| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
6. сзнаасанагканд̇хагам̣
6. Senāsanakkhandhakaṃ
1. батамабхаан̣авааро
1. Paṭhamabhāṇavāro
вихаараануж̇аананам̣
Vihārānujānanaṃ
294. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхаг̇авад̇аа бхигкуунам̣ сзнаасанам̣ абан̃н̃ад̇д̇ам̣ ход̇и. д̇з жа бхигкуу д̇ахам̣ д̇ахам̣ вихаранд̇и – аран̃н̃з, ругкамуулз, баб̣б̣ад̇з, ганд̣̇арааяам̣, г̇ириг̇ухааяам̣, сусаанз, ванабад̇т̇з, аж̇жхогаасз, балаалабун̃ж̇з. д̇з гаалассзва д̇ад̇о д̇ад̇о убанигкаманд̇и – аран̃н̃аа ругкамуулаа баб̣б̣ад̇аа ганд̣̇араа г̇ириг̇ухаа сусаанаа ванабад̇т̇аа аж̇жхогаасаа балаалабун̃ж̇аа, баасаад̣̇игзна абхигганд̇зна бадигганд̇зна, аалогид̇зна вилогид̇зна, самин̃ж̇ид̇зна басаарид̇зна, огкид̇д̇ажагкуу, ирияаабат̇асамбаннаа. д̇зна ко бана самаязна рааж̇аг̇ахаго сздтий 1 гаалассзва уяяаанам̣ аг̇амааси. ад̣̇д̣̇асаа ко рааж̇аг̇ахаго сздтий д̇з бхигкуу гаалассзва д̇ад̇о д̇ад̇о убанигкаманд̇з – аран̃н̃аа ругкамуулаа баб̣б̣ад̇аа ганд̣̇араа г̇ириг̇ухаа сусаанаа ванабад̇т̇аа аж̇жхогаасаа балаалабун̃ж̇аа, баасаад̣̇игзна абхигганд̇зна бадигганд̇зна, аалогид̇зна вилогид̇зна, самин̃ж̇ид̇зна басаарид̇зна, огкид̇д̇ажагкуу, ирияаабат̇асамбаннз. д̣̇исваанасса жид̇д̇ам̣ басийд̣̇и. ат̇а ко рааж̇аг̇ахаго сздтий язна д̇з бхигкуу д̇знубасан̇гами, убасан̇гамид̇ваа д̇з бхигкуу зд̇ад̣̇авожа – ‘‘сажаахам̣, бханд̇з, вихаарз гаараабзяяам̣, васзяяаат̇а мз вихаарзсуу’’д̇и? ‘‘на ко, г̇ахабад̇и, бхаг̇авад̇аа вихаараа анун̃н̃аад̇аа’’д̇и. ‘‘д̇зна хи, бханд̇з, бхаг̇аванд̇ам̣ бадибужчид̇ваа мама аарожзяяаат̇аа’’д̇и. ‘‘звам̣ г̇ахабад̇ий’’д̇и ко д̇з бхигкуу рааж̇аг̇ахагасса сздтисса бадиссуд̇ваа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘рааж̇аг̇ахаго, бханд̇з, сздтий вихаарз гаараабзд̇угаамо. гат̇ам̣ ну ко, бханд̇з, амхзхи 2 бадибаж̇ж̇ид̇аб̣б̣а’’нд̇и? ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бан̃жа лзн̣аани 3 – вихаарам̣, ад̣дхаяог̇ам̣, баасаад̣̇ам̣, хаммияам̣, г̇уха’’нд̇и.
294. Tena samayena buddho bhagavā rājagahe viharati veḷuvane kalandakanivāpe. Tena kho pana samayena bhagavatā bhikkhūnaṃ senāsanaṃ apaññattaṃ hoti. Te ca bhikkhū tahaṃ tahaṃ viharanti – araññe, rukkhamūle, pabbate, kandarāyaṃ, giriguhāyaṃ, susāne, vanapatthe, ajjhokāse, palālapuñje. Te kālasseva tato tato upanikkhamanti – araññā rukkhamūlā pabbatā kandarā giriguhā susānā vanapatthā ajjhokāsā palālapuñjā, pāsādikena abhikkantena paṭikkantena, ālokitena vilokitena, samiñjitena pasāritena, okkhittacakkhū, iriyāpathasampannā. Tena kho pana samayena rājagahako seṭṭhī 4 kālasseva uyyānaṃ agamāsi. Addasā kho rājagahako seṭṭhī te bhikkhū kālasseva tato tato upanikkhamante – araññā rukkhamūlā pabbatā kandarā giriguhā susānā vanapatthā ajjhokāsā palālapuñjā, pāsādikena abhikkantena paṭikkantena, ālokitena vilokitena, samiñjitena pasāritena, okkhittacakkhū, iriyāpathasampanne. Disvānassa cittaṃ pasīdi. Atha kho rājagahako seṭṭhī yena te bhikkhū tenupasaṅkami, upasaṅkamitvā te bhikkhū etadavoca – ‘‘sacāhaṃ, bhante, vihāre kārāpeyyaṃ, vaseyyātha me vihāresū’’ti? ‘‘Na kho, gahapati, bhagavatā vihārā anuññātā’’ti. ‘‘Tena hi, bhante, bhagavantaṃ paṭipucchitvā mama āroceyyāthā’’ti. ‘‘Evaṃ gahapatī’’ti kho te bhikkhū rājagahakassa seṭṭhissa paṭissutvā yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘rājagahako, bhante, seṭṭhī vihāre kārāpetukāmo. Kathaṃ nu kho, bhante, amhehi 5 paṭipajjitabba’’nti? Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, pañca leṇāni 6 – vihāraṃ, aḍḍhayogaṃ, pāsādaṃ, hammiyaṃ, guha’’nti.
ат̇а ко д̇з бхигкуу язна рааж̇аг̇ахаго сздтий д̇знубасан̇гамим̣су, убасан̇гамид̇ваа рааж̇аг̇ахагам̣ сздтим̣ зд̇ад̣̇авожум̣ – ‘‘анун̃н̃аад̇аа ко, г̇ахабад̇и, бхаг̇авад̇аа вихаараа; яассад̣̇аани гаалам̣ ман̃н̃асий’’д̇и. ат̇а ко рааж̇аг̇ахаго сздтий згаахзнзва садтивихаарз бад̇идтаабзси. ат̇а ко рааж̇аг̇ахаго сздтий д̇з садтивихаарз барияосаабзд̇ваа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аг̇ахаго сздтий бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко рааж̇аг̇ахаго сздтий бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
Atha kho te bhikkhū yena rājagahako seṭṭhī tenupasaṅkamiṃsu, upasaṅkamitvā rājagahakaṃ seṭṭhiṃ etadavocuṃ – ‘‘anuññātā kho, gahapati, bhagavatā vihārā; yassadāni kālaṃ maññasī’’ti. Atha kho rājagahako seṭṭhī ekāheneva saṭṭhivihāre patiṭṭhāpesi. Atha kho rājagahako seṭṭhī te saṭṭhivihāre pariyosāpetvā yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rājagahako seṭṭhī bhagavantaṃ etadavoca – ‘‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho rājagahako seṭṭhī bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
ат̇а ко рааж̇аг̇ахаго сздтий д̇ассаа рад̇д̇ияаа ажжаязна бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна рааж̇аг̇ахагасса сздтисса нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко рааж̇аг̇ахаго сздтий б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа, бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣, згаманд̇ам̣ нисийд̣̇и. згаманд̇ам̣ нисинно ко рааж̇аг̇ахаго сздтий бхаг̇аванд̇ам̣ зд̇ад̣̇авожа – ‘‘зд̇з мз, бханд̇з, садтивихаараа бун̃н̃ад̇т̇игзна саг̇г̇ад̇т̇игзна гаараабид̇аа. гат̇аахам̣, бханд̇з, д̇зсу вихаарзсу бадибаж̇ж̇аамий’’д̇и? ‘‘д̇зна хи д̇вам̣, г̇ахабад̇и, д̇з садтивихаарз ааг̇ад̇аанааг̇ад̇асса жаад̇уд̣̇д̣̇исасса сан̇гхасса бад̇идтаабзхий’’д̇и. ‘‘звам̣ бханд̇з’’д̇и ко рааж̇аг̇ахаго сздтий бхаг̇авад̇о бадиссуд̇ваа д̇з садтивихаарз ааг̇ад̇аанааг̇ад̇асса жаад̇уд̣̇д̣̇исасса сан̇гхасса бад̇идтаабзси.
Atha kho rājagahako seṭṭhī tassā rattiyā accayena paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena rājagahakassa seṭṭhissa nivesanaṃ tenupasaṅkami, upasaṅkamitvā paññatte āsane nisīdi saddhiṃ bhikkhusaṅghena. Atha kho rājagahako seṭṭhī buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappetvā sampavāretvā, bhagavantaṃ bhuttāviṃ onītapattapāṇiṃ, ekamantaṃ nisīdi. Ekamantaṃ nisinno kho rājagahako seṭṭhī bhagavantaṃ etadavoca – ‘‘ete me, bhante, saṭṭhivihārā puññatthikena saggatthikena kārāpitā. Kathāhaṃ, bhante, tesu vihāresu paṭipajjāmī’’ti? ‘‘Tena hi tvaṃ, gahapati, te saṭṭhivihāre āgatānāgatassa cātuddisassa saṅghassa patiṭṭhāpehī’’ti. ‘‘Evaṃ bhante’’ti kho rājagahako seṭṭhī bhagavato paṭissutvā te saṭṭhivihāre āgatānāgatassa cātuddisassa saṅghassa patiṭṭhāpesi.
295. ат̇а ко бхаг̇аваа рааж̇аг̇ахагам̣ сздтим̣ имаахи г̇аат̇аахи анумод̣̇и –
295. Atha kho bhagavā rājagahakaṃ seṭṭhiṃ imāhi gāthāhi anumodi –
‘‘сийд̇ам̣ ун̣хам̣ бадиханд̇и 7, д̇ад̇о ваал̣амиг̇аани жа;
‘‘Sītaṃ uṇhaṃ paṭihanti 8, tato vāḷamigāni ca;
сарийсабз жа магасз, сисирз жааби вудтияо.
Sarīsape ca makase, sisire cāpi vuṭṭhiyo.
‘‘д̇ад̇о ваад̇аад̇або гхорз, сан̃ж̇аад̇о 9 бадихан̃н̃ад̇и;
‘‘Tato vātātapo ghore, sañjāto 10 paṭihaññati;
лзн̣ад̇т̇ан̃жа сукад̇т̇ан̃жа, жхааяид̇ун̃жа вибассид̇ум̣.
Leṇatthañca sukhatthañca, jhāyituñca vipassituṃ.
‘‘вихаарад̣̇аанам̣ сан̇гхасса, аг̇г̇ам̣ б̣уд̣̇д̇хзна 11 ван̣н̣ид̇ам̣;
‘‘Vihāradānaṃ saṅghassa, aggaṃ buddhena 12 vaṇṇitaṃ;
д̇асмаа хи бан̣д̣ид̇о, босо самбассам̣ ад̇т̇амад̇д̇ано.
Tasmā hi paṇḍito, poso sampassaṃ atthamattano.
‘‘вихаарз гаараяз раммз, ваасаязд̇т̇а б̣ахуссуд̇з;
‘‘Vihāre kāraye ramme, vāsayettha bahussute;
д̇зсам̣ аннан̃жа баанан̃жа, вад̇т̇асзнаасанаани жа;
Tesaṃ annañca pānañca, vatthasenāsanāni ca;
д̣̇ад̣̇зяяа уж̇убхууд̇зсу, виббасаннзна жзд̇асаа.
Dadeyya ujubhūtesu, vippasannena cetasā.
‘‘д̇з д̇асса д̇хаммам̣ д̣̇зсзнд̇и, саб̣б̣ад̣̇угкаабанууд̣̇анам̣;
‘‘Te tassa dhammaṃ desenti, sabbadukkhāpanūdanaṃ;
яам̣ со д̇хаммам̣ ид̇хан̃н̃ааяа, бариниб̣б̣аад̇и анаасаво’’д̇и.
Yaṃ so dhammaṃ idhaññāya, parinibbāti anāsavo’’ti.
ат̇а ко бхаг̇аваа рааж̇аг̇ахагам̣ сздтим̣ имаахи г̇аат̇аахи анумод̣̇ид̇ваа удтааяаасанаа баггаами.
Atha kho bhagavā rājagahakaṃ seṭṭhiṃ imāhi gāthāhi anumoditvā uṭṭhāyāsanā pakkāmi.
296. ассосум̣ ко мануссаа – ‘‘бхаг̇авад̇аа гира вихаараа анун̃н̃аад̇аа’’д̇и саггажжам̣ 13 вихаарз гаараабзнд̇и. д̇з вихаараа агаваадагаа хонд̇и; ахийби вижчигааби сад̇абад̣̇ияоби бависанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, гаваада’’нд̇и. бхид̇д̇ичид̣̇д̣̇ам̣ гарид̇ваа валлияааби раж̇ж̇уяааби гаваадам̣ б̣анд̇ханд̇и. унд̣̇уурзхиби убажигаахиби каж̇ж̇анд̇и. каяид̇аб̣анд̇ханаани гаваадаани бад̇анд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бидтасан̇гхаадам̣ уд̣̇угкалигам̣ уд̇д̇арабаасага’’нд̇и . гаваадаа на пусийяанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, аавин̃чанажчид̣̇д̣̇ам̣ аавин̃чанараж̇ж̇у’’нд̇и. гаваадаа на т̇агияанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, аг̇г̇ал̣аваддим̣ габисийсагам̣ суужигам̣ гхадига’’нд̇и.
296. Assosuṃ kho manussā – ‘‘bhagavatā kira vihārā anuññātā’’ti sakkaccaṃ 14 vihāre kārāpenti. Te vihārā akavāṭakā honti; ahīpi vicchikāpi satapadiyopi pavisanti. Bhagavato etamatthaṃ ārocesuṃ. ‘‘Anujānāmi, bhikkhave, kavāṭa’’nti. Bhittichiddaṃ karitvā valliyāpi rajjuyāpi kavāṭaṃ bandhanti. Undūrehipi upacikāhipi khajjanti. Khayitabandhanāni kavāṭāni patanti. Bhagavato etamatthaṃ ārocesuṃ. ‘‘Anujānāmi, bhikkhave, piṭṭhasaṅghāṭaṃ udukkhalikaṃ uttarapāsaka’’nti . Kavāṭā na phusīyanti. Bhagavato etamatthaṃ ārocesuṃ. ‘‘Anujānāmi, bhikkhave, āviñchanacchiddaṃ āviñchanarajju’’nti. Kavāṭā na thakiyanti. Bhagavato etamatthaṃ ārocesuṃ. ‘‘Anujānāmi, bhikkhave, aggaḷavaṭṭiṃ kapisīsakaṃ sūcikaṃ ghaṭika’’nti.
д̇зна ко бана самаязна бхигкуу на саггонд̇и гаваадам̣ абаабурид̇ум̣. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, д̇аал̣ажчид̣̇д̣̇ам̣. д̇ийн̣и д̇аал̣аани – лохад̇аал̣ам̣, гадтад̇аал̣ам̣, висаан̣ад̇аал̣а’’нд̇и. язхи 15 д̇з уг̇гхаадзд̇ваа бависанд̇и 16, вихаараа аг̇уд̇д̇аа хонд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, яанд̇агам̣ суужига’’нд̇и.
Tena kho pana samayena bhikkhū na sakkonti kavāṭaṃ apāpurituṃ. Bhagavato etamatthaṃ ārocesuṃ. ‘‘Anujānāmi, bhikkhave, tāḷacchiddaṃ. Tīṇi tāḷāni – lohatāḷaṃ, kaṭṭhatāḷaṃ, visāṇatāḷa’’nti. Yehi 17 te ugghāṭetvā pavisanti 18, vihārā aguttā honti. Bhagavato etamatthaṃ ārocesuṃ. ‘‘Anujānāmi, bhikkhave, yantakaṃ sūcika’’nti.
д̇зна ко бана самаязна вихаараа д̇ин̣ажчад̣̇анаа хонд̇и; сийд̇агаалз сийд̇аа, ун̣хагаалз ун̣хаа. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ог̇умпзд̇ваа уллид̇д̇аавалид̇д̇ам̣ гаад̇у’’нд̇и.
Tena kho pana samayena vihārā tiṇacchadanā honti; sītakāle sītā, uṇhakāle uṇhā. Bhagavato etamatthaṃ ārocesuṃ. ‘‘Anujānāmi, bhikkhave, ogumphetvā ullittāvalittaṃ kātu’’nti.
д̇зна ко бана самаязна вихаараа аваад̇абаанагаа хонд̇и ажагкуссаа д̣̇уг̇г̇анд̇хаа. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, д̇ийн̣и ваад̇абаанаани – взд̣̇игааваад̇абаанам̣, ж̇аалаваад̇абаанам̣, салаагаваад̇абаана’’нд̇и. ваад̇абаананд̇аригааяа гаал̣агааби ваг̇г̇улияоби бависанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ваад̇абаанажаггалига’’нд̇и. жаггалиганд̇аригааяаби гаал̣агааби ваг̇г̇улияоби бависанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ваад̇абаанагаваадагам̣ ваад̇абаанабхисига’’нд̇и.
Tena kho pana samayena vihārā avātapānakā honti acakkhussā duggandhā. Bhagavato etamatthaṃ ārocesuṃ. ‘‘Anujānāmi, bhikkhave, tīṇi vātapānāni – vedikāvātapānaṃ, jālavātapānaṃ, salākavātapāna’’nti. Vātapānantarikāya kāḷakāpi vagguliyopi pavisanti. Bhagavato etamatthaṃ ārocesuṃ. ‘‘Anujānāmi, bhikkhave, vātapānacakkalika’’nti. Cakkalikantarikāyapi kāḷakāpi vagguliyopi pavisanti. Bhagavato etamatthaṃ ārocesuṃ. ‘‘Anujānāmi, bhikkhave, vātapānakavāṭakaṃ vātapānabhisika’’nti.
д̇зна ко бана самаязна бхигкуу чамааяам̣ саяанд̇и. г̇ад̇д̇ааниби жийварааниби бам̣сугид̇аани хонд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, д̇ин̣асант̇аарага’’нд̇и. д̇ин̣асант̇аараго унд̣̇уурзхиби убажигаахиби каж̇ж̇ад̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, мид̣дхи’’нд̇и 19. мид̣дхияаа г̇ад̇д̇аани д̣̇угкаа хонд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, б̣ид̣̇аламан̃жага’’нд̇и.
Tena kho pana samayena bhikkhū chamāyaṃ sayanti. Gattānipi cīvarānipi paṃsukitāni honti. Bhagavato etamatthaṃ ārocesuṃ. ‘‘Anujānāmi, bhikkhave, tiṇasanthāraka’’nti. Tiṇasanthārako undūrehipi upacikāhipi khajjati. Bhagavato etamatthaṃ ārocesuṃ. ‘‘Anujānāmi, bhikkhave, miḍḍhi’’nti 20. Miḍḍhiyā gattāni dukkhā honti. Bhagavato etamatthaṃ ārocesuṃ. ‘‘Anujānāmi, bhikkhave, bidalamañcaka’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
