| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੭. વਿਕਾਲਭੋਜਨਸਿਕ੍ਖਾਪਦવਣ੍ਣਨਾ
7. Vikālabhojanasikkhāpadavaṇṇanā
੨੪੭. ਸਤ੍ਤਮੇ ਨਟਾਨਂ ਨਾਟਕਾਤਿ ਨਟਨਾਟਕਾ, ਸੀਤਾਹਰਣਾਦੀਨਿ।
247. Sattame naṭānaṃ nāṭakāti naṭanāṭakā, sītāharaṇādīni.
੨੪੮-੯. ਖਾਦਨੀਯੇ ਖਾਦਨੀਯਤ੍ਥਨ੍ਤਿ ਪੂવਾਦਿਖਾਦਨੀਯੇ વਿਜ੍ਜਮਾਨਖਾਦਨੀਯਕਿਚ੍ਚਂ ਖਾਦਨੀਯੇਹਿ ਕਾਤਬ੍ਬਂ ਜਿਘਚ੍ਛਾਹਰਣਸਙ੍ਖਾਤਂ ਅਤ੍ਥਂ ਪਯੋਜਨਂ ਨੇવ ਫਰਨ੍ਤਿ ਨ ਨਿਪ੍ਫਾਦੇਨ੍ਤਿ। ਏਕਸ੍ਮਿਂ ਦੇਸੇ ਆਹਾਰਕਿਚ੍ਚਂ ਸਾਧੇਨ੍ਤਂ વਾ ਅਞ੍ਞਸ੍ਮਿਂ ਦੇਸੇ ਉਟ੍ਠਿਤਭੂਮਿਰਸਾਦਿਭੇਦੇਨ ਆਹਾਰਕਿਚ੍ਚਂ ਅਸਾਧੇਨ੍ਤਮ੍ਪਿ વਾ ਸਮ੍ਭવੇਯ੍ਯਾਤਿ ਆਹ ‘‘ਤੇਸੁ ਤੇਸੁ ਜਨਪਦੇਸੂ’’ਤਿਆਦਿ। ਕੇਚਿ ਪਨ ‘‘ਏਕਸ੍ਮਿਂ ਜਨਪਦੇ ਆਹਾਰਕਿਚ੍ਚਂ ਸਾਧੇਨ੍ਤਂ ਸੇਸਜਨਪਦੇਸੁਪਿ વਿਕਾਲੇ ਨ ਕਪ੍ਪਤਿ ਏવਾਤਿ ਦਸ੍ਸਨਤ੍ਥਂ ਇਦਂ વੁਤ੍ਤ’’ਨ੍ਤਿਪਿ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯਕਣ੍ਡ ੩.੨੪੮-੨੪੯) વਦਨ੍ਤਿ। ਪਕਤਿਆਹਾਰવਸੇਨਾਤਿ ਅਞ੍ਞੇਹਿ ਯਾવਕਾਲਿਕੇਹਿ ਅਯੋਜਿਤਂ ਅਤ੍ਤਨੋ ਪਕਤਿਯਾવ ਆਹਾਰਕਿਚ੍ਚਕਰਣવਸੇਨ। ਸਮ੍ਮੋਹੋਯੇવ ਹੋਤੀਤਿ ਅਨੇਕਤ੍ਥਾਨਂ ਨਾਮਾਨਂ, ਅਪ੍ਪਸਿਦ੍ਧਾਨਞ੍ਚ ਸਮ੍ਭવਤੋ ਸਮ੍ਮੋਹੋ ਏવ ਸਿਯਾ। ਤੇਨੇવੇਤ੍ਥ ਮਯਮ੍ਪਿ ਮੂਲਕਮੂਲਾਦੀਨਂ ਪਰਿਯਾਯਨ੍ਤਰਦਸ੍ਸਨੇਨ ਅਦਸ੍ਸਨਂ ਕਰਿਮ੍ਹ ਉਪਦੇਸਤੋવ ਗਹੇਤਬ੍ਬਤੋ।
248-9.Khādanīye khādanīyatthanti pūvādikhādanīye vijjamānakhādanīyakiccaṃ khādanīyehi kātabbaṃ jighacchāharaṇasaṅkhātaṃ atthaṃ payojanaṃ neva pharanti na nipphādenti. Ekasmiṃ dese āhārakiccaṃ sādhentaṃ vā aññasmiṃ dese uṭṭhitabhūmirasādibhedena āhārakiccaṃ asādhentampi vā sambhaveyyāti āha ‘‘tesu tesu janapadesū’’tiādi. Keci pana ‘‘ekasmiṃ janapade āhārakiccaṃ sādhentaṃ sesajanapadesupi vikāle na kappati evāti dassanatthaṃ idaṃ vutta’’ntipi (sārattha. ṭī. pācittiyakaṇḍa 3.248-249) vadanti. Pakatiāhāravasenāti aññehi yāvakālikehi ayojitaṃ attano pakatiyāva āhārakiccakaraṇavasena. Sammohoyeva hotīti anekatthānaṃ nāmānaṃ, appasiddhānañca sambhavato sammoho eva siyā. Tenevettha mayampi mūlakamūlādīnaṃ pariyāyantaradassanena adassanaṃ karimha upadesatova gahetabbato.
ਯਨ੍ਤਿ વਟ੍ਟਕਨ੍ਦਂ। ਮੁਲ਼ਾਲਨ੍ਤਿ ਥੂਲਤਰੁਣਮੂਲਮੇવ, ਰੁਕ੍ਖવਲ੍ਲਿਆਦੀਨਂ ਮਤ੍ਥਕੋਤਿ ਹੇਟ੍ਠਾ વੁਤ੍ਤਮੇવ ਸਮ੍ਪਿਣ੍ਡੇਤ੍વਾ વੁਤ੍ਤਂ। ਅਚ੍ਛਿવਾਦੀਨਂ ਅਪਰਿਪਕ੍ਕਾਨੇવ ਫਲਾਨਿ ਯਾવਜੀવਿਕਾਨੀਤਿ ਦਸ੍ਸੇਤੁਂ ‘‘ਅਪਰਿਪਕ੍ਕਾਨੀ’’ਤਿ વੁਤ੍ਤਂ। ਹਰੀਤਕਾਦੀਨਂ ਅਟ੍ਠੀਨੀਤਿ ਏਤ੍ਥ ਮਿਞ੍ਜਂ ਯਾવਕਾਲਿਕਨ੍ਤਿ ਕੇਚਿ વਦਨ੍ਤਿ, ਤਂ ਨ ਯੁਤ੍ਤਂ ਅਟ੍ਠਕਥਾਯਂ ਅવੁਤ੍ਤਤ੍ਤਾ।
Yanti vaṭṭakandaṃ. Muḷālanti thūlataruṇamūlameva, rukkhavalliādīnaṃ matthakoti heṭṭhā vuttameva sampiṇḍetvā vuttaṃ. Acchivādīnaṃ aparipakkāneva phalāni yāvajīvikānīti dassetuṃ ‘‘aparipakkānī’’ti vuttaṃ. Harītakādīnaṃ aṭṭhīnīti ettha miñjaṃ yāvakālikanti keci vadanti, taṃ na yuttaṃ aṭṭhakathāyaṃ avuttattā.
ਹਿਙ੍ਗੁਰੁਕ੍ਖਤੋ ਪਗ੍ਘਰਿਤਨਿਯ੍ਯਾਸੋ ਹਿਙ੍ਗੁ ਨਾਮ। ਹਿਙ੍ਗੁਜਤੁਆਦਯੋ ਚ ਹਿਙ੍ਗੁવਿਕਤਿਯੋવ। ਤਤ੍ਥ ਹਿਙ੍ਗੁਜਤੁ ਨਾਮ ਹਿਙ੍ਗੁਰੁਕ੍ਖਸ੍ਸ ਦਣ੍ਡਪਤ੍ਤਾਨਿ ਪਚਿਤ੍વਾ ਕਤਨਿਯ੍ਯਾਸੋ। ਹਿਙ੍ਗੁਸਿਪਾਟਿਕਾ ਨਾਮ ਹਿਙ੍ਗੁਪਤ੍ਤਾਨਿ ਪਚਿਤ੍વਾ ਕਤਨਿਯ੍ਯਾਸੋ। ਅਞ੍ਞੇਨ ਮਿਸ੍ਸੇਤ੍વਾ ਕਤੋਤਿਪਿ વਦਨ੍ਤਿ। ਤਕਨ੍ਤਿ ਅਗ੍ਗਕੋਟਿਯਾ ਨਿਕ੍ਖਨ੍ਤਸਿਲੇਸੋ। ਤਕਪਤ੍ਤਿਨ੍ਤਿ ਪਤ੍ਤਤੋ ਨਿਕ੍ਖਨ੍ਤਸਿਲੇਸੋ। ਤਕਪਣ੍ਣਿਨ੍ਤਿ ਪਲਾਸੇ ਭਜ੍ਜਿਤ੍વਾ ਕਤਸਿਲੇਸੋ। ਦਣ੍ਡਤੋ ਨਿਕ੍ਖਨ੍ਤਸਿਲੇਸੋਤਿਪਿ વਦਨ੍ਤਿ। વਿਕਾਲਤਾ, ਯਾવਕਾਲਿਕਤਾ, ਅਜ੍ਝੋਹਰਣਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
Hiṅgurukkhato paggharitaniyyāso hiṅgu nāma. Hiṅgujatuādayo ca hiṅguvikatiyova. Tattha hiṅgujatu nāma hiṅgurukkhassa daṇḍapattāni pacitvā kataniyyāso. Hiṅgusipāṭikā nāma hiṅgupattāni pacitvā kataniyyāso. Aññena missetvā katotipi vadanti. Takanti aggakoṭiyā nikkhantasileso. Takapattinti pattato nikkhantasileso. Takapaṇṇinti palāse bhajjitvā katasileso. Daṇḍato nikkhantasilesotipi vadanti. Vikālatā, yāvakālikatā, ajjhoharaṇanti imānettha tīṇi aṅgāni.
વਿਕਾਲਭੋਜਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vikālabhojanasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਭੋਜਨવਗ੍ਗੋ • 4. Bhojanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. વਿਕਾਲਭੋਜਨਸਿਕ੍ਖਾਪਦવਣ੍ਣਨਾ • 7. Vikālabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. વਿਕਾਲਭੋਜਨਸਿਕ੍ਖਾਪਦવਣ੍ਣਨਾ • 7. Vikālabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. વਿਕਾਲਭੋਜਨਸਿਕ੍ਖਾਪਦવਣ੍ਣਨਾ • 7. Vikālabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. વਿਕਾਲਭੋਜਨਸਿਕ੍ਖਾਪਦਂ • 7. Vikālabhojanasikkhāpadaṃ
