| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. විජ්‌ජාසුත්‌තං
2. Vijjāsuttaṃ
114. සාවත්‌ථිනිදානං. එකමන්‌තං නිසින්‌නො ඛො සො භික්‌ඛු භගවන්‌තං එතදවොච – ‘‘‘විජ්‌ජා විජ්‌ජා’ති, භන්‌තෙ, වුච්‌චති. කතමා නු ඛො, භන්‌තෙ, විජ්‌ජා, කිත්‌තාවතා ච විජ්‌ජාගතො හොතී’’ති? ‘‘ඉධ, භික්‌ඛු, සුතවා අරියසාවකො රූපං පජානාති, රූපසමුදයං පජානාති, රූපනිරොධං පජානාති, රූපනිරොධගාමිනිං පටිපදං පජානාති. වෙදනං… සඤ්‌ඤං… සඞ්‌ඛාරෙ පජානාති…පෙ.… විඤ්‌ඤාණනිරොධගාමිනිං පටිපදං පජානාති. අයං වුච්‌චති, භික්‌ඛු, විජ්‌ජා. එත්‌තාවතා ච විජ්‌ජාගතො හොතී’’ති. දුතියං.
114. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘‘vijjā vijjā’ti, bhante, vuccati. Katamā nu kho, bhante, vijjā, kittāvatā ca vijjāgato hotī’’ti? ‘‘Idha, bhikkhu, sutavā ariyasāvako rūpaṃ pajānāti, rūpasamudayaṃ pajānāti, rūpanirodhaṃ pajānāti, rūpanirodhagāminiṃ paṭipadaṃ pajānāti. Vedanaṃ… saññaṃ… saṅkhāre pajānāti…pe… viññāṇanirodhagāminiṃ paṭipadaṃ pajānāti. Ayaṃ vuccati, bhikkhu, vijjā. Ettāvatā ca vijjāgato hotī’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-2. අවිජ්‌ජාසුත්‌තාදිවණ්‌ණනා • 1-2. Avijjāsuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-2. අවිජ්‌ජාසුත්‌තාදිවණ්‌ණනා • 1-2. Avijjāsuttādivaṇṇanā
