| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. виж̇ж̇аабхааг̇ияасуд̇д̇аван̣н̣анаа
5. Vijjābhāgiyasuttavaṇṇanā
35. бан̃жамз самбаяог̇авасзна виж̇ж̇ам̣ бхаж̇анд̇и, сахаж̇аад̇аан̃н̃аман̃н̃аниссаяасамбаяуд̇д̇аад̇т̇иавиг̇ад̇аад̣̇ибажжаяавасзна д̇ааяа саха згийбхаавам̣ г̇ажчанд̇ийд̇и виж̇ж̇аабхааг̇ияаа. ат̇а ваа виж̇ж̇аабхааг̇з виж̇ж̇аагодтаасз вад̇д̇анд̇и виж̇ж̇аасабхааг̇ад̇ааяа д̇ад̣̇згад̣̇зсз виж̇ж̇аагодтаасз бавад̇д̇анд̇ийд̇и виж̇ж̇аабхааг̇ияаа. д̇ад̇т̇а вибассанаан̃аан̣ам̣, маномаяид̣̇д̇хи, ча абхин̃н̃аад̇и адта виж̇ж̇аа. буримзна ад̇т̇зна д̇аахи самбаяуд̇д̇ад̇хаммаа виж̇ж̇аабхааг̇ияаа. бажчимзна ад̇т̇зна д̇аасу яаа гаажи згаава виж̇ж̇аа виж̇ж̇аа, сзсаа виж̇ж̇аабхааг̇ияаа. звам̣ виж̇ж̇ааби виж̇ж̇ааяа самбаяуд̇д̇ад̇хаммааби ‘‘виж̇ж̇аабхааг̇ияаа’’д̇взва взд̣̇ид̇аб̣б̣аа. ид̇ха бана вибассанаан̃аан̣асамбаяуд̇д̇аа сан̃н̃аава виж̇ж̇аабхааг̇ияаад̇и ааг̇ад̇аа, сан̃н̃аасийсзна сзсасамбаяуд̇д̇ад̇хаммааби вуд̇д̇аа зваад̇и д̣̇адтаб̣б̣ам̣. анижжаанубассанаан̃аан̣зд̇и анижжаанубассанаан̃аан̣з ниссаяабажжаяабхууд̇з уббаннасан̃н̃аа, д̇зна сахаг̇ад̇аад̇и ад̇т̇о. сзсзсуби зсзва наяо.
35. Pañcame sampayogavasena vijjaṃ bhajanti, sahajātaaññamaññanissayasampayuttaatthiavigatādipaccayavasena tāya saha ekībhāvaṃ gacchantīti vijjābhāgiyā. Atha vā vijjābhāge vijjākoṭṭhāse vattanti vijjāsabhāgatāya tadekadese vijjākoṭṭhāse pavattantīti vijjābhāgiyā. Tattha vipassanāñāṇaṃ, manomayiddhi, cha abhiññāti aṭṭha vijjā. Purimena atthena tāhi sampayuttadhammā vijjābhāgiyā. Pacchimena atthena tāsu yā kāci ekāva vijjā vijjā, sesā vijjābhāgiyā. Evaṃ vijjāpi vijjāya sampayuttadhammāpi ‘‘vijjābhāgiyā’’tveva veditabbā. Idha pana vipassanāñāṇasampayuttā saññāva vijjābhāgiyāti āgatā, saññāsīsena sesasampayuttadhammāpi vuttā evāti daṭṭhabbaṃ. Aniccānupassanāñāṇeti aniccānupassanāñāṇe nissayapaccayabhūte uppannasaññā, tena sahagatāti attho. Sesesupi eseva nayo.
виж̇ж̇аабхааг̇ияасуд̇д̇аван̣н̣анаа нидтид̇аа.
Vijjābhāgiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. виж̇ж̇аабхааг̇ияасуд̇д̇ам̣ • 5. Vijjābhāgiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. виж̇ж̇аабхааг̇ияасуд̇д̇аван̣н̣анаа • 5. Vijjābhāgiyasuttavaṇṇanā
