| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੩. વਿਕਾਲਗਾਮਪ੍ਪવਿਸਨਸਿਕ੍ਖਾਪਦવਣ੍ਣਨਾ
3. Vikālagāmappavisanasikkhāpadavaṇṇanā
੫੦੮. ਤਤਿਯੇ – ਤਿਰਚ੍ਛਾਨਕਥਨ੍ਤਿ ਅਰਿਯਮਗ੍ਗਸ੍ਸ ਤਿਰਚ੍ਛਾਨਭੂਤਂ ਕਥਂ। ਰਾਜਕਥਨ੍ਤਿ ਰਾਜਪਟਿਸਂਯੁਤ੍ਤ ਕਥਂ। ਚੋਰਕਥਾਦੀਸੁਪਿ ਏਸੇવ ਨਯੋ।
508. Tatiye – tiracchānakathanti ariyamaggassa tiracchānabhūtaṃ kathaṃ. Rājakathanti rājapaṭisaṃyutta kathaṃ. Corakathādīsupi eseva nayo.
੫੧੨. ਸਨ੍ਤਂ ਭਿਕ੍ਖੁਨ੍ਤਿ ਏਤ੍ਥ ਯਂ વਤ੍ਤਬ੍ਬਂ , ਤਂ ਚਾਰਿਤ੍ਤਸਿਕ੍ਖਾਪਦੇ વੁਤ੍ਤਮੇવ। ਸਚੇ ਸਮ੍ਬਹੁਲਾ ਕੇਨਚਿ ਕਮ੍ਮੇਨ ਗਾਮਂ ਪવਿਸਨ੍ਤਿ, ‘‘વਿਕਾਲੇ ਗਾਮਪ੍ਪવੇਸਨਂ ਆਪੁਚ੍ਛਾਮੀ’’ਤਿ ਸਬ੍ਬੇਹਿ ਅਞ੍ਞਮਞ੍ਞਂ ਆਪੁਚ੍ਛਿਤਬ੍ਬਂ। ਤਸ੍ਮਿਂ ਗਾਮੇ ਤਂ ਕਮ੍ਮਂ ਨ ਸਮ੍ਪਜ੍ਜਤੀਤਿ ਅਞ੍ਞਂ ਗਾਮਂ ਗਚ੍ਛਨ੍ਤਿ, ਗਾਮਸਤਮ੍ਪਿ ਹੋਤੁ, ਪੁਨ ਆਪੁਚ੍ਛਨਕਿਚ੍ਚਂ ਨਤ੍ਥਿ। ਸਚੇ ਪਨ ਉਸ੍ਸਾਹਂ ਪਟਿਪ੍ਪਸ੍ਸਮ੍ਭੇਤ੍વਾ વਿਹਾਰਂ ਗਚ੍ਛਨ੍ਤਾ ਅਨ੍ਤਰਾ ਅਞ੍ਞਂ ਗਾਮਂ ਪવਿਸਿਤੁਕਾਮਾ ਹੋਨ੍ਤਿ, ਪੁਨ ਆਪੁਚ੍ਛਿਤਬ੍ਬਮੇવ।
512.Santaṃ bhikkhunti ettha yaṃ vattabbaṃ , taṃ cārittasikkhāpade vuttameva. Sace sambahulā kenaci kammena gāmaṃ pavisanti, ‘‘vikāle gāmappavesanaṃ āpucchāmī’’ti sabbehi aññamaññaṃ āpucchitabbaṃ. Tasmiṃ gāme taṃ kammaṃ na sampajjatīti aññaṃ gāmaṃ gacchanti, gāmasatampi hotu, puna āpucchanakiccaṃ natthi. Sace pana ussāhaṃ paṭippassambhetvā vihāraṃ gacchantā antarā aññaṃ gāmaṃ pavisitukāmā honti, puna āpucchitabbameva.
ਕੁਲਘਰੇ વਾ ਆਸਨਸਾਲਾਯ વਾ ਭਤ੍ਤਕਿਚ੍ਚਂ ਕਤ੍વਾ ਤੇਲਭਿਕ੍ਖਾਯ વਾ ਸਪ੍ਪਿਭਿਕ੍ਖਾਯ વਾ ਚਰਿਤੁਕਾਮੋ ਹੋਤਿ, ਸਚੇ ਪਸ੍ਸੇ ਭਿਕ੍ਖੁ ਅਤ੍ਥਿ, ਆਪੁਚ੍ਛਿਤ੍વਾ ਗਨ੍ਤਬ੍ਬਂ। ਅਸਨ੍ਤੇ ਨਤ੍ਥੀਤਿ ਗਨ੍ਤਬ੍ਬਂ। વੀਥਿਂ ਓਤਰਿਤ੍વਾ ਭਿਕ੍ਖੁਂ ਪਸ੍ਸਤਿ, ਆਪੁਚ੍ਛਨਕਿਚ੍ਚਂ ਨਤ੍ਥਿ, ਅਨਾਪੁਚ੍ਛਿਤ੍વਾਪਿ ਚਰਿਤਬ੍ਬਮੇવ। ਗਾਮਮਜ੍ਝੇਨ ਮਗ੍ਗੋ ਹੋਤਿ, ਤੇਨ ਗਚ੍ਛਨ੍ਤਸ੍ਸ ਤੇਲਾਦਿਭਿਕ੍ਖਾਯ ਚਰਿਸ੍ਸਾਮੀਤਿ ਚਿਤ੍ਤੇ ਉਪ੍ਪਨ੍ਨੇ ਸਚੇ ਪਸ੍ਸੇ ਭਿਕ੍ਖੁ ਅਤ੍ਥਿ, ਆਪੁਚ੍ਛਿਤ੍વਾ ਚਰਿਤਬ੍ਬਂ। ਮਗ੍ਗਾ ਅਨੋਕ੍ਕਮ੍ਮ ਭਿਕ੍ਖਾਯ ਚਰਨ੍ਤਸ੍ਸ ਪਨ ਆਪੁਚ੍ਛਨਕਿਚ੍ਚਂ ਨਤ੍ਥਿ, ਅਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਉਪਚਾਰੋ ਅਦਿਨ੍ਨਾਦਾਨੇ વੁਤ੍ਤਨਯੇਨੇવ વੇਦਿਤਬ੍ਬੋ।
Kulaghare vā āsanasālāya vā bhattakiccaṃ katvā telabhikkhāya vā sappibhikkhāya vā caritukāmo hoti, sace passe bhikkhu atthi, āpucchitvā gantabbaṃ. Asante natthīti gantabbaṃ. Vīthiṃ otaritvā bhikkhuṃ passati, āpucchanakiccaṃ natthi, anāpucchitvāpi caritabbameva. Gāmamajjhena maggo hoti, tena gacchantassa telādibhikkhāya carissāmīti citte uppanne sace passe bhikkhu atthi, āpucchitvā caritabbaṃ. Maggā anokkamma bhikkhāya carantassa pana āpucchanakiccaṃ natthi, aparikkhittassa gāmassa upacāro adinnādāne vuttanayeneva veditabbo.
੫੧੫. ਅਨ੍ਤਰਾਰਾਮਨ੍ਤਿਆਦੀਸੁ ਨ ਕੇવਲਂ ਅਨਾਪੁਚ੍ਛਾ ਕਾਯਬਨ੍ਧਨਂ ਅਬਨ੍ਧਿਤ੍વਾ ਸਙ੍ਘਾਟਿਂ ਅਪਾਰੁਪਿਤ੍વਾ ਗਚ੍ਛਨ੍ਤਸ੍ਸਪਿ ਅਨਾਪਤ੍ਤਿ। ਆਪਦਾਸੂਤਿ ਸੀਹੋ વਾ ਬ੍ਯਗ੍ਘੋ વਾ ਆਗਚ੍ਛਤਿ, ਮੇਘੋ વਾ ਉਟ੍ਠੇਤਿ, ਅਞ੍ਞੋ વਾ ਕੋਚਿ ਉਪਦ੍ਦવੋ ਉਪ੍ਪਜ੍ਜਤਿ, ਅਨਾਪਤ੍ਤਿ। ਏવਰੂਪਾਸੁ ਆਪਦਾਸੁ ਬਹਿਗਾਮਤੋ ਅਨ੍ਤੋਗਾਮਂ ਪવਿਸਿਤੁਂ વਟ੍ਟਤਿ। ਸੇਸਮੇਤ੍ਥ ਉਤ੍ਤਾਨਮੇવ।
515.Antarārāmantiādīsu na kevalaṃ anāpucchā kāyabandhanaṃ abandhitvā saṅghāṭiṃ apārupitvā gacchantassapi anāpatti. Āpadāsūti sīho vā byaggho vā āgacchati, megho vā uṭṭheti, añño vā koci upaddavo uppajjati, anāpatti. Evarūpāsu āpadāsu bahigāmato antogāmaṃ pavisituṃ vaṭṭati. Sesamettha uttānameva.
ਕਥਿਨਸਮੁਟ੍ਠਾਨਂ – ਕਾਯવਾਚਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਾਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
વਿਕਾਲਗਾਮਪ੍ਪવਿਸਨਸਿਕ੍ਖਾਪਦਂ ਤਤਿਯਂ।
Vikālagāmappavisanasikkhāpadaṃ tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੯. ਰਤਨવਗ੍ਗੋ • 9. Ratanavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. વਿਕਾਲਗਾਮਪ੍ਪવਿਸਨਸਿਕ੍ਖਾਪਦવਣ੍ਣਨਾ • 3. Vikālagāmappavisanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. વਿਕਾਲਗਾਮਪ੍ਪવਿਸਨਸਿਕ੍ਖਾਪਦવਣ੍ਣਨਾ • 3. Vikālagāmappavisanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. વਿਕਾਲਗਾਮਪ੍ਪવਿਸਨਸਿਕ੍ਖਾਪਦવਣ੍ਣਨਾ • 3. Vikālagāmappavisanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. વਿਕਾਲਗਾਮਪ੍ਪવਿਸਨਸਿਕ੍ਖਾਪਦਂ • 3. Vikālagāmappavisanasikkhāpadaṃ
