| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
2. விலேக²னஸிக்கா²பத³ங்
2. Vilekhanasikkhāpadaṃ
438. து³தியே வினயே படிஸங்யுத்தா கதா² வினயகதா²தி த³ஸ்ஸெந்தோ ஆஹ ‘‘வினயகதா² நாமா’’திஆதி³. தந்தி வினயகத²ங். பத³பா⁴ஜனேன வண்ணனா வினயஸ்ஸ வண்ணோ நாமாதி யோஜனா. தந்தி வினயஸ்ஸ வண்ணங். பரியாபுணனங் பரியத்தி, வினயஸ்ஸ பரியத்தி வினயபரியத்தி, வினயபரியத்திஸங்கா²தங் மூலமஸ்ஸ வண்ணஸ்ஸாதி வினயபரியத்திமூலகோ, தங். வினயத⁴ரோ லப⁴தீதி ஸம்ப³ந்தோ⁴. ஹீதி வித்தா²ரோ. தே ஸப்³பே³ ப⁴க³வா பா⁴ஸதீதி ஸம்ப³ந்தோ⁴. ஹீதி ஸச்சங்.
438. Dutiye vinaye paṭisaṃyuttā kathā vinayakathāti dassento āha ‘‘vinayakathā nāmā’’tiādi. Tanti vinayakathaṃ. Padabhājanena vaṇṇanā vinayassa vaṇṇo nāmāti yojanā. Tanti vinayassa vaṇṇaṃ. Pariyāpuṇanaṃ pariyatti, vinayassa pariyatti vinayapariyatti, vinayapariyattisaṅkhātaṃ mūlamassa vaṇṇassāti vinayapariyattimūlako, taṃ. Vinayadharo labhatīti sambandho. Hīti vitthāro. Te sabbe bhagavā bhāsatīti sambandho. Hīti saccaṃ.
அஸ்ஸாதி வினயத⁴ரஸ்ஸ. இதா⁴தி இமஸ்மிங் ஸாஸனே. அலஜ்ஜிதாதிஆதீ³ஸு கரணத்தே² பச்சத்தவசனங். அலஜ்ஜிதாயாதி ஹி அத்தோ². தேன வுத்தங் ‘‘கத²ங் அலஜ்ஜிதாயா’’திஆதி³. சாதி ஸச்சங் . ‘‘ஸஞ்சிச்சா’’தி பத³ங் தீஸு வாக்யேஸு யோஜேதப்³ப³ங். ஸஞ்சிச்ச ஆபத்திங் ஆபஜ்ஜதி, ஸஞ்சிச்ச ஆபத்திங் பரிகூ³ஹதி, ஸஞ்சிச்ச அக³திக³மனஞ்ச க³ச்ச²தீதி அத்தோ². மந்தோ³தி பா³லோ. மோமூஹோதி அதிஸம்மூள்ஹோ. விராதே⁴தீதி விரஜ்ஜா²பேதி. குக்குச்சே உப்பன்னேதி ‘‘கப்பதி நு கோ², நோ’’தி வினயகுக்குச்சே உப்பன்னே. அயங் பனாதி அயங் புக்³க³லோ பன வீதிக்கமதியேவாதி ஸம்ப³ந்தோ⁴. அச்ச²மங்ஸேன ஸூகரமங்ஸஸ்ஸ வண்ணஸண்டா²னேன ஸதி³ஸத்தா, தீ³பிமங்ஸேன ச மிக³மங்ஸஸ்ஸ ஸதி³ஸத்தா வுத்தங் ‘‘அச்ச²மங்ஸங் ஸூகரமங்ஸ’’ந்திஆதி³.
Assāti vinayadharassa. Idhāti imasmiṃ sāsane. Alajjitātiādīsu karaṇatthe paccattavacanaṃ. Alajjitāyāti hi attho. Tena vuttaṃ ‘‘kathaṃ alajjitāyā’’tiādi. Cāti saccaṃ . ‘‘Sañciccā’’ti padaṃ tīsu vākyesu yojetabbaṃ. Sañcicca āpattiṃ āpajjati, sañcicca āpattiṃ parigūhati, sañcicca agatigamanañca gacchatīti attho. Mandoti bālo. Momūhoti atisammūḷho. Virādhetīti virajjhāpeti. Kukkucce uppanneti ‘‘kappati nu kho, no’’ti vinayakukkucce uppanne. Ayaṃ panāti ayaṃ puggalo pana vītikkamatiyevāti sambandho. Acchamaṃsena sūkaramaṃsassa vaṇṇasaṇṭhānena sadisattā, dīpimaṃsena ca migamaṃsassa sadisattā vuttaṃ ‘‘acchamaṃsaṃ sūkaramaṃsa’’ntiādi.
ஆபத்திங்ச ஸதிஸம்மோஸாயாதி எத்த² சஸத்³தோ³ அவுத்தவாக்யஸம்பிண்ட³னத்தோ², கத்தப்³ப³ஞ்ச ந ஹி கரோதீதி அத்தோ². ஏவந்திஆதி³ நிக³மனங்.
Āpattiṃca satisammosāyāti ettha casaddo avuttavākyasampiṇḍanattho, kattabbañca na hi karotīti attho. Evantiādi nigamanaṃ.
ஏவங் அவினயத⁴ரஸ்ஸ தோ³ஸங் த³ஸ்ஸெத்வா வினயத⁴ரஸ்ஸ கு³ணங் த³ஸ்ஸெந்தோ ஆஹ ‘‘வினயத⁴ரோ பனா’’திஆதி³. ஸோதி வினயத⁴ரோ. ஹீதி வித்தா²ரோ. பரூபவாத³ந்தி பரேஸங் உபவாத³ங். ஸுத்³த⁴ந்தேதி ஸுத்³த⁴ஸ்ஸ கொட்டா²ஸே. ததோதி பதிட்டா²னதோ பரந்தி ஸம்ப³ந்தோ⁴. அஸ்ஸாதி வினயத⁴ரஸ்ஸ. ஏவந்திஆதி³ நிக³மனங். அஸ்ஸாதி வினயத⁴ரஸ்ஸ. குக்குச்சபகதானந்தி குக்குச்சேன அபி⁴பூ⁴தானங். ஸோதி வினயத⁴ரோ. தேஹீதி குக்குச்சபகதேஹி. ஸங்க⁴மஜ்ஜே² கதெ²ந்தஸ்ஸ அவினயத⁴ரஸ்ஸாதி யோஜனா. தந்தி ப⁴யங் ஸாரஜ்ஜங்.
Evaṃ avinayadharassa dosaṃ dassetvā vinayadharassa guṇaṃ dassento āha ‘‘vinayadharo panā’’tiādi. Soti vinayadharo. Hīti vitthāro. Parūpavādanti paresaṃ upavādaṃ. Suddhanteti suddhassa koṭṭhāse. Tatoti patiṭṭhānato paranti sambandho. Assāti vinayadharassa. Evantiādi nigamanaṃ. Assāti vinayadharassa. Kukkuccapakatānanti kukkuccena abhibhūtānaṃ. Soti vinayadharo. Tehīti kukkuccapakatehi. Saṅghamajjhe kathentassa avinayadharassāti yojanā. Tanti bhayaṃ sārajjaṃ.
படிபக்க²ங், படிவிருத்³த⁴ங் வா அத்த²யந்தி இச்ச²ந்தீதி பச்சத்தீ²கா, ண்யஸத்³தோ³ ப³ஹுலங் கத்தாபி⁴தா⁴யகோ, அத்தனோ பச்சத்தி²கா அத்தபச்சத்தி²கா. தத்தா²தி து³விதே⁴ஸு பச்சத்தி²கேஸு. இமேதி மெத்தியபு⁴ம்மஜகவட்³ட⁴லிச்ச²வினோ. அஞ்ஞேபி யே வா பன பி⁴க்கூ²தி ஸம்ப³ந்தோ⁴. அரிட்ட²பி⁴க்கு² ச கண்டகஸாமணேரோ ச வேஸாலிகவஜ்ஜிபுத்தகா ச அரிட்ட²…பே॰… வஜ்ஜீபுத்தகா. தே ச ஸாஸனபச்சத்தி²கா நாமாதி ஸம்ப³ந்தோ⁴. பரூபஹாரோ ச அஞ்ஞாணோ ச கங்கா²பரவிதரணோ ச பரூ…பே॰… விதரணா. தே ஆத³யோ யேஸங் வாதா³னந்தி பரூ…பே॰… விதரணாத³யோ. தே ஏவ வாதா³ ஏதேஸந்தி பரூ…பே॰… விதரணாதி³வாதா³. தே ச ஸாஸனபச்சத்தி²கா நாமாதி ஸம்ப³ந்தோ⁴. அபு³த்³த⁴ஸாஸனங் பு³த்³த⁴ஸாஸனந்தி வத்வா கதபக்³க³ஹா மஹாஸங்கி⁴காத³யோ ச ஸாஸனபச்சத்தி²கா நாமாதி யோஜனா. கங்கா²பரவிதரணாதீ³தி எத்த² ஆதி³ஸத்³தே³ன கதா²வத்து²பகரணே ஆக³தா வாதா³ ஸங்க³ய்ஹந்தி. மஹாஸங்கி⁴காத³யோதி எத்த² ஆதி³ஸத்³தே³ன தீ³பவங்ஸே ஆக³தா க³ணா ஸங்க³ய்ஹந்தி. ஆதி³ம்ஹி ‘‘விபரீதத³ஸ்ஸனா’’தி பத³ங் ஸப்³ப³பதே³ஹி யோஜேதப்³ப³ங். ‘‘ஸஹத⁴ம்மேனா’’தி பத³ஸ்ஸத்த²ங் த³ஸ்ஸேதுங் வுத்தங் ‘‘ஸஹ காரணேனா’’தி. யதா²தி யேனாகாரேன நிக்³க³ய்ஹமானேதி ஸம்ப³ந்தோ⁴.
Paṭipakkhaṃ, paṭiviruddhaṃ vā atthayanti icchantīti paccatthīkā, ṇyasaddo bahulaṃ kattābhidhāyako, attano paccatthikā attapaccatthikā. Tatthāti duvidhesu paccatthikesu. Imeti mettiyabhummajakavaḍḍhalicchavino. Aññepi ye vā pana bhikkhūti sambandho. Ariṭṭhabhikkhu ca kaṇṭakasāmaṇero ca vesālikavajjiputtakā ca ariṭṭha…pe… vajjīputtakā. Te ca sāsanapaccatthikā nāmāti sambandho. Parūpahāro ca aññāṇo ca kaṅkhāparavitaraṇo ca parū…pe… vitaraṇā. Te ādayo yesaṃ vādānanti parū…pe… vitaraṇādayo. Te eva vādā etesanti parū…pe… vitaraṇādivādā. Te ca sāsanapaccatthikā nāmāti sambandho. Abuddhasāsanaṃ buddhasāsananti vatvā katapaggahā mahāsaṅghikādayo ca sāsanapaccatthikā nāmāti yojanā. Kaṅkhāparavitaraṇādīti ettha ādisaddena kathāvatthupakaraṇe āgatā vādā saṅgayhanti. Mahāsaṅghikādayoti ettha ādisaddena dīpavaṃse āgatā gaṇā saṅgayhanti. Ādimhi ‘‘viparītadassanā’’ti padaṃ sabbapadehi yojetabbaṃ. ‘‘Sahadhammenā’’ti padassatthaṃ dassetuṃ vuttaṃ ‘‘saha kāraṇenā’’ti. Yathāti yenākārena niggayhamāneti sambandho.
தத்தா²தி திவிதே⁴ஸு ஸத்³த⁴ம்மேஸு. மஹாவத்தானி ஸந்தி, அயங் ஸப்³போ³தி யோஜனா. சத்தாரி ப²லானி சாதி லிங்க³விபல்லாஸேன யோஜேதப்³ப³ங். எத்த² சகாரேன அபி⁴ஞ்ஞாபடிஸம்பி⁴தா³ ஸங்க³ஹிதா தாஸம்பி அதி⁴க³மஸாஸனபா⁴வதோ.
Tatthāti tividhesu saddhammesu. Mahāvattāni santi, ayaṃ sabboti yojanā. Cattāri phalāni cāti liṅgavipallāsena yojetabbaṃ. Ettha cakārena abhiññāpaṭisambhidā saṅgahitā tāsampi adhigamasāsanabhāvato.
தத்தா²தி திவிதே⁴ஸு ஸத்³த⁴ம்மேஸு. கேசி தே²ராதி த⁴ம்மகதி²கா கேசி தே²ரா. ‘‘யோ கோ²’’தி கண்ட²ஜது³தியக்க²ரேன படி²தப்³போ³. பொத்த²கேஸு பன ‘‘யோ வோ’’தி வகாரேன பாடோ² அத்தி², ஸோ அயுத்தோ. கஸ்மா? ‘‘ஸோ வோ’’தி பரதோ வுத்தத்தா, ஏகஸ்மிங் வாக்யே த்³வின்னங் ஸமானஸுதிஸத்³தா³னங் அயுத்தத்தா ச. கேசி தே²ராதி பங்ஸுகூலிகா கேசி தே²ரா ஆஹங்ஸூதி ஸம்ப³ந்தோ⁴. இதரே பன தே²ராதி த⁴ம்மகதி²கதே²ரேஹி ச பங்ஸுகூலிகதே²ரேஹி ச அஞ்ஞே தே²ரா. தேதி பஞ்ச பி⁴க்கூ² கரிஸ்ஸந்தீதி ஸம்ப³ந்தோ⁴. ஜம்பு³தீ³பஸ்ஸ பச்சந்தே திட்ட²தீதி பச்சந்திமோ, தஸ்மிங். ஜம்பு³தீ³பஸ்ஸ மஜ்ஜே² வேமஜ்ஜே² திட்ட²தீதி மஜ்ஜி²மோ. அத² வா மஜ்ஜா²னங் ஸுத்³தா⁴னங் பு³த்³தா⁴தீ³னங் நிவாஸோ மஜ்ஜி²மோ, தஸ்மிங். வீஸதி வக்³கா³ இமஸ்ஸாதி வீஸதிவக்³கோ³, ஸோயேவ க³ணோ வீஸதிவக்³க³க³ணோ, தங். ஏவந்திஆதி³ நிக³மனங்.
Tatthāti tividhesu saddhammesu. Keci therāti dhammakathikā keci therā. ‘‘Yo kho’’ti kaṇṭhajadutiyakkharena paṭhitabbo. Potthakesu pana ‘‘yo vo’’ti vakārena pāṭho atthi, so ayutto. Kasmā? ‘‘So vo’’ti parato vuttattā, ekasmiṃ vākye dvinnaṃ samānasutisaddānaṃ ayuttattā ca. Keci therāti paṃsukūlikā keci therā āhaṃsūti sambandho. Itare pana therāti dhammakathikatherehi ca paṃsukūlikatherehi ca aññe therā. Teti pañca bhikkhū karissantīti sambandho. Jambudīpassa paccante tiṭṭhatīti paccantimo, tasmiṃ. Jambudīpassa majjhe vemajjhe tiṭṭhatīti majjhimo. Atha vā majjhānaṃ suddhānaṃ buddhādīnaṃ nivāso majjhimo, tasmiṃ. Vīsati vaggā imassāti vīsativaggo, soyeva gaṇo vīsativaggagaṇo, taṃ. Evantiādi nigamanaṃ.
தஸ்ஸாதெ⁴ய்யோதி தஸ்ஸாயத்தோ, தஸ்ஸ ஸந்தகோதி வுத்தங் ஹோதி. பவாரணா ஆதெ⁴ய்யா, ஸங்க⁴கம்மங் ஆதெ⁴ய்யங், பப்³ப³ஜ்ஜா ஆதெ⁴ய்யா, உபஸம்பதா³ ஆதெ⁴ய்யாதி யோஜனா.
Tassādheyyoti tassāyatto, tassa santakoti vuttaṃ hoti. Pavāraṇā ādheyyā, saṅghakammaṃ ādheyyaṃ, pabbajjā ādheyyā, upasampadā ādheyyāti yojanā.
யேபி இமே நவ உபோஸதா²தி ஸம்ப³ந்தோ⁴. யாபி ச இமா நவ பவாரணாயோதி யோஜனா. தஸ்ஸாதி வினயத⁴ரஸ்ஸ. தாஸந்தி நவபவாரணானங்.
Yepi ime nava uposathāti sambandho. Yāpi ca imā nava pavāraṇāyoti yojanā. Tassāti vinayadharassa. Tāsanti navapavāraṇānaṃ.
யானிபி இமானி சத்தாரி ஸங்க⁴கம்மானீதி யோஜேதப்³ப³ங். எத்த² ச தானி வினயத⁴ராயத்தானேவாதி பாட²ஸேஸோ அஹ்ஜா²ஹரிதப்³போ³.
Yānipi imāni cattāri saṅghakammānīti yojetabbaṃ. Ettha ca tāni vinayadharāyattānevāti pāṭhaseso ahjhāharitabbo.
யாபி ச அயங் பப்³ப³ஜ்ஜா ச உபஸம்பதா³ ச காதப்³பா³தி யோஜனா. ஹீதி ஸச்சங். அஞ்ஞோதி வினயத⁴ரதோ பரோ. ஸோ ஏவாதி வினயத⁴ரோ ஏவ. ‘‘உபஜ்ஜ²’’ந்தி தா⁴துகம்மங், ‘‘ஸாமணேரேனா’’தி காரிதகம்மங் உபனேதப்³ப³ங். எத்த² சாதி உபோஸதா²தீ³ஸு ச. நிஸ்ஸயதா³னஞ்ச ஸாமணேரூபட்டா²னஞ்ச விஸுங் கத்வா த்³வாத³ஸானிஸங்ஸே லப⁴தீதிபி ஸக்கா வத்துங்.
Yāpi ca ayaṃ pabbajjā ca upasampadā ca kātabbāti yojanā. Hīti saccaṃ. Aññoti vinayadharato paro. So evāti vinayadharo eva. ‘‘Upajjha’’nti dhātukammaṃ, ‘‘sāmaṇerenā’’ti kāritakammaṃ upanetabbaṃ. Ettha cāti uposathādīsu ca. Nissayadānañca sāmaṇerūpaṭṭhānañca visuṃ katvā dvādasānisaṃse labhatītipi sakkā vattuṃ.
விஸுங் விஸுங் கத்வாதி ‘‘பஞ்சாதி ச…பே॰… ஏகாத³ஸா’’தி ச கொட்டா²ஸங் கொட்டா²ஸங் கத்வா, ஸத்த கொட்டா²ஸே கத்வா பா⁴ஸதீதி அதி⁴ப்பாயோ. தோ²மேதீதி ஸம்முகா² தோ²மேதி. பஸங்ஸதீதி பரம்முகா² பஸங்ஸதி. ‘‘உக்³க³ஹேதப்³ப³’’ந்திபத³ஸ்ஸத்த²ங் த³ஸ்ஸேதுங் வுத்தங் ‘‘பரியாபுணிதப்³ப³’’ந்தி. அத்³த⁴னி தீ³கே⁴ ஸாதூ⁴தி அத்³த⁴னியங் அத்³த⁴க்க²மங் அத்³த⁴யொக்³யந்தி அத்தோ² ஸாது⁴அத்தே² நியபச்சயோ (மொக்³க³ல்லானே 4.33.73).
Visuṃ visuṃ katvāti ‘‘pañcāti ca…pe… ekādasā’’ti ca koṭṭhāsaṃ koṭṭhāsaṃ katvā, satta koṭṭhāse katvā bhāsatīti adhippāyo. Thometīti sammukhā thometi. Pasaṃsatīti parammukhā pasaṃsati. ‘‘Uggahetabba’’ntipadassatthaṃ dassetuṃ vuttaṃ ‘‘pariyāpuṇitabba’’nti. Addhani dīghe sādhūti addhaniyaṃ addhakkhamaṃ addhayogyanti attho sādhuatthe niyapaccayo (moggallāne 4.33.73).
தே²ரா ச நவா ச மஜ்ஜி²மா ச ப³ஹூ தே பி⁴க்கூ² பரியாபுணந்தீதி யோஜனா.
Therā ca navā ca majjhimā ca bahū te bhikkhū pariyāpuṇantīti yojanā.
439. ‘‘உத்³தி³ஸ்ஸமானே’’தி பத³ஸ்ஸ கம்மரூபத்தங் த³ஸ்ஸேதுங் வுத்தங் ‘‘உத்³தி³ஸியமானே’’தி. ஸோ பனாதி பாதிமொக்கோ² பன. யஸ்மா உத்³தி³ஸ்ஸமானோ நாம ஹோதி, தஸ்மாதி யோஜனா. உத்³தி³ஸந்தே வாதி உத்³தி³ஸியமானே வா. உத்³தி³ஸாபெந்தே வாதி உத்³தி³ஸாபியமானே வா. அந்தஸத்³தோ³ ஹி மானஸத்³த³காரியோ. யோதி பி⁴க்கு². நந்தி தங் பாதிமொக்க²ங். சஸத்³தோ³ கு²த்³தா³னுகு²த்³த³கபத³ஸ்ஸ த்³வன்னவாக்யங் த³ஸ்ஸேதி, புப்³ப³பதே³ ககாரலோபோ த³ட்ட²ப்³போ³. தேஸந்தி கு²த்³தா³னுகு²த்³தா³கானங். ஹீதி ஸச்சங். ஏதானீதி கு²த்³தா³னுகு²த்³த³கானி. யேதி பி⁴க்கூ². ‘‘யாவ உப்பஜ்ஜதியேவ, தாவ ஸங்வத்தந்தி இதி வுத்தங் ஹோதீதி யோஜனா இமஸ்ஸ நயஸ்ஸ பாட²ஸேஸேஹி யோஜேதப்³ப³த்தா. க³ருகபா⁴வங் ஸல்லக்கெ²ந்தோ லஹுகபா⁴வங் த³ஸ்ஸெந்தோ ஆஹ ‘‘அத² வா’’திஆதி³. அதிவியாதி அதி இ ஏவ. இகாரோ ஹி ஸந்தி⁴வஸேன அத³ஸ்ஸனங் க³தோ. வியஸத்³தோ³ ஏவகாரத்த²வாசகோ ‘‘வரம்ஹாகங் பு⁴ஸாமிவா’’தி எத்த² (ஜா॰ 1.3.108) இவஸத்³தோ³ விய, அதி ஹுத்வா ஏவாதி அத்தோ² த³ட்ட²ப்³போ³. ‘‘உபஸம்பன்னஸ்ஸா’’தி எத்த² ஸமீபே ஸாமிவசனந்தி (ருபஸித்³தி⁴யங் 316 ஸுத்தே) ஆஹ ‘‘உபஸம்பன்னஸ்ஸ ஸந்திகே’’தி. தஸ்ஸாதி உபஸம்பன்னஸ்ஸ. தஸ்மிந்தி வினயே. விவண்ணேதீதி ந கேவலங் தஸ்ஸேவ விவண்ணமத்தமேவ, அத² கோ² நிந்த³தியேவாதி ஆஹ ‘‘நிந்த³தீ’’தி. க³ரஹதீதி தஸ்ஸேவ வேவசனங். அத² வா நிந்த³தீதி உபஸம்பன்னஸ்ஸ ஸம்முகா² நிந்த³தி. க³ரஹதீதி பரம்முகா² க³ரஹதீதி. து³தியங்.
439. ‘‘Uddissamāne’’ti padassa kammarūpattaṃ dassetuṃ vuttaṃ ‘‘uddisiyamāne’’ti. So panāti pātimokkho pana. Yasmā uddissamāno nāma hoti, tasmāti yojanā. Uddisante vāti uddisiyamāne vā. Uddisāpente vāti uddisāpiyamāne vā. Antasaddo hi mānasaddakāriyo. Yoti bhikkhu. Nanti taṃ pātimokkhaṃ. Casaddo khuddānukhuddakapadassa dvannavākyaṃ dasseti, pubbapade kakāralopo daṭṭhabbo. Tesanti khuddānukhuddākānaṃ. Hīti saccaṃ. Etānīti khuddānukhuddakāni. Yeti bhikkhū. ‘‘Yāva uppajjatiyeva, tāva saṃvattanti iti vuttaṃ hotīti yojanā imassa nayassa pāṭhasesehi yojetabbattā. Garukabhāvaṃ sallakkhento lahukabhāvaṃ dassento āha ‘‘atha vā’’tiādi. Ativiyāti ati i eva. Ikāro hi sandhivasena adassanaṃ gato. Viyasaddo evakāratthavācako ‘‘varamhākaṃ bhusāmivā’’ti ettha (jā. 1.3.108) ivasaddo viya, ati hutvā evāti attho daṭṭhabbo. ‘‘Upasampannassā’’ti ettha samīpe sāmivacananti (rupasiddhiyaṃ 316 sutte) āha ‘‘upasampannassa santike’’ti. Tassāti upasampannassa. Tasminti vinaye. Vivaṇṇetīti na kevalaṃ tasseva vivaṇṇamattameva, atha kho nindatiyevāti āha ‘‘nindatī’’ti. Garahatīti tasseva vevacanaṃ. Atha vā nindatīti upasampannassa sammukhā nindati. Garahatīti parammukhā garahatīti. Dutiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. விலேக²னஸிக்கா²பத³வண்ணனா • 2. Vilekhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. விலேக²னஸிக்கா²பத³வண்ணனா • 2. Vilekhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. விலேக²னஸிக்கா²பத³வண்ணனா • 2. Vilekhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. விலேக²னஸிக்கா²பத³வண்ணனா • 2. Vilekhanasikkhāpadavaṇṇanā
