| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
११. विजयसुत्तं
11. Vijayasuttaṃ
१९५.
195.
चरं वा यदि वा तिट्ठं, निसिन्नो उद वा सयं।
Caraṃ vā yadi vā tiṭṭhaṃ, nisinno uda vā sayaṃ;
समिञ्जेति पसारेति, एसा कायस्स इञ्जना॥
Samiñjeti pasāreti, esā kāyassa iñjanā.
१९६.
196.
अट्ठिनहारुसंयुत्तो, तचमंसावलेपनो।
Aṭṭhinahārusaṃyutto, tacamaṃsāvalepano;
छविया कायो पटिच्छन्नो, यथाभूतं न दिस्सति॥
Chaviyā kāyo paṭicchanno, yathābhūtaṃ na dissati.
१९७.
197.
हदयस्स पप्फासस्स, वक्कस्स पिहकस्स च॥
Hadayassa papphāsassa, vakkassa pihakassa ca.
१९८.
198.
सिङ्घाणिकाय खेळस्स, सेदस्स च मेदस्स च।
Siṅghāṇikāya kheḷassa, sedassa ca medassa ca;
लोहितस्स लसिकाय, पित्तस्स च वसाय च॥
Lohitassa lasikāya, pittassa ca vasāya ca.
१९९.
199.
अथस्स नवहि सोतेहि, असुची सवति सब्बदा।
Athassa navahi sotehi, asucī savati sabbadā;
अक्खिम्हा अक्खिगूथको, कण्णम्हा कण्णगूथको॥
Akkhimhā akkhigūthako, kaṇṇamhā kaṇṇagūthako.
२००.
200.
सिङ्घाणिका च नासतो, मुखेन वमतेकदा।
Siṅghāṇikā ca nāsato, mukhena vamatekadā;
पित्तं सेम्हञ्च वमति, कायम्हा सेदजल्लिका॥
Pittaṃ semhañca vamati, kāyamhā sedajallikā.
२०१.
201.
अथस्स सुसिरं सीसं, मत्थलुङ्गस्स पूरितं।
Athassa susiraṃ sīsaṃ, matthaluṅgassa pūritaṃ;
सुभतो नं मञ्ञति, बालो अविज्जाय पुरक्खतो॥
Subhato naṃ maññati, bālo avijjāya purakkhato.
२०२.
202.
यदा च सो मतो सेति, उद्धुमातो विनीलको।
Yadā ca so mato seti, uddhumāto vinīlako;
अपविद्धो सुसानस्मिं, अनपेक्खा होन्ति ञातयो॥
Apaviddho susānasmiṃ, anapekkhā honti ñātayo.
२०३.
203.
काका गिज्झा च खादन्ति, ये चञ्ञे सन्ति पाणिनो॥
Kākā gijjhā ca khādanti, ye caññe santi pāṇino.
२०४.
204.
सुत्वान बुद्धवचनं, भिक्खु पञ्ञाणवा इध।
Sutvāna buddhavacanaṃ, bhikkhu paññāṇavā idha;
सो खो नं परिजानाति, यथाभूतञ्हि पस्सति॥
So kho naṃ parijānāti, yathābhūtañhi passati.
२०५.
205.
यथा इदं तथा एतं, यथा एतं तथा इदं।
Yathā idaṃ tathā etaṃ, yathā etaṃ tathā idaṃ;
अज्झत्तञ्च बहिद्धा च, काये छन्दं विराजये॥
Ajjhattañca bahiddhā ca, kāye chandaṃ virājaye.
२०६.
206.
छन्दरागविरत्तो सो, भिक्खु पञ्ञाणवा इध।
Chandarāgaviratto so, bhikkhu paññāṇavā idha;
अज्झगा अमतं सन्तिं, निब्बानं पदमच्चुतं॥
Ajjhagā amataṃ santiṃ, nibbānaṃ padamaccutaṃ.
२०७.
207.
नानाकुणपपरिपूरो, विस्सवन्तो ततो ततो॥
Nānākuṇapaparipūro, vissavanto tato tato.
२०८.
208.
परं वा अवजानेय्य, किमञ्ञत्र अदस्सनाति॥
Paraṃ vā avajāneyya, kimaññatra adassanāti.
विजयसुत्तं एकादसमं निट्ठितं।
Vijayasuttaṃ ekādasamaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / ११. विजयसुत्तवण्णना • 11. Vijayasuttavaṇṇanā
