| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
7. вигаалабхож̇анасигкаабад̣̇аван̣н̣анаа
7. Vikālabhojanasikkhāpadavaṇṇanā
247. сад̇д̇амз аг̇г̇асамаж̇ж̇од̇и уд̇д̇амам̣ нажжам̣. д̇ам̣ гира баб̣б̣ад̇амад̇т̇агз тад̇ваа згам̣ д̣̇звад̇ам̣ уд̣̇д̣̇исса гаронд̇и. надаанам̣ наадагаани наданаадагаани, сийд̇аахаран̣аад̣̇ийни. абан̃н̃ад̇д̇з сигкаабад̣̇зд̇и уунавийсад̇ивассасигкаабад̣̇з абан̃н̃ад̇д̇з. ад̣̇ам̣сууд̇и ‘‘вихаарам̣ нзд̇ваа каад̣̇иссат̇аа’’д̇и ад̣̇ам̣су.
247. Sattame aggasamajjoti uttamaṃ naccaṃ. Taṃ kira pabbatamatthake ṭhatvā ekaṃ devataṃ uddissa karonti. Naṭānaṃ nāṭakāni naṭanāṭakāni, sītāharaṇādīni. Apaññatte sikkhāpadeti ūnavīsativassasikkhāpade apaññatte. Adaṃsūti ‘‘vihāraṃ netvā khādissathā’’ti adaṃsu.
248-249. муулагамуулаад̣̇ийни убад̣̇зсад̇оязва взд̣̇ид̇аб̣б̣аани. на хи д̇аани барияааяанд̇арзна вужжамаанааниби саггаа вин̃н̃аад̇ум̣. барияааяанд̇арзби хи вужжамаанз д̇ам̣ д̇ам̣ наамам̣ аж̇аананд̇аанам̣ саммохоязва сияаа, д̇асмаа д̇ад̇т̇а на гин̃жи вагкаама. каад̣̇анийяад̇т̇анд̇и каад̣̇анийязна гад̇д̇аб̣б̣агижжам̣. нзва паранд̇ийд̇и на нибпаад̣̇знд̇и. д̇зсу д̇зсу ж̇анабад̣̇зсууд̇и зд̇т̇а ‘‘згасмим̣ ж̇анабад̣̇з аахаарагижжам̣ саад̇хзнд̇ам̣ сзсаж̇анабад̣̇зсуби на габбад̇ий’’д̇и вад̣̇анд̇и. ругкаваллиаад̣̇ийнанд̇и хздтаа вуд̇д̇амзва самбин̣д̣зд̇ваа вуд̇д̇ам̣. анд̇обат̇авийг̇ад̇од̇и саалагаляаан̣ийканд̇хам̣ санд̇хааяа вуд̇д̇ам̣. саб̣б̣агаббияаанийд̇и муулаканд̇хад̇ажабад̇д̇аад̣̇ивасзна саб̣б̣асо габбияаани. д̇зсамби наамавасзна на саггаа барияанд̇ам̣ д̣̇ассзд̇унд̇и самб̣анд̇хо. ажчиваад̣̇ийнам̣ абарибаггаанзва палаани яааваж̇ийвигаанийд̇и д̣̇ассзд̇ум̣ ‘‘абарибаггааний’’д̇и вуд̇д̇ам̣.
248-249. Mūlakamūlādīni upadesatoyeva veditabbāni. Na hi tāni pariyāyantarena vuccamānānipi sakkā viññātuṃ. Pariyāyantarepi hi vuccamāne taṃ taṃ nāmaṃ ajānantānaṃ sammohoyeva siyā, tasmā tattha na kiñci vakkhāma. Khādanīyatthanti khādanīyena kattabbakiccaṃ. Neva pharantīti na nipphādenti. Tesu tesu janapadesūti ettha ‘‘ekasmiṃ janapade āhārakiccaṃ sādhentaṃ sesajanapadesupi na kappatī’’ti vadanti. Rukkhavalliādīnanti heṭṭhā vuttameva sampiṇḍetvā vuttaṃ. Antopathavīgatoti sālakalyāṇīkhandhaṃ sandhāya vuttaṃ. Sabbakappiyānīti mūlakhandhatacapattādivasena sabbaso kappiyāni. Tesampi nāmavasena na sakkā pariyantaṃ dassetunti sambandho. Acchivādīnaṃ aparipakkāneva phalāni yāvajīvikānīti dassetuṃ ‘‘aparipakkānī’’ti vuttaṃ.
харийд̇агаад̣̇ийнам̣ адтийнийд̇и зд̇т̇а мин̃ж̇ам̣ бадижчаад̣̇зд̇ваа тид̇агабаалаани яааваж̇ийвигаанийд̇и аажарияаа. мин̃ж̇амби яааваж̇ийвиганд̇и згз. хин̇г̇ууд̇и хин̇г̇уругкад̇о баг̇гхарид̇анияяаасо. хин̇г̇уж̇ад̇уаад̣̇аяоби хин̇г̇увигад̇ияо зва. д̇ад̇т̇а хин̇г̇уж̇ад̇у наама хин̇г̇уругкасса д̣̇ан̣д̣абад̇д̇аани бажид̇ваа гад̇анияяаасо, хин̇г̇усибаадигам̣ наама хин̇г̇убад̇д̇аани бажид̇ваа гад̇анияяаасо. ‘‘ан̃н̃зна миссзд̇ваа гад̇о’’д̇иби вад̣̇анд̇и. д̇аганд̇и аг̇г̇агодияаа нигканд̇асилзсо. д̇агабад̇д̇инд̇и бад̇д̇ад̇о нигканд̇асилзсо. д̇агабан̣н̣инд̇и балаасз бхаж̇ж̇ид̇ваа гад̇асилзсо. ‘‘д̣̇ан̣д̣ад̇о нигканд̇асилзсо д̇иби вад̣̇анд̇и. сзсамзд̇т̇а уд̇д̇аанамзва. вигаалад̇аа, яаавагаалигад̇аа, аж̇жхохаран̣анд̇и имаани банзд̇т̇а д̇ийн̣и ан̇г̇аани.
Harītakādīnaṃ aṭṭhīnīti ettha miñjaṃ paṭicchādetvā ṭhitakapālāni yāvajīvikānīti ācariyā. Miñjampi yāvajīvikanti eke. Hiṅgūti hiṅgurukkhato paggharitaniyyāso. Hiṅgujatuādayopi hiṅguvikatiyo eva. Tattha hiṅgujatu nāma hiṅgurukkhassa daṇḍapattāni pacitvā kataniyyāso, hiṅgusipāṭikaṃ nāma hiṅgupattāni pacitvā kataniyyāso. ‘‘Aññena missetvā kato’’tipi vadanti. Takanti aggakoṭiyā nikkhantasileso. Takapattinti pattato nikkhantasileso. Takapaṇṇinti palāse bhajjitvā katasileso. ‘‘Daṇḍato nikkhantasileso tipi vadanti. Sesamettha uttānameva. Vikālatā, yāvakālikatā, ajjhoharaṇanti imāni panettha tīṇi aṅgāni.
вигаалабхож̇анасигкаабад̣̇аван̣н̣анаа нидтид̇аа.
Vikālabhojanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. вигаалабхож̇анасигкаабад̣̇ам̣ • 7. Vikālabhojanasikkhāpadaṃ
