| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[233] 3. виган̣н̣агаж̇аад̇агаван̣н̣анаа
[233] 3. Vikaṇṇakajātakavaṇṇanā
гаамам̣ яахим̣ ижчаси д̇зна г̇ажчаад̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. со хи д̇хаммасабхам̣ аанийд̇о ‘‘сажжам̣ гира, д̇вам̣ бхигку, угган̣тид̇о’’д̇и сад̇т̇аараа будто ‘‘сажжа’’нд̇и вад̇ваа ‘‘гасмаа угган̣тид̇осий’’д̇и вуд̇д̇з ‘‘гаамаг̇ун̣агааран̣аа’’д̇и ааха. ат̇а нам̣ сад̇т̇аа ‘‘гаамаг̇ун̣аа наамзд̇з бхигку виган̣н̣агасалласад̣̇исаа, сагим̣ хад̣̇аяз бад̇идтам̣ лабхамаанаа виган̣н̣агам̣ вияа вид̣̇д̇хам̣ сум̣сумаарам̣ маран̣амзва баабзнд̇ий’’д̇и вад̇ваа ад̇ийд̇ам̣ аахари.
Kāmaṃyahiṃ icchasi tena gacchāti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. So hi dhammasabhaṃ ānīto ‘‘saccaṃ kira, tvaṃ bhikkhu, ukkaṇṭhito’’ti satthārā puṭṭho ‘‘sacca’’nti vatvā ‘‘kasmā ukkaṇṭhitosī’’ti vutte ‘‘kāmaguṇakāraṇā’’ti āha. Atha naṃ satthā ‘‘kāmaguṇā nāmete bhikkhu vikaṇṇakasallasadisā, sakiṃ hadaye patiṭṭhaṃ labhamānā vikaṇṇakaṃ viya viddhaṃ suṃsumāraṃ maraṇameva pāpentī’’ti vatvā atītaṃ āhari.
ад̇ийд̇з б̣од̇хисад̇д̇о б̣аараан̣асияам̣ д̇хаммзна раж̇ж̇ам̣ гаарзнд̇о згад̣̇ивасам̣ уяяаанам̣ г̇анд̇ваа богкаран̣ийд̇ийрам̣ самбаабун̣и. нажжаг̇ийд̇аасу гусалаа нажжаг̇ийд̇аани баяож̇зсум̣, богкаран̣ияам̣ мажчагажчабаа г̇ийд̇асад̣̇д̣̇алолад̇ааяа саннибад̇ид̇ваа ран̃н̃аава сад̣̇д̇хим̣ г̇ажчанд̇и. рааж̇аа д̇аалагканд̇хаббамаан̣ам̣ мажчагхадам̣ д̣̇исваа ‘‘гим̣ ну ко имз мажчаа маяаа сад̣̇д̇хим̣язва жаранд̇ий’’д̇и амажжз бужчи. амажжаа ‘‘зд̇з, д̣̇зва, убадтаханд̇ий’’д̇и аахам̣су. рааж̇аа ‘‘зд̇з гира мам̣ убадтаханд̇ий’’д̇и д̇уссид̇ваа д̇зсам̣ нижжабхад̇д̇ам̣ бадтабзси. д̣̇звасигам̣ д̇ан̣д̣уламб̣ан̣ам̣ баажзси. мажчаа бхад̇д̇авзлааяа згажжз ааг̇ажчанд̇и, згажжз нааг̇ажчанд̇и, бхад̇д̇ам̣ нассад̇и. ран̃н̃о д̇амад̇т̇ам̣ аарожзсум̣. рааж̇аа ‘‘ид̇о бадтааяа сад̇д̇авзлааяа бхзрим̣ бахарид̇ваа бхзрисан̃н̃ааяа мажчзсу саннибад̇ид̇зсу бхад̇д̇ам̣ д̣̇зт̇аа’’д̇и ааха. д̇ад̇о бадтааяа бхад̇д̇агаммиго бхзрим̣ бахараабзд̇ваа саннибад̇ид̇аанам̣ мажчаанам̣ бхад̇д̇ам̣ д̣̇зд̇и. д̇зби бхзрисан̃н̃ааяа саннибад̇ид̇ваа бхун̃ж̇анд̇и.
Atīte bodhisatto bārāṇasiyaṃ dhammena rajjaṃ kārento ekadivasaṃ uyyānaṃ gantvā pokkharaṇītīraṃ sampāpuṇi. Naccagītāsu kusalā naccagītāni payojesuṃ, pokkharaṇiyaṃ macchakacchapā gītasaddalolatāya sannipatitvā raññāva saddhiṃ gacchanti. Rājā tālakkhandhappamāṇaṃ macchaghaṭaṃ disvā ‘‘kiṃ nu kho ime macchā mayā saddhiṃyeva carantī’’ti amacce pucchi. Amaccā ‘‘ete, deva, upaṭṭhahantī’’ti āhaṃsu. Rājā ‘‘ete kira maṃ upaṭṭhahantī’’ti tussitvā tesaṃ niccabhattaṃ paṭṭhapesi. Devasikaṃ taṇḍulambaṇaṃ pācesi. Macchā bhattavelāya ekacce āgacchanti, ekacce nāgacchanti, bhattaṃ nassati. Rañño tamatthaṃ ārocesuṃ. Rājā ‘‘ito paṭṭhāya sattavelāya bheriṃ paharitvā bherisaññāya macchesu sannipatitesu bhattaṃ dethā’’ti āha. Tato paṭṭhāya bhattakammiko bheriṃ paharāpetvā sannipatitānaṃ macchānaṃ bhattaṃ deti. Tepi bherisaññāya sannipatitvā bhuñjanti.
д̇зсу звам̣ саннибад̇ид̇ваа бхун̃ж̇анд̇зсу зго сум̣сумааро ааг̇анд̇ваа мажчз каад̣̇и. бхад̇д̇агаммиго ран̃н̃о аарожзси. рааж̇аа д̇ам̣ суд̇ваа ‘‘сум̣сумаарам̣ мажчаанам̣ каад̣̇анагаалз виган̣н̣агзна виж̇жхид̇ваа г̇ан̣хаа’’д̇и ааха . со ‘‘саад̇хуу’’д̇и г̇анд̇ваа наавааяа тад̇ваа мажчз каад̣̇ид̇ум̣ ааг̇ад̇ам̣ сум̣сумаарам̣ виган̣н̣агзна бахари, д̇ам̣ д̇асса анд̇обидтим̣ баависи. со взд̣̇анааббад̇д̇о худ̇ваа д̇ам̣ г̇ахзд̇ваава балааяи. бхад̇д̇агаммиго д̇асса вид̣̇д̇хабхаавам̣ н̃ад̇ваа д̇ам̣ аалабанд̇о батамам̣ г̇аат̇амааха –
Tesu evaṃ sannipatitvā bhuñjantesu eko suṃsumāro āgantvā macche khādi. Bhattakammiko rañño ārocesi. Rājā taṃ sutvā ‘‘suṃsumāraṃ macchānaṃ khādanakāle vikaṇṇakena vijjhitvā gaṇhā’’ti āha . So ‘‘sādhū’’ti gantvā nāvāya ṭhatvā macche khādituṃ āgataṃ suṃsumāraṃ vikaṇṇakena pahari, taṃ tassa antopiṭṭhiṃ pāvisi. So vedanāppatto hutvā taṃ gahetvāva palāyi. Bhattakammiko tassa viddhabhāvaṃ ñatvā taṃ ālapanto paṭhamaṃ gāthamāha –
165.
165.
‘‘гаамам̣ яахим̣ ижчаси д̇зна г̇ажча, вид̣̇д̇хоси маммамхи виган̣н̣агзна;
‘‘Kāmaṃ yahiṃ icchasi tena gaccha, viddhosi mammamhi vikaṇṇakena;
хад̇оси бхад̇д̇зна суваад̣̇ид̇зна, лоло жа мажчз ануб̣анд̇хамаано’’д̇и.
Hatosi bhattena suvāditena, lolo ca macche anubandhamāno’’ti.
д̇ад̇т̇а гааманд̇и згам̣сзна. яахим̣ ижчаси д̇зна г̇ажчаад̇и яасмим̣ ижчаси, д̇асмим̣ г̇ажча. маммамхийд̇и маммадтаанз. виган̣н̣агзнаад̇и виган̣н̣агасаллзна. хад̇оси бхад̇д̇зна суваад̣̇ид̇зна, лоло жа мажчз ануб̣анд̇хамаанод̇и д̇вам̣ бхзриваад̣̇ид̇асан̃н̃ааяа бхад̇д̇з д̣̇ийяамаанз лоло худ̇ваа каад̣̇анад̇т̇ааяа мажчз ануб̣анд̇хамаано д̇зна саваад̣̇ид̇зна бхад̇д̇зна хад̇о, г̇ад̇адтаанзби д̇з ж̇ийвид̇ам̣ над̇т̇ийд̇и ад̇т̇о. со ад̇д̇ано васанадтаанам̣ г̇анд̇ваа ж̇ийвид̇агкаяам̣ бад̇д̇о.
Tattha kāmanti ekaṃsena. Yahiṃ icchasi tena gacchāti yasmiṃ icchasi, tasmiṃ gaccha. Mammamhīti mammaṭṭhāne. Vikaṇṇakenāti vikaṇṇakasallena. Hatosi bhattena suvāditena, lolo ca macche anubandhamānoti tvaṃ bherivāditasaññāya bhatte dīyamāne lolo hutvā khādanatthāya macche anubandhamāno tena savāditena bhattena hato, gataṭṭhānepi te jīvitaṃ natthīti attho. So attano vasanaṭṭhānaṃ gantvā jīvitakkhayaṃ patto.
сад̇т̇аа имам̣ гааран̣ам̣ д̣̇ассзд̇ваа абхисамб̣уд̣̇д̇хо худ̇ваа д̣̇уд̇ияам̣ г̇аат̇амааха –
Satthā imaṃ kāraṇaṃ dassetvā abhisambuddho hutvā dutiyaṃ gāthamāha –
166.
166.
‘‘звамби логаамисам̣ обад̇анд̇о, вихан̃н̃ад̇ий жид̇д̇авасаанувад̇д̇ий;
‘‘Evampi lokāmisaṃ opatanto, vihaññatī cittavasānuvattī;
со хан̃н̃ад̇ий н̃аад̇исакаана маж̇жхз, мажчаануг̇о сорива сум̣сумааро’’д̇и.
So haññatī ñātisakhāna majjhe, macchānugo soriva suṃsumāro’’ti.
д̇ад̇т̇а логаамисанд̇и бан̃жа гаамаг̇ун̣аа. д̇з хи лого идтад̇о ганд̇ад̇о манаабад̇о г̇ан̣хаад̇и, д̇асмаа ‘‘логаамиса’’нд̇и вужжад̇и. обад̇анд̇од̇и д̇ам̣ логаамисам̣ анубад̇анд̇о гилзсавасзна жид̇д̇авасаанувад̇д̇ий буг̇г̇ало вихан̃н̃ад̇и гиламад̇и, со хан̃н̃ад̇ийд̇и со зваруубо буг̇г̇ало н̃аад̇ийнан̃жа сакаанан̃жа маж̇жхз со виган̣н̣агзна вид̣̇д̇хо мажчаануг̇о сум̣сумааро вияа бан̃жа гаамаг̇ун̣з манаабаад̇и г̇ахзд̇ваа хан̃н̃ад̇и гиламад̇и махаавинаасам̣ баабун̣аад̇иязваад̇и.
Tattha lokāmisanti pañca kāmaguṇā. Te hi loko iṭṭhato kantato manāpato gaṇhāti, tasmā ‘‘lokāmisa’’nti vuccati. Opatantoti taṃ lokāmisaṃ anupatanto kilesavasena cittavasānuvattī puggalo vihaññati kilamati, so haññatīti so evarūpo puggalo ñātīnañca sakhānañca majjhe so vikaṇṇakena viddho macchānugo suṃsumāro viya pañca kāmaguṇe manāpāti gahetvā haññati kilamati mahāvināsaṃ pāpuṇātiyevāti.
звам̣ сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа сум̣сумааро д̣̇звад̣̇ад̇д̇о, мажчаа б̣уд̣̇д̇хабарисаа, б̣аараан̣асирааж̇аа бана ахамзва ахоси’’нд̇и.
Evaṃ satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā suṃsumāro devadatto, macchā buddhaparisā, bārāṇasirājā pana ahameva ahosi’’nti.
виган̣н̣агаж̇аад̇агаван̣н̣анаа д̇ад̇ияаа.
Vikaṇṇakajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 233. виган̣н̣аж̇аад̇агам̣ • 233. Vikaṇṇajātakaṃ
