| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. вигаалабхож̇анасигкаабад̣̇аван̣н̣анаа
7. Vikālabhojanasikkhāpadavaṇṇanā
вигаалзд̇и зд̇т̇а арун̣уг̇г̇аманад̇о бадтааяа яаава маж̇жханхиго, аяам̣ б̣уд̣̇д̇хаад̣̇ийнам̣ арияаанам̣ аажин̣н̣асамаажин̣н̣о бхож̇анасса гаало наама. д̇ад̣̇ан̃н̃о вигаало ‘‘виг̇ад̇о гаало’’д̇и гад̇ваа. д̇знааха ‘‘виг̇ад̇з гаалз’’д̇иаад̣̇и. тид̇амаж̇жханхигоби (баажи. адта. 248-249) гааласан̇г̇ахам̣ г̇ажчад̇и. д̇ад̇о бадтааяа бана каад̣̇ид̇ум̣ ваа бхун̃ж̇ид̇ум̣ ваа на саггаа. сахасаа бивид̇ум̣ саггаа бхавзяяа, гуггужжагзна бана на гаад̇аб̣б̣ам̣. гаалабарижчзд̣̇аж̇аананад̇т̇ан̃жа гаалад̇т̇амбхо яож̇зд̇аб̣б̣о. гаалаб̣бханд̇арзва бхад̇д̇агижжам̣ гаад̇аб̣б̣ам̣. ‘‘яам̣ гин̃жи…бз… каад̣̇анийяам̣ ваа’’д̇и иминаа яам̣ д̇аава сагкалимод̣̇агаад̣̇и буб̣б̣ан̣н̣аабаран̣н̣амаяам̣, д̇ад̇т̇а вад̇д̇аб̣б̣амзва над̇т̇ийд̇и д̣̇ассзд̇и. бхож̇анийяам̣ наама бан̃жа бхож̇анаани.
Vikāleti ettha aruṇuggamanato paṭṭhāya yāva majjhanhiko, ayaṃ buddhādīnaṃ ariyānaṃ āciṇṇasamāciṇṇo bhojanassa kālo nāma. Tadañño vikālo ‘‘vigato kālo’’ti katvā. Tenāha ‘‘vigate kāle’’tiādi. Ṭhitamajjhanhikopi (pāci. aṭṭha. 248-249) kālasaṅgahaṃ gacchati. Tato paṭṭhāya pana khādituṃ vā bhuñjituṃ vā na sakkā. Sahasā pivituṃ sakkā bhaveyya, kukkuccakena pana na kātabbaṃ. Kālaparicchedajānanatthañca kālatthambho yojetabbo. Kālabbhantareva bhattakiccaṃ kātabbaṃ. ‘‘Yaṃ kiñci…pe… khādanīyaṃ vā’’ti iminā yaṃ tāva sakkhalimodakādi pubbaṇṇāparaṇṇamayaṃ, tattha vattabbameva natthīti dasseti. Bhojanīyaṃ nāma pañca bhojanāni.
сад̇и бажжаязд̇и бибаасаад̣̇игааран̣з виж̇ж̇амаанз. ромадтагассаад̇и ромадтагасса бхигкуно аж̇жхохарид̇ваа уг̇г̇ирид̇ваа мукзва табид̇о б̣ахи мукад̣̇ваараа виниг̇г̇ад̇о бхож̇анасса маг̇г̇аа б̣ахи ниг̇г̇ад̇о ‘‘ромадто’’д̇и бавужжад̇и. ид̇ха бана аж̇жхохарид̇ваа уг̇г̇ирид̇ваа мукзва табид̇од̇и ад̇хиббзд̇о. д̇знааха ‘‘на жа, бхигкавз’’д̇иаад̣̇и. табзд̇ваа ромадтагам̣ сзсаанам̣ ааг̇ад̇ам̣ уг̇г̇аарам̣ мукз санд̇хаарзд̇ваа г̇иланд̇аанам̣ аабад̇д̇и. сажз бана асанд̇хаарзнд̇амзва бараг̇алам̣ г̇ажчад̇и, ваддад̇и.
Sati paccayeti pipāsādikāraṇe vijjamāne. Romaṭṭhakassāti romaṭṭhakassa bhikkhuno ajjhoharitvā uggiritvā mukheva ṭhapito bahi mukhadvārā viniggato bhojanassa maggā bahi niggato ‘‘romaṭṭho’’ti pavuccati. Idha pana ajjhoharitvā uggiritvā mukheva ṭhapitoti adhippeto. Tenāha ‘‘na ca, bhikkhave’’tiādi. Ṭhapetvā romaṭṭhakaṃ sesānaṃ āgataṃ uggāraṃ mukhe sandhāretvā gilantānaṃ āpatti. Sace pana asandhārentameva paragalaṃ gacchati, vaṭṭati.
вигаалабхож̇анасигкаабад̣̇аван̣н̣анаа нидтид̇аа.
Vikālabhojanasikkhāpadavaṇṇanā niṭṭhitā.
