| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ဝိဟာရဋ္ဌကထာဝဏ္ဏနာ
Vihāraṭṭhakathāvaṇṇanā
၁၀၃. ဝိဟာရဋ္ဌကထာယံ ဝိဟာရောပိ ပရိဝေဏမ္ပိ အာဝာသောပိ ဝိဟာရောတ္ဝေဝ သင္ခံ ဂစ္ဆတီတိ အာဟ ‘‘ဝိဟာရံ ဝာ’’တိအာဒိ။ တတ္ထ ဝိဟာရန္တိ မဟာဝိဟာရံ။ ပရိဝေဏန္တိ မဟာဝိဟာရသ္သ အဗ္ဘန္တရေ ဝိသုံ ဝိသုံ ပာကာရပရိစ္ဆိန္နဋ္ဌာနံ။ အာဝာသန္တိ ဧကံ အာဝသထံ။ အဘိယောဂေ ကတေပိ အဝဟာရသ္သ အသိဇ္ဈနတော ဝုတ္တံ ‘‘အဘိယောဂော န ရုဟတီ’’တိ။ ဂဏသန္တကေ ပန ပရိစ္ဆိန္နသာမိကတ္တာ သက္ကာ ဓုရံ နိက္ခိပာပေတုန္တိ အာဟ ‘‘ဒီဃဘာဏကာဒိဘေဒသ္သ ပန ဂဏသ္သာ’’တိ။ ဣဓာပိ သစေ ဧကောပိ ဓုရံ န နိက္ခိပတိ, ရက္ခတိယေဝ။ သဗ္ဗေသံ ဓုရနိက္ခေပေနေဝ ဟိ ပာရာဇိကံ။
103. Vihāraṭṭhakathāyaṃ vihāropi pariveṇampi āvāsopi vihārotveva saṅkhaṃ gacchatīti āha ‘‘vihāraṃ vā’’tiādi. Tattha vihāranti mahāvihāraṃ. Pariveṇanti mahāvihārassa abbhantare visuṃ visuṃ pākāraparicchinnaṭṭhānaṃ. Āvāsanti ekaṃ āvasathaṃ. Abhiyoge katepi avahārassa asijjhanato vuttaṃ ‘‘abhiyogo na ruhatī’’ti. Gaṇasantake pana paricchinnasāmikattā sakkā dhuraṃ nikkhipāpetunti āha ‘‘dīghabhāṇakādibhedassa pana gaṇassā’’ti. Idhāpi sace ekopi dhuraṃ na nikkhipati, rakkhatiyeva. Sabbesaṃ dhuranikkhepeneva hi pārājikaṃ.
ဝိဟာရဋ္ဌကထာဝဏ္ဏနာ နိဋ္ဌိတာ။
Vihāraṭṭhakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝိဟာရဋ္ဌကထာဝဏ္ဏနာ • Vihāraṭṭhakathāvaṇṇanā
