Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā

6. вихааравимаанаван̣н̣анаа

6. Vihāravimānavaṇṇanā

абхигганд̇зна ван̣н̣знаад̇и вихааравимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна висаакаа махааубаасигаа ан̃н̃ад̇арасмим̣ уссавад̣̇ивасз уяяаанз вижаран̣ад̇т̇ам̣ сахааяигаахи бариж̇анзна жа уссаахид̇аа сунхаад̇аанулид̇д̇аа субхож̇анам̣ бхун̃ж̇ид̇ваа махаалад̇аабасаад̇ханам̣ бил̣анд̇хид̇ваа бан̃жамад̇д̇зхи сахааяигаасад̇зхи бариваарид̇аа маханд̇зна иссариязна махад̇аа барижчзд̣̇зна г̇зхад̇о нигкамма уяяаанам̣ уд̣̇д̣̇исса г̇ажчанд̇ий жинд̇зси ‘‘б̣аалад̣̇ааригааяа вияа гим̣ мз могхагийл̣ид̇зна, ханд̣̇аахам̣ вихаарам̣ г̇анд̇ваа бхаг̇аванд̇ам̣ манобхааванийяз жа аяяз ванд̣̇иссаами, д̇хамман̃жа соссаамий’’д̇и вихаарам̣ г̇анд̇ваа згаманд̇з тад̇ваа махаалад̇аабил̣анд̇ханам̣ омун̃жид̇ваа д̇ам̣ д̣̇аасияаа хад̇т̇з д̣̇ад̇ваа бхаг̇аванд̇ам̣ ванд̣̇ид̇ваа згаманд̇ам̣ нисийд̣̇и. д̇ассаа бхаг̇аваа д̇хаммам̣ д̣̇зсзси.

Abhikkantenavaṇṇenāti vihāravimānaṃ. Tassa kā uppatti? Bhagavā sāvatthiyaṃ viharati jetavane. Tena samayena visākhā mahāupāsikā aññatarasmiṃ ussavadivase uyyāne vicaraṇatthaṃ sahāyikāhi parijanena ca ussāhitā sunhātānulittā subhojanaṃ bhuñjitvā mahālatāpasādhanaṃ piḷandhitvā pañcamattehi sahāyikāsatehi parivāritā mahantena issariyena mahatā paricchedena gehato nikkhamma uyyānaṃ uddissa gacchantī cintesi ‘‘bāladārikāya viya kiṃ me moghakīḷitena, handāhaṃ vihāraṃ gantvā bhagavantaṃ manobhāvanīye ca ayye vandissāmi, dhammañca sossāmī’’ti vihāraṃ gantvā ekamante ṭhatvā mahālatāpiḷandhanaṃ omuñcitvā taṃ dāsiyā hatthe datvā bhagavantaṃ vanditvā ekamantaṃ nisīdi. Tassā bhagavā dhammaṃ desesi.

саа д̇хаммам̣ суд̇ваа бхаг̇аванд̇ам̣ ванд̣̇ид̇ваа бад̣̇агкин̣ам̣ гад̇ваа манобхааванийяз жа бхигкуу ванд̣̇ид̇ваа вихаарад̇о нигкамид̇ваа т̇огам̣ г̇анд̇ваа д̣̇аасим̣ ааха ‘‘ханд̣̇а ж̇з аабхаран̣ам̣ бил̣анд̇хиссаамий’’д̇и. саа д̇ам̣ бхан̣д̣игам̣ гад̇ваа б̣анд̇хид̇ваа вихаарз табзд̇ваа д̇ахам̣ д̇ахам̣ вижарид̇ваа г̇аманагаалз виссарид̇ваа г̇ад̇ад̇д̇аа ‘‘виссарид̇ам̣ маяаа, д̇идта аяяз аахариссаамий’’д̇и нивад̇д̇ид̇угаамаа ахоси. висаакаа ‘‘сажз ж̇з вихаарз табзд̇ваа виссарид̇ам̣, д̇асса вихаарассзва ад̇т̇ааяа д̇ам̣ барижжаж̇иссаамий’’д̇и вихаарам̣ г̇анд̇ваа бхаг̇аванд̇ам̣ убасан̇гамид̇ваа ванд̣̇ид̇ваа ад̇д̇ано ад̇хиббааяам̣ бавзд̣̇знд̇ий ‘‘вихаарам̣, бханд̇з, гаарзссаами, ад̇хиваасзд̇у мз бхаг̇аваа анугамбам̣ убаад̣̇ааяаа’’д̇и ааха. ад̇хиваасзси бхаг̇аваа д̇ун̣хийбхаавзна.

Sā dhammaṃ sutvā bhagavantaṃ vanditvā padakkhiṇaṃ katvā manobhāvanīye ca bhikkhū vanditvā vihārato nikkhamitvā thokaṃ gantvā dāsiṃ āha ‘‘handa je ābharaṇaṃ piḷandhissāmī’’ti. Sā taṃ bhaṇḍikaṃ katvā bandhitvā vihāre ṭhapetvā tahaṃ tahaṃ vicaritvā gamanakāle vissaritvā gatattā ‘‘vissaritaṃ mayā, tiṭṭha ayye āharissāmī’’ti nivattitukāmā ahosi. Visākhā ‘‘sace je vihāre ṭhapetvā vissaritaṃ, tassa vihārasseva atthāya taṃ pariccajissāmī’’ti vihāraṃ gantvā bhagavantaṃ upasaṅkamitvā vanditvā attano adhippāyaṃ pavedentī ‘‘vihāraṃ, bhante, kāressāmi, adhivāsetu me bhagavā anukampaṃ upādāyā’’ti āha. Adhivāsesi bhagavā tuṇhībhāvena.

саа д̇ам̣ бил̣анд̇ханам̣ сад̇асахассаад̇хиганавагодиаг̇гханагам̣ виссаж̇ж̇зд̇ваа ааяасмад̇аа махаамог̇г̇аллаанзна навагаммаад̇хидтааяагзна сувибхад̇д̇абхид̇д̇ит̇амбхад̇улааг̇обаанасиган̣н̣игад̣̇ваараб̣аахаваад̇абаана собаанаад̣̇иг̇зхааваяавам̣ манохарам̣ сувигаббид̇агадтагаммараман̣ийяам̣ субаригаммагад̇асуд̇хаагаммам̣ манун̃н̃ам̣ сувиражид̇амаалаагаммалад̇аагаммаад̣̇ижид̇д̇агаммавижид̇д̇ам̣ субаринидтид̇аман̣игуддима сад̣̇исабхуумид̇алам̣ д̣̇звавимаанасад̣̇исам̣ хздтаабхуумияам̣ бан̃жа г̇аб̣бхасад̇аани, убарибхуумияам̣ бан̃жа г̇аб̣бхасад̇аанийд̇и г̇аб̣бхасахассабадиман̣д̣ид̇ам̣ б̣уд̣̇д̇хасса бхаг̇авад̇о бхигкусан̇гхасса жа васанаанужчавигам̣ маханд̇ам̣ баасаад̣̇ам̣ д̇асса бариваарабаасаад̣̇асахассан̃жа д̇зсам̣ бариваарабхаавзна гудиман̣д̣абажан̇гаманаад̣̇ийни жа гаарзнд̇ий навахи маасзхи вихаарам̣ нидтаабзси. баринидтид̇з жа вихаарз навахзва хиран̃н̃агодийхи вихаарамахам̣ гаарзнд̇ий бан̃жамад̇д̇зхи сахааяигаасад̇зхи сад̣̇д̇хим̣ баасаад̣̇ам̣ абхирухид̇ваа д̇асса самбад̇д̇им̣ д̣̇исваа соманассаж̇аад̇аа сахааяигаа ааха ‘‘имам̣ зваруубам̣ баасаад̣̇ам̣ гаарзнд̇ияаа яам̣ маяаа бун̃н̃ам̣ басуд̇ам̣, д̇ам̣ анумод̣̇ат̇а, бад̇д̇ид̣̇аанам̣ во д̣̇аммий’’д̇и. ‘‘ахо саад̇ху ахо саад̇хуу’’д̇и басаннажид̇д̇аа саб̣б̣ааби анумод̣̇им̣су.

Sā taṃ piḷandhanaṃ satasahassādhikanavakoṭiagghanakaṃ vissajjetvā āyasmatā mahāmoggallānena navakammādhiṭṭhāyakena suvibhattabhittithambhatulāgopānasikaṇṇikadvārabāhavātapāna sopānādigehāvayavaṃ manoharaṃ suvikappitakaṭṭhakammaramaṇīyaṃ suparikammakatasudhākammaṃ manuññaṃ suviracitamālākammalatākammādicittakammavicittaṃ supariniṭṭhitamaṇikuṭṭima sadisabhūmitalaṃ devavimānasadisaṃ heṭṭhābhūmiyaṃ pañca gabbhasatāni, uparibhūmiyaṃ pañca gabbhasatānīti gabbhasahassapaṭimaṇḍitaṃ buddhassa bhagavato bhikkhusaṅghassa ca vasanānucchavikaṃ mahantaṃ pāsādaṃ tassa parivārapāsādasahassañca tesaṃ parivārabhāvena kuṭimaṇḍapacaṅkamanādīni ca kārentī navahi māsehi vihāraṃ niṭṭhāpesi. Pariniṭṭhite ca vihāre navaheva hiraññakoṭīhi vihāramahaṃ kārentī pañcamattehi sahāyikāsatehi saddhiṃ pāsādaṃ abhiruhitvā tassa sampattiṃ disvā somanassajātā sahāyikā āha ‘‘imaṃ evarūpaṃ pāsādaṃ kārentiyā yaṃ mayā puññaṃ pasutaṃ, taṃ anumodatha, pattidānaṃ vo dammī’’ti. ‘‘Aho sādhu aho sādhū’’ti pasannacittā sabbāpi anumodiṃsu.

д̇ад̇т̇а ан̃н̃ад̇араа убаасигаа висзсад̇о д̇ам̣ бад̇д̇ид̣̇аанам̣ манасаагааси. саа на жирассзва гаалам̣ гад̇ваа д̇аавад̇им̣сзсу ниб̣б̣ад̇д̇и. д̇ассаа бун̃н̃аанубхаавзна анзгагуудааг̇аарабаагаарауяяаанабогкаран̣иаад̣̇ибадиман̣д̣ид̇ам̣ сол̣асаяож̇анааяаамавид̇т̇аараб̣б̣зд̇хам̣ ад̇д̇ано бабхааяа яож̇анасад̇ам̣ паранд̇ам̣ аагаасажаарим̣ маханд̇ам̣ вимаанам̣ баад̇урахоси. саа г̇ажчанд̇ийби ажчараасахассабариваараа саха вимаанзна г̇ажчад̇и. висаакаа бана махааубаасигаа вибулабарижжааг̇ад̇ааяа сад̣̇д̇хаасамбад̇д̇ияаа жа ниммаанарад̇ийсу ниб̣б̣ад̇д̇ид̇ваа суниммид̇ад̣̇зварааж̇асса аг̇г̇амахзсибхаавам̣ самбаабун̣и. ат̇ааяасмаа ануруд̣̇д̇хо д̣̇зважааригам̣ жаранд̇о д̇ам̣ висаакааяа сахааяигам̣ д̇аавад̇им̣сабхаванз уббаннам̣ д̣̇исваа –

Tattha aññatarā upāsikā visesato taṃ pattidānaṃ manasākāsi. Sā na cirasseva kālaṃ katvā tāvatiṃsesu nibbatti. Tassā puññānubhāvena anekakūṭāgārapākārauyyānapokkharaṇiādipaṭimaṇḍitaṃ soḷasayojanāyāmavitthārabbedhaṃ attano pabhāya yojanasataṃ pharantaṃ ākāsacāriṃ mahantaṃ vimānaṃ pāturahosi. Sā gacchantīpi accharāsahassaparivārā saha vimānena gacchati. Visākhā pana mahāupāsikā vipulapariccāgatāya saddhāsampattiyā ca nimmānaratīsu nibbattitvā sunimmitadevarājassa aggamahesibhāvaṃ sampāpuṇi. Athāyasmā anuruddho devacārikaṃ caranto taṃ visākhāya sahāyikaṃ tāvatiṃsabhavane uppannaṃ disvā –

729.

‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;

‘‘Abhikkantena vaṇṇena, yā tvaṃ tiṭṭhasi devate;

обхаасзнд̇ий д̣̇исаа саб̣б̣аа, осад̇хий вияа д̇аарагаа.

Obhāsentī disā sabbā, osadhī viya tārakā.

730.

‘‘д̇ассаа д̇з нажжамаанааяа, ан̇г̇аман̇г̇зхи саб̣б̣асо;

‘‘Tassā te naccamānāya, aṅgamaṅgehi sabbaso;

д̣̇иб̣б̣аа сад̣̇д̣̇аа нижчаранд̇и, саванийяаа манорамаа.

Dibbā saddā niccharanti, savanīyā manoramā.

731.

‘‘д̇ассаа д̇з нажжамаанааяа, ан̇г̇аман̇г̇зхи саб̣б̣асо;

‘‘Tassā te naccamānāya, aṅgamaṅgehi sabbaso;

д̣̇иб̣б̣аа г̇анд̇хаа бавааяанд̇и, сужиг̇анд̇хаа манорамаа.

Dibbā gandhā pavāyanti, sucigandhā manoramā.

732.

‘‘вивад̇д̇амаанаа гааязна, яаа взн̣ийсу бил̣анд̇ханаа;

‘‘Vivattamānā kāyena, yā veṇīsu piḷandhanā;

д̇зсам̣ суяяад̇и ниг̇гхосо, д̇уурияз бан̃жан̇г̇игз яат̇аа.

Tesaṃ suyyati nigghoso, tūriye pañcaṅgike yathā.

733.

‘‘вадам̣сагаа ваад̇ад̇худ̇аа, ваад̇зна самбагамбид̇аа;

‘‘Vaṭaṃsakā vātadhutā, vātena sampakampitā;

д̇зсам̣ суяяад̇и ниг̇гхосо, д̇уурияз бан̃жан̇г̇игз яат̇аа.

Tesaṃ suyyati nigghoso, tūriye pañcaṅgike yathā.

734.

‘‘яааби д̇з сирасмим̣ маалаа, сужиг̇анд̇хаа манорамаа;

‘‘Yāpi te sirasmiṃ mālā, sucigandhā manoramā;

ваад̇и г̇анд̇хо д̣̇исаа саб̣б̣аа, ругко ман̃ж̇уусаго яат̇аа.

Vāti gandho disā sabbā, rukkho mañjūsako yathā.

735.

‘‘гхааяасз д̇ам̣ сужиг̇анд̇хам̣, руубам̣ бассаси амаанусам̣;

‘‘Ghāyase taṃ sucigandhaṃ, rūpaṃ passasi amānusaṃ;

д̣̇звад̇з бужчид̇аажигка, гисса гаммассид̣̇ам̣ пала’’нд̇и. –

Devate pucchitācikkha, kissa kammassidaṃ phala’’nti. –

имаахи г̇аат̇аахи бужчи. сааби д̇асса звам̣ б̣яаагааси –

Imāhi gāthāhi pucchi. Sāpi tassa evaṃ byākāsi –

736.

‘‘саавад̇т̇ияам̣ маяхам̣ сакий бхад̣̇анд̇з, сан̇гхасса гаарзси махаавихаарам̣;

‘‘Sāvatthiyaṃ mayhaṃ sakhī bhadante, saṅghassa kāresi mahāvihāraṃ;

д̇ад̇т̇аббасаннаа ахамаанумод̣̇им̣, д̣̇исваа аг̇ааран̃жа бияан̃жа мзд̇ам̣.

Tatthappasannā ahamānumodiṃ, disvā agārañca piyañca metaṃ.

737.

‘‘д̇ааязва мз суд̣̇д̇ханумод̣̇анааяа, лад̣̇д̇хам̣ вимаанаб̣бхуд̇ад̣̇ассанзяяам̣;

‘‘Tāyeva me suddhanumodanāya, laddhaṃ vimānabbhutadassaneyyaṃ;

саманд̇ад̇о сол̣асаяож̇анаани, взхааяасам̣ г̇ажчад̇и ид̣̇д̇хияаа мама.

Samantato soḷasayojanāni, vehāyasaṃ gacchati iddhiyā mama.

738.

‘‘гуудааг̇аараа нивзсаа мз, вибхад̇д̇аа бхааг̇асо мид̇аа;

‘‘Kūṭāgārā nivesā me, vibhattā bhāgaso mitā;

д̣̇ад̣̇д̣̇алламаанаа аабханд̇и, саманд̇аа сад̇аяож̇анам̣.

Daddallamānā ābhanti, samantā satayojanaṃ.

739.

‘‘богкаран̃н̃о жа мз зд̇т̇а, бут̇уломанисзвид̇аа;

‘‘Pokkharañño ca me ettha, puthulomanisevitā;

ажчод̣̇агаа виббасаннаа, сон̣н̣аваалугасант̇ад̇аа.

Acchodakā vippasannā, soṇṇavālukasanthatā.

740.

‘‘наанаабад̣̇умасан̃чаннаа, бун̣д̣арийгасамод̇ад̇аа;

‘‘Nānāpadumasañchannā, puṇḍarīkasamotatā;

сурабхий самбавааяанд̇и, манун̃н̃аа маалуд̇зрид̇аа.

Surabhī sampavāyanti, manuññā māluteritā.

741.

‘‘ж̇амб̣уяо банасаа д̇аалаа, наал̣игзраванаани жа;

‘‘Jambuyo panasā tālā, nāḷikeravanāni ca;

анд̇онивзсанз ж̇аад̇аа, наанааругкаа аробимаа.

Antonivesane jātā, nānārukkhā aropimā.

742.

‘‘наанаад̇уурияасан̇гхудтам̣, ажчарааг̇ан̣агхосид̇ам̣;

‘‘Nānātūriyasaṅghuṭṭhaṃ, accharāgaṇaghositaṃ;

яоби мам̣ субинз бассз, соби вид̇д̇о сияаа наро.

Yopi maṃ supine passe, sopi vitto siyā naro.

743.

‘‘зд̇аад̣̇исам̣ аб̣бхуд̇ад̣̇ассанзяяам̣, вимаанам̣ саб̣б̣асо бабхам̣;

‘‘Etādisaṃ abbhutadassaneyyaṃ, vimānaṃ sabbaso pabhaṃ;

мама гаммз хи ниб̣б̣ад̇д̇ам̣, алам̣ бун̃н̃аани гаад̇авз’’д̇и.

Mama kamme hi nibbattaṃ, alaṃ puññāni kātave’’ti.

736. д̇ад̇т̇а саавад̇т̇ияам̣ маяхам̣ сакий бхад̣̇анд̇з, сан̇гхасса гаарзси махаавихааранд̇и бханд̇з ануруд̣̇д̇ха , саавад̇т̇ияаа самийбз баажийнабассз маяхам̣ мама сагкий сахааяигаа висаакаа махааубаасигаа ааг̇ад̇ааг̇ад̇ам̣ жаад̇уд̣̇д̣̇исам̣ бхигкусан̇гхам̣ уд̣̇д̣̇исса навахиран̃н̃агодибарижжааг̇зна буб̣б̣аараамам̣ наама маханд̇ам̣ вихаарам̣ гаарзси. д̇ад̇т̇аббасаннаа ахамаанумод̣̇инд̇и д̇асмим̣ вихаарз гад̇абарияосид̇з сан̇гхасса нияяаад̣̇ияамаанз д̇ааяа гад̇з бад̇д̇ид̣̇аанз ‘‘ахо таанз вад̇а барижжааг̇о гад̇о’’д̇и басаннаа рад̇анад̇д̇аяз гаммапалз жа сан̃ж̇аад̇абасаад̣̇аа ахам̣ анумод̣̇им̣. вад̇т̇увасзна д̇ассаа анумод̣̇анааяа ул̣аарабхаавам̣ д̣̇ассзд̇ум̣ ‘‘д̣̇исваа аг̇ааран̃жа бияан̃жа мзд̇а’’нд̇и ааха. сахассаг̇аб̣бхам̣ ад̇ивияа раман̣ийяам̣ д̣̇звавимаанасад̣̇исам̣ д̇ан̃жа аг̇аарам̣ маханд̇ам̣ баасаад̣̇ам̣ бияан̃жа мз б̣уд̣̇д̇хаббамукам̣ сан̇гхам̣ уд̣̇д̣̇исса д̇аад̣̇исам̣ маханд̇ам̣ д̇ханабарижжааг̇ам̣ д̣̇исваа анумод̣̇инд̇и яож̇анаа.

736. Tattha sāvatthiyaṃ mayhaṃ sakhī bhadante, saṅghassa kāresi mahāvihāranti bhante anuruddha , sāvatthiyā samīpe pācīnapasse mayhaṃ mama sakkhī sahāyikā visākhā mahāupāsikā āgatāgataṃ cātuddisaṃ bhikkhusaṅghaṃ uddissa navahiraññakoṭipariccāgena pubbārāmaṃ nāma mahantaṃ vihāraṃ kāresi. Tatthappasannā ahamānumodinti tasmiṃ vihāre katapariyosite saṅghassa niyyādiyamāne tāya kate pattidāne ‘‘aho ṭhāne vata pariccāgo kato’’ti pasannā ratanattaye kammaphale ca sañjātapasādā ahaṃ anumodiṃ. Vatthuvasena tassā anumodanāya uḷārabhāvaṃ dassetuṃ ‘‘disvā agārañca piyañca meta’’nti āha. Sahassagabbhaṃ ativiya ramaṇīyaṃ devavimānasadisaṃ tañca agāraṃ mahantaṃ pāsādaṃ piyañca me buddhappamukhaṃ saṅghaṃ uddissa tādisaṃ mahantaṃ dhanapariccāgaṃ disvā anumodinti yojanā.

737. д̇ааязва мз суд̣̇д̇ханумод̣̇анааяаад̇и яат̇аавуд̇д̇ааяа д̣̇зяяад̇хаммабарижжааг̇аабхаавзна суд̣̇д̇хааяа гзвалааяа анумод̣̇анааязва. лад̣̇д̇хам̣ вимаанаб̣бхуд̇ад̣̇ассанзяяанд̇и маяхам̣ буб̣б̣з ийд̣̇исасса абхууд̇абуб̣б̣ад̇ааяа аб̣бхуд̇ам̣ саманд̇абхад̣̇д̣̇агабхаавзна ад̇ивияа суруубад̇ааяа жа д̣̇ассанзяяам̣ имам̣ вимаанам̣ лад̣̇д̇хам̣ ад̇хиг̇ад̇ам̣. звам̣ д̇асса вимаанасса абхируубад̇ам̣ д̣̇ассзд̇ваа ид̣̇аани бамаан̣амахад̇д̇ам̣ бабхаавамахад̇д̇ам̣ убабхог̇авад̇т̇умахад̇д̇ан̃жа д̣̇ассзд̇ум̣ ‘‘саманд̇ад̇о сол̣асаяож̇анааний’’д̇иаад̣̇и вуд̇д̇ам̣. д̇ад̇т̇а ид̣̇д̇хияаа мамаад̇и мама бун̃н̃ид̣̇д̇хияаа.

737.Tāyeva me suddhanumodanāyāti yathāvuttāya deyyadhammapariccāgābhāvena suddhāya kevalāya anumodanāyeva. Laddhaṃ vimānabbhutadassaneyyanti mayhaṃ pubbe īdisassa abhūtapubbatāya abbhutaṃ samantabhaddakabhāvena ativiya surūpatāya ca dassaneyyaṃ imaṃ vimānaṃ laddhaṃ adhigataṃ. Evaṃ tassa vimānassa abhirūpataṃ dassetvā idāni pamāṇamahattaṃ pabhāvamahattaṃ upabhogavatthumahattañca dassetuṃ ‘‘samantato soḷasayojanānī’’tiādi vuttaṃ. Tattha iddhiyā mamāti mama puññiddhiyā.

739. богкаран̃н̃од̇и богкаран̣ияо. бут̇уломанисзвид̇аад̇и д̣̇иб̣б̣амажчзхи убасзвид̇аа.

739.Pokkharaññoti pokkharaṇiyo. Puthulomanisevitāti dibbamacchehi upasevitā.

740. наанаабад̣̇умасан̃чаннаад̇и сад̇абад̇д̇асахассабад̇д̇аад̣̇ибхзд̣̇зхи наанаавид̇хзхи рад̇д̇абад̣̇умзхи рад̇д̇агамалзхи жа сан̃чаад̣̇ид̇аа. бун̣д̣арийгасамод̇ад̇аад̇и наанаавид̇хзхи сзд̇агамалзхи саманд̇ад̇о авад̇ад̇аа, наанааругкаа аробимаа сурабхий самбавааяанд̇ийд̇и яож̇анаа.

740.Nānāpadumasañchannāti satapattasahassapattādibhedehi nānāvidhehi rattapadumehi rattakamalehi ca sañchāditā. Puṇḍarīkasamotatāti nānāvidhehi setakamalehi samantato avatatā, nānārukkhā aropimā surabhī sampavāyantīti yojanā.

742. собийд̇и со субинад̣̇ассаавийби. вид̇д̇од̇и д̇удто.

742.Sopīti so supinadassāvīpi. Vittoti tuṭṭho.

743. саб̣б̣асо бабханд̇и саманд̇ад̇о обхаасамаанам̣. гаммз хийд̇и гамманимид̇д̇ам̣. хийд̇и нибаад̇амад̇д̇ам̣. жзд̇анаанам̣ ваа абараабаруббад̇д̇ияаа б̣ахубхаавад̇о ‘‘гаммзхий’’д̇и вуд̇д̇ам̣. аланд̇и яуд̇д̇ам̣. гаад̇авзд̇и гаад̇ум̣.

743.Sabbasopabhanti samantato obhāsamānaṃ. Kamme hīti kammanimittaṃ. Hīti nipātamattaṃ. Cetanānaṃ vā aparāparuppattiyā bahubhāvato ‘‘kammehī’’ti vuttaṃ. Alanti yuttaṃ. Kātaveti kātuṃ.

ид̣̇аани т̇зро висаакааяа ниб̣б̣ад̇д̇адтаанам̣ гат̇аабзд̇угаамо имам̣ г̇аат̇амааха –

Idāni thero visākhāya nibbattaṭṭhānaṃ kathāpetukāmo imaṃ gāthamāha –

744.

‘‘д̇ааязва д̇з суд̣̇д̇ханумод̣̇анааяа,

‘‘Tāyeva te suddhanumodanāya,

лад̣̇д̇хам̣ вимаанаб̣бхуд̇ад̣̇ассанзяяам̣;

Laddhaṃ vimānabbhutadassaneyyaṃ;

яаа жзва саа д̣̇аанамад̣̇ааси наарий,

Yā ceva sā dānamadāsi nārī,

д̇ассаа г̇ад̇им̣ б̣руухи гухим̣ уббаннаа саа’’д̇и.

Tassā gatiṃ brūhi kuhiṃ uppannā sā’’ti.

744. д̇ад̇т̇а яаа жзва саа д̣̇аанамад̣̇ааси наарийд̇и яасса д̣̇аанасса анумод̣̇анааяа д̇вам̣ ийд̣̇исам̣ самбад̇д̇им̣ бадилабхи, д̇ам̣ д̣̇аанам̣ яаа жзва саа наарий ад̣̇аасийд̇и висаакам̣ махааубаасигам̣ санд̇хааяа вад̣̇ад̇и. д̇ааяа зва д̣̇звад̇ааяа д̇ассаа самбад̇д̇им̣ гат̇аабзд̇угаамо ааха ‘‘д̇ассаа г̇ад̇им̣ б̣руухи гухим̣ уббаннаа саа’’д̇и. д̇ассаа г̇ад̇инд̇и д̇ааяа ниб̣б̣ад̇д̇ад̣̇зваг̇ад̇им̣.

744. Tattha yā ceva sā dānamadāsi nārīti yassa dānassa anumodanāya tvaṃ īdisaṃ sampattiṃ paṭilabhi, taṃ dānaṃ yā ceva sā nārī adāsīti visākhaṃ mahāupāsikaṃ sandhāya vadati. Tāya eva devatāya tassā sampattiṃ kathāpetukāmo āha ‘‘tassā gatiṃ brūhi kuhiṃ uppannā sā’’ti. Tassā gatinti tāya nibbattadevagatiṃ.

ид̣̇аани т̇зрзна бужчид̇амад̇т̇ам̣ д̣̇ассзнд̇ий ааха –

Idāni therena pucchitamatthaṃ dassentī āha –

745.

‘‘яаа саа аху маяхам̣ сакий бхад̣̇анд̇з, сан̇гхасса гаарзси махаавихаарам̣;

‘‘Yā sā ahu mayhaṃ sakhī bhadante, saṅghassa kāresi mahāvihāraṃ;

вин̃н̃аад̇ад̇хаммаа саа ад̣̇ааси д̣̇аанам̣, уббаннаа ниммаанарад̇ийсу д̣̇звзсу.

Viññātadhammā sā adāsi dānaṃ, uppannā nimmānaratīsu devesu.

746.

‘‘баж̇аабад̇ий д̇асса суниммид̇асса,

‘‘Pajāpatī tassa sunimmitassa,

ажинд̇ияо гаммавибаага д̇ассаа;

Acintiyo kammavipāka tassā;

яамзд̇ам̣ бужчаси ‘гухим̣ уббаннаа саа’д̇и,

Yametaṃ pucchasi ‘kuhiṃ uppannā sā’ti,

д̇ам̣ д̇з вияаагаасим̣ анан̃н̃ат̇аа аха’’нд̇и.

Taṃ te viyākāsiṃ anaññathā aha’’nti.

745. д̇ад̇т̇а вин̃н̃аад̇ад̇хаммаад̇и вин̃н̃аад̇асаасанад̇хаммаа, бадивид̣̇д̇хажад̇усажжад̇хаммаад̇и ад̇т̇о.

745. Tattha viññātadhammāti viññātasāsanadhammā, paṭividdhacatusaccadhammāti attho.

746. суниммид̇ассаад̇и суниммид̇асса д̣̇зварааж̇асса. ажинд̇ияо гаммавибаага д̇ассаад̇и вибхад̇д̇илобам̣ гад̇ваа нид̣̇д̣̇зсо, д̇ассаа мама сакияаа ниб̣б̣аанарад̇ийсу ниб̣б̣ад̇д̇ааяа гаммавибааго бун̃н̃агаммасса вибаагабхууд̇аа д̣̇иб̣б̣асамбад̇д̇и ажинд̇ияаа аббамзяяаад̇и ад̇т̇о. анан̃н̃ат̇аад̇и авибарийд̇ам̣ яат̇аасабхаавад̇о. гат̇ам̣ банааяам̣ д̇ассаа самбад̇д̇им̣ ан̃н̃аасийд̇и? субхад̣̇д̣̇аа вияа бхад̣̇д̣̇ааяа, висаакааби д̣̇звад̇хийд̇аа имиссаа санд̇игам̣ аг̇амааси.

746.Sunimmitassāti sunimmitassa devarājassa. Acintiyo kammavipāka tassāti vibhattilopaṃ katvā niddeso, tassā mama sakhiyā nibbānaratīsu nibbattāya kammavipāko puññakammassa vipākabhūtā dibbasampatti acintiyā appameyyāti attho. Anaññathāti aviparītaṃ yathāsabhāvato. Kathaṃ panāyaṃ tassā sampattiṃ aññāsīti? Subhaddā viya bhaddāya, visākhāpi devadhītā imissā santikaṃ agamāsi.

ид̣̇аани д̣̇звад̇хийд̇аа т̇зрам̣ ан̃н̃зсамби д̣̇аанасамаад̣̇абанз нияож̇знд̇ий имаахи г̇аат̇аахи д̇хаммам̣ д̣̇зсзси –

Idāni devadhītā theraṃ aññesampi dānasamādapane niyojentī imāhi gāthāhi dhammaṃ desesi –

747.

‘‘д̇знахан̃н̃зби самаад̣̇абзт̇а, сан̇гхасса д̣̇аанаани д̣̇ад̣̇аат̇а вид̇д̇аа;

‘‘Tenahaññepi samādapetha, saṅghassa dānāni dadātha vittā;

д̇хамман̃жа сун̣аат̇а басаннамаанасаа, суд̣̇уллабхо лад̣̇д̇хо мануссалаабхо.

Dhammañca suṇātha pasannamānasā, sudullabho laddho manussalābho.

748.

‘‘яам̣ маг̇г̇ам̣ маг̇г̇аад̇хибад̇ий ад̣̇зсаяи, б̣рахмассаро ган̃жанасаннибхад̇д̇ажо;

‘‘Yaṃ maggaṃ maggādhipatī adesayi, brahmassaro kañcanasannibhattaco;

сан̇гхасса д̣̇аанаани д̣̇ад̣̇аат̇а вид̇д̇аа, махабпалаа яад̇т̇а бхаванд̇и д̣̇агкин̣аа.

Saṅghassa dānāni dadātha vittā, mahapphalā yattha bhavanti dakkhiṇā.

749.

‘‘яз буг̇г̇алаа адта сад̇ам̣ басад̇т̇аа, жад̇д̇аари зд̇аани яуг̇аани хонд̇и;

‘‘Ye puggalā aṭṭha sataṃ pasatthā, cattāri etāni yugāni honti;

д̇з д̣̇агкин̣зяяаа суг̇ад̇асса саавагаа, зд̇зсу д̣̇иннаани махабпалаани.

Te dakkhiṇeyyā sugatassa sāvakā, etesu dinnāni mahapphalāni.

750.

‘‘жад̇д̇ааро жа бадибаннаа, жад̇д̇ааро жа палз тид̇аа;

‘‘Cattāro ca paṭipannā, cattāro ca phale ṭhitā;

зса сан̇гхо уж̇убхууд̇о, бан̃н̃аасийласамаахид̇о.

Esa saṅgho ujubhūto, paññāsīlasamāhito.

751.

‘‘яаж̇амаанаанам̣ мануссаанам̣, бун̃н̃абзгкаана баан̣инам̣;

‘‘Yajamānānaṃ manussānaṃ, puññapekkhāna pāṇinaṃ;

гарод̇ам̣ обад̇хигам̣ бун̃н̃ам̣, сан̇гхз д̣̇иннам̣ махабпалам̣.

Karotaṃ opadhikaṃ puññaṃ, saṅghe dinnaṃ mahapphalaṃ.

752.

‘‘зсо хи сан̇гхо вибуло махаг̇г̇ад̇о, зсаббамзяяо уд̣̇ад̇хийва сааг̇аро;

‘‘Eso hi saṅgho vipulo mahaggato, esappameyyo udadhīva sāgaro;

зд̇з хи сздтаа наравийрасаавагаа, бабхан̇гараа д̇хаммамуд̣̇ийраяанд̇и.

Ete hi seṭṭhā naravīrasāvakā, pabhaṅkarā dhammamudīrayanti.

753.

‘‘д̇зсам̣ суд̣̇иннам̣ сухуд̇ам̣ суяидтам̣, яз сан̇гхамуд̣̇д̣̇исса д̣̇ад̣̇анд̇и д̣̇аанам̣;

‘‘Tesaṃ sudinnaṃ suhutaṃ suyiṭṭhaṃ, ye saṅghamuddissa dadanti dānaṃ;

саа д̣̇агкин̣аа сан̇гхаг̇ад̇аа бад̇идтид̇аа, махабпалаа логавид̣̇ууна ван̣н̣ид̇аа.

Sā dakkhiṇā saṅghagatā patiṭṭhitā, mahapphalā lokavidūna vaṇṇitā.

754.

‘‘зд̇аад̣̇исам̣ яан̃н̃амануссаранд̇аа, яз взд̣̇аж̇аад̇аа вижаранд̇и логз;

‘‘Etādisaṃ yaññamanussarantā, ye vedajātā vicaranti loke;

винзяяа мажчзрамалам̣ самуулам̣, анинд̣̇ид̇аа саг̇г̇амубзнд̇и таана’’нд̇и.

Vineyya maccheramalaṃ samūlaṃ, aninditā saggamupenti ṭhāna’’nti.

747. д̇ад̇т̇а д̇знахан̃н̃збийд̇и д̇знахи ан̃н̃зби. д̇знаад̇и жа д̇зна гааран̣зна, хийд̇и нибаад̇амад̇д̇ам̣. ‘‘самаад̣̇абзт̇аа’’д̇и вад̇ваа самаад̣̇абанаагаарам̣ д̣̇ассзд̇ум̣ ‘‘сан̇гхасса д̣̇аанаани д̣̇ад̣̇аат̇аа’’д̇иаад̣̇и вуд̇д̇ам̣. адтахи агкан̣зхи важ̇ж̇ид̇ам̣ мануссабхаавам̣ санд̇хааяааха ‘‘суд̣̇уллабхо лад̣̇д̇хо мануссалаабхо’’д̇и. д̇ад̇т̇а адта агкан̣аа наама д̇аяо абааяаа аруубаа асан̃н̃асад̇д̇аа бажжанд̇ад̣̇зсо инд̣̇рияаанам̣ взгаллам̣ нияад̇амижчаад̣̇идтигад̇аа абаад̇убхааво б̣уд̣̇д̇хассаад̇и.

747. Tattha tenahaññepīti tenahi aññepi. Tenāti ca tena kāraṇena, hīti nipātamattaṃ. ‘‘Samādapethā’’ti vatvā samādapanākāraṃ dassetuṃ ‘‘saṅghassa dānāni dadāthā’’tiādi vuttaṃ. Aṭṭhahi akkhaṇehi vajjitaṃ manussabhāvaṃ sandhāyāha ‘‘sudullabho laddho manussalābho’’ti. Tattha aṭṭha akkhaṇā nāma tayo apāyā arūpā asaññasattā paccantadeso indriyānaṃ vekallaṃ niyatamicchādiṭṭhikatā apātubhāvo buddhassāti.

748. яам̣ маг̇г̇анд̇и яам̣ кзд̇д̇ависзсз гад̇ам̣ д̣̇аанам̣, д̇ам̣ зганд̇зна суг̇ад̇исамбаабанад̇о суг̇ад̇иг̇аамимаг̇г̇ам̣ абааяамаг̇г̇ад̇о ж̇аг̇гхамаг̇г̇аад̣̇ид̇о жа ад̇ивияа сздтабхаавзна маг̇г̇аад̇хибанд̇и гад̇ваа. д̣̇аанамби хи сад̣̇д̇хаахирияо вияа ‘‘д̣̇звалогаг̇аамимаг̇г̇о’’д̇и вужжад̇и. яат̇ааха –

748.Yaṃmagganti yaṃ khettavisese kataṃ dānaṃ, taṃ ekantena sugatisampāpanato sugatigāmimaggaṃ apāyamaggato jagghamaggādito ca ativiya seṭṭhabhāvena maggādhipanti katvā. Dānampi hi saddhāhiriyo viya ‘‘devalokagāmimaggo’’ti vuccati. Yathāha –

‘‘сад̣̇д̇хаа хирияам̣ гусалан̃жа д̣̇аанам̣, д̇хаммаа зд̇з саббурисаануяаад̇аа;

‘‘Saddhā hiriyaṃ kusalañca dānaṃ, dhammā ete sappurisānuyātā;

зд̇ан̃хи маг̇г̇ам̣ д̣̇ивияам̣ вад̣̇анд̇и, зд̇зна хи г̇ажчад̇и д̣̇звалога’’нд̇и.(а. ни. 8.32; гат̇аа. 480);

Etañhi maggaṃ diviyaṃ vadanti, etena hi gacchati devaloka’’nti.(a. ni. 8.32; kathā. 480);

‘‘маг̇г̇аад̇хибад̇ий’’д̇и ваа баато, д̇асса арияамаг̇г̇зна сад̣̇звагасса логасса ад̇хибад̇ибхууд̇о сад̇т̇аад̇и ад̇т̇о д̣̇адтаб̣б̣о. сан̇гхасса д̣̇аанаани д̣̇ад̣̇аат̇аад̇иаад̣̇инаа бунаби д̣̇агкин̣зяязсу д̣̇аанасам̣вибхааг̇з нияож̇знд̇ий ааха.

‘‘Maggādhipatī’’ti vā pāṭho, tassa ariyamaggena sadevakassa lokassa adhipatibhūto satthāti attho daṭṭhabbo. Saṅghassa dānāni dadāthātiādinā punapi dakkhiṇeyyesu dānasaṃvibhāge niyojentī āha.

749. ид̣̇аани д̇ам̣ д̣̇агкин̣зяяам̣ арияасан̇гхам̣ саруубад̇о д̣̇ассзнд̇ий ‘‘яз буг̇г̇алаа адта сад̇ам̣ басад̇т̇аа’’д̇и г̇аат̇амааха. д̇ад̇т̇а язд̇и анияамид̇анид̣̇д̣̇зсо. буг̇г̇алаад̇и сад̇д̇аа. адтаад̇и д̇зсам̣ г̇ан̣анабарижчзд̣̇о. д̇з хи жад̇д̇ааро жа бадибаннаа жад̇д̇ааро жа палз тид̇аад̇и адта хонд̇и. сад̇ам̣ басад̇т̇аад̇и саббурисзхи б̣уд̣̇д̇хабажжзгаб̣уд̣̇д̇хасаавагзхи ан̃н̃зхи жа д̣̇звамануссзхи бассад̇т̇аа. гасмаа? сахаж̇аад̇асийлаад̣̇иг̇ун̣аяог̇ад̇о. д̇зсан̃хи жамбагаб̣агулагусумаад̣̇ийнам̣ вияа сахаж̇аад̇аван̣н̣аг̇анд̇хаад̣̇аяо сахаж̇аад̇асийласамаад̇хиаад̣̇аяо г̇ун̣аа, д̇зна д̇з ван̣н̣аг̇анд̇хаад̣̇исамбаннаани вияа бубпаани д̣̇звамануссаанам̣ сад̇ам̣ бияаа манаабаа баасам̣сияаа жа хонд̇и. д̇зна вуд̇д̇ам̣ ‘‘яз буг̇г̇алаа адта сад̇ам̣ басад̇т̇аа’’д̇и. д̇з бана сан̇кзбад̇о сод̇аабад̇д̇имаг̇г̇адто паладтод̇и згам̣ яуг̇ам̣, звам̣ яаава арахад̇д̇амаг̇г̇адто паладтод̇и згам̣ яуг̇анд̇и жад̇д̇аари яуг̇аани хонд̇и. д̇знааха ‘‘жад̇д̇аари зд̇аани яуг̇аани хонд̇и д̇з д̣̇агкин̣зяяаа’’д̇и. д̇зд̇и буб̣б̣з анияамад̇о уд̣̇д̣̇идтаанам̣ нияамзд̇ваа д̣̇ассанам̣. д̇з хи саб̣б̣зби гаммам̣ гаммапалан̃жа сад̣̇д̣̇ахид̇ваа д̣̇аад̇аб̣б̣ад̣̇зяяад̇хаммасан̇каад̇ам̣ д̣̇агкин̣ам̣ араханд̇ийд̇и д̣̇агкин̣зяяаа г̇ун̣ависзсаяог̇зна д̣̇аанасса махабпалабхаавасаад̇ханад̇о. суг̇ад̇асса саавагаад̇и саммаасамб̣уд̣̇д̇хасса д̇хаммасавананд̇з арияааяа ж̇аад̇ияаа ж̇аад̇ад̇ааяа д̇ам̣ д̇хаммам̣ сун̣анд̇ийд̇и саавагаа. зд̇зсу д̣̇иннаани махабпалаанийд̇и зд̇зсу суг̇ад̇асса саавагзсу аббагааниби д̣̇аанаани д̣̇иннаани бадиг̇г̇аахагад̇о д̣̇агкин̣аависуд̣̇д̇хияаа махабпалаани хонд̇и. д̇знааха бхаг̇аваа ‘‘яаавад̇аа, бхигкавз, сан̇гхаа ваа г̇ан̣аа ваа, д̇ат̇ааг̇ад̇асаавагасан̇гхо д̇зсам̣ аг̇г̇амагкааяад̇ий’’д̇иаад̣̇и (а. ни. 4.34; 5.32; ид̇иву. 90).

749. Idāni taṃ dakkhiṇeyyaṃ ariyasaṅghaṃ sarūpato dassentī ‘‘ye puggalā aṭṭha sataṃ pasatthā’’ti gāthamāha. Tattha yeti aniyamitaniddeso. Puggalāti sattā. Aṭṭhāti tesaṃ gaṇanaparicchedo. Te hi cattāro ca paṭipannā cattāro ca phale ṭhitāti aṭṭha honti. Sataṃ pasatthāti sappurisehi buddhapaccekabuddhasāvakehi aññehi ca devamanussehi passatthā. Kasmā? Sahajātasīlādiguṇayogato. Tesañhi campakabakulakusumādīnaṃ viya sahajātavaṇṇagandhādayo sahajātasīlasamādhiādayo guṇā, tena te vaṇṇagandhādisampannāni viya pupphāni devamanussānaṃ sataṃ piyā manāpā pāsaṃsiyā ca honti. Tena vuttaṃ ‘‘ye puggalā aṭṭha sataṃ pasatthā’’ti. Te pana saṅkhepato sotāpattimaggaṭṭho phalaṭṭhoti ekaṃ yugaṃ, evaṃ yāva arahattamaggaṭṭho phalaṭṭhoti ekaṃ yuganti cattāri yugāni honti. Tenāha ‘‘cattāri etāni yugāni honti te dakkhiṇeyyā’’ti. Teti pubbe aniyamato uddiṭṭhānaṃ niyametvā dassanaṃ. Te hi sabbepi kammaṃ kammaphalañca saddahitvā dātabbadeyyadhammasaṅkhātaṃ dakkhiṇaṃ arahantīti dakkhiṇeyyā guṇavisesayogena dānassa mahapphalabhāvasādhanato. Sugatassa sāvakāti sammāsambuddhassa dhammasavanante ariyāya jātiyā jātatāya taṃ dhammaṃ suṇantīti sāvakā. Etesu dinnāni mahapphalānīti etesu sugatassa sāvakesu appakānipi dānāni dinnāni paṭiggāhakato dakkhiṇāvisuddhiyā mahapphalāni honti. Tenāha bhagavā ‘‘yāvatā, bhikkhave, saṅghā vā gaṇā vā, tathāgatasāvakasaṅgho tesaṃ aggamakkhāyatī’’tiādi (a. ni. 4.34; 5.32; itivu. 90).

750. жад̇д̇ааро жа бадибаннаад̇иаад̣̇и хздтаа вуд̇д̇ад̇т̇амзва.

750.Cattāroca paṭipannātiādi heṭṭhā vuttatthameva.

ид̇ха бана ааяасмаа ануруд̣̇д̇хо ад̇д̇анаа д̣̇звад̇ааяа жа вуд̇д̇амад̇т̇ам̣ мануссалогам̣ ааг̇анд̇ваа бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.

Idha pana āyasmā anuruddho attanā devatāya ca vuttamatthaṃ manussalokaṃ āgantvā bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.

вихааравимаанаван̣н̣анаа нидтид̇аа.

Vihāravimānavaṇṇanā niṭṭhitā.

Next: 7. жад̇урид̇т̇ивимаанаван̣н̣анаа • 7. Caturitthivimānavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 6. вихааравимаанавад̇т̇у • 6. Vihāravimānavatthu

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact