| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
6. сзнаасанагканд̇хагаван̣н̣анаа
6. Senāsanakkhandhakavaṇṇanā
вихаараануж̇аананагат̇ааван̣н̣анаа
Vihārānujānanakathāvaṇṇanā
294. нилийяанд̇и бхигкуу зд̇т̇аад̇и вихаараад̣̇аяо лзн̣аани наама. ааг̇ад̇а-важанзна д̇ассааг̇ад̇асан̇гхова саамий, на анааг̇ад̇од̇и гзжи, д̇ам̣ на яуж̇ж̇ад̇и самааналаабхагад̇игааяа сид̣̇д̇хад̇д̇аа.
294. Nilīyanti bhikkhū etthāti vihārādayo leṇāni nāma. Āgata-vacanena tassāgatasaṅghova sāmī, na anāgatoti keci, taṃ na yujjati samānalābhakatikāya siddhattā.
296-7. д̣̇ийбинан̇г̇удтзнаад̇и зд̇т̇а ‘‘д̣̇ийбинаа агаббияажаммам̣ д̣̇ассзд̇ий’’д̇и ликид̇ам̣. т̇амбхагаваад̇абаанам̣ наама д̇ирияам̣ д̣̇аарууни ад̣̇ад̇ваа уж̇угам̣ тид̇зхзва д̣̇ааруухи гад̇д̇аб̣б̣ам̣. бхисийнам̣ анун̃н̃аад̇ам̣ ваддад̇ийд̇и б̣имб̣оханз ваддад̇ийд̇и ад̇т̇о. д̇уулабуурид̇ам̣ бхисим̣ абассаяид̇ум̣ на ваддад̇и ун̣н̣аад̣̇ийнам̣язва анун̃н̃аад̇ад̇д̇аа. нисийд̣̇ананибаж̇ж̇анам̣ санд̇хааяа вуд̇д̇ам̣, д̇асмаа абассаяид̇ум̣ ваддад̇ийд̇и жз? агаббияанд̇и на ваддад̇ийд̇и гзжи. яад̣̇и звам̣ агаббияаман̃жан̃жа абассаяид̇ум̣ на ваддзяяа. яасмаа ваддад̇и, д̇асмаа д̣̇осо над̇т̇и. абижа г̇илаанасса б̣имб̣оханам̣ нибаж̇ж̇ид̇умби анун̃н̃аад̇ам̣, д̇асмаа бхисиби ваддад̇и абассаяид̇ум̣. аажарияаа жа ануж̇аананд̇и, вал̣ан̃ж̇знд̇и жаад̇и згз. симб̣алид̇ууласуд̇д̇зна сиб̣б̣ид̇ам̣ жийварам̣ ваддад̇и. гасмаа? габбаасасса ануломад̇о. ‘‘аггапаласуд̇д̇амаяамби аггаваагамаяамзва бадигкид̇д̇а’’нд̇и д̇з зва вад̣̇анд̇и.
296-7.Dīpinaṅguṭṭhenāti ettha ‘‘dīpinā akappiyacammaṃ dassetī’’ti likhitaṃ. Thambhakavātapānaṃ nāma tiriyaṃ dārūni adatvā ujukaṃ ṭhiteheva dārūhi kattabbaṃ. Bhisīnaṃ anuññātaṃ vaṭṭatīti bimbohane vaṭṭatīti attho. Tūlapūritaṃ bhisiṃ apassayituṃ na vaṭṭati uṇṇādīnaṃyeva anuññātattā. Nisīdananipajjanaṃ sandhāya vuttaṃ, tasmā apassayituṃ vaṭṭatīti ce? Akappiyanti na vaṭṭatīti keci. Yadi evaṃ akappiyamañcañca apassayituṃ na vaṭṭeyya. Yasmā vaṭṭati, tasmā doso natthi. Apica gilānassa bimbohanaṃ nipajjitumpi anuññātaṃ, tasmā bhisipi vaṭṭati apassayituṃ. Ācariyā ca anujānanti, vaḷañjenti cāti eke. Simbalitūlasuttena sibbitaṃ cīvaraṃ vaṭṭati. Kasmā? Kappāsassa anulomato. ‘‘Akkaphalasuttamayampi akkavākamayameva paṭikkhitta’’nti te eva vadanti.
298. аниб̣анд̇ханийяо алаг̇г̇о. бадиб̣аахзд̇ваад̇и мадтам̣ гад̇ваа. ‘‘сзд̇аван̣н̣аад̣̇ийнам̣ яат̇аасан̇кяам̣ иггаасаад̣̇аяо б̣анд̇ханад̇т̇ам̣ вуд̇д̇аа’’д̇и ликид̇ам̣.
298.Anibandhanīyo alaggo. Paṭibāhetvāti maṭṭhaṃ katvā. ‘‘Setavaṇṇādīnaṃ yathāsaṅkhyaṃ ikkāsādayo bandhanatthaṃ vuttā’’ti likhitaṃ.
300. багуддам̣ саманд̇ад̇о аавид̣̇д̇хабамукам̣.
300.Pakuṭṭaṃ samantato āviddhapamukhaṃ.
303. суд̇хаалзбод̇и суд̇хаамад̇д̇игаалзбо.
303.Sudhālepoti sudhāmattikālepo.
305. аасад̇д̇и д̇ан̣хаа. санд̇им̣ ад̣̇арам̣.
305.Āsatti taṇhā. Santiṃ adaraṃ.
307. гзд̇унд̇и гаязна г̇ахзд̇ум̣.
307.Ketunti kayena gahetuṃ.
308. жид̇аад̇и идтагааяо габ̣ал̣зна нид̣̇д̇хаманавасзна чинд̣̇ид̇ваа гад̇аад̇и ад̇т̇о.
308.Citāti iṭṭhakāyo kabaḷena niddhamanavasena chinditvā katāti attho.
310. чаб̣б̣аг̇г̇ияаанам̣ бхигкуунам̣ анд̇зваасигаад̇и зд̇т̇а вийсад̇ивассам̣ ад̇иггамид̇ваа чаб̣б̣аг̇г̇ияаа уббаннаа. ‘‘аараад̇хаяим̣су мз бхигкуу жид̇д̇а’’нд̇и (ма. ни. 1.225) вуд̇д̇ад̇д̇аа ан̃н̃асмим̣ гаалз саавад̇т̇иг̇аманз уббаннам̣ вад̇т̇ум̣ ид̇ха аабад̇д̇ид̣̇ассанад̇т̇ам̣ аахарид̇ваа вуд̇д̇анд̇и яуд̇д̇ам̣ вияа, вижаарзд̇ваа г̇ахзд̇аб̣б̣ам̣. вуд̣̇д̇ханд̇и вуд̣̇д̇хад̇арам̣.
310.Chabbaggiyānaṃbhikkhūnaṃ antevāsikāti ettha vīsativassaṃ atikkamitvā chabbaggiyā uppannā. ‘‘Ārādhayiṃsu me bhikkhū citta’’nti (ma. ni. 1.225) vuttattā aññasmiṃ kāle sāvatthigamane uppannaṃ vatthuṃ idha āpattidassanatthaṃ āharitvā vuttanti yuttaṃ viya, vicāretvā gahetabbaṃ. Vuddhanti vuddhataraṃ.
313. сант̇арзд̇и д̇ин̣асант̇араад̣̇аяо.
313.Santhareti tiṇasantharādayo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
вихаараануж̇аананам̣ • Vihārānujānanaṃ
ман̃жабийтаад̣̇иануж̇аананам̣ • Mañcapīṭhādianujānanaṃ
сзд̇аван̣н̣аад̣̇иануж̇аананам̣ • Setavaṇṇādianujānanaṃ
идтагаажаяаад̣̇иануж̇аананам̣ • Iṭṭhakācayādianujānanaṃ
аараамабаригкзбаануж̇аананам̣ • Ārāmaparikkhepaanujānanaṃ
анаат̇абин̣д̣игавад̇т̇у • Anāthapiṇḍikavatthu
навагаммад̣̇аанам̣ • Navakammadānaṃ
аг̇г̇аасанаад̣̇иануж̇аананам̣ • Aggāsanādianujānanaṃ
аасанаббадиб̣ааханабадигкзбам̣ • Āsanappaṭibāhanapaṭikkhepaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
вихаараануж̇аананагат̇ааван̣н̣анаа • Vihārānujānanakathāvaṇṇanā
ман̃жабийтаад̣̇иануж̇аананагат̇ааван̣н̣анаа • Mañcapīṭhādianujānanakathāvaṇṇanā
идтагаажаяаад̣̇иануж̇аананагат̇ааван̣н̣анаа • Iṭṭhakācayādianujānanakathāvaṇṇanā
анаат̇абин̣д̣игавад̇т̇угат̇ааван̣н̣анаа • Anāthapiṇḍikavatthukathāvaṇṇanā
аг̇г̇аасанаад̣̇иануж̇аананагат̇ааван̣н̣анаа • Aggāsanādianujānanakathāvaṇṇanā
аасанаббадиб̣ааханаад̣̇игат̇ааван̣н̣анаа • Āsanappaṭibāhanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
