| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. વਿਜਯਾਸੁਤ੍ਤવਣ੍ਣਨਾ
4. Vijayāsuttavaṇṇanā
੧੬੫. ਪਞ੍ਚ ਅਙ੍ਗਾਨਿ ਏਤਸ੍ਸਾਤਿ ਪਞ੍ਚਙ੍ਗਂ, ਪਞ੍ਚਙ੍ਗਮੇવ ਪਞ੍ਚਙ੍ਗਿਕਂ, ਤੇਨ ਪਞ੍ਚਙ੍ਗਿਕੇਨ। ਆਤਤਨ੍ਤਿਆਦੀਸੁ ਆਤਤਂ ਨਾਮ ਚਮ੍ਮਪਰਿਯੋਨਦ੍ਧੇਸੁ ਭੇਰਿਆਦੀਸੁ ਏਕਤਲਂ ਤੂਰਿਯਂ। વਿਤਤਂ ਨਾਮ ਉਭਯਤਲਂ। ਆਤਤવਿਤਤਂ ਨਾਮ ਤਨ੍ਤਿਬਦ੍ਧવੀਣਾਦਿ। ਸੁਸਿਰਂ વਂਸਾਦਿ। ਘਨਂ ਸਮ੍ਮਾਦਿ। ਤਤਆਦਿવਿਸੇਸੋਪਿ ਆਤਤਮੇવਾਤਿ ‘‘ਚਮ੍ਮਪਰਿਯੋਨਦ੍ਧੇਸੂ’’ਤਿ વਿਸੇਸਨਂ। ਏਕਤਲਂ ਕੁਮ੍ਭਥੂਣਦਦ੍ਦਰਾਦਿ। ਉਭਯਤਲਂ ਭੇਰਿਮੁਦਿਙ੍ਗਾਦਿ। ਚਮ੍ਮਪਰਿਯੋਨਦ੍ਧਂ ਸੇਸਂ ਤਨ੍ਤਿਬਦ੍ਧਂ ਸਬ੍ਬਂ ਆਤਤવਿਤਤਂ ਨਾਮ, ਗੋਮੁਖੀਆਦੀਨਮ੍ਪਿ ਏਤ੍ਥੇવ ਸਙ੍ਗਹੋ ਦਟ੍ਠਬ੍ਬੋ। વਂਸਾਦੀਤਿ ਆਦਿਸਦ੍ਦੇਨ ਸਙ੍ਖਸਿਙ੍ਗਾਨਮ੍ਪਿ ਸਙ੍ਗਹੋ। ਸਮ੍ਮਤਾਲ਼-ਕਂਸਤਾਲ਼-ਸਿਲਾਤਾਲ਼-ਸਲਾਕਤਾਲ਼ਾਦਿ ਸਮ੍ਮਾਦਿ ਨਾਮ। ਤਤ੍ਥ ਸਮ੍ਮਤਾਲ਼ਂ ਨਾਮ ਦਣ੍ਡਮਯਤਾਲ਼ਂ, ਕਂਸਮਯਤਾਲ਼ਂ ਕਂਸਤਾਲ਼ਂ, ਸਿਲਾਯਂ ਅਯੋਪਤ੍ਤੇਨ ਚ ਤਾਲ਼ਨਤਾਲ਼ਂ। ਸਬ੍ਬੇ ਕਾਮਗੁਣੇ। ਉਗ੍ਘਰਿਤਪਗ੍ਘਰਿਤਟ੍ਠੇਨਾਤਿ ਉਪਰਿ ਘਰਣੇਨ ਚ વਿਸ੍ਸਨ੍ਦਨੇਨ ਚ। ਏવਨ੍ਤਿ ‘‘ਇਮਿਨਾ ਪੂਤਿਕਾਯੇਨਾ’’ਤਿ। ਅਰੂਪਟ੍ਠਾਯਿਨੋਤਿ ਸਤ੍ਤਾਧਿਟ੍ਠਾਨੇਨਾਯਂ ਧਮ੍ਮਦੇਸਨਾਤਿ ਆਹ ‘‘ਸਬ੍ਬਤ੍ਥਾਤਿ ਸਬ੍ਬੇਸੁ ਰੂਪਾਰੂਪਭવੇਸੂ’’ਤਿ। ਤੇਸਂ ਦ੍વਿਨ੍ਨਂ ਰੂਪਾਰੂਪਭવਾਨਂ ਗਹਿਤਤ੍ਤਾ। ਭવਭਾવਸਾਮਞ੍ਞਤੋ, ਤਦਧਿਟ੍ਠਾਨਤੋ ਗਹਿਤੇ ਕਾਮਭવੇ। ਅવਿਜ੍ਜਾਤਮੋ વਿਹਤੋ ਅਗ੍ਗਮਗ੍ਗੇਨ ਸਮੁਗ੍ਘਾਤਿਤਤ੍ਤਾ।
165. Pañca aṅgāni etassāti pañcaṅgaṃ, pañcaṅgameva pañcaṅgikaṃ, tena pañcaṅgikena. Ātatantiādīsu ātataṃ nāma cammapariyonaddhesu bheriādīsu ekatalaṃ tūriyaṃ. Vitataṃ nāma ubhayatalaṃ. Ātatavitataṃ nāma tantibaddhavīṇādi. Susiraṃ vaṃsādi. Ghanaṃ sammādi. Tataādivisesopi ātatamevāti ‘‘cammapariyonaddhesū’’ti visesanaṃ. Ekatalaṃ kumbhathūṇadaddarādi. Ubhayatalaṃ bherimudiṅgādi. Cammapariyonaddhaṃ sesaṃ tantibaddhaṃ sabbaṃ ātatavitataṃ nāma, gomukhīādīnampi ettheva saṅgaho daṭṭhabbo. Vaṃsādīti ādisaddena saṅkhasiṅgānampi saṅgaho. Sammatāḷa-kaṃsatāḷa-silātāḷa-salākatāḷādi sammādi nāma. Tattha sammatāḷaṃ nāma daṇḍamayatāḷaṃ, kaṃsamayatāḷaṃ kaṃsatāḷaṃ, silāyaṃ ayopattena ca tāḷanatāḷaṃ. Sabbe kāmaguṇe. Uggharitapaggharitaṭṭhenāti upari gharaṇena ca vissandanena ca. Evanti ‘‘iminā pūtikāyenā’’ti. Arūpaṭṭhāyinoti sattādhiṭṭhānenāyaṃ dhammadesanāti āha ‘‘sabbatthāti sabbesu rūpārūpabhavesū’’ti. Tesaṃ dvinnaṃ rūpārūpabhavānaṃ gahitattā. Bhavabhāvasāmaññato, tadadhiṭṭhānato gahite kāmabhave. Avijjātamo vihato aggamaggena samugghātitattā.
વਿਜਯਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vijayāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. વਿਜਯਾਸੁਤ੍ਤਂ • 4. Vijayāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. વਿਜਯਾਸੁਤ੍ਤવਣ੍ਣਨਾ • 4. Vijayāsuttavaṇṇanā
