| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
6. сзнаасанагканд̇хагам̣
6. Senāsanakkhandhakaṃ
вихаараануж̇аананагат̇ааван̣н̣анаа
Vihārānujānanakathāvaṇṇanā
294. сзнаасанагканд̇хагз сзнаасанам̣ абан̃н̃ад̇д̇ам̣ ход̇ийд̇и вихаарасзнаасанам̣ санд̇хааяа вуд̇д̇ам̣. жад̇уб̣б̣ид̇хан̃хи (ма. ни. адда. 1.296) сзнаасанам̣ вихаарасзнаасанам̣ ман̃жабийтасзнаасанам̣ сант̇ад̇асзнаасанам̣ огаасасзнаасананд̇и. д̇ад̇т̇а ‘‘ман̃жоби сзнаасанам̣, бийтамби бхисиби б̣имб̣оханамби вихаароби ад̣дхаяог̇оби баасаад̣̇оби хаммияамби г̇ухааби аддоби маал̣оби лзн̣амби взл̣уг̇умб̣оби ругкамууламби ман̣д̣абоби сзнаасанам̣. яад̇т̇а ваа бана бхигкуу бадиггаманд̇и, саб̣б̣амзд̇ам̣ сзнаасана’’нд̇и (вибха. 527) важанад̇о вихааро ад̣дхаяог̇о баасаад̣̇о хаммияам̣ г̇ухаад̇и ид̣̇ам̣ вихаарасзнаасанам̣ наама. ман̃жо бийтам̣ бхиси б̣имб̣охананд̇и ид̣̇ам̣ ман̃жабийтасзнаасанам̣ наама. жимилигаа жаммакан̣д̣о д̇ин̣асант̇ааро бан̣н̣асант̇аарод̇и ид̣̇ам̣ сант̇ад̇асзнаасанам̣ наама. яад̇т̇а ваа бана бхигкуу бадиггаманд̇ийд̇и ид̣̇ам̣ огаасасзнаасанам̣ наама.
294. Senāsanakkhandhake senāsanaṃ apaññattaṃ hotīti vihārasenāsanaṃ sandhāya vuttaṃ. Catubbidhañhi (ma. ni. aṭṭa. 1.296) senāsanaṃ vihārasenāsanaṃ mañcapīṭhasenāsanaṃ santhatasenāsanaṃ okāsasenāsananti. Tattha ‘‘mañcopi senāsanaṃ, pīṭhampi bhisipi bimbohanampi vihāropi aḍḍhayogopi pāsādopi hammiyampi guhāpi aṭṭopi māḷopi leṇampi veḷugumbopi rukkhamūlampi maṇḍapopi senāsanaṃ. Yattha vā pana bhikkhū paṭikkamanti, sabbametaṃ senāsana’’nti (vibha. 527) vacanato vihāro aḍḍhayogo pāsādo hammiyaṃ guhāti idaṃ vihārasenāsanaṃ nāma. Mañco pīṭhaṃ bhisi bimbohananti idaṃ mañcapīṭhasenāsanaṃ nāma. Cimilikā cammakhaṇḍo tiṇasanthāro paṇṇasanthāroti idaṃ santhatasenāsanaṃ nāma. Yattha vā pana bhikkhū paṭikkamantīti idaṃ okāsasenāsanaṃ nāma.
ругкамуулзд̇иаад̣̇ийсу ругкамууласзнаасанам̣ наама яам̣гин̃жи санд̣̇ажчааяам̣ вивид̇д̇ам̣ ругкамуулам̣. баб̣б̣ад̇о наама сзло. д̇ад̇т̇а хи уд̣̇агасон̣д̣ийсу уд̣̇агагижжам̣ гад̇ваа сийд̇ааяа ругкажчааяааяа нисиннаа наанаад̣̇исаасу кааяамаанаасу сийд̇зна ваад̇зна б̣ийж̇ияамаанаа саман̣ад̇хаммам̣ гаронд̇и. ганд̣̇арзд̇и гам̣ вужжад̇и уд̣̇агам̣, д̇зна д̣̇аарид̇о уд̣̇агзна бхинно баб̣б̣ад̇аббад̣̇зсо ганд̣̇арам̣. яам̣ ‘‘нид̇амб̣а’’нд̇иби ‘‘над̣̇ийгун̃ж̇а’’нд̇иби вад̣̇анд̇и. д̇ад̇т̇а хи раж̇ад̇абаддасад̣̇исаа ваалигаа ход̇и, мад̇т̇агз ман̣ивид̇аанам̣ вияа ванаг̇аханам̣, ман̣игканд̇хасад̣̇исам̣ уд̣̇агам̣ санд̣̇ад̇и, зваруубам̣ ганд̣̇арам̣ оруяха баанийяам̣ бивид̇ваа г̇ад̇д̇аани сийд̇ам̣ гад̇ваа ваалигам̣ уссаабзд̇ваа бам̣сугуулажийварам̣ бан̃н̃абзд̇ваа д̇ад̇т̇а нисиннаа д̇з бхигкуу саман̣ад̇хаммам̣ гаронд̇и. г̇ириг̇ухаа наама д̣̇виннам̣ баб̣б̣ад̇аанам̣ анд̇араа, згасмим̣язва ваа уман̇г̇асад̣̇исам̣ махаавиварам̣.
Rukkhamūletiādīsu rukkhamūlasenāsanaṃ nāma yaṃkiñci sandacchāyaṃ vivittaṃ rukkhamūlaṃ. Pabbato nāma selo. Tattha hi udakasoṇḍīsu udakakiccaṃ katvā sītāya rukkhacchāyāya nisinnā nānādisāsu khāyamānāsu sītena vātena bījiyamānā samaṇadhammaṃ karonti. Kandareti kaṃ vuccati udakaṃ, tena dārito udakena bhinno pabbatappadeso kandaraṃ. Yaṃ ‘‘nitamba’’ntipi ‘‘nadīkuñja’’ntipi vadanti. Tattha hi rajatapaṭṭasadisā vālikā hoti, matthake maṇivitānaṃ viya vanagahanaṃ, maṇikkhandhasadisaṃ udakaṃ sandati, evarūpaṃ kandaraṃ oruyha pānīyaṃ pivitvā gattāni sītaṃ katvā vālikaṃ ussāpetvā paṃsukūlacīvaraṃ paññapetvā tattha nisinnā te bhikkhū samaṇadhammaṃ karonti. Giriguhā nāma dvinnaṃ pabbatānaṃ antarā, ekasmiṃyeva vā umaṅgasadisaṃ mahāvivaraṃ.
‘‘ванабад̇т̇анд̇и д̣̇уураанамзд̇ам̣ сзнаасанаанам̣ ад̇хиважана’’нд̇иаад̣̇иважанад̇о (вибха. 531) яад̇т̇а на гасанд̇и на вабанд̇и, д̇аад̣̇исам̣ мануссаанам̣ убажаарадтаанам̣ ад̇иггамид̇ваа тид̇ам̣ аран̃н̃агасзнаасанам̣ ‘‘ванабад̇т̇а’’нд̇и вужжад̇и. аж̇жхогаасо наама гзнажи ажчанно бад̣̇зсо. ааган̇камаанаа банзд̇т̇а жийварагудим̣ гад̇ваа васанд̇и. балаалабун̃ж̇зд̇и балаалараасимхи. махаабалаалабун̃ж̇ад̇о хи балаалам̣ ниггад̣дхид̇ваа баб̣бхааралзн̣асад̣̇исз аалаяз гаронд̇и, г̇ажчаг̇умб̣аад̣̇ийнамби убари балаалам̣ баригкибид̇ваа хздтаа нисиннаа саман̣ад̇хаммам̣ гаронд̇и, д̇ам̣ санд̇хааязд̇ам̣ вуд̇д̇ам̣. бан̃жа лзн̣аанийд̇и бан̃жа лийяанадтаанаани. нилийяанд̇и зд̇т̇а бхигкууд̇и лзн̣аани, вихаараад̣̇ийнамзд̇ам̣ ад̇хиважанам̣. субан̣н̣аван̇гаг̇зханд̇и г̇арул̣абагкасан̣таанзна гад̇аг̇зхам̣.
‘‘Vanapatthanti dūrānametaṃ senāsanānaṃ adhivacana’’ntiādivacanato (vibha. 531) yattha na kasanti na vapanti, tādisaṃ manussānaṃ upacāraṭṭhānaṃ atikkamitvā ṭhitaṃ araññakasenāsanaṃ ‘‘vanapattha’’nti vuccati. Ajjhokāso nāma kenaci acchanno padeso. Ākaṅkhamānā panettha cīvarakuṭiṃ katvā vasanti. Palālapuñjeti palālarāsimhi. Mahāpalālapuñjato hi palālaṃ nikkaḍḍhitvā pabbhāraleṇasadise ālaye karonti, gacchagumbādīnampi upari palālaṃ parikkhipitvā heṭṭhā nisinnā samaṇadhammaṃ karonti, taṃ sandhāyetaṃ vuttaṃ. Pañca leṇānīti pañca līyanaṭṭhānāni. Nilīyanti ettha bhikkhūti leṇāni, vihārādīnametaṃ adhivacanaṃ. Supaṇṇavaṅkagehanti garuḷapakkhasaṇṭhānena katagehaṃ.
295. анумод̣̇анаг̇аат̇аасу сийд̇анд̇и аж̇жхад̇д̇ад̇хаад̇угкобхавасзна ваа б̣ахид̣̇д̇хауд̇увибарин̣аамавасазна ваа уббаж̇ж̇анагасийд̇ам̣. ун̣ханд̇и аг̇г̇исанд̇аабам̣, д̇асса ванад̣̇аахаад̣̇ийсу ваа самбхаво д̣̇адтаб̣б̣о. бадиханд̇ийд̇и б̣аад̇хад̇и. яат̇аа д̇ад̣̇убхаяавасзна гааяажид̇д̇аанам̣ б̣аад̇ханам̣ на ход̇и, звам̣ гарод̇и. сийд̇ун̣хаб̣бхаахад̇з хи сарийрз вигкид̇д̇ажид̇д̇о бхигку яонисо бад̣̇ахид̇ум̣ на саггод̇и. ваал̣амиг̇аанийд̇и сийхаб̣яаг̇гхаад̣̇иваал̣амиг̇з. г̇уд̇д̇асзнаасанан̃хи бависид̇ваа д̣̇ваарам̣ бид̇хааяа нисиннасса д̇з бариссаяаа на хонд̇и. сарийсабзд̇и яз гзжи саранд̇з г̇ажчанд̇з д̣̇ийгхаж̇аад̇игз. магасзд̇и нид̣̇ассанамад̇д̇амзд̇ам̣, д̣ам̣саад̣̇ийнамби зд̇знзва сан̇г̇ахо д̣̇адтаб̣б̣о. сисирзд̇и сисирагаалавасзна сад̇д̇аахавад̣̇д̇халигаад̣̇ивасзна жа уббаннз сисирасампассз. вудтияод̇и яад̣̇аа д̇ад̣̇аа уббаннаа вассавудтияо.
295. Anumodanagāthāsu sītanti ajjhattadhātukkhobhavasena vā bahiddhautuvipariṇāmavasaena vā uppajjanakasītaṃ. Uṇhanti aggisantāpaṃ, tassa vanadāhādīsu vā sambhavo daṭṭhabbo. Paṭihantīti bādhati. Yathā tadubhayavasena kāyacittānaṃ bādhanaṃ na hoti, evaṃ karoti. Sītuṇhabbhāhate hi sarīre vikkhittacitto bhikkhu yoniso padahituṃ na sakkoti. Vāḷamigānīti sīhabyagghādivāḷamige. Guttasenāsanañhi pavisitvā dvāraṃ pidhāya nisinnassa te parissayā na honti. Sarīsapeti ye keci sarante gacchante dīghajātike. Makaseti nidassanamattametaṃ, ḍaṃsādīnampi eteneva saṅgaho daṭṭhabbo. Sisireti sisirakālavasena sattāhavaddhalikādivasena ca uppanne sisirasamphasse. Vuṭṭhiyoti yadā tadā uppannā vassavuṭṭhiyo.
ваад̇аад̇або гхород̇и ругкаг̇ажчаад̣̇ийнам̣ уммуулабхан̃ж̇анаад̣̇ивасзна бавад̇д̇ияаа гхоро сараж̇аараж̇аад̣̇ибхзд̣̇о ваад̇о жзва г̇имхабарил̣аахасамаязсу уббад̇д̇ияаа гхоро суурияаад̇або жа бадихан̃н̃ад̇и бадиб̣аахийяад̇и. лзн̣ад̇т̇анд̇и наанаарамман̣ад̇о жид̇д̇ам̣ нивад̇д̇зд̇ваа бадисаллаанаараамад̇т̇ам̣. сукад̇т̇анд̇и вуд̇д̇абариссаяаабхаавзна паасувихаарад̇т̇ам̣. жхааяид̇унд̇и адтад̇им̣саарамман̣зсу яад̇т̇а гад̇т̇ажи жид̇д̇ам̣ убаниж̇жхааяид̇ум̣. вибассид̇унд̇и анижжаад̣̇ид̇о сан̇каарз саммасид̇ум̣.
Vātātapo ghoroti rukkhagacchādīnaṃ ummūlabhañjanādivasena pavattiyā ghoro sarajaarajādibhedo vāto ceva gimhapariḷāhasamayesu uppattiyā ghoro sūriyātapo ca paṭihaññati paṭibāhīyati. Leṇatthanti nānārammaṇato cittaṃ nivattetvā paṭisallānārāmatthaṃ. Sukhatthanti vuttaparissayābhāvena phāsuvihāratthaṃ. Jhāyitunti aṭṭhatiṃsārammaṇesu yattha katthaci cittaṃ upanijjhāyituṃ. Vipassitunti aniccādito saṅkhāre sammasituṃ.
вихаарзд̇и бад̇иссаяз. гаараязд̇и гаараабзяяа. раммзд̇и манорамз ниваасасукз. ваасаязд̇т̇а б̣ахуссуд̇зд̇и гаарзд̇ваа бана зд̇т̇а вихаарзсу б̣ахуссуд̇з сийлаванд̇з галяаан̣ад̇хаммз ниваасзяяа. д̇з ниваасзнд̇о бана д̇зсам̣ б̣ахуссуд̇аанам̣ яат̇аа бажжаязхи гиламат̇о на ход̇и, звам̣ аннан̃жа баанан̃жа вад̇т̇асзнаасанаани жа д̣̇ад̣̇зяяа уж̇убхууд̇зсу аж̇жхаасаяасамбаннзсу гаммапалаанам̣ рад̇анад̇д̇аяаг̇ун̣аанан̃жа сад̣̇д̣̇аханзна виббасаннзна жзд̇асаа.
Vihāreti patissaye. Kārayeti kārāpeyya. Rammeti manorame nivāsasukhe. Vāsayettha bahussuteti kāretvā pana ettha vihāresu bahussute sīlavante kalyāṇadhamme nivāseyya. Te nivāsento pana tesaṃ bahussutānaṃ yathā paccayehi kilamatho na hoti, evaṃ annañca pānañca vatthasenāsanāni ca dadeyya ujubhūtesu ajjhāsayasampannesu kammaphalānaṃ ratanattayaguṇānañca saddahanena vippasannena cetasā.
ид̣̇аани г̇ахадтабаб̣б̣аж̇ид̇аанам̣ ан̃н̃аман̃н̃убагаарид̇ам̣ д̣̇ассзд̇ум̣ ‘‘д̇з д̇ассаа’’д̇и г̇аат̇амааха. д̇ад̇т̇а д̇зд̇и д̇з б̣ахуссуд̇аа. д̇ассаад̇и убаасагасса. д̇хаммам̣ д̣̇зсзнд̇ийд̇и сагалаваддад̣̇угкаабанууд̣̇анам̣ сад̣̇д̇хаммам̣ д̣̇зсзнд̇и. яам̣ со д̇хаммам̣ ид̇хан̃н̃ааяаад̇и со буг̇г̇ало яам̣ сад̣̇д̇хаммам̣ имасмим̣ саасанз саммаа бадибаж̇ж̇анзна ж̇аанид̇ваа аг̇г̇амаг̇г̇аад̇хиг̇амзна анаасаво худ̇ваа бариниб̣б̣ааяад̇и.
Idāni gahaṭṭhapabbajitānaṃ aññamaññupakāritaṃ dassetuṃ ‘‘te tassā’’ti gāthamāha. Tattha teti te bahussutā. Tassāti upāsakassa. Dhammaṃ desentīti sakalavaṭṭadukkhāpanūdanaṃ saddhammaṃ desenti. Yaṃ so dhammaṃ idhaññāyāti so puggalo yaṃ saddhammaṃ imasmiṃ sāsane sammā paṭipajjanena jānitvā aggamaggādhigamena anāsavo hutvā parinibbāyati.
со жа саб̣б̣ад̣̇ад̣̇о ход̇ийд̇и ааваасад̣̇аанасмим̣ д̣̇иннз саб̣б̣ад̣̇аанам̣ д̣̇иннамзва ход̇ийд̇и гад̇ваа вуд̇д̇ам̣. д̇ат̇аа хи (сам̣. ни. адта. 1.1.42) д̣̇вз д̇аяо г̇аамз бин̣д̣ааяа жарид̇ваа гин̃жи алад̣̇д̇хаа ааг̇ад̇ассаби чааяууд̣̇агасамбаннам̣ аараамам̣ бависид̇ваа нахааяид̇ваа бад̇иссаяз мухуд̇д̇ам̣ нибаж̇ж̇ид̇ваа удтааяа нисиннасса гааяз б̣алам̣ аахарид̇ваа багкид̇д̇ам̣ вияа ход̇и, б̣ахи вижаранд̇асса жа гааяз ван̣н̣ад̇хаад̇у ваад̇аад̇абзхи гиламад̇и, бад̇иссаяам̣ бависид̇ваа д̣̇ваарам̣ бид̇хааяа мухуд̇д̇ам̣ нибаннасса висабхааг̇асанд̇ад̇и вуубасаммад̇и, сабхааг̇асанд̇ад̇и бад̇идтаад̇и, ван̣н̣ад̇хаад̇у аахарид̇ваа багкид̇д̇аа вияа ход̇и, б̣ахи вижаранд̇асса жа баад̣̇з ган̣даго виж̇жхад̇и, каан̣у бахарад̇и, сарийсабаад̣̇ибариссаяаа жзва жорабхаяан̃жа уббаж̇ж̇ад̇и, бад̇иссаяам̣ бависид̇ваа д̣̇ваарам̣ бид̇хааяа нибаннасса саб̣б̣з бариссаяаа на хонд̇и, саж̇жхааяанд̇асса д̇хаммабийд̇исукам̣, гаммадтаанам̣ манасигаронд̇асса убасамасукан̃жа уббаж̇ж̇ад̇и б̣ахид̣̇д̇хаавигкзбаабхаавад̇о, б̣ахи вижаранд̇асса жа сзд̣̇аа мужжанд̇и, агкийни панд̣̇анд̇и, сзнаасанам̣ бависанагкан̣з ман̃жабийтаани на бан̃н̃ааяанд̇и, мухуд̇д̇ам̣ нисиннасса бана агкибасаад̣̇о аахарид̇ваа багкид̇д̇о вияа ход̇и, д̣̇ваараваад̇абаанаман̃жабийтаад̣̇ийни бан̃н̃ааяанд̇и, зд̇асмин̃жа ааваасз васанд̇ам̣ д̣̇исваа мануссаа жад̇уухи бажжаязхи саггажжам̣ убадтаханд̇и. д̇зна вуд̇д̇ам̣ ‘‘со жа саб̣б̣ад̣̇ад̣̇о ход̇и, яо д̣̇ад̣̇аад̇и убассаяа’’нд̇и.
So ca sabbadado hotīti āvāsadānasmiṃ dinne sabbadānaṃ dinnameva hotīti katvā vuttaṃ. Tathā hi (saṃ. ni. aṭṭha. 1.1.42) dve tayo gāme piṇḍāya caritvā kiñci aladdhā āgatassapi chāyūdakasampannaṃ ārāmaṃ pavisitvā nahāyitvā patissaye muhuttaṃ nipajjitvā uṭṭhāya nisinnassa kāye balaṃ āharitvā pakkhittaṃ viya hoti, bahi vicarantassa ca kāye vaṇṇadhātu vātātapehi kilamati, patissayaṃ pavisitvā dvāraṃ pidhāya muhuttaṃ nipannassa visabhāgasantati vūpasammati, sabhāgasantati patiṭṭhāti, vaṇṇadhātu āharitvā pakkhittā viya hoti, bahi vicarantassa ca pāde kaṇṭako vijjhati, khāṇu paharati, sarīsapādiparissayā ceva corabhayañca uppajjati, patissayaṃ pavisitvā dvāraṃ pidhāya nipannassa sabbe parissayā na honti, sajjhāyantassa dhammapītisukhaṃ, kammaṭṭhānaṃ manasikarontassa upasamasukhañca uppajjati bahiddhāvikkhepābhāvato, bahi vicarantassa ca sedā muccanti, akkhīni phandanti, senāsanaṃ pavisanakkhaṇe mañcapīṭhāni na paññāyanti, muhuttaṃ nisinnassa pana akkhipasādo āharitvā pakkhitto viya hoti, dvāravātapānamañcapīṭhādīni paññāyanti, etasmiñca āvāse vasantaṃ disvā manussā catūhi paccayehi sakkaccaṃ upaṭṭhahanti. Tena vuttaṃ ‘‘so ca sabbadado hoti, yo dadāti upassaya’’nti.
296. аавин̃чанажчид̣̇д̣̇анд̇и яад̇т̇а ан̇г̇улим̣ бавзсзд̇ваа д̣̇ваарам̣ аагад̣дханд̇аа д̣̇ваараб̣аахам̣ пусаабзнд̇и, д̇ассзд̇ам̣ ад̇хиважанам̣. аавин̃чанараж̇ж̇унд̇и гаваадзязва чид̣̇д̣̇ам̣ гад̇ваа д̇ад̇т̇а бавзсзд̇ваа язна раж̇ж̇угзна гад̣дханд̇аа д̣̇ваарам̣ пусаабзнд̇и, д̇ам̣ аавин̃чанараж̇ж̇угам̣. сзнаасанабарибхог̇з агаббияажаммам̣ наама над̇т̇ийд̇и д̣̇ассанад̇т̇ам̣ ‘‘сажзби д̣̇ийбинан̇г̇удтзна гад̇аа ход̇и, ваддад̇иязваа’’д̇и вуд̇д̇ам̣. жзд̇ияз взд̣̇игаасад̣̇исанд̇и ваад̇абаанаб̣аахаасу жзд̇ияз взд̣̇игааяа вияа баддигаад̣̇ийхи д̣̇ассзд̇ваа гад̇ам̣. т̇амбхагаваад̇абаанам̣ наама д̇ирияам̣ д̣̇аарууни ад̣̇ад̇ваа уж̇угам̣ тид̇зхи зва взн̣усалаагаад̣̇ийхи гад̇ам̣.
296.Āviñchanacchiddanti yattha aṅguliṃ pavesetvā dvāraṃ ākaḍḍhantā dvārabāhaṃ phusāpenti, tassetaṃ adhivacanaṃ. Āviñchanarajjunti kavāṭeyeva chiddaṃ katvā tattha pavesetvā yena rajjukena kaḍḍhantā dvāraṃ phusāpenti, taṃ āviñchanarajjukaṃ. Senāsanaparibhoge akappiyacammaṃ nāma natthīti dassanatthaṃ ‘‘sacepi dīpinaṅguṭṭhena katā hoti, vaṭṭatiyevā’’ti vuttaṃ. Cetiye vedikāsadisanti vātapānabāhāsu cetiye vedikāya viya paṭṭikādīhi dassetvā kataṃ. Thambhakavātapānaṃ nāma tiriyaṃ dārūni adatvā ujukaṃ ṭhitehi eva veṇusalākādīhi kataṃ.
вихаараануж̇аананагат̇ааван̣н̣анаа нидтид̇аа.
Vihārānujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / вихаараануж̇аананам̣ • Vihārānujānanaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
