| Library / Tipiṭaka / तिपिटक • Tipiṭaka / जातकपाळि • Jātakapāḷi |
३९१. विज्जाधरजातकं (६-२-६)
391. Vijjādharajātakaṃ (6-2-6)
१०८.
108.
दुब्बण्णरूपं तुवमरियवण्णी, पुरक्खत्वा 1 पञ्जलिको नमस्ससि।
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
सेय्यो नु ते सो उदवा 3 सरिक्खो, नामं परस्सत्तनो चापि ब्रूहि॥
Seyyo nu te so udavā 4 sarikkho, nāmaṃ parassattano cāpi brūhi.
१०९.
109.
न नामगोत्तं गण्हन्ति राज, सम्मग्गतानुज्जुगतान 5 देवा।
Na nāmagottaṃ gaṇhanti rāja, sammaggatānujjugatāna 6 devā;
अहञ्च ते नामधेय्यं वदामि, सक्कोहमस्मी तिदसानमिन्दो॥
Ahañca te nāmadheyyaṃ vadāmi, sakkohamasmī tidasānamindo.
११०.
110.
यो दिस्वा भिक्खुं चरणूपपन्नं, पुरक्खत्वा पञ्जलिको नमस्सति।
Yo disvā bhikkhuṃ caraṇūpapannaṃ, purakkhatvā pañjaliko namassati;
पुच्छामि तं देवराजेतमत्थं, इतो चुतो किं लभते सुखं सो॥
Pucchāmi taṃ devarājetamatthaṃ, ito cuto kiṃ labhate sukhaṃ so.
१११.
111.
यो दिस्वा भिक्खुं चरणूपपन्नं, पुरक्खत्वा पञ्जलिको नमस्सति।
Yo disvā bhikkhuṃ caraṇūpapannaṃ, purakkhatvā pañjaliko namassati;
दिट्ठेव धम्मे लभते पसंसं, सग्गञ्च सो याति सरीरभेदा॥
Diṭṭheva dhamme labhate pasaṃsaṃ, saggañca so yāti sarīrabhedā.
११२.
112.
लक्खी वत मे उदपादि अज्ज, यं वासवं भूतपतिद्दसाम।
Lakkhī vata me udapādi ajja, yaṃ vāsavaṃ bhūtapatiddasāma;
भिक्खुञ्च दिस्वान तुवञ्च सक्क, काहामि पुञ्ञानि अनप्पकानि॥
Bhikkhuñca disvāna tuvañca sakka, kāhāmi puññāni anappakāni.
११३.
113.
अद्धा हवे सेवितब्बा सपञ्ञा, बहुस्सुता ये बहुठानचिन्तिनो।
Addhā have sevitabbā sapaññā, bahussutā ye bahuṭhānacintino;
भिक्खुञ्च दिस्वान ममञ्च राज, करोहि पुञ्ञानि अनप्पकानि॥
Bhikkhuñca disvāna mamañca rāja, karohi puññāni anappakāni.
११४.
114.
अक्कोधनो निच्चपसन्नचित्तो, सब्बातिथीयाचयोगो भवित्वा।
Akkodhano niccapasannacitto, sabbātithīyācayogo bhavitvā;
निहच्च मानं अभिवादयिस्सं, सुत्वान देविन्द सुभासितानीति॥
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३९१] ६. विज्जाधरजातकवण्णना • [391] 6. Vijjādharajātakavaṇṇanā
