| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৩. ৰিকালগামপ্পৰেসনসিক্খাপদৰণ্ণনা
3. Vikālagāmappavesanasikkhāpadavaṇṇanā
চারিত্তেতি চারিত্তসিক্খাপদে। উপচারন্তি দুতিযলেড্ডুপাতং। অঞ্ঞং গামং গচ্ছন্তানং পুন আপুচ্ছনকিচ্চং নত্থীতি উস্সাহং অপ্পটিপ্পস্সম্ভেত্ৰা অঞ্ঞং গামং গচ্ছন্তানং গামসতম্পি হোতু, পুন আপুচ্ছনকিচ্চং নত্থীতি অত্থো। তেনাহ ‘‘সচে পনা’’তিআদি। উস্সাহন্তি গামপ্পৰিসনুস্সাহং। অন্তরারামাদীসু (পাচি॰ অট্ঠ॰ ৫১৫) ন কেৰলং অনাপুচ্ছা গচ্ছন্তস্সেৰ, কাযবন্ধনং অবন্ধিত্ৰা সঙ্ঘাটিং অপারুপিত্ৰা গচ্ছন্তস্সাপি অনাপত্তি। আপদাসূতি সীহো ৰা ব্যগ্ঘো ৰা আগচ্ছতি, মেঘো ৰা উট্ঠেতি, অঞ্ঞো ৰা কোচি উপদ্দৰো উপ্পজ্জতি , অনাপত্তি। এৰরূপাসু আপদাসু বহিগামতো অন্তোগামং পৰিসিতুং ৰট্টতি।
Cāritteti cārittasikkhāpade. Upacāranti dutiyaleḍḍupātaṃ. Aññaṃ gāmaṃ gacchantānaṃ puna āpucchanakiccaṃ natthīti ussāhaṃ appaṭippassambhetvā aññaṃ gāmaṃ gacchantānaṃ gāmasatampi hotu, puna āpucchanakiccaṃ natthīti attho. Tenāha ‘‘sace panā’’tiādi. Ussāhanti gāmappavisanussāhaṃ. Antarārāmādīsu (pāci. aṭṭha. 515) na kevalaṃ anāpucchā gacchantasseva, kāyabandhanaṃ abandhitvā saṅghāṭiṃ apārupitvā gacchantassāpi anāpatti. Āpadāsūti sīho vā byaggho vā āgacchati, megho vā uṭṭheti, añño vā koci upaddavo uppajjati , anāpatti. Evarūpāsu āpadāsu bahigāmato antogāmaṃ pavisituṃ vaṭṭati.
ৰিকালগামপ্পৰেসনসিক্খাপদৰণ্ণনা নিট্ঠিতা।
Vikālagāmappavesanasikkhāpadavaṇṇanā niṭṭhitā.
