| Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၃၉၁. ဝိဇ္ဇာဓရဇာတကံ (၆-၂-၆)
391. Vijjādharajātakaṃ (6-2-6)
၁၀၈.
108.
ဒုဗ္ဗဏ္ဏရူပံ တုဝမရိယဝဏ္ဏီ၊ ပုရက္ခတ္ဝာ 1 ပဉ္ဇလိကော နမသ္သသိ။
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
သေယ္ယော နု တေ သော ဥဒဝာ 3 သရိက္ခော၊ နာမံ ပရသ္သတ္တနော စာပိ ဗ္ရူဟိ။
Seyyo nu te so udavā 4 sarikkho, nāmaṃ parassattano cāpi brūhi.
၁၀၉.
109.
န နာမဂောတ္တံ ဂဏ္ဟန္တိ ရာဇ၊ သမ္မဂ္ဂတာနုဇ္ဇုဂတာန 5 ဒေဝာ။
Na nāmagottaṃ gaṇhanti rāja, sammaggatānujjugatāna 6 devā;
အဟဉ္စ တေ နာမဓေယ္ယံ ဝဒာမိ၊ သက္ကောဟမသ္မီ တိဒသာနမိန္ဒော။
Ahañca te nāmadheyyaṃ vadāmi, sakkohamasmī tidasānamindo.
၁၁၀.
110.
ယော ဒိသ္ဝာ ဘိက္ခုံ စရဏူပပန္နံ၊ ပုရက္ခတ္ဝာ ပဉ္ဇလိကော နမသ္သတိ။
Yo disvā bhikkhuṃ caraṇūpapannaṃ, purakkhatvā pañjaliko namassati;
ပုစ္ဆာမိ တံ ဒေဝရာဇေတမတ္ထံ၊ ဣတော စုတော ကိံ လဘတေ သုခံ သော။
Pucchāmi taṃ devarājetamatthaṃ, ito cuto kiṃ labhate sukhaṃ so.
၁၁၁.
111.
ယော ဒိသ္ဝာ ဘိက္ခုံ စရဏူပပန္နံ၊ ပုရက္ခတ္ဝာ ပဉ္ဇလိကော နမသ္သတိ။
Yo disvā bhikkhuṃ caraṇūpapannaṃ, purakkhatvā pañjaliko namassati;
ဒိဋ္ဌေဝ ဓမ္မေ လဘတေ ပသံသံ၊ သဂ္ဂဉ္စ သော ယာတိ သရီရဘေဒာ။
Diṭṭheva dhamme labhate pasaṃsaṃ, saggañca so yāti sarīrabhedā.
၁၁၂.
112.
လက္ခီ ဝတ မေ ဥဒပာဒိ အဇ္ဇ၊ ယံ ဝာသဝံ ဘူတပတိဒ္ဒသာမ။
Lakkhī vata me udapādi ajja, yaṃ vāsavaṃ bhūtapatiddasāma;
ဘိက္ခုဉ္စ ဒိသ္ဝာန တုဝဉ္စ သက္က၊ ကာဟာမိ ပုညာနိ အနပ္ပကာနိ။
Bhikkhuñca disvāna tuvañca sakka, kāhāmi puññāni anappakāni.
၁၁၃.
113.
အဒ္ဓာ ဟဝေ သေဝိတဗ္ဗာ သပညာ၊ ဗဟုသ္သုတာ ယေ ဗဟုဌာနစိန္တိနော။
Addhā have sevitabbā sapaññā, bahussutā ye bahuṭhānacintino;
ဘိက္ခုဉ္စ ဒိသ္ဝာန မမဉ္စ ရာဇ၊ ကရောဟိ ပုညာနိ အနပ္ပကာနိ။
Bhikkhuñca disvāna mamañca rāja, karohi puññāni anappakāni.
၁၁၄.
114.
အက္ကောဓနော နိစ္စပသန္နစိတ္တော၊ သဗ္ဗာတိထီယာစယောဂော ဘဝိတ္ဝာ။
Akkodhano niccapasannacitto, sabbātithīyācayogo bhavitvā;
နိဟစ္စ မာနံ အဘိဝာဒယိသ္သံ၊ သုတ္ဝာန ဒေဝိန္ဒ သုဘာသိတာနီတိ။
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၃၉၁] ၆. ဝိဇ္ဇာဓရဇာတကဝဏ္ဏနာ • [391] 6. Vijjādharajātakavaṇṇanā
