| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
3. виж̇ж̇аасуд̇д̇ам̣
3. Vijjāsuttaṃ
40. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
40. Vuttañhetaṃ bhagavatā, vuttamarahatāti me sutaṃ –
‘‘авиж̇ж̇аа , бхигкавз, буб̣б̣ан̇г̇амаа агусалаанам̣ д̇хаммаанам̣ самаабад̇д̇ияаа анвад̣̇зва ахиригам̣ анод̇д̇аббам̣; виж̇ж̇аа жа ко, бхигкавз, буб̣б̣ан̇г̇амаа гусалаанам̣ д̇хаммаанам̣ самаабад̇д̇ияаа анвад̣̇зва хирод̇д̇абба’’нд̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Avijjā , bhikkhave, pubbaṅgamā akusalānaṃ dhammānaṃ samāpattiyā anvadeva ahirikaṃ anottappaṃ; vijjā ca kho, bhikkhave, pubbaṅgamā kusalānaṃ dhammānaṃ samāpattiyā anvadeva hirottappa’’nti. Etamatthaṃ bhagavā avoca. Tatthetaṃ iti vuccati –
‘‘яаа гаажимаа д̣̇уг̇г̇ад̇ияо, асмим̣ логз барамхи жа;
‘‘Yā kācimā duggatiyo, asmiṃ loke paramhi ca;
авиж̇ж̇аамуулигаа саб̣б̣аа, ижчаалобхасамуссаяаа.
Avijjāmūlikā sabbā, icchālobhasamussayā.
‘‘яад̇о жа ход̇и баабижчо, ахирийго анаад̣̇аро;
‘‘Yato ca hoti pāpiccho, ahirīko anādaro;
д̇ад̇о баабам̣ басавад̇и, абааяам̣ д̇зна г̇ажчад̇и.
Tato pāpaṃ pasavati, apāyaṃ tena gacchati.
‘‘д̇асмаа чанд̣̇ан̃жа лобхан̃жа, авиж̇ж̇ан̃жа вирааж̇аяам̣;
‘‘Tasmā chandañca lobhañca, avijjañca virājayaṃ;
виж̇ж̇ам̣ уббаад̣̇аяам̣ бхигку, саб̣б̣аа д̣̇уг̇г̇ад̇ияо ж̇ахз’’д̇и.
Vijjaṃ uppādayaṃ bhikkhu, sabbā duggatiyo jahe’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̇ад̇ияам̣.
Ayampi attho vutto bhagavatā, iti me sutanti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 3. виж̇ж̇аасуд̇д̇аван̣н̣анаа • 3. Vijjāsuttavaṇṇanā
