| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
3. விகாலகா³மப்பவேஸனஸிக்கா²பத³வண்ணனா
3. Vikālagāmappavesanasikkhāpadavaṇṇanā
சாரித்தேதி சாரித்தஸிக்கா²பதே³. உபசாரந்தி து³தியலெட்³டு³பாதங். அஞ்ஞங் கா³மங் க³ச்ச²ந்தானங் புன ஆபுச்ச²னகிச்சங் நத்தீ²தி உஸ்ஸாஹங் அப்படிப்பஸ்ஸம்பெ⁴த்வா அஞ்ஞங் கா³மங் க³ச்ச²ந்தானங் கா³மஸதம்பி ஹோது, புன ஆபுச்ச²னகிச்சங் நத்தீ²தி அத்தோ². தேனாஹ ‘‘ஸசே பனா’’திஆதி³. உஸ்ஸாஹந்தி கா³மப்பவிஸனுஸ்ஸாஹங். அந்தராராமாதீ³ஸு (பாசி॰ அட்ட²॰ 515) ந கேவலங் அனாபுச்சா² க³ச்ச²ந்தஸ்ஸேவ, காயப³ந்த⁴னங் அப³ந்தி⁴த்வா ஸங்கா⁴டிங் அபாருபித்வா க³ச்ச²ந்தஸ்ஸாபி அனாபத்தி. ஆபதா³ஸூதி ஸீஹோ வா ப்³யக்³கோ⁴ வா ஆக³ச்ச²தி, மேகோ⁴ வா உட்டே²தி, அஞ்ஞோ வா கோசி உபத்³த³வோ உப்பஜ்ஜதி , அனாபத்தி. ஏவரூபாஸு ஆபதா³ஸு ப³ஹிகா³மதோ அந்தோகா³மங் பவிஸிதுங் வட்டதி.
Cāritteti cārittasikkhāpade. Upacāranti dutiyaleḍḍupātaṃ. Aññaṃ gāmaṃ gacchantānaṃ puna āpucchanakiccaṃ natthīti ussāhaṃ appaṭippassambhetvā aññaṃ gāmaṃ gacchantānaṃ gāmasatampi hotu, puna āpucchanakiccaṃ natthīti attho. Tenāha ‘‘sace panā’’tiādi. Ussāhanti gāmappavisanussāhaṃ. Antarārāmādīsu (pāci. aṭṭha. 515) na kevalaṃ anāpucchā gacchantasseva, kāyabandhanaṃ abandhitvā saṅghāṭiṃ apārupitvā gacchantassāpi anāpatti. Āpadāsūti sīho vā byaggho vā āgacchati, megho vā uṭṭheti, añño vā koci upaddavo uppajjati , anāpatti. Evarūpāsu āpadāsu bahigāmato antogāmaṃ pavisituṃ vaṭṭati.
விகாலகா³மப்பவேஸனஸிக்கா²பத³வண்ணனா நிட்டி²தா.
Vikālagāmappavesanasikkhāpadavaṇṇanā niṭṭhitā.
