| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৯. ৰিকপ্পনসিক্খাপদৰণ্ণনা
9. Vikappanasikkhāpadavaṇṇanā
সম্মুখেন ৰিকপ্পনা সম্মুখৰিকপ্পনা। পরম্মুখেন ৰিকপ্পনা পরম্মুখৰিকপ্পনা। সন্নিহিতাসন্নিহিতভাৰন্তি আসন্নদূরভাৰং। আসন্নদূরভাৰো চ অধিট্ঠানে ৰুত্তনযেনেৰ ৰেদিতব্বো।
Sammukhena vikappanā sammukhavikappanā. Parammukhena vikappanā parammukhavikappanā. Sannihitāsannihitabhāvanti āsannadūrabhāvaṃ. Āsannadūrabhāvo ca adhiṭṭhāne vuttanayeneva veditabbo.
মিত্তোতি দল়্হমিত্তো। সন্দিট্ঠোতি দিট্ঠমত্তো নাতিদল়্হমিত্তো। অকতপচ্চুদ্ধারন্তি ‘‘ময্হং সন্তকং পরিভুঞ্জ ৰা ৰিস্সজ্জেহি ৰা’’তিআদিনা অকতপচ্চুদ্ধারং। যেন ৰিনযকম্মং কতন্তি যেন সদ্ধিং ৰিনযকম্মং কতং।
Mittoti daḷhamitto. Sandiṭṭhoti diṭṭhamatto nātidaḷhamitto. Akatapaccuddhāranti ‘‘mayhaṃ santakaṃ paribhuñja vā vissajjehi vā’’tiādinā akatapaccuddhāraṃ. Yena vinayakammaṃ katanti yena saddhiṃ vinayakammaṃ kataṃ.
পরিভোগেন কাযকম্মং, অপচ্চুদ্ধারাপনেন ৰচীকম্মন্তি আহ ‘‘সমুট্ঠানাদীনি পঠমকথিনসদিসানেৰা’’তি। কিরিযাকিরিযন্তি এত্থ পরিভুঞ্জনং কিরিযং। অপচ্চুদ্ধারাপনং অকিরিযং।
Paribhogena kāyakammaṃ, apaccuddhārāpanena vacīkammanti āha ‘‘samuṭṭhānādīni paṭhamakathinasadisānevā’’ti. Kiriyākiriyanti ettha paribhuñjanaṃ kiriyaṃ. Apaccuddhārāpanaṃ akiriyaṃ.
ৰিকপ্পনসিক্খাপদৰণ্ণনা নিট্ঠিতা।
Vikappanasikkhāpadavaṇṇanā niṭṭhitā.
