| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៩១. វិជ្ជាធរជាតកំ (៦-២-៦)
391. Vijjādharajātakaṃ (6-2-6)
១០៨.
108.
ទុព្ពណ្ណរូបំ តុវមរិយវណ្ណី, បុរក្ខត្វា 1 បញ្ជលិកោ នមស្សសិ;
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
សេយ្យោ នុ តេ សោ ឧទវា 3 សរិក្ខោ, នាមំ បរស្សត្តនោ ចាបិ ព្រូហិ។
Seyyo nu te so udavā 4 sarikkho, nāmaṃ parassattano cāpi brūhi.
១០៩.
109.
ន នាមគោត្តំ គណ្ហន្តិ រាជ, សម្មគ្គតានុជ្ជុគតាន 5 ទេវា;
Na nāmagottaṃ gaṇhanti rāja, sammaggatānujjugatāna 6 devā;
អហញ្ច តេ នាមធេយ្យំ វទាមិ, សក្កោហមស្មី តិទសានមិន្ទោ។
Ahañca te nāmadheyyaṃ vadāmi, sakkohamasmī tidasānamindo.
១១០.
110.
យោ ទិស្វា ភិក្ខុំ ចរណូបបន្នំ, បុរក្ខត្វា បញ្ជលិកោ នមស្សតិ;
Yo disvā bhikkhuṃ caraṇūpapannaṃ, purakkhatvā pañjaliko namassati;
បុច្ឆាមិ តំ ទេវរាជេតមត្ថំ, ឥតោ ចុតោ កិំ លភតេ សុខំ សោ។
Pucchāmi taṃ devarājetamatthaṃ, ito cuto kiṃ labhate sukhaṃ so.
១១១.
111.
យោ ទិស្វា ភិក្ខុំ ចរណូបបន្នំ, បុរក្ខត្វា បញ្ជលិកោ នមស្សតិ;
Yo disvā bhikkhuṃ caraṇūpapannaṃ, purakkhatvā pañjaliko namassati;
ទិដ្ឋេវ ធម្មេ លភតេ បសំសំ, សគ្គញ្ច សោ យាតិ សរីរភេទា។
Diṭṭheva dhamme labhate pasaṃsaṃ, saggañca so yāti sarīrabhedā.
១១២.
112.
លក្ខី វត មេ ឧទបាទិ អជ្ជ, យំ វាសវំ ភូតបតិទ្ទសាម;
Lakkhī vata me udapādi ajja, yaṃ vāsavaṃ bhūtapatiddasāma;
ភិក្ខុញ្ច ទិស្វាន តុវញ្ច សក្ក, កាហាមិ បុញ្ញានិ អនប្បកានិ។
Bhikkhuñca disvāna tuvañca sakka, kāhāmi puññāni anappakāni.
១១៣.
113.
អទ្ធា ហវេ សេវិតព្ពា សបញ្ញា, ពហុស្សុតា យេ ពហុឋានចិន្តិនោ;
Addhā have sevitabbā sapaññā, bahussutā ye bahuṭhānacintino;
ភិក្ខុញ្ច ទិស្វាន មមញ្ច រាជ, ករោហិ បុញ្ញានិ អនប្បកានិ។
Bhikkhuñca disvāna mamañca rāja, karohi puññāni anappakāni.
១១៤.
114.
អក្កោធនោ និច្ចបសន្នចិត្តោ, សព្ពាតិថីយាចយោគោ ភវិត្វា;
Akkodhano niccapasannacitto, sabbātithīyācayogo bhavitvā;
និហច្ច មានំ អភិវាទយិស្សំ, សុត្វាន ទេវិន្ទ សុភាសិតានីតិ។
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៩១] ៦. វិជ្ជាធរជាតកវណ្ណនា • [391] 6. Vijjādharajātakavaṇṇanā
