| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๔. วิชยาสุตฺตวณฺณนา
4. Vijayāsuttavaṇṇanā
๑๖๕. จตุเตฺถ ปญฺจงฺคิเกนาติ อาตตํ วิตตํ อาตตวิตตํ ฆนํ สุสิรนฺติ เอวํ ปญฺจงฺคสมนฺนาคเตนฯ นิยฺยาตยามิ ตุเยฺหวาติ สเพฺพ ตุยฺหํเยว เทมิฯ นาหํ เตนตฺถิกาติ นาหํ เตน อตฺถิกาฯ ปูติกาเยนาติ สุวณฺณวโณฺณปิ กาโย นิจฺจํ อุคฺฆริตปคฺฆริตเฎฺฐน ปูติกาโยว, ตสฺมา เอวมาหฯ ภินฺทเนนาติ ภิชฺชนสภาเวนฯ ปภงฺคุนาติ จุณฺณวิจุณฺณํ อาปชฺชนธเมฺมนฯ อฎฺฎียามีติ อฎฺฎา ปีฬิตา โหมิฯ หรายามีติ ลชฺชามิฯ สนฺตา สมาปตฺตีติ อฎฺฐวิธา โลกิยสมาปตฺติ อารมฺมณสนฺตตาย องฺคสนฺตตาย จ สนฺตาติ วุตฺตาฯ สพฺพตฺถาติ สเพฺพสุ รูปารูปภเวสุ, เตสํ ทฺวินฺนํ ภวานํ คหิตตฺตา คหิเต กามภเว อฎฺฐสุ จ สมาปตฺตีสูติ เอเตสุ สเพฺพสุ ฐาเนสุ มยฺหํ อวิชฺชาตโม วิหโตติ วทติฯ จตุตฺถํฯ
165. Catutthe pañcaṅgikenāti ātataṃ vitataṃ ātatavitataṃ ghanaṃ susiranti evaṃ pañcaṅgasamannāgatena. Niyyātayāmi tuyhevāti sabbe tuyhaṃyeva demi. Nāhaṃ tenatthikāti nāhaṃ tena atthikā. Pūtikāyenāti suvaṇṇavaṇṇopi kāyo niccaṃ uggharitapaggharitaṭṭhena pūtikāyova, tasmā evamāha. Bhindanenāti bhijjanasabhāvena. Pabhaṅgunāti cuṇṇavicuṇṇaṃ āpajjanadhammena. Aṭṭīyāmīti aṭṭā pīḷitā homi. Harāyāmīti lajjāmi. Santā samāpattīti aṭṭhavidhā lokiyasamāpatti ārammaṇasantatāya aṅgasantatāya ca santāti vuttā. Sabbatthāti sabbesu rūpārūpabhavesu, tesaṃ dvinnaṃ bhavānaṃ gahitattā gahite kāmabhave aṭṭhasu ca samāpattīsūti etesu sabbesu ṭhānesu mayhaṃ avijjātamo vihatoti vadati. Catutthaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. วิชยาสุตฺตํ • 4. Vijayāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. วิชยาสุตฺตวณฺณนา • 4. Vijayāsuttavaṇṇanā
