| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. вималагон̣д̣ан̃н̃ад̇т̇зраг̇аат̇ааван̣н̣анаа
4. Vimalakoṇḍaññattheragāthāvaṇṇanā
д̣̇умавхаяааяа уббаннод̇и вималагон̣д̣ан̃н̃ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о ид̇о зганавуд̇з габбз вибассисса бхаг̇авад̇о гаалз вибхавасамбаннз гулз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ вибассим̣ бхаг̇аванд̇ам̣ махад̇ияаа барисааяа баривуд̇ам̣ д̇хаммам̣ д̣̇зсзнд̇ам̣ д̣̇исваа басаннамаанасо жад̇уухи суван̣н̣абубпзхи бууж̇зси. бхаг̇аваа д̇асса басаад̣̇асам̣вад̣дханад̇т̇ам̣ д̇ат̇ааруубам̣ ид̣̇д̇хаабхисан̇каарам̣ абхисан̇каарзси, яат̇аа суван̣н̣аабхаа сагалам̣ д̇ам̣ бад̣̇зсам̣ од̇т̇арад̇и. д̇ам̣ д̣̇исваа бхияяосомад̇д̇ааяа басаннамаанасо худ̇ваа бхаг̇аванд̇ам̣ ванд̣̇ид̇ваа д̇ам̣ нимид̇д̇ам̣ г̇ахзд̇ваа ад̇д̇ано г̇зхам̣ г̇анд̇ваа б̣уд̣̇д̇хаарамман̣ам̣ бийд̇им̣ авиж̇аханд̇о гзнажи рог̇зна гаалам̣ гад̇ваа д̇усид̇зсу убабанно абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аанам̣ б̣имб̣исаарам̣ бадижжа амб̣абаалияаа гужчимхи бадисанд̇хим̣ г̇ан̣хи. рааж̇аа хи б̣имб̣исааро д̇арун̣агаалз амб̣абаалияаа руубасамбад̇д̇им̣ суд̇ваа сан̃ж̇аад̇аабхилаасо гад̇ибаяамануссабаривааро ан̃н̃аад̇агавзсзна взсаалим̣ г̇анд̇ваа згарад̇д̇им̣ д̇ааяа сам̣ваасам̣ габбзси. д̇ад̣̇аа аяам̣ д̇ассаа гужчимхи бадисанд̇хим̣ аг̇г̇ахзси. саа жа г̇аб̣бхасса бад̇идтид̇абхаавам̣ д̇асса аарожзси. рааж̇ааби ад̇д̇аанам̣ ж̇аанаабзд̇ваа д̣̇аад̇аб̣б̣аяуд̇д̇агам̣ д̣̇ад̇ваа баггаами. саа г̇аб̣бхасса барибаагаманвааяа буд̇д̇ам̣ виж̇ааяи, ‘‘вимало’’д̇исса наамам̣ ахоси, бажчаа вималагон̣д̣ан̃н̃од̇и бан̃н̃ааяид̇т̇а. со ваяаббад̇д̇о бхаг̇авад̇о взсаалиг̇аманз б̣уд̣̇д̇хаанубхаавам̣ д̣̇исваа басаннамаанасо баб̣б̣аж̇ид̇ваа гад̇абуб̣б̣агижжо вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.12.40-48) –
Dumavhayāya uppannoti vimalakoṇḍaññattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto ito ekanavute kappe vipassissa bhagavato kāle vibhavasampanne kule nibbattitvā viññutaṃ patto ekadivasaṃ vipassiṃ bhagavantaṃ mahatiyā parisāya parivutaṃ dhammaṃ desentaṃ disvā pasannamānaso catūhi suvaṇṇapupphehi pūjesi. Bhagavā tassa pasādasaṃvaḍḍhanatthaṃ tathārūpaṃ iddhābhisaṅkhāraṃ abhisaṅkhāresi, yathā suvaṇṇābhā sakalaṃ taṃ padesaṃ ottharati. Taṃ disvā bhiyyosomattāya pasannamānaso hutvā bhagavantaṃ vanditvā taṃ nimittaṃ gahetvā attano gehaṃ gantvā buddhārammaṇaṃ pītiṃ avijahanto kenaci rogena kālaṃ katvā tusitesu upapanno aparāparaṃ puññāni katvā devamanussesu saṃsaranto imasmiṃ buddhuppāde rājānaṃ bimbisāraṃ paṭicca ambapāliyā kucchimhi paṭisandhiṃ gaṇhi. Rājā hi bimbisāro taruṇakāle ambapāliyā rūpasampattiṃ sutvā sañjātābhilāso katipayamanussaparivāro aññātakavesena vesāliṃ gantvā ekarattiṃ tāya saṃvāsaṃ kappesi. Tadā ayaṃ tassā kucchimhi paṭisandhiṃ aggahesi. Sā ca gabbhassa patiṭṭhitabhāvaṃ tassa ārocesi. Rājāpi attānaṃ jānāpetvā dātabbayuttakaṃ datvā pakkāmi. Sā gabbhassa paripākamanvāya puttaṃ vijāyi, ‘‘vimalo’’tissa nāmaṃ ahosi, pacchā vimalakoṇḍaññoti paññāyittha. So vayappatto bhagavato vesāligamane buddhānubhāvaṃ disvā pasannamānaso pabbajitvā katapubbakicco vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.12.40-48) –
‘‘вибассий наама бхаг̇аваа, логаж̇здто нараасабхо;
‘‘Vipassī nāma bhagavā, lokajeṭṭho narāsabho;
нисинно ж̇анагааяасса, д̣̇зсзси амад̇ам̣ бад̣̇ам̣.
Nisinno janakāyassa, desesi amataṃ padaṃ.
‘‘д̇ассаахам̣ д̇хаммам̣ суд̇ваана, д̣̇вибад̣̇иннасса д̇аад̣̇ино;
‘‘Tassāhaṃ dhammaṃ sutvāna, dvipadinnassa tādino;
сон̣н̣абубпаани жад̇д̇аари, б̣уд̣̇д̇хасса абхиробаяим̣.
Soṇṇapupphāni cattāri, buddhassa abhiropayiṃ.
‘‘суван̣н̣ажчад̣̇анам̣ ааси, яаавад̇аа барисаа д̇ад̣̇аа;
‘‘Suvaṇṇacchadanaṃ āsi, yāvatā parisā tadā;
б̣уд̣̇д̇хаабхаа жа суван̣н̣аабхаа, аалого вибуло аху.
Buddhābhā ca suvaṇṇābhā, āloko vipulo ahu.
‘‘уд̣̇аг̇г̇ажид̇д̇о сумано, взд̣̇аж̇аад̇о гад̇ан̃ж̇алий;
‘‘Udaggacitto sumano, vedajāto katañjalī;
вид̇д̇исан̃ж̇анано д̇зсам̣, д̣̇идтад̇хаммасукаавахо.
Vittisañjanano tesaṃ, diṭṭhadhammasukhāvaho.
‘‘ааяаажид̇ваана самб̣уд̣̇д̇хам̣, ванд̣̇ид̇ваана жа суб̣б̣ад̇ам̣;
‘‘Āyācitvāna sambuddhaṃ, vanditvāna ca subbataṃ;
баамож̇ж̇ам̣ ж̇анаяид̇ваана, сагам̣ бхаванубааг̇амим̣.
Pāmojjaṃ janayitvāna, sakaṃ bhavanupāgamiṃ.
‘‘бхаванз убавидтохам̣, б̣уд̣̇д̇хасздтам̣ ануссарим̣;
‘‘Bhavane upaviṭṭhohaṃ, buddhaseṭṭhaṃ anussariṃ;
д̇зна жид̇д̇аббасаад̣̇зна, д̇усид̇ам̣ убабаж̇ж̇ахам̣.
Tena cittappasādena, tusitaṃ upapajjahaṃ.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘сол̣асаасим̣су рааж̇аано, нзмисаммад̇анаамагаа;
‘‘Soḷasāsiṃsu rājāno, nemisammatanāmakā;
д̇зд̇аалийсз ид̇о габбз, жаггавад̇д̇ий махаб̣б̣алаа.
Tetālīse ito kappe, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃аабад̣̇зсзна ан̃н̃ам̣ б̣яаагаронд̇о ‘‘д̣̇умавхаяааяаа’’д̇и г̇аат̇ам̣ абхааси.
Arahattaṃ pana patvā aññāpadesena aññaṃ byākaronto ‘‘dumavhayāyā’’ti gāthaṃ abhāsi.
64. д̇ад̇т̇а д̣̇умавхаяааяаад̇и д̣̇умзна амб̣зна авхаад̇аб̣б̣ааяа, амб̣абаалияаад̇и ад̇т̇о. аад̇хаарз жзд̇ам̣ бхуммаважанам̣. уббаннод̇и д̇ассаа гужчияам̣ уббанно уббаж̇ж̇амаано жа. ж̇аад̇о бан̣д̣арагзд̇унаад̇и д̇хавалавад̇т̇ад̇хаж̇ад̇д̇аа ‘‘бан̣д̣арагзд̇уу’’д̇и бан̃н̃аад̇зна б̣имб̣исаараран̃н̃аа хзд̇убхууд̇зна ж̇аад̇о, д̇ам̣ бадижжа ниб̣б̣ад̇д̇од̇и ад̇т̇о. уббаннод̇и ваа батамаабхиниб̣б̣ад̇д̇ид̣̇ассанам̣. д̇ад̇о хи ж̇аад̇од̇и абхиж̇аад̇ид̣̇ассанам̣. виж̇ааяанагаалад̇о бадтааяа хи логз ж̇аад̇авохааро. зд̇т̇а жа ‘‘д̣̇умавхаяааяа уббанно’’д̇и иминаа ад̇д̇уггам̣санабхаавам̣ абанзд̇и, анзгабад̇ибуд̇д̇аанамби висзсаад̇хиг̇амасамбхаван̃жа д̣̇ийбзд̇и. ‘‘ж̇аад̇о бан̣д̣арагзд̇унаа’’д̇и иминаа вин̃н̃аад̇абид̇игад̣̇ассанзна баравамбханам̣ абанзд̇и. гзд̇ухаад̇и маанаббахааяий. маано хи ун̣н̣ад̇илагкан̣ад̇д̇аа гзд̇у вияаад̇и гзд̇у. д̇ат̇аа хи со ‘‘гзд̇угамяад̇аабажжубадтаано’’д̇и вужжад̇и. гзд̇унааязваад̇и бан̃н̃ааяа зва. бан̃н̃аа хи анаваж̇ж̇ад̇хаммзсу ажжуг̇г̇ад̇адтзна маарасзнаббамад̣̇д̣̇анзна буб̣б̣ан̇г̇амадтзна жа арияаанам̣ д̇хаж̇аа наама. д̇знааха ‘‘д̇хаммо хи исинам̣ д̇хаж̇о’’д̇и (сам̣. ни. 2.241; а. ни. 4.48; ж̇аа. 2.21.494). махаагзд̇ум̣ бад̇хам̣саяийд̇и махаависаяад̇ааяа маханд̇аа, сзяяамаанаж̇аад̇имаанаад̣̇ибхзд̣̇ад̇о б̣ахаво жа маанаббагаараа, ид̇арз жа гилзсад̇хаммаа самуссид̇адтзна гзд̇у зд̇ассаад̇и махаагзд̇у мааро баабимаа. д̇ам̣ б̣алавид̇хаманависаяаад̇иггаманавасзна абхибхави ниб̣б̣исзванам̣ агаасийд̇и. ‘‘махаагзд̇ум̣ бад̇хам̣саяий’’д̇и ад̇д̇аанам̣ барам̣ вияа д̣̇ассзнд̇о ан̃н̃аабад̣̇зсзна арахад̇д̇ам̣ б̣яаагааси.
64. Tattha dumavhayāyāti dumena ambena avhātabbāya, ambapāliyāti attho. Ādhāre cetaṃ bhummavacanaṃ. Uppannoti tassā kucchiyaṃ uppanno uppajjamāno ca. Jāto paṇḍaraketunāti dhavalavatthadhajattā ‘‘paṇḍaraketū’’ti paññātena bimbisāraraññā hetubhūtena jāto, taṃ paṭicca nibbattoti attho. Uppannoti vā paṭhamābhinibbattidassanaṃ. Tato hi jātoti abhijātidassanaṃ. Vijāyanakālato paṭṭhāya hi loke jātavohāro. Ettha ca ‘‘dumavhayāya uppanno’’ti iminā attukkaṃsanabhāvaṃ apaneti, anekapatiputtānampi visesādhigamasambhavañca dīpeti. ‘‘Jāto paṇḍaraketunā’’ti iminā viññātapitikadassanena paravambhanaṃ apaneti. Ketuhāti mānappahāyī. Māno hi uṇṇatilakkhaṇattā ketu viyāti ketu. Tathā hi so ‘‘ketukamyatāpaccupaṭṭhāno’’ti vuccati. Ketunāyevāti paññāya eva. Paññā hi anavajjadhammesu accuggataṭṭhena mārasenappamaddanena pubbaṅgamaṭṭhena ca ariyānaṃ dhajā nāma. Tenāha ‘‘dhammo hi isinaṃ dhajo’’ti (saṃ. ni. 2.241; a. ni. 4.48; jā. 2.21.494). Mahāketuṃ padhaṃsayīti mahāvisayatāya mahantā, seyyamānajātimānādibhedato bahavo ca mānappakārā, itare ca kilesadhammā samussitaṭṭhena ketu etassāti mahāketu māro pāpimā. Taṃ balavidhamanavisayātikkamanavasena abhibhavi nibbisevanaṃ akāsīti. ‘‘Mahāketuṃ padhaṃsayī’’ti attānaṃ paraṃ viya dassento aññāpadesena arahattaṃ byākāsi.
вималагон̣д̣ан̃н̃ад̇т̇зраг̇аат̇ааван̣н̣анаа нидтид̇аа.
Vimalakoṇḍaññattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. вималагон̣д̣ан̃н̃ад̇т̇зраг̇аат̇аа • 4. Vimalakoṇḍaññattheragāthā
