| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[391] 6. виж̇ж̇аад̇хараж̇аад̇агаван̣н̣анаа
[391] 6. Vijjādharajātakavaṇṇanā
д̣̇уб̣б̣ан̣н̣аруубанд̇и ид̣̇ам̣ сад̇т̇аа ж̇зд̇аванз вихаранд̇о логад̇т̇ажарияам̣ аараб̣бха гат̇зси. вад̇т̇у махааган̣хаж̇аад̇агз (ж̇аа. 1.12.61 аад̣̇аяо) аави бхависсад̇и. д̇ад̣̇аа бана сад̇т̇аа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о логад̇т̇ажарияам̣ жариязваа’’д̇и вад̇ваа ад̇ийд̇ам̣ аахари.
Dubbaṇṇarūpanti idaṃ satthā jetavane viharanto lokatthacariyaṃ ārabbha kathesi. Vatthu mahākaṇhajātake (jā. 1.12.61 ādayo) āvi bhavissati. Tadā pana satthā ‘‘na, bhikkhave, idāneva, pubbepi tathāgato lokatthacariyaṃ cariyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сагго ахоси. д̇ад̣̇аа зго виж̇ж̇аад̇харо виж̇ж̇ам̣ баривад̇д̇зд̇ваа ад̣дхарад̇д̇асамаяз ааг̇анд̇ваа б̣аараан̣асиран̃н̃о аг̇г̇амахзсияаа сад̣̇д̇хим̣ ад̇ижарад̇и, д̇ассаа барижааригааяо сан̃ж̇ааним̣су. саа саяамзва рааж̇аанам̣ убасан̇гамид̇ваа ‘‘д̣̇зва, зго бурисо ад̣дхарад̇д̇асамаяз сириг̇аб̣бхам̣ бависид̇ваа мам̣ д̣̇уусзд̇ий’’д̇и ааха. ‘‘сагкиссаси бана гин̃жи сан̃н̃аан̣ам̣ гаад̇у’’нд̇и? ‘‘саггоми, д̣̇зваа’’д̇и саа ж̇аад̇ихин̇г̇улигабаад̇им̣ аахараабзд̇ваа д̇асса бурисасса рад̇д̇им̣ ааг̇анд̇ваа абхирамид̇ваа г̇ажчанд̇асса бидтияам̣ бан̃жан̇г̇улигам̣ д̣̇ад̇ваа баад̇ова ран̃н̃о аарожзси. рааж̇аа мануссз аан̣аабзси ‘‘г̇ажчат̇а, саб̣б̣ад̣̇исаасу ологзд̇ваа бидтияам̣ гад̇аж̇аад̇ихин̇г̇улабан̃жан̇г̇улигабурисам̣ г̇ан̣хат̇аа’’д̇и. виж̇ж̇аад̇хароби рад̇д̇им̣ анаажаарам̣ гад̇ваа д̣̇иваа сусаанз суурияам̣ намассанд̇о згабаад̣̇зна д̇идтад̇и. рааж̇абурисаа д̇ам̣ д̣̇исваа бариваараяим̣су. со ‘‘баагадам̣ мз гаммам̣ ж̇аад̇а’’нд̇и виж̇ж̇ам̣ баривад̇д̇зд̇ваа аагаасзна уббад̇ид̇ваа г̇ад̇о.
Atīte bārāṇasiyaṃ brahmadatte rajjaṃ kārente bodhisatto sakko ahosi. Tadā eko vijjādharo vijjaṃ parivattetvā aḍḍharattasamaye āgantvā bārāṇasirañño aggamahesiyā saddhiṃ aticarati, tassā paricārikāyo sañjāniṃsu. Sā sayameva rājānaṃ upasaṅkamitvā ‘‘deva, eko puriso aḍḍharattasamaye sirigabbhaṃ pavisitvā maṃ dūsetī’’ti āha. ‘‘Sakkhissasi pana kiñci saññāṇaṃ kātu’’nti? ‘‘Sakkomi, devā’’ti sā jātihiṅgulikapātiṃ āharāpetvā tassa purisassa rattiṃ āgantvā abhiramitvā gacchantassa piṭṭhiyaṃ pañcaṅgulikaṃ datvā pātova rañño ārocesi. Rājā manusse āṇāpesi ‘‘gacchatha, sabbadisāsu oloketvā piṭṭhiyaṃ katajātihiṅgulapañcaṅgulikapurisaṃ gaṇhathā’’ti. Vijjādharopi rattiṃ anācāraṃ katvā divā susāne sūriyaṃ namassanto ekapādena tiṭṭhati. Rājapurisā taṃ disvā parivārayiṃsu. So ‘‘pākaṭaṃ me kammaṃ jāta’’nti vijjaṃ parivattetvā ākāsena uppatitvā gato.
рааж̇аа д̇ам̣ д̣̇исваа ааг̇ад̇абурисз ‘‘ад̣̇д̣̇асат̇аа’’д̇и бужчи. ‘‘аама, ад̣̇д̣̇асаамаа’’д̇и. ‘‘го наамзсо’’д̇и? ‘‘баб̣б̣аж̇ид̇о, д̣̇зваа’’д̇и. ‘‘со хи рад̇д̇им̣ анаажаарам̣ гад̇ваа д̣̇иваа баб̣б̣аж̇ид̇авзсзна васад̇и’’. рааж̇аа ‘‘имз д̣̇иваа саман̣авзсзна жарид̇ваа рад̇д̇им̣ анаажаарам̣ гаронд̇ий’’д̇и баб̣б̣аж̇ид̇аанам̣ гуж̇жхид̇ваа мижчааг̇ахан̣ам̣ г̇ахзд̇ваа ‘‘маяхам̣ виж̇ид̇аа имз саб̣б̣з баб̣б̣аж̇ид̇аа балааяанд̇у, д̣̇идтад̣̇идтадтаанз рааж̇аан̣ам̣ гариссанд̇уу’’д̇и бхзрим̣ жараабзси. д̇ияож̇анасад̇игаа гаасирадтаа балааяид̇ваа саб̣б̣з баб̣б̣аж̇ид̇аа ан̃н̃арааж̇ад̇хаанияо аг̇амим̣су. сагалагаасирадтз мануссаанам̣ оваад̣̇ад̣̇ааяаго згоби д̇хаммигасаман̣аб̣раахман̣о наахоси. ановаад̣̇агаа мануссаа парусаа ахзсум̣, д̣̇аанасийлавимукаа мад̇амад̇аа язбхуяязна абааяз ниб̣б̣ад̇д̇им̣су, саг̇г̇з ниб̣б̣ад̇д̇анагаа наама наахзсум̣.
Rājā taṃ disvā āgatapurise ‘‘addasathā’’ti pucchi. ‘‘Āma, addasāmā’’ti. ‘‘Ko nāmeso’’ti? ‘‘Pabbajito, devā’’ti. ‘‘So hi rattiṃ anācāraṃ katvā divā pabbajitavesena vasati’’. Rājā ‘‘ime divā samaṇavesena caritvā rattiṃ anācāraṃ karontī’’ti pabbajitānaṃ kujjhitvā micchāgahaṇaṃ gahetvā ‘‘mayhaṃ vijitā ime sabbe pabbajitā palāyantu, diṭṭhadiṭṭhaṭṭhāne rājāṇaṃ karissantū’’ti bheriṃ carāpesi. Tiyojanasatikā kāsiraṭṭhā palāyitvā sabbe pabbajitā aññarājadhāniyo agamiṃsu. Sakalakāsiraṭṭhe manussānaṃ ovādadāyako ekopi dhammikasamaṇabrāhmaṇo nāhosi. Anovādakā manussā pharusā ahesuṃ, dānasīlavimukhā matamatā yebhuyyena apāye nibbattiṃsu, sagge nibbattanakā nāma nāhesuṃ.
сагго навз д̣̇звабуд̇д̇з абассанд̇о ‘‘гим̣ ну ко гааран̣а’’нд̇и ааваж̇ж̇зд̇ваа виж̇ж̇аад̇харам̣ ниссааяа б̣аараан̣асиран̃н̃аа гуд̣̇д̇хзна мижчааг̇ахан̣ам̣ г̇ахзд̇ваа баб̣б̣аж̇ид̇аанам̣ радтаа баб̣б̣ааж̇ид̇абхаавам̣ н̃ад̇ваа ‘‘табзд̇ваа мам̣ ан̃н̃о имасса ран̃н̃о мижчааг̇ахан̣ам̣ бхинд̣̇ид̇ум̣ самад̇т̇о наама над̇т̇и, ран̃н̃о жа радтаваасийнан̃жа авассаяо бхависсаамий’’д̇и жинд̇зд̇ваа нанд̣̇амуулабаб̣бхаарз бажжзгаб̣уд̣̇д̇хаанам̣ санд̇игам̣ г̇анд̇ваа ванд̣̇ид̇ваа ‘‘бханд̇з, маяхам̣ згам̣ махаллагам̣ бажжзгаб̣уд̣̇д̇хам̣ д̣̇зт̇а, гаасирадтам̣ басаад̣̇зссаамий’’д̇и ааха. со сан̇гхад̇т̇зрамзва лабхи, ат̇асса бад̇д̇ажийварам̣ г̇ахзд̇ваа д̇ам̣ бурад̇о гад̇ваа саяам̣ бажчад̇о худ̇ваа сирасмим̣ ан̃ж̇алим̣ табзд̇ваа бажжзгаб̣уд̣̇д̇хам̣ намассанд̇о уд̇д̇амаруубад̇харо маан̣аваго худ̇ваа сагаланаг̇арасса мад̇т̇агзна д̇игкад̇д̇ум̣ вижарид̇ваа рааж̇ад̣̇ваарам̣ ааг̇анд̇ваа аагаасз адтааси. амажжаа ран̃н̃о аарожзсум̣ ‘‘д̣̇зва, абхируубо маан̣аваго згам̣ саман̣ам̣ аанзд̇ваа рааж̇ад̣̇ваарз аагаасз тид̇о’’д̇и. рааж̇аа аасанаа удтааяа сийхабан̃ж̇арз тад̇ваа ‘‘маан̣авага, гасмаа д̇вам̣ абхируубо самаано зд̇асса вируубасса саман̣асса бад̇д̇ажийварам̣ г̇ахзд̇ваа намассамаано тид̇о’’д̇и д̇зна сад̣̇д̇хим̣ саллабанд̇о батамам̣ г̇аат̇амааха –
Sakko nave devaputte apassanto ‘‘kiṃ nu kho kāraṇa’’nti āvajjetvā vijjādharaṃ nissāya bārāṇasiraññā kuddhena micchāgahaṇaṃ gahetvā pabbajitānaṃ raṭṭhā pabbājitabhāvaṃ ñatvā ‘‘ṭhapetvā maṃ añño imassa rañño micchāgahaṇaṃ bhindituṃ samattho nāma natthi, rañño ca raṭṭhavāsīnañca avassayo bhavissāmī’’ti cintetvā nandamūlapabbhāre paccekabuddhānaṃ santikaṃ gantvā vanditvā ‘‘bhante, mayhaṃ ekaṃ mahallakaṃ paccekabuddhaṃ detha, kāsiraṭṭhaṃ pasādessāmī’’ti āha. So saṅghattherameva labhi, athassa pattacīvaraṃ gahetvā taṃ purato katvā sayaṃ pacchato hutvā sirasmiṃ añjaliṃ ṭhapetvā paccekabuddhaṃ namassanto uttamarūpadharo māṇavako hutvā sakalanagarassa matthakena tikkhattuṃ vicaritvā rājadvāraṃ āgantvā ākāse aṭṭhāsi. Amaccā rañño ārocesuṃ ‘‘deva, abhirūpo māṇavako ekaṃ samaṇaṃ ānetvā rājadvāre ākāse ṭhito’’ti. Rājā āsanā uṭṭhāya sīhapañjare ṭhatvā ‘‘māṇavaka, kasmā tvaṃ abhirūpo samāno etassa virūpassa samaṇassa pattacīvaraṃ gahetvā namassamāno ṭhito’’ti tena saddhiṃ sallapanto paṭhamaṃ gāthamāha –
108.
108.
‘‘д̣̇уб̣б̣ан̣н̣аруубам̣ д̇увамарияаван̣н̣ий, бурагкад̇ваа бан̃ж̇алиго намассаси;
‘‘Dubbaṇṇarūpaṃ tuvamariyavaṇṇī, purakkhatvā pañjaliko namassasi;
сзяяо ну д̇зсо уд̣̇аваа саригко, наамам̣ барассад̇д̇ано жааби б̣руухий’’д̇и.
Seyyo nu teso udavā sarikkho, nāmaṃ parassattano cāpi brūhī’’ti.
д̇ад̇т̇а арияаван̣н̣ийд̇и сунд̣̇араруубо. сзяяо ну д̇зсод̇и зсо вируубо баб̣б̣аж̇ид̇о гим̣ ну д̇аяаа уд̇д̇арид̇аро, уд̣̇ааху саригко. наамам̣ барассад̇д̇ано жаабийд̇и зд̇асса барасса жа ад̇д̇ано жа наамам̣ б̣руухийд̇и бужчад̇и.
Tattha ariyavaṇṇīti sundararūpo. Seyyo nu tesoti eso virūpo pabbajito kiṃ nu tayā uttaritaro, udāhu sarikkho. Nāmaṃ parassattano cāpīti etassa parassa ca attano ca nāmaṃ brūhīti pucchati.
ат̇а нам̣ сагго ‘‘махаарааж̇а, саман̣аа наама г̇арудтаанияаа, д̇зна мз наамам̣ лабид̇ум̣ на лаб̣бхад̇и, маяхам̣ бана д̇з наамам̣ гат̇зссаамий’’д̇и вад̇ваа д̣̇уд̇ияам̣ г̇аат̇амааха –
Atha naṃ sakko ‘‘mahārāja, samaṇā nāma garuṭṭhāniyā, tena me nāmaṃ lapituṃ na labbhati, mayhaṃ pana te nāmaṃ kathessāmī’’ti vatvā dutiyaṃ gāthamāha –
109.
109.
‘‘на наамаг̇од̇д̇ам̣ г̇ан̣ханд̇и рааж̇а, саммаг̇г̇ад̇аануж̇ж̇уг̇ад̇аана д̣̇зваа;
‘‘Na nāmagottaṃ gaṇhanti rāja, sammaggatānujjugatāna devā;
ахан̃жа д̇з наамад̇хзяяам̣ вад̣̇аами, саггохамасмий д̇ид̣̇асаанаминд̣̇о’’д̇и.
Ahañca te nāmadheyyaṃ vadāmi, sakkohamasmī tidasānamindo’’ti.
д̇ад̇т̇а саммаг̇г̇ад̇аануж̇ж̇уг̇ад̇аана д̣̇зваад̇и махаарааж̇а, саб̣б̣асан̇каарз яат̇аа сабхаавасарасавасзна саммасид̇ваа аг̇г̇апалам̣ арахад̇д̇ам̣ бад̇д̇ад̇д̇аа саммаг̇г̇ад̇аанам̣, уж̇унаа жа адтан̇г̇игзна маг̇г̇зна ниб̣б̣аанам̣ г̇ад̇ад̇д̇аа уж̇уг̇ад̇аанам̣ махаакийн̣аасаваанам̣ убабад̇д̇ид̣̇звзхи уд̇д̇арид̇араанам̣ висуд̣̇д̇хид̣̇зваанам̣ убабад̇д̇ид̣̇зваа наамаг̇од̇д̇ам̣ на г̇ан̣ханд̇и. ахан̃жа д̇з наамад̇хзяяанд̇и абижа ахам̣ ад̇д̇ано наамад̇хзяяам̣ д̇уяхам̣ гат̇зми.
Tattha sammaggatānujjugatāna devāti mahārāja, sabbasaṅkhāre yathā sabhāvasarasavasena sammasitvā aggaphalaṃ arahattaṃ pattattā sammaggatānaṃ, ujunā ca aṭṭhaṅgikena maggena nibbānaṃ gatattā ujugatānaṃ mahākhīṇāsavānaṃ upapattidevehi uttaritarānaṃ visuddhidevānaṃ upapattidevā nāmagottaṃ na gaṇhanti. Ahañca te nāmadheyyanti apica ahaṃ attano nāmadheyyaṃ tuyhaṃ kathemi.
д̇ам̣ суд̇ваа рааж̇аа д̇ад̇ияаг̇аат̇ааяа бхигкунамассанз аанисам̣сам̣ бужчи –
Taṃ sutvā rājā tatiyagāthāya bhikkhunamassane ānisaṃsaṃ pucchi –
110.
110.
‘‘яо д̣̇исваа бхигкум̣ жаран̣уубабаннам̣, бурагкад̇ваа бан̃ж̇алиго намассад̇и;
‘‘Yo disvā bhikkhuṃ caraṇūpapannaṃ, purakkhatvā pañjaliko namassati;
бужчаами д̇ам̣ д̣̇зварааж̇зд̇амад̇т̇ам̣, ид̇о жуд̇о гим̣ лабхад̇з сукам̣ со’’д̇и.
Pucchāmi taṃ devarājetamatthaṃ, ito cuto kiṃ labhate sukhaṃ so’’ti.
сагго жад̇уд̇т̇аг̇аат̇ааяа гат̇зси –
Sakko catutthagāthāya kathesi –
111.
111.
‘‘яо д̣̇исваа бхигкум̣ жаран̣уубабаннам̣, бурагкад̇ваа бан̃ж̇алиго намассад̇и;
‘‘Yo disvā bhikkhuṃ caraṇūpapannaṃ, purakkhatvā pañjaliko namassati;
д̣̇идтзва д̇хаммз лабхад̇з басам̣сам̣, саг̇г̇ан̃жа со яаад̇и сарийрабхзд̣̇аа’’д̇и.
Diṭṭheva dhamme labhate pasaṃsaṃ, saggañca so yāti sarīrabhedā’’ti.
д̇ад̇т̇а бхигкунд̇и бхиннагилзсам̣ барисуд̣̇д̇хабуг̇г̇алам̣. жаран̣уубабаннанд̇и сийлажаран̣зна убзд̇ам̣. д̣̇идтзва д̇хаммзд̇и на гзвалам̣ ид̇о жуд̇оязва, имасмим̣ бана ад̇д̇абхаавз со басам̣сам̣ лабхад̇и, басам̣саасукам̣ винд̣̇ад̇ийд̇и.
Tattha bhikkhunti bhinnakilesaṃ parisuddhapuggalaṃ. Caraṇūpapannanti sīlacaraṇena upetaṃ. Diṭṭheva dhammeti na kevalaṃ ito cutoyeva, imasmiṃ pana attabhāve so pasaṃsaṃ labhati, pasaṃsāsukhaṃ vindatīti.
рааж̇аа саггасса гат̇ам̣ суд̇ваа ад̇д̇ано мижчааг̇ахан̣ам̣ бхинд̣̇ид̇ваа д̇удтамаанасо бан̃жамам̣ г̇аат̇амааха –
Rājā sakkassa kathaṃ sutvā attano micchāgahaṇaṃ bhinditvā tuṭṭhamānaso pañcamaṃ gāthamāha –
112.
112.
‘‘лагкий вад̇а мз уд̣̇абаад̣̇и аж̇ж̇а, яам̣ ваасавам̣ бхууд̇абад̇ид̣̇д̣̇асаама;
‘‘Lakkhī vata me udapādi ajja, yaṃ vāsavaṃ bhūtapatiddasāma;
бхигкун̃жа д̣̇исваана д̇уван̃жа сагга, гаахаами бун̃н̃аани анаббагааний’’д̇и.
Bhikkhuñca disvāna tuvañca sakka, kāhāmi puññāni anappakānī’’ti.
д̇ад̇т̇а лагкийд̇и сирий, бан̃н̃аад̇иби вад̣̇анд̇и. ид̣̇ам̣ вуд̇д̇ам̣ ход̇и – аж̇ж̇а мама д̇ава важанам̣ сун̣анд̇ассзва гусалаагусалавибаагаж̇аананабан̃н̃аа уд̣̇абаад̣̇ийд̇и. яанд̇и нибаад̇амад̇д̇ам̣. бхууд̇абад̇ид̣̇д̣̇асаамаад̇и бхууд̇абад̇им̣ ад̣̇д̣̇асаама.
Tattha lakkhīti sirī, paññātipi vadanti. Idaṃ vuttaṃ hoti – ajja mama tava vacanaṃ suṇantasseva kusalākusalavipākajānanapaññā udapādīti. Yanti nipātamattaṃ. Bhūtapatiddasāmāti bhūtapatiṃ addasāma.
д̇ам̣ суд̇ваа сагго бан̣д̣ид̇асса т̇уд̇им̣ гаронд̇о чадтам̣ г̇аат̇амааха –
Taṃ sutvā sakko paṇḍitassa thutiṃ karonto chaṭṭhaṃ gāthamāha –
113.
113.
‘‘ад̣̇д̇хаа хавз сзвид̇аб̣б̣аа сабан̃н̃аа, б̣ахуссуд̇аа яз б̣ахутаанажинд̇ино;
‘‘Addhā have sevitabbā sapaññā, bahussutā ye bahuṭhānacintino;
бхигкун̃жа д̣̇исваана маман̃жа рааж̇а, гарохи бун̃н̃аани анаббагааний’’д̇и.
Bhikkhuñca disvāna mamañca rāja, karohi puññāni anappakānī’’ti.
д̇ад̇т̇а б̣ахутаанажинд̇инод̇и б̣ахууни гааран̣аани жинд̇анасамад̇т̇аа.
Tattha bahuṭhānacintinoti bahūni kāraṇāni cintanasamatthā.
д̇ам̣ суд̇ваа рааж̇аа осаанаг̇аат̇амааха –
Taṃ sutvā rājā osānagāthamāha –
114.
114.
‘‘аггод̇хано нижжабасаннажид̇д̇о, саб̣б̣аад̇ит̇ийяаажаяог̇о бхавид̇ваа;
‘‘Akkodhano niccapasannacitto, sabbātithīyācayogo bhavitvā;
нихажжа маанам̣ абхиваад̣̇аяиссам̣, суд̇ваана д̣̇звинд̣̇а субхаасид̇ааний’’д̇и.
Nihacca mānaṃ abhivādayissaṃ, sutvāna devinda subhāsitānī’’ti.
д̇ад̇т̇а саб̣б̣аад̇ит̇ийяаажаяог̇о бхавид̇ваад̇и саб̣б̣зсам̣ ад̇ит̇ийнам̣ ааг̇ад̇аанам̣ ааг̇анд̇угаанам̣ яам̣ яам̣ д̇з яаажанд̇и, д̇асса д̇асса яуд̇д̇о анужчавиго бхавид̇ваа, саб̣б̣ам̣ д̇зхи яаажид̇аяаажид̇ам̣ д̣̇ад̣̇амаанод̇и ад̇т̇о. суд̇ваана д̣̇звинд̣̇а субхаасид̇аанийд̇и д̇ава субхаасид̇аани суд̇ваа ахам̣ зваруубо бхависсаамийд̇и вад̣̇ад̇и.
Tattha sabbātithīyācayogo bhavitvāti sabbesaṃ atithīnaṃ āgatānaṃ āgantukānaṃ yaṃ yaṃ te yācanti, tassa tassa yutto anucchaviko bhavitvā, sabbaṃ tehi yācitayācitaṃ dadamānoti attho. Sutvāna devinda subhāsitānīti tava subhāsitāni sutvā ahaṃ evarūpo bhavissāmīti vadati.
зван̃жа бана вад̇ваа баасаад̣̇аа оруяха бажжзгаб̣уд̣̇д̇хам̣ ванд̣̇ид̇ваа згаманд̇ам̣ адтааси. бажжзгаб̣уд̣̇д̇хо аагаасз баллан̇гзна нисийд̣̇ид̇ваа ‘‘махаарааж̇а, виж̇ж̇аад̇харо на саман̣о, д̇вам̣ ид̇о бадтааяа ‘ад̇ужчо лого, ад̇т̇и д̇хаммигасаман̣аб̣раахман̣аа’д̇и н̃ад̇ваа д̣̇аанам̣ д̣̇зхи, сийлам̣ рагка, убосат̇агаммам̣ гарохий’’д̇и рааж̇аанам̣ овад̣̇и. саггоби саггаанубхаавзна аагаасз тад̇ваа ‘‘ид̇о бадтааяа аббамад̇д̇аа хот̇аа’’д̇и нааг̇араанам̣ оваад̣̇ам̣ д̣̇ад̇ваа ‘‘балаад̇аа саман̣аб̣раахман̣аа ааг̇ажчанд̇уу’’д̇и бхзрим̣ жараабзси. ат̇а д̇з убхоби сагадтаанамзва аг̇амам̣су. рааж̇аа д̇асса оваад̣̇з тад̇ваа д̣̇аанаад̣̇ийни бун̃н̃аани агааси.
Evañca pana vatvā pāsādā oruyha paccekabuddhaṃ vanditvā ekamantaṃ aṭṭhāsi. Paccekabuddho ākāse pallaṅkena nisīditvā ‘‘mahārāja, vijjādharo na samaṇo, tvaṃ ito paṭṭhāya ‘atuccho loko, atthi dhammikasamaṇabrāhmaṇā’ti ñatvā dānaṃ dehi, sīlaṃ rakkha, uposathakammaṃ karohī’’ti rājānaṃ ovadi. Sakkopi sakkānubhāvena ākāse ṭhatvā ‘‘ito paṭṭhāya appamattā hothā’’ti nāgarānaṃ ovādaṃ datvā ‘‘palātā samaṇabrāhmaṇā āgacchantū’’ti bheriṃ carāpesi. Atha te ubhopi sakaṭṭhānameva agamaṃsu. Rājā tassa ovāde ṭhatvā dānādīni puññāni akāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бажжзгаб̣уд̣̇д̇хо бариниб̣б̣уд̇о, рааж̇аа аананд̣̇о ахоси, сагго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā paccekabuddho parinibbuto, rājā ānando ahosi, sakko pana ahameva ahosi’’nti.
виж̇ж̇аад̇хараж̇аад̇агаван̣н̣анаа чадтаа.
Vijjādharajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 391. виж̇ж̇аад̇хараж̇аад̇агам̣ • 391. Vijjādharajātakaṃ
