| Library / Tipiṭaka / திபிடக • Tipiṭaka / தே²ரீகா³தா²-அட்ட²கதா² • Therīgāthā-aṭṭhakathā |
2. விமலாதே²ரீகா³தா²வண்ணனா
2. Vimalātherīgāthāvaṇṇanā
மத்தா வண்ணேன ரூபேனாதிஆதி³கா விமலாய தே²ரியா கா³தா². அயம்பி புரிமபு³த்³தே⁴ஸு கதாதி⁴காரா தத்த² தத்த² ப⁴வே விவட்டூபனிஸ்ஸயங் குஸலங் உபசினித்வா இமஸ்மிங் பு³த்³து⁴ப்பாதே³ வேஸாலியங் அஞ்ஞதராய ரூபூபஜீவினியா இத்தி²யா தீ⁴தா ஹுத்வா நிப்³ப³த்தி. விமலாதிஸ்ஸா நாமங் அஹோஸி. ஸா வயப்பத்தா ததே²வ ஜீவிகங் கப்பெந்தீ ஏகதி³வஸங் ஆயஸ்மந்தங் மஹாமொக்³க³ல்லானங் வேஸாலியங் பிண்டா³ய சரந்தங் தி³ஸ்வா படிப³த்³த⁴சித்தா ஹுத்வா தே²ரஸ்ஸ வஸனட்டா²னங் க³ந்த்வா தே²ரங் உத்³தி³ஸ்ஸ பலோப⁴னகம்மங் காதுங் ஆரபி⁴. ‘‘தித்தி²யேஹி உய்யோஜிதா ததா² அகாஸீ’’தி கேசி வத³ந்தி. தே²ரோ தஸ்ஸா அஸுப⁴விபா⁴வனமுகே²ன ஸந்தஜ்ஜனங் கத்வா ஓவாத³மதா³ஸி. தங் ஹெட்டா² தே²ரகா³தா²ய ஆக³தமேவ, ததா² பன தே²ரேன ஓவாதே³ தி³ன்னே ஸா ஸங்வேக³ஜாதா ஹிரொத்தப்பங் பச்சுபட்ட²பெத்வா ஸாஸனே படிலத்³த⁴ஸத்³தா⁴ உபாஸிகா ஹுத்வா அபரபா⁴கே³ பி⁴க்கு²னீஸு பப்³ப³ஜித்வா க⁴டெந்தீ வாயமந்தீ ஹேதுஸம்பன்னதாய ந சிரஸ்ஸேவ அரஹத்தங் பத்வா அத்தனோ படிபத்திங் பச்சவெக்கி²த்வா உதா³னவஸேன –
Mattā vaṇṇena rūpenātiādikā vimalāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde vesāliyaṃ aññatarāya rūpūpajīviniyā itthiyā dhītā hutvā nibbatti. Vimalātissā nāmaṃ ahosi. Sā vayappattā tatheva jīvikaṃ kappentī ekadivasaṃ āyasmantaṃ mahāmoggallānaṃ vesāliyaṃ piṇḍāya carantaṃ disvā paṭibaddhacittā hutvā therassa vasanaṭṭhānaṃ gantvā theraṃ uddissa palobhanakammaṃ kātuṃ ārabhi. ‘‘Titthiyehi uyyojitā tathā akāsī’’ti keci vadanti. Thero tassā asubhavibhāvanamukhena santajjanaṃ katvā ovādamadāsi. Taṃ heṭṭhā theragāthāya āgatameva, tathā pana therena ovāde dinne sā saṃvegajātā hirottappaṃ paccupaṭṭhapetvā sāsane paṭiladdhasaddhā upāsikā hutvā aparabhāge bhikkhunīsu pabbajitvā ghaṭentī vāyamantī hetusampannatāya na cirasseva arahattaṃ patvā attano paṭipattiṃ paccavekkhitvā udānavasena –
72.
72.
‘‘மத்தா வண்ணேன ரூபேன, ஸோப⁴க்³கே³ன யஸேன ச;
‘‘Mattā vaṇṇena rūpena, sobhaggena yasena ca;
யொப்³ப³னேன சுபத்த²த்³தா⁴, அஞ்ஞாஸமதிமஞ்ஞிஹங்.
Yobbanena cupatthaddhā, aññāsamatimaññihaṃ.
73.
73.
‘‘விபூ⁴ஸெத்வா இமங் காயங், ஸுசித்தங் பா³லலாபனங்;
‘‘Vibhūsetvā imaṃ kāyaṃ, sucittaṃ bālalāpanaṃ;
அட்டா²ஸிங் வேஸித்³வாரம்ஹி, லுத்³தோ³ பாஸமிவொட்³டி³ய.
Aṭṭhāsiṃ vesidvāramhi, luddo pāsamivoḍḍiya.
74.
74.
‘‘பிளந்த⁴னங் வித³ங்ஸெந்தீ, கு³ய்ஹங் பகாஸிகங் ப³ஹுங்;
‘‘Piḷandhanaṃ vidaṃsentī, guyhaṃ pakāsikaṃ bahuṃ;
அகாஸிங் விவித⁴ங் மாயங், உஜ்ஜ²க்³க⁴ந்தீ ப³ஹுங் ஜனங்.
Akāsiṃ vividhaṃ māyaṃ, ujjhagghantī bahuṃ janaṃ.
75.
75.
‘‘ஸாஜ்ஜ பிண்ட³ங் சரித்வான, முண்டா³ ஸங்கா⁴டிபாருதா;
‘‘Sājja piṇḍaṃ caritvāna, muṇḍā saṅghāṭipārutā;
நிஸின்னா ருக்க²மூலம்ஹி, அவிதக்கஸ்ஸ லாபி⁴னீ.
Nisinnā rukkhamūlamhi, avitakkassa lābhinī.
76.
76.
‘‘ஸப்³பே³ யோகா³ ஸமுச்சி²ன்னா, யே தி³ப்³பா³ யே ச மானுஸா;
‘‘Sabbe yogā samucchinnā, ye dibbā ye ca mānusā;
கே²பெத்வா ஆஸவே ஸப்³பே³, ஸீதிபூ⁴தாம்ஹி நிப்³பு³தா’’தி. –
Khepetvā āsave sabbe, sītibhūtāmhi nibbutā’’ti. –
இமா கா³தா² அபா⁴ஸி.
Imā gāthā abhāsi.
தத்த² மத்தா வண்ணேன ரூபேனாதி கு³ணவண்ணேன சேவ ரூபஸம்பத்தியா ச. ஸோப⁴க்³கே³னாதி ஸுப⁴க³பா⁴வேன. யஸேனாதி பரிவாரஸம்பத்தியா. மத்தா வண்ணமத³ரூபமத³ஸோப⁴க்³க³மத³பரிவாரமத³வஸேன மத³ங் ஆபன்னாதி அத்தோ². யொப்³ப³னேன சுபத்த²த்³தா⁴தி யொப்³ப³னமதே³ன உபரூபரி த²த்³தா⁴ யொப்³ப³னநிமித்தேன அஹங்காரேன உபத்த²த்³த⁴சித்தா அனுபஸந்தமானஸா. அஞ்ஞாஸமதிமஞ்ஞிஹந்தி அஞ்ஞா இத்தி²யோ அத்தனோ வண்ணாதி³கு³ணேஹி ஸப்³ப³தா²பி அதிக்கமித்வா மஞ்ஞிங் அஹங். அஞ்ஞாஸங் வா இத்தீ²னங் வண்ணாதி³கு³ணே அதிமஞ்ஞிங் அதிக்கமித்வா அமஞ்ஞிங் அவமானங் அகாஸிங்.
Tattha mattā vaṇṇena rūpenāti guṇavaṇṇena ceva rūpasampattiyā ca. Sobhaggenāti subhagabhāvena. Yasenāti parivārasampattiyā. Mattā vaṇṇamadarūpamadasobhaggamadaparivāramadavasena madaṃ āpannāti attho. Yobbanena cupatthaddhāti yobbanamadena uparūpari thaddhā yobbananimittena ahaṅkārena upatthaddhacittā anupasantamānasā. Aññāsamatimaññihanti aññā itthiyo attano vaṇṇādiguṇehi sabbathāpi atikkamitvā maññiṃ ahaṃ. Aññāsaṃ vā itthīnaṃ vaṇṇādiguṇe atimaññiṃ atikkamitvā amaññiṃ avamānaṃ akāsiṃ.
விபூ⁴ஸித்வா இமங் காயங், ஸுசித்தங் பா³லலாபனந்தி இமங் நானாவித⁴அஸுசிப⁴ரிதங் ஜேகு³ச்ச²ங் அஹங் மமாதி பா³லானங் லாபனதோ வாசனதோ பா³லலாபனங் மம காயங் ச²விராக³கரணகேஸட்ட²பனாதி³னா ஸுசித்தங் வத்தா²ப⁴ரணேஹி விபூ⁴ஸித்வா ஸுமண்டி³தபஸாதி³தங் கத்வா. அட்டா²ஸிங் வேஸித்³வாரம்ஹி, லுத்³தோ³ பாஸமிவொட்³டி³யாதி மிக³லுத்³தோ³ விய மிகா³னங் ப³ந்த⁴னத்தா²ய த³ண்ட³வாகுராதி³மிக³பாஸங், மாரஸ்ஸ பாஸபூ⁴தங் யதா²வுத்தங் மம காயங் வேஸித்³வாரம்ஹி வேஸியா க⁴ரத்³வாரே ஒட்³டி³யித்வா அட்டா²ஸிங்.
Vibhūsitvāimaṃ kāyaṃ, sucittaṃ bālalāpananti imaṃ nānāvidhaasucibharitaṃ jegucchaṃ ahaṃ mamāti bālānaṃ lāpanato vācanato bālalāpanaṃ mama kāyaṃ chavirāgakaraṇakesaṭṭhapanādinā sucittaṃ vatthābharaṇehi vibhūsitvā sumaṇḍitapasāditaṃ katvā. Aṭṭhāsiṃ vesidvāramhi, luddo pāsamivoḍḍiyāti migaluddo viya migānaṃ bandhanatthāya daṇḍavākurādimigapāsaṃ, mārassa pāsabhūtaṃ yathāvuttaṃ mama kāyaṃ vesidvāramhi vesiyā gharadvāre oḍḍiyitvā aṭṭhāsiṃ.
பிளந்த⁴னங் வித³ங்ஸெந்தீ, கு³ய்ஹங் பகாஸிகங் ப³ஹுந்தி ஊருஜக⁴னத²னத³ஸ்ஸனாதி³கங் கு³ய்ஹஞ்சேவ பாத³ஜாணுஸிராதி³கங் பகாஸஞ்சாதி கு³ய்ஹங் பகாஸிகஞ்ச ப³ஹுங் நானப்பகாரங் பிளந்த⁴னங் ஆப⁴ரணங் த³ஸ்ஸெந்தீ. அகாஸிங் விவித⁴ங் மாயங், உஜ்ஜ²க்³க⁴ந்தீ ப³ஹுங் ஜனந்தி யொப்³ப³னமத³மத்தங் ப³ஹுங் பா³லஜனங் விப்பலம்பே⁴துங் ஹஸந்தீ க³ந்த⁴மாலாவத்தா²ப⁴ரணாதீ³ஹி ஸரீரஸபா⁴வபடிச்சா²த³னேன ஹஸவிலாஸபா⁴வாதீ³ஹி தேஹி ச விவித⁴ங் நானப்பகாரங் வஞ்சனங் அகாஸிங்.
Piḷandhanaṃ vidaṃsentī, guyhaṃ pakāsikaṃ bahunti ūrujaghanathanadassanādikaṃ guyhañceva pādajāṇusirādikaṃ pakāsañcāti guyhaṃ pakāsikañca bahuṃ nānappakāraṃ piḷandhanaṃ ābharaṇaṃ dassentī. Akāsiṃ vividhaṃ māyaṃ, ujjhagghantī bahuṃjananti yobbanamadamattaṃ bahuṃ bālajanaṃ vippalambhetuṃ hasantī gandhamālāvatthābharaṇādīhi sarīrasabhāvapaṭicchādanena hasavilāsabhāvādīhi tehi ca vividhaṃ nānappakāraṃ vañcanaṃ akāsiṃ.
ஸாஜ்ஜ பிண்ட³ங் சரித்வான…பே॰… அவிதக்கஸ்ஸ லாபி⁴னீதி ஸா அஹங் ஏவங் பமாத³விஹாரினீ ஸமானா அஜ்ஜ இதா³னி அய்யஸ்ஸ மஹாமொக்³க³ல்லானத்தே²ரஸ்ஸ ஓவாதே³ ட²த்வா ஸாஸனே பப்³ப³ஜித்வா முண்டா³ ஸங்கா⁴டிபாருதா ஹுத்வா பிண்ட³ங் சரித்வான பி⁴க்கா²ஹாரங் பு⁴ஞ்ஜித்வா நிஸின்னா ருக்க²மூலம்ஹி ருக்க²மூலே விவித்தாஸனே நிஸின்னா து³தியஜ்ஜா²னபாத³கஸ்ஸ அக்³க³ப²லஸ்ஸ அதி⁴க³மேன அவிதக்கஸ்ஸ லாபி⁴னீ அம்ஹீதி யோஜனா.
Sājja piṇḍaṃ caritvāna…pe… avitakkassa lābhinīti sā ahaṃ evaṃ pamādavihārinī samānā ajja idāni ayyassa mahāmoggallānattherassa ovāde ṭhatvā sāsane pabbajitvā muṇḍā saṅghāṭipārutā hutvā piṇḍaṃ caritvāna bhikkhāhāraṃ bhuñjitvā nisinnā rukkhamūlamhi rukkhamūle vivittāsane nisinnā dutiyajjhānapādakassa aggaphalassa adhigamena avitakkassa lābhinī amhīti yojanā.
ஸப்³பே³ யோகா³தி காமயோகா³த³யோ சத்தாரோபி யோகா³. ஸமுச்சி²ன்னாதி பட²மமக்³கா³தி³னா யதா²ரஹங் ஸம்மதே³வ உச்சி²ன்னா பஹீனா. ஸேஸங் வுத்தனயமேவ.
Sabbe yogāti kāmayogādayo cattāropi yogā. Samucchinnāti paṭhamamaggādinā yathārahaṃ sammadeva ucchinnā pahīnā. Sesaṃ vuttanayameva.
விமலாதே²ரீகா³தா²வண்ணனா நிட்டி²தா.
Vimalātherīgāthāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / தே²ரீகா³தா²பாளி • Therīgāthāpāḷi / 2. விமலாதே²ரீகா³தா² • 2. Vimalātherīgāthā
