6. ஸேனாஸனக்க²ந்த⁴கவண்ணனா

விஹாரானுஜானநகதா²வண்ணனா

294. நிலீயந்தி பி⁴க்கூ² எத்தா²தி விஹாராத³யோ லேணானி நாம. ஆக³த-வசனேன தஸ்ஸாக³தஸங்கோ⁴வ ஸாமீ, ந அனாக³தோதி கேசி, தங் ந யுஜ்ஜதி ஸமானலாப⁴கதிகாய ஸித்³த⁴த்தா.

296-7. தீ³பினங்கு³ட்டே²னாதி எத்த² ‘‘தீ³பினா அகப்பியசம்மங் த³ஸ்ஸேதீ’’தி லிகி²தங். த²ம்ப⁴கவாதபானங் நாம திரியங் தா³ரூனி அத³த்வா உஜுகங் டி²தேஹேவ தா³ரூஹி கத்தப்³ப³ங். பி⁴ஸீனங் அனுஞ்ஞாதங் வட்டதீதி பி³ம்போ³ஹனே வட்டதீதி அத்தோ². தூலபூரிதங் பி⁴ஸிங் அபஸ்ஸயிதுங் ந வட்டதி உண்ணாதீ³னங்யேவ அனுஞ்ஞாதத்தா. நிஸீத³னநிபஜ்ஜனங் ஸந்தா⁴ய வுத்தங், தஸ்மா அபஸ்ஸயிதுங் வட்டதீதி சே? அகப்பியந்தி ந வட்டதீதி கேசி. யதி³ ஏவங் அகப்பியமஞ்சஞ்ச அபஸ்ஸயிதுங் ந வட்டெய்ய. யஸ்மா வட்டதி, தஸ்மா தோ³ஸோ நத்தி². அபிச கி³லானஸ்ஸ பி³ம்போ³ஹனங் நிபஜ்ஜிதும்பி அனுஞ்ஞாதங், தஸ்மா பி⁴ஸிபி வட்டதி அபஸ்ஸயிதுங். ஆசரியா ச அனுஜானந்தி, வளஞ்ஜெந்தி சாதி ஏகே. ஸிம்ப³லிதூலஸுத்தேன ஸிப்³பி³தங் சீவரங் வட்டதி. கஸ்மா? கப்பாஸஸ்ஸ அனுலோமதோ. ‘‘அக்கப²லஸுத்தமயம்பி அக்கவாகமயமேவ படிக்கி²த்த’’ந்தி தே ஏவ வத³ந்தி.

298. அனிப³ந்த⁴னீயோ அலக்³கோ³. படிபா³ஹெத்வாதி மட்ட²ங் கத்வா. ‘‘ஸேதவண்ணாதீ³னங் யதா²ஸங்க்²யங் இக்காஸாத³யோ ப³ந்த⁴னத்த²ங் வுத்தா’’தி லிகி²தங்.

300. பகுட்டங் ஸமந்ததோ ஆவித்³த⁴பமுக²ங்.

303. ஸுதா⁴லேபோதி ஸுதா⁴மத்திகாலேபோ.

305. ஆஸத்தி தண்ஹா. ஸந்திங் அத³ரங்.

307. கேதுந்தி கயேன க³ஹேதுங்.

308. சிதாதி இட்ட²காயோ கப³ளேன நித்³த⁴மனவஸேன சி²ந்தி³த்வா கதாதி அத்தோ².

310. ச²ப்³ப³க்³கி³யானங் பி⁴க்கூ²னங் அந்தேவாஸிகாதி எத்த² வீஸதிவஸ்ஸங் அதிக்கமித்வா ச²ப்³ப³க்³கி³யா உப்பன்னா. ‘‘ஆராத⁴யிங்ஸு மே பி⁴க்கூ² சித்த’’ந்தி (ம॰ நி॰ 1.225) வுத்தத்தா அஞ்ஞஸ்மிங் காலே ஸாவத்தி²க³மனே உப்பன்னங் வத்து²ங் இத⁴ ஆபத்தித³ஸ்ஸனத்த²ங் ஆஹரித்வா வுத்தந்தி யுத்தங் விய, விசாரெத்வா க³ஹேதப்³ப³ங். வுத்³த⁴ந்தி வுத்³த⁴தரங்.

313. ஸந்த²ரேதி திணஸந்த²ராத³யோ.