| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. விஜயாஸுத்தவண்ணனா
4. Vijayāsuttavaṇṇanā
165. சதுத்தே² பஞ்சங்கி³கேனாதி ஆததங் விததங் ஆததவிததங் க⁴னங் ஸுஸிரந்தி ஏவங் பஞ்சங்க³ஸமன்னாக³தேன. நிய்யாதயாமி துய்ஹேவாதி ஸப்³பே³ துய்ஹங்யேவ தே³மி. நாஹங் தேனத்தி²காதி நாஹங் தேன அத்தி²கா. பூதிகாயேனாதி ஸுவண்ணவண்ணோபி காயோ நிச்சங் உக்³க⁴ரிதபக்³க⁴ரிதட்டே²ன பூதிகாயோவ, தஸ்மா ஏவமாஹ. பி⁴ந்த³னேனாதி பி⁴ஜ்ஜனஸபா⁴வேன. பப⁴ங்கு³னாதி சுண்ணவிசுண்ணங் ஆபஜ்ஜனத⁴ம்மேன. அட்டீயாமீதி அட்டா பீளிதா ஹோமி. ஹராயாமீதி லஜ்ஜாமி. ஸந்தா ஸமாபத்தீதி அட்ட²விதா⁴ லோகியஸமாபத்தி ஆரம்மணஸந்ததாய அங்க³ஸந்ததாய ச ஸந்தாதி வுத்தா. ஸப்³ப³த்தா²தி ஸப்³பே³ஸு ரூபாரூபப⁴வேஸு, தேஸங் த்³வின்னங் ப⁴வானங் க³ஹிதத்தா க³ஹிதே காமப⁴வே அட்ட²ஸு ச ஸமாபத்தீஸூதி ஏதேஸு ஸப்³பே³ஸு டா²னேஸு மய்ஹங் அவிஜ்ஜாதமோ விஹதோதி வத³தி. சதுத்த²ங்.
165. Catutthe pañcaṅgikenāti ātataṃ vitataṃ ātatavitataṃ ghanaṃ susiranti evaṃ pañcaṅgasamannāgatena. Niyyātayāmi tuyhevāti sabbe tuyhaṃyeva demi. Nāhaṃ tenatthikāti nāhaṃ tena atthikā. Pūtikāyenāti suvaṇṇavaṇṇopi kāyo niccaṃ uggharitapaggharitaṭṭhena pūtikāyova, tasmā evamāha. Bhindanenāti bhijjanasabhāvena. Pabhaṅgunāti cuṇṇavicuṇṇaṃ āpajjanadhammena. Aṭṭīyāmīti aṭṭā pīḷitā homi. Harāyāmīti lajjāmi. Santā samāpattīti aṭṭhavidhā lokiyasamāpatti ārammaṇasantatāya aṅgasantatāya ca santāti vuttā. Sabbatthāti sabbesu rūpārūpabhavesu, tesaṃ dvinnaṃ bhavānaṃ gahitattā gahite kāmabhave aṭṭhasu ca samāpattīsūti etesu sabbesu ṭhānesu mayhaṃ avijjātamo vihatoti vadati. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. விஜயாஸுத்தங் • 4. Vijayāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. விஜயாஸுத்தவண்ணனா • 4. Vijayāsuttavaṇṇanā
