| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. вилзканасигкаабад̣̇аван̣н̣анаа
2. Vilekhanasikkhāpadavaṇṇanā
438. д̣̇уд̇ияз – винаяагат̇ам̣ гат̇зд̇ийд̇и винаяагат̇аа наама габбияаагаббияааабад̇д̇аанаабад̇д̇исам̣варабахаанабадисам̣яуд̇д̇агат̇аа, д̇ам̣ гат̇зд̇и. винаяасса ван̣н̣ам̣ бхаасад̇ийд̇и винаяасса ван̣н̣о наама бан̃жаннамби сад̇д̇аннамби аабад̇д̇игканд̇хаанам̣ васзна маад̇игам̣ нигкибид̇ваа бад̣̇абхааж̇анзна ван̣н̣анаа, д̇ам̣ бхаасад̇и. винаяабарияад̇д̇ияаа ван̣н̣ам̣ бхаасад̇ийд̇и винаяам̣ барияаабун̣анд̇аанам̣ винаяабарияад̇д̇имуулагам̣ ван̣н̣ам̣ г̇ун̣ам̣ аанисам̣сам̣ бхаасад̇и. винаяад̇харо хи винаяабарияад̇д̇имуулагз бан̃жаанисам̣сз чаанисам̣сз сад̇д̇аанисам̣сз адтаанисам̣сз наваанисам̣сз д̣̇асаанисам̣сз згаад̣̇асаанисам̣сз жа лабхад̇и д̇з саб̣б̣з бхаасад̇ийд̇и ад̇т̇о. гад̇амз бан̃жаанисам̣сз лабхад̇ийд̇и? ад̇д̇ано сийлагканд̇хасуг̇уд̇д̇иаад̣̇игз . вуд̇д̇ан̃хзд̇ам̣ –
438. Dutiye – vinayakathaṃ kathetīti vinayakathā nāma kappiyākappiyaāpattānāpattisaṃvarapahānapaṭisaṃyuttakathā, taṃ katheti. Vinayassa vaṇṇaṃ bhāsatīti vinayassa vaṇṇo nāma pañcannampi sattannampi āpattikkhandhānaṃ vasena mātikaṃ nikkhipitvā padabhājanena vaṇṇanā, taṃ bhāsati. Vinayapariyattiyā vaṇṇaṃ bhāsatīti vinayaṃ pariyāpuṇantānaṃ vinayapariyattimūlakaṃ vaṇṇaṃ guṇaṃ ānisaṃsaṃ bhāsati. Vinayadharo hi vinayapariyattimūlake pañcānisaṃse chānisaṃse sattānisaṃse aṭṭhānisaṃse navānisaṃse dasānisaṃse ekādasānisaṃse ca labhati te sabbe bhāsatīti attho. Katame pañcānisaṃse labhatīti? Attano sīlakkhandhasuguttiādike . Vuttañhetaṃ –
‘‘бан̃жимз, бхигкавз, аанисам̣саа винаяад̇харз буг̇г̇алз – ад̇д̇ано сийлагканд̇хо суг̇уд̇д̇о ход̇и сурагкид̇о, гуггужжабагад̇аанам̣ бадисаран̣ам̣ ход̇и, висаарад̣̇о сан̇гхамаж̇жхз вохарад̇и, бажжад̇т̇игз сахад̇хаммзна суниг̇г̇ахид̇ам̣ ниг̇г̇ан̣хаад̇и, сад̣̇д̇хаммадтид̇ияаа бадибанно ход̇ий’’д̇и (бари. 325).
‘‘Pañcime, bhikkhave, ānisaṃsā vinayadhare puggale – attano sīlakkhandho sugutto hoti surakkhito, kukkuccapakatānaṃ paṭisaraṇaṃ hoti, visārado saṅghamajjhe voharati, paccatthike sahadhammena suniggahitaṃ niggaṇhāti, saddhammaṭṭhitiyā paṭipanno hotī’’ti (pari. 325).
гат̇амасса ад̇д̇ано сийлагканд̇хо суг̇уд̇д̇о ход̇и сурагкид̇о? ид̇хзгажжо бхигку аабад̇д̇им̣ аабаж̇ж̇анд̇о чахаагаарзхи аабаж̇ж̇ад̇и – алаж̇ж̇ид̇аа, ан̃н̃аан̣ад̇аа, гуггужжабагад̇ад̇аа, агаббияз габбияасан̃н̃ид̇аа, габбияз агаббияасан̃н̃ид̇аа, сад̇исаммосаад̇и.
Kathamassa attano sīlakkhandho sugutto hoti surakkhito? Idhekacco bhikkhu āpattiṃ āpajjanto chahākārehi āpajjati – alajjitā, aññāṇatā, kukkuccapakatatā, akappiye kappiyasaññitā, kappiye akappiyasaññitā, satisammosāti.
гат̇ам̣ алаж̇ж̇ид̇ааяа аабад̇д̇им̣ аабаж̇ж̇ад̇и? агаббияабхаавам̣ ж̇аананд̇оязва мад̣̇д̣̇ид̇ваа вийд̇иггамам̣ гарод̇и. вуд̇д̇амби жзд̇ам̣ –
Kathaṃ alajjitāya āpattiṃ āpajjati? Akappiyabhāvaṃ jānantoyeva madditvā vītikkamaṃ karoti. Vuttampi cetaṃ –
‘‘сан̃жижжа аабад̇д̇им̣ аабаж̇ж̇ад̇и, аабад̇д̇им̣ бариг̇уухад̇и;
‘‘Sañcicca āpattiṃ āpajjati, āpattiṃ parigūhati;
аг̇ад̇иг̇аманан̃жа г̇ажчад̇и, зд̣̇исо вужжад̇и алаж̇ж̇ибуг̇г̇ало’’д̇и. (бари. 359);
Agatigamanañca gacchati, ediso vuccati alajjipuggalo’’ti. (pari. 359);
гат̇ам̣ ан̃н̃аан̣ад̇ааяа аабаж̇ж̇ад̇и? ан̃н̃аан̣абуг̇г̇ало хи манд̣̇о момуухо гад̇д̇аб̣б̣аагад̇д̇аб̣б̣ам̣ аж̇аананд̇о агад̇д̇аб̣б̣ам̣ гарод̇и, гад̇д̇аб̣б̣ам̣ вираад̇хзд̇и; звам̣ ан̃н̃аан̣ад̇ааяа аабаж̇ж̇ад̇и.
Kathaṃ aññāṇatāya āpajjati? Aññāṇapuggalo hi mando momūho kattabbākattabbaṃ ajānanto akattabbaṃ karoti, kattabbaṃ virādheti; evaṃ aññāṇatāya āpajjati.
гат̇ам̣ гуггужжабагад̇ад̇ааяа аабаж̇ж̇ад̇и? габбияаагаббияам̣ ниссааяа гуггужжз уббаннз винаяад̇харам̣ бужчид̇ваа габбияан̃жз гад̇д̇аб̣б̣ам̣ сияаа, агаббияан̃жз на гад̇д̇аб̣б̣ам̣, аяам̣ бана ‘‘ваддад̇ий’’д̇и мад̣̇д̣̇ид̇ваа вийд̇иггамад̇иязва; звам̣ гуггужжабагад̇ад̇ааяа аабаж̇ж̇ад̇и.
Kathaṃ kukkuccapakatatāya āpajjati? Kappiyākappiyaṃ nissāya kukkucce uppanne vinayadharaṃ pucchitvā kappiyañce kattabbaṃ siyā, akappiyañce na kattabbaṃ, ayaṃ pana ‘‘vaṭṭatī’’ti madditvā vītikkamatiyeva; evaṃ kukkuccapakatatāya āpajjati.
гат̇ам̣ агаббияз габбияасан̃н̃ид̇ааяа аабаж̇ж̇ад̇и? ажчамам̣сам̣ суугарамам̣санд̇и каад̣̇ад̇и, д̣̇ийбимам̣сам̣ миг̇амам̣санд̇и каад̣̇ад̇и, агаббияабхож̇анам̣ габбияабхож̇ананд̇и бхун̃ж̇ад̇и, вигаалз гааласан̃н̃ааяа бхун̃ж̇ад̇и, агаббияабаанагам̣ габбияабаанаганд̇и бивад̇и; звам̣ агаббияз габбияасан̃н̃ид̇ааяа аабаж̇ж̇ад̇и.
Kathaṃ akappiye kappiyasaññitāya āpajjati? Acchamaṃsaṃ sūkaramaṃsanti khādati, dīpimaṃsaṃ migamaṃsanti khādati, akappiyabhojanaṃ kappiyabhojananti bhuñjati, vikāle kālasaññāya bhuñjati, akappiyapānakaṃ kappiyapānakanti pivati; evaṃ akappiye kappiyasaññitāya āpajjati.
гат̇ам̣ габбияз агаббияасан̃н̃ид̇ааяа аабаж̇ж̇ад̇и? суугарамам̣сам̣ ажчамам̣санд̇и каад̣̇ад̇и, миг̇амам̣сам̣ д̣̇ийбимам̣санд̇и каад̣̇ад̇и, габбияабхож̇анам̣ агаббияабхож̇ананд̇и бхун̃ж̇ад̇и, гаалз вигааласан̃н̃ааяа бхун̃ж̇ад̇и, габбияабаанагам̣ агаббияабаанаганд̇и бивад̇и; звам̣ габбияз агаббияасан̃н̃ид̇ааяа аабаж̇ж̇ад̇и.
Kathaṃ kappiye akappiyasaññitāya āpajjati? Sūkaramaṃsaṃ acchamaṃsanti khādati, migamaṃsaṃ dīpimaṃsanti khādati, kappiyabhojanaṃ akappiyabhojananti bhuñjati, kāle vikālasaññāya bhuñjati, kappiyapānakaṃ akappiyapānakanti pivati; evaṃ kappiye akappiyasaññitāya āpajjati.
гат̇ам̣ сад̇исаммосааяа аабаж̇ж̇ад̇и? сахасзяяажийваравиббаваасабхзсаж̇ж̇ажийварагаалаад̇иггаманабажжаяаа аабад̇д̇ин̃жа сад̇исаммосааяа аабаж̇ж̇ад̇и; звамид̇хзгажжо бхигку имзхи чахаагаарзхи аабад̇д̇им̣ аабаж̇ж̇ад̇и.
Kathaṃ satisammosāya āpajjati? Sahaseyyacīvaravippavāsabhesajjacīvarakālātikkamanapaccayā āpattiñca satisammosāya āpajjati; evamidhekacco bhikkhu imehi chahākārehi āpattiṃ āpajjati.
винаяад̇харо бана имзхи чахаагаарзхи аабад̇д̇им̣ наабаж̇ж̇ад̇и. гат̇ам̣ лаж̇ж̇ид̇ааяа наабаж̇ж̇ад̇и? со хи ‘‘бассат̇а бхо, аяам̣ габбияаагаббияам̣ ж̇аананд̇оязва бан̣н̣ад̇д̇ивийд̇иггамам̣ гарод̇ий’’д̇и имам̣ баруубаваад̣̇ам̣ рагканд̇оби наабаж̇ж̇ад̇и; звам̣ лаж̇ж̇ид̇ааяа наабаж̇ж̇ад̇и. сахасаа аабаннамби д̣̇зсанааг̇ааминим̣ д̣̇зсзд̇ваа вудтаанаг̇ааминияаа вудтахид̇ваа суд̣̇д̇ханд̇з бад̇идтаад̇и. д̇ад̇о –
Vinayadharo pana imehi chahākārehi āpattiṃ nāpajjati. Kathaṃ lajjitāya nāpajjati? So hi ‘‘passatha bho, ayaṃ kappiyākappiyaṃ jānantoyeva paṇṇattivītikkamaṃ karotī’’ti imaṃ parūpavādaṃ rakkhantopi nāpajjati; evaṃ lajjitāya nāpajjati. Sahasā āpannampi desanāgāminiṃ desetvā vuṭṭhānagāminiyā vuṭṭhahitvā suddhante patiṭṭhāti. Tato –
‘‘сан̃жижжа аабад̇д̇им̣ на аабаж̇ж̇ад̇и, аабад̇д̇им̣ на бариг̇уухад̇и;
‘‘Sañcicca āpattiṃ na āpajjati, āpattiṃ na parigūhati;
аг̇ад̇иг̇аманан̃жа на г̇ажчад̇и, зд̣̇исо вужжад̇и лаж̇ж̇ибуг̇г̇ало’’д̇и. (бари. 359)
Agatigamanañca na gacchati, ediso vuccati lajjipuggalo’’ti. (pari. 359)
имасмим̣ лаж̇ж̇ибхаавз бад̇идтид̇ова ход̇и.
Imasmiṃ lajjibhāve patiṭṭhitova hoti.
гат̇ам̣ н̃аан̣ад̇ааяа наабаж̇ж̇ад̇и? со хи габбияаагаббияам̣ ж̇аанаад̇и, д̇асмаа габбияамзва гарод̇и, агаббияам̣ на гарод̇и; звам̣ н̃аан̣ад̇ааяа наабаж̇ж̇ад̇и.
Kathaṃ ñāṇatāya nāpajjati? So hi kappiyākappiyaṃ jānāti, tasmā kappiyameva karoti, akappiyaṃ na karoti; evaṃ ñāṇatāya nāpajjati.
гат̇ам̣ агуггужжабагад̇ад̇ааяа наабаж̇ж̇ад̇и? со хи габбияаагаббияам̣ ниссааяа гуггужжз уббаннз вад̇т̇ум̣ ологзд̇ваа маад̇игам̣ бад̣̇абхааж̇анам̣ анд̇араабад̇д̇им̣ аабад̇д̇им̣ анаабад̇д̇ин̃жа ологзд̇ваа габбияан̃жз ход̇и гарод̇и, агаббияан̃жз на гарод̇и; звам̣ агуггужжабагад̇ад̇ааяа наабаж̇ж̇ад̇и.
Kathaṃ akukkuccapakatatāya nāpajjati? So hi kappiyākappiyaṃ nissāya kukkucce uppanne vatthuṃ oloketvā mātikaṃ padabhājanaṃ antarāpattiṃ āpattiṃ anāpattiñca oloketvā kappiyañce hoti karoti, akappiyañce na karoti; evaṃ akukkuccapakatatāya nāpajjati.
гат̇ам̣ агаббияаад̣̇исан̃н̃ид̇ааяа наабаж̇ж̇ад̇и? со хи габбияаагаббияам̣ ж̇аанаад̇и, д̇асмаа агаббияз габбияасан̃н̃ий на ход̇и, габбияз агаббияасан̃н̃ий на ход̇и; суббад̇идтид̇аа жасса сад̇и ход̇и, ад̇хидтаад̇аб̣б̣ам̣ ад̇хидтзд̇и, вигаббзд̇аб̣б̣ам̣ вигаббзд̇и. ид̇и имзхи чахаагаарзхи аабад̇д̇им̣ наабаж̇ж̇ад̇и. аабад̇д̇им̣ анаабаж̇ж̇анд̇о акан̣д̣асийло ход̇и барисуд̣̇д̇хасийло; звамасса ад̇д̇ано сийлагканд̇хо суг̇уд̇д̇о ход̇и сурагкид̇о.
Kathaṃ akappiyādisaññitāya nāpajjati? So hi kappiyākappiyaṃ jānāti, tasmā akappiye kappiyasaññī na hoti, kappiye akappiyasaññī na hoti; suppatiṭṭhitā cassa sati hoti, adhiṭṭhātabbaṃ adhiṭṭheti, vikappetabbaṃ vikappeti. Iti imehi chahākārehi āpattiṃ nāpajjati. Āpattiṃ anāpajjanto akhaṇḍasīlo hoti parisuddhasīlo; evamassa attano sīlakkhandho sugutto hoti surakkhito.
гат̇ам̣ гуггужжабагад̇аанам̣ бадисаран̣ам̣ ход̇и? д̇ирорадтзсу д̇ирож̇анабад̣̇зсу жа уббаннагуггужжаа бхигкуу ‘‘асугасмим̣ гира вихаарз винаяад̇харо васад̇ий’’д̇и д̣̇уурад̇оби д̇асса санд̇игам̣ ааг̇анд̇ваа гуггужжам̣ бужчанд̇и, со д̇зхи гад̇асса гаммасса вад̇т̇ум̣ ологзд̇ваа аабад̇д̇аанаабад̇д̇иг̇аругалахугаад̣̇ибхзд̣̇ам̣ саллагкзд̇ваа д̣̇зсанааг̇ааминим̣ д̣̇зсаабзд̇ваа вудтаанаг̇ааминияаа вудтаабзд̇ваа суд̣̇д̇ханд̇з бад̇идтаабзд̇и; звам̣ гуггужжабагад̇аанам̣ бадисаран̣ам̣ ход̇и.
Kathaṃ kukkuccapakatānaṃ paṭisaraṇaṃ hoti? Tiroraṭṭhesu tirojanapadesu ca uppannakukkuccā bhikkhū ‘‘asukasmiṃ kira vihāre vinayadharo vasatī’’ti dūratopi tassa santikaṃ āgantvā kukkuccaṃ pucchanti, so tehi katassa kammassa vatthuṃ oloketvā āpattānāpattigarukalahukādibhedaṃ sallakkhetvā desanāgāminiṃ desāpetvā vuṭṭhānagāminiyā vuṭṭhāpetvā suddhante patiṭṭhāpeti; evaṃ kukkuccapakatānaṃ paṭisaraṇaṃ hoti.
висаарад̣̇о сан̇гхамаж̇жхз вохарад̇ийд̇и авинаяад̇харасса хи сан̇гхамаж̇жхз гат̇знд̇асса бхаяам̣ саараж̇ж̇ам̣ оггамад̇и, винаяад̇харасса д̇ам̣ на ход̇и. гасмаа? ‘‘звам̣ гат̇знд̇асса д̣̇осо ход̇и; звам̣ на д̣̇осо’’д̇и н̃ад̇ваа гат̇анад̇о.
Visārado saṅghamajjhe voharatīti avinayadharassa hi saṅghamajjhe kathentassa bhayaṃ sārajjaṃ okkamati, vinayadharassa taṃ na hoti. Kasmā? ‘‘Evaṃ kathentassa doso hoti; evaṃ na doso’’ti ñatvā kathanato.
бажжад̇т̇игз сахад̇хаммзна суниг̇г̇ахид̇ам̣ ниг̇г̇ан̣хаад̇ийд̇и зд̇т̇а д̣̇вид̇хаа бажжад̇т̇игаа наама – ад̇д̇абажжад̇т̇игаа жа саасанабажжад̇т̇игаа жа. д̇ад̇т̇а мзд̇д̇ияабхуммаж̇агаа жа бхигкуу вад̣дхо жа лижчавий амуулагзна анд̇имавад̇т̇унаа жод̣̇зсум̣, имз ад̇д̇абажжад̇т̇игаа наама. яз ваа банан̃н̃зби д̣̇уссийлаа баабад̇хаммаа, саб̣б̣з д̇з ад̇д̇абажжад̇т̇игаа. вибарийд̇ад̣̇ассанаа бана аридтабхигкуган̣дагасааман̣зравзсаалигаваж̇ж̇ибуд̇д̇агаа баруубахаараан̃н̃аан̣аган̇каабаравид̇аран̣аад̣̇иваад̣̇аа махаасан̇гхигаад̣̇аяо жа аб̣уд̣̇д̇хасаасанам̣ ‘‘б̣уд̣̇д̇хасаасана’’нд̇и вад̇ваа гад̇абаг̇г̇ахаа саасанабажжад̇т̇игаа наама. д̇з саб̣б̣зби сахад̇хаммзна сагааран̣зна важанзна яат̇аа д̇ам̣ асад̣̇д̇хаммам̣ бад̇идтаабзд̇ум̣ на саггонд̇и, звам̣ суниг̇г̇ахид̇ам̣ гад̇ваа ниг̇г̇ан̣хаад̇и.
Paccatthike sahadhammena suniggahitaṃ niggaṇhātīti ettha dvidhā paccatthikā nāma – attapaccatthikā ca sāsanapaccatthikā ca. Tattha mettiyabhummajakā ca bhikkhū vaḍḍho ca licchavī amūlakena antimavatthunā codesuṃ, ime attapaccatthikā nāma. Ye vā panaññepi dussīlā pāpadhammā, sabbe te attapaccatthikā. Viparītadassanā pana ariṭṭhabhikkhukaṇṭakasāmaṇeravesālikavajjiputtakā parūpahāraaññāṇakaṅkhāparavitaraṇādivādā mahāsaṅghikādayo ca abuddhasāsanaṃ ‘‘buddhasāsana’’nti vatvā katapaggahā sāsanapaccatthikā nāma. Te sabbepi sahadhammena sakāraṇena vacanena yathā taṃ asaddhammaṃ patiṭṭhāpetuṃ na sakkonti, evaṃ suniggahitaṃ katvā niggaṇhāti.
сад̣̇д̇хаммадтид̇ияаа бадибанно ход̇ийд̇и зд̇т̇а бана д̇ивид̇хо сад̣̇д̇хаммо барияад̇д̇ибадибад̇д̇иад̇хиг̇амавасзна. д̇ад̇т̇а д̇збидагам̣ б̣уд̣̇д̇хаважанам̣ барияад̇д̇исад̣̇д̇хаммо наама. д̇зраса д̇худ̇ан̇г̇аг̇ун̣аа жуд̣̇д̣̇аса канд̇хагавад̇д̇аани д̣̇взасийд̇и махаавад̇д̇аанийд̇и аяам̣ бадибад̇д̇исад̣̇д̇хаммо наама. жад̇д̇ааро маг̇г̇аа жа палаани жаад̇и аяам̣ ад̇хиг̇амасад̣̇д̇хаммо наама.
Saddhammaṭṭhitiyāpaṭipanno hotīti ettha pana tividho saddhammo pariyattipaṭipattiadhigamavasena. Tattha tepiṭakaṃ buddhavacanaṃ pariyattisaddhammo nāma. Terasa dhutaṅgaguṇā cuddasa khandhakavattāni dveasīti mahāvattānīti ayaṃ paṭipattisaddhammo nāma. Cattāro maggā ca phalāni cāti ayaṃ adhigamasaddhammo nāma.
д̇ад̇т̇а гзжи т̇зраа ‘‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и (д̣̇ий. ни. 2.216) иминаа суд̇д̇зна ‘‘саасанасса барияад̇д̇и муула’’нд̇и вад̣̇анд̇и. гзжи т̇зраа ‘‘имз жа субхад̣̇д̣̇а бхигкуу саммаа вихарзяяум̣, асун̃н̃о лого араханд̇зхи ассаа’’д̇и (д̣̇ий. ни. 2.214) иминаа суд̇д̇зна ‘‘саасанасса бадибад̇д̇имуула’’нд̇и вад̇ваа ‘‘яаава бан̃жа бхигкуу саммаа бадибаннаа сам̣виж̇ж̇анд̇и, д̇аава саасанам̣ тид̇ам̣ ход̇ий’’д̇и аахам̣су. ид̇арз бана т̇зраа барияад̇д̇ияаа анд̇арахид̇ааяа суббадибаннассаби д̇хаммаабхисамаяо над̇т̇ий’’д̇и аахам̣су. сажз бан̃жа бхигкуу жад̇д̇аари баарааж̇игаани рагкан̣агаа хонд̇и, д̇з сад̣̇д̇хз гулабуд̇д̇з баб̣б̣ааж̇зд̇ваа бажжанд̇имз ж̇анабад̣̇з убасамбаад̣̇зд̇ваа д̣̇асаваг̇г̇ам̣ г̇ан̣ам̣ буурзд̇ваа маж̇жхимз ж̇анабад̣̇зби убасамбад̣̇ам̣ гариссанд̇и, зд̇знубааязна вийсад̇иваг̇г̇аг̇ан̣ам̣ сан̇гхам̣ буурзд̇ваа ад̇д̇аноби аб̣бхаанагаммам̣ гад̇ваа саасанам̣ вуд̣дхим̣ вируул̣хим̣ взбуллам̣ г̇амаяиссанд̇и. звамаяам̣ винаяад̇харо д̇ивид̇хассааби сад̣̇д̇хаммасса жирадтид̇ияаа бадибанно ход̇ийд̇и звамаяам̣ винаяад̇харо имз д̇аава бан̃жаанисам̣сз бадилабхад̇ийд̇и взд̣̇ид̇аб̣б̣о.
Tattha keci therā ‘‘yo vo, ānanda, mayā dhammo ca vinayo ca desito paññatto, so vo mamaccayena satthā’’ti (dī. ni. 2.216) iminā suttena ‘‘sāsanassa pariyatti mūla’’nti vadanti. Keci therā ‘‘ime ca subhadda bhikkhū sammā vihareyyuṃ, asuñño loko arahantehi assā’’ti (dī. ni. 2.214) iminā suttena ‘‘sāsanassa paṭipattimūla’’nti vatvā ‘‘yāva pañca bhikkhū sammā paṭipannā saṃvijjanti, tāva sāsanaṃ ṭhitaṃ hotī’’ti āhaṃsu. Itare pana therā pariyattiyā antarahitāya suppaṭipannassapi dhammābhisamayo natthī’’ti āhaṃsu. Sace pañca bhikkhū cattāri pārājikāni rakkhaṇakā honti, te saddhe kulaputte pabbājetvā paccantime janapade upasampādetvā dasavaggaṃ gaṇaṃ pūretvā majjhime janapadepi upasampadaṃ karissanti, etenupāyena vīsativaggagaṇaṃ saṅghaṃ pūretvā attanopi abbhānakammaṃ katvā sāsanaṃ vuḍḍhiṃ virūḷhiṃ vepullaṃ gamayissanti. Evamayaṃ vinayadharo tividhassāpi saddhammassa ciraṭṭhitiyā paṭipanno hotīti evamayaṃ vinayadharo ime tāva pañcānisaṃse paṭilabhatīti veditabbo.
гад̇амз ча аанисам̣сз лабхад̇ийд̇и? д̇ассаад̇хзяяо убосат̇о, бавааран̣аа, сан̇гхагаммам̣, баб̣б̣аж̇ж̇аа, убасамбад̣̇аа, ниссаяам̣ д̣̇зд̇и сааман̣зрам̣ убадтаабзд̇и.
Katame cha ānisaṃse labhatīti? Tassādheyyo uposatho, pavāraṇā, saṅghakammaṃ, pabbajjā, upasampadā, nissayaṃ deti sāmaṇeraṃ upaṭṭhāpeti.
яз имз жаад̇уд̣̇д̣̇асиго, баннарасиго, саамаг̇г̇иубосат̇о, сан̇гхз убосат̇о, г̇ан̣з буг̇г̇алз убосат̇о, суд̇д̇уд̣̇д̣̇зсо, баарисуд̣̇д̇хи, ад̇хидтаанаубосат̇од̇и нава убосат̇аа, саб̣б̣з д̇з винаяад̇харааяад̇д̇аа.
Ye ime cātuddasiko, pannarasiko, sāmaggiuposatho, saṅghe uposatho, gaṇe puggale uposatho, suttuddeso, pārisuddhi, adhiṭṭhānauposathoti nava uposathā, sabbe te vinayadharāyattā.
яааби жа имаа жаад̇уд̣̇д̣̇асигаа баннарасигаа, саамаг̇г̇ибавааран̣аа, сан̇гхз бавааран̣аа г̇ан̣з буг̇г̇алз бавааран̣аа, д̇зваажигаа, д̣̇взваажигаа, самаанавассигаа бавааран̣аад̇и нава бавааран̣ааяо, д̇ааби винаяад̇харааяад̇д̇аа зва, д̇асса санд̇агаа, со д̇аасам̣ саамий.
Yāpi ca imā cātuddasikā pannarasikā, sāmaggipavāraṇā, saṅghe pavāraṇā gaṇe puggale pavāraṇā, tevācikā, dvevācikā, samānavassikā pavāraṇāti nava pavāraṇāyo, tāpi vinayadharāyattā eva, tassa santakā, so tāsaṃ sāmī.
яааниби имаани абалоганагаммам̣ н̃ад̇д̇игаммам̣ н̃ад̇д̇ид̣̇уд̇ияагаммам̣ н̃ад̇д̇ижад̇уд̇т̇агамманд̇и жад̇д̇аари сан̇гхагаммаани, д̇аани винаяад̇харааяад̇д̇аани.
Yānipi imāni apalokanakammaṃ ñattikammaṃ ñattidutiyakammaṃ ñatticatutthakammanti cattāri saṅghakammāni, tāni vinayadharāyattāni.
яааби жааяам̣ убаж̇жхааязна худ̇ваа гулабуд̇д̇аанам̣ баб̣б̣аж̇ж̇аа жа убасамбад̣̇аа жа гаад̇аб̣б̣аа, аяамби винаяад̇харааяад̇д̇аава. на хи ан̃н̃о д̣̇вибидагад̇хароби зд̇ам̣ гаад̇ум̣ лабхад̇и. со зва ниссаяам̣ д̣̇зд̇и, сааман̣зрам̣ убадтаабзд̇и. ан̃н̃о нзва ниссаяам̣ д̣̇аад̇ум̣ лабхад̇и, на сааман̣зрам̣ убадтаабзд̇ум̣. сааман̣зруубадтаанам̣ бажжаасийсанд̇о бана винаяад̇харасса санд̇игз убаж̇жхам̣ г̇аахаабзд̇ваа вад̇д̇абадибад̇д̇им̣ саад̣̇ид̇ум̣ лабхад̇и. зд̇т̇а жа ниссаяад̣̇аанан̃жзва сааман̣зруубадтаанан̃жа згаман̇г̇ам̣.
Yāpi cāyaṃ upajjhāyena hutvā kulaputtānaṃ pabbajjā ca upasampadā ca kātabbā, ayampi vinayadharāyattāva. Na hi añño dvipiṭakadharopi etaṃ kātuṃ labhati. So eva nissayaṃ deti, sāmaṇeraṃ upaṭṭhāpeti. Añño neva nissayaṃ dātuṃ labhati, na sāmaṇeraṃ upaṭṭhāpetuṃ. Sāmaṇerūpaṭṭhānaṃ paccāsīsanto pana vinayadharassa santike upajjhaṃ gāhāpetvā vattapaṭipattiṃ sādituṃ labhati. Ettha ca nissayadānañceva sāmaṇerūpaṭṭhānañca ekamaṅgaṃ.
ид̇и имзсу часу аанисам̣сзсу згзна сад̣̇д̇хим̣ буримаа бан̃жа ча хонд̇и, д̣̇вийхи сад̣̇д̇хим̣ сад̇д̇а, д̇ийхи сад̣̇д̇хим̣ адта, жад̇уухи сад̣̇д̇хим̣ нава, бан̃жахи сад̣̇д̇хим̣ д̣̇аса, саб̣б̣зхи бзд̇зхи сад̣̇д̇хим̣ згаад̣̇асаад̇и звам̣ винаяад̇харо буг̇г̇ало бан̃жа ча сад̇д̇а адта нава д̣̇аса згаад̣̇аса жа аанисам̣сз лабхад̇ийд̇и взд̣̇ид̇аб̣б̣о. звам̣ бхаг̇аваа имз аанисам̣сз д̣̇ассзнд̇о винаяабарияад̇д̇ияаа ван̣н̣ам̣ бхаасад̇ийд̇и взд̣̇ид̇аб̣б̣о.
Iti imesu chasu ānisaṃsesu ekena saddhiṃ purimā pañca cha honti, dvīhi saddhiṃ satta, tīhi saddhiṃ aṭṭha, catūhi saddhiṃ nava, pañcahi saddhiṃ dasa, sabbehi petehi saddhiṃ ekādasāti evaṃ vinayadharo puggalo pañca cha satta aṭṭha nava dasa ekādasa ca ānisaṃse labhatīti veditabbo. Evaṃ bhagavā ime ānisaṃse dassento vinayapariyattiyā vaṇṇaṃ bhāsatīti veditabbo.
аад̣̇исса аад̣̇иссаад̇и бунаббунам̣ вавад̇т̇абзд̇ваа висум̣ висум̣ гад̇ваа. ааяасмад̇о убаалисса ван̣н̣ам̣ бхаасад̇ийд̇и винаяабарияад̇д̇им̣ ниссааяа убаалид̇т̇зрасса г̇ун̣ам̣ бхаасад̇и т̇омзд̇и басам̣сад̇и. гасмаа? аббзва наама мама ван̣н̣анам̣ суд̇вааби бхигкуу убаалисса санд̇игз винаяам̣ уг̇г̇ахзд̇аб̣б̣ам̣ барияаабун̣ид̇аб̣б̣ам̣ ман̃н̃зяяум̣, звамид̣̇ам̣ саасанам̣ ад̣̇д̇ханияам̣ бхависсад̇и, бан̃жавассасахассаани бавад̇д̇иссад̇ийд̇и.
Ādissaādissāti punappunaṃ vavatthapetvā visuṃ visuṃ katvā. Āyasmato upālissa vaṇṇaṃ bhāsatīti vinayapariyattiṃ nissāya upālittherassa guṇaṃ bhāsati thometi pasaṃsati. Kasmā? Appeva nāma mama vaṇṇanaṃ sutvāpi bhikkhū upālissa santike vinayaṃ uggahetabbaṃ pariyāpuṇitabbaṃ maññeyyuṃ, evamidaṃ sāsanaṃ addhaniyaṃ bhavissati, pañcavassasahassāni pavattissatīti.
д̇зд̇ха б̣ахуу бхигкууд̇и д̇з имам̣ бхаг̇авад̇о ван̣н̣анам̣ суд̇ваа ‘‘имз гираанисам̣сз нзва суд̇д̇анд̇игаа на аабхид̇хаммигаа лабханд̇ий’’д̇и яат̇аабаригид̇д̇ид̇аанисам̣саад̇хиг̇амз уссаахаж̇аад̇аа б̣ахуу бхигкуу т̇зраа жа наваа жа маж̇жхимаа жа ааяасмад̇о убаалисса санд̇игз винаяам̣ барияаабун̣анд̇ийд̇и аяамзд̇т̇а ад̇т̇о. ид̇хаад̇и нибаад̇амад̇д̇амзва.
Tedha bahū bhikkhūti te imaṃ bhagavato vaṇṇanaṃ sutvā ‘‘ime kirānisaṃse neva suttantikā na ābhidhammikā labhantī’’ti yathāparikittitānisaṃsādhigame ussāhajātā bahū bhikkhū therā ca navā ca majjhimā ca āyasmato upālissa santike vinayaṃ pariyāpuṇantīti ayamettha attho. Idhāti nipātamattameva.
439-40. уд̣̇д̣̇иссамаанзд̇и аажариязна анд̇зваасигасса уд̣̇д̣̇иссамаанз, со бана яасмаа аажарияз ад̇д̇ано ружияаа уд̣̇д̣̇исанд̇з ваа аажарияам̣ яаажид̇ваа анд̇зваасигзна уд̣̇д̣̇исаабзнд̇з ваа яо нам̣ д̇хаарзд̇и, д̇асмим̣ саж̇жхааяам̣ гаронд̇з ваа уд̣̇д̣̇иссамаано наама ход̇и, д̇асмаа ‘‘уд̣̇д̣̇исанд̇з ваа уд̣̇д̣̇исаабзнд̇з ваа саж̇жхааяам̣ ваа гаронд̇з’’д̇и бад̣̇абхааж̇анам̣ вуд̇д̇ам̣. куд̣̇д̣̇аанукуд̣̇д̣̇агзхийд̇и куд̣̇д̣̇агзхи жа анукуд̣̇д̣̇агзхи жа. яаавад̣̇зваад̇и д̇зсам̣ сам̣вад̇д̇анамарияаад̣̇абарижчзд̣̇аважанам̣. ид̣̇ам̣ вуд̇д̇ам̣ ход̇и – зд̇аани хи яз уд̣̇д̣̇исанд̇и, уд̣̇д̣̇исаабзнд̇и саж̇жхааяанд̇и ваа, д̇зсам̣ д̇аава сам̣вад̇д̇анд̇и яаава ‘‘габбад̇и ну ко, на габбад̇и ну ко’’д̇и гуггужжасан̇каад̇о виббадисааро вихзсаа вижигижчаасан̇каад̇о мановилзко жа уббаж̇ж̇ад̇иязва. ат̇а ваа яаавад̣̇зваад̇и ад̇исаяававад̇т̇аабанам̣; д̇асса сам̣вад̇д̇анд̇ийд̇и иминаа самб̣анд̇хо, гуггужжааяа вихзсааяа вилзкааяа ад̇ивияа сам̣вад̇д̇анд̇иязваад̇и вуд̇д̇ам̣ ход̇и. убасамбаннасса винаяам̣ виван̣н̣зд̇ийд̇и убасамбаннасса санд̇игз д̇асса д̇асмим̣ вимад̇им̣ уббаад̣̇зд̇угаамо винаяам̣ виван̣н̣зд̇и нинд̣̇ад̇и г̇арахад̇и. сзсамзд̇т̇а уд̇д̇аанамзва.
439-40.Uddissamāneti ācariyena antevāsikassa uddissamāne, so pana yasmā ācariye attano ruciyā uddisante vā ācariyaṃ yācitvā antevāsikena uddisāpente vā yo naṃ dhāreti, tasmiṃ sajjhāyaṃ karonte vā uddissamāno nāma hoti, tasmā ‘‘uddisante vā uddisāpente vā sajjhāyaṃ vā karonte’’ti padabhājanaṃ vuttaṃ. Khuddānukhuddakehīti khuddakehi ca anukhuddakehi ca. Yāvadevāti tesaṃ saṃvattanamariyādaparicchedavacanaṃ. Idaṃ vuttaṃ hoti – etāni hi ye uddisanti, uddisāpenti sajjhāyanti vā, tesaṃ tāva saṃvattanti yāva ‘‘kappati nu kho, na kappati nu kho’’ti kukkuccasaṅkhāto vippaṭisāro vihesā vicikicchāsaṅkhāto manovilekho ca uppajjatiyeva. Atha vā yāvadevāti atisayavavatthāpanaṃ; tassa saṃvattantīti iminā sambandho, kukkuccāya vihesāya vilekhāya ativiya saṃvattantiyevāti vuttaṃ hoti. Upasampannassa vinayaṃ vivaṇṇetīti upasampannassa santike tassa tasmiṃ vimatiṃ uppādetukāmo vinayaṃ vivaṇṇeti nindati garahati. Sesamettha uttānameva.
д̇исамудтаанам̣ – гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
вилзканасигкаабад̣̇ам̣ д̣̇уд̇ияам̣.
Vilekhanasikkhāpadaṃ dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. сахад̇хаммигаваг̇г̇о • 8. Sahadhammikavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. вилзканасигкаабад̣̇аван̣н̣анаа • 2. Vilekhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. вилзканасигкаабад̣̇аван̣н̣анаа • 2. Vilekhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. вилзканасигкаабад̣̇аван̣н̣анаа • 2. Vilekhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. вилзканасигкаабад̣̇ам̣ • 2. Vilekhanasikkhāpadaṃ
