparamaṃ mañcapaṭipādakanti ettha manussānaṃ pamāṇaṅgulameva aṭṭhaṅgulaṃ. Cimilikā nāma parikammakatāya bhūmiyā chavisaṃrakkhaṇatthāya attharaṇaṃ vuccati. Rukkhatūlanti simbalirukkhādīnaṃ yesaṃ kesañci rukkhānaṃ tūlaṃ. Latātūlanti khīravalliādīnaṃ yāsaṃ kāsañci vallīnaṃ tūlaṃ. Poṭakitūlanti poṭakitiṇādīnaṃ yesaṃ kesañci tiṇajātikānaṃ antamaso ucchunaḷādīnampi tūlaṃ. Etehi tīhi sabbabhūtagāmā saṅgahitā honti. Rukkhavallitiṇajātiyo hi muñcitvā añño bhūtagāmo nāma natthi, tasmā yassa kassaci bhūtagāmassa tūlaṃ bimbohane vaṭṭati, bhisiṃ pana pāpuṇitvā sabbampetaṃ akappiyatūlanti vuccati. Na kevalañca bimbohane etaṃ tūlameva, haṃsamorādīnaṃ sabbasakuṇānaṃ sīhādīnaṃ sabbacatuppadānañca lomampi vaṭṭati. Piyaṅgupupphabakuḷapupphādi pana yaṃkiñci pupphaṃ na vaṭṭati. Tamālapattaṃ suddhameva na vaṭṭati, missakaṃ pana vaṭṭati. Bhisīnaṃ anuññātaṃ pañcavidhaṃ uṇṇāditūlampi vaṭṭati.

ад̣̇д̇хагааяигаанийд̇и убад̣дхагааяаббамаан̣аани, язсу гадид̇о бадтааяа яаава сийсам̣ убад̣̇аханд̇и. сийсаббамаан̣ам̣ наама яасса вид̇т̇аарад̇о д̇ийсу ган̣н̣зсу д̣̇виннам̣ ган̣н̣аанам̣ анд̇арам̣ минийяамаанам̣ вид̣̇ад̇т̇и жзва жад̇уран̇г̇улан̃жа ход̇и, маж̇жхадтаанам̣ мудтирад̇анам̣ ход̇и. д̣̇ийгхад̇о бана д̣̇ияад̣дхарад̇анам̣ ваа д̣̇вирад̇анам̣ ваад̇и гурунд̣̇ияам̣ вуд̇д̇ам̣. аяам̣ сийсаббамаан̣асса уггадтабарижчзд̣̇о. ид̇о уд̣̇д̇хам̣ на ваддад̇и, хздтаа бана ваддад̇и. аг̇илаанасса сийсубад̇хаанан̃жа баад̣̇убад̇хаанан̃жаад̇и д̣̇ваяамзва ваддад̇и . г̇илаанасса б̣имб̣оханаани сант̇арид̇ваа убари бажжад̇т̇аран̣ам̣ гад̇ваа нибаж̇ж̇ид̇умби ваддад̇и. ‘‘яаани бана бхисийнам̣ анун̃н̃аад̇аани бан̃жа габбияад̇уулаани, д̇зхи б̣имб̣оханам̣ маханд̇амби ваддад̇ий’’д̇и пуссад̣̇звад̇т̇зро ааха. винаяад̇хараубад̇иссад̇т̇зро бана ‘‘б̣имб̣оханам̣ гариссаамий’д̇и габбияад̇уулам̣ ваа агаббияад̇уулам̣ ваа багкибид̇ваа гаронд̇асса бамаан̣амзва ваддад̇ий’’д̇и ааха.

Addhakāyikānīti upaḍḍhakāyappamāṇāni, yesu kaṭito paṭṭhāya yāva sīsaṃ upadahanti. Sīsappamāṇaṃ nāma yassa vitthārato tīsu kaṇṇesu dvinnaṃ kaṇṇānaṃ antaraṃ minīyamānaṃ vidatthi ceva caturaṅgulañca hoti, majjhaṭṭhānaṃ muṭṭhiratanaṃ hoti. Dīghato pana diyaḍḍharatanaṃ vā dviratanaṃ vāti kurundiyaṃ vuttaṃ. Ayaṃ sīsappamāṇassa ukkaṭṭhaparicchedo. Ito uddhaṃ na vaṭṭati, heṭṭhā pana vaṭṭati. Agilānassa sīsupadhānañca pādupadhānañcāti dvayameva vaṭṭati . Gilānassa bimbohanāni santharitvā upari paccattharaṇaṃ katvā nipajjitumpi vaṭṭati. ‘‘Yāni pana bhisīnaṃ anuññātāni pañca kappiyatūlāni, tehi bimbohanaṃ mahantampi vaṭṭatī’’ti phussadevatthero āha. Vinayadharaupatissatthero pana ‘‘bimbohanaṃ karissāmī’ti kappiyatūlaṃ vā akappiyatūlaṃ vā pakkhipitvā karontassa pamāṇameva vaṭṭatī’’ti āha.

бан̃жа бхисияод̇и бан̃жахи ун̣н̣аад̣̇ийхи буурид̇абхисияо. д̇уулаг̇ан̣анааяа хи зд̇аасам̣ г̇ан̣анаа вуд̇д̇аа. д̇ад̇т̇а ун̣н̣аг̇г̇ахан̣зна на гзвалам̣ зл̣агаломамзва г̇ахид̇ам̣, табзд̇ваа мануссаломам̣ яам̣гин̃жи габбияаагаббияамам̣саж̇аад̇ийнам̣ багкижад̇уббад̣̇аанам̣ ломам̣, саб̣б̣ам̣ ид̇ха ун̣н̣аг̇г̇ахан̣знзва г̇ахид̇ам̣. д̇асмаа чаннам̣ жийвараанам̣ чаннам̣ ануломажийвараанан̃жа ан̃н̃ад̇арзна бхисижчавим̣ гад̇ваа д̇ам̣ саб̣б̣ам̣ багкибид̇ваа бхисим̣ гаад̇ум̣ ваддад̇и. зл̣агаломаани бана абагкибид̇ваа гамб̣аламзва жад̇уг̇г̇ун̣ам̣ ваа бан̃жаг̇ун̣ам̣ ваа багкибид̇ваа гад̇ааби ун̣н̣абхисисан̇кяамзва г̇ажчад̇и.

Pañca bhisiyoti pañcahi uṇṇādīhi pūritabhisiyo. Tūlagaṇanāya hi etāsaṃ gaṇanā vuttā. Tattha uṇṇaggahaṇena na kevalaṃ eḷakalomameva gahitaṃ, ṭhapetvā manussalomaṃ yaṃkiñci kappiyākappiyamaṃsajātīnaṃ pakkhicatuppadānaṃ lomaṃ, sabbaṃ idha uṇṇaggahaṇeneva gahitaṃ. Tasmā channaṃ cīvarānaṃ channaṃ anulomacīvarānañca aññatarena bhisicchaviṃ katvā taṃ sabbaṃ pakkhipitvā bhisiṃ kātuṃ vaṭṭati. Eḷakalomāni pana apakkhipitvā kambalameva catugguṇaṃ vā pañcaguṇaṃ vā pakkhipitvā katāpi uṇṇabhisisaṅkhyameva gacchati.

жол̣абхисиаад̣̇ийсу яам̣гин̃жи наважол̣ам̣ ваа бураан̣ажол̣ам̣ ваа сам̣харид̇ваа ваа анд̇о багкибид̇ваа ваа гад̇аа жол̣абхиси, яам̣гин̃жи ваагам̣ багкибид̇ваа гад̇аа ваагабхиси, яам̣гин̃жи д̇ин̣ам̣ багкибид̇ваа гад̇аа д̇ин̣абхиси, ан̃н̃ад̇ра суд̣̇д̇хад̇амаалабад̇д̇ам̣ яам̣гин̃жи бан̣н̣ам̣ багкибид̇ваа гад̇аа бан̣н̣абхисийд̇и взд̣̇ид̇аб̣б̣аа. д̇амаалабад̇д̇ам̣ бана ан̃н̃зна миссамзва ваддад̇и, суд̣̇д̇хам̣ на ваддад̇и. бхисияаа бамаан̣анияамо над̇т̇и, ман̃жабхиси бийтабхиси бхуумад̇т̇аран̣абхиси жан̇гаманабхиси баад̣̇абун̃чанабхисийд̇и зд̇аасам̣ ануруубад̇о саллагкзд̇ваа ад̇д̇ано руживасзна бамаан̣ам̣ гаад̇аб̣б̣ам̣. яам̣ банзд̇ам̣ ун̣н̣аад̣̇ибан̃жавид̇хад̇ууламби бхисияам̣ ваддад̇и, д̇ам̣ ‘‘масуурагзби ваддад̇ий’’д̇и гурунд̣̇ияам̣ вуд̇д̇ам̣. зд̇зна масуурагам̣ барибхун̃ж̇ид̇ум̣ ваддад̇ийд̇и сид̣̇д̇хам̣ ход̇и.

Coḷabhisiādīsu yaṃkiñci navacoḷaṃ vā purāṇacoḷaṃ vā saṃharitvā vā anto pakkhipitvā vā katā coḷabhisi, yaṃkiñci vākaṃ pakkhipitvā katā vākabhisi, yaṃkiñci tiṇaṃ pakkhipitvā katā tiṇabhisi, aññatra suddhatamālapattaṃ yaṃkiñci paṇṇaṃ pakkhipitvā katā paṇṇabhisīti veditabbā. Tamālapattaṃ pana aññena missameva vaṭṭati, suddhaṃ na vaṭṭati. Bhisiyā pamāṇaniyamo natthi, mañcabhisi pīṭhabhisi bhūmattharaṇabhisi caṅkamanabhisi pādapuñchanabhisīti etāsaṃ anurūpato sallakkhetvā attano rucivasena pamāṇaṃ kātabbaṃ. Yaṃ panetaṃ uṇṇādipañcavidhatūlampi bhisiyaṃ vaṭṭati, taṃ ‘‘masūrakepi vaṭṭatī’’ti kurundiyaṃ vuttaṃ. Etena masūrakaṃ paribhuñjituṃ vaṭṭatīti siddhaṃ hoti.

ман̃жабхисим̣ бийтз сант̇аранд̇ийд̇и ман̃жабхисим̣ бийтз ад̇т̇аранд̇и; ад̇т̇аран̣ад̇т̇ааяа харанд̇ийд̇и яуж̇ж̇ад̇и. уллогам̣ агарид̇ваад̇и хздтаа жимилигам̣ ад̣̇ад̇ваа. посид̇унд̇и раж̇анзна ваа халид̣̇д̣̇ияаа ваа убари пусид̇аани д̣̇аад̇ум̣. бхад̇д̇игамманд̇и бхисижчавияаа убари бхад̇д̇игаммам̣. хад̇т̇абхад̇д̇инд̇и бан̃жан̇г̇улибхад̇д̇им̣.

Mañcabhisiṃ pīṭhe santharantīti mañcabhisiṃ pīṭhe attharanti; attharaṇatthāya harantīti yujjati. Ullokaṃ akaritvāti heṭṭhā cimilikaṃ adatvā. Phositunti rajanena vā haliddiyā vā upari phusitāni dātuṃ. Bhattikammanti bhisicchaviyā upari bhattikammaṃ. Hatthabhattinti pañcaṅgulibhattiṃ.

298. иггаасанд̇и ругканияяаасам̣ ваа силзсам̣ ваа. бидтамад̣̇д̣̇анд̇и бидтакалим̣. гун̣д̣агамад̇д̇иганд̇и гун̣д̣агамиссагамад̇д̇игам̣. саасабагудданд̇и саасабабидтам̣. сид̇т̇ад̇злаганд̇и вилийнамад̇хусид̇т̇агам̣. ажжуссаннам̣ ход̇ийд̇и б̣инд̣̇у б̣инд̣̇у худ̇ваа д̇идтад̇и. бажжуд̣̇д̇харид̇унд̇и бун̃чид̇ум̣. г̇ан̣д̣умад̇д̇иганд̇и г̇ан̣д̣уббаад̣̇аг̇уут̇амад̇д̇игам̣. гасааванд̇и аамалагахарийд̇агаанам̣ гасаавам̣.

298.Ikkāsanti rukkhaniyyāsaṃ vā silesaṃ vā. Piṭṭhamaddanti piṭṭhakhaliṃ. Kuṇḍakamattikanti kuṇḍakamissakamattikaṃ. Sāsapakuṭṭanti sāsapapiṭṭhaṃ. Sitthatelakanti vilīnamadhusitthakaṃ. Accussannaṃ hotīti bindu bindu hutvā tiṭṭhati. Paccuddharitunti puñchituṃ. Gaṇḍumattikanti gaṇḍuppādagūthamattikaṃ. Kasāvanti āmalakaharītakānaṃ kasāvaṃ.

299. на бхигкавз бадибхаанажид̇д̇анд̇и зд̇т̇а на гзвалам̣ ид̇т̇ибурисаруубамзва, д̇иражчаанаруубамби анд̇амасо г̇ан̣д̣уббаад̣̇аруубамби бхигкуно саяам̣ гаад̇ум̣ ваа ‘‘гарохий’’д̇и вад̇д̇ум̣ ваа на ваддад̇и, ‘‘убаасага д̣̇ваарабаалам̣ гарохий’’д̇и вад̇д̇умби на лаб̣бхад̇и. ж̇аад̇агабагаран̣аасад̣̇исад̣̇аанаад̣̇ийни бана басаад̣̇анийяаани ниб̣б̣ид̣̇аабадисам̣яуд̇д̇аани ваа вад̇т̇ууни барзхи гаараабзд̇ум̣ лаб̣бхад̇и. маалаагаммаад̣̇ийни саяамби гаад̇ум̣ лаб̣бхад̇и.

299.Na bhikkhave paṭibhānacittanti ettha na kevalaṃ itthipurisarūpameva, tiracchānarūpampi antamaso gaṇḍuppādarūpampi bhikkhuno sayaṃ kātuṃ vā ‘‘karohī’’ti vattuṃ vā na vaṭṭati, ‘‘upāsaka dvārapālaṃ karohī’’ti vattumpi na labbhati. Jātakapakaraṇaasadisadānādīni pana pasādanīyāni nibbidāpaṭisaṃyuttāni vā vatthūni parehi kārāpetuṃ labbhati. Mālākammādīni sayampi kātuṃ labbhati.

300. ал̣агаманд̣̇аад̇и зган̇г̇ан̣аа мануссаабхигин̣н̣аа. д̇аяо г̇аб̣бхзд̇и зд̇т̇а сивигааг̇аб̣бход̇и жад̇урассаг̇аб̣бхо. наал̣игааг̇аб̣бход̇и вид̇т̇аарад̇о д̣̇иг̇ун̣ад̇иг̇ун̣ааяаамо д̣̇ийгхаг̇аб̣бхо. хаммияаг̇аб̣бход̇и аагаасад̇алз гуудааг̇аараг̇аб̣бхо ваа мун̣д̣ажчад̣̇анаг̇аб̣бхо ваа.

300.Aḷakamandāti ekaṅgaṇā manussābhikiṇṇā. Tayo gabbheti ettha sivikāgabbhoti caturassagabbho. Nāḷikāgabbhoti vitthārato diguṇatiguṇāyāmo dīghagabbho. Hammiyagabbhoti ākāsatale kūṭāgāragabbho vā muṇḍacchadanagabbho vā.

галан̇габаад̣̇аганд̇и ругкам̣ виж̇жхид̇ваа д̇ад̇т̇а каан̣угз аагодзд̇ваа гад̇ам̣, д̇ам̣ аахаримам̣ бхид̇д̇ибаад̣̇ам̣ ж̇ин̣н̣агуддабаад̣̇асса убад̇т̇амбханад̇т̇ам̣ бхуумияам̣ бад̇идтаабзд̇ум̣ ануж̇аанаамийд̇и ад̇т̇о. барид̇д̇аан̣агидиганд̇и вассабарид̇д̇аан̣ад̇т̇ам̣ гидигам̣. уд̣̇д̣̇асуд̇ханд̇и важчагаг̇омаязна жзва чааригааяа жа сад̣̇д̇хим̣ мад̣̇д̣̇ид̇амад̇д̇игам̣.

Kalaṅkapādakanti rukkhaṃ vijjhitvā tattha khāṇuke ākoṭetvā kataṃ, taṃ āharimaṃ bhittipādaṃ jiṇṇakuṭṭapādassa upatthambhanatthaṃ bhūmiyaṃ patiṭṭhāpetuṃ anujānāmīti attho. Parittāṇakiṭikanti vassaparittāṇatthaṃ kiṭikaṃ. Uddasudhanti vacchakagomayena ceva chārikāya ca saddhiṃ madditamattikaṃ.

аал̣инд̣̇о наама бамукам̣ вужжад̇и. багханам̣ наама яам̣ нигкаманд̇аа жа бависанд̇аа жа баад̣̇зхи хананд̇и, д̇асса вихаарад̣̇ваарз убхад̇о гуддам̣ нийхарид̇ваа гад̇абад̣̇зсассзд̇ам̣ ад̇хиважанам̣, ‘‘багхаана’’нд̇иби вужжад̇и. багудданд̇и маж̇жхз г̇аб̣бхасса саманд̇аа барияааг̇ааро вужжад̇и. ‘‘багуда’’нд̇иби баато. осаараганд̇и анаал̣инд̣̇агз вихаарз вам̣сам̣ д̣̇ад̇ваа д̇ад̇о д̣̇ан̣д̣агз осаарзд̇ваа гад̇ачад̣̇анабамукам̣. сам̣сааран̣агидиго наама жаггалаяуд̇д̇о гидиго.

Āḷindo nāma pamukhaṃ vuccati. Paghanaṃ nāma yaṃ nikkhamantā ca pavisantā ca pādehi hananti, tassa vihāradvāre ubhato kuṭṭaṃ nīharitvā katapadesassetaṃ adhivacanaṃ, ‘‘paghāna’’ntipi vuccati. Pakuṭṭanti majjhe gabbhassa samantā pariyāgāro vuccati. ‘‘Pakuṭa’’ntipi pāṭho. Osārakanti anāḷindake vihāre vaṃsaṃ datvā tato daṇḍake osāretvā katachadanapamukhaṃ. Saṃsāraṇakiṭiko nāma cakkalayutto kiṭiko.

301. баанийяабхааж̇ананд̇и биванд̇аанам̣ баанийяад̣̇аанабхааж̇анам̣. ул̣ун̇го жа т̇аалаган̃жа баанийяасан̇касса ануломаани.

301.Pānīyabhājananti pivantānaṃ pānīyadānabhājanaṃ. Uḷuṅko ca thālakañca pānīyasaṅkhassa anulomāni.

303. абзсийд̇и д̣̇ийгхад̣̇аарумхи каан̣угз бавзсзд̇ваа ган̣дагасаакаахи винанд̇хид̇ваа гад̇ам̣ д̣̇ваарат̇аганагам̣. балигход̇и г̇аамад̣̇ваарзсу вияа жаггаяуд̇д̇ам̣ д̣̇ваарат̇аганагам̣.

303.Apesīti dīghadārumhi khāṇuke pavesetvā kaṇṭakasākhāhi vinandhitvā kataṃ dvārathakanakaṃ. Palighoti gāmadvāresu viya cakkayuttaṃ dvārathakanakaṃ.

305. ассад̇арийхи яуд̇д̇аа рат̇аа ассад̇арийрат̇аа. аамуд̇д̇аман̣игун̣д̣алаад̇и аамуд̇д̇аман̣игун̣д̣алаани.

305. Assatarīhi yuttā rathā assatarīrathā. Āmuttamaṇikuṇḍalāti āmuttamaṇikuṇḍalāni.

бариниб̣б̣уд̇од̇и гилзсабариниб̣б̣аанзна бариниб̣б̣уд̇о. сийд̇ибхууд̇од̇и гилзсаад̇абаабхаавзна сийд̇ибхууд̇о. нируубад̇хийд̇и гилзсубад̇хиабхаавзна нируубад̇хийд̇и вужжад̇и.

Parinibbutoti kilesaparinibbānena parinibbuto. Sītibhūtoti kilesātapābhāvena sītibhūto. Nirūpadhīti kilesupadhiabhāvena nirūpadhīti vuccati.

саб̣б̣аа аасад̇д̇ияо чзд̇ваад̇и руубаад̣̇ийсу ваа висаязсу саб̣б̣абхавзсу ваа бад̇т̇анааяо чинд̣̇ид̇ваа. хад̣̇аяз д̣̇аранд̇и жид̇д̇з гилзсад̣̇арат̇ам̣ винзд̇ваа. взяяааяиганд̇и ваяагаран̣ам̣ вужжад̇и.

Sabbā āsattiyo chetvāti rūpādīsu vā visayesu sabbabhavesu vā patthanāyo chinditvā. Hadaye daranti citte kilesadarathaṃ vinetvā. Veyyāyikanti vayakaraṇaṃ vuccati.

307. аад̣̇зяяаваажод̇и д̇асса важанам̣ б̣ахуу ж̇анаа аад̣̇ияид̇аб̣б̣ам̣ сод̇аб̣б̣ам̣ ман̃н̃анд̇ийд̇и ад̇т̇о. аараамз агам̣сууд̇и яз сад̇ханаа, д̇з ад̇д̇ано д̇ханзна агам̣су. яз манд̣̇ад̇ханаа жзва ад̇ханаа жа, д̇зсам̣ д̇ханам̣ ад̣̇ааси. ид̇и со сад̇асахассагахаабан̣з сад̇асахассаг̇гханаган̃жа бхан̣д̣ам̣ д̣̇ад̇ваа бан̃жажад̇д̇аалийсаяож̇анигз ад̣̇д̇хаанз яож̇анз яож̇анз вихаарабад̇идтаанам̣ гад̇ваа саавад̇т̇им̣ аг̇амааси.

307.Ādeyyavācoti tassa vacanaṃ bahū janā ādiyitabbaṃ sotabbaṃ maññantīti attho. Ārāme akaṃsūti ye sadhanā, te attano dhanena akaṃsu. Ye mandadhanā ceva adhanā ca, tesaṃ dhanaṃ adāsi. Iti so satasahassakahāpaṇe satasahassagghanakañca bhaṇḍaṃ datvā pañcacattālīsayojanike addhāne yojane yojane vihārapatiṭṭhānaṃ katvā sāvatthiṃ agamāsi.

годисант̇арам̣ сант̇араабзсийд̇и гахаабан̣агодияаа гахаабан̣агодим̣ бадибаад̣̇зд̇ваа сант̇ари. яз д̇ад̇т̇а ругкаа ваа богкаран̣ияо ваа д̇зсам̣ баригкзбаббамаан̣ам̣ г̇ахзд̇ваа ан̃н̃асмим̣ таанз сант̇арид̇ваа ад̣̇ааси. звамасса адтаарасагодигам̣ нид̇хаанам̣ баригкаяам̣ аг̇амааси.

Koṭisantharaṃsantharāpesīti kahāpaṇakoṭiyā kahāpaṇakoṭiṃ paṭipādetvā santhari. Ye tattha rukkhā vā pokkharaṇiyo vā tesaṃ parikkhepappamāṇaṃ gahetvā aññasmiṃ ṭhāne santharitvā adāsi. Evamassa aṭṭhārasakoṭikaṃ nidhānaṃ parikkhayaṃ agamāsi.

гумаарасса зд̇ад̣̇ахосийд̇и г̇ахабад̇ино звам̣ б̣ахуд̇ханам̣ жаж̇анд̇ассааби мукасса виббасаннаагаарам̣ д̣̇исваа зд̇ам̣ ахоси. годтагам̣ маабзсийд̇и сад̇д̇абхуумигам̣ д̣̇ваарагодтагабаасаад̣̇ам̣ маабзси.

Kumārassaetadahosīti gahapatino evaṃ bahudhanaṃ cajantassāpi mukhassa vippasannākāraṃ disvā etaṃ ahosi. Koṭṭhakaṃ māpesīti sattabhūmikaṃ dvārakoṭṭhakapāsādaṃ māpesi.

ат̇а ко анаат̇абин̣д̣иго г̇ахабад̇и ж̇зд̇аванз вихаарз гаараабзси…бз… ман̣д̣абз гаараабзсийд̇и абараахиби адтаарасахи годийхи зд̇з вихаараад̣̇аяо гаараабзси адтагарийсаббамаан̣ааяа бхуумияаа. вибассисса хи бхаг̇авад̇о бунаб̣б̣асумид̇д̇о г̇ахабад̇и яож̇анаббамаан̣ам̣ бхуумим̣ суван̣н̣идтагаасант̇арзна гин̣ид̇ваа вихаарам̣ гаараабзси. сикисса бана сиривад̣дхо г̇ахабад̇и д̇иг̇аавуд̇аббамаан̣ам̣ суван̣н̣аяадтисант̇арзна, взссабхусса сод̇т̇иж̇о г̇ахабад̇и ад̣дхаяож̇анаббамаан̣ам̣ суван̣н̣апааласант̇арзна, гагусанд̇хасса бана ажжуд̇о г̇ахабад̇и г̇аавуд̇аббамаан̣ам̣ суван̣н̣ахад̇т̇ибад̣̇асант̇арзна, гон̣ааг̇аманасса уг̇г̇о г̇ахабад̇и ад̣дхаг̇аавуд̇аббамаан̣ам̣ суван̣н̣идтагаасант̇арзна, гассабасса суман̇г̇ало г̇ахабад̇и вийсад̇иусабхаббамаан̣ам̣ суван̣н̣агажчабасант̇арзна, амхаагам̣ бхаг̇авад̇о суд̣̇ад̇д̇о г̇ахабад̇и адтагарийсаббамаан̣ам̣ бхуумим̣ гахаабан̣асант̇арзна гин̣ид̇ваа вихаарам̣ гаараабзсийд̇и; звам̣ анубуб̣б̣зна барихааяанд̇и самбад̇д̇ияод̇и аламзва саб̣б̣асамбад̇д̇ийсу вираж̇ж̇ид̇ум̣ алам̣ вимужжид̇унд̇и.

Atha kho anāthapiṇḍiko gahapati jetavane vihāre kārāpesi…pe… maṇḍape kārāpesīti aparāhipi aṭṭhārasahi koṭīhi ete vihārādayo kārāpesi aṭṭhakarīsappamāṇāya bhūmiyā. Vipassissa hi bhagavato punabbasumitto gahapati yojanappamāṇaṃ bhūmiṃ suvaṇṇiṭṭhakāsantharena kiṇitvā vihāraṃ kārāpesi. Sikhissa pana sirivaḍḍho gahapati tigāvutappamāṇaṃ suvaṇṇayaṭṭhisantharena, vessabhussa sotthijo gahapati aḍḍhayojanappamāṇaṃ suvaṇṇaphālasantharena, kakusandhassa pana accuto gahapati gāvutappamāṇaṃ suvaṇṇahatthipadasantharena, koṇāgamanassa uggo gahapati aḍḍhagāvutappamāṇaṃ suvaṇṇiṭṭhakāsantharena, kassapassa sumaṅgalo gahapati vīsatiusabhappamāṇaṃ suvaṇṇakacchapasantharena, amhākaṃ bhagavato sudatto gahapati aṭṭhakarīsappamāṇaṃ bhūmiṃ kahāpaṇasantharena kiṇitvā vihāraṃ kārāpesīti; evaṃ anupubbena parihāyanti sampattiyoti alameva sabbasampattīsu virajjituṃ alaṃ vimuccitunti.

308. кан̣д̣анд̇и бхинногаасо. пулланд̇и палид̇огаасо. бадисан̇кариссад̇ийд̇и баагад̇игам̣ гариссад̇и. лад̣̇д̇ханавагаммзна бана бхигкунаа ваасипарасуникаад̣̇анаад̣̇ийни г̇ахзд̇ваа саяам̣ на гаад̇аб̣б̣ам̣, гад̇аагад̇ам̣ ж̇аанид̇аб̣б̣ам̣.

308.Khaṇḍanti bhinnokāso. Phullanti phalitokāso. Paṭisaṅkharissatīti pākatikaṃ karissati. Laddhanavakammena pana bhikkhunā vāsipharasunikhādanādīni gahetvā sayaṃ na kātabbaṃ, katākataṃ jānitabbaṃ.

310. бидтид̇о бидтид̇о г̇анд̇ваад̇и т̇зро гира г̇илаанз бадиж̇аг̇г̇анд̇о ж̇ин̣н̣з вуд̣дхз сан̇г̇ан̣ханд̇о саб̣б̣абажчад̇о ааг̇ажчад̇и. ид̣̇амасса жаарид̇д̇ам̣. д̇зна вуд̇д̇ам̣ – ‘‘бидтид̇о бидтид̇о г̇анд̇ваа’’д̇и. аг̇г̇аасананд̇и т̇зраасанам̣. аг̇г̇од̣̇аганд̇и д̣̇агкин̣од̣̇агам̣. аг̇г̇абин̣д̣анд̇и сан̇гхад̇т̇зрабин̣д̣ам̣. анд̇араа сад̇т̇ийнам̣ гарид̇ваад̇и жад̇уннам̣ баад̣̇аанам̣ анд̇арз гарид̇ваа.

310.Piṭṭhito piṭṭhito gantvāti thero kira gilāne paṭijagganto jiṇṇe vuḍḍhe saṅgaṇhanto sabbapacchato āgacchati. Idamassa cārittaṃ. Tena vuttaṃ – ‘‘piṭṭhito piṭṭhito gantvā’’ti. Aggāsananti therāsanaṃ. Aggodakanti dakkhiṇodakaṃ. Aggapiṇḍanti saṅghattherapiṇḍaṃ. Antarā satthīnaṃ karitvāti catunnaṃ pādānaṃ antare karitvā.

315. бад̇идтаабзсийд̇и адтаарасагодибарижжааг̇ам̣ гад̇ваа бад̇идтаабзси. звам̣ саб̣б̣ааби жад̇убан̣н̣аасагодияо барижжаж̇и.

315.Patiṭṭhāpesīti aṭṭhārasakoṭipariccāgaṃ katvā patiṭṭhāpesi. Evaṃ sabbāpi catupaṇṇāsakoṭiyo pariccaji.

вихаараануж̇аананагат̇аа нидтид̇аа.

Vihārānujānanakathā niṭṭhitā.

Next: аасанаббадиб̣ааханаад̣̇игат̇аа • Āsanappaṭibāhanādikathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
вихаараануж̇аананагат̇ааван̣н̣анаа • Vihārānujānanakathāvaṇṇanā
ман̃жабийтаад̣̇иануж̇аананагат̇ааван̣н̣анаа • Mañcapīṭhādianujānanakathāvaṇṇanā
идтагаажаяаад̣̇иануж̇аананагат̇ааван̣н̣анаа • Iṭṭhakācayādianujānanakathāvaṇṇanā
анаат̇абин̣д̣игавад̇т̇угат̇ааван̣н̣анаа • Anāthapiṇḍikavatthukathāvaṇṇanā
аг̇г̇аасанаад̣̇иануж̇аананагат̇ааван̣н̣анаа • Aggāsanādianujānanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact