| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. вилзканасигкаабад̣̇аван̣н̣анаа
2. Vilekhanasikkhāpadavaṇṇanā
куд̣̇д̣̇агзхи жа анукуд̣̇д̣̇агзхи жаад̇и сан̇гхаад̣̇исзсаад̣̇ийхи куд̣̇д̣̇агзхи жзва т̇уллажжаяаад̣̇ийхи анукуд̣̇д̣̇агзхи жа. табзд̇ваа хи жад̇д̇аари баарааж̇игаани авасзсаани саб̣б̣аани сигкаабад̣̇аани барияааязна куд̣̇д̣̇агаани жзва хонд̇и анукуд̣̇д̣̇агаани жа. вуд̇д̇ан̃хзд̇ам̣ бан̃жасад̇игагканд̇хагз (жуул̣ава. 441) –
Khuddakehica anukhuddakehi cāti saṅghādisesādīhi khuddakehi ceva thullaccayādīhi anukhuddakehi ca. Ṭhapetvā hi cattāri pārājikāni avasesāni sabbāni sikkhāpadāni pariyāyena khuddakāni ceva honti anukhuddakāni ca. Vuttañhetaṃ pañcasatikakkhandhake (cūḷava. 441) –
‘‘гад̇амаани бана, бханд̇з, куд̣̇д̣̇аанукуд̣̇д̣̇агаани сигкаабад̣̇аанийд̇и? згажжз т̇зраа звамаахам̣су – ‘жад̇д̇аари баарааж̇игаани табзд̇ваа авасзсаани куд̣̇д̣̇аанукуд̣̇д̣̇агаани сигкаабад̣̇ааний’д̇и. згажжз т̇зраа звамаахам̣су – ‘жад̇д̇аари баарааж̇игаани табзд̇ваа д̇зраса сан̇гхаад̣̇исзсз табзд̇ваа авасзсаани куд̣̇д̣̇аанукуд̣̇д̣̇агаани сигкаабад̣̇ааний’д̇и. згажжз т̇зраа звамаахам̣су – ‘жад̇д̇аари баарааж̇игаани табзд̇ваа д̇зраса сан̇гхаад̣̇исзсз табзд̇ваа д̣̇вз анияад̇з табзд̇ваа авасзсаани куд̣̇д̣̇аанукуд̣̇д̣̇агаани сигкаабад̣̇ааний’д̇и. згажжз т̇зраа звамаахам̣су – ‘‘жад̇д̇аари баарааж̇игаани табзд̇ваа д̇зраса сан̇гхаад̣̇исзсз табзд̇ваа д̣̇вз анияад̇з табзд̇ваа д̇им̣са ниссаг̇г̇ияз баажид̇д̇ияз табзд̇ваа авасзсаани куд̣̇д̣̇аанукуд̣̇д̣̇агаани сигкаабад̣̇ааний’д̇и. згажжз т̇зраа звамаахам̣су – ‘жад̇д̇аари баарааж̇игаани табзд̇ваа д̇зраса сан̇гхаад̣̇исзсз табзд̇ваа д̣̇вз анияад̇з табзд̇ваа д̇им̣са ниссаг̇г̇ияз баажид̇д̇ияз табзд̇ваа д̣̇взнавуд̇ибаажид̇д̇ияз табзд̇ваа авасзсаани куд̣̇д̣̇аанукуд̣̇д̣̇агаани сигкаабад̣̇ааний’д̇и. згажжз т̇зраа звамаахам̣су ‘жад̇д̇аари баарааж̇игаани табзд̇ваа д̇зраса сан̇гхаад̣̇исзсз табзд̇ваа д̣̇вз анияад̇з табзд̇ваа д̇им̣са ниссаг̇г̇ияз баажид̇д̇ияз табзд̇ваа д̣̇взнавуд̇ибаажид̇д̇ияз табзд̇ваа жад̇д̇ааро баадид̣̇зсанийяз табзд̇ваа авасзсаани куд̣̇д̣̇аанукуд̣̇д̣̇агаани сигкаабад̣̇ааний’’’д̇и.
‘‘Katamāni pana, bhante, khuddānukhuddakāni sikkhāpadānīti? Ekacce therā evamāhaṃsu – ‘cattāri pārājikāni ṭhapetvā avasesāni khuddānukhuddakāni sikkhāpadānī’ti. Ekacce therā evamāhaṃsu – ‘cattāri pārājikāni ṭhapetvā terasa saṅghādisese ṭhapetvā avasesāni khuddānukhuddakāni sikkhāpadānī’ti. Ekacce therā evamāhaṃsu – ‘cattāri pārājikāni ṭhapetvā terasa saṅghādisese ṭhapetvā dve aniyate ṭhapetvā avasesāni khuddānukhuddakāni sikkhāpadānī’ti. Ekacce therā evamāhaṃsu – ‘‘cattāri pārājikāni ṭhapetvā terasa saṅghādisese ṭhapetvā dve aniyate ṭhapetvā tiṃsa nissaggiye pācittiye ṭhapetvā avasesāni khuddānukhuddakāni sikkhāpadānī’ti. Ekacce therā evamāhaṃsu – ‘cattāri pārājikāni ṭhapetvā terasa saṅghādisese ṭhapetvā dve aniyate ṭhapetvā tiṃsa nissaggiye pācittiye ṭhapetvā dvenavutipācittiye ṭhapetvā avasesāni khuddānukhuddakāni sikkhāpadānī’ti. Ekacce therā evamāhaṃsu ‘cattāri pārājikāni ṭhapetvā terasa saṅghādisese ṭhapetvā dve aniyate ṭhapetvā tiṃsa nissaggiye pācittiye ṭhapetvā dvenavutipācittiye ṭhapetvā cattāro pāṭidesanīye ṭhapetvā avasesāni khuddānukhuddakāni sikkhāpadānī’’’ti.
яам̣ бана нааг̇асзнад̇т̇зрзна милинд̣̇аран̃н̃аа будтзна вуд̇д̇ам̣ ‘‘д̣̇уггадам̣, махаарааж̇а, куд̣̇д̣̇агам̣ сигкаабад̣̇ам̣, д̣̇уб̣бхаасид̇ам̣ анукуд̣̇д̣̇ага’’нд̇и (ми. ба. 4.2.1), д̇ад̇т̇а анд̇имагодтаасамзва г̇ахзд̇ваа вуд̇д̇ам̣. д̇ам̣ ваад̣̇абат̇обажчзд̣̇анад̇т̇анд̇и д̣̇адтаб̣б̣ам̣.
Yaṃ pana nāgasenattherena milindaraññā puṭṭhena vuttaṃ ‘‘dukkaṭaṃ, mahārāja, khuddakaṃ sikkhāpadaṃ, dubbhāsitaṃ anukhuddaka’’nti (mi. pa. 4.2.1), tattha antimakoṭṭhāsameva gahetvā vuttaṃ. Taṃ vādapathopacchedanatthanti daṭṭhabbaṃ.
сам̣вад̇д̇анамарияаад̣̇абарижчзд̣̇аважананд̇и сам̣вад̇д̇анасса марияаад̣̇аа авад̇хи сам̣вад̇д̇анамарияаад̣̇аа, д̇ааяа нияамавасзна яо барижчзд̣̇о, д̇асса важанам̣ сам̣вад̇д̇анамарияаад̣̇абарижчзд̣̇аважанам̣. ид̣̇аани д̇ам̣ марияаад̣̇ам̣ виварид̇ваа д̣̇ассзд̇ум̣ ‘‘ид̣̇ам̣ вуд̇д̇ам̣ ход̇ий’’д̇иаад̣̇и вуд̇д̇ам̣. д̇ад̇т̇а уд̣̇д̣̇исанд̇ийд̇и аажарияаа ад̇д̇ано ружияаа уд̣̇д̣̇исанд̇и. уд̣̇д̣̇исаабзнд̇ийд̇и аажарияам̣ яаажид̇ваа анд̇зваасигаа уд̣̇д̣̇исаабзнд̇и. саж̇жхааяанд̇ийд̇и д̇хаарзнд̇и. гуггужжавиббадисаарод̇и гуггужжасан̇каад̇о виббадисааро. вихзсаавижигижчаамановилзкаад̇и вихзсаавижигижчаасан̇каад̇аа мановилзкаа. г̇арахан̣зд̇и нинд̣̇анз.
Saṃvattanamariyādaparicchedavacananti saṃvattanassa mariyādā avadhi saṃvattanamariyādā, tāya niyamavasena yo paricchedo, tassa vacanaṃ saṃvattanamariyādaparicchedavacanaṃ. Idāni taṃ mariyādaṃ vivaritvā dassetuṃ ‘‘idaṃ vuttaṃ hotī’’tiādi vuttaṃ. Tattha uddisantīti ācariyā attano ruciyā uddisanti. Uddisāpentīti ācariyaṃ yācitvā antevāsikā uddisāpenti. Sajjhāyantīti dhārenti. Kukkuccavippaṭisāroti kukkuccasaṅkhāto vippaṭisāro. Vihesāvicikicchāmanovilekhāti vihesāvicikicchāsaṅkhātā manovilekhā. Garahaṇeti nindane.
анубасамбаннасса виван̣н̣анзд̇и анубасамбаннасса санд̇игз нинд̣̇ад̇о д̇асса д̇асмим̣ вимад̇им̣ уббаад̣̇зд̇ум̣ винаяавиван̣н̣анз.
Anupasampannassa vivaṇṇaneti anupasampannassa santike nindato tassa tasmiṃ vimatiṃ uppādetuṃ vinayavivaṇṇane.
вилзканасигкаабад̣̇аван̣н̣анаа нидтид̇аа.
Vilekhanasikkhāpadavaṇṇanā niṭṭhitā.
