| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. விஜ்ஜாபா⁴கி³யஸுத்தவண்ணனா
5. Vijjābhāgiyasuttavaṇṇanā
35. பஞ்சமே ஸம்பயோக³வஸேன விஜ்ஜங் ப⁴ஜந்தி, ஸஹஜாதஅஞ்ஞமஞ்ஞனிஸ்ஸயஸம்பயுத்தஅத்தி²அவிக³தாதி³பச்சயவஸேன தாய ஸஹ ஏகீபா⁴வங் க³ச்ச²ந்தீதி விஜ்ஜாபா⁴கி³யா. அத² வா விஜ்ஜாபா⁴கே³ விஜ்ஜாகொட்டா²ஸே வத்தந்தி விஜ்ஜாஸபா⁴க³தாய ததே³கதே³ஸே விஜ்ஜாகொட்டா²ஸே பவத்தந்தீதி விஜ்ஜாபா⁴கி³யா. தத்த² விபஸ்ஸனாஞாணங், மனோமயித்³தி⁴, ச² அபி⁴ஞ்ஞாதி அட்ட² விஜ்ஜா. புரிமேன அத்தே²ன தாஹி ஸம்பயுத்தத⁴ம்மா விஜ்ஜாபா⁴கி³யா. பச்சி²மேன அத்தே²ன தாஸு யா காசி ஏகாவ விஜ்ஜா விஜ்ஜா, ஸேஸா விஜ்ஜாபா⁴கி³யா. ஏவங் விஜ்ஜாபி விஜ்ஜாய ஸம்பயுத்தத⁴ம்மாபி ‘‘விஜ்ஜாபா⁴கி³யா’’த்வேவ வேதி³தப்³பா³. இத⁴ பன விபஸ்ஸனாஞாணஸம்பயுத்தா ஸஞ்ஞாவ விஜ்ஜாபா⁴கி³யாதி ஆக³தா, ஸஞ்ஞாஸீஸேன ஸேஸஸம்பயுத்தத⁴ம்மாபி வுத்தா ஏவாதி த³ட்ட²ப்³ப³ங். அனிச்சானுபஸ்ஸனாஞாணேதி அனிச்சானுபஸ்ஸனாஞாணே நிஸ்ஸயபச்சயபூ⁴தே உப்பன்னஸஞ்ஞா, தேன ஸஹக³தாதி அத்தோ². ஸேஸேஸுபி ஏஸேவ நயோ.
35. Pañcame sampayogavasena vijjaṃ bhajanti, sahajātaaññamaññanissayasampayuttaatthiavigatādipaccayavasena tāya saha ekībhāvaṃ gacchantīti vijjābhāgiyā. Atha vā vijjābhāge vijjākoṭṭhāse vattanti vijjāsabhāgatāya tadekadese vijjākoṭṭhāse pavattantīti vijjābhāgiyā. Tattha vipassanāñāṇaṃ, manomayiddhi, cha abhiññāti aṭṭha vijjā. Purimena atthena tāhi sampayuttadhammā vijjābhāgiyā. Pacchimena atthena tāsu yā kāci ekāva vijjā vijjā, sesā vijjābhāgiyā. Evaṃ vijjāpi vijjāya sampayuttadhammāpi ‘‘vijjābhāgiyā’’tveva veditabbā. Idha pana vipassanāñāṇasampayuttā saññāva vijjābhāgiyāti āgatā, saññāsīsena sesasampayuttadhammāpi vuttā evāti daṭṭhabbaṃ. Aniccānupassanāñāṇeti aniccānupassanāñāṇe nissayapaccayabhūte uppannasaññā, tena sahagatāti attho. Sesesupi eseva nayo.
விஜ்ஜாபா⁴கி³யஸுத்தவண்ணனா நிட்டி²தா.
Vijjābhāgiyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. விஜ்ஜாபா⁴கி³யஸுத்தங் • 5. Vijjābhāgiyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. விஜ்ஜாபா⁴கி³யஸுத்தவண்ணனா • 5. Vijjābhāgiyasuttavaṇṇanā
