| Library / Tipiṭaka / తిపిటక • Tipiṭaka / పాచిత్యాదియోజనాపాళి • Pācityādiyojanāpāḷi |
౩. వికాలగామప్పవిసనసిక్ఖాపదం
3. Vikālagāmappavisanasikkhāpadaṃ
౫౦౮. తతియే ‘‘తిరచ్ఛానభూతం కథ’’న్తి ఇమినా ‘‘తిరచ్ఛానకథ’’న్తి పదస్స తుల్యనిస్సితసమాసం దస్సేతి. రాజపటిసంయుత్తన్తి రాజూహి పటిసంయుత్తం.
508. Tatiye ‘‘tiracchānabhūtaṃ katha’’nti iminā ‘‘tiracchānakatha’’nti padassa tulyanissitasamāsaṃ dasseti. Rājapaṭisaṃyuttanti rājūhi paṭisaṃyuttaṃ.
౫౧౨. సమ్బహులా భిక్ఖూతి సమ్బన్ధో. తస్మిం గామేతి తస్మిం పఠమపవిసనగామే. తం కమ్మన్తి తం ఇచ్ఛితకమ్మం. అన్తరాతి గామవిహారానమన్తరే. భుమ్మత్థే చేతం నిస్సక్కవచనం.
512. Sambahulā bhikkhūti sambandho. Tasmiṃ gāmeti tasmiṃ paṭhamapavisanagāme. Taṃ kammanti taṃ icchitakammaṃ. Antarāti gāmavihārānamantare. Bhummatthe cetaṃ nissakkavacanaṃ.
కులఘరే వాతి ఞాతికులఉపట్ఠాకకులఘరే వా. తేలభిక్ఖాయ వాతి తేలయాచనత్థాయ వా. పస్సేతి అత్తనో పస్సే సమీపేతి వుత్తం హోతి. తేనాతి గామమజ్ఝమగ్గేన. అనోక్కమ్మాతి అనోక్కమిత్వా, అపక్కమిత్వాతి అత్థోతి. తతియం.
Kulaghare vāti ñātikulaupaṭṭhākakulaghare vā. Telabhikkhāya vāti telayācanatthāya vā. Passeti attano passe samīpeti vuttaṃ hoti. Tenāti gāmamajjhamaggena. Anokkammāti anokkamitvā, apakkamitvāti atthoti. Tatiyaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౯. రతనవగ్గో • 9. Ratanavaggo
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / ౩. వికాలగామప్పవిసనసిక్ఖాపదవణ్ణనా • 3. Vikālagāmappavisanasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౩. వికాలగామప్పవిసనసిక్ఖాపదవణ్ణనా • 3. Vikālagāmappavisanasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౩. వికాలగామప్పవిసనసిక్ఖాపదవణ్ణనా • 3. Vikālagāmappavisanasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౩. వికాలగామప్పవిసనసిక్ఖాపదవణ్ణనా • 3. Vikālagāmappavisanasikkhāpadavaṇṇanā
