| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
11. виж̇аяасуд̇д̇аван̣н̣анаа
11. Vijayasuttavaṇṇanā
жарам̣ ваа яад̣̇и ваа д̇идтанд̇и нанд̣̇асуд̇д̇ам̣. ‘‘виж̇аяасуд̇д̇ам̣ гааяавижчанд̣̇анигасуд̇д̇а’’нд̇иби вужжад̇и. гаа уббад̇д̇и? ид̣̇ам̣ гира суд̇д̇ам̣ д̣̇вийсу таанзсу вуд̇д̇ам̣, д̇асмаа асса д̣̇увид̇хаа уббад̇д̇и. д̇ад̇т̇а бхаг̇авад̇аа анубуб̣б̣зна габилавад̇т̇ум̣ ануббад̇ваа, саагияз винзд̇ваа нанд̣̇аад̣̇аяо баб̣б̣ааж̇зд̇ваа, анун̃н̃аад̇ааяа маад̇уг̇аамасса баб̣б̣аж̇ж̇ааяа аананд̣̇ад̇т̇зрасса бхаг̇иний нанд̣̇аа, кзмагасаггаран̃н̃о д̇хийд̇аа абхируубананд̣̇аа, ж̇анабад̣̇агаляаан̣ий нанд̣̇аад̇и д̇иссо нанд̣̇ааяо баб̣б̣аж̇им̣су. д̇зна жа самаязна бхаг̇аваа саавад̇т̇ияам̣ вихарад̇и. абхируубананд̣̇аа абхируубаа зва ахоси д̣̇ассанийяаа баасаад̣̇игаа, д̇знзвассаа абхируубананд̣̇аад̇и наамамагам̣су. ж̇анабад̣̇агаляаан̣ий нанд̣̇ааби руубзна ад̇д̇анаа сад̣̇исам̣ на бассад̇и. д̇аа убхоби руубамад̣̇амад̇д̇аа ‘‘бхаг̇аваа руубам̣ виван̣н̣зд̇и, г̇арахад̇и, анзгабарияааязна руубз аад̣̇ийнавам̣ д̣̇ассзд̇ий’’д̇и бхаг̇авад̇о убадтаанам̣ на г̇ажчанд̇и, д̣̇адтумби на ижчанд̇и. звам̣ аббасаннаа гасмаа баб̣б̣аж̇ид̇аад̇и жз? аг̇ад̇ияаа. абхируубананд̣̇ааяа хи ваарзяяад̣̇ивасзязва саамиго сагяагумааро гааламагааси. ат̇а нам̣ маад̇аабид̇аро агаамагам̣ баб̣б̣ааж̇зсум̣. ж̇анабад̣̇агаляаан̣ий нанд̣̇ааби ааяасманд̇з нанд̣̇з арахад̇д̇ам̣ бад̇д̇з нираасаа худ̇ваа ‘‘маяхам̣ саамиго жа маад̇аа жа махаабаж̇аабад̇и ан̃н̃з жа н̃аад̇агаа баб̣б̣аж̇ид̇аа, н̃аад̇ийхи винаа д̣̇угко гхарааваасо’’д̇и гхарааваасз ассаад̣̇амалабханд̇ий баб̣б̣аж̇ид̇аа, на сад̣̇д̇хааяа.
Caraṃvā yadi vā tiṭṭhanti nandasuttaṃ. ‘‘Vijayasuttaṃ kāyavicchandanikasutta’’ntipi vuccati. Kā uppatti? Idaṃ kira suttaṃ dvīsu ṭhānesu vuttaṃ, tasmā assa duvidhā uppatti. Tattha bhagavatā anupubbena kapilavatthuṃ anuppatvā, sākiye vinetvā nandādayo pabbājetvā, anuññātāya mātugāmassa pabbajjāya ānandattherassa bhaginī nandā, khemakasakkarañño dhītā abhirūpanandā, janapadakalyāṇī nandāti tisso nandāyo pabbajiṃsu. Tena ca samayena bhagavā sāvatthiyaṃ viharati. Abhirūpanandā abhirūpā eva ahosi dassanīyā pāsādikā, tenevassā abhirūpanandāti nāmamakaṃsu. Janapadakalyāṇī nandāpi rūpena attanā sadisaṃ na passati. Tā ubhopi rūpamadamattā ‘‘bhagavā rūpaṃ vivaṇṇeti, garahati, anekapariyāyena rūpe ādīnavaṃ dassetī’’ti bhagavato upaṭṭhānaṃ na gacchanti, daṭṭhumpi na icchanti. Evaṃ appasannā kasmā pabbajitāti ce? Agatiyā. Abhirūpanandāya hi vāreyyadivaseyeva sāmiko sakyakumāro kālamakāsi. Atha naṃ mātāpitaro akāmakaṃ pabbājesuṃ. Janapadakalyāṇī nandāpi āyasmante nande arahattaṃ patte nirāsā hutvā ‘‘mayhaṃ sāmiko ca mātā ca mahāpajāpati aññe ca ñātakā pabbajitā, ñātīhi vinā dukkho gharāvāso’’ti gharāvāse assādamalabhantī pabbajitā, na saddhāya.
ат̇а бхаг̇аваа д̇аасам̣ н̃аан̣абарибаагам̣ вид̣̇ид̇ваа махаабаж̇аабад̇им̣ аан̣аабзси ‘‘саб̣б̣ааби бхигкунияо бадибаадияаа оваад̣̇ам̣ ааг̇ажчанд̇уу’’д̇и . д̇аа ад̇д̇ано ваарз самбад̇д̇з ан̃н̃ам̣ бзсзнд̇и. д̇ад̇о бхаг̇аваа ‘‘самбад̇д̇з ваарз ад̇д̇анаава ааг̇анд̇аб̣б̣ам̣, на ан̃н̃аа бзсзд̇аб̣б̣аа’’д̇и ааха. ат̇згад̣̇ивасам̣ абхируубананд̣̇аа аг̇амааси. д̇ам̣ бхаг̇аваа ниммид̇аруубзна сам̣взж̇зд̇ваа ‘‘адтийнам̣ наг̇арам̣ гад̇а’’нд̇и имааяа д̇хаммабад̣̇аг̇аат̇ааяа –
Atha bhagavā tāsaṃ ñāṇaparipākaṃ viditvā mahāpajāpatiṃ āṇāpesi ‘‘sabbāpi bhikkhuniyo paṭipāṭiyā ovādaṃ āgacchantū’’ti . Tā attano vāre sampatte aññaṃ pesenti. Tato bhagavā ‘‘sampatte vāre attanāva āgantabbaṃ, na aññā pesetabbā’’ti āha. Athekadivasaṃ abhirūpanandā agamāsi. Taṃ bhagavā nimmitarūpena saṃvejetvā ‘‘aṭṭhīnaṃ nagaraṃ kata’’nti imāya dhammapadagāthāya –
‘‘аад̇урам̣ асужим̣ бууд̇им̣, басса нанд̣̇з самуссаяам̣;
‘‘Āturaṃ asuciṃ pūtiṃ, passa nande samussayaṃ;
уг̇гхаранд̇ам̣ баг̇гхаранд̇ам̣, б̣аалаанам̣ абхибад̇т̇ид̇ам̣. (т̇зрийг̇аа. 19);
Uggharantaṃ paggharantaṃ, bālānaṃ abhipatthitaṃ. (therīgā. 19);
‘‘анимид̇д̇ан̃жа бхаавзхи, маанаанусаяамуж̇ж̇аха;
‘‘Animittañca bhāvehi, mānānusayamujjaha;
д̇ад̇о маанаабхисамаяаа, убасанд̇аа жариссасий’’д̇и. (су. ни. 344; т̇зрийг̇аа. 20) –
Tato mānābhisamayā, upasantā carissasī’’ti. (su. ni. 344; therīgā. 20) –
имаахи т̇зрийг̇аат̇аахи жа анубуб̣б̣зна арахад̇д̇з бад̇идтаабзси. ат̇згад̣̇ивасам̣ саавад̇т̇иваасино бурзбхад̇д̇ам̣ д̣̇аанам̣ д̣̇ад̇ваа самаад̣̇иннубосат̇аа сунивад̇т̇аа субааруд̇аа г̇анд̇хабубпаад̣̇ийни аад̣̇ааяа д̇хаммассаванад̇т̇ааяа ж̇зд̇аванам̣ г̇анд̇ваа д̇хаммассаванабарияосаанз бхаг̇аванд̇ам̣ ванд̣̇ид̇ваа наг̇арам̣ бависанд̇и. бхигкунисан̇гхоби д̇хаммагат̇ам̣ суд̇ваа бхигкуниубассаяам̣ г̇ажчад̇и. д̇ад̇т̇а мануссаа жа бхигкунияо жа бхаг̇авад̇о ван̣н̣ам̣ бхаасанд̇и. жад̇уббамаан̣игз хи логасанниваасз саммаасамб̣уд̣̇д̇хам̣ д̣̇исваа аббасийд̣̇анд̇о наама над̇т̇и. руубаббамаан̣игаа хи буг̇г̇алаа бхаг̇авад̇о лагкан̣акажид̇амануб̣яан̃ж̇анавижид̇рам̣ самуж̇ж̇алид̇агзд̇умаалааб̣яаамаббабхаавинад̣̇д̇хамалан̇гаарад̇т̇амива логасса самуббаннам̣ руубам̣ д̣̇исваа басийд̣̇анд̇и, гхосаббамаан̣игаа анзгасад̇зсу ж̇аад̇агзсу гид̇д̇игхосам̣ адтан̇г̇асаманнааг̇ад̇ам̣ гаравийгамад̇хураниг̇гхосам̣ б̣рахмассаран̃жа суд̇ваа, луукаббамаан̣игаа бад̇д̇ажийвараад̣̇илуукад̇ам̣ д̣̇уггарагааригалуукад̇ам̣ ваа д̣̇исваа, д̇хаммаббамаан̣игаа сийлагканд̇хаад̣̇ийсу яам̣гин̃жи д̇хаммагканд̇хам̣ убабаригкид̇ваа. д̇асмаа саб̣б̣адтаанзсу бхаг̇авад̇о ван̣н̣ам̣ бхаасанд̇и. ж̇анабад̣̇агаляаан̣ий нанд̣̇аа бхигкунибассаяам̣ бад̇вааби анзгабарияааязна бхаг̇авад̇о ван̣н̣ам̣ бхаасанд̇аанам̣ д̇зсам̣ суд̇ваа бхаг̇аванд̇ам̣ убаг̇анд̇угаамаа худ̇ваа бхигкунийнам̣ аарожзси. бхигкунияо д̇ам̣ г̇ахзд̇ваа бхаг̇аванд̇ам̣ убасан̇гамим̣су.
Imāhi therīgāthāhi ca anupubbena arahatte patiṭṭhāpesi. Athekadivasaṃ sāvatthivāsino purebhattaṃ dānaṃ datvā samādinnuposathā sunivatthā supārutā gandhapupphādīni ādāya dhammassavanatthāya jetavanaṃ gantvā dhammassavanapariyosāne bhagavantaṃ vanditvā nagaraṃ pavisanti. Bhikkhunisaṅghopi dhammakathaṃ sutvā bhikkhuniupassayaṃ gacchati. Tattha manussā ca bhikkhuniyo ca bhagavato vaṇṇaṃ bhāsanti. Catuppamāṇike hi lokasannivāse sammāsambuddhaṃ disvā appasīdanto nāma natthi. Rūpappamāṇikā hi puggalā bhagavato lakkhaṇakhacitamanubyañjanavicitraṃ samujjalitaketumālābyāmappabhāvinaddhamalaṅkāratthamiva lokassa samuppannaṃ rūpaṃ disvā pasīdanti, ghosappamāṇikā anekasatesu jātakesu kittighosaṃ aṭṭhaṅgasamannāgataṃ karavīkamadhuranigghosaṃ brahmassarañca sutvā, lūkhappamāṇikā pattacīvarādilūkhataṃ dukkarakārikalūkhataṃ vā disvā, dhammappamāṇikā sīlakkhandhādīsu yaṃkiñci dhammakkhandhaṃ upaparikkhitvā. Tasmā sabbaṭṭhānesu bhagavato vaṇṇaṃ bhāsanti. Janapadakalyāṇī nandā bhikkhunipassayaṃ patvāpi anekapariyāyena bhagavato vaṇṇaṃ bhāsantānaṃ tesaṃ sutvā bhagavantaṃ upagantukāmā hutvā bhikkhunīnaṃ ārocesi. Bhikkhuniyo taṃ gahetvā bhagavantaṃ upasaṅkamiṃsu.
бхаг̇аваа бадигажжзва д̇ассааг̇аманам̣ вид̣̇ид̇ваа ган̣дагзна ган̣дагам̣, аан̣ияаа жа аан̣им̣ нийхарид̇угаамо бурисо вияа руубзнзва руубамад̣̇ам̣ винзд̇ум̣ ад̇д̇ано ид̣̇д̇хиб̣алзна баннарасасол̣асавассуд̣̇д̣̇зсигам̣ ад̇ид̣̇ассанийяам̣ ид̇т̇им̣ бассз тад̇ваа б̣ийж̇амаанам̣ абхиниммини. нанд̣̇аа бхигкунийхи сад̣̇д̇хим̣ убасан̇гамид̇ваа, бхаг̇аванд̇ам̣ ванд̣̇ид̇ваа, бхигкунисан̇гхасса анд̇арз нисийд̣̇ид̇ваа, баад̣̇ад̇алаа бабхуд̇и яаава гзсаг̇г̇аа бхаг̇авад̇о руубасамбад̇д̇им̣ д̣̇исваа буна д̇ам̣ бхаг̇авад̇о бассз тид̇ам̣ ниммад̇аруубан̃жа д̣̇исваа ‘‘ахо аяам̣ ид̇т̇ий руубавад̇ий’’д̇и ад̇д̇ано руубамад̣̇ам̣ ж̇ахид̇ваа д̇ассаа руубз абхирад̇д̇абхааваа ахоси. д̇ад̇о бхаг̇аваа д̇ам̣ ид̇т̇им̣ вийсад̇ивассаббамаан̣ам̣ гад̇ваа д̣̇ассзси. маад̇уг̇аамо хи сол̣асавассуд̣̇д̣̇зсигоязва собхад̇и, на д̇ад̇о уд̣̇д̇хам̣. ат̇а д̇ассаа руубабарихааним̣ д̣̇исваа нанд̣̇ааяа д̇асмим̣ руубз чанд̣̇арааг̇о д̇ануго ахоси. д̇ад̇о бхаг̇аваа авиж̇аад̇аван̣н̣ам̣, сагим̣виж̇аад̇аван̣н̣ам̣, маж̇жхимид̇т̇иван̣н̣ам̣, махид̇т̇иван̣н̣анд̇и звам̣ яаава вассасад̇игам̣ обхаг̇г̇ам̣ д̣̇ан̣д̣абарааяан̣ам̣ д̇илагаахад̇аг̇ад̇д̇ам̣ гад̇ваа, д̣̇ассзд̇ваа бассамаанааязва нанд̣̇ааяа д̇ассаа маран̣ам̣ уд̣̇д̇хумаад̇агаад̣̇ибхзд̣̇ам̣ гаагаад̣̇ийхи самбариваарзд̇ваа каж̇ж̇амаанам̣ д̣̇уг̇г̇анд̇хам̣ ж̇зг̇ужчабадигуулабхааван̃жа д̣̇ассзси . нанд̣̇ааяа д̇ам̣ гамам̣ д̣̇исваа ‘‘звамзвам̣ мамаби ан̃н̃зсамби саб̣б̣асаад̇хааран̣о аяам̣ гамо’’д̇и анижжасан̃н̃аа сан̣тааси, д̇ад̣̇анусаарзна жа д̣̇угканад̇д̇асан̃н̃ааби, д̇аяо бхаваа аад̣̇ид̇д̇амива аг̇аарам̣ аббадисаран̣аа худ̇ваа убадтахим̣су. ат̇а бхаг̇аваа ‘‘гаммадтаанз багканд̇ам̣ нанд̣̇ааяа жид̇д̇а’’нд̇и н̃ад̇ваа д̇ассаа саббааяавасзна имаа г̇аат̇ааяо абхааси –
Bhagavā paṭikacceva tassāgamanaṃ viditvā kaṇṭakena kaṇṭakaṃ, āṇiyā ca āṇiṃ nīharitukāmo puriso viya rūpeneva rūpamadaṃ vinetuṃ attano iddhibalena pannarasasoḷasavassuddesikaṃ atidassanīyaṃ itthiṃ passe ṭhatvā bījamānaṃ abhinimmini. Nandā bhikkhunīhi saddhiṃ upasaṅkamitvā, bhagavantaṃ vanditvā, bhikkhunisaṅghassa antare nisīditvā, pādatalā pabhuti yāva kesaggā bhagavato rūpasampattiṃ disvā puna taṃ bhagavato passe ṭhitaṃ nimmatarūpañca disvā ‘‘aho ayaṃ itthī rūpavatī’’ti attano rūpamadaṃ jahitvā tassā rūpe abhirattabhāvā ahosi. Tato bhagavā taṃ itthiṃ vīsativassappamāṇaṃ katvā dassesi. Mātugāmo hi soḷasavassuddesikoyeva sobhati, na tato uddhaṃ. Atha tassā rūpaparihāniṃ disvā nandāya tasmiṃ rūpe chandarāgo tanuko ahosi. Tato bhagavā avijātavaṇṇaṃ, sakiṃvijātavaṇṇaṃ, majjhimitthivaṇṇaṃ, mahitthivaṇṇanti evaṃ yāva vassasatikaṃ obhaggaṃ daṇḍaparāyaṇaṃ tilakāhatagattaṃ katvā, dassetvā passamānāyeva nandāya tassā maraṇaṃ uddhumātakādibhedaṃ kākādīhi samparivāretvā khajjamānaṃ duggandhaṃ jegucchapaṭikūlabhāvañca dassesi . Nandāya taṃ kamaṃ disvā ‘‘evamevaṃ mamapi aññesampi sabbasādhāraṇo ayaṃ kamo’’ti aniccasaññā saṇṭhāsi, tadanusārena ca dukkhanattasaññāpi, tayo bhavā ādittamiva agāraṃ appaṭisaraṇā hutvā upaṭṭhahiṃsu. Atha bhagavā ‘‘kammaṭṭhāne pakkhantaṃ nandāya citta’’nti ñatvā tassā sappāyavasena imā gāthāyo abhāsi –
‘‘аад̇урам̣ асужим̣ бууд̇им̣, басса нанд̣̇з самуссаяам̣;
‘‘Āturaṃ asuciṃ pūtiṃ, passa nande samussayaṃ;
уг̇гхаранд̇ам̣ баг̇гхаранд̇ам̣, б̣аалаанам̣ абхибад̇т̇ид̇ам̣. (т̇зрийг̇аа. 19);
Uggharantaṃ paggharantaṃ, bālānaṃ abhipatthitaṃ. (therīgā. 19);
‘‘яат̇аа ид̣̇ам̣ д̇ат̇аа зд̇ам̣, яат̇аа зд̇ам̣ д̇ат̇аа ид̣̇ам̣;
‘‘Yathā idaṃ tathā etaṃ, yathā etaṃ tathā idaṃ;
д̇хаад̇усо сун̃н̃ад̇о басса, маа логам̣ бунарааг̇ами;
Dhātuso suññato passa, mā lokaṃ punarāgami;
бхавз чанд̣̇ам̣ вирааж̇зд̇ваа, убасанд̇аа жариссасий’’д̇и. (су. ни. 205);
Bhave chandaṃ virājetvā, upasantā carissasī’’ti. (su. ni. 205);
г̇аат̇аабарияосаанз нанд̣̇аа сод̇аабад̇д̇ипалз бад̇идтааси. ат̇ассаа бхаг̇аваа убаримаг̇г̇аад̇хиг̇амад̇т̇ам̣ сун̃н̃ад̇абариваарам̣ вибассанаагаммадтаанам̣ гат̇знд̇о имам̣ суд̇д̇амабхааси. аяам̣ д̇аавасса згаа уббад̇д̇и.
Gāthāpariyosāne nandā sotāpattiphale patiṭṭhāsi. Athassā bhagavā uparimaggādhigamatthaṃ suññataparivāraṃ vipassanākammaṭṭhānaṃ kathento imaṃ suttamabhāsi. Ayaṃ tāvassa ekā uppatti.
бхаг̇авад̇и бана рааж̇аг̇ахз вихаранд̇з яаа саа жийварагканд̇хагз (махаава. 326) вид̇т̇аарад̇о вуд̇д̇асамудтаанааяа саалавад̇ияаа г̇ан̣игааяа д̇хийд̇аа ж̇ийвагасса ганидтаа сиримаа наама маад̇у ажжаязна д̇ам̣ таанам̣ лабхид̇ваа ‘‘аггод̇хзна ж̇инз год̇ха’’нд̇и (д̇ха. ба. 223; ж̇аа. 1.2.1) имиссаа г̇аат̇ааяа вад̇т̇умхи бун̣н̣агасздтид̇хийд̇арам̣ аваман̃н̃ид̇ваа, бхаг̇аванд̇ам̣ камаабзнд̇ий д̇хаммад̣̇зсанам̣ суд̇ваа, сод̇аабаннаа худ̇ваа адта нижжабхад̇д̇аани бавад̇д̇зси. д̇ам̣ аараб̣бха ан̃н̃ад̇аро нижжабхад̇д̇иго бхигку рааг̇ам̣ уббаад̣̇зси. аахаарагижжамби жа гаад̇ум̣ асаггонд̇о нираахааро нибаж̇ж̇ийд̇и д̇хаммабад̣̇аг̇аат̇аавад̇т̇умхи вуд̇д̇ам̣. д̇асмим̣ д̇ат̇аанибаннзязва сиримаа гаалам̣ гад̇ваа яаамабхаванз суяаамасса д̣̇звий ахоси. ат̇а д̇ассаа сарийрасса аг̇г̇игижжам̣ ниваарзд̇ваа аамагасусаанз ран̃н̃аа нигкибаабид̇ам̣ сарийрам̣ д̣̇ассанааяа бхаг̇аваа бхигкусан̇гхабаривуд̇о аг̇амааси, д̇амби бхигкум̣ аад̣̇ааяа, д̇ат̇аа нааг̇араа жа рааж̇аа жа. д̇ад̇т̇а мануссаа бхан̣анд̇и ‘‘буб̣б̣з сиримааяа адтуд̇д̇арасахассзнааби д̣̇ассанам̣ д̣̇уллабхам̣ , д̇ам̣ д̣̇аанаж̇ж̇а гааган̣игааяааби д̣̇адтугаамо над̇т̇ий’’д̇и. сиримааби д̣̇зваган̃н̃аа бан̃жахи рат̇асад̇зхи баривуд̇аа д̇ад̇рааг̇амааси. д̇ад̇рааби бхаг̇аваа саннибад̇ид̇аанам̣ д̇хаммад̣̇зсанад̇т̇ам̣ имам̣ суд̇д̇ам̣ д̇асса бхигкуно оваад̣̇ад̇т̇ам̣ ‘‘басса жид̇д̇агад̇ам̣ б̣имб̣а’’нд̇и (д̇ха. ба. 147) иман̃жа д̇хаммабад̣̇аг̇аат̇ам̣ абхааси. аяамасса д̣̇уд̇ияаа уббад̇д̇и.
Bhagavati pana rājagahe viharante yā sā cīvarakkhandhake (mahāva. 326) vitthārato vuttasamuṭṭhānāya sālavatiyā gaṇikāya dhītā jīvakassa kaniṭṭhā sirimā nāma mātu accayena taṃ ṭhānaṃ labhitvā ‘‘akkodhena jine kodha’’nti (dha. pa. 223; jā. 1.2.1) imissā gāthāya vatthumhi puṇṇakaseṭṭhidhītaraṃ avamaññitvā, bhagavantaṃ khamāpentī dhammadesanaṃ sutvā, sotāpannā hutvā aṭṭha niccabhattāni pavattesi. Taṃ ārabbha aññataro niccabhattiko bhikkhu rāgaṃ uppādesi. Āhārakiccampi ca kātuṃ asakkonto nirāhāro nipajjīti dhammapadagāthāvatthumhi vuttaṃ. Tasmiṃ tathānipanneyeva sirimā kālaṃ katvā yāmabhavane suyāmassa devī ahosi. Atha tassā sarīrassa aggikiccaṃ nivāretvā āmakasusāne raññā nikkhipāpitaṃ sarīraṃ dassanāya bhagavā bhikkhusaṅghaparivuto agamāsi, tampi bhikkhuṃ ādāya, tathā nāgarā ca rājā ca. Tattha manussā bhaṇanti ‘‘pubbe sirimāya aṭṭhuttarasahassenāpi dassanaṃ dullabhaṃ , taṃ dānajja kākaṇikāyāpi daṭṭhukāmo natthī’’ti. Sirimāpi devakaññā pañcahi rathasatehi parivutā tatrāgamāsi. Tatrāpi bhagavā sannipatitānaṃ dhammadesanatthaṃ imaṃ suttaṃ tassa bhikkhuno ovādatthaṃ ‘‘passa cittakataṃ bimba’’nti (dha. pa. 147) imañca dhammapadagāthaṃ abhāsi. Ayamassa dutiyā uppatti.
195. д̇ад̇т̇а жарам̣ ваад̇и сагаларуубагааяасса г̇анд̇аб̣б̣ад̣̇исаабхимукзнаабхинийхаарзна г̇ажчанд̇о ваа. яад̣̇и ваа д̇идтанд̇и д̇ассзва уссаабанабхаавзна д̇идтанд̇о ваа. нисинно уд̣̇а ваа саяанд̇и д̇ассзва хздтимабхааг̇асамин̃ж̇анаубаримабхааг̇асамуссаабанабхаавзна нисинно ваа, д̇ирияам̣ басааран̣абхаавзна саяанд̇о ваа. самин̃ж̇зд̇и басаарзд̇ийд̇и д̇аани д̇аани баб̣б̣аани самин̃ж̇зд̇и жа басаарзд̇и жа.
195. Tattha caraṃ vāti sakalarūpakāyassa gantabbadisābhimukhenābhinīhārena gacchanto vā. Yadi vā tiṭṭhanti tasseva ussāpanabhāvena tiṭṭhanto vā. Nisinno uda vā sayanti tasseva heṭṭhimabhāgasamiñjanauparimabhāgasamussāpanabhāvena nisinno vā, tiriyaṃ pasāraṇabhāvena sayanto vā. Samiñjeti pasāretīti tāni tāni pabbāni samiñjeti ca pasāreti ca.
зсаа гааяасса ин̃ж̇анаад̇и саб̣б̣аабзсаа имассзва савин̃н̃аан̣агасса гааяасса ин̃ж̇анаа жаланаа панд̣̇анаа, над̇т̇зд̇т̇а ан̃н̃о гожи жаранд̇о ваа басаарзнд̇о ваа, абижа ко бана ‘‘жараамий’’д̇и жид̇д̇з уббаж̇ж̇анд̇з д̇ам̣самудтаанаа вааяод̇хаад̇у гааяам̣ парад̇и, д̇знасса г̇анд̇аб̣б̣ад̣̇исаабхимуко абхинийхааро ход̇и, д̣̇зсанд̇арз руубанд̇арабаад̇убхаавод̇и ад̇т̇о. д̇зна ‘‘жара’’нд̇и вужжад̇и. д̇ат̇аа ‘‘д̇идтаамий’’д̇и жид̇д̇з уббаж̇ж̇анд̇з д̇ам̣самудтаанаа вааяод̇хаад̇у гааяам̣ парад̇и, д̇знасса самуссаабанам̣ ход̇и, убаруубаридтаанзна руубабаад̇убхаавод̇и ад̇т̇о. д̇зна ‘‘д̇идта’’нд̇и вужжад̇и. д̇ат̇аа ‘‘нисийд̣̇аамий’’д̇и жид̇д̇з уббаж̇ж̇анд̇з д̇ам̣самудтаанаа вааяод̇хаад̇у гааяам̣ парад̇и, д̇знасса хздтимабхааг̇асамин̃ж̇анан̃жа убаримабхааг̇асамуссаабанан̃жа ход̇и, д̇ат̇аабхаавзна руубабаад̇убхаавод̇и ад̇т̇о. д̇зна ‘‘нисинно’’д̇и вужжад̇и. д̇ат̇аа ‘‘саяаамий’’д̇и жид̇д̇з уббаж̇ж̇анд̇з д̇ам̣самудтаанаа вааяод̇хаад̇у гааяам̣ парад̇и, д̇знасса д̇ирияам̣ басааран̣ам̣ ход̇и, д̇ат̇аабхаавзна руубабаад̇убхаавод̇и ад̇т̇о. д̇зна ‘‘саяа’’нд̇и вужжад̇и.
Esā kāyassa iñjanāti sabbāpesā imasseva saviññāṇakassa kāyassa iñjanā calanā phandanā, natthettha añño koci caranto vā pasārento vā, apica kho pana ‘‘carāmī’’ti citte uppajjante taṃsamuṭṭhānā vāyodhātu kāyaṃ pharati, tenassa gantabbadisābhimukho abhinīhāro hoti, desantare rūpantarapātubhāvoti attho. Tena ‘‘cara’’nti vuccati. Tathā ‘‘tiṭṭhāmī’’ti citte uppajjante taṃsamuṭṭhānā vāyodhātu kāyaṃ pharati, tenassa samussāpanaṃ hoti, uparūpariṭṭhānena rūpapātubhāvoti attho. Tena ‘‘tiṭṭha’’nti vuccati. Tathā ‘‘nisīdāmī’’ti citte uppajjante taṃsamuṭṭhānā vāyodhātu kāyaṃ pharati, tenassa heṭṭhimabhāgasamiñjanañca uparimabhāgasamussāpanañca hoti, tathābhāvena rūpapātubhāvoti attho. Tena ‘‘nisinno’’ti vuccati. Tathā ‘‘sayāmī’’ti citte uppajjante taṃsamuṭṭhānā vāyodhātu kāyaṃ pharati, tenassa tiriyaṃ pasāraṇaṃ hoti, tathābhāvena rūpapātubhāvoti attho. Tena ‘‘saya’’nti vuccati.
звам̣ жааяамааяасмаа яо гожи ид̇т̇аннаамо жарам̣ ваа яад̣̇и ваа д̇идтам̣, нисинно уд̣̇а ваа саяам̣ яамзд̇ам̣ д̇ад̇т̇а д̇ад̇т̇а ирияаабат̇з д̇зсам̣ д̇зсам̣ баб̣б̣аанам̣ самин̃ж̇анаббасааран̣авасзна самин̃ж̇зд̇и басаарзд̇ийд̇и вужжад̇и. д̇амби яасмаа самин̃ж̇анаббасааран̣ажид̇д̇з уббаж̇ж̇амаанз яат̇аавуд̇д̇знзва наязна ход̇и, д̇асмаа зсаа гааяасса ин̃ж̇анаа, над̇т̇зд̇т̇а ан̃н̃о гожи, сун̃н̃амид̣̇ам̣ гзнажи жаранд̇зна ваа басаарзнд̇зна ваа сад̇д̇зна ваа буг̇г̇алзна ваа. гзвалам̣ бана –
Evaṃ cāyamāyasmā yo koci itthannāmo caraṃ vā yadi vā tiṭṭhaṃ, nisinno uda vā sayaṃ yametaṃ tattha tattha iriyāpathe tesaṃ tesaṃ pabbānaṃ samiñjanappasāraṇavasena samiñjeti pasāretīti vuccati. Tampi yasmā samiñjanappasāraṇacitte uppajjamāne yathāvutteneva nayena hoti, tasmā esā kāyassa iñjanā, natthettha añño koci, suññamidaṃ kenaci carantena vā pasārentena vā sattena vā puggalena vā. Kevalaṃ pana –
‘‘жид̇д̇анаанад̇д̇амааг̇амма, наанад̇д̇ам̣ ход̇и вааяуно;
‘‘Cittanānattamāgamma, nānattaṃ hoti vāyuno;
вааяунаанад̇д̇ад̇о наанаа, ход̇и гааяасса ин̃ж̇анаа’’д̇и. –
Vāyunānattato nānā, hoti kāyassa iñjanā’’ti. –
аяамзд̇т̇а барамад̇т̇о.
Ayamettha paramattho.
звамзд̇ааяа г̇аат̇ааяа бхаг̇аваа яасмаа згасмим̣ ирияаабат̇з жиравинияог̇зна гааяабийл̣анам̣ ход̇и, д̇асса жа винод̣̇анад̇т̇ам̣ ирияаабат̇абаривад̇д̇анам̣ гарийяад̇и, д̇асмаа ‘‘жарам̣ ваа’’д̇иаад̣̇ийхи ирияаабат̇абадижчаннам̣ д̣̇угкалагкан̣ам̣ д̣̇ийбзд̇и, д̇ат̇аа жаран̣агаалз таанаад̣̇ийнамабхаавад̇о саб̣б̣амзд̇ам̣ жаран̣аад̣̇ибхзд̣̇ам̣ ‘‘зсаа гааяасса ин̃ж̇анаа’’д̇и бхан̣анд̇о санд̇ад̇ибадижчаннам̣ анижжалагкан̣ам̣. д̇ааяа д̇ааяа саамаг̇г̇ияаа бавад̇д̇ааяа ‘‘зсаа гааяасса ин̃ж̇анаа’’д̇и жа ад̇д̇абадигкзбзна бхан̣анд̇о ад̇д̇асан̃н̃аагханабадижчаннам̣ анад̇д̇алагкан̣ам̣ д̣̇ийбзд̇и.
Evametāya gāthāya bhagavā yasmā ekasmiṃ iriyāpathe ciraviniyogena kāyapīḷanaṃ hoti, tassa ca vinodanatthaṃ iriyāpathaparivattanaṃ karīyati, tasmā ‘‘caraṃ vā’’tiādīhi iriyāpathapaṭicchannaṃ dukkhalakkhaṇaṃ dīpeti, tathā caraṇakāle ṭhānādīnamabhāvato sabbametaṃ caraṇādibhedaṃ ‘‘esā kāyassa iñjanā’’ti bhaṇanto santatipaṭicchannaṃ aniccalakkhaṇaṃ. Tāya tāya sāmaggiyā pavattāya ‘‘esā kāyassa iñjanā’’ti ca attapaṭikkhepena bhaṇanto attasaññāghanapaṭicchannaṃ anattalakkhaṇaṃ dīpeti.
196. звам̣ лагкан̣ад̇д̇аяад̣̇ийбанзна сун̃н̃ад̇агаммадтаанам̣ гат̇зд̇ваа буна савин̃н̃аан̣агаавин̃н̃аан̣агаасубхад̣̇ассанад̇т̇ам̣ ‘‘адтинахаарусам̣яуд̇д̇о’’д̇и аарабхи. д̇ассад̇т̇о – яасса жзсаа гааяасса ин̃ж̇анаа, свааяам̣ гааяо висуд̣̇д̇химаг̇г̇з д̣̇вад̇д̇им̣саагаараван̣н̣анааяам̣ ван̣н̣асан̣таанад̣̇исогаасабарижчзд̣̇абхзд̣̇зна аб̣яаабааранаязна жа багаасид̇зхи садтаад̇хигзхи д̇ийхи адтисад̇зхи навахи нхаарусад̇зхи жа сам̣яуд̇д̇ад̇д̇аа адтинахаарусам̣яуд̇д̇о. д̇ад̇т̇зва багаасид̇зна аг̇г̇абаад̣̇ан̇г̇улид̇ажаад̣̇инаа д̇ажзна жа навабзсисад̇аббабхзд̣̇зна жа мам̣сзна авалид̇д̇ад̇д̇аа д̇ажамам̣саавалзбано барамад̣̇уг̇г̇анд̇хаж̇зг̇ужчабадигуулод̇и взд̣̇ид̇аб̣б̣о . гин̃жзд̇т̇а взд̣̇ид̇аб̣б̣ам̣ сияаа, яад̣̇и зса яаа саа маж̇жхимасса бурисасса сагаласарийрад̇о сам̣гад̣дхид̇аа б̣ад̣̇арадтиббамаан̣аа бхавзяяа, д̇ааяа магкигаабад̇д̇асукумажчавияаа нийлаад̣̇иран̇г̇аж̇аад̇зна г̇зхабхид̇д̇и вияа бадижчанно на бхавзяяа, аяам̣ бана звам̣ сукумааяаби чавияаа гааяо бадижчанно бан̃н̃аажагкувирахид̇зхи б̣аалабут̇уж̇ж̇анзхи яат̇аабхууд̇ам̣ на д̣̇иссад̇и. чавирааг̇аран̃ж̇ид̇о хисса барамаж̇зг̇ужчабадигуулад̇хаммасан̇каад̇о д̇ажоби д̇ажабаливзтид̇ам̣ яам̣ д̇ам̣ бабхзд̣̇ад̇о –
196. Evaṃ lakkhaṇattayadīpanena suññatakammaṭṭhānaṃ kathetvā puna saviññāṇakāviññāṇakaasubhadassanatthaṃ ‘‘aṭṭhinahārusaṃyutto’’ti ārabhi. Tassattho – yassa cesā kāyassa iñjanā, svāyaṃ kāyo visuddhimagge dvattiṃsākāravaṇṇanāyaṃ vaṇṇasaṇṭhānadisokāsaparicchedabhedena abyāpāranayena ca pakāsitehi saṭṭhādhikehi tīhi aṭṭhisatehi navahi nhārusatehi ca saṃyuttattā aṭṭhinahārusaṃyutto. Tattheva pakāsitena aggapādaṅgulitacādinā tacena ca navapesisatappabhedena ca maṃsena avalittattā tacamaṃsāvalepano paramaduggandhajegucchapaṭikūloti veditabbo . Kiñcettha veditabbaṃ siyā, yadi esa yā sā majjhimassa purisassa sakalasarīrato saṃkaḍḍhitā badaraṭṭhippamāṇā bhaveyya, tāya makkhikāpattasukhumacchaviyā nīlādiraṅgajātena gehabhitti viya paṭicchanno na bhaveyya, ayaṃ pana evaṃ sukhumāyapi chaviyā kāyo paṭicchanno paññācakkhuvirahitehi bālaputhujjanehi yathābhūtaṃ na dissati. Chavirāgarañjito hissa paramajegucchapaṭikūladhammasaṅkhāto tacopi tacapaliveṭhitaṃ yaṃ taṃ pabhedato –
‘‘навабзсисад̇аа мам̣саа, авалид̇д̇аа гал̣зварз;
‘‘Navapesisatā maṃsā, avalittā kaḷevare;
наанаагимигулаагин̣н̣ам̣, мил̣хадтаанам̣ва бууд̇игаа’’д̇и. –
Nānākimikulākiṇṇaṃ, miḷhaṭṭhānaṃva pūtikā’’ti. –
звам̣ вуд̇д̇ам̣ навамам̣сасад̇амби, мам̣саавалид̇д̇аа яз д̇з –
Evaṃ vuttaṃ navamaṃsasatampi, maṃsāvalittā ye te –
‘‘наванхаарусад̇аа хонд̇и, б̣яаамамад̇д̇з гал̣зварз;
‘‘Navanhārusatā honti, byāmamatte kaḷevare;
б̣анд̇ханд̇и адтисан̇гхаад̇ам̣, аг̇аарамива валлияаа’’д̇и. –
Bandhanti aṭṭhisaṅghātaṃ, agāramiva valliyā’’ti. –
д̇зби, нхаарусамудтид̇аани бадибаадияаа авадтид̇аани бууд̇ийни д̣̇уг̇г̇анд̇хаани д̇ийн̣и садтаад̇хигаани адтисад̇ааниби яат̇аабхууд̇ам̣ на д̣̇иссанд̇и яад̇о анаад̣̇ияид̇ваа д̇ам̣ магкигаабад̇д̇асукумажчавим̣. яаани банасса чавирааг̇арад̇д̇зна д̇ажзна баливзтид̇ад̇д̇аа саб̣б̣алогасса абаагадаани наанаббагаараани аб̣бханд̇арагун̣абаани барамаасужид̣̇уг̇г̇анд̇хаж̇зг̇ужчанийяабадигуулаани, д̇ааниби бан̃н̃аажагкунаа бадивиж̇жхид̇ваа звам̣ бассид̇аб̣б̣о ‘‘анд̇абууро уд̣̇арабууро…бз… бид̇д̇асса жа васааяа жаа’’д̇и.
Tepi, nhārusamuṭṭhitāni paṭipāṭiyā avaṭṭhitāni pūtīni duggandhāni tīṇi saṭṭhādhikāni aṭṭhisatānipi yathābhūtaṃ na dissanti yato anādiyitvā taṃ makkhikāpattasukhumacchaviṃ. Yāni panassa chavirāgarattena tacena paliveṭhitattā sabbalokassa apākaṭāni nānappakārāni abbhantarakuṇapāni paramāsuciduggandhajegucchanīyapaṭikūlāni, tānipi paññācakkhunā paṭivijjhitvā evaṃ passitabbo ‘‘antapūro udarapūro…pe… pittassa ca vasāya cā’’ti.
197. д̇ад̇т̇а анд̇асса бууро анд̇абууро. уд̣̇арасса бууро уд̣̇арабууро. уд̣̇аранд̇и жа уд̣̇арияассзд̇ам̣ ад̇хиважанам̣. д̇ан̃хи таананаамзна ‘‘уд̣̇ара’’нд̇и вуд̇д̇ам̣. яаганабзл̣ассаад̇и яаганабин̣д̣асса. вад̇т̇инод̇и муд̇д̇асса. таануубажаарзна банзд̇ам̣ ‘‘вад̇т̇ий’’д̇и вуд̇д̇ам̣. буурод̇и ад̇хигааро, д̇асмаа яаганабзл̣асса бууро вад̇т̇ино буурод̇и звам̣ яож̇зд̇аб̣б̣ам̣. зса наяо хад̣̇аяассаад̇иаад̣̇ийсу. саб̣б̣аанзва жзд̇аани анд̇аад̣̇ийни ван̣н̣асан̣таанад̣̇исогаасабарижчзд̣̇абхзд̣̇зна аб̣яаабааранаязна жа висуд̣̇д̇химаг̇г̇з вуд̇д̇анаяавасзнзва взд̣̇ид̇аб̣б̣аани.
197. Tattha antassa pūro antapūro. Udarassa pūro udarapūro. Udaranti ca udariyassetaṃ adhivacanaṃ. Tañhi ṭhānanāmena ‘‘udara’’nti vuttaṃ. Yakanapeḷassāti yakanapiṇḍassa. Vatthinoti muttassa. Ṭhānūpacārena panetaṃ ‘‘vatthī’’ti vuttaṃ. Pūroti adhikāro, tasmā yakanapeḷassa pūro vatthino pūroti evaṃ yojetabbaṃ. Esa nayo hadayassātiādīsu. Sabbāneva cetāni antādīni vaṇṇasaṇṭhānadisokāsaparicchedabhedena abyāpāranayena ca visuddhimagge vuttanayavaseneva veditabbāni.
199-200. звам̣ бхаг̇аваа ‘‘на гин̃жзд̇т̇а згамби г̇аяхуубаг̇ам̣ муд̇д̇ааман̣исад̣̇исам̣ ад̇т̇и, ан̃н̃ад̣̇ад̇т̇у асужибарибууровааяам̣ гааяо’’д̇и аб̣бханд̇арагун̣абам̣ д̣̇ассзд̇ваа ид̣̇аани д̇амзва аб̣бханд̇арагун̣абам̣ б̣ахинигкаманагун̣абзна баагадам̣ гад̇ваа д̣̇ассзнд̇о буб̣б̣з вуд̇д̇ан̃жа сан̇г̇ан̣хид̇ваа ‘‘ат̇асса навахи сод̇зхий’’д̇и г̇аат̇аад̣̇ваяамааха.
199-200. Evaṃ bhagavā ‘‘na kiñcettha ekampi gayhūpagaṃ muttāmaṇisadisaṃ atthi, aññadatthu asuciparipūrovāyaṃ kāyo’’ti abbhantarakuṇapaṃ dassetvā idāni tameva abbhantarakuṇapaṃ bahinikkhamanakuṇapena pākaṭaṃ katvā dassento pubbe vuttañca saṅgaṇhitvā ‘‘athassa navahi sotehī’’ti gāthādvayamāha.
д̇ад̇т̇а ат̇аад̇и барияааяанд̇аранид̣̇ассанам̣, абарзнааби барияааязна асужибхаавам̣ бассаад̇и вуд̇д̇ам̣ ход̇и. ассаад̇и имасса гааяасса. навахи сод̇зхийд̇и убхоагкижчид̣̇д̣̇аган̣н̣ажчид̣̇д̣̇анаасаачид̣̇д̣̇амукаважжамаг̇г̇абассаавамаг̇г̇зхи. асужи савад̇ийд̇и саб̣б̣алогабаагаданаанаббагаарабарамад̣̇уг̇г̇анд̇хаж̇зг̇ужчаасужиязва савад̇и, санд̣̇ад̇и, баг̇гхарад̇и, на ан̃н̃ам̣ гин̃жи аг̇аружанд̣̇анаад̣̇иг̇анд̇хаж̇аад̇ам̣ ваа ман̣имуд̇д̇аад̣̇ирад̇анаж̇аад̇ам̣ ваа. саб̣б̣ад̣̇аад̇и д̇ан̃жа ко саб̣б̣ад̣̇аа рад̇д̇имби д̣̇ивааби буб̣б̣ан̣хзби сааяанхзби д̇идтад̇оби г̇ажчад̇обийд̇и. гим̣ д̇ам̣ асужийд̇и жз? ‘‘агкимхаа агкиг̇уут̇аго’’д̇иаад̣̇и. зд̇асса хи д̣̇вийхи агкижчид̣̇д̣̇зхи абанийд̇ад̇ажамам̣сасад̣̇исо агкиг̇уут̇аго, ган̣н̣ажчид̣̇д̣̇зхи раж̇ож̇алласад̣̇исо ган̣н̣аг̇уут̇аго, наасаачид̣̇д̣̇зхи буб̣б̣асад̣̇исаа син̇гхаан̣игаа жа савад̇и, мукзна жа вамад̇и. гим̣ вамад̇ийд̇и жз? згад̣̇аа бид̇д̇ам̣, яад̣̇аа аб̣ад̣̇д̇хабид̇д̇ам̣ губбид̇ам̣ ход̇и, д̇ад̣̇аа д̇ам̣ вамад̇ийд̇и ад̇хиббааяо. сзмхан̃жаад̇и на гзвалан̃жа бид̇д̇ам̣, яамби уд̣̇арабадалз згабад̇т̇абуураббамаан̣ам̣ сзмхам̣ д̇идтад̇и, д̇амби згад̣̇аа вамад̇и. д̇ам̣ банзд̇ам̣ ван̣н̣аад̣̇ид̇о висуд̣̇д̇химаг̇г̇з (висуд̣̇д̇хи. 1.203-204, 210-211) вуд̇д̇анаязнзва взд̣̇ид̇аб̣б̣ам̣. ‘‘сзмхан̃жаа’’д̇и жа-сад̣̇д̣̇зна сзмхан̃жа ан̃н̃ан̃жа зваруубам̣ уд̣̇арияалохид̇аад̣̇иасужим̣ вамад̇ийд̇и д̣̇ассзд̇и. звам̣ сад̇д̇ахи д̣̇ваарзхи асуживаманам̣ д̣̇ассзд̇ваа гаалан̃н̃уу буг̇г̇алан̃н̃уу барисан̃н̃уу жа бхаг̇аваа д̇ад̣̇уд̇д̇ари д̣̇вз д̣̇ваараани висзсаважанзна анаамасид̇ваа абарзна барияааязна саб̣б̣асмааби гааяаа асужисаванам̣ д̣̇ассзнд̇о ааха ‘‘гааяамхаа сзд̣̇аж̇аллигаа’’д̇и. д̇ад̇т̇а сзд̣̇аж̇аллигаад̇и сзд̣̇о жа лон̣абадаламалабхзд̣̇аа ж̇аллигаа жа, д̇асса ‘‘савад̇и саб̣б̣ад̣̇аа’’д̇и иминаа сад̣̇д̇хим̣ самб̣анд̇хо.
Tattha athāti pariyāyantaranidassanaṃ, aparenāpi pariyāyena asucibhāvaṃ passāti vuttaṃ hoti. Assāti imassa kāyassa. Navahi sotehīti ubhoakkhicchiddakaṇṇacchiddanāsāchiddamukhavaccamaggapassāvamaggehi. Asuci savatīti sabbalokapākaṭanānappakāraparamaduggandhajegucchaasuciyeva savati, sandati, paggharati, na aññaṃ kiñci agarucandanādigandhajātaṃ vā maṇimuttādiratanajātaṃ vā. Sabbadāti tañca kho sabbadā rattimpi divāpi pubbaṇhepi sāyanhepi tiṭṭhatopi gacchatopīti. Kiṃ taṃ asucīti ce? ‘‘Akkhimhā akkhigūthako’’tiādi. Etassa hi dvīhi akkhicchiddehi apanītatacamaṃsasadiso akkhigūthako, kaṇṇacchiddehi rajojallasadiso kaṇṇagūthako, nāsāchiddehi pubbasadisā siṅghāṇikā ca savati, mukhena ca vamati. Kiṃ vamatīti ce? Ekadā pittaṃ, yadā abaddhapittaṃ kuppitaṃ hoti, tadā taṃ vamatīti adhippāyo. Semhañcāti na kevalañca pittaṃ, yampi udarapaṭale ekapatthapūrappamāṇaṃ semhaṃ tiṭṭhati, tampi ekadā vamati. Taṃ panetaṃ vaṇṇādito visuddhimagge (visuddhi. 1.203-204, 210-211) vuttanayeneva veditabbaṃ. ‘‘Semhañcā’’ti ca-saddena semhañca aññañca evarūpaṃ udariyalohitādiasuciṃ vamatīti dasseti. Evaṃ sattahi dvārehi asucivamanaṃ dassetvā kālaññū puggalaññū parisaññū ca bhagavā taduttari dve dvārāni visesavacanena anāmasitvā aparena pariyāyena sabbasmāpi kāyā asucisavanaṃ dassento āha ‘‘kāyamhā sedajallikā’’ti. Tattha sedajallikāti sedo ca loṇapaṭalamalabhedā jallikā ca, tassa ‘‘savati sabbadā’’ti iminā saddhiṃ sambandho.
201. звам̣ бхаг̇аваа яат̇аа наама бхад̇д̇з бажжамаанз д̇ан̣д̣уламалан̃жа уд̣̇агамалан̃жа пзн̣зна сад̣̇д̇хим̣ удтахид̇ваа угкалимукам̣ магкзд̇ваа б̣ахи г̇ал̣ад̇и, д̇ат̇аа асид̇абийд̇аад̣̇ибхзд̣̇з аахаарз гаммаж̇зна аг̇г̇инаа бажжамаанз яам̣ асид̇абийд̇аад̣̇ималам̣ удтахид̇ваа ‘‘агкимхаа агкиг̇уут̇аго’’д̇иаад̣̇инаа бхзд̣̇зна нигкаманд̇ам̣ агкиаад̣̇ийни магкзд̇ваа б̣ахи г̇ал̣ад̇и, д̇ассааби васзна имасса гааяасса асужибхаавам̣ д̣̇ассзд̇ваа ид̣̇аани яам̣ логз уд̇д̇аман̇г̇асаммад̇ам̣ сийсам̣ ад̇ивисидтабхаавад̇о бажжзнд̇аа ванд̣̇анзяяаанамби ванд̣̇анам̣ на гаронд̇и, д̇ассааби ниссаарад̇ааяа асужид̇ааяа жасса асужибхаавам̣ д̣̇ассзнд̇о ‘‘ат̇асса сусирам̣ сийса’’нд̇и имам̣ г̇аат̇амааха.
201. Evaṃ bhagavā yathā nāma bhatte paccamāne taṇḍulamalañca udakamalañca pheṇena saddhiṃ uṭṭhahitvā ukkhalimukhaṃ makkhetvā bahi gaḷati, tathā asitapītādibhede āhāre kammajena agginā paccamāne yaṃ asitapītādimalaṃ uṭṭhahitvā ‘‘akkhimhā akkhigūthako’’tiādinā bhedena nikkhamantaṃ akkhiādīni makkhetvā bahi gaḷati, tassāpi vasena imassa kāyassa asucibhāvaṃ dassetvā idāni yaṃ loke uttamaṅgasammataṃ sīsaṃ ativisiṭṭhabhāvato paccentā vandaneyyānampi vandanaṃ na karonti, tassāpi nissāratāya asucitāya cassa asucibhāvaṃ dassento ‘‘athassa susiraṃ sīsa’’nti imaṃ gāthamāha.
д̇ад̇т̇а сусиранд̇и чид̣̇д̣̇ам̣. мад̇т̇алун̇г̇асса буурид̇анд̇и д̣̇ад̇хибхарид̇аалааб̣угам̣ вияа мад̇т̇алун̇г̇абхарид̇ам̣. д̇ан̃жа банзд̇ам̣ мад̇т̇алун̇г̇ам̣ висуд̣̇д̇химаг̇г̇з вуд̇д̇анаязнзва взд̣̇ид̇аб̣б̣ам̣. субхад̇о нам̣ ман̃н̃ад̇и б̣аалод̇и д̇амзнам̣ звам̣ наанаавид̇хагун̣абабхарид̇амби гааяам̣ д̣̇ужжинд̇ид̇ажинд̇ий б̣аало субхад̇о ман̃н̃ад̇и, субхам̣ сужим̣ идтам̣ ганд̇ам̣ манаабанд̇и д̇ийхиби д̇ан̣хаад̣̇идтимаанаман̃н̃анаахи ман̃н̃ад̇и. гасмаа? яасмаа авиж̇ж̇ааяа бурагкад̇о жад̇усажжабадижчаад̣̇агзна мохзна бурагкад̇о, жод̣̇ид̇о, бавад̇д̇ид̇о, ‘‘звам̣ аад̣̇ияа, звам̣ абхинивиса звам̣ ман̃н̃аахий’’д̇и г̇аахид̇од̇и ад̇хиббааяо. басса яаава анад̇т̇агараа жааяам̣ авиж̇ж̇аад̇и.
Tattha susiranti chiddaṃ. Matthaluṅgassa pūritanti dadhibharitaalābukaṃ viya matthaluṅgabharitaṃ. Tañca panetaṃ matthaluṅgaṃ visuddhimagge vuttanayeneva veditabbaṃ. Subhato naṃ maññati bāloti tamenaṃ evaṃ nānāvidhakuṇapabharitampi kāyaṃ duccintitacintī bālo subhato maññati, subhaṃ suciṃ iṭṭhaṃ kantaṃ manāpanti tīhipi taṇhādiṭṭhimānamaññanāhi maññati. Kasmā? Yasmā avijjāya purakkhato catusaccapaṭicchādakena mohena purakkhato, codito, pavattito, ‘‘evaṃ ādiya, evaṃ abhinivisa evaṃ maññāhī’’ti gāhitoti adhippāyo. Passa yāva anatthakarā cāyaṃ avijjāti.
202. звам̣ бхаг̇аваа савин̃н̃аан̣агавасзна асубхам̣ д̣̇ассзд̇ваа ид̣̇аани авин̃н̃аан̣агавасзна д̣̇ассзд̇ум̣, яасмаа ваа жаггавад̇д̇иран̃н̃оби гааяо яат̇аавуд̇д̇агун̣абабхарид̇оязва ход̇и, д̇асмаа саб̣б̣аббагаарзнаби самбад̇д̇ибхавз асубхам̣ д̣̇ассзд̇ваа ид̣̇аани вибад̇д̇ибхавз д̣̇ассзд̇ум̣ ‘‘яад̣̇аа жа со мад̇о сзд̇ий’’д̇и г̇аат̇амааха.
202. Evaṃ bhagavā saviññāṇakavasena asubhaṃ dassetvā idāni aviññāṇakavasena dassetuṃ, yasmā vā cakkavattiraññopi kāyo yathāvuttakuṇapabharitoyeva hoti, tasmā sabbappakārenapi sampattibhave asubhaṃ dassetvā idāni vipattibhave dassetuṃ ‘‘yadā ca so mato setī’’ti gāthamāha.
д̇ассад̇т̇о – свааяамзвам̣вид̇хо гааяо яад̣̇аа ааяуусмаавин̃н̃аан̣аабаг̇амзна мад̇о ваад̇абхарид̇абхасд̇аа вияа уд̣̇д̇хумаад̇аго ван̣н̣абарибхзд̣̇зна винийлаго сусаанасмим̣ нирад̇т̇ам̣ва галин̇г̇арам̣ чад̣д̣ид̇ад̇д̇аа абавид̣̇д̇хо сзд̇и, ат̇а ‘‘на д̣̇аанисса буна удтаанам̣ бхависсад̇ий’’д̇и згам̣сад̇оязва анабзгкаа хонд̇и н̃аад̇аяо. д̇ад̇т̇а мад̇од̇и анижжад̇ам̣ д̣̇ассзд̇и, сзд̇ийд̇и нирийхагад̇д̇ам̣. д̇ад̣̇убхаязна жа ж̇ийвид̇аб̣аламад̣̇аббахаанз нияож̇зд̇и. уд̣̇д̇хумаад̇од̇и сан̣таанавибад̇д̇им̣ д̣̇ассзд̇и, винийлагод̇и чавирааг̇авибад̇д̇им̣. д̇ад̣̇убхаязна жа руубамад̣̇аббахаанз ван̣н̣абогкарад̇ам̣ бадижжа маанаббахаанз жа нияож̇зд̇и. абавид̣̇д̇ход̇и г̇ахзд̇аб̣б̣аабхаавам̣ д̣̇ассзд̇и, сусаанасминд̇и анд̇о ад̇хиваасзд̇уманарахам̣ ж̇иг̇ужчанийяабхаавам̣. д̇ад̣̇убхаязнаби ‘‘мама’’нд̇и г̇аахасса субхасан̃н̃ааяа жа бахаанз нияож̇зд̇и. анабзгкаа хонд̇и н̃аад̇аяод̇и бадигирияаабхаавам̣ д̣̇ассзд̇и, д̇зна жа бариваарамад̣̇аббахаанз нияож̇зд̇и.
Tassattho – svāyamevaṃvidho kāyo yadā āyuusmāviññāṇāpagamena mato vātabharitabhastā viya uddhumātako vaṇṇaparibhedena vinīlako susānasmiṃ niratthaṃva kaliṅgaraṃ chaḍḍitattā apaviddho seti, atha ‘‘na dānissa puna uṭṭhānaṃ bhavissatī’’ti ekaṃsatoyeva anapekkhā honti ñātayo. Tattha matoti aniccataṃ dasseti, setīti nirīhakattaṃ. Tadubhayena ca jīvitabalamadappahāne niyojeti. Uddhumātoti saṇṭhānavipattiṃ dasseti, vinīlakoti chavirāgavipattiṃ. Tadubhayena ca rūpamadappahāne vaṇṇapokkharataṃ paṭicca mānappahāne ca niyojeti. Apaviddhoti gahetabbābhāvaṃ dasseti, susānasminti anto adhivāsetumanarahaṃ jigucchanīyabhāvaṃ. Tadubhayenapi ‘‘mama’’nti gāhassa subhasaññāya ca pahāne niyojeti. Anapekkhā honti ñātayoti paṭikiriyābhāvaṃ dasseti, tena ca parivāramadappahāne niyojeti.
203. звамимааяа г̇аат̇ааяа абарибхиннаавин̃н̃аан̣агавасзна асубхам̣ д̣̇ассзд̇ваа ид̣̇аани барибхиннавасзнааби д̣̇ассзд̇ум̣ ‘‘каад̣̇анд̇и на’’нд̇и г̇аат̇амааха. д̇ад̇т̇а яз жан̃н̃зд̇и яз жа ан̃н̃зби гаагагулалаад̣̇аяо гун̣абабхагкаа баан̣ино санд̇и, д̇зби нам̣ каад̣̇анд̇ийд̇и ад̇т̇о. сзсам̣ уд̇д̇аанамзва.
203. Evamimāya gāthāya aparibhinnāviññāṇakavasena asubhaṃ dassetvā idāni paribhinnavasenāpi dassetuṃ ‘‘khādanti na’’nti gāthamāha. Tattha ye caññeti ye ca aññepi kākakulalādayo kuṇapabhakkhā pāṇino santi, tepi naṃ khādantīti attho. Sesaṃ uttānameva.
204. звам̣ ‘‘жарам̣ ваа’’д̇иаад̣̇инаа наязна сун̃н̃ад̇агаммадтаанавасзна, ‘‘адтинахаарусам̣яуд̇д̇о’’д̇иаад̣̇инаа савин̃н̃аан̣агаасубхавасзна ‘‘яад̣̇аа жа со мад̇о сзд̇ий’’д̇иаад̣̇инаа авин̃н̃аан̣агаасубхавасзна гааяам̣ д̣̇ассзд̇ваа звам̣ нижжасукад̇д̇абхаавасун̃н̃з зганд̇аасубхз жааби гааяасмим̣ ‘‘субхад̇о нам̣ ман̃н̃ад̇и б̣аало, авиж̇ж̇ааяа бурагкад̇о’’д̇и иминаа б̣ааласса вуд̇д̇им̣ багаасзд̇ваа авиж̇ж̇аамукзна жа ваддам̣ д̣̇ассзд̇ваа ид̣̇аани д̇ад̇т̇а бан̣д̣ид̇асса вуд̇д̇им̣ барин̃н̃аамукзна жа виваддам̣ д̣̇ассзд̇ум̣ ‘‘суд̇ваана б̣уд̣̇д̇хаважана’’нд̇и аарабхи.
204. Evaṃ ‘‘caraṃ vā’’tiādinā nayena suññatakammaṭṭhānavasena, ‘‘aṭṭhinahārusaṃyutto’’tiādinā saviññāṇakāsubhavasena ‘‘yadā ca so mato setī’’tiādinā aviññāṇakāsubhavasena kāyaṃ dassetvā evaṃ niccasukhattabhāvasuññe ekantaasubhe cāpi kāyasmiṃ ‘‘subhato naṃ maññati bālo, avijjāya purakkhato’’ti iminā bālassa vuttiṃ pakāsetvā avijjāmukhena ca vaṭṭaṃ dassetvā idāni tattha paṇḍitassa vuttiṃ pariññāmukhena ca vivaṭṭaṃ dassetuṃ ‘‘sutvāna buddhavacana’’nti ārabhi.
д̇ад̇т̇а суд̇ваанаад̇и яонисо нисаамзд̇ваа. б̣уд̣̇д̇хаважананд̇и гааяавижчанд̣̇анагарам̣ б̣уд̣̇д̇хаважанам̣. бхигкууд̇и сзгко ваа бут̇уж̇ж̇ано ваа. бан̃н̃аан̣аваад̇и бан̃н̃аан̣ам̣ вужжад̇и вибассанаа анижжаад̣̇иббагаарзсу бавад̇д̇ад̇д̇аа, д̇ааяа саманнааг̇ад̇од̇и ад̇т̇о. ид̇хаад̇и саасанз. со ко нам̣ бариж̇аанаад̇ийд̇и со имам̣ гааяам̣ д̇ийхи барин̃н̃аахи бариж̇аанаад̇и. гат̇ам̣? яат̇аа наама гусало ваан̣иж̇о ид̣̇ан̃жид̣̇ан̃жаад̇и бхан̣д̣ам̣ ологзд̇ваа ‘‘зд̇д̇агзна г̇ахид̇з зд̇д̇аго наама уд̣̇аяо бхависсад̇ий’’д̇и д̇улаяид̇ваа д̇ат̇аа гад̇ваа буна сауд̣̇аяам̣ муулам̣ г̇ан̣ханд̇о д̇ам̣ бхан̣д̣ам̣ чад̣д̣зд̇и, звамзвам̣ ‘‘адтинхааруаад̣̇аяо имз гзсаломаад̣̇аяо жаа’’д̇и н̃аан̣ажагкунаа ологзнд̇о н̃аад̇абарин̃н̃ааяа бариж̇аанаад̇и, ‘‘анижжаа зд̇з д̇хаммаа д̣̇угкаа анад̇д̇аа’’д̇и д̇улаяанд̇о д̇ийран̣абарин̃н̃ааяа бариж̇аанаад̇и, звам̣ д̇ийраяид̇ваа арияамаг̇г̇ам̣ баабун̣анд̇о д̇ад̇т̇а чанд̣̇арааг̇аббахаанзна бахаанабарин̃н̃ааяа бариж̇аанаад̇и. савин̃н̃аан̣агаавин̃н̃аан̣агаасубхавасзна ваа бассанд̇о н̃аад̇абарин̃н̃ааяа бариж̇аанаад̇и, анижжаад̣̇ивасзна бассанд̇о д̇ийран̣абарин̃н̃ааяа, арахад̇д̇амаг̇г̇зна д̇ад̇о чанд̣̇арааг̇ам̣ абагад̣дхид̇ваа д̇ам̣ баж̇аханд̇о бахаанабарин̃н̃ааяа бариж̇аанаад̇и.
Tattha sutvānāti yoniso nisāmetvā. Buddhavacananti kāyavicchandanakaraṃ buddhavacanaṃ. Bhikkhūti sekkho vā puthujjano vā. Paññāṇavāti paññāṇaṃ vuccati vipassanā aniccādippakāresu pavattattā, tāya samannāgatoti attho. Idhāti sāsane. So kho naṃ parijānātīti so imaṃ kāyaṃ tīhi pariññāhi parijānāti. Kathaṃ? Yathā nāma kusalo vāṇijo idañcidañcāti bhaṇḍaṃ oloketvā ‘‘ettakena gahite ettako nāma udayo bhavissatī’’ti tulayitvā tathā katvā puna saudayaṃ mūlaṃ gaṇhanto taṃ bhaṇḍaṃ chaḍḍeti, evamevaṃ ‘‘aṭṭhinhāruādayo ime kesalomādayo cā’’ti ñāṇacakkhunā olokento ñātapariññāya parijānāti, ‘‘aniccā ete dhammā dukkhā anattā’’ti tulayanto tīraṇapariññāya parijānāti, evaṃ tīrayitvā ariyamaggaṃ pāpuṇanto tattha chandarāgappahānena pahānapariññāya parijānāti. Saviññāṇakāviññāṇakaasubhavasena vā passanto ñātapariññāya parijānāti, aniccādivasena passanto tīraṇapariññāya, arahattamaggena tato chandarāgaṃ apakaḍḍhitvā taṃ pajahanto pahānapariññāya parijānāti.
гасмаа со звам̣ бариж̇аанаад̇ийд̇и жз? яат̇аабхууд̇ан̃хи бассад̇и, яасмаа яат̇аабхууд̇ам̣ бассад̇ийд̇и ад̇т̇о. ‘‘бан̃н̃аан̣аваа’’д̇иаад̣̇инаа зва жа зд̇асмим̣ ад̇т̇з сид̣̇д̇хз яасмаа б̣уд̣̇д̇хаважанам̣ суд̇ваа д̇асса бан̃н̃аан̣авад̇д̇ам̣ ход̇и, яасмаа жа саб̣б̣аж̇анасса баагадобааяам̣ гааяо асуд̇ваа б̣уд̣̇д̇хаважанам̣ на саггаа бариж̇аанид̇ум̣, д̇асмаа д̇асса н̃аан̣ахзд̇ум̣ ид̇о б̣аахираанам̣ звам̣ д̣̇адтум̣ асамад̇т̇ад̇ан̃жа д̣̇ассзд̇ум̣ ‘‘суд̇ваана б̣уд̣̇д̇хаважана’’нд̇и ааха. нанд̣̇аабхигкуним̣ д̇ан̃жа вибаллад̇т̇ажид̇д̇ам̣ бхигкум̣ аараб̣бха д̣̇зсанаабавад̇д̇ид̇о аг̇г̇абарисад̇о д̇аббадибад̇д̇иббад̇д̇аанам̣ бхигкубхаавад̣̇ассанад̇о жа ‘‘бхигкуу’’д̇и ааха.
Kasmā so evaṃ parijānātīti ce? Yathābhūtañhi passati, yasmā yathābhūtaṃ passatīti attho. ‘‘Paññāṇavā’’tiādinā eva ca etasmiṃ atthe siddhe yasmā buddhavacanaṃ sutvā tassa paññāṇavattaṃ hoti, yasmā ca sabbajanassa pākaṭopāyaṃ kāyo asutvā buddhavacanaṃ na sakkā parijānituṃ, tasmā tassa ñāṇahetuṃ ito bāhirānaṃ evaṃ daṭṭhuṃ asamatthatañca dassetuṃ ‘‘sutvāna buddhavacana’’nti āha. Nandābhikkhuniṃ tañca vipallatthacittaṃ bhikkhuṃ ārabbha desanāpavattito aggaparisato tappaṭipattippattānaṃ bhikkhubhāvadassanato ca ‘‘bhikkhū’’ti āha.
205. ид̣̇аани ‘‘яат̇аабхууд̇ан̃хи бассад̇ий’’д̇и зд̇т̇а яат̇аа бассанд̇о яат̇аабхууд̇ам̣ бассад̇и, д̇ам̣ д̣̇ассзд̇ум̣ ааха ‘‘яат̇аа ид̣̇ам̣ д̇ат̇аа зд̇ам̣, яат̇аа зд̇ам̣ д̇ат̇аа ид̣̇а’’нд̇и. д̇ассад̇т̇о – яат̇аа ид̣̇ам̣ савин̃н̃аан̣агаасубхам̣ ааяуусмаавин̃н̃аан̣аанам̣ анабаг̇амаа жарад̇и, д̇идтад̇и, нисийд̣̇ад̇и, саяад̇и; д̇ат̇аа зд̇ам̣ зд̇арахи сусаанз саяид̇ам̣ авин̃н̃аан̣агамби буб̣б̣з д̇зсам̣ д̇хаммаанам̣ анабаг̇амаа ахоси. яат̇аа жа зд̇ам̣ зд̇арахи мад̇асарийрам̣ д̇зсам̣ д̇хаммаанам̣ абаг̇амаа на жарад̇и, на д̇идтад̇и, на нисийд̣̇ад̇и, на сзяяам̣ габбзд̇и, д̇ат̇аа ид̣̇ам̣ савин̃н̃аан̣агамби д̇зсам̣ д̇хаммаанам̣ абаг̇амаа бхависсад̇и. яат̇аа жа ид̣̇ам̣ савин̃н̃аан̣агам̣ зд̇арахи на сусаанз мад̇ам̣ сзд̇и, на уд̣̇д̇хумаад̇агаад̣̇ибхаавамубаг̇ад̇ам̣, д̇ат̇аа зд̇ам̣ зд̇арахи мад̇асарийрамби буб̣б̣з ахоси. яат̇аа банзд̇ам̣ зд̇арахи авин̃н̃аан̣агаасубхам̣ мад̇ам̣ сусаанз сзд̇и, уд̣̇д̇хумаад̇агаад̣̇ибхааван̃жа убаг̇ад̇ам̣, д̇ат̇аа ид̣̇ам̣ савин̃н̃аан̣агамби бхависсад̇ийд̇и.
205. Idāni ‘‘yathābhūtañhi passatī’’ti ettha yathā passanto yathābhūtaṃ passati, taṃ dassetuṃ āha ‘‘yathā idaṃ tathā etaṃ, yathā etaṃ tathā ida’’nti. Tassattho – yathā idaṃ saviññāṇakāsubhaṃ āyuusmāviññāṇānaṃ anapagamā carati, tiṭṭhati, nisīdati, sayati; tathā etaṃ etarahi susāne sayitaṃ aviññāṇakampi pubbe tesaṃ dhammānaṃ anapagamā ahosi. Yathā ca etaṃ etarahi matasarīraṃ tesaṃ dhammānaṃ apagamā na carati, na tiṭṭhati, na nisīdati, na seyyaṃ kappeti, tathā idaṃ saviññāṇakampi tesaṃ dhammānaṃ apagamā bhavissati. Yathā ca idaṃ saviññāṇakaṃ etarahi na susāne mataṃ seti, na uddhumātakādibhāvamupagataṃ, tathā etaṃ etarahi matasarīrampi pubbe ahosi. Yathā panetaṃ etarahi aviññāṇakāsubhaṃ mataṃ susāne seti, uddhumātakādibhāvañca upagataṃ, tathā idaṃ saviññāṇakampi bhavissatīti.
д̇ад̇т̇а яат̇аа ид̣̇ам̣ д̇ат̇аа зд̇анд̇и ад̇д̇анаа мад̇асса сарийрасса самаанабхаавам̣ гаронд̇о б̣аахирз д̣̇осам̣ баж̇ахад̇и. яат̇аа зд̇ам̣ д̇ат̇аа ид̣̇анд̇и мад̇асарийрзна ад̇д̇ано самаанабхаавам̣ гаронд̇о аж̇жхад̇д̇игз рааг̇ам̣ баж̇ахад̇и. язнаагаарзна убхаяам̣ сабхам̣ гарод̇и, д̇ам̣ баж̇аананд̇о убхаяад̇т̇а мохам̣ баж̇ахад̇и. звам̣ яат̇аабхууд̇ад̣̇ассанзна буб̣б̣абхааг̇зязва агусаламуулаббахаанам̣ саад̇хзд̇ваа, яасмаа звам̣ бадибанно бхигку анубуб̣б̣зна арахад̇д̇амаг̇г̇ам̣ бад̇ваа саб̣б̣ам̣ чанд̣̇арааг̇ам̣ вирааж̇зд̇ум̣ самад̇т̇о ход̇и, д̇асмаа ааха ‘‘аж̇жхад̇д̇ан̃жа б̣ахид̣̇д̇хаа жа, гааяз чанд̣̇ам̣ вирааж̇аяз’’д̇и. звам̣ бадибанно бхигку анубуб̣б̣знаад̇и баатасзсо.
Tattha yathā idaṃ tathā etanti attanā matassa sarīrassa samānabhāvaṃ karonto bāhire dosaṃ pajahati. Yathā etaṃ tathā idanti matasarīrena attano samānabhāvaṃ karonto ajjhattike rāgaṃ pajahati. Yenākārena ubhayaṃ sabhaṃ karoti, taṃ pajānanto ubhayattha mohaṃ pajahati. Evaṃ yathābhūtadassanena pubbabhāgeyeva akusalamūlappahānaṃ sādhetvā, yasmā evaṃ paṭipanno bhikkhu anupubbena arahattamaggaṃ patvā sabbaṃ chandarāgaṃ virājetuṃ samattho hoti, tasmā āha ‘‘ajjhattañca bahiddhā ca, kāye chandaṃ virājaye’’ti. Evaṃ paṭipanno bhikkhu anupubbenāti pāṭhaseso.
206. звам̣ сзгкабхуумим̣ д̣̇ассзд̇ваа ид̣̇аани асзгкабхуумим̣ д̣̇ассзнд̇о ааха ‘‘чанд̣̇арааг̇авирад̇д̇о со’’д̇и. д̇ассад̇т̇о – со бхигку арахад̇д̇амаг̇г̇ан̃аан̣зна бан̃н̃аан̣аваа маг̇г̇аананд̇арам̣ палам̣ баабун̣аад̇и, ат̇а саб̣б̣асо чанд̣̇арааг̇асса бахийнад̇д̇аа ‘‘чанд̣̇арааг̇авирад̇д̇о’’д̇и жа, маран̣аабхаавзна бан̣ийд̇адтзна ваа амад̇ам̣ саб̣б̣асан̇кааравуубасаманад̇о санд̇им̣ д̇ан̣хаасан̇каад̇аваанаабхаавад̇о ниб̣б̣аанам̣, жаванаабхаавад̇о ажжуд̇анд̇и сам̣ван̣н̣ид̇ам̣ бад̣̇амаж̇жхаг̇аад̇и жа вужжад̇и. ат̇а ваа со бхигку арахад̇д̇амаг̇г̇ан̃аан̣зна бан̃н̃аан̣аваа маг̇г̇аананд̇арапалз тид̇о чанд̣̇арааг̇авирад̇д̇о наама ход̇и, вуд̇д̇аббагааран̃жа бад̣̇амаж̇жхаг̇аад̇и взд̣̇ид̇аб̣б̣о. д̇зна ‘‘ид̣̇амасса бахийнам̣, ид̣̇ан̃жаанзна лад̣̇д̇ха’’нд̇и д̣̇ийбзд̇и.
206. Evaṃ sekkhabhūmiṃ dassetvā idāni asekkhabhūmiṃ dassento āha ‘‘chandarāgaviratto so’’ti. Tassattho – so bhikkhu arahattamaggañāṇena paññāṇavā maggānantaraṃ phalaṃ pāpuṇāti, atha sabbaso chandarāgassa pahīnattā ‘‘chandarāgaviratto’’ti ca, maraṇābhāvena paṇītaṭṭhena vā amataṃ sabbasaṅkhāravūpasamanato santiṃ taṇhāsaṅkhātavānābhāvato nibbānaṃ, cavanābhāvato accutanti saṃvaṇṇitaṃ padamajjhagāti ca vuccati. Atha vā so bhikkhu arahattamaggañāṇena paññāṇavā maggānantaraphale ṭhito chandarāgaviratto nāma hoti, vuttappakārañca padamajjhagāti veditabbo. Tena ‘‘idamassa pahīnaṃ, idañcānena laddha’’nti dīpeti.
207-208. звам̣ савин̃н̃аан̣агаавин̃н̃аан̣агавасзна асубхагаммадтаанам̣ саха нибпад̇д̇ияаа гат̇зд̇ваа буна сан̇кзбад̣̇зсанааяа звам̣ махад̇о аанисам̣сасса анд̇арааяагарам̣ бамаад̣̇авихаарам̣ г̇араханд̇о ‘‘д̣̇вибаад̣̇агояа’’нд̇и г̇аат̇аад̣̇ваяамааха. д̇ад̇т̇а гин̃жааби абаад̣̇агаад̣̇аяоби гааяаа асужийязва, ид̇хаад̇хигааравасзна бана уггадтабарижчзд̣̇авасзна ваа, яасмаа ваа ан̃н̃з асужибхууд̇ааби гааяаа лон̣амб̣илаад̣̇ийхи абхисан̇карид̇ваа мануссаанам̣ бхож̇анзби убанийяанд̇и, на д̇взва мануссагааяо, д̇асмаа асужид̇арабхаавамасса д̣̇ассзнд̇оби ‘‘д̣̇вибаад̣̇аго’’д̇и ааха.
207-208. Evaṃ saviññāṇakāviññāṇakavasena asubhakammaṭṭhānaṃ saha nipphattiyā kathetvā puna saṅkhepadesanāya evaṃ mahato ānisaṃsassa antarāyakaraṃ pamādavihāraṃ garahanto ‘‘dvipādakoya’’nti gāthādvayamāha. Tattha kiñcāpi apādakādayopi kāyā asucīyeva, idhādhikāravasena pana ukkaṭṭhaparicchedavasena vā, yasmā vā aññe asucibhūtāpi kāyā loṇambilādīhi abhisaṅkharitvā manussānaṃ bhojanepi upanīyanti, na tveva manussakāyo, tasmā asucitarabhāvamassa dassentopi ‘‘dvipādako’’ti āha.
аяанд̇и мануссагааяам̣ д̣̇ассзд̇и. д̣̇уг̇г̇анд̇хо барихийрад̇ийд̇и д̣̇уг̇г̇анд̇хо самаано бубпаг̇анд̇хаад̣̇ийхи абхисан̇карид̇ваа барихийрад̇и. наанаагун̣абабарибуурод̇и гзсаад̣̇ианзгаббагаарагун̣абабхарид̇о. виссаванд̇о д̇ад̇о д̇ад̇од̇и бубпаг̇анд̇хаад̣̇ийхи бадижчаад̣̇зд̇ум̣ гхадзнд̇аанамби д̇ам̣ вааяаамам̣ нибпалам̣ гад̇ваа навахи д̣̇ваарзхи кзл̣асин̇гхаан̣игаад̣̇ийни, ломагуубзхи жа сзд̣̇аж̇аллигам̣ виссаванд̇оязва. д̇ад̇т̇а д̣̇аани бассат̇а – зд̇аад̣̇исзна гааязна яо бурисо ваа ид̇т̇ий ваа гожи б̣аало ман̃н̃з ун̣н̣амзд̇авз д̇ан̣хаад̣̇идтимаанаман̃н̃анаахи ‘‘аха’’нд̇и ваа ‘‘мама’’нд̇и ваа ‘‘нижжо’’д̇и ваад̇иаад̣̇инаа наязна яо ун̣н̣амид̇ум̣ ман̃н̃зяяа, барам̣ ваа ж̇аад̇иаад̣̇ийхи аваж̇аанзяяа ад̇д̇аанам̣ ужжз таанз табзнд̇о, гиман̃н̃ад̇ра ад̣̇ассанаа табзд̇ваа арияамаг̇г̇зна арияасажжад̣̇ассанаабхаавам̣ гиман̃н̃ам̣ д̇асса звам̣ ун̣н̣амааваж̇аананагааран̣ам̣ сияаад̇и.
Ayanti manussakāyaṃ dasseti. Duggandho parihīratīti duggandho samāno pupphagandhādīhi abhisaṅkharitvā parihīrati. Nānākuṇapaparipūroti kesādianekappakārakuṇapabharito. Vissavanto tato tatoti pupphagandhādīhi paṭicchādetuṃ ghaṭentānampi taṃ vāyāmaṃ nipphalaṃ katvā navahi dvārehi kheḷasiṅghāṇikādīni, lomakūpehi ca sedajallikaṃ vissavantoyeva. Tattha dāni passatha – etādisena kāyena yo puriso vā itthī vā koci bālo maññe uṇṇametave taṇhādiṭṭhimānamaññanāhi ‘‘aha’’nti vā ‘‘mama’’nti vā ‘‘nicco’’ti vātiādinā nayena yo uṇṇamituṃ maññeyya, paraṃ vā jātiādīhi avajāneyya attānaṃ ucce ṭhāne ṭhapento, kimaññatra adassanā ṭhapetvā ariyamaggena ariyasaccadassanābhāvaṃ kimaññaṃ tassa evaṃ uṇṇamāvajānanakāraṇaṃ siyāti.
д̣̇зсанаабарияосаанз нанд̣̇аа бхигкуний сам̣взг̇амаабаад̣̇и – ‘‘ахо вад̇а рз, ахам̣ б̣аалаа, яаа мам̣язва аараб̣бха звам̣ вивид̇хад̇хаммад̣̇зсанаабавад̇д̇агасса бхаг̇авад̇о убадтаанам̣ нааг̇амааси’’нд̇и. звам̣ сам̣виг̇г̇аа жа д̇амзва д̇хаммад̣̇зсанам̣ саманнаахарид̇ваа д̇знзва гаммадтаанзна гад̇ибаяад̣̇ивасаб̣бханд̇арз арахад̇д̇ам̣ сажчаагааси. д̣̇уд̇ияадтаанзби гира д̣̇зсанаабарияосаанз жад̇ураасийд̇ияаа баан̣асахассаанам̣ д̇хаммаабхисамаяо ахоси, сиримаа д̣̇зваган̃н̃аа анааг̇аамипалам̣ бад̇д̇аа, со жа бхигку сод̇аабад̇д̇ипалз бад̇идтахийд̇и.
Desanāpariyosāne nandā bhikkhunī saṃvegamāpādi – ‘‘aho vata re, ahaṃ bālā, yā maṃyeva ārabbha evaṃ vividhadhammadesanāpavattakassa bhagavato upaṭṭhānaṃ nāgamāsi’’nti. Evaṃ saṃviggā ca tameva dhammadesanaṃ samannāharitvā teneva kammaṭṭhānena katipayadivasabbhantare arahattaṃ sacchākāsi. Dutiyaṭṭhānepi kira desanāpariyosāne caturāsītiyā pāṇasahassānaṃ dhammābhisamayo ahosi, sirimā devakaññā anāgāmiphalaṃ pattā, so ca bhikkhu sotāpattiphale patiṭṭhahīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа виж̇аяасуд̇д̇аван̣н̣анаа нидтид̇аа.
Suttanipāta-aṭṭhakathāya vijayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 11. виж̇аяасуд̇д̇ам̣ • 11. Vijayasuttaṃ
