| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. вигаалабхож̇анасигкаабад̣̇аван̣н̣анаа
7. Vikālabhojanasikkhāpadavaṇṇanā
247. сад̇д̇амасигкаабад̣̇з – г̇ираг̇г̇асамаж̇ж̇од̇и г̇иримхи аг̇г̇асамаж̇ж̇о, г̇ирисса ваа аг̇г̇ад̣̇зсз самаж̇ж̇о. со гира сад̇д̇амз д̣̇ивасз бхависсад̇ийд̇и наг̇арз гхосанаа гарияад̇и, наг̇арасса б̣ахид̣̇д̇хаа самз бхуумибхааг̇з баб̣б̣ад̇ажчааяааяа махааж̇анагааяо саннибад̇ад̇и, анзгаббагаараани наданаадагаани бавад̇д̇анд̇и, д̇зсам̣ д̣̇ассанад̇т̇ам̣ ман̃жаад̇иман̃жз б̣анд̇ханд̇и. сад̇д̇арасаваг̇г̇ияаа абан̃н̃ад̇д̇з сигкаабад̣̇з д̣̇ахараава убасамбаннаа, д̇з ‘‘наадагаани аавусо бассиссаамаа’’д̇и д̇ад̇т̇а аг̇амам̣су. ат̇а нзсам̣ н̃аад̇агаа ‘‘амхаагам̣ аяяаа ааг̇ад̇аа’’д̇и д̇удтажид̇д̇аа нхаабзд̇ваа вилимбзд̇ваа бхож̇зд̇ваа ан̃н̃амби буувакаад̣̇анийяаад̣̇им̣ хад̇т̇з ад̣̇ам̣су. д̇з санд̇хааяа вуд̇д̇ам̣ – ‘‘мануссаа сад̇д̇арасаваг̇г̇ияз бхигкуу бассид̇ваа’’д̇иаад̣̇и.
247. Sattamasikkhāpade – giraggasamajjoti girimhi aggasamajjo, girissa vā aggadese samajjo. So kira sattame divase bhavissatīti nagare ghosanā kariyati, nagarassa bahiddhā same bhūmibhāge pabbatacchāyāya mahājanakāyo sannipatati, anekappakārāni naṭanāṭakāni pavattanti, tesaṃ dassanatthaṃ mañcātimañce bandhanti. Sattarasavaggiyā apaññatte sikkhāpade daharāva upasampannā, te ‘‘nāṭakāni āvuso passissāmā’’ti tattha agamaṃsu. Atha nesaṃ ñātakā ‘‘amhākaṃ ayyā āgatā’’ti tuṭṭhacittā nhāpetvā vilimpetvā bhojetvā aññampi pūvakhādanīyādiṃ hatthe adaṃsu. Te sandhāya vuttaṃ – ‘‘manussā sattarasavaggiye bhikkhū passitvā’’tiādi.
248-9. вигаалзд̇и виг̇ад̇з гаалз. гаалод̇и бхигкуунам̣ бхож̇анагаало ад̇хиббзд̇о, со жа саб̣б̣анд̇имзна барижчзд̣̇зна маж̇жханхиго, д̇асмим̣ вийд̇ивад̇д̇зд̇и ад̇хиббааяо. д̇знзвасса бад̣̇абхааж̇анз ‘‘вигаало наама маж̇жханхигз вийд̇ивад̇д̇з яаава арун̣уг̇г̇аманаа’’д̇и вуд̇д̇ам̣, тид̇амаж̇жханхигоби гааласан̇г̇ахам̣ г̇ажчад̇и. д̇ад̇о бадтааяа бана каад̣̇ид̇ум̣ ваа бхун̃ж̇ид̇ум̣ ваа на саггаа, сахасаа бивид̇ум̣ саггаа бхавзяяа, гуггужжагзна бана на гад̇д̇аб̣б̣ам̣. гаалабарижчзд̣̇аж̇аананад̇т̇ан̃жа гаалад̇т̇амбхо яож̇зд̇аб̣б̣о, гааланд̇арзва бхад̇д̇агижжам̣ гаад̇аб̣б̣ам̣.
248-9.Vikāleti vigate kāle. Kāloti bhikkhūnaṃ bhojanakālo adhippeto, so ca sabbantimena paricchedena majjhanhiko, tasmiṃ vītivatteti adhippāyo. Tenevassa padabhājane ‘‘vikālo nāma majjhanhike vītivatte yāva aruṇuggamanā’’ti vuttaṃ, ṭhitamajjhanhikopi kālasaṅgahaṃ gacchati. Tato paṭṭhāya pana khādituṃ vā bhuñjituṃ vā na sakkā, sahasā pivituṃ sakkā bhaveyya, kukkuccakena pana na kattabbaṃ. Kālaparicchedajānanatthañca kālatthambho yojetabbo, kālantareva bhattakiccaṃ kātabbaṃ.
авасзсам̣ каад̣̇анийяам̣ наамаад̇и зд̇т̇а яам̣ д̇аава сагкалимод̣̇агаад̣̇ибуб̣б̣ан̣н̣аабаран̣н̣амаяам̣, д̇ад̇т̇а вад̇д̇аб̣б̣амзва над̇т̇и. яамби ванамуулаад̣̇иббабхзд̣̇ам̣ аамисаг̇ад̇игам̣ ход̇и, сзяяат̇ид̣̇ам̣ – муулакаад̣̇анийяам̣ ганд̣̇акаад̣̇анийяам̣ муул̣аалакаад̣̇анийяам̣ мад̇т̇агакаад̣̇анийяам̣ канд̇хакаад̣̇анийяам̣ д̇ажакаад̣̇анийяам̣ бад̇д̇акаад̣̇анийяам̣ бубпакаад̣̇анийяам̣ палакаад̣̇анийяам̣ адтикаад̣̇анийяам̣ бидтакаад̣̇анийяам̣ нияяаасакаад̣̇анийяанд̇и, ид̣̇амби каад̣̇анийяасан̇кяамзва г̇ажчад̇и.
Avasesaṃkhādanīyaṃ nāmāti ettha yaṃ tāva sakkhalimodakādipubbaṇṇāparaṇṇamayaṃ, tattha vattabbameva natthi. Yampi vanamūlādippabhedaṃ āmisagatikaṃ hoti, seyyathidaṃ – mūlakhādanīyaṃ kandakhādanīyaṃ mūḷālakhādanīyaṃ matthakakhādanīyaṃ khandhakhādanīyaṃ tacakhādanīyaṃ pattakhādanīyaṃ pupphakhādanīyaṃ phalakhādanīyaṃ aṭṭhikhādanīyaṃ piṭṭhakhādanīyaṃ niyyāsakhādanīyanti, idampi khādanīyasaṅkhyameva gacchati.
д̇ад̇т̇а бана аамисаг̇ад̇игасаллагкан̣ад̇т̇ам̣ ид̣̇ам̣ мукамад̇д̇анид̣̇ассанам̣ – муулакаад̣̇анийяз д̇аава муулагамуулам̣ каарагамуулам̣ жажжумуулам̣ д̇амб̣агамуулам̣ д̇ан̣д̣улзяяагамуулам̣ вад̇т̇улзяяагамуулам̣ важ̇агалимуулам̣ ж̇аж̇жхариймууланд̇и звамаад̣̇ийни суубзяяабан̣н̣амуулаани аамисаг̇ад̇игаани. зд̇т̇а жа важ̇агалимуулз ж̇арадтам̣ чинд̣̇ид̇ваа чад̣д̣знд̇и, д̇ам̣ яааваж̇ийвигам̣ ход̇и. ан̃н̃амби зваруубам̣ зд̇знзва наязна взд̣̇ид̇аб̣б̣ам̣. муулагакаарагаж̇аж̇жхариймуулаанам̣ бана ж̇арадтааниби аамисаг̇ад̇игаанзваад̇и вуд̇д̇ам̣. яаани бана баал̣ияам̣ –
Tattha pana āmisagatikasallakkhaṇatthaṃ idaṃ mukhamattanidassanaṃ – mūlakhādanīye tāva mūlakamūlaṃ khārakamūlaṃ caccumūlaṃ tambakamūlaṃ taṇḍuleyyakamūlaṃ vatthuleyyakamūlaṃ vajakalimūlaṃ jajjharīmūlanti evamādīni sūpeyyapaṇṇamūlāni āmisagatikāni. Ettha ca vajakalimūle jaraṭṭhaṃ chinditvā chaḍḍenti, taṃ yāvajīvikaṃ hoti. Aññampi evarūpaṃ eteneva nayena veditabbaṃ. Mūlakakhārakajajjharīmūlānaṃ pana jaraṭṭhānipi āmisagatikānevāti vuttaṃ. Yāni pana pāḷiyaṃ –
‘‘ануж̇аанаами , бхигкавз, муулаани бхзсаж̇ж̇аани халид̣̇д̣̇им̣ син̇г̇ивзрам̣ важам̣ важад̇д̇ам̣ ад̇ивисам̣ гадугарохин̣им̣ усийрам̣ бхад̣̇д̣̇амуд̇д̇агам̣, яаани ваа банан̃н̃ааниби ад̇т̇и муулаани бхзсаж̇ж̇аани нзва каад̣̇анийяз каад̣̇анийяад̇т̇ам̣ паранд̇и, на бхож̇анийяз бхож̇анийяад̇т̇ам̣ паранд̇ий’’д̇и (махаава. 263) –
‘‘Anujānāmi , bhikkhave, mūlāni bhesajjāni haliddiṃ siṅgiveraṃ vacaṃ vacattaṃ ativisaṃ kaṭukarohiṇiṃ usīraṃ bhaddamuttakaṃ, yāni vā panaññānipi atthi mūlāni bhesajjāni neva khādanīye khādanīyatthaṃ pharanti, na bhojanīye bhojanīyatthaṃ pharantī’’ti (mahāva. 263) –
вуд̇д̇аани, д̇аани яааваж̇ийвигаани. д̇зсам̣ жуул̣абан̃жамуулам̣ махаабан̃жамууланд̇иаад̣̇инаа наязна г̇ан̣ияамаанаанам̣ г̇ан̣анааяа анд̇о над̇т̇и. каад̣̇анийяад̇т̇ам̣ бхож̇анийяад̇т̇ан̃жа паран̣аабхаавоязва бана д̇зсам̣ лагкан̣ам̣. д̇асмаа яам̣гин̃жи муулам̣ д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ам̣ бхож̇анийяад̇т̇ан̃жа парад̇и, д̇ам̣ яаавагаалигам̣; ид̇арам̣ яааваж̇ийвиганд̇и взд̣̇ид̇аб̣б̣ам̣. д̇зсу б̣ахум̣ вад̇вааби хи имасмим̣язва лагкан̣з таад̇аб̣б̣ам̣. наамасан̃н̃аасу бана вужжамаанаасу д̇ам̣ д̇ам̣ наамам̣ аж̇аананд̇аанам̣ саммохоязва ход̇и, д̇асмаа наамасан̃н̃ааяа аад̣̇арам̣ агад̇ваа лагкан̣амзва д̣̇ассид̇ам̣.
Vuttāni, tāni yāvajīvikāni. Tesaṃ cūḷapañcamūlaṃ mahāpañcamūlantiādinā nayena gaṇiyamānānaṃ gaṇanāya anto natthi. Khādanīyatthaṃ bhojanīyatthañca pharaṇābhāvoyeva pana tesaṃ lakkhaṇaṃ. Tasmā yaṃkiñci mūlaṃ tesu tesu janapadesu pakatiāhāravasena manussānaṃ khādanīyatthaṃ bhojanīyatthañca pharati, taṃ yāvakālikaṃ; itaraṃ yāvajīvikanti veditabbaṃ. Tesu bahuṃ vatvāpi hi imasmiṃyeva lakkhaṇe ṭhātabbaṃ. Nāmasaññāsu pana vuccamānāsu taṃ taṃ nāmaṃ ajānantānaṃ sammohoyeva hoti, tasmā nāmasaññāya ādaraṃ akatvā lakkhaṇameva dassitaṃ.
яат̇аа жа муулз; звам̣ ганд̣̇аад̣̇ийсуби яам̣ лагкан̣ам̣ д̣̇ассид̇ам̣, д̇ассзва васзна винижчаяо взд̣̇ид̇аб̣б̣о. яан̃жа д̇ам̣ баал̣ияам̣ халид̣̇д̣̇аад̣̇и адтавид̇хам̣ вуд̇д̇ам̣, д̇асса канд̇хад̇ажабубпапаламби саб̣б̣ам̣ яааваж̇ийвиганд̇и вуд̇д̇ам̣.
Yathā ca mūle; evaṃ kandādīsupi yaṃ lakkhaṇaṃ dassitaṃ, tasseva vasena vinicchayo veditabbo. Yañca taṃ pāḷiyaṃ haliddādi aṭṭhavidhaṃ vuttaṃ, tassa khandhatacapupphaphalampi sabbaṃ yāvajīvikanti vuttaṃ.
ганд̣̇акаад̣̇анийяз д̣̇увид̇хо ганд̣̇о – д̣̇ийгхо жа рассо жа бхисагим̣сугаганд̣̇аад̣̇и ваддо уббалагасзругаганд̣̇аад̣̇и, яам̣ ‘‘г̇ан̣тий’’д̇иби вад̣̇анд̇и. д̇ад̇т̇а саб̣б̣зсам̣ ганд̣̇аанам̣ ж̇ин̣н̣аж̇арадтаанан̃жа чалли жа сукумамуулаани жа яааваж̇ийвигаани. д̇арун̣о бана сукакаад̣̇анийяо, саалагаляаан̣ийбод̇агаганд̣̇о гим̣сугабод̇агаганд̣̇о амб̣аадагаганд̣̇о гзд̇агаганд̣̇о маалуваганд̣̇о бхисасан̇каад̇о бад̣̇умабун̣д̣арийгаганд̣̇о бин̣д̣аалумасаалуаад̣̇аяо жа кийраваллиганд̣̇о аалуваганд̣̇о сиг̇г̇уганд̣̇о д̇аалаганд̣̇о нийлуббаларад̇д̇уббалагумуд̣̇асог̇анд̇хигаанам̣ ганд̣̇аа гад̣̇алиганд̣̇о взл̣уганд̣̇о гасзругаганд̣̇од̇и звамаад̣̇аяо д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ан̃жа бхож̇анийяад̇т̇ан̃жа паран̣агаганд̣̇аа яаавагаалигаа.
Kandakhādanīye duvidho kando – dīgho ca rasso ca bhisakiṃsukakandādi vaṭṭo uppalakaserukakandādi, yaṃ ‘‘gaṇṭhī’’tipi vadanti. Tattha sabbesaṃ kandānaṃ jiṇṇajaraṭṭhānañca challi ca sukhumamūlāni ca yāvajīvikāni. Taruṇo pana sukhakhādanīyo, sālakalyāṇīpotakakando kiṃsukapotakakando ambāṭakakando ketakakando māluvakando bhisasaṅkhāto padumapuṇḍarīkakando piṇḍālumasāluādayo ca khīravallikando āluvakando siggukando tālakando nīluppalarattuppalakumudasogandhikānaṃ kandā kadalikando veḷukando kaserukakandoti evamādayo tesu tesu janapadesu pakatiāhāravasena manussānaṃ khādanīyatthañca bhojanīyatthañca pharaṇakakandā yāvakālikā.
кийраваллиганд̣̇о ад̇ход̇о яааваж̇ийвиго, д̇ход̇о яаавагаалиго. кийрагааголийж̇ийвигаусабхагаласун̣аад̣̇иганд̣̇аа бана яааваж̇ийвигаа. д̇з баал̣ияам̣ – ‘‘яаани ваа банан̃н̃ааниби ад̇т̇и муулаани бхзсаж̇ж̇ааний’’д̇и звам̣ муулабхзсаж̇ж̇асан̇г̇ахзнзва сан̇г̇ахид̇аа.
Khīravallikando adhoto yāvajīviko, dhoto yāvakāliko. Khīrakākolījīvikausabhakalasuṇādikandā pana yāvajīvikā. Te pāḷiyaṃ – ‘‘yāni vā panaññānipi atthi mūlāni bhesajjānī’’ti evaṃ mūlabhesajjasaṅgaheneva saṅgahitā.
муул̣аалакаад̣̇анийяз бана бад̣̇умамуул̣аалам̣ бун̣д̣арийгамул̣ааласад̣̇исамзва. зрагамуулам̣ ганд̣̇уламууланд̇и звамаад̣̇и д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ан̃жа бхож̇анийяад̇т̇ан̃жа паран̣агамул̣аалам̣ яаавагаалигам̣. халид̣̇д̣̇исин̇г̇ивзрамагажижад̇урассаваллигзд̇агад̇аалахинд̇аалагунд̇ааланаал̣игзрабууг̇аругкаад̣̇имул̣аалам̣ бана яааваж̇ийвигам̣, д̇ам̣ саб̣б̣амби баал̣ияам̣ – ‘‘яаани ваа банан̃н̃ааниби ад̇т̇и муулаани бхзсаж̇ж̇ааний’’д̇и (махаава. 263) звам̣ муулабхзсаж̇ж̇асан̇г̇ахзнзва сан̇г̇ахид̇ам̣.
Mūḷālakhādanīye pana padumamūḷālaṃ puṇḍarīkamuḷālasadisameva. Erakamūlaṃ kandulamūlanti evamādi tesu tesu janapadesu pakatiāhāravasena manussānaṃ khādanīyatthañca bhojanīyatthañca pharaṇakamuḷālaṃ yāvakālikaṃ. Haliddisiṅgiveramakacicaturassavalliketakatālahintālakuntālanāḷikerapūgarukkhādimuḷālaṃ pana yāvajīvikaṃ, taṃ sabbampi pāḷiyaṃ – ‘‘yāni vā panaññānipi atthi mūlāni bhesajjānī’’ti (mahāva. 263) evaṃ mūlabhesajjasaṅgaheneva saṅgahitaṃ.
мад̇т̇агакаад̣̇анийяз д̇аалахинд̇аалагунд̇аалагзд̇аганаал̣игзрабууг̇аругкакаж̇ж̇уурийвзд̇д̇азрагагад̣̇алийнам̣ гал̣ийрасан̇каад̇аа мад̇т̇агаа взн̣угал̣ийро нал̣агал̣ийро ужчугал̣ийро муулагагал̣ийро саасабагал̣ийро сад̇ааваригал̣ийро сад̇д̇аннам̣ д̇хан̃н̃аанам̣ гал̣ийраад̇и звамаад̣̇и д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ам̣ бхож̇анийяад̇т̇ан̃жа паран̣аго ругкаваллиаад̣̇ийнам̣ мад̇т̇аго яаавагаалиго. халид̣̇д̣̇исин̇г̇ивзраважамагажиласун̣аанам̣гал̣ийраа д̇аалахинд̇аалагунд̇ааланаал̣игзрагал̣ийраанан̃жа чинд̣̇ид̇ваа баад̇ид̇о ж̇арадтаб̣унд̣̇о яааваж̇ийвиго.
Matthakakhādanīye tālahintālakuntālaketakanāḷikerapūgarukkhakhajjūrīvettaerakakadalīnaṃ kaḷīrasaṅkhātā matthakā veṇukaḷīro naḷakaḷīro ucchukaḷīro mūlakakaḷīro sāsapakaḷīro satāvarikaḷīro sattannaṃ dhaññānaṃ kaḷīrāti evamādi tesu tesu janapadesu pakatiāhāravasena manussānaṃ khādanīyatthaṃ bhojanīyatthañca pharaṇako rukkhavalliādīnaṃ matthako yāvakāliko. Haliddisiṅgiveravacamakacilasuṇānaṃkaḷīrā tālahintālakuntālanāḷikerakaḷīrānañca chinditvā pātito jaraṭṭhabundo yāvajīviko.
канд̇хакаад̣̇анийяз анд̇обат̇авийг̇ад̇о саалагаляаан̣ийканд̇хо ужчуканд̇хо нийлуббаларад̇д̇уббалагумуд̣̇асог̇анд̇хигаанам̣ канд̇хагаад̇и звамаад̣̇и д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ам̣ бхож̇анийяад̇т̇ан̃жа паран̣аго канд̇хо яаавагаалиго. уббалаж̇аад̇ийнам̣ бан̣н̣ад̣̇ан̣д̣аго бад̣̇умаж̇аад̇ийнам̣ саб̣б̣оби д̣̇ан̣д̣аго гааравинд̣̇агад̣̇ан̣д̣аад̣̇аяо жа авасзсасаб̣б̣аканд̇хаа яааваж̇ийвигаа.
Khandhakhādanīye antopathavīgato sālakalyāṇīkhandho ucchukhandho nīluppalarattuppalakumudasogandhikānaṃ khandhakāti evamādi tesu tesu janapadesu pakatiāhāravasena manussānaṃ khādanīyatthaṃ bhojanīyatthañca pharaṇako khandho yāvakāliko. Uppalajātīnaṃ paṇṇadaṇḍako padumajātīnaṃ sabbopi daṇḍako kāravindakadaṇḍādayo ca avasesasabbakhandhā yāvajīvikā.
д̇ажакаад̣̇анийяз ужчуд̇ажова зго яаавагаалиго, соби сарасо. сзсо саб̣б̣о яааваж̇ийвиго. д̇зсам̣ бана мад̇т̇агаканд̇хад̇ажаанам̣ д̇ин̣н̣ам̣ баал̣ияам̣ гасаавабхзсаж̇ж̇зна сан̇г̇ахо взд̣̇ид̇аб̣б̣о. вуд̇д̇ан̃хзд̇ам̣ –
Tacakhādanīye ucchutacova eko yāvakāliko, sopi saraso. Seso sabbo yāvajīviko. Tesaṃ pana matthakakhandhatacānaṃ tiṇṇaṃ pāḷiyaṃ kasāvabhesajjena saṅgaho veditabbo. Vuttañhetaṃ –
‘‘ануж̇аанаами, бхигкавз, гасааваани бхзсаж̇ж̇аани нимб̣агасаавам̣, гудаж̇агасаавам̣, бадолагасаавам̣, паг̇г̇авагасаавам̣ над̇д̇амаалагасаавам̣, яаани ваа банан̃н̃ааниби ад̇т̇и гасааваани бхзсаж̇ж̇аани нзва каад̣̇анийяз каад̣̇анийяад̇т̇ам̣ паранд̇и, на бхож̇анийяз бхож̇анийяад̇т̇ам̣ паранд̇ий’’д̇и (махаава. 263).
‘‘Anujānāmi, bhikkhave, kasāvāni bhesajjāni nimbakasāvaṃ, kuṭajakasāvaṃ, paṭolakasāvaṃ, phaggavakasāvaṃ nattamālakasāvaṃ, yāni vā panaññānipi atthi kasāvāni bhesajjāni neva khādanīye khādanīyatthaṃ pharanti, na bhojanīye bhojanīyatthaṃ pharantī’’ti (mahāva. 263).
зд̇т̇а хи зд̇зсамби сан̇г̇ахо сиж̇жхад̇и. вуд̇д̇агасааваани жа саб̣б̣аани габбияаанийд̇и взд̣̇ид̇аб̣б̣аани.
Ettha hi etesampi saṅgaho sijjhati. Vuttakasāvāni ca sabbāni kappiyānīti veditabbāni.
бад̇д̇акаад̣̇анийяз муулагам̣ каараго жажжу д̇амб̣аго д̇ан̣д̣улзяяаго бабуннааг̇о вад̇т̇улзяяаго важ̇агали ж̇аж̇жхарий сзллу сиг̇г̇у гаасамад̣̇д̣̇аго уммаа жийнамуг̇г̇о маасо рааж̇амаасо табзд̇ваа махаанибпаавам̣ авасзсанибпааво аг̇г̇имант̇о сунисаннаго сзд̇аваран̣о наал̣игаа бхуумияам̣ ж̇аад̇алон̣ийд̇и зд̇зсам̣ бад̇д̇аани ан̃н̃аани жа зваруубаани д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ам̣ бхож̇анийяад̇т̇ан̃жа паран̣агаани бад̇д̇аани згам̣сзна яаавагаалигаани. яаа банан̃н̃аа махаанакабидтимад̇д̇аа бан̣н̣алон̣и ругкз жа г̇ажчз жа аарохад̇и, д̇ассаа бад̇д̇ам̣ яааваж̇ийвигам̣. б̣рахмийбад̇д̇ан̃жа яаавагаалиганд̇и д̣̇ийбаваасино вад̣̇анд̇и. амб̣абаллавам̣ яаавагаалигам̣, асогабаллавам̣ бана яааваж̇ийвигам̣.
Pattakhādanīye mūlakaṃ khārako caccu tambako taṇḍuleyyako papunnāgo vatthuleyyako vajakali jajjharī sellu siggu kāsamaddako ummā cīnamuggo māso rājamāso ṭhapetvā mahānipphāvaṃ avasesanipphāvo aggimantho sunisannako setavaraṇo nāḷikā bhūmiyaṃ jātaloṇīti etesaṃ pattāni aññāni ca evarūpāni tesu tesu janapadesu pakatiāhāravasena manussānaṃ khādanīyatthaṃ bhojanīyatthañca pharaṇakāni pattāni ekaṃsena yāvakālikāni. Yā panaññā mahānakhapiṭṭhimattā paṇṇaloṇi rukkhe ca gacche ca ārohati, tassā pattaṃ yāvajīvikaṃ. Brahmīpattañca yāvakālikanti dīpavāsino vadanti. Ambapallavaṃ yāvakālikaṃ, asokapallavaṃ pana yāvajīvikaṃ.
яаани ваа банан̃н̃аани баал̣ияам̣ –
Yāni vā panaññāni pāḷiyaṃ –
‘‘ануж̇аанаами, бхигкавз, бан̣н̣аани бхзсаж̇ж̇аани нимб̣абан̣н̣ам̣ гудаж̇абан̣н̣ам̣ бадолабан̣н̣ам̣ суласибан̣н̣ам̣ габбаасагабан̣н̣ам̣ яаани ваа банан̃н̃ааниби ад̇т̇и бан̣н̣аани бхзсаж̇ж̇аани нзва каад̣̇анийяз каад̣̇анийяад̇т̇ам̣ паранд̇и на бхож̇анийяз бхож̇анийяад̇т̇ам̣ паранд̇ий’’д̇и (махаава. 263) –
‘‘Anujānāmi, bhikkhave, paṇṇāni bhesajjāni nimbapaṇṇaṃ kuṭajapaṇṇaṃ paṭolapaṇṇaṃ sulasipaṇṇaṃ kappāsakapaṇṇaṃ yāni vā panaññānipi atthi paṇṇāni bhesajjāni neva khādanīye khādanīyatthaṃ pharanti na bhojanīye bhojanīyatthaṃ pharantī’’ti (mahāva. 263) –
вуд̇д̇аани, д̇аани яааваж̇ийвигаани. на гзвалан̃жа бан̣н̣ааниязва д̇зсам̣ бубпапалаад̣̇ийниби яааваж̇ийвигаани. бан̣н̣аанам̣ паг̇г̇авабан̣н̣ам̣ аж̇ж̇угабан̣н̣ам̣ пан̣иж̇ж̇агабан̣н̣ам̣ бадолабан̣н̣ам̣ д̇амб̣уулабан̣н̣ам̣ бад̣̇уминибан̣н̣анд̇и звам̣ г̇ан̣анавасзна анд̇о над̇т̇и.
Vuttāni, tāni yāvajīvikāni. Na kevalañca paṇṇāniyeva tesaṃ pupphaphalādīnipi yāvajīvikāni. Paṇṇānaṃ phaggavapaṇṇaṃ ajjukapaṇṇaṃ phaṇijjakapaṇṇaṃ paṭolapaṇṇaṃ tambūlapaṇṇaṃ paduminipaṇṇanti evaṃ gaṇanavasena anto natthi.
бубпакаад̣̇анийяз муулагабубпам̣ каарагабубпам̣ жажжубубпам̣ д̇амб̣агабубпам̣ важ̇агалибубпам̣ ж̇аж̇жхарийбубпам̣ жуул̣анибпаавабубпам̣ махаанибпаавабубпам̣ гасзругабубпам̣ наал̣игзрад̇аалагзд̇агаанам̣ д̇арун̣абубпаани сзд̇аваран̣абубпам̣ сиг̇г̇убубпам̣ уббалабад̣̇умаж̇аад̇игаанам̣ бубпаани ган̣н̣игамад̇д̇ам̣ аг̇анд̇хигабубпам̣ гал̣ийрабубпам̣ ж̇ийванд̇ийбубпанд̇и звамаад̣̇и д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ам̣ бхож̇анийяад̇т̇ан̃жа паран̣агабубпам̣ яаавагаалигам̣. асогаб̣агулагуяяагабуннааг̇ажамбагаж̇аад̇иган̣авийраган̣игаарагунд̣̇анавамаалигамаллигаад̣̇ийнам̣ бана бубпам̣ яааваж̇ийвигам̣ д̇асса г̇ан̣анааяа анд̇о над̇т̇и. баал̣ияам̣ банасса гасаавабхзсаж̇ж̇знзва сан̇г̇ахо взд̣̇ид̇аб̣б̣о.
Pupphakhādanīye mūlakapupphaṃ khārakapupphaṃ caccupupphaṃ tambakapupphaṃ vajakalipupphaṃ jajjharīpupphaṃ cūḷanipphāvapupphaṃ mahānipphāvapupphaṃ kaserukapupphaṃ nāḷikeratālaketakānaṃ taruṇapupphāni setavaraṇapupphaṃ siggupupphaṃ uppalapadumajātikānaṃ pupphāni kaṇṇikamattaṃ agandhikapupphaṃ kaḷīrapupphaṃ jīvantīpupphanti evamādi tesu tesu janapadesu pakatiāhāravasena manussānaṃ khādanīyatthaṃ bhojanīyatthañca pharaṇakapupphaṃ yāvakālikaṃ. Asokabakulakuyyakapunnāgacampakajātikaṇavīrakaṇikārakundanavamālikamallikādīnaṃ pana pupphaṃ yāvajīvikaṃ tassa gaṇanāya anto natthi. Pāḷiyaṃ panassa kasāvabhesajjeneva saṅgaho veditabbo.
палакаад̣̇анийяз банасалаб̣уж̇ад̇ааланаал̣игзраамб̣аж̇амб̣ууамб̣аадагад̇инд̇ин̣игамаад̇улун̇г̇агабид̇т̇алааб̣угумбхан̣д̣абуссапалад̇имб̣аруусагад̇ибусаваад̇ин̇г̇ан̣ажожаможамад̇хугаад̣̇ийнам̣ палаани яаани логз д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ам̣ бхож̇анийяад̇т̇ан̃жа паранд̇и, саб̣б̣аани д̇аани яаавагаалигаани. наамаг̇ан̣анавасзна нзсам̣ на саггаа барияанд̇ам̣ д̣̇ассзд̇ум̣. яаани бана баал̣ияам̣ –
Phalakhādanīye panasalabujatālanāḷikeraambajambūambāṭakatintiṇikamātuluṅgakapitthalābukumbhaṇḍapussaphalatimbarūsakatipusavātiṅgaṇacocamocamadhukādīnaṃ phalāni yāni loke tesu tesu janapadesu pakatiāhāravasena manussānaṃ khādanīyatthaṃ bhojanīyatthañca pharanti, sabbāni tāni yāvakālikāni. Nāmagaṇanavasena nesaṃ na sakkā pariyantaṃ dassetuṃ. Yāni pana pāḷiyaṃ –
‘‘ануж̇аанаами, бхигкавз, палаани бхзсаж̇ж̇аани – б̣илан̇г̇ам̣, бибпалим̣, марижам̣, харийд̇агам̣, вибхийд̇агам̣, аамалагам̣, г̇одтапалам̣, яаани ваа банан̃н̃ааниби ад̇т̇и палаани бхзсаж̇ж̇аани нзва каад̣̇анийяз каад̣̇анийяад̇т̇ам̣ паранд̇и на бхож̇анийяз бхож̇анийяад̇т̇ам̣ паранд̇ий’’д̇и (махаава. 263) –
‘‘Anujānāmi, bhikkhave, phalāni bhesajjāni – bilaṅgaṃ, pipphaliṃ, maricaṃ, harītakaṃ, vibhītakaṃ, āmalakaṃ, goṭṭhaphalaṃ, yāni vā panaññānipi atthi phalāni bhesajjāni neva khādanīye khādanīyatthaṃ pharanti na bhojanīye bhojanīyatthaṃ pharantī’’ti (mahāva. 263) –
вуд̇д̇аани, д̇аани яааваж̇ийвигаани. д̇зсамби абарибаггаани ажчива б̣имб̣аваран̣агзд̇агагаасмарийаад̣̇ийнам̣ палаани ж̇аад̇ипалам̣ гадугапалам̣ зл̣аа д̇агголанд̇и звам̣ наамавасзна на саггаа барияанд̇ам̣ д̣̇ассзд̇ум̣.
Vuttāni, tāni yāvajīvikāni. Tesampi aparipakkāni acchiva bimbavaraṇaketakakāsmarīādīnaṃ phalāni jātiphalaṃ kaṭukaphalaṃ eḷā takkolanti evaṃ nāmavasena na sakkā pariyantaṃ dassetuṃ.
адтикаад̣̇анийяз лаб̣уж̇адти банасадти амб̣аадагадти сааладти каж̇ж̇уурийгзд̇агад̇имб̣аруусагаанам̣ д̇арун̣апаладти д̇инд̇ин̣игадти б̣имб̣апаладти уббала бад̣̇умаж̇аад̇ийнам̣ богкарадтийд̇и звамаад̣̇ийни д̇зсу д̇зсу ж̇анабад̣̇зсу мануссаанам̣ багад̇иаахааравасзна каад̣̇анийяад̇т̇ам̣ бхож̇анийяад̇т̇ан̃жа паран̣агаани адтийни яаавагаалигаани. мад̇хугадти буннааг̇адти харийд̇агаад̣̇ийнам̣ адтийни сид̣̇д̇хад̇т̇агадти рааж̇игадтийд̇и звамаад̣̇ийни адтийни яааваж̇ийвигаани. д̇зсам̣ баал̣ияам̣ палабхзсаж̇ж̇знзва сан̇г̇ахо взд̣̇ид̇аб̣б̣о.
Aṭṭhikhādanīye labujaṭṭhi panasaṭṭhi ambāṭakaṭṭhi sālaṭṭhi khajjūrīketakatimbarūsakānaṃ taruṇaphalaṭṭhi tintiṇikaṭṭhi bimbaphalaṭṭhi uppala padumajātīnaṃ pokkharaṭṭhīti evamādīni tesu tesu janapadesu manussānaṃ pakatiāhāravasena khādanīyatthaṃ bhojanīyatthañca pharaṇakāni aṭṭhīni yāvakālikāni. Madhukaṭṭhi punnāgaṭṭhi harītakādīnaṃ aṭṭhīni siddhatthakaṭṭhi rājikaṭṭhīti evamādīni aṭṭhīni yāvajīvikāni. Tesaṃ pāḷiyaṃ phalabhesajjeneva saṅgaho veditabbo.
бидтакаад̣̇анийяз сад̇д̇аннам̣ д̇аава д̇хан̃н̃аанам̣ д̇хан̃н̃аануломаанам̣ абаран̣н̣аанан̃жа бидтам̣ банасабидтам̣ лаб̣уж̇абидтам̣ амб̣аадагабидтам̣ саалабидтам̣ д̇ход̇агад̇аалабидтан̃жа кийраваллибидтан̃жаад̇и звамаад̣̇ийни д̇зсу д̇зсу ж̇анабад̣̇зсу багад̇иаахааравасзна мануссаанам̣ каад̣̇анийяад̇т̇ам̣ бхож̇анийяад̇т̇ан̃жа паран̣агаани бидтаани яаавагаалигаани. ад̇ход̇агам̣ д̇аалабидтам̣ кийраваллибидтам̣ ассаг̇анд̇хаад̣̇ибидтаани жа яааваж̇ийвигаани. д̇зсам̣ баал̣ияам̣ гасаавзхи жа муулапалзхи жа сан̇гхахо взд̣̇ид̇аб̣б̣о.
Piṭṭhakhādanīye sattannaṃ tāva dhaññānaṃ dhaññānulomānaṃ aparaṇṇānañca piṭṭhaṃ panasapiṭṭhaṃ labujapiṭṭhaṃ ambāṭakapiṭṭhaṃ sālapiṭṭhaṃ dhotakatālapiṭṭhañca khīravallipiṭṭhañcāti evamādīni tesu tesu janapadesu pakatiāhāravasena manussānaṃ khādanīyatthaṃ bhojanīyatthañca pharaṇakāni piṭṭhāni yāvakālikāni. Adhotakaṃ tālapiṭṭhaṃ khīravallipiṭṭhaṃ assagandhādipiṭṭhāni ca yāvajīvikāni. Tesaṃ pāḷiyaṃ kasāvehi ca mūlaphalehi ca saṅghaho veditabbo.
нияяаасакаад̣̇анийяз зго ужчунияяаасова сад̇д̇аахагаалиго. сзсаа ‘‘ануж̇аанаами, бхигкавз, ж̇ад̇ууни бхзсаж̇ж̇аани – хин̇г̇ум̣ хин̇г̇уж̇ад̇ум̣ хин̇г̇усибаадигам̣ д̇агам̣ д̇агабад̇д̇им̣ д̇агабан̣н̣им̣ саж̇ж̇уласам̣ яаани ваа банан̃н̃ааниби ад̇т̇и ж̇ад̇ууни бхзсаж̇ж̇ааний’’д̇и (махаава. 263) звам̣ баал̣ияам̣ вуд̇д̇анияяаасаа яааваж̇ийвигаа. д̇ад̇т̇а язваабанагавасзна сан̇г̇ахид̇аанам̣ амб̣анияяаасо ган̣игааранияяаасод̇и звам̣ наамавасзна на саггаа барияанд̇ам̣ д̣̇ассзд̇ум̣. звам̣ имзсу муулакаад̣̇анийяаад̣̇ийсу яам̣гин̃жи яаавагаалигам̣, саб̣б̣амби имасмим̣ ад̇т̇з ‘‘авасзсам̣ каад̣̇анийяам̣ наамаа’’д̇и сан̇г̇ахид̇ам̣ .
Niyyāsakhādanīye eko ucchuniyyāsova sattāhakāliko. Sesā ‘‘anujānāmi, bhikkhave, jatūni bhesajjāni – hiṅguṃ hiṅgujatuṃ hiṅgusipāṭikaṃ takaṃ takapattiṃ takapaṇṇiṃ sajjulasaṃ yāni vā panaññānipi atthi jatūni bhesajjānī’’ti (mahāva. 263) evaṃ pāḷiyaṃ vuttaniyyāsā yāvajīvikā. Tattha yevāpanakavasena saṅgahitānaṃ ambaniyyāso kaṇikāraniyyāsoti evaṃ nāmavasena na sakkā pariyantaṃ dassetuṃ. Evaṃ imesu mūlakhādanīyādīsu yaṃkiñci yāvakālikaṃ, sabbampi imasmiṃ atthe ‘‘avasesaṃ khādanīyaṃ nāmā’’ti saṅgahitaṃ .
бхож̇анийяам̣ наама бан̃жа бхож̇анаанийд̇иаад̣̇имхи яам̣ вад̇д̇аб̣б̣ам̣ д̇ам̣ вуд̇д̇амзва. каад̣̇иссаами бхун̃ж̇иссаамийд̇и, бадиг̇г̇ан̣хаад̇ийд̇и яо бхигку вигаалз зд̇ам̣ каад̣̇анийяам̣ бхож̇анийяан̃жа бадиг̇г̇ан̣хаад̇и, д̇асса бадиг̇г̇ахан̣з д̇аава аабад̇д̇и д̣̇уггадасса. сзсамзд̇т̇а уд̇д̇аанамзва.
Bhojanīyaṃ nāma pañca bhojanānītiādimhi yaṃ vattabbaṃ taṃ vuttameva. Khādissāmi bhuñjissāmīti, paṭiggaṇhātīti yo bhikkhu vikāle etaṃ khādanīyaṃ bhojanīyañca paṭiggaṇhāti, tassa paṭiggahaṇe tāva āpatti dukkaṭassa. Sesamettha uttānameva.
зл̣агаломасамудтаанам̣ – гааяад̇о жа гааяажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kāyato ca kāyacittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
вигаалабхож̇анасигкаабад̣̇ам̣ сад̇д̇амам̣.
Vikālabhojanasikkhāpadaṃ sattamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. вигаалабхож̇анасигкаабад̣̇ам̣ • 7. Vikālabhojanasikkhāpadaṃ
