| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
7. вигаалабхож̇анасигкаабад̣̇аван̣н̣анаа
7. Vikālabhojanasikkhāpadavaṇṇanā
247. сад̇д̇амз надаанам̣ наадагаад̇и наданаадагаа, сийд̇аахаран̣аад̣̇ийни.
247. Sattame naṭānaṃ nāṭakāti naṭanāṭakā, sītāharaṇādīni.
248-9. каад̣̇анийяз каад̣̇анийяад̇т̇анд̇и бууваад̣̇икаад̣̇анийяз виж̇ж̇амаанакаад̣̇анийяагижжам̣ каад̣̇анийязхи гаад̇аб̣б̣ам̣ ж̇игхажчаахаран̣асан̇каад̇ам̣ ад̇т̇ам̣ баяож̇анам̣ нзва паранд̇и на нибпаад̣̇знд̇и. згасмим̣ д̣̇зсз аахаарагижжам̣ саад̇хзнд̇ам̣ ваа ан̃н̃асмим̣ д̣̇зсз удтид̇абхуумирасаад̣̇ибхзд̣̇зна аахаарагижжам̣ асаад̇хзнд̇амби ваа самбхавзяяаад̇и ааха ‘‘д̇зсу д̇зсу ж̇анабад̣̇зсуу’’д̇иаад̣̇и. гзжи бана ‘‘згасмим̣ ж̇анабад̣̇з аахаарагижжам̣ саад̇хзнд̇ам̣ сзсаж̇анабад̣̇зсуби вигаалз на габбад̇и зваад̇и д̣̇ассанад̇т̇ам̣ ид̣̇ам̣ вуд̇д̇а’’нд̇иби (саарад̇т̇а. дий. баажид̇д̇ияаган̣д̣а 3.248-249) вад̣̇анд̇и. багад̇иаахааравасзнаад̇и ан̃н̃зхи яаавагаалигзхи аяож̇ид̇ам̣ ад̇д̇ано багад̇ияаава аахаарагижжагаран̣авасзна. саммохоязва ход̇ийд̇и анзгад̇т̇аанам̣ наамаанам̣, аббасид̣̇д̇хаанан̃жа самбхавад̇о саммохо зва сияаа. д̇знзвзд̇т̇а маяамби муулагамуулаад̣̇ийнам̣ барияааяанд̇арад̣̇ассанзна ад̣̇ассанам̣ гаримха убад̣̇зсад̇ова г̇ахзд̇аб̣б̣ад̇о.
248-9.Khādanīye khādanīyatthanti pūvādikhādanīye vijjamānakhādanīyakiccaṃ khādanīyehi kātabbaṃ jighacchāharaṇasaṅkhātaṃ atthaṃ payojanaṃ neva pharanti na nipphādenti. Ekasmiṃ dese āhārakiccaṃ sādhentaṃ vā aññasmiṃ dese uṭṭhitabhūmirasādibhedena āhārakiccaṃ asādhentampi vā sambhaveyyāti āha ‘‘tesu tesu janapadesū’’tiādi. Keci pana ‘‘ekasmiṃ janapade āhārakiccaṃ sādhentaṃ sesajanapadesupi vikāle na kappati evāti dassanatthaṃ idaṃ vutta’’ntipi (sārattha. ṭī. pācittiyakaṇḍa 3.248-249) vadanti. Pakatiāhāravasenāti aññehi yāvakālikehi ayojitaṃ attano pakatiyāva āhārakiccakaraṇavasena. Sammohoyeva hotīti anekatthānaṃ nāmānaṃ, appasiddhānañca sambhavato sammoho eva siyā. Tenevettha mayampi mūlakamūlādīnaṃ pariyāyantaradassanena adassanaṃ karimha upadesatova gahetabbato.
яанд̇и ваддаганд̣̇ам̣. мул̣ааланд̇и т̇уулад̇арун̣амууламзва, ругкаваллиаад̣̇ийнам̣ мад̇т̇агод̇и хздтаа вуд̇д̇амзва самбин̣д̣зд̇ваа вуд̇д̇ам̣. ажчиваад̣̇ийнам̣ абарибаггаанзва палаани яааваж̇ийвигаанийд̇и д̣̇ассзд̇ум̣ ‘‘абарибаггааний’’д̇и вуд̇д̇ам̣. харийд̇агаад̣̇ийнам̣ адтийнийд̇и зд̇т̇а мин̃ж̇ам̣ яаавагаалиганд̇и гзжи вад̣̇анд̇и, д̇ам̣ на яуд̇д̇ам̣ адтагат̇ааяам̣ авуд̇д̇ад̇д̇аа.
Yanti vaṭṭakandaṃ. Muḷālanti thūlataruṇamūlameva, rukkhavalliādīnaṃ matthakoti heṭṭhā vuttameva sampiṇḍetvā vuttaṃ. Acchivādīnaṃ aparipakkāneva phalāni yāvajīvikānīti dassetuṃ ‘‘aparipakkānī’’ti vuttaṃ. Harītakādīnaṃ aṭṭhīnīti ettha miñjaṃ yāvakālikanti keci vadanti, taṃ na yuttaṃ aṭṭhakathāyaṃ avuttattā.
хин̇г̇уругкад̇о баг̇гхарид̇анияяаасо хин̇г̇у наама. хин̇г̇уж̇ад̇уаад̣̇аяо жа хин̇г̇увигад̇ияова. д̇ад̇т̇а хин̇г̇уж̇ад̇у наама хин̇г̇уругкасса д̣̇ан̣д̣абад̇д̇аани бажид̇ваа гад̇анияяаасо. хин̇г̇усибаадигаа наама хин̇г̇убад̇д̇аани бажид̇ваа гад̇анияяаасо. ан̃н̃зна миссзд̇ваа гад̇од̇иби вад̣̇анд̇и. д̇аганд̇и аг̇г̇агодияаа нигканд̇асилзсо. д̇агабад̇д̇инд̇и бад̇д̇ад̇о нигканд̇асилзсо. д̇агабан̣н̣инд̇и балаасз бхаж̇ж̇ид̇ваа гад̇асилзсо. д̣̇ан̣д̣ад̇о нигканд̇асилзсод̇иби вад̣̇анд̇и. вигаалад̇аа, яаавагаалигад̇аа, аж̇жхохаран̣анд̇и имаанзд̇т̇а д̇ийн̣и ан̇г̇аани.
Hiṅgurukkhato paggharitaniyyāso hiṅgu nāma. Hiṅgujatuādayo ca hiṅguvikatiyova. Tattha hiṅgujatu nāma hiṅgurukkhassa daṇḍapattāni pacitvā kataniyyāso. Hiṅgusipāṭikā nāma hiṅgupattāni pacitvā kataniyyāso. Aññena missetvā katotipi vadanti. Takanti aggakoṭiyā nikkhantasileso. Takapattinti pattato nikkhantasileso. Takapaṇṇinti palāse bhajjitvā katasileso. Daṇḍato nikkhantasilesotipi vadanti. Vikālatā, yāvakālikatā, ajjhoharaṇanti imānettha tīṇi aṅgāni.
вигаалабхож̇анасигкаабад̣̇аван̣н̣анаа нидтид̇аа.
Vikālabhojanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. вигаалабхож̇анасигкаабад̣̇аван̣н̣анаа • 7. Vikālabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. вигаалабхож̇анасигкаабад̣̇ам̣ • 7. Vikālabhojanasikkhāpadaṃ
