| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
9. විකප්‌පනසික්‌ඛාපදවණ්‌ණනා
9. Vikappanasikkhāpadavaṇṇanā
සම්‌මුඛෙන විකප්‌පනා සම්‌මුඛවිකප්‌පනා. පරම්‌මුඛෙන විකප්‌පනා පරම්‌මුඛවිකප්‌පනා. සන්‌නිහිතාසන්‌නිහිතභාවන්‌ති ආසන්‌නදූරභාවං. ආසන්‌නදූරභාවො ච අධිට්‌ඨානෙ වුත්‌තනයෙනෙව වෙදිතබ්‌බො.
Sammukhena vikappanā sammukhavikappanā. Parammukhena vikappanā parammukhavikappanā. Sannihitāsannihitabhāvanti āsannadūrabhāvaṃ. Āsannadūrabhāvo ca adhiṭṭhāne vuttanayeneva veditabbo.
මිත්‌තොති දළ්‌හමිත්‌තො. සන්‌දිට්‌ඨොති දිට්‌ඨමත්‌තො නාතිදළ්‌හමිත්‌තො. අකතපච්‌චුද්‌ධාරන්‌ති ‘‘මය්‌හං සන්‌තකං පරිභුඤ්‌ජ වා විස්‌සජ්‌ජෙහි වා’’තිආදිනා අකතපච්‌චුද්‌ධාරං. යෙන විනයකම්‌මං කතන්‌ති යෙන සද්‌ධිං විනයකම්‌මං කතං.
Mittoti daḷhamitto. Sandiṭṭhoti diṭṭhamatto nātidaḷhamitto. Akatapaccuddhāranti ‘‘mayhaṃ santakaṃ paribhuñja vā vissajjehi vā’’tiādinā akatapaccuddhāraṃ. Yena vinayakammaṃ katanti yena saddhiṃ vinayakammaṃ kataṃ.
පරිභොගෙන කායකම්‌මං, අපච්‌චුද්‌ධාරාපනෙන වචීකම්‌මන්‌ති ආහ ‘‘සමුට්‌ඨානාදීනි පඨමකථිනසදිසානෙවා’’ති. කිරියාකිරියන්‌ති එත්‌ථ පරිභුඤ්‌ජනං කිරියං. අපච්‌චුද්‌ධාරාපනං අකිරියං.
Paribhogena kāyakammaṃ, apaccuddhārāpanena vacīkammanti āha ‘‘samuṭṭhānādīni paṭhamakathinasadisānevā’’ti. Kiriyākiriyanti ettha paribhuñjanaṃ kiriyaṃ. Apaccuddhārāpanaṃ akiriyaṃ.
විකප්‌පනසික්‌ඛාපදවණ්‌ණනා නිට්‌ඨිතා.
Vikappanasikkhāpadavaṇṇanā niṭṭhitā.
