| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. виж̇аяаасуд̇д̇аван̣н̣анаа
4. Vijayāsuttavaṇṇanā
165. бан̃жа ан̇г̇аани зд̇ассаад̇и бан̃жан̇г̇ам̣, бан̃жан̇г̇амзва бан̃жан̇г̇игам̣, д̇зна бан̃жан̇г̇игзна. аад̇ад̇анд̇иаад̣̇ийсу аад̇ад̇ам̣ наама жаммабарияонад̣̇д̇хзсу бхзриаад̣̇ийсу згад̇алам̣ д̇уурияам̣. вид̇ад̇ам̣ наама убхаяад̇алам̣. аад̇ад̇авид̇ад̇ам̣ наама д̇анд̇иб̣ад̣̇д̇хавийн̣аад̣̇и. сусирам̣ вам̣саад̣̇и. гханам̣ саммаад̣̇и. д̇ад̇ааад̣̇ивисзсоби аад̇ад̇амзваад̇и ‘‘жаммабарияонад̣̇д̇хзсуу’’д̇и висзсанам̣. згад̇алам̣ гумбхат̇уун̣ад̣̇ад̣̇д̣̇араад̣̇и. убхаяад̇алам̣ бхзримуд̣̇ин̇г̇аад̣̇и. жаммабарияонад̣̇д̇хам̣ сзсам̣ д̇анд̇иб̣ад̣̇д̇хам̣ саб̣б̣ам̣ аад̇ад̇авид̇ад̇ам̣ наама, г̇омукийаад̣̇ийнамби зд̇т̇зва сан̇г̇ахо д̣̇адтаб̣б̣о. вам̣саад̣̇ийд̇и аад̣̇исад̣̇д̣̇зна сан̇касин̇г̇аанамби сан̇г̇ахо. саммад̇аал̣а-гам̣сад̇аал̣а-силаад̇аал̣а-салаагад̇аал̣аад̣̇и саммаад̣̇и наама. д̇ад̇т̇а саммад̇аал̣ам̣ наама д̣̇ан̣д̣амаяад̇аал̣ам̣, гам̣самаяад̇аал̣ам̣ гам̣сад̇аал̣ам̣, силааяам̣ аяобад̇д̇зна жа д̇аал̣анад̇аал̣ам̣. саб̣б̣з гаамаг̇ун̣з. уг̇гхарид̇абаг̇гхарид̇адтзнаад̇и убари гхаран̣зна жа виссанд̣̇анзна жа. званд̇и ‘‘иминаа бууд̇игааязнаа’’д̇и. аруубадтааяинод̇и сад̇д̇аад̇хидтаанзнааяам̣ д̇хаммад̣̇зсанаад̇и ааха ‘‘саб̣б̣ад̇т̇аад̇и саб̣б̣зсу руубааруубабхавзсуу’’д̇и. д̇зсам̣ д̣̇виннам̣ руубааруубабхаваанам̣ г̇ахид̇ад̇д̇аа. бхавабхаавасааман̃н̃ад̇о, д̇ад̣̇ад̇хидтаанад̇о г̇ахид̇з гаамабхавз. авиж̇ж̇аад̇амо вихад̇о аг̇г̇амаг̇г̇зна самуг̇гхаад̇ид̇ад̇д̇аа.
165. Pañca aṅgāni etassāti pañcaṅgaṃ, pañcaṅgameva pañcaṅgikaṃ, tena pañcaṅgikena. Ātatantiādīsu ātataṃ nāma cammapariyonaddhesu bheriādīsu ekatalaṃ tūriyaṃ. Vitataṃ nāma ubhayatalaṃ. Ātatavitataṃ nāma tantibaddhavīṇādi. Susiraṃ vaṃsādi. Ghanaṃ sammādi. Tataādivisesopi ātatamevāti ‘‘cammapariyonaddhesū’’ti visesanaṃ. Ekatalaṃ kumbhathūṇadaddarādi. Ubhayatalaṃ bherimudiṅgādi. Cammapariyonaddhaṃ sesaṃ tantibaddhaṃ sabbaṃ ātatavitataṃ nāma, gomukhīādīnampi ettheva saṅgaho daṭṭhabbo. Vaṃsādīti ādisaddena saṅkhasiṅgānampi saṅgaho. Sammatāḷa-kaṃsatāḷa-silātāḷa-salākatāḷādi sammādi nāma. Tattha sammatāḷaṃ nāma daṇḍamayatāḷaṃ, kaṃsamayatāḷaṃ kaṃsatāḷaṃ, silāyaṃ ayopattena ca tāḷanatāḷaṃ. Sabbe kāmaguṇe. Uggharitapaggharitaṭṭhenāti upari gharaṇena ca vissandanena ca. Evanti ‘‘iminā pūtikāyenā’’ti. Arūpaṭṭhāyinoti sattādhiṭṭhānenāyaṃ dhammadesanāti āha ‘‘sabbatthāti sabbesu rūpārūpabhavesū’’ti. Tesaṃ dvinnaṃ rūpārūpabhavānaṃ gahitattā. Bhavabhāvasāmaññato, tadadhiṭṭhānato gahite kāmabhave. Avijjātamo vihato aggamaggena samugghātitattā.
виж̇аяаасуд̇д̇аван̣н̣анаа нидтид̇аа.
Vijayāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. виж̇аяаасуд̇д̇ам̣ • 4. Vijayāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. виж̇аяаасуд̇д̇аван̣н̣анаа • 4. Vijayāsuttavaṇṇanā
