вихаараануж̇аананагат̇ааван̣н̣анаа

Vihārānujānanakathāvaṇṇanā

295. сзнаасанагканд̇хагз сисирзд̇и сисирагаалз химабаад̇авасзна сад̇д̇аахавад̣̇д̣̇алигаад̣̇ивассабаад̇авассзна жа уббанно каро сийд̇асампассо ад̇хиббзд̇од̇и ааха ‘‘сампусид̇аго’’д̇и. ‘‘д̇ад̇о’’д̇и ид̣̇ам̣ гад̇д̇уад̇т̇з ниссаггаважанам̣, д̇зна жа вихаарзна ваад̇аад̇або бадихан̃н̃ад̇ийд̇и ад̇т̇од̇и ааха ‘‘вихаарзна бадихан̃н̃ад̇ий’’д̇и.

295. Senāsanakkhandhake sisireti sisirakāle himapātavasena sattāhavaddalikādivassapātavassena ca uppanno kharo sītasamphasso adhippetoti āha ‘‘samphusitako’’ti. ‘‘Tato’’ti idaṃ kattuatthe nissakkavacanaṃ, tena ca vihārena vātātapo paṭihaññatīti atthoti āha ‘‘vihārena paṭihaññatī’’ti.

296. аавин̃чаначид̣̇д̣̇анд̇и яад̇т̇а ан̇г̇улим̣ ваа раж̇ж̇усан̇калигаад̣̇им̣ ваа бавзсзд̇ваа гаваадам̣ аагад̣дханд̇аа д̣̇ваараб̣аахам̣ пусаабзнд̇и, д̇ассзд̇ам̣ ад̇хиважанам̣. сзнаасанабарибхог̇з агаббияам̣ наама над̇т̇ийд̇и д̣̇ассанад̇т̇ам̣ ‘‘сажзби д̣̇ийбинан̇г̇удтзнаа’’д̇иаад̣̇и вуд̇д̇ам̣. жзд̇ияз взд̣̇игаасад̣̇исанд̇и ваад̇абаанад̣̇аарум̣ ваа ж̇аалам̣ ваа адтабзд̇ваа д̣̇аарудтаанз жзд̇ияз взд̣̇игааяа баддаад̣̇ийни вияа идтагаад̣̇ийхи уд̣̇д̇хам̣, д̇ирияан̃жа баддигаад̣̇аяо д̣̇ассзд̇ваа жад̇учид̣̇д̣̇аяуд̇д̇ам̣ гад̇ам̣. т̇амбхагаваад̇абаанам̣ наама д̇ирияам̣ д̣̇аарууни ад̣̇ад̇ваа уд̣̇д̇хам̣ табид̇ад̣̇ааруухи зва гад̇ам̣. жол̣агабаад̣̇абун̃чанам̣ б̣анд̇хид̇унд̇и ваад̇абаанаббамаан̣зна баад̣̇абун̃чанасад̣̇исам̣ жол̣агаад̣̇инаа б̣анд̇хид̇ваа ваг̇г̇улиаад̣̇иббавзсананивааран̣ад̇т̇ам̣, гат̇зд̇унд̇и ад̇т̇о. мид̣дхаганд̇и ман̃жаагаарзна гадтамад̇д̇игаад̣̇ийхи гад̇авзд̣̇игаагаарам̣.

296.Āviñchanachiddanti yattha aṅguliṃ vā rajjusaṅkhalikādiṃ vā pavesetvā kavāṭaṃ ākaḍḍhantā dvārabāhaṃ phusāpenti, tassetaṃ adhivacanaṃ. Senāsanaparibhoge akappiyaṃ nāma natthīti dassanatthaṃ ‘‘sacepi dīpinaṅguṭṭhenā’’tiādi vuttaṃ. Cetiye vedikāsadisanti vātapānadāruṃ vā jālaṃ vā aṭṭhapetvā dāruṭṭhāne cetiye vedikāya paṭṭādīni viya iṭṭhakādīhi uddhaṃ, tiriyañca paṭṭikādayo dassetvā catuchiddayuttaṃ kataṃ. Thambhakavātapānaṃ nāma tiriyaṃ dārūni adatvā uddhaṃ ṭhapitadārūhi eva kataṃ. Coḷakapādapuñchanaṃ bandhitunti vātapānappamāṇena pādapuñchanasadisaṃ coḷakādinā bandhitvā vagguliādippavesananivāraṇatthaṃ, kathetunti attho. Miḍḍhakanti mañcākārena kaṭṭhamattikādīhi katavedikākāraṃ.

297. жад̇урассабийтанд̇и самажад̇урассам̣. адтан̇г̇улабаад̣̇агам̣ ваддад̇ийд̇и адтан̇г̇улабаад̣̇агамзва ваддад̇и. бамаан̣аад̇игганд̇оби ваддад̇ийд̇и самажад̇урассамзва санд̇хааяа вуд̇д̇ам̣. ааяад̇ажад̇урассаа бана сад̇д̇ан̇г̇абан̃жан̇г̇ааби ужжабаад̣̇аа на вадданд̇и. взд̇д̇зхзва жад̇урассаад̣̇иаагаарзна гад̇ам̣ бхад̣̇д̣̇абийтанд̇и ааха ‘‘взд̇д̇амаяам̣ бийта’’нд̇и. д̣̇аарубаддигааяа убарийд̇и аданиаагаарзна тид̇ад̣̇аарубадаласса хздтаа уд̣̇д̇хам̣ баад̣̇ам̣ гад̇ваа. бавзсанагаалан̃хи санд̇хааяа ‘‘убарий’’д̇и вуд̇д̇ам̣. зл̣агасса бажчимабаад̣̇ад̣̇ваяам̣ вияа ван̇гаагаарзна тид̇ад̇д̇аа банзд̇ам̣ ‘‘зл̣агабаад̣̇абийта’’нд̇и вуд̇д̇ам̣. балотзнд̇ийд̇и саха ман̃жзхи баваддзнд̇и. ругкз , лад̇аа жа мун̃жид̇ваа авасзсам̣ г̇ажчаад̣̇игам̣ саб̣б̣амби д̇ин̣аж̇аад̇и зваад̇и ааха ‘‘язсам̣ гзсан̃жи д̇ин̣аж̇аад̇игаана’’нд̇иаад̣̇и.

297.Caturassapīṭhanti samacaturassaṃ. Aṭṭhaṅgulapādakaṃ vaṭṭatīti aṭṭhaṅgulapādakameva vaṭṭati. Pamāṇātikkantopi vaṭṭatīti samacaturassameva sandhāya vuttaṃ. Āyatacaturassā pana sattaṅgapañcaṅgāpi uccapādā na vaṭṭanti. Vetteheva caturassādiākārena kataṃ bhaddapīṭhanti āha ‘‘vettamayaṃ pīṭha’’nti. Dārupaṭṭikāya uparīti aṭaniākārena ṭhitadārupaṭalassa heṭṭhā uddhaṃ pādaṃ katvā. Pavesanakālañhi sandhāya ‘‘uparī’’ti vuttaṃ. Eḷakassa pacchimapādadvayaṃ viya vaṅkākārena ṭhitattā panetaṃ ‘‘eḷakapādapīṭha’’nti vuttaṃ. Paloṭhentīti saha mañcehi pavaṭṭenti. Rukkhe , latā ca muñcitvā avasesaṃ gacchādikaṃ sabbampi tiṇajāti evāti āha ‘‘yesaṃ kesañci tiṇajātikāna’’ntiādi.

убад̣̇аханд̇ийд̇и табзнд̇и. сийсаббамаан̣ам̣ наама яад̇т̇а г̇ийвааяа саха сагалам̣ сийсам̣ табзд̇ум̣ саггаа, д̇асса жа мудтирад̇анам̣ вид̇т̇аараббамаан̣анд̇и д̣̇ассзнд̇о ‘‘вид̇т̇аарад̇о’’д̇иаад̣̇имааха. ид̣̇ан̃жа б̣имб̣оханасса убхосу анд̇зсу табзд̇аб̣б̣ажол̣аббамаан̣ад̣̇ассанам̣. д̇асса васзна б̣имб̣оханасса вид̇т̇аараббамаан̣ам̣ барижчиж̇ж̇ад̇и, д̇ам̣ ваддам̣ ваа жад̇урассам̣ ваа гад̇ваа сиб̣б̣ид̇ам̣ яат̇аа годид̇о годи вид̇т̇аарад̇о бут̇уладтаанам̣ мудтирад̇анаббамаан̣ам̣ ход̇и, звам̣ сиб̣б̣ид̇аб̣б̣ам̣. ид̇о ад̇хигам̣ на ваддад̇и, д̇ам̣ бана анд̇зсу табид̇ажол̣ам̣ годияаа годим̣ аахажжа д̣̇иг̇ун̣ам̣ гад̇ам̣ д̇иган̣н̣ам̣ ход̇и. д̇зсу д̇ийсу ган̣н̣зсу д̣̇виннам̣ ган̣н̣аанаманд̇арам̣ вид̣̇ад̇т̇ижад̇уран̇г̇улам̣ ход̇и, маж̇жхадтаанам̣ годид̇о годим̣ аахажжа мудтирад̇анам̣ ход̇и, ид̣̇амасса уггадтаббамаан̣ам̣. д̇знааха ‘‘д̇ийсу ган̣н̣зсуу’’д̇иаад̣̇и.

Upadahantīti ṭhapenti. Sīsappamāṇaṃ nāma yattha gīvāya saha sakalaṃ sīsaṃ ṭhapetuṃ sakkā, tassa ca muṭṭhiratanaṃ vitthārappamāṇanti dassento ‘‘vitthārato’’tiādimāha. Idañca bimbohanassa ubhosu antesu ṭhapetabbacoḷappamāṇadassanaṃ. Tassa vasena bimbohanassa vitthārappamāṇaṃ paricchijjati, taṃ vaṭṭaṃ vā caturassaṃ vā katvā sibbitaṃ yathā koṭito koṭi vitthārato puthulaṭṭhānaṃ muṭṭhiratanappamāṇaṃ hoti, evaṃ sibbitabbaṃ. Ito adhikaṃ na vaṭṭati, taṃ pana antesu ṭhapitacoḷaṃ koṭiyā koṭiṃ āhacca diguṇaṃ kataṃ tikaṇṇaṃ hoti. Tesu tīsu kaṇṇesu dvinnaṃ kaṇṇānamantaraṃ vidatthicaturaṅgulaṃ hoti, majjhaṭṭhānaṃ koṭito koṭiṃ āhacca muṭṭhiratanaṃ hoti, idamassa ukkaṭṭhappamāṇaṃ. Tenāha ‘‘tīsu kaṇṇesū’’tiādi.

‘‘гамб̣аламзва…бз… ун̣н̣абхисисан̇кяамзва г̇ажчад̇ий’’д̇и сааман̃н̃ад̇о вуд̇д̇ад̇д̇аа г̇онагаад̣̇иагаббияамби ун̣н̣амаяад̇т̇аран̣ам̣ бхисияам̣ багкибид̇ваа саяид̇ум̣ ваддад̇ийд̇и д̣̇адтаб̣б̣ам̣.

‘‘Kambalameva…pe… uṇṇabhisisaṅkhyameva gacchatī’’ti sāmaññato vuttattā gonakādiakappiyampi uṇṇamayattharaṇaṃ bhisiyaṃ pakkhipitvā sayituṃ vaṭṭatīti daṭṭhabbaṃ.

масуурагзд̇и жаммамаяабхисияам̣. жаммамаяам̣ бана б̣имб̣оханам̣ д̇уулабун̣н̣амби на ваддад̇и. баал̣ияам̣ сзнаасанабаригкаарад̣̇уссанд̇и сзнаасанабаригкаарагаран̣ад̇т̇ааяа д̣̇уссам̣. бхисим̣ онанд̇хид̇унд̇и бхисид̇т̇авигааяа багкибид̇ваа б̣анд̇хид̇ум̣. барибхиж̇ж̇ад̇ийд̇и ман̃жаад̣̇ид̇о саарияамаанаа бийтагодиаад̣̇ийсу нисийд̣̇анд̇зхи гхам̣сияамаанаа бхиси барибхиж̇ж̇ад̇и. онад̣̇д̇хаман̃жанд̇и бхисим̣ згааб̣ад̣̇д̇хам̣ гад̇ваа б̣ад̣̇д̇хаман̃жам̣. баал̣ияам̣ чавим̣ уббаадзд̇ваа харанд̇ийд̇и бхисижчавим̣ жораа харанд̇и. посид̇унд̇и жорзхи харид̇асса бажчаа харид̇асан̃н̃аан̣апусид̇аб̣инд̣̇ууни д̣̇аад̇ум̣. бхид̇д̇игамманд̇и наанааван̣н̣зхи вибхид̇д̇ирааж̇игаран̣ам̣. хад̇т̇агамманд̇и хад̇т̇зна яам̣ гин̃жи сан̃н̃аагаран̣ам̣.

Masūraketi cammamayabhisiyaṃ. Cammamayaṃ pana bimbohanaṃ tūlapuṇṇampi na vaṭṭati. Pāḷiyaṃ senāsanaparikkhāradussanti senāsanaparikkhārakaraṇatthāya dussaṃ. Bhisiṃ onandhitunti bhisitthavikāya pakkhipitvā bandhituṃ. Paribhijjatīti mañcādito sāriyamānā pīṭhakoṭiādīsu nisīdantehi ghaṃsiyamānā bhisi paribhijjati. Onaddhamañcanti bhisiṃ ekābaddhaṃ katvā baddhamañcaṃ. Pāḷiyaṃ chaviṃ uppāṭetvā harantīti bhisicchaviṃ corā haranti. Phositunti corehi haritassa pacchā haritasaññāṇaphusitabindūni dātuṃ. Bhittikammanti nānāvaṇṇehi vibhittirājikaraṇaṃ. Hatthakammanti hatthena yaṃ kiñci saññākaraṇaṃ.

298. баал̣ияам̣ на нибад̇ад̇ийд̇и на аллийяад̇и. бадиб̣аахзд̇ваад̇и гхам̣сид̇ваа. на ниб̣анд̇хад̇ийд̇и аниб̣анд̇ханийяо, на лаг̇г̇анагод̇и ад̇т̇о.

298. Pāḷiyaṃ na nipatatīti na allīyati. Paṭibāhetvāti ghaṃsitvā. Na nibandhatīti anibandhanīyo, na lagganakoti attho.

299. ‘‘гарохий’’д̇и вад̇д̇умби на лаб̣бхад̇ийд̇и аан̣ад̇д̇ияаа зва бадигкид̇д̇ад̇д̇аа д̣̇ваарабаалам̣ ‘‘гим̣ на гаросий’’д̇иаад̣̇инаа барияааязна вад̇д̇ум̣ ваддад̇и. ж̇аад̇агабагаран̣анд̇и ж̇аад̇агабадисам̣яуд̇д̇ам̣ ид̇т̇ибурисаад̣̇и яам̣ гин̃жи руубам̣ ад̇хиббзд̇ам̣. ‘‘барзхи гаараабзд̇у’’нд̇и вуд̇д̇ад̇д̇аа б̣уд̣̇д̇харуубамби саяам̣ гаад̇ум̣ на лабхад̇и. баал̣ияам̣ бан̃жабадиганд̇и ж̇аад̇иаад̣̇ибан̃жаббагаараван̣н̣амадтам̣.

299.‘‘Karohī’’ti vattumpi na labbhatīti āṇattiyā eva paṭikkhittattā dvārapālaṃ ‘‘kiṃ na karosī’’tiādinā pariyāyena vattuṃ vaṭṭati. Jātakapakaraṇanti jātakapaṭisaṃyuttaṃ itthipurisādi yaṃ kiñci rūpaṃ adhippetaṃ. ‘‘Parehi kārāpetu’’nti vuttattā buddharūpampi sayaṃ kātuṃ na labhati. Pāḷiyaṃ pañcapaṭikanti jātiādipañcappakāravaṇṇamaṭṭhaṃ.

300. убажааро на ход̇ийд̇и г̇аб̣бхасса б̣ахи саманд̇аа анубариг̇аманасса огаасо наббаход̇и. ругкам̣ виж̇жхид̇ваад̇и д̇ажчид̇асаарад̣̇аарум̣ аг̇г̇асамийбз виж̇жхид̇ваа. гад̇ваад̇и чид̣̇д̣̇з гад̇ваа. габбагад̇ам̣ вияа сааракаан̣угз аагодзд̇ваа звам̣ гад̇амзва ‘‘аахаримам̣ бхид̇д̇ибаад̣̇а’’нд̇и вуд̇д̇ам̣. убад̇т̇амбханад̇т̇ам̣ бхуумияам̣ бад̇идтаабзд̇унд̇и ж̇ин̣н̣абхид̇д̇ибаад̣̇зна б̣ахи самаанабхаарам̣ каан̣угаббасийсзна уссаабзд̇ваа муулзна бхуумияам̣ бад̇идтаабзд̇ум̣. барид̇д̇аан̣ад̇т̇анд̇и уллид̇д̇аавалид̇д̇агудияаа овассанадтаанасса барид̇д̇аан̣ад̇т̇ам̣. гидиганд̇и д̇аалабан̣н̣аад̣̇ийхи гад̇абад̣̇алам̣. мад̣̇д̣̇ид̇амад̇д̇иганд̇и овассаначид̣̇д̣̇асса бид̣̇аханад̇т̇ам̣ вуд̇д̇ам̣.

300.Upacārona hotīti gabbhassa bahi samantā anuparigamanassa okāso nappahoti. Rukkhaṃ vijjhitvāti tacchitasāradāruṃ aggasamīpe vijjhitvā. Katvāti chidde katvā. Kappakataṃ viya sārakhāṇuke ākoṭetvā evaṃ katameva ‘‘āharimaṃ bhittipāda’’nti vuttaṃ. Upatthambhanatthaṃ bhūmiyaṃ patiṭṭhāpetunti jiṇṇabhittipādena bahi samānabhāraṃ khāṇukappasīsena ussāpetvā mūlena bhūmiyaṃ patiṭṭhāpetuṃ. Parittāṇatthanti ullittāvalittakuṭiyā ovassanaṭṭhānassa parittāṇatthaṃ. Kiṭikanti tālapaṇṇādīhi katapadalaṃ. Madditamattikanti ovassanachiddassa pidahanatthaṃ vuttaṃ.

убхад̇огуддам̣ нийхарид̇ваа гад̇абад̣̇зсассаад̇и яат̇аа б̣ахи тид̇аа уж̇угам̣ анд̇о нисиннз на бассанд̇и, звам̣ д̣̇ваараабхимукам̣ бид̣̇аханавасзна бхид̇д̇ин̃жа ан̃н̃ад̇о д̣̇вааран̃жа яож̇зд̇ваа гад̇адтаанам̣ вад̣̇ад̇и. саманд̇аа барияааг̇аарод̇и саманд̇ад̇о аавид̣̇д̇хабамукам̣. вам̣сам̣ д̣̇ад̇ваад̇и бурисаббамаан̣з баад̣̇з никан̣ид̇ваа д̇зсам̣ убари бидтивам̣сасад̣̇исам̣ бассавам̣сам̣ табзд̇ваа осаарзд̇ваа. згам̣ д̣̇ан̣д̣агодим̣ ад̇иужжааяа вихаарабхид̇д̇игодияаа згам̣ годим̣ нийжз вам̣сабидтияам̣ табанавасзна д̣̇ан̣д̣агз басаарзд̇ваа. жаггалаяуд̇д̇о гидигод̇и гаваадам̣ вияа виваран̣ат̇аганасукад̇т̇ам̣ жаггалаб̣анд̇хагидигам̣. баал̣ияам̣ уг̇гхааданагидиганд̇и аабан̣аад̣̇ийсу анад̇т̇игагаалз угкибид̇ваа, убари жа б̣анд̇хид̇ваа бажчаа од̇аран̣агидигам̣, габбасийсзхи ваа убад̇т̇амбханийхи угкибид̇ваа бажчаа од̇аран̣агидигамби.

Ubhatokuṭṭaṃ nīharitvā katapadesassāti yathā bahi ṭhitā ujukaṃ anto nisinne na passanti, evaṃ dvārābhimukhaṃ pidahanavasena bhittiñca aññato dvārañca yojetvā kataṭṭhānaṃ vadati. Samantā pariyāgāroti samantato āviddhapamukhaṃ. Vaṃsaṃ datvāti purisappamāṇe pāde nikhaṇitvā tesaṃ upari piṭṭhivaṃsasadisaṃ passavaṃsaṃ ṭhapetvā osāretvā. Ekaṃ daṇḍakoṭiṃ atiuccāya vihārabhittikoṭiyā ekaṃ koṭiṃ nīce vaṃsapiṭṭhiyaṃ ṭhapanavasena daṇḍake pasāretvā. Cakkalayutto kiṭikoti kavāṭaṃ viya vivaraṇathakanasukhatthaṃ cakkalabandhakiṭikaṃ. Pāḷiyaṃ ugghāṭanakiṭikanti āpaṇādīsu anatthikakāle ukkhipitvā, upari ca bandhitvā pacchā otaraṇakiṭikaṃ, kappasīsehi vā upatthambhanīhi ukkhipitvā pacchā otaraṇakiṭikampi.

301. баанийяам̣ од̇аббад̇ийд̇и баанийяабхааж̇анзсу табид̇абаанийяам̣ аад̇абзна санд̇аббад̇и.

301.Pānīyaṃ otappatīti pānīyabhājanesu ṭhapitapānīyaṃ ātapena santappati.

303. д̇аяо ваадзд̇и д̇аяо баригкзбз. взл̣увааданд̇и саб̣б̣ам̣ д̣̇аарубаригкзбам̣ сан̇г̇ан̣хаад̇и. ган̣дагавааданд̇и саб̣б̣асаакаабаригкзбам̣.

303.Tayo vāṭeti tayo parikkhepe. Veḷuvāṭanti sabbaṃ dāruparikkhepaṃ saṅgaṇhāti. Kaṇṭakavāṭanti sabbasākhāparikkhepaṃ.

305. аалого анд̇арад̇хааяийд̇и яо б̣уд̣̇д̇хаарамман̣ааяа бийд̇ияаа аанубхаавзна маханд̇о обхаасо ахоси, язна жасса бад̣̇ийбасахассзна вияа виг̇ад̇анд̇хагааро маг̇г̇о ахоси, со б̣ахинаг̇арз чавасарийрасамаагулам̣ д̣̇уг̇г̇анд̇хам̣ б̣ийбхажчам̣ аамагасусаанам̣ бад̇д̇асса бхаязна бийд̇ивзг̇з манд̣̇ийбхууд̇з анд̇арад̇хааяи.

305.Āloko antaradhāyīti yo buddhārammaṇāya pītiyā ānubhāvena mahanto obhāso ahosi, yena cassa padīpasahassena viya vigatandhakāro maggo ahosi, so bahinagare chavasarīrasamākulaṃ duggandhaṃ bībhacchaṃ āmakasusānaṃ pattassa bhayena pītivege mandībhūte antaradhāyi.

сад̇ам̣ хад̇т̇ийд̇и г̇аат̇ааяа хад̇т̇ино сад̇асахассаанийд̇и звам̣ бажжзгам̣ сахасса-сад̣̇д̣̇зна яож̇зд̇ваа ад̇т̇о н̃аад̇аб̣б̣о. бад̣̇авийд̇ихаарассаад̇и ‘‘б̣уд̣̇д̇хам̣ ванд̣̇иссаамий’’д̇и рад̇анад̇д̇аяам̣ уд̣̇д̣̇исса г̇ажчад̇о згабад̣̇авийд̇ихаарасса , д̇аббажжаяагусалапалассаад̇и ад̇т̇о. д̇асса сол̣асамо бхааг̇о галам̣ наама, д̇ам̣ сол̣асим̣ галам̣ яат̇аавуд̇д̇аа хад̇т̇иаад̣̇аяо саб̣б̣з нааг̇гханд̇и наараханд̇и, нид̣̇ассанамад̇д̇ан̃жзд̇ам̣. анзгасад̇асахассабхааг̇амби нааг̇гханд̇и.

Sataṃhatthīti gāthāya hatthino satasahassānīti evaṃ paccekaṃ sahassa-saddena yojetvā attho ñātabbo. Padavītihārassāti ‘‘buddhaṃ vandissāmī’’ti ratanattayaṃ uddissa gacchato ekapadavītihārassa , tappaccayakusalaphalassāti attho. Tassa soḷasamo bhāgo kalaṃ nāma, taṃ soḷasiṃ kalaṃ yathāvuttā hatthiādayo sabbe nāgghanti nārahanti, nidassanamattañcetaṃ. Anekasatasahassabhāgampi nāgghanti.

анд̇хагааро анд̇арад̇хааяийд̇и буна б̣алавабийд̇ияаа аалогз самуббаннз анд̇арад̇хааяи. аасад̇д̇ияод̇и д̇ан̣хааяо. ваяагаран̣анд̇и д̣̇зяяад̇хаммамуулам̣ навагаммам̣.

Andhakāro antaradhāyīti puna balavapītiyā āloke samuppanne antaradhāyi. Āsattiyoti taṇhāyo. Vayakaraṇanti deyyadhammamūlaṃ navakammaṃ.

309. д̣̇ад̣̇зяяаад̇и навагаммам̣ ад̇хидтаад̇ум̣ вихаарз иссарияам̣ д̣̇ад̣̇зяяаад̇и ад̇т̇о. д̣̇иннод̇и навагаммам̣ гаад̇ум̣ вихааро д̣̇инно, вихаарз навагаммам̣ д̣̇иннанд̇и ваа ад̇т̇о.

309.Dadeyyāti navakammaṃ adhiṭṭhātuṃ vihāre issariyaṃ dadeyyāti attho. Dinnoti navakammaṃ kātuṃ vihāro dinno, vihāre navakammaṃ dinnanti vā attho.

313-4. сант̇ааг̇аарзд̇и саннибаад̇аман̣д̣абз. огаасзд̇и ниваасогаасз. уд̣̇д̣̇исса гад̇анд̇и сан̇гхам̣ уд̣̇д̣̇исса гад̇ам̣. г̇ихивигаданд̇и г̇ихийхи гад̇ам̣ бан̃н̃ад̇д̇ам̣, г̇ихисанд̇аганд̇и ад̇т̇о.

313-4.Santhāgāreti sannipātamaṇḍape. Okāseti nivāsokāse. Uddissa katanti saṅghaṃ uddissa kataṃ. Gihivikaṭanti gihīhi kataṃ paññattaṃ, gihisantakanti attho.

вихаараануж̇аананагат̇ааван̣н̣анаа нидтид̇аа.

Vihārānujānanakathāvaṇṇanā niṭṭhitā.

Next: сзнаасанаг̇г̇аахагат̇ааван̣н̣анаа • Senāsanaggāhakathāvaṇṇanā

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
вихаараануж̇аананагат̇ааван̣н̣анаа • Vihārānujānanakathāvaṇṇanā
ман̃жабийтаад̣̇иануж̇аананагат̇ааван̣н̣анаа • Mañcapīṭhādianujānanakathāvaṇṇanā
идтагаажаяаад̣̇иануж̇аананагат̇ааван̣н̣анаа • Iṭṭhakācayādianujānanakathāvaṇṇanā
анаат̇абин̣д̣игавад̇т̇угат̇ааван̣н̣анаа • Anāthapiṇḍikavatthukathāvaṇṇanā
аасанаббадиб̣ааханаад̣̇игат̇ааван̣н̣анаа • Āsanappaṭibāhanādikathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact