| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๙๑. วิชฺชาธรชาตกํ (๖-๒-๖)
391. Vijjādharajātakaṃ (6-2-6)
๑๐๘.
108.
ทุพฺพณฺณรูปํ ตุวมริยวณฺณี, ปุรกฺขตฺวา 1 ปญฺชลิโก นมสฺสสิ;
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
เสโยฺย นุ เต โส อุทวา 3 สริโกฺข, นามํ ปรสฺสตฺตโน จาปิ พฺรูหิฯ
Seyyo nu te so udavā 4 sarikkho, nāmaṃ parassattano cāpi brūhi.
๑๐๙.
109.
น นามโคตฺตํ คณฺหนฺติ ราช, สมฺมคฺคตานุชฺชุคตาน 5 เทวา;
Na nāmagottaṃ gaṇhanti rāja, sammaggatānujjugatāna 6 devā;
อหญฺจ เต นามเธยฺยํ วทามิ, สโกฺกหมสฺมี ติทสานมิโนฺทฯ
Ahañca te nāmadheyyaṃ vadāmi, sakkohamasmī tidasānamindo.
๑๑๐.
110.
โย ทิสฺวา ภิกฺขุํ จรณูปปนฺนํ, ปุรกฺขตฺวา ปญฺชลิโก นมสฺสติ;
Yo disvā bhikkhuṃ caraṇūpapannaṃ, purakkhatvā pañjaliko namassati;
ปุจฺฉามิ ตํ เทวราเชตมตฺถํ, อิโต จุโต กิํ ลภเต สุขํ โสฯ
Pucchāmi taṃ devarājetamatthaṃ, ito cuto kiṃ labhate sukhaṃ so.
๑๑๑.
111.
โย ทิสฺวา ภิกฺขุํ จรณูปปนฺนํ, ปุรกฺขตฺวา ปญฺชลิโก นมสฺสติ;
Yo disvā bhikkhuṃ caraṇūpapannaṃ, purakkhatvā pañjaliko namassati;
ทิเฎฺฐว ธเมฺม ลภเต ปสํสํ, สคฺคญฺจ โส ยาติ สรีรเภทาฯ
Diṭṭheva dhamme labhate pasaṃsaṃ, saggañca so yāti sarīrabhedā.
๑๑๒.
112.
ลกฺขี วต เม อุทปาทิ อชฺช, ยํ วาสวํ ภูตปติทฺทสาม;
Lakkhī vata me udapādi ajja, yaṃ vāsavaṃ bhūtapatiddasāma;
ภิกฺขุญฺจ ทิสฺวาน ตุวญฺจ สกฺก, กาหามิ ปุญฺญานิ อนปฺปกานิฯ
Bhikkhuñca disvāna tuvañca sakka, kāhāmi puññāni anappakāni.
๑๑๓.
113.
อทฺธา หเว เสวิตพฺพา สปญฺญา, พหุสฺสุตา เย พหุฐานจินฺติโน;
Addhā have sevitabbā sapaññā, bahussutā ye bahuṭhānacintino;
ภิกฺขุญฺจ ทิสฺวาน มมญฺจ ราช, กโรหิ ปุญฺญานิ อนปฺปกานิฯ
Bhikkhuñca disvāna mamañca rāja, karohi puññāni anappakāni.
๑๑๔.
114.
อโกฺกธโน นิจฺจปสนฺนจิโตฺต, สพฺพาติถียาจโยโค ภวิตฺวา;
Akkodhano niccapasannacitto, sabbātithīyācayogo bhavitvā;
นิหจฺจ มานํ อภิวาทยิสฺสํ, สุตฺวาน เทวินฺท สุภาสิตานีติฯ
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๙๑] ๖. วิชฺชาธรชาตกวณฺณนา • [391] 6. Vijjādharajātakavaṇṇanā
